O gaseiro LNG 'Iberica Knutsen', que fai o 156 cargado con miles de toneladas de GNL/LNG para Reganosa, entrou esta madrugada na Ría de Ferrol - O Comité Cidadán de Emerxencia convoca unha nova acción de denuncia e protesta

CONCENTRACIÓN SONORA EN FERROL,
NA PRAZA AMADA GARCIA
DIANTE DO EDIFICIO ADMINISTRATIVO DA XUNTA DE GALICIA (NOVO HORARIO)

ÁS 7 DA TARDE, DO SÁBADO 19 DE OUTUBRO

O gaseiro LNG 'Iberica Knutsen', é un buque procedente de Port Said (Exipto), con bandeira de Noruega,  de grande porte, 277 m de eslora e 43.44 m de manga e cun calado 12.10 m. Cunha capacidade de 138.000 m³ de GNL. Son miles as toneladas de GNL/LNG, para a ilegal e perigosa Reganosa. Este enorme buque xa entrou esta madrugada na Ría de Ferrol, hoxe Sábado 19 de Outubro de 2013. Esta entrada, supon xa a 156, desde que o fixera o LNG "Galicia Spirit" en Maio de 2007.

Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol convoca unha acción de protesta e denuncia, consitente nunha Concentración Sonora, o mesmo Sábado ás 7 da Tarde (Novo horario despois de pasado o verán), en Ferrol, na praza Amada garcia, diante do edificio Administrativo da Xunta de Galicia.

Hai máis dun ano que se dictou a Sentenza polo Tribunal Supremo, onde a planta xa foi declarada ilegal, en sentenza inapelábel.

Tras a Sentenza do Tribunal Supremo, que declara ilegal a localización de Reganosa, temos que esixir o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas ?


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

17 de outubro de 2013 23:58

_______________