Amosando publicacións coa etiqueta Marea Ártabra. Amosar todas as publicacións
Amosando publicacións coa etiqueta Marea Ártabra. Amosar todas as publicacións

sábado, outubro 31, 2015

A Marea Ártabra diante da situación do sistema de saneamento e depuración en Ferrol


COMUNICADO  DE PRENSA DE MAREA ÁRTABRA SOBRE EMAFESA-URBASER


O colectivo cidadán MAREA ÁRTABRA de Ferrol quere expresar ante a opinión pública a súa opinión sobre a situación existente na formalmente  empresa pública EMAFESA;  os estatutos desa sociedade  na práctica dán o control da mesma á empresa privada que non ten a maioría de participación económica, o que é posible grazas a colaboración de anteriores equipos de goberno no Concello que aceptaron e aprobaron ese tipo de xestión que permite que os intereses cidadáns queden supeditados ao intereses estritamente económico da parte privada, o que significa:

Un encarecemento constante do servizo para a cidadanía, encarecemento que en parte ven explicado polo beneficio  que URBASER quere obter.

Unha, como mínimo, ausencia de vixiancia e información completa real á cidadanía sobre as condicións da auga que non só se utiliza para aseo senón para preparar alimentos e para beber.

Como vimos recentemente, incluso a anterior Alcaldía e Urbaser se permitiron  imputar a  cobro aos veciños/as unha taxa por uns servizos  de depuración que na práctica no se ofrecen. Sobre isto debemos insistir en que ademais tampouco coñecemos  se realmente a cuantía da nova taxa de depuración  responde ao coste real do servizo, tale como a Lei dispón, xá que durante o mandato de Rey Varela a cuantía desa taxa  varióu á baixa  en función non de estudos técnicos  veraces e públicos,  senón en función das explicacións que ao respeito  pediran o Concello de Narón –afectado pola taxa- e a veciñanza de Ferrol.

A maiores chamamos unha vez máis a atención sobre as condicións nas que queda o Concello de Ferrol no marco dos acordos asinados no seu día coa Administración Autonómica e a Estatal para a construción e sostemento da rede de saneamento da Ría, rede que ademais de cara  e obsoleta  non cumplirá a súa pretendida función de evitar máis contaminación: os/ as veciños/as asumimos unha  rede e unha depuradora con deficiencias, o pago dunha aportación económica nunha cuantía superior á que nos correspondería para unha obra e un servizo calificado de interese xeral, na que curiosamente non paga nada o estado e, –insistimos- sen que saibamos canto é o custe real de construcción desas obras e o do seu mantemento, especialmente no referido ao custe enerxético.

Por si fora pouco, as contas de EMAFESA tampouco están aprobadas polo Pleno.

Enlazado co anterior debemos decir que é lamentable  que Rey Varela, despois de amosar o pouco que velóu polos intereses dos/as cidadáns de Ferrol frente aos intereses de URBASER, aparezca agora nada máis e nada menos que como Conselleiro de Benestar…  O   PLAN HIDROLÓXICO aprobado pola Xunta estes días era unha boa ocasión para enmendar eses sobrecostes que se cargan sobre os pobos de Ferrol de comarca para a rexeneración da Ría, pero non é así.

Transcorrido un tempo prudencial para ver o comportamento de URBASER nesa nova fase política en Ferrol, todos podemos constatar que perseveran en bloquear toda intervención tendente á transparencia e a poñerse ao servizo dos requerimentos do Goberno municipal para velar polo  interés  público,  polo que ESIXIMOS A DIMISIÓN DO CONSELLO DE ADMINISTRACIÓN DE EMAFESA, sin prexuízo doutras responsabilidades  que poidan derivarse da auditoria e das dilixencias que están en marcha sobre a súa xestión.

Esiximos tamén  que EMAFESA cese de contratar persoal por medio de Empresas de Traballo Temporal no que entendemos que é un fraude laboral inadmisible nunha empresa “mixta”.

SOLICITAMOS  ao Alcalde e Comisión de Goberno municipal que convoque unha xuntanza de asociacións e colectivos veciñais e sociáis de Ferrol para informar do estado actual na xestión de EMAFESA, taxa de Saneamento etc… e para recibir e debatir propostas, dúbidas etc.. ao respeito, en cumplimento do obxetivo de lograr a maior participación cidadán posible, así como de potenciar a mobilización  para logar variar o comportamento e a contribución da Xunta e do Goberno  Estado en todo o referido á sostenimento e mellora da rede de saneamento da Ría de Ferrol,  reivindicación que tén asemade unha dimensión  comarcal na que hai que implicar nuha fronte de traballo unida e constante a tódolos demáis Concellos.

Mareaartabra.gal | #MareaArtabra | @mareaartabra | info@mareaartabra.gal | Facebook



Enviado por:
Espacio Lector Nobel Ferrol
-ferrol@libreriasnobel.es-
30 de outubro de 2015 20:42

_______________

sábado, xullo 04, 2015

Marea Ártabra ante a celebración do Referendo en Grecia


Marea Ártabra ante a celebración do Referendo en Grecia

Este domingo o pobo de Grecia está chamado a pronunciarse en referendo sobre cal debe ser a saída á situación que unha debida impagable, e unhas condicións de reformas austericidas impostas pola Troika, o levaron a situacións tan extremas, como que nestes momentos, o 60% da poboación vive en situación de pobreza ou pobreza extrema.

O modelo de unión económica e monetaria europeo, dirixido polos austericidas financeiros, e o triángulo mortal representado pola Comisión Europea, o Banco Europeo e o Fondo Monetario Internacional, van ter no referendo deste domingo un capítulo fundamental, ou ben para reforzarse co Si, ou ben para ser cuestionado e comezado a deconstruir co Non.

A Marea Ártabra entende que o goberno grego está demostrando que sen a participación da cidadanía nas decisións políticas, é imposible levar adiante cambios de rumbo que modelen sociedades máis xustas, democráticas e libres. A Marea Ártabra tamén é consciente que os referendos son unha ferramenta, mais non a única nin suficiente para articular o proceso que transforme as democracias europeas, de representativas a participativas.

A Troika intenta impoñer en toda a Unión Europea un modelo social, político e económico que manteña os privilexios da minoría a costa dos dereitos e necesidades da maioría. Un modelo que está perfectamente desenvolvido no chamado TTIP, que estes meses está tratando de saír adiante con total opacidade e mesmo paralizando votacións no Parlamento Europeo.

A Marea Ártabra, consecuentemente co anterior analizado, vai participar o próximo sábado na concentración de solidariedade co pobo grego, en apoio ao Non, #OXI, no referendo do próximo domingo. Concentración que vai ter lugar na Praza do Concello desde as 12 do mediodía.

Coordenadora Aberta da Marea Ártabra

Mareaartabra.gal | #MareaArtabra | @mareaartabra | info@mareaartabra.gal | Facebook

Teléfono: 633 352 131

Enviado por:
MAREA ÁRTABRA
-mareaartabra@gmail.com-
3 de julho de 2015 23:51

___________ ___________

xoves, xuño 11, 2015

A Marea Ártabra ante a case segura investidura de Jorge Suárez como alcalde, saúda este feito como algo positivo para a cidadanía de Ferrol


COMUNICADO de MAREA ÁRTABRA
ante a case segura investidura de Jorge Suárez como alcalde da Cidade
.

A Marea Ártabra ante a case segura investidura de Jorge Suárez como alcalde, saúda este feito como algo positivo para a cidadanía de Ferrol, dado que, en principio, abre as portas a poñer en práctica unha parte importante do programa co que a Marea Ártabra concorreu ás eleccións, e que nun primer momento foi tamén compartido, en moitos aspectos, por outras candidaturas que si obtiveron representación.

A Marea Ártabra asistirá á sesión de constitución da nova corporación que terá lugar este sábado.

Para recibir información directa sobre o contido do programa de goberno e a vontade de levalo á practica, Marea Ártabra solicitará unha xuntanza co novo alcalde, poñéndonos á súa disposición para aclarar calquera dúbida a respecto da nosa actuación ao longo da lexislatura que agora comeza.

Ferrol, 11 de xuño de 2015

Grupo de Comunicación da Marea Ártabra

Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asembleario para acadar unha maioría social ferrolá, unha candidatura de unidade popular para as eleccións municipais.

Teléfono: 633 352 131

Enviado por:
MAREA ÁRTABRA
-mareaartabra@gmail.com-
11 de junho de 2015 10:24

___________

luns, xuño 08, 2015

Conclusións da Asemblea Aberta da Marea Ártabra do Sábado 6 de Xuño no Ateneo Ferrolán


A Marea Ártabra reunida en Asemblea Aberta no Ateneo Ferrolán, chegou ás seguintes conclusións que quere facer públicas:
  • Tomar a decisión de continuar a actividade socio-Política.
  • Que a apertura nesta cidade dun novo tempo político, viviuna como un éxito compartido, e polo tanto ve cumprido un dos seus obxectivos, aínda que os resultados non lle permitiran acadar representación no concello.
  • Vai elaborar un calendario para tomar as decisións que lle permitan, neste novo escenario político, ser unha ferramenta útil para colaborar na transformación da cidade.
A Marea Ártabra celebrará unha nova Coordinadora Aberta desta nova etapa para o mércores 10 de xuño ás 19:00 horas no Ateneo Ferrolán.

Grupo de Comunicación da Marea Ártabra

Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asembleario para acadar unha maioría social ferrolá, unha candidatura de unidade popular para as eleccións municipais.

Teléfono: 633 352 131

Enviado por:
MAREA ÁRTABRA
-mareaartabra@gmail.com-
6 de junho de 2015 23:21

____________

xoves, maio 28, 2015

Marea Ártabra decide o seu futuro nunha Asamblea Aberta no Ateneo Ferrolán o sabado 6 de Xuño


## COMUNICADO DA MAREA ÁRTABRA ##

Dende Marea Ártabra, queremos agradecer a todas e cada unha das 1.631 veciñas e veciños de Ferrol que co seu voto deron a confianza a un programa cargado de futuro para a nosa cidade e pensado coa finalidade de iniciar unha senda que afonde na democracia e fixe poboación mediante unha economía social e respectuosa co medio.

Tan só doce votos nos afastaron de ter representación no concello.

Ese respaldo da veciñanza, anímanos a dar continuidade ao noso proxecto para iso convocamos unha Asemblea Aberta que se celebrará no Ateneo Ferrolán o vindeiro Sábado 6 de xuño ás 16:30 horas coa seguinte orde do día:
1.- Valoración do traballo realizado ata agora.
2.- Propostas de futuro para Marea Ártabra.
______________________________

Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asembleario para acadar unha maioría social ferrolá, unha candidatura de unidade popular para as eleccións municipais.

Enviado por:
MAREA ÁRTABRA
-mareaartabra@gmail.com-
28 de maio de 2015 11:33

_____________________

martes, abril 28, 2015

Marea Ártabra organiza para o próximo mércores 29 de abril, ás 19hs no Ateneo Ferrolán unha charla coloquio sobre "Municipalismo e enerxía"


Marea Ártabra organiza unha charla sobre "Municipalismo e Enerxía" no Ateneo Ferrolán o mércores 29 de Abril


Marea Ártabra organiza para o próximo mércores 29 de abril, ás 19hs no Ateneo Ferrolán unha charla coloquio sobre "Municipalismo e enerxía".

Participarán:
Manuel Ángel Rodríguez Carballeira - Coordinador do Comité Cidadá de Emerxencia para a Ría de Ferrol.
Xoán Ramón Doldán García - Prof. de Economía Aplicada e coautor da "Guía para o descenso enerxético".

---

A Marea Ártabra chega a Ferrol

Ábrese unha nova era na maneira de entender a política, o cambio chegou e novos procesos de participación cidadá estanse a dar en todos os lugares do planeta.

En Ferrol, entrado pola nosa ría, chega unha marea, un proceso cidadá para a construcción nunha nova forma de facer politica, un espazo construido desde a confluencia mais aló de siglas de partidos politicos e nomes propios.

Nace pois, unha iniciativa veciñal liberada das vellas politicas e baseada no protagonismo da xente.

A Marea Ártabra chega a Ferrol, na procura nunha novo xeito de organizar a vida da veciñanza de Ferrol, para organizar dunha maneira transparente, honesta e participativa a vida desta cidade.

É o comezo dun ciclo de participación cidadá, dun proceso para sumar, dun proceso gañador que non se conforma con gobernar, senon que nace para ilusionar a maioria social, para construirmos entre todas e todos unha cidade para o 99% da veciñanza.



Enviado por:
MAREA ÁRTABRA
-mareaartabra@gmail.com-
28 de abril de 2015 16:33

_____________

sábado, abril 25, 2015

Marea Ártabra reuniuse coa directiva da Delegación en Ferrol do Colexio de Arquitectos de Galicia, co fin de coñecer de primeira man as impresións dos profesionais da arquitectura na cidade e intercambiar ideas e análises


Representantes de Marea Ártabra reuníronse o pasado martes coa directiva da Delegación en Ferrol do Colexio de Arquitectos de Galicia, co fin de coñecer de primeira man as impresións dos profesionais da arquitectura na cidade. Por parte do COAG, participou o seu presidente, Ramón Montero, acompañado por José Romero, secretario. Os candidatos de Marea Ártabra Begoña Hermida, Miguel Ángel Fernández, Lupe Ces e Ismael González participaron no encontro que ofreceu una panorámica global da cidade de Ferrol, no amplo sentido do urbanismo e a habitabilidade da cidade.

Recimil unha oportunidade

O encontro comezou por un tema de fondo calado de debate social: o barrio de Recimil. Dende o COAG son partidarios de continuar co modelo de aluguer público, sempre desde a administración local, que é a máis inmediata ao cidadán. É evidente que o barrio necesita un proceso de rehabilitación, que sería desexable fose planificado por partes (bloque a bloque, por exemplo), e que non se limite a una limpeza de fachada. Dous son os aspecto básicos sobre os que pivotar este proceso: a cualificación enerxética máis alta posible, e a accesibilidade das vivendas. É evidente que este proceso de rehabilitación debe ser acompañado por una actualización de rendas, sempre considerando o seu carácter de vivenda social. Acompañando este proceso de rehabilitación, sería positivo incluír elementos que diversifiquen as tipoloxías de habitantes. Neste sentido, e dada a súa proximidade, una boa opción sería a planificación de espazos de residencia para universitarios.

A rehabilitación da Madalena

Outro punto quente que se debate na cidade e que está na axenda tanto de Marea Ártabra como do COAG e o Plan de Rehabilitación do barrio da Madalena (Documento en pdf 120 páx.). Desde o COAG non consideran esta ferramenta como un mal plan, si acaso como un pouco enfarragoso. O problema do Plan é que foi implantado en 2007, a punto de comezar a crise, que levou acompañada una baixada de axudas por parte da Xunta de Galicia. Isto é o que está a frear a rehabilitación do barrio da Madalena. Mentres outras cidades de Galicia si tiveron axudas importantes por parte da Xunta, Ferrol está a sufrir os recortes por ter chegado tarde ao proceso de transformación urbana que se viviu en Galicia.

As conexións entre barrios

Aos respecto do constrinximento dos barrios, como pode ser Caranza, encaixada sobre a avenida das Pías, faise una reflexión máis global, que nos indica que moitos dos barrios de Ferrol carecen da permeabilidade necesaria. É un punto principal de actuación para o Concello. Santa Mariña e San Xoán viven pegados, pero a súas conexións son mínimas. A este respecto, o Ministerio de Fomento ven de aprobar una actuación parcial na avenida d'As Pías, precisamente para intentar permeabilizar o espazo entre os barrios de Ultramar e Esteiro. Esta actuación é valorada moi positivamente, porque ven acompañada cunha cesión da titularidade da vía ao Concello de Ferrol. Deste modo, no futuro poderíase actuar sobre ela, sen as complicacións que carrexa ter que instar ao ministerio a efectuar as medidas oportunas.

Soterramento das liñas de alta tensión

Como demanda veciñal histórica do barrio de Santa Mariña e Caranza cabe destacar a obrigatoriedade do soterramento de liñas de alta tensión, que nunca foi satisfeito pese a ser incluso aprobado no pleno do concello en 2009. Esta demanda histórica entronca coa rehabilitación dos espazos dedicados aos mercados en Ferrol, todos nunhas condicións mellorables, pero especialmente lamentables no caso do Mercado de Caranza, que esixe unha actuación urxente de forma inmediata.

As murallas que non deixan ver o mar

Tamén foi interesante o debate sobre a muralla que rodea ao Arsenal Militar, que por unha parte está catalogada como patrimonio histórico, e por outra actúa como barreira física e psicolóxica para pechar a cidade ao mar. Nese sentido non hai que caer en ambigüidades nin en limitacións de perspectiva, xa que se analizamos todo o litoral da cidade, desde A Malata até Caranza, nestes momentos amósase inaccesíbel á cidadanía, agás Curuxeiras. Se comentou que sería interesante deixar que se puidera entrar nos espazos abertos do Arsenal e de Navantia, deixando o que son as instalacións con vixilancia para gardar a seguridade dos edificios. Ramón Montero manifestou a súa postura de non eliminar a muralla, mais si rebaixala en altura e intentar permeabilizar o espazo de Arsenal co obxectivo de que a cidadanía poida gozar dos espazos interiores accesibles. O mesmo caso para as instalacións de Navantia. Sen embargo, o espazo portuario que vai dende A Malata ao porto, ese si debe ser obxecto de recuperación para a cidadanía, posto que foi un dos argumentos para a construción do Porto Exterior.

Renovación da idea de cidade

O decrecemento demográfico da cidade é unha cuestión que preocupa moito ao colectivo de arquitectos. A análise que se fai é que basicamente a poboación que perde Ferrol móvese a Narón na busca de vivenda accesible, nova e sen trabas. Isto incide directamente na idea de que Ferrol ten un parque de vivendas antigo e sen a renovación que esixen os novos usuarios urbanos. Baixo esta premisa se lanza una cuestión nada banal: a renovación da idea de cidade. Desde a perspectiva do urbanismo é imprescindible poñerse prazos amplos e por medio da participación cidadá, promover un Plan Estratéxico (por riba do Plan Xeral de Urbanismo). Dito Plan Estratéxico, partiría dun diagnóstico da situación da cidade para planear que cidade queremos para os próximos 15-20 anos. É necesario que este proxecto se aborde desde múltiples perspectivas e non caiamos nos perigos de non dar cabida ao rural, por exemplo,  ou de promover valores alleos a Ferrol, aínda que moitas ferrolás e ferroláns non estean educados suficientemente nos valores propios da nos cidade.

Unha praza con fonte e arborado

Para rematar a reunión se abordou un tema interesante: a posibilidade de que a Praza de Armas volva a ser una praza limitada ao uso cidadán, eliminando o aparcadoiro actual e instalando arborado e fonte, como no seu día tivo, formulando incluso a posibilidade do traslado do Concello de Ferrol a outra ubicación.

Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:

Rúa Rochel, nº5 e Magdalena nº14.
Teléfono: 633 352 131

Enviado por:
Inácio Caranza
-inaciogz@gmail.com-
25 de abril de 2015 22:56
_____________

mércores, abril 22, 2015

A Marea Ártabra organiza estos días dous actos sobre asuntos de actualidade que afecta ás condicións de vida da veciñanza: un sobre o Sector Naval e outro sobre as consecuencias da privatización do Rexistro Civil



A Marea Ártabra organiza estos días dous actos sobre asuntos de actualidade que afecta ás condicións de vida da veciñanza. Unha sobre o unha charla coloquio sobre a situación do sector naval en Ferrol e a outra sobre as consecuencias da privatización do Rexistro Civil.

Mércores 22 de Abril, o sector naval a Debate.
Marea Ártabra organiza unha charla coloquio sobre a situación do sector naval en Ferrol, coa participación de Rafael Pillado, Moncho Yañez e Fernando Ramos. Dita charla tera lugar o próximo mércores 22 ás 20 horas no local electoral de Marea Ártabra sito na Rúa Rochel 14 con entrada tamén pola Rúa Magdalena 5

Xoves 23 de Abril, as consecuencias da privatización do Rexistro Civil.
Marea Ártabra organiza pora o vindeiro Xoves 23 ás 19 horas na Galeria Sargadelos unha charla coloquio a cargo de Pablo Valeiras Ríos, portavoz de Alternativas na Xustiza sobre as consecuencias da privatización do Rexistro Civil.

Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:

Rúa Rochel, nº5 e Magdalena nº14.
Teléfono: 633 352 131

Enviado por:
Marea Ártabra
-mareaartabra@gmail.com-
20 de abril de 2015 22:46
21 de abril de 2015 13:20

_____________

sábado, abril 18, 2015

A Marea Ártabra convoca este sábado, 18 de Abril, ás seis da tarde o seu primeiro acto público no barrio de Caranza - A Marea Ártabra contra o TTIP, vai participar ás 12:30 no acto unitario da Praza de Armas de Ferrol


A Marea Ártabra convoca este sábado, 18 de Abril, ás seis da tarde o seu primeiro acto público no barrio de Caranza. No local social do Galicia de Caranza. Trátase dunha Asemblea Aberta onde se van explicar as liñas básicas deste movemento cidadá e presentar as persoas que conforman a súa candidatura para as próximas eleccións municipais. O debate aberto a continuación abordará cales deben ser as liñas prioritarias de actuación da Marea Ártabra no barrio.


A  MAREA  ÁRTABRA  APOIA  A  MOBILIZACIÓN  INTERNACIONAL  CONTRA  O TTIP


Desde a Marea Ártabra queremos convidar a todos e todas as nosas veciñas, a mobilizarse o próximo 18 de abril en contra do Tratado de Libre Comercio da UE con EE.UU.
Este tratado contradí todos os valores e principios nos que se basea a Marea Ártabra para construír a súa alternativa municipal.

Na Marea Ártabra queremos transparencia e democracia participativa. O TTIP estase negociando con total escurantismo. A cidadanía non ten aceso aos documentos, e non vai ser consultada, vía referendo, por exemplo, para a súa aprobación.

Na Marea Ártabra consideramos que a defensa dos servizos públicos, e a remunicipalización dos servizos agora privatizados (auga, recollida de lixo, dependencia, apoio familiar, menores...) é fundamental para poder exercer dereitos fundamentais, asegurar a igualdade no seu aceso e optimizar recursos. O TTIP vai significar a privatización dos servizos públicos para seguir converténdoos en niño de negocio das grandes empresas.

Na Marea Ártabra entendemos que o dereito á saúde de todas e todos, debe ser un eixe vertebrador das políticas municipais. O TTIP vai representar a quebra constante dese dereito, non só pola privatización da sanidade, senón pola desregularización do comercio de produtos tranxénicos, a legalización de sustancias non autorizadas ata agora para uso alimentario, o levantamento da cláusula de prevención, e a distribución e control de fármacos.
Na Marea Ártabra queremos recuperar o concello para as veciñas e veciños, para que exerzamos nel a soberanía, con responsabilidades e dereitos. O TTIP vai colocar ás multinacionais por riba da soberanía dos estados, de maneira que calquera conflito entre unha destas grandes empresas e os gobernos europeos, vaise resolver ante entidades de mediación privadas. As normativas laborais, o salario mínimo, a normativa sobre produtos financeiros... vanse adaptar á baixa, collendo de Europa ou de EE.UU., aquelas normativas que máis favorezan aos intereses das grandes empresas.

A cidadanía de Ferrol ten que tomar conciencia urxentemente, da necesidade de participación e de resposta colectiva e organizada, para enfrontar todos estes plans que desde os poderes económicos, collidos da man do poder político, están intentando impoñernos.

Marea Ártabra estará o sábado 18 de abril mobilizándose na praza do concello de Ferrol, ás 12:30hs, na concentración convocada pola Plataforma Ferrolá contra o TTIP, para unirse ao clamor europeo contra esta ameaza.


Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:

Rúa Rochel, nº5 e Magdalena nº14.
Teléfono: 633 352 131

Enviado por:
Inácio GZ
-inaciogz@gmail.com-
17 de abril de 2015 22:45
_____________

martes, abril 14, 2015

A Marea Ártabra facendo camiño, construíndo o poder popular

Perante estes últimos días a @MareaArtabra desenvolveu intensa actividade, para o grupo innovador que aspira a ser Marea, convertir-se en movemento socio-político e entrar con forza na institución municipal nas vindeiras eleccións locais do 24 de Maio.


No @ateneoferrolan falando da sua problematica e do programa cultural de @MareaArtabra | 09.04.2015

O venres pasado, 9 de abril, un nutrido grupo de compañeiras e compañeiros da #MareaArtabra reuniron-se no Ateneo Ferrolán con parte da Xunta Directiva da entidade cultural. Para escoitar en viva voz os problemas que afronta a entidade con respecto ao conflito que trae co goberno municipal do Partido Popular, centrado no usufruto do local social e o patrimonio da entidade, pechado en catro contedores, porque o goberno de José Manuel Rey Varela, non se quere facer cargo da recuperación do mesmo, unha vez que remataran as obras de rehabilitación do edificio da entidade. A @MareaArtabra, antes de ter lugar a referida xuntanza, emitiu un comunicado público fixando a súa posición.


A #MareaArtabra amosa o seu apoio aos traballadores das contratas de Movistar/Telefónica. | 10.04.2015

Na tarde do 10 de abril, membros da @MareaArtabra escoitaron a problemática das traballadoras e traballadores das empresas contratas, subcontratas, e autonom@s que pretan servizo aos clientes de Movistar/Telefónica, logo amosarón o seu apoio e solidariedade. Compromentendo-se a incidir en difundir a loita e facer propias as súas xustas reivindicacións.


Pola mañá do sábado, no feirón do Inferniño repartindo volantinas da @MareaArtabra | 11.04.2015

Un grupo de compañeiras e compañeiros da @MareaArtabra estiverom polo Feiron do Inferniño, na praza que lle puxeron o nome de "Porta Nova", deslocalizando este nome que pertence orixinariamente ao que corresponde ao lugar que agora leva o nome de Praza de España. Vamos que pola mañá no feirón do Inferniño repartindo volantinas da @MareaArtabra.


As 6 da tarde do mesmo sábado, tiña lugar unha importante charla-debate co titulo 'Que pasa coa Ría de Ferrol?', onde participaron a artista e activista Meli Criado e o activista social, ecoloxista e biólogo Joam Ferreiro. O acto desenvolveu-se no local da @MareaArtabra. | 11.04.2015

Falamos do estado da Ría (algúns tweets do acto).

A quenda de @melicriado.
"estam fazendo barbaridades co nosso territorio" ... "estam destrozando todo e nom hai nada que nos beneficie colectivamente" ... "a terminal de contenedores é impossível tecnicamente no porto exterior" ... "ninguém para isto porque os fondos europeios som cuantiosos" ... "nem o carbom, nem os contenedores, nem o papel e a madeira de Perez Torres, justifica a destruçom do territorio" ...

A quenda agora do biólogo da Confraria de Barallobre, Joam Ferreiro.
"o sistema de saneamento que se está construindo nom vai conseguir um saneamento integral" ... "o sistema de saneamento só vai conseguir parar as sancions da UE, pero nom sanear a ria" ... "Navantia, Forestal do Atlantico e Reganosa som outros actores do dano medioambiental da nossa ria" ... "somos a ria mais contaminada de Galiza" ... "o 95% das augas catalogadas como zonaC de todo o estado estam na Galiza" ... "as bateas de depuraçom do marisco das zonas C som umha irresponsabilidade" ... "estamo—nos cargando a ria, origem e razom de ser desta comarca" ... "entre os verquidos e os recheios estam acabando coa ria, hoje é possivel cruza—la a pé na altura das Pias" ... "os recheios de Megasa, ou os de Reganosa desfigerom os bancos marisqueiros mais ricos" ... "a ria de Ferrol tem tanta capacidade que nom fai falha sementar o marisco" ... "ainda coas agressons medioambientais a Ria de Ferrol segue a ter um alto indice de produtividade marisqueira" ... "Antigamente os barcos chegaban a Neda hacia a fabrica de velas. Hoxe en día cruzase a ria do O couto a Neda a pe".

Nos proximos días o debate completo sobre a Ría en Vídeo no @CanleTVdaMareaArtabra.


Falase na @MareaArtabra para últimar a lista electoral para presentar-se ás eleccións locais do 24M. | 12.04.2015

O domingo, 12 de abril, pola mañá tiña lugar a Asemblea Xeral Extraordinaria para últimar a lista electoral, no local da #MareaÁrtabra, na Rúa Rochel nº14 e rúa Madalena, Nº 5. Elaborau-se a lista electoral para as municipais de Ferrol e se debatoiu sobre os postos a partires do 13, pois os trece primeiros xa foran resoltos cunhas primarias en Marzo. Así foi como a @MareaArtabra consigueu a súa candidatura. Rematou a Asemblea cunha presentación pública de cada unha das persoas que naquel momento estaban presentes na sala. quen era cada quen, a que se dedicaba, cal era o seu compromiso e o porque estaba construíndo  #MareaÁrtabra.

Última xuntanza da Coordinadora da @MareaArtabra, preparando as municipais, construíndo futuro. | 13.04.2015

Este Luns, 13 de Abril, tiña lugar a Coordinadora da #MareaArtabra. Cuestións previas sobre comunicación, precederon á elaboración do orzamento para as eleccións municipais. Un austero orzamento que se pretende financiar con contribucións pequenas das persoas achegadas e un abondoso lote de voluntariado disposto a deixar-se a pel, na construción do proxecto de unidade popular. Continuou a xuntanza da @MareaArtabra coa positiva valoración da pasada Asemblea Xeral Extraordinaria e rematando coa morea de actos e actividades previstas para os vindeiros días.

Mareaartabra.gal
| #MareaArtabra | @mareaartabra | info@mareaartabra.gal | Facebook


A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:

Rúa Rochel, nº5 e Magdalena nº14.
Teléfono: 633 352 131


Enviado por:
Inácio GZ
-inaciogz@gmail.com-
13 de abril de 2015 23:45
_____________

venres, abril 10, 2015

Charla Debate organizado pola Marea Ártabra: Que está a ocurrir na Ría de Ferrol?, con Meli Criado e Joam Luís Ferreiro, o Sábado 11 de Abril ás 6 da tarde e o Domingo 12 Asemblea Extraordinaria para aprobar a lista definitiva ás eleccións locais do 24M


Charla Debate organizado pola marea Ártabra


Que está a ocurrir na Ría de Ferrol?

O Sábado 11 de abril, ás 6 da tarde, Charla-Debate no Local electoral de Marea Ártabra, na Rúa Rochel, nº5 e Magdalena nº14.

Intervirán:
  • Meli Criado, activista en prol dun modelo económico máis sustentable para a Ría de Ferrol.
  • Joam Luís Ferreiro, biólogo da Confraría de Pescadores de Barallobre.
---
Asemblea Xeral Extraordinaria

O Domingo 12 de Abril, ás 11:30hs, Asemblea Extraordinaria para aprobar a lista definitiva ás eleccións municipais do 24.

Hai que levar fotocopia do DNI e asinar a aceptación da candidatura.

Mareaartabra.gal
| #MareaArtabra | @mareaartabra | info@mareaartabra.gal | Facebook


A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.



Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:

Rúa Rochel, nº5 e Magdalena nº14.
Teléfono: 633 352 131

Enviado por:
MAREA ÁRTABRA
-mareaartabra@gmail.com-
8 de abril de 2015 20:02
__________

xoves, abril 09, 2015

Marea Ártabra ante a celebración do 8 de abril, Dia Internacional do Pobo Xitano


Marea Ártabra ante a celebración do 8 de abril, Dia Internacional do Pobo Xitano

A Marea Ártabra quere felicitar ao pobo xitano ante a celebración do seu Dia Internacional, que conmemora o 1º Congreso Internacional celebrado en Londres no ano 1971.

Este día, a comunidade xitana, os nosos veciños e veciñas, celebran a cerimonia do río, para lembrar os seus valores de liberdade, fraternidade e solidariedade, e lembrar tamén ás mais de 500.000 xitanas e xitanos, que morreron nos campos de exterminio nazi.

A Marea Ártabra quere mostrar a súa solidariedade con esta comunidade que celebra esta festa fortemente golpeada pola crise. Unha crise que ven a poñer máis obstáculos a unha situación fortemente marcada polo racismo e a discriminación.

No noso concello, cun desemprego do 27%, a comunidade xitana, vinculada maioritariamente á venda ambulante desenvolvida ao redor dos mercadiños, que nos últimos anos permitiulles mellorar as súas condicións de vida e laborais, mesmo acceder a unha hipoteca ou a empréstamos, ve agora moi mermados os seus ingresos, o que está a provocar que sufran os chamados desafiuzamentos silenciosos, coberturas legais ou mesmo non poder facer fronte a gastos básicos para poder desenvolver a súa actividade, o seu medio de vida.

A comunidade xitana segue a sufrir discriminación e racismo, que padecen sobre todo ao intentar acceder a un alugueiro, ou a un posto de traballo. Os recortes en axudas sociais marcan tamén a esta comunidade, historicamente empobrecida.

A Marea Ártabra fai súa a reivindicación do Consello Estatal do Pobo Xitano, que este 8 de abril de 2015, solicita a retirada dos dicionarios da definición racista da palabra “xitano” “xitana”.

Ferrol, 7 de abril de 2015

---
As portas da Marea Ártabra, como espazo común de unidade popular, seguen abertas.

Mareaartabra.gal | #MareaArtabra | @mareaartabra | info@mareaartabra.gal | Facebook

Local Electoral da "Marea Ártabra", sito na rúa Rochel, Nº14 e rúa Madalena, Nº5 (15401 - Ferrol). Teléfono 633 352 131.

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

Información enviada por:
MAREA ÁRTABRA
-mareaartabra@gmail.com-
7 de avril de 2015 20:45

_______________

Enlaces relacionados:
  • A 'Marea Ártabra' en Ártabra 21 | Acceder.
  • A 'Marea Ártabra' desde o buscador libre DuckDuckGo. | Ir a Web.
_____________________

mércores, abril 08, 2015

A Marea Ártabra e a biblioteca-hemeroteca do Ateneo Ferrolán


A biblioteca-hemeroteca do Ateneo Ferrolán


Os fondos documentais históricos permiten recoller a herdanza do pasado e definir a identidade cultural dos pobos. No caso de Ferrol, unha parte do seu patrimonio documental, que se conservaba na biblioteca-hemeroteca do Ateneo Ferrolán, atópase gardado, desde hai anos, en contedores. Moito nos tememos que ditos contedores non cumpren as medidas de tratamento e almacenaxe establecidas para a conservación de documentos recoñecidos pola súa riqueza cultural e nas que se teñen en conta os efectos do envellecemento do papel e as condicións ambientais, tales como a temperatura e a humidade. Entre os fondos antigamente custodiados polo Ateneo Ferrolán cabe facer mención a un destacado número de cabeceiras de prensa dos séculos XIX e XX que inclúen contidos temáticos da memoria histórica ferrolán que son unha fonte de información de vital importancia para a historiografía local.

A Marea Ártabra considera imprescindible a adopción, desde o Concello, de medidas responsables co patrimonio municipal que garanten a protección da memoria cultural local. Por elo, comprométese dentro da súa acción de Goberno na próxima lexislatura a salvagardar estes documentos históricos e a adoptar accións que dean solución ao actual problema de localización dos fondos co fin de asegurar a súa conservación, preservación e visibilidade. Xa no ano 1992, a UNESCO promoveu o Programa Memoria do Mundo [Memory of the World Programme] para promover a conservación e o acceso do patrimonio histórico documental. A difusión destes fondos contribúe á reconstrución do pasado de Ferrol así como a manter viva a súa memoria histórica e identidade. O seu estudo enriquece, identifica e individualiza á sociedade ferrolá, unindo aos habitantes nun pasado común. Deste xeito, estes documentos se converten nun referente de información sobre o pasado da cidade e nun inestimable depósito de sabedoría e vivencias que no só e necesario protexer senón tamén difundir.

---
As portas da Marea Ártabra, como espazo común de unidade popular, seguen abertas.

Mareaartabra.gal | #MareaArtabra | @mareaartabra | info@mareaartabra.gal | Facebook

Local Electoral da "Marea Ártabra", sito na rúa Rochel, Nº14 e rúa Madalena, Nº5 (15401 - Ferrol). Teléfono 633 352 131.

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

Información enviada por:
MAREA ÁRTABRA
-mareaartabra@gmail.com-
7 de avril de 2015 20:45

_______________

Enlaces relacionados:
  • A 'Marea Ártabra' en Ártabra 21 | Acceder.
  • A 'Marea Ártabra' desde o buscador libre DuckDuckGo. | Ir a Web.
Foto: Concentración en defensa da continuidade do Ateneo, licenza CC BY-SA Praza Pública.
_____________________

martes, abril 07, 2015

Espazo Ecosocialista Galego apoia ás mareas e iniciativas municipalistas de unidade popular que se van construído de abaixo cara arriba, movementos e candidaturas coas que se poderá construír o verdadeiro instrumento galego de cambio político - Análise crítico dos procesos de unidade popular


Espazo Ecosocialista cre irreversible a política da participación cidadá e ve nas mareas o xermolo para o novo instrumento de cambio

Espazo Ecosocialista Galego ten manifestado reiteradamente o seu apoio sen ambivalencias ás iniciativas democráticas e cidadás que durante os últimos meses téñense ido vertebrando ao longo do país

Na resolución aprobada pola Conferencia Política de Espazo Ecosocialista sobre a construción de alternativas nos concellos, celebrada o 8 de novembro de 2014 afirmabamos:
Reiterar unha vez máis que para Espazo Ecosocialista estamos diante dunhas eleccións de marcado carácter político pois forman parte do episodio de cambio nos que se ten que dilucidar o resultado dun proceso constituínte aberto de facto e tamén porque os seus resultados van a ser determinantes no proceso de reconstrución que vive a esquerda democrática.

De feito son as eleccións que poden servir para pechar o marco aberto simbolicamente polo movemento 15M durante as pasadas eleccións municipais. Trátase, nese senso, dunhas eleccións nas que o importante non serán so as actas de concelleiros/as que se obteñan, senón a perspectiva de cambio que se lle dea as mesmas.

Necesitamos procesos cidadás e inclusivos, onde os partidos que decidan somerxerse no medio das augas da Marea o fagan ‘diluíndose’ e cedendo a súa soberanía as cidadás. Non se trata de se a converxencia se produce nos marcos da esquerda ou dos do nacionalismo, pois situando a proposta programática na esquerda e sendo o carácter nacional o factor político para vertebrar hexemonías, a chave neste momento esta no factor democrático. Non abonda coa mera unidade como elemento agregativo de siglas, senón que cómpre a cooperación política entre espazos culturais e cidadáns”.
Os membros de Espazo Ecosocialista, como cidadáns e sen consignas previas, comprometémonos con eses espazos democráticos municipalistas aceptando as decisións da maioría e construíndo con tres únicas liñas vermellas: un programa de cambio e de transformación real; unha metodoloxía "radical democrática", isto é, que todo se faga por primarias abertas na que todos participen e acepten os seus resultados; e que a forza resultante ten que presentarse ás eleccións como unha alternativa para o cambio, non como unha proposta política que logo se converta en chave para que goberne outro partido.

É máis, durante estes meses, Espazo Ecosocialista puxo o seu funcionamento en ‘stand by’ para non interferir nas decisións que as xentes das distintas mareas ían tomando en cada concello.

Para o Equipo Coordinador Nacional de Espazo Ecosocialista o resultado, tendo en conta as condicións previas e as dificultades que apareceron durante o proceso, é importante e ilusionante. Medio centenar de iniciativas cidadás, nas cidades e nas grandes vilas, estanse a construír desde un novo xeito de entender a política.

Somos conscientes das ‘limitacións políticas’ e das ‘miserias persoais’ que acompaña a todo proceso, máis si este pretende explorar novas vías. Lamentamos que o sectarismo e as malas practicas dos aparatos de algún partido impidan un resultado máis integrador e aperturista.

Saúdamos os niveis de confluencia acadados arredor da Marea Atlantica (A Coruña), Compostela Aberta ou Marea Pontevedra; congratulámonos dos niveis de participación cidadá acadados por Ames Novo, Lugo Novo ou Iniciativa Cidadá de Mugardos.

Pola contra as limitacións do proceso en Vigo, as divisións en Ferrol ou a saída en falso de Ourense son exemplos do que non debería volver a ocorrer. Reafirmámonos na aposta elixida e temos claros que os erros e resultados como estes descorazonadores non teñen que ver coa nova política e as súas metodoloxías senón co abuso que algúns, que nunca creron nas mesmas, fan delas.

Para Espazo Ecosocialista as primarias abertas á cidadanía non son só unha ferramenta máis da nova política, son a liña divisoria entre a esquerda corporativa a esquerda libre, son o núcleo central da nova democracia.

As primarias son ademais o conector que permitirá a esquerda construír unha hexemonía social, para posteriormente unha electoral, ao facilitar a relación respectuosa cos movementos sociais en tanto en canto sociedade autoorganizada e abrir a porta ás novas axendas fronte as axendas marcadas polo sistema (e seguidas pola esquerda corporativa).
As primarias son unha ferramenta para democratizar a política. Pero para iso necesita de aprendizaxe, de cultura cooperativa, de buscar os consensos necesarios para que elección se faga en termos de proposta política e non de competición de egos. Tamén poñendo nun plano secundarios os intereses de parte. En suma de madurez democrática.

A súa deturpación por defecto (endogamismo partidario) ou por exceso (desideoloxización programática) son problemas que obviamente necesitan ser resoltos pero non invalidan o valor das mesmas.

O proceso emprendido é irreversible e Espazo Ecosocialista comprometese a non volver a construír ferramentas de cambio, por moi unitarias que aparenten, senón se fan en base aos principios da radicalidade democrática e a participación.

Coincidimos coa declaración do Encontro de Mareas realizado en Pontevedra o pasado 15 de marzo cando din:
Somos candidaturas municipalistas, de unidade cidadá, e soberanas nas nosas decisións; pero non somos  candidaturas localistas senón que temos visión nacional.

Somos candidaturas de cambio local, pero entendemos tamén que existe un cambio global que non debemos perder de vista.

Somos candidaturas democráticas e contrarias a manter estruturas como as deputacións, pero somos conscientes da importancia que estas teñen na vida diario dos nosos concellos
.”
Estamos convencidos que soamente desde un proceso real de empoderamento cidadá e construído de abaixo cara arriba candidaturas poderase construír o verdadeiro instrumento galego de cambio político que transitoriamente AGE intentou cubrir.

Espazo apoia e participa dunha vintena de Iniciativas Municipalistas

Activistas de Espazo teñen traballado para que este proceso culminará con candidaturas de confluencia e nova política. Lamentablemente en algúns sitios onde temos presenza non puido ser e en coherencia coa nosa proposta política non participaremos en ningunha lista nin presentaremos ningunha propia.


Compostela, 4 de abril de 2015

Reunión do Equipo Coordinador Nacional de Espazo Ecosocialista

Correo-e: espazo@espazoecosocialista.org

Teléfono: 692212166

Web: http://espazoecosocialista.org

Conta no facebook nacional:
https://www.facebook.com/EspazoEcosocialistaGalego

Conta no twitter:
https://twitter.com/ESPAZO_gal

Conta no facebook Ferrolterra:
https://www.facebook.com/EspazoFerrolterra

Enviado por:
MANEL CARDOSO SANTIAGO
-manelcard@gmail.com-
7 de abril de 2015 20:46

__________________

sábado, abril 04, 2015

Hoxe, esta tarde, sábado 4 de Abril, o activista, xornalista e escritor Rafael Cid estará en Ferrol, para falar sobre "Municipalismo Libertario", no local da Marea Ártabra, na rúa Rochel, Nº14 e rúa Madalena, Nº5

Hoxe sábado 4 de Abril de 2015, o activista, escritor e xornalista, Rafael Cid estará en Ferrol, convidado pola Marea Ártabra, para falar de "Municipalismo Libertario". Rafael Cid participa en Ràdio Klara (València), unha das radios libres e comunitarias (Libertaria), mais senlleiras nas ondas libres, onde vai cumprir 33 anos de emisións. O seu programa "O Vaivén" é un dos mais difundidos pola rede e as ondas do mundo: a actualidade analizada e posta en claro. As nosas compañeiras e compañeiros de Rádio Filispim coñecen-no moi ben. Un dos programas que fai reflexionar e que nos chega a fondo, foi o realizado o 1 agosto do 2013: "Traxedia e autoxestión en Galiza" (Artigo / Áudio), onde analiza lucidamente a acción e organización social desde o accidente do tren Avia en Angrois. Mais a participación no libro colectivo "A aposta directa - Debate libertario e ciclo político" -libro que ten previsto saír ao público o vindeiro 6 de deste mes de Abril- un libro que xorde de activar "un proceso de reflexión horizontal sobre as transformacións sociais e políticas en curso e as súas posibles evolucións ... ", un libro de moito interese para a loita social e política en claves libertarias en expansión e actualizadas na realidade que estamos a vivir. Un libro que se presenta como "ferramenta", onde desde diferentes colectivos se analiza a fase política actual para suscitar unha base común de pensamento e acción. Rafa Cid abordará esta tarde na rúa Madalena nº5 baixo, ás 18:00hs, a análise e a reflexión sobre a axenda política actual e o "Municipalismo Libertario". Unha chalar-coloquio que se presenta moi interesante. A continuación presentamos os últimos apuntes onde participou o compañeiro Rafael Cid: o último d'O vai vén, e un artigo sobre o libro comentado "A aposta directa - ...".

Xa somos delito: os xogos do fame

Por Rafael Cid [*]
03.04.2015


A piques de entrar no corpo a corpo electoral que debuxase o novo mapa político estatal, autonómico e local dos próximos catro anos, o Partido Popular no goberno acaba de lanzar un órdago para contentar aos falcóns da formación. Pero non se trata só dunha concesión para consumo interno. Coa aprobación das "leis mordaza" (son tres en esencia e unha en persoa) o executivo manda tamén unha mensaxe aos poderes fácticos compinchados (económicos, financeiros, mediáticos, empresariais e institucionais) que sentían ameazados os seus privilexios. O relanzamento do activismo social, a disidencia pública e as mobilizacións cidadás de rexeitamento por axustes e recortes impostos pola Troika inquietaban o seu statu quo. Desta forma culmina o ciclo que caracteriza a todos os períodos reaccionarios: ás involucións sociais e económicas seguen graves afrontas en dereitos e liberdades.

Lei de Protección da Seguridade Cidadá, a última reforma do Código Penal e a modificación do Pacto Antiterrorista (este último en comandita co PSOE), os tres rexonazos aprobados a iniciativa do rodillo popular, constitúen a herdanza que deixará Mariano Rajoy ás novas xeracións. Seguramente en penitencia por vivir por encima das súas posibilidades, a dicir dos grandes figurantes. A partir de agora o Estado de Dereito estará ao que mande o Estado Policial que leva dentro, confirmando que "o chaman democracia e non o é".

O atropelo que acaba de cometer Moncloa abusando da maioría absoluta de que dispón é un cruel xesto de debilidade dirixido contra a xeneralización das protestas. Cando estas agresións adquiran natureza legal a partir do próximo un de xullo, os sectores que se caracterizaron por levar á rúa a súa crítica contra as políticas austericidas e facer da solidariedade cos damnificados unha forma avanzada de habitar a sociedade civil, verán aínda máis difícil exercer como cidadáns responsábeis e non como simples replicantes.

As novas disposicións anuncian disparates xurídicos como a "prisión permanente revisable", unha contradición nos seus términos ("permanente" e "revisábel") que xa no seu orweliano nominalismo denuncia a flagrante vulneración do dereito constitucional á reinserción e o carácter vingativo da norma sen escusa de base real, porque como é sabido España é un dos países da Unión Europea con menor índice de criminalidade. Posiblemente debido a que a alta corrupción de pescozo branco e institucional, aquela que precisamente practican a mans cheas os representantes do duopolio dinástico dominante e os seus acólitos, converteuse nunha rapina de suma cero, onde os capos de cabeceira lévanllo todo.

De parecida calaña é a medida para frear as chamadas "entregas en quente" de inmigrantes pobres retornados á forza de vallas de Ceuta e Melilla e as súas afiadas coitelas, que até agora se saldaban con consecuencias penais para a policía e garda civil que as realizaban sen soporte legal. España e a UE na que está inserida súmanse así ao club de territorios bunker para tratar de fidelizar a ese bloque social fanatizado pola crise que busca refuxio nos partidos xenófobos que se presentan como alternativa ultranacionalista ao sistema. Con iso, o dereito á libre circulación de persoas que consagran as normativas europeas sométese ao número clausus que discrimina os xogos do fame entre un norte opulento e un sur necesitado.

Con todo é nas reformas introducidas no ámbito da denominada "seguridade cidadá" onde se fixo máis flagrante a deriva autoritaria e cainita do PP. Lexislar contra as mobilizacións ante o Congreso dos Deputados, impedir gravar as actuacións da policía na vía pública e frear xestos de solidariedade coas vítimas dos desafiuzamentos, supón un golpe de man á participación democrática a través da recuperación do vello concepto franquistas de "orde pública", que consideraba o exercicio de dereitos e liberdades unha excepción graciosa. De aí o que a tutela xudicial efectiva por parte de tribunais (delitos) sexa substituída por un réxime de sancións económicas (faltas) sometido á discrecionalidade dos órganos da Administración (gubernativa). Montequieu morreu de novo e a separación de poderes converteuse nunha concentración de poderes (mafiosos). O poder corrompe e o poder absoluto, como o que goza o PP, non digamos.

Din os progresistas con carnet que esta nova reforma degrada o "código penal da democracia", aquel que pariu en 1995 o ministro con dúas carteiras e pouca cabeza, Juan Alberto Belloch, para significar o retroceso que a variante dos xenoveses introduce no ordenamento legal. Pero esquécese que aquel texto tamén facía das súas. Por exemplo, introduciu a blindaxe ante delitos de expresión de toda a Familia Real en liña ascendente e descendente, e legalizou certas formas de esterilización terapéutica, algo que o psiquiatra Enrique González Duro cualificou como unha sorte de euxenesia daquel xeito. O que ocorre é que a andanada reaccionaria do PP supérase, porque ás leis mordaza sumouse a aprobación de clases de relixión católica na Educación Primaria que ensinan a aceptación do "creacionismo" como condición para ser feliz. Ou sexa, que ademais de delito non somos ninguén, a Deus grazas.

Fonte Ràdio Klara El Vaivén. | 30.03.2015

---

Rafael Cid, participou no libro colectivo "A aposta directa".

"A aposta directa" (La apuesta Directa) - Libro Colectivo - Debate libertario e ciclo político.

Este libro xorde ao activar un proceso de reflexión horizontal sobre as transformacións sociais e políticas en curso e as súas posíbeis evolucións. Proponse como "facilitador", ferramenta de aproximación, unha das actividades libertarias que, á calor de derívalas "democráticas" en curso, están esforzándose de debuxar mapas do que acontece, asumindo que se trata dunha aposta de maneira total suxeita a discusión e a erro. As contribucións de diferentes colectivos e individualidades a esta reflexión común, máis que elaborar un pacto de consenso das organizacións sociais para frear a devastación capitalista, intentan proporcionar diagnósticos rigorosos para facer visibles os mecanismos ocultos, e non só os obvios (inxustiza, crueldade, desigualdade...) da dominación. A súa urxencia procede dunha actitude militante e aberta, que non deixa de suscitarse como experimentar e estender as prácticas de autoorganización e autoxestión fóra das dimensións actuais da política representativa e institucional no escenario que se está xestando.

O propósito é de reformular o anarquismo no marco da época actual, un anarquismo disposto a poñerse en discusión, que sabe dirixir cara a si mesmo a máis esixente das miradas críticas, á vez que está plenamente consciente da súa poderosa presenza no imaxinario e nas loitas de amplísimos estratos de poboación que anhela unha sociedade radicalmente distinta. Un pensamento libertario en continua formación, en evolución coa realidade social e cultural, capaz de enriquecerse e de modificarse en contacto co mundo no cal insírese, a través das experiencias que desenvolve, grazas ás loitas nas que participa e aos coñecementos que absorbe e elabora.

"O menos que cabe esixir dunha proposta que mereza a nosa atención e apoio é que escape ese mezquino realismo que cheira por todas partes a defensa obscena, a miúdo vergonzante, da miseria existente. Fronte a ese mezquino realismo non podemos facer outra cousa que recordar que quen creemos na autoorganización, na autogestión e na autonomía estamos aquí, e que non somos poucos". Carlos Taibo.

Contribucións de: Jtxo Estebaranz, Octavio Alberola, Carlos Taibo, José Luís Carretero Miramar, Grupo de Reflexión para a Autonomía, Cul de Sac, José María Olaizola, Javier Encina e María Anxos Ávila, Rafael Cid, Caries Sánchez e Socorro Pérez, Alfonso Álvarez e Paco, Federación de Estudantes Libertarios. Epílogo de Mario Domínguez.

Enclave de Libros, Madrid 2015
320 págs. Rústica 21x15 cm
ISBN 9788494270864

Fonte: La Malatesta - Libreria Editorial Libertaria.

Foto de Bonnie Rodríguez / Roberto Blanco, detalle da mesa de debate celebrada en Setembro de  2008 nas Xornadas de CGT "Unha realidade de loita e compromiso contra a crise do capital".

[*] Rafael Cid, xornalista e escritor de longa traxectoria. Activista libertario desde a súa mocidade, foi adxunto ao Comité Nacional de CNT aos finais dos 70 e un dos responsábeis de Comunicación de CNT neses anos. Director de "Castilla Libre", logo de Eduardo de Guzmán; fundador e director de "Historia Libertaria" a finais da década de 1970, en cuxa publicación rescataron a moitas figuras do movemento libertario; tamén foi director da colección 'Anatema' da editorial Aguilar. Actualmente colabora activamente como xornalista de opinión Kaos na Rede e outros medios alternativos, e é tamén asiduo colaborador da Linterna Xorda. Realiza o programa "El Vaivén" en Ràdio Klara (València).

Enviado por:
Inácio GZ
-inaciogz@gmail.com-
3 de abril de 2015 15:39

____________

mércores, abril 01, 2015

"Parécenos irresponsable, aínda que lexítimo, abandoar este espazo común que é a Marea Ártabra, para dividir, para restar forzas no campo democrático frente aos que impoñen as políticas de recortes, malgasto e corrupción", di a Marea Ártabra nun comunicado público en resposta a Anova e EU


Nas últimas semanas, coñecíase en Ferrol a decisión das forzas políticas (Anova-EU) de retirar o seu apoio á Marea Ártabra e constituír, xunto a persoas inscritas en Podemos, unha nova proposta electoral, Ferrol en Común que se constituíu o pasado sábado 28 de marzo. Ante as diferentes aparicións nos medios de comunicación e redes sociais, de representantes das forzas políticas que promoven o novo referente electoral, mencionando á Marea Ártabra como posible actor político no citado referente electoral, a Marea Ártabra acordou convocar unha Asemblea Xeral Extraordinaria, para informar, analizar, clarificar e resolver sobre esta situación, Asemblea que acordou facer pública a seguinte declaración.

Comunicado

Marea Ártabra, reunida en asemblea xeral extraordinaria, neste luns 30 de marzo, quere trasladar á opinión pública os seguintes acordos e consideracións:

1º Que a Marea Ártabra ven desenvolvéndose desde a súa constitución en setembro de 2014, como un espazo de confluencia para construír unha alternativa cidadá ao actual goberno municipal e ás súas políticas.

2º Que a radicalidade democrática, horizontalidade e toma de decisións colectivas, son un sinal de identidade da Marea Ártabra. Que ese sinal de identidade non aparece só nos documentos da Marea, senón que é unha práctica política que impregna toda a nosa actividade. Así a puxemos en práctica no proceso de primarias que recentemente celebramos, na aprobación do código ético e o regulamento de funcionamento, así como na elaboración e aprobación do programa que está na súa fase final.

3º A día de hoxe, e inexplicablemente, a Marea Ártabra non ten coñecemento das razóns que levaron ás direccións de Esquerda Unida e Anova a retirar o seu apoio a este espazo de confluencia na Marea para formar unha  nova e apresurada alternativa electoral.

4º Na Marea continúan participando militantes de Anova, de Esquerda Unida,  persoas inscritas en Podemos e militantes de Espazo Ecosocialista Galego. Esta última organización política, que forma parte da coalición AGE e AGEeuropa, mantén desde o principio o apoio á confluencia cidadá que se dá na Marea Ártabra.

5º Todas estas persoas, xunto con activistas sociais e persoas sen adscrición partidaria algunha, conformamos un espazo político lonxe de pactos e manobras políticas obscurantistas e de cúpulas que reproducen a vella política. A pluralidade e a diversidade conviven no seo da Marea, apoiándose nos valores do respecto e na defensa do ben común.

  6º Parécenos irresponsable, aínda que lexítimo, abandoar este espazo común que é a Marea Ártabra, para dividir, para restar forzas no campo democrático fronte aos que impoñen as políticas de recortes, malgasto e corrupción. A Marea Ártabra segue a ser un espazo aberto á participación, onde todas as voces teñen o mesmo valor e onde as decisións tómanse por consenso ou por maioría, mais sempre en Asemblea. Un espazo para compartir, para a colaboración e a complementariedade, e non para a competencia.

As portas da Marea Ártabra, como espazo común de unidade popular, seguen abertas.

---

Mareaartabra.gal | #MareaArtabra | @mareaartabra | info@mareaartabra.gal | Facebook

Local Electoral da "Marea Ártabra", sito na rúa Rochel, Nº14 e rúa Madalena, Nº5 (15401 - Ferrol).

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.


Información enviada por:
MAREA ÁRTABRA
-mareaartabra@gmail.com-
31 de março de 2015 16:11

_______________

Enlaces relacionados:
  • A 'Marea Ártabra' en Ártabra 21 | Acceder.
  • A 'Marea Ártabra' desde o buscador libre DuckDuckGo. | Ir a Web.
_____________________