venres, xuño 30, 2006

Sartaña

Sartaña [*]
J.F.K.

Poucas veces ten o cidadán de a pé a oportunidade de observar ao vivo e en directo a cara máis noxenta da indignidade da cobardía política. Do pleno do xoves 25, no que se aprobou o proxecto de construcción dun centro de ocio e saúde na praza de Sartaña falouse moito, pero con pouca profundidade (agás excepcións).

Máis aló de episodios anecdóticos referidos a broncas, insultos, etc., debidos máis que nada á desesperación de moitas familias, o verdadeiramente importante non se analiza.

Porque o que se dilucidaba nese pleno era a consumación da ignonimia que supón a construcción dese adefesio arqui­tectónico en Sartaña. E, sobre todo, a expectación estaba centrada na fórmula de voto que ía desempeñar o Partido Popular, así como a súa explicación. Pois ben, o seu portavoz fixo unha exhibición de divagacións, sen explicar á opinión pública, con claridade e rigor, punto por punto, o que sucedeu no seu grupo municipal nestas últimas semanas, e que levou ao voto afirmativo nesta sesión. É dicir, terían que explicar ao pobo de Ferrol:

¿Por que se abstiveron nas mesas de contratación? ¿Que documentos lles faltaban? ¿Xa están aportados estes? ¿Que din estes? ¿Que é o que rematou de convencelos para votar afirmativamente? ¿Están seguros de que a obra é legal?

O seu especialista en urbanismo, o señor Evia, non abreu a boca, pese a que o público llo solicitou; grave erro tendo en conta que tiña pensado "votar en conciencia" (sic). ¿Votou en conciencia? ¿Si? Algunhas persoas que asistían ao pleno albergaban pequenas esperanzas de que cumprise a súa palabra, ou cando menos explicase o seu cambio de parecer; esperanzas que se viron frustradas co conseguinte "cabreo" poste­rior.

Outro grave erro do portavoz do PP foi atreverse a dubidar da representatividade dos alí presentes, por unha razón sinxelísima: a un pleno que se convoca para aprobar un proxecto poden acudir persoas que están a favor del e persoas que están en contra del. Pois ben, dos que estaban a favor, ali non habia ninguén. Polo tanto: ¿Donde está o apoio cidadán a ese proxecto? ¿E a cúpula da Asociación de Ueciños?

Tamén é ignominioso catalogar aos "veciños na defensa do parque público de Sartaña" de alborotadores, insultadores, etc. Cando é todo o contrario. Ademais de asistirlles a razón, a súa loita é impecable democraticamente; e ademais, o que verdadeiramente asombra destes veciños é a súa tenacidade, a súa constancia nas mobilizacións dende hai ano e pico; vellos e mozos inasequibles ao desalento, reforzando as súas conviccións a medida que aumentan as dificultades; así choiva, faga vento, frío ou sol, ali están.

E digo máis: as máis impresionantes, as grandísimas protagonistas son ELAS, as mulleres as señoras, coa presencia de ánimo, a rabia contida, e mirando de frente aos ollos dos que gobernan, con grande dignidade e tirando para diante...

Quero dicir tamén, contradecindo a certo prócer do periodismo local, que o xoves dimos un paso atrás, para dar tres pasos adiante; tal como o fan os ferroláns amantes das cousas ben feitas.
Esa obra é ilegal, e así se demostrará nos tribunais de xustiza; advertencia que fixo o portavoz de IU no pleno e cuxos perigos para o Concello de Ferrol só os intuiu o portavoz accidental de IF (ou así mo pareceu a min).

Polo tanto, non se preocupen os veciños/as e compañeiros/as, e non se relamban os bufóns da burguesía barrial, porque o mellor está por vir.

Por último, xa que estivo na nosa cidade.... ¡Viva Ignacio Ramonet!... (e o lector avispa­do xa sabe por que o digo).

[*] Publicado no Diario de Ferrol [04.06.2006]

xoves, xuño 29, 2006

S.O.S Costa da Morte [29.06.2006]

Tags
S.O.S. COSTA DA MORTE

Ramon Bermejo Díaz de Rábago

A todos os que algunha vez visitáchedes Carnota, ós que amades esa terra, ós que na próxima ponte, ou nunha fin de semana , ou este verán vaiades pola nosa costa... avisarvos dunha cousa, triste, máis certa:

Facédelle as fotos que podades, filmade en video todo canto poidades, porque o que coñecedes ata o de agora vaise acabar.

Nestes días que estiven de taberneiro ocasional en Carnota puidenme enterar do futuro próximo que se aveciña neste anaco de costa virxe que nos ficaba na nosa terra. Promotoras e Inmobiliarias de Madrid estan a mercar todo canto metro cadrado se poida construir no noso Concello, son coma cen cabalos de Atila, pagan moitisimo máis do que un paisano podería pensar nunca que iba valer un ferrado.

Exemplos:

Lariño: máis de 300 vivendas proxectadas, acaban de mercar todo o terreo que hai dende a estrada xeral ó faro (alí onde estivo a carpa de Nunca Máis).

Lira: perto de mil apartamentos.

Caldebarcos: están a mercar todas as leiras.

O Pindo: xa se está a construir, e mercando o pouco que fica.

Nin os paisanos están moito dacordo con vender, pero ameazanlle con que se non venden acabaránlle por expropiar (axente urbanizador).

Contábame un empregado do Rexistro da Propiedade de Muros que os que mercan as vivendas fanno dende Madrid e por catálogo, nin sequera coñecen o lugar, chéganlle as escrituras dende Notarías de Madrid.

Nalgúns casos as promotoras regalan un apartamento na nosa costa ó mercar un de luxo en Madrid...

Se cadra é o tempo de facer revivir NUNCA MÁIS, a fin é a mesma: a defensa da nosa costa, do noso mar, da nosa paisaxe, mais desta vez o ataque non ven polo mar en forma de chapapote, ven por terra en forma de formigon armado e ladrillo. Os responsables de atallar esto son os mesmos, os poderes públicos da Xunta de Galicia. Dos Alcaldiños e os Concellos mellor esquecerse.

Aí vos vai un lema que propoño:
MORATORIA DE CONSTRUCCIÓN NA COSTA DA MORTE XA!!!

Enlace imaxens de interese
______________

Nota: Estimados amigos:

Son Ramón Bermejo Díaz de Rábago. Entre outros lugares (páxinas web, emails errantes...), na sección de Tribuna da Voz de Galicia do pasado venres 28 de xullo, Adela Figueroa, presidenta de ADEGA, asina un artigo titulado "Urbanismo na costa galega: o peor dos "Prestiges". Nel aparece o meu nome asociado a unhas palabras que en realidade corresponden a un email anónimo que está percorrendo a rede desde hai algún tempo titulado "SOS Costa da Morte". Como o seu autor escribiuno en primeira persoa, nalgún momento posterior aos reenvíos que fixen, alguén puxo o meu nome no encabezamento, e agora parece que o texto sexa meu. Pero non é así: nin escribín nin teño nada que ver coa autoría dese texto. Seguramente coma moitos de vós, ela pensou que eu era o autor, pero resulta que non é así. Outra cousa é que eu estea ou non dacordo co contido. Evidentemente, se o reenvío, enténdese que o estou. Pero non son o o autor. Por iso agora pídovos por favor que reenviedes este email para que se corrixa este malentendido, e aos que tedes nas vosas páxinas o texto colgado, que retiredes o meu nome do encabezamento.

Polo demáis, espero que o verdadeiro autor non se sinta molesto e que entenda que eu non teño nada que ver con este desaguisado. O texto en cuestión está moi ben escrito e se alguén merece un recoñecemento debe ser él, non eu.

¡Gracias pola vosa colaboración!

Un cordial saúdo,
Ramón Bermejo

Acta da Asemblea Xeral Ordinaria [27.06.2006]

Tags

Acta provisional, pois está pendente de aprobar na próxima Asemblea Xeral Ordinaria que está previsto celebrar o vindeiro 26 de Setembro



ACTA Nº2 DA REUNIOM DA ASSEMBLEIA DA PLATAFORMA ÁRTABRA 21 CELEBRADA A TERÇA-FEIRA, 27 DE JUNHO NO LOCAL DO CENTRO CULTURAL TORRENTE BALHESTER EM FERROL.

ASSISTEM: a Junta Coordenadora (Inácio Martinez, Xan Ramirez, Carlos Garcia Seoane, Xosé M. Sanxoán, Manuel Dominguez), mais 24 assistentes dos diferentes colectivos e pessoas a título individual.

Carlos Garcia Seoane encarrega-se de levantar a acta reuniom.

1. Manuel Domínguez procede a dar leitura da acta da sessom anterior. Aprova-se.

2. Organizaçom.

- Durante os meses de Julho e Agosto nom se realizarám juntanças da Assembleia da Plataforma Ártabra 21, ainda que se convocaria umha Assembleia extraordinária se surgir qualquer assunto de carácter excepcional.

Portanto, o organismo decissório durante estes dous meses constitue-o a Junta Coordenadora, manifestando-se o seu carácter aberto a quem quiger participar.

- Admite-se a entrada a petiçom voluntária de Jove (colectivo Sartanha) na Junta Coordenadora.

- A nova organizaçom ecologista Verdegaia passa a integrar-se na Plataforma Ártabra 21.

- Aprova-se por unanimidade estabelecer umha quota semestral de 25 € por cada entidade ou colectivo, existindo a possibilidade de aportaçons indviduais.

- Delega-se na Junta Coordenadora estabelecer as pessoas encarregadas para abrir umha conta bancária.

- A eleiçom do logótipo para a nossa Plataforma realizará-se na Assembleia do mês de Setembro. No blogue irám-se metendo todas as propostas para o logótipo que vaiam aparecendo.

3.- Ante umha nova convocatória de reuniom da Agenda 21 Local para o 29 de Junho em Ferrol, acorda-se que sejam as entidades e colectivos que conformam a nossa Plataforma que estejam dispostas a assistir a essa reuniom quem denunciem o incuprimento do desenvolvimento das conclusons desta iniciativa por parte das instituiçons competentes.

4.- O representante do Colectivo de Sartanha expom a sua proposta que consiste fundamentalmente na apresentaçom de cinco tipos de alegaçons diferentes -de conteúdo técnico, social e sanitário- ante o Registo Municipal de Ferrol para a manhá do 30 de Junho.

5.- O representante do Colectivo de Recimil apresenta e explica a sua proposta de Ressoluçom, e ademais reclama a renúncia explícita por parte de todos os partidos políticos á demoliçom do bairro fazendo referência ao consenso entre as três formaçons do Parlamento da Comunidade Autónoma Galega, na que ainda que se recolha o conceito de reabilitaçom, deixa as portas abertas para o derrubamento. Aprova-se a proposta com 1 abstençom.

- Propom-se elaborar um plano para Setembro para explicar a problemática de Recimil mediante a organizaçom dumhas Jornadas.

- Umha pessoa indica que se está a intentar organizar, por parte do colégio de Arquitectos, umhas jornadas explicativas polos licéus da cidade.

6.Sugerências.

- Comenta-se a possibilidade de dotar à nossa Plataforma dum –necessário- vozeiro de carácter contra-informativo.

- Também se comenta a possibilidade de organizar um festival-concerto polas festas patronais do bairro de Recimil (meados de Outubro).

- Manifesta-se o sucesso do protesto do Comité de Emergência Cidadá da Ria de Ferrol organizado na manhá de hoje em Madrid ante o Ministério espanhol de Indústria, mediante o qual se reinvindicava a paralisaçom das obras da Planta de Gás em Mugardos.


mércores, xuño 28, 2006

Relatorio de Actas da Plataforma Ártabra 21

Resolucións aprobadas na Asemblea Xeral [27.06.2006]

RESOLUCIÓN DE APOIO Á CAMPAÑA DO COLECTIVO DE SARTAÑA

Conforme coa resolución da pasada Asemblea Xeral de apoio á veciñanza de Sartaña e de oposición ao atentado urbanístico, cívico, social, ...chamado Centro de Ocio de Sartaña, e en defensa da Praza de Sartaña como Parque PÚblico, esta Asemblea Xeral da Plataforma ártabra 21,

ACORDA

Apoiar a campaña do Colectivo veciñal pola defensa do parque público de Sartaña, co obxectivo de difundir os argumentos veciñais de oposición ao chamado Centro de Ocio e os pasos a dar para seguir loitando contra a imposición do inxusto acordo plenario cos votos de PP e IF.

Resolvendo espallar e difundir os modelos de alegacións que apresenta o propio colectivo que a continuación relacionamos:

1.- Alegacións por contaminación

2.- Alegacións por motivos técnicos e de legalidade

3.- Alegacións referentes á sustentabilidade

4.- Alegacións: por motivos de saúde pública

5.- Alegacións por motivos cívicos e sociais


E apoiar a concentración veciñal do vindeiro venres 30 de Xuño ás 12 do medio-dia para posteriormente entregar as alegacións no registro municipal.




RESOLUCIÓN CONTRA A DERRUBA DO BARRIO DE RECIMIL E SI A FAVOR DA SÚA REHABILITACIÓN

A Plataforma Ártabra 21, integrada por 17 colectivos organizacións e asociacións, consonte os nosos principios de defensa dunha política xusta, democrática, participativa e responsable cara o futuro da humanidade, e segundo os nosos obxectivos xerais en contra da privatización dos espazos públicos e da especulación inmobiliaria,

DECLARAMOS

o noso rexeitamento á derruba do Barrio de Recimil de Ferrol, e o noso apoio á súa rehabilitación, por resultar menos agresiva para o medio ambiente, e como preservación do noso patrimonio cultural.

Esta Resolución fundaméntase nas opinións de organismos e persoas de recoñecido prestixio neste tema, como son o Colexio de Arquitectos, o Colexio de Xeógrafos, ou a Comisión Provincial de Patrimonio Histórico.

E acordamos acudir ao pleno municipal do Concello de Ferrol, do vindeiro xoves 29 de Xuño, para apoiar á veziñanza de Recimil nas súas xustas reivindicacións.

martes, xuño 27, 2006

Propostas de logos recebidas

Tags
PROPOSTA - A -





PROPOSTA - B -







PROPOSTA - C -





PROPOSTA - D -





PROPOSTA - E -





PROPOSTA - F -





PROPOSTA - G -





PROSPOSTA - H -





PROPOSTA -I-





PROPOSTA -J-


Alegacións por motivos cívicos e sociais

Tags
Sr. ALCALDE PRESIDENTE DO CONCELLO DE FERROL

D. .................................................................................., con DNI .......................... e con enderezo en ....................... ..................................................................................., comparece e, como mellor proceda en Dereito, DI:

Que tendo coñecemento mediante a lectura do acordo plenario de 25 de maio de 2006 exposto no taboeiro de anuncios do Concello con data 2 de xuño de 2006, que a adxudicación á empresa Serviocio do contrato de redacción do proxecto, da xestión e explotación dun centro deportivo de ocio e saúde no barrio de Ultramar, se somete a exposición pública, quero formular as seguintes


ALEGACIÓNS

1. Cando se di que a maioría do barrio de Ultramar quere o centro de ocio, estase a faltar á verdade xa que esta decisión foi tomada persoalmente polo expresidente da Asociación de Veciños Sr. Argüeso sen contar con ninguén, e foi comunicada ó Concello de maneira verbal, esquecendo absolutamente os desexos dos veciños, e encomendándose descaradamente a intereses de sopeitosa natureza.

2. Os veciños non queren a construción do centro de ocio por moitos motivos, pero fundamentalmente, porque se pretende privar ó barrio dun espazo público gratuíto de esparcimento para novos e maiores, e implantar no seu lugar un servizo que para nada se pode considerar público, porque se destinaría a jacuzzi, sauna, chorro de auga, lámina de auga, gardería, cafetería etc., en definitiva a actividades elitistas e de pago.

Por outra banda existen serias dúbidas de que as actividades que aí se realizarían puideran ter cualificación de deportivas, requisito que se debe cumprir tal e como recolle o uso que no seu día se estableceu no Plan Xeral, para a parcela DEP-22 na que se quere encadrar.

3. Poderíase entender que en Ferrol houbera unha demanda deste tipo de servizos, pero en todo caso se é verdade, o racional sería dar resposta cunha visión política de cidade e non de barrio.
Polo tanto, tendo en conta que os usuarios serían cidadáns de todo o concello, o lugar idóneo para a construcción do centro de ocio, debería ser noutras zonas dotacionais das que o Concello dispón sin custo algún, e onde poderíanse planificar unhas instalacións dignas con piscina de grandes dimensións, e uns servizos complementarios incluindo aparcadoiro, de acordo coas necesidades da nosa cidade.

4. O barrio de Ultramar precisamente carece de zonas ailladas do tráfico onde poder xogar á pelota, ou a calquera outro xogo dun xeito improvisado.

O lugar que propón o Concello para sustituir a pista de Sartaña, é o Colexio Ponzos, argumento non convincente xa que a utilización deste pavillón está sometida á autorización do consello escolar previa solicitude formal que soamente está ó alcance de grupos, ou federados ou dalgunha maneira organizados. Ademais o seu uso está condicionado a ter unha chave.

En resumo, o Concello xa descarta totalmente o fomento dos xogos de maneira espontánea, e tamén destrúe un punto de encontro nas relacións sociais e humanas na infancia e na xuventude, tan importantes nos tempos que andamos.

5. A verdadeira vontade dos veciños puídose comprobar nas manifestacións celebradas os días 15 de febreiro e 2 de xuño de 2005, que gozaron da presenza multitudinaria de persoas do barrio e de fora do mesmo, e contaron coa asistencia de asociacións de veciños, asociacións culturais e deportivas, grupos políticos, sindicatos, asociacións para a defensa do medio ambiente, colexios profesionais, etc. En resumo a sociedade ferrolá está en contra da instalación.

6. No aspecto urbanístico cabe destacar que este edificio vaise a encaixar nun patio de cuarteirón a catro metros das ventás (a cinco dende a base dos edificios colindantes) co conseguinte trastorno para os veciños, principalmente dos primeiros e segundos pisos. E con independenza da legalidade ou ilegalidade desta actuación que se xustifica dicindo que é de interese xeral e afecta a unha minoría, vaise a cometer a inxustiza de plantificarlles un muro ós veciños e consumar un atropello no nome da democracia.

7. Outros perxuizos para os veciños que vai provocar esta instalación, son a contaminación acústica y de emanación de gases, cloro etc, así como o alto risco de infección e propagación de “legionella” provinte das torres de refrixeración do ar acondicionado.

Non se coñece no mundo enteiro unha instalación destas características ubicada no interior dun patio, tan preto das vivendas.

8. Outro dos inconvenientes que nos atopamos é que se vai a especular co patrimonio público propiedade da cidadanía, entregandoo durante 50 anos a unha empresa privada, pola cantidade ridícula de 2.000 € ao ano.

9. O concepto de Axenda 21 nace na Conferencia de Río de 1992, e proponse alcanzar o desenvolvemento sostible impedindo a destrucción do medio ambiente. Neste sentido dous anos despois de Río, ten lugar a conferencia europea sobre as cidades sostibles na cidade dinamarquesa de Aalborg, onde é creada a carta de Aalborg: unha declaración de compromiso das autoridades locais para o desenvolvemento de procesos e estratexias que levan á toma de medidas de acción concretas na consecución da sustentabilidade urbana. Así as cidades en canto unidades máis pequenas de desenvolvemento están en contacto con numerosos desequilibrios arquitectónicos, sociais, económicos, políticos e ambientais que as afectan, debendo por iso identificalos e resolvelos adecuadamente dunha maneira integrada, loxística e sostible.

Na actualidade, máis dunha de década despois da carta de Aalborg, vemos como no noso entorno urbano, lonxe de camiñar na liña proposta por este documento, o Concello de Ferrol teima en levar a termo proxectos como o do centro de ocio que atentan contra a calidade de vida da cidadanía, depredando o patrimonio herdado e desenvolvendo políticas urbanísticas insustentables.

10. En lugar de fomentar a proliferación de tanto cemento, Ferrol debe aspirar a ser unha cidade sostible, e iso pasa por ser unha cidade capaz de satisfacer as súas necesidades no presente sen comprometer a capacidade para satisfacer as súas necesidades no futuro, mirando pola integridade e a estabilidade social e económica, e a calidade de vida da súa poboación.

En consecuencia, por todo o exposto anteriormente,

PIDO

que se admita a miña comparecenza no presente procedemento, e se revoquen ou se deixen sen efecto os acordos plenarios de 16 de febreiro de 2005 e 25 de maio de 2006 relativos a este expediente, e se proceda á cancelación da construción do centro de ocio na ubicación que o Concello pretende, así como que se teña en consideración o que os veciños realmente desexan, que non é outra cousa que a urbanización da zona, e a reparación e adecentamento das instalacións existentes na praza de Sartaña para o seu uso público e gratuito.

En Ferrol, 26 de xuño de 2006


<< Voltar ao Blog da Plataforma Ártabra 21

Alegacións por motivos de contaminación

Tags
Sr. ALCALDE PRESIDENTE DO CONCELLO FERROL

D. ............................................................................ con DNI ................... e con enderezo en ....................... ............................................................................. comparece, e como mellor procede en dereito, DI:

Que tendo coñecemento mediante a lectura do acordo plenario de 25 de maio de 2006 exposto no taboeiro de anuncios do Concello con data 2 de xuño de 2006, que a adxudicación á empresa Serviocio do contrato de redacción do proxecto, da xestión e explotación dun centro deportivo de ocio e saúde no barrio de Ultramar, se somete a exposición pública, quero formular as seguintes


ALEGACIÓNS


PRIMEIRO

A containinación acústica ou ruido é un son indesexado, perturbador e perigoso para a saúde. As fontes de contaminación acústica son, entre outras, os lugares de ocio corno cafeterías, ximnasios ... Os efectos dunha prolongada exposición son:

Trastornos na saúde e na conducta: Sistema cardiovascular (aumento do ritmo cardíaco e da presión arterial . Alparello dixestivo (náuseas e vómitos). Sistema endocrino (incremento da secreción de adrenalina). Sistema nervioso (ansiedade, insomnio, estrés).
Dificultades de comunicación.

Menor eficacia e concentración nas actividades a realizar.

Debemos ter en conta que entre 60-70 db resulta dificil manter unha conversación, entre 80-90 dB provócanse serios danos auditivos e nerviosos e se son máis de 100 dB os que se superan entón os ruidos son dolorosos.

Cando os arquitectos especialístas en Planeamento redactaron o plan xeral tiveron en conta as características especiaís da Plaza de Sartaña por iso adicaron este espacio situado nun patio de mazás a ser unha praza Pública libre de construcción para poñer en práctica unha medida preventiva que minimiza e mesmo anula unha posible contaminación acústica. 0 Concello de Ferrol debe ser sensible ante un problema que ten fácil solución: na LOUPMRG que é o marco legal urbanístico de aplicación.


SEGUNDO

A contaminación biolóxica ten a súa orixe nos microorganismos que se atopan no aire e que proceden do solo, da auga, dos animais e das plantas, e por suposto dos seres humanos cando estamos a falar dun espacio urbanizado. 0 aire interior ou intramuros ten os microorganismos do entorno e dos seres humanos que en certas circunstancias poden poñer en risco a saúde das persoas xa que moitas enfermidades son transmitidas polo aire. Entre elas cabe destacar:

• Por bacterias: a lexionelose, tosferina e tuberculos
• Por virus: herpes simple, rubcola, varicela.
• Por fungos: asperxílose

Un caso especial, dentro da contaminación biolóxica, son as alerxias causadas por pólenes, ácaros do pó... nas que os síntomas agrávanse cando o aire perde a súa calidade.

Aireación e soleamento son medidas hixiénicas simples e eficaces que se verán dificultadas e mesmo anuladas se o Concello de Ferrol persiste na súa intención de facer desaparecer como tal a Plaza de Sartaña polo que se potenciará o aumento do número de inicroorganísmos e tamén a súa propagación xa que o embolsamento da masa de aire vai crear o caldo de cultivo axeitado para que medren e se reproduzan. Estas mesnas condicións van posibilitar un aumento na concentración de alerxénos o cal influirá moi negativamente na saúde dos veciños que sexan sensibles ou que xa padezan unha patoloxía de base cardiovascular ou respiratoria. O Concello de Ferrol non debe incurrir nunha ilegalidade que pon en risco a saúde dos veciños, debe e pode escoitarnos xa que está demostrado que hai outras opcións mellores que favorecen a todos e non perxudican a ninguén.


TERCEIRO

A topógrafía, e dicir, a natureza do terreo, a densidade e altura das edificacións, a vexetación... inflúen na circulación do aire: Nos núcleos urbanos danse condicións climáticas propias que dificultan a dispersión dos contaminantes. A proximidade e o número de vivendas fai que nas zoas urbanas se produza un aumento de temperatura que provocan movemento cíclico do aire nas eidades que forma unha cúpula de contaminantes sobre as mesmas, e dicir, unha "illa de calor"' na que non se disipa o calor nin a contaminación.

Os efectos da contaminación atmosférica son de dous tipos:

• Danos agudos: exposicións curtas, pero a doses elevadas do axente contaminante.
Danos crónicos: exposicións prolongadas, ainda que as doses do axente contaminante sexa máis baixa.

Empeoran o problema:

• As interaccións entre contaminantes xa que aigíxns poden actuar sinerxicamente.

• As interaccións entre contaminantes e factores ambientais, dando orixe a contaminantes secundarios, ás veces máis tóxicos que os orixinais.

As accións máis eficaces fronte á contaminación atmosférica son sempre as medidas preventivas entre as que debemos nomear:

• Planificación dos usos do territorio co fin de ubica-los focos de contaminación alí onde os seus efectos sobre os seres humanos e o medio ambiente sexan menores.

• Avalia-lo impacto ambiental de calquera proxectos que paida ter unha incidencia medioambiental.

A Praza de Sartaña ó ser un espacio libre de edificación facilita os movementos de aire e polo tanto a dispersión dos contaminantes e permite que a temperatura non teña oscilacións de importancia. É un elemento que contribúe moi positivamente a acadar unha boa calidade do aire no entorno no que se ubica por iso non acertamos a entender a teima do Concello de F'errol por acabar con ela e paralelamente crear problemas antes inexistes que alteran a vida sosegada e tranquila de cidadáns que asisten atónitos ó espectáculo duns políticos que perderon o contacto coa realiade, mais non está todo perdido, xa que entendemos que o plan xeral de ordenación está aí para ser cumplido non se pode cometer ningunha íÍegalidade.


CUARTO

As plantas teñen un mecanismo para controlar a cantidade de auga que transpiran, o oxíxeno que respiran e o dióxido de carbono que van a utilizar na fotosintese. Sérvense dos estomas formados por unha parella de células que o cambiar de forma fan que a estructura estomática se abra ou se peche segundo as necesidades da planta. Pero, nin tódalas plantas son iguais nin se desenvolven na mesma zoa climática, por iso a situación espacial dos estomas é moi particular naquelas especies vexetais propias dos climas áridos. A Natureza soluciona o problema afundindo o estoma de xeito que a saída do vapor de auga vese dificultada e diminuída en tanto que a cámara non elimine todo o que ten facendo o recheo. Isto mesmo pode ocorrer se na Plaza de Sartaña se constrúe un centro mal chamado de ocio e saúde xa que será o directo responsable do recheo de todo tipo de gases contaminantes que se manterán case permanentemente no entorno da Plaza seguindo o mesmo modelo de actuación que os estomas das especies que precisan facer economía da auga.

En consecuencia, por todo o exposto anteriormente:

PIDO

que se admita a miña comparecenza no presente procedemento, e co obxecto de non incurrir nunha ilegalidade, se proceda á cancelación da construcción do centro de ocio na ubicación Que o Concello pretende, así como insistir na reflexión de que este gaberno municipal aínda está a tempo de face-las cousa ben tendo en consideración a urbanización da zoa e a reparación que os veciños realmente desexan, pue non é outra cousa que o adecentamento das instalacións existentes na Praza de Sartaña para que os seus valores sociais, ambientais e estéticos non nos sexan sustraídos de forma irreversible.

En Ferrol, 26 de xuño, de 2006


<< Voltar ao Blog da Plataforma Ártabra 21

Alegacións por motivos técnicos e de legalidade

Tags
Sr. ALCALDE PRESIDENTE DO CONCELLO DE FERROL

D. ..................................................................................., con DNI .......................... e con enderezo en ......................... ..........................................................................., comparece e, como mellor proceda en Dereito, DI:

Que tendo coñecemento mediante a lectura do acordo plenario de 25 de maio de 2006 exposto no taboeiro de anuncios do Concello con data 2 de xuño de 2006, que a adxudicación á empresa Serviocio do contrato de redacción do proxecto, dá xestión e explotación dun centro deportivo de ocio e saúde no barrio de Ultramar, se somete a exposición pública, quero formular as seguintes


ALEGACIÓNS


PRIMERO

O marco legal urbanístico de aplicación é a LOUPMRG, que na súa disposición transitoria primeira, punto 1a e 1c, relativa ao réxime de aplicación da LOUPMRG en solo urbano de municipios con planeamento aprobado ao abeiro da lei 1/1997 do solo de Galicia. Este precepto establece que será de aplicación o establecido nesta lei para o solo urbano, sen prexuizo de respecta-la ordenación establecida no planeamento en vigor.

Esta disposición outorga un carácter transitorio ao planeamento vixente, a espera da súa obrigada adaptación á lei 9/2002 e a súa modificación lei 15/2004 (en adiante LOUGA).

Ó fío desta afirmación non se pode xustificar unha actuación urbanística no cumprimento dos preceptos do plan xeral, sen ao mesmo tempo demostrar o cumprimento das condicións establecidas na LOUGA para o solo urbano.


SEGUNDO

O artigo 174 da LOUGA dí:
Os concellos que dispoñan de plan xeral de ordenación municipal deberán constitui-lo patrimonio municipal do solo, coa finalidade de obter reservas de solo para actuacións de iniciativa pública, facilita-la execución do plan e contribuir á regulación do mercado de terreos destinados ao desenvolvemento urbanístico.

Se o Concello de Ferrol non ten constituido o seu patrimonio municipal do solo como a lei establece, as consecuencias desta omisión no cumprimento dunha obriga non se debería en ningún caso interpretar de forma ventaxosa á hora de xestionar os bens públicos que por definición forman parte deste patrimonio municipal do solo, saltándose as condicións que a LOUGA establece para a xestión destes bens. (a LOUGA neste caso é de aplicación ao ser máis restrictiva que o plan xeral, que non impón limitacións aos fins aos que se poderían destinar estas parcelas).


TERCEIRO

A parcela cualificada como DEP-22 polo plan xeral vixente forma parte do patrimonio municipal do solo, segundo o establecido no artigo 176.2.a) da LOUGA, ao tratarse dunha- parcela de titularidade municipal clasificada como solo urbano.

O fin previsto na parcela cualificada como DEP-22 polo plan xeral non parece estar entre os contemplados pola LOUGA no seu artigo 177, que son:

a) Construcción de vivendas suxeitas a algún réxime de protección pública.

b) Á propia planificación e xestión urbanística, en especial o pagamento en especie, mediante permuta, dos terreos destinados a sistemas xerais e dotacións públicas.

c) Actuacións públicas dotacionais, sistemas xerais ou outras actividades de interese social.

d) Conservación e mellora do medio ambiente, do medio rural e do patrimonio cultural construido.

e) Creación de solo para o exercicio de actividades empresariais compatibles co desenvolvemento sustentable.

f) Conservación e ampliación do propio patrimonio.

O único punto asimilable ao uso pretendido para o DEP-22 é o do punto c), pero non se trata dunha actividade de interese social: a lei distingue entre actividades, usos constructivos e usos non constructivos (unha actividade é, por exemplo, unha romería, ou unha excursión). Poderíase tratar dunha actuación pública dotacional pero é dubidoso este carácter por canto participa a iniciativa privada na súa financiación e xestión.


CUARTO

O plan xeral, no seu artigo 118.2 tipifica os usos permitidos nos equipamentos, entre os que os deportivos se definen como lnstalacións destinadas á práctica do deporte e anexos de servicio. Edificacións para espectadores. Aparcamentos.

Ou sexa, canchas, pistas, piscinas, ximnasios, etc...vestiarios, duchas e lavabos... gradas... aparcamentos. O encadre dun centro de ocío nestes usos é bastante cuestionable.


QUINTO

No seu punto 118.3 di:

Os equipamentos e dotacións regularanse en principio polo tipo de ordenación da zona onde se encadran e manterán condicións de composición urbanística acordes coa mesma, procurando respectar e mante-las aliñacións do seu cuarteirón e colindantes. Non obstante adaptaránse ás condicións de edificación, estándares e programas correspondentes á súa lexislación específica....
Enténdese que as dúas formulacións de excepcionalidade refírense a aqueles casos nos que sexa necesaria unha adaptación destas condicións a unha lexíslación específica.

Procurarase que a altura da edificación non pase dos 92 m. sobre a cota natural do terreo. Non obstante, cando os equipamentos se sitúen en zonas non formalizadas e en áreas libres de edificación aceptaráse a ordenación volumétrica especifica non debendo pasar normalmente dos 12 metros de altura máxima nin dos 0, 8 m2/m2 de edificabilidade bruta.

Faise explícita a posibifidade de aceptar unha ordenación volumétrica específica no caso de zonas non formalizadas, do que se deduce que esa definición da ordenación volumétrica non se permite cando o equipamento se sitúa nun ámbito cun tipo de ordenación definida.

Neste caso a nova edificación deberá respectar as aliñacións do seu cuarteirón, a non ser que os estándares mínimos do equipamento que se propón esixiran adaptar estas condicións de edificación.

A parcela DEP-22 situase nun patio de cuanteirón rexido pola ordenanza 12 do ensanche. O sistema de ordenación establecido nesta ordenanza é de cuarteirón regulado por aliñacións e fondos edificables.

A ordenanza 12, ao ser unha ordenanza de cuarteirón, regula as excepcións nas que se permite a ocupación parcial ou total dos patios. Os límites máximos desta ocupación son 4.

- O 100% da planta baixa para garaxe aparcamento en atención ás necesidades da zona e impacto na circulación.

- O 100% de sotos e semisotos para garaxe e outros usos.

- Usos deportivos ó aire libre e pequenas edificacións de planta baixa destinadas a servicios e equipamentos privados de uso común.

- 10 metros de ocupación en planta baixa a partir da fondo máximo establecido en planos de ordenación para calquer uso autorizado pola ordenanza.

Ao tratarse dunha parcela de titularidade pública non é posible un uso mancomunado (privado), polo que o uso previsto, igual que calquera outro, debería ubicarse no soto e no semisoto do patio de cuarteirón, así como nunha banda de 10 metros por detrás da liña de fondo edificable da planta baixa.

Ningunha ordenación proposta para o Centro de Ocio pode contradecir este tipo de ordenación de cuarteirón, establecido para esta zona da cidade, taxada na memoria de ordenación do plan que, recordemos, ten o mesmo carácter normativo e vinculante que as ordenanzas.

Unha ordenación que cuestione estes límites e que faga desaparecer o patio de cuarteirón está poñendo en cuestión a decisión do plan, previa á formulación da ordenanza 12, de optar por unha ordenación de cuarteirón para os ensanches da cidade.

Argumentar que un patio de cuarteirón non debe estar sometido á mesma ordenanza que afecta a parte construida do cuarteirón, independentemente da súa titularidade pública ou privada, pon en cuestión a mesma coherencia da ordenación do plan, poñendo aspectos circunstanciais (como a propiedade ou o destino do solo) por riba do sistema de ordenación específico para unha área.

Máis adiante conclúe:

As dotacións asistenciais, sanitarias e socioculturais, relixiosas, e público-administrativas, en razón das súas características.... poderán intercambiarse ou compartirse dentro de cada unha das reservas específicas establecidas no plan...

En ningún punto se explica que o uso deportivo se poida cambiar por outro diferente. Este precepto, en relación ao explicado no punto CUARTO cuestiona que unha parcela de uso deportivo poida albergar un centro de ocio.


SEXTO

O artigo 6 do título preliminar da LOUGA establece:

"as dúbidas na interpretación do planeamento urbanístico producidas por imprecisións ou por contradiccións entre documentos de igual rango normativo resolveranse tendo en conta os criterios de menor edificabilidade, de maior dotación para espazos públicos e de maior protección ambiental, e aplicando o principio xeral de interpretación integrada das normas"

A contradicción que poidera existir entre o artigo 133. Ordenanza 12 do Ensanche, e o artigo 118. Sistema de equipamentos e dotacións (que non é unha ordenanza específica para os equipamentos, senon que refire a súa ordenación ás ordenanzas propias das zonas nas que se ubican) deberíase resolver co axuste aos criterios mencionados no artigo 6 da LOUGA, esto é, rexeitando a actual formulación do centro de ocio de Sartaña, por supoñer éste unha maior edificabilidade, maior ocupación en planta (e polo tanto menor espacio público) que a que se axustaría á ordenanza 12.

En consecuencia, por todo o exposto anteriormente,

PIDO

que se admita a miña comparecenza no presente procedemento, e co obxecto de non incurrir nunha ilegalidade, se proceda á cancelación da construción do centro de ocio na ubicación que o Concello pretende, así como que se teña en consideración o que os vecinos realmente desexan, que non é outra cousa que a urbanización da zona, e a reparación e adecentamento das instalacións existentes na praza de Sartaña para o seu uso público e gratuito.

En Ferrol, 26 de xuño de 2006


<< Voltar ao Blog da Plataforma Ártabra 21

Alegacións referentes á sustentabilidade

Tags
Sr. ALCALDE PRESIDENTE DO CONCELLO DE FERROL

D. ............................................................................. con DNI ...................... e con enderezo en ......................... ..........................................................................., comparece, e como mellor proceda en Dereito, DI:

Que tendo coñecemento mediante a lectura do acordo plenario de 25 de maio de 2006 exposto no taboeiro de anuncios do Concello can data 2 de xuño de 2006, que a adxudicacion á empresa Serviocio da contrata de redacción do proxecto, da xestión e explotación dun centro deportivo de ocio e saúde no barrio de Ultramar, se somete a exposición pública, quero formular as seguintes


ALEGACIÓNS


PRIMEIRO

A Conferencia de Nacións Unidas sobre o Medio Ambiente Humano, realizada en Estocolmo; en xuño de 1972, resaltaba a responsabilidade dos humanos na conservación do seu medio ambiente, para iso desta xuntanza sae unha nova definición segundo a que: "Medio ambiente é o conxunto de compañentes físicos, químicos, biolóxicos e sociais capaces de causar efectos directos ou indirectos, nun prazo curto ou longo, nos seres vivos e nas actividades humanas".

O primeiro principio da Declaración de Estocolmo (Suecia) afirma: "Os seres humanos teñen o Dereito fundamental ó disfrute de candicións de vida axeitadas nun medio de calidade tal que lle permita levar unha vida digna e gozar de benestar..."


SEGUNDO

No ano 1983 a Asamblea Xeral das NaciQns Unidas crea a Comisión Mundial sobre o Medio Ambiente e a F)esenvolvernento presidida pola Dra. Gro Harlem Brundtland co obxecto de elaborar un informe no que por primeira vez se utiliza o termo desenvolvemento sostible , definido como o canxunto de novas vías de progreso social e económico que resaívan as necesidades da presente sen comprometer a capaeidade das geraeións futuras de satisfacer as súas propias necesidades.


TERCEIRO

A Cumbre da Terra en Río de Janeiro do ano 1992 introducíu o tema do desenvolvernento sostible como elemento central da estratexia para conserva-lo planeta.

O primeiro principio da Declaración de Río enuncia "Os seres humanos constitúen o centro das preocupacións relacionadas co desenvolvemento sostible. Teñen o dereito a unha vida saudable e productiva en armonía coa natureza1.

Os principios esenciais e universais do Dereito Ambiental, configuran posicións xurídicas relativas ás persoas, ós Estados, e as persoas e Estados canxuntamente:

• Dereito a unha vida saudable.
• Dereito á desenvolvemento sostibte das xeracións presentes e futuras.
• Dereito de participación no tratamento das cuestións ambientais dos cidadáns interesados.


CUARTO

Na Cumbre de Joharmesburgo no 2002 chégase ás seguinttes conclusións:

• Reiterar o seu compromiso co principio de precaución como un componente clave da política ambiental.

• Importancia dunha participación da sociedade civil no deseño, execución e seguemento das políticas de desenvolvemento sostible e dos compromisos rexionais e internacionais sobre estas materias.

• 0 avance do desenvolvemento sostíble, esixe integradas políticas sociais económicas e ambientais, a fin de invertir, antes que sexan irreversibles, as tendencias que ameazan a calidade de vida dos seres humanos e evitar un gran aumento dos custos para a sociedade, e deter a continua degradación ambienta.

A consecución do desenvolvemento sostible e a mellora da calídade de vida require unha integración máis efectiva dos compoñentes ambientais, sociais e económicos nas políticas públicas, programas e proxectos a nivel local, nacional e internacional.


QUINTO

A ordeción ou planificación do territorio consiste en destinar cada zoa do mesmo o uso máis axeitado segundo as súas características.

O principio fundamental para o desenvolvemento equilibrado é que "calquera actuación debería localizarse alí onde sexa máxima a capacidade do territorio para acollela e, ó mesmo tempo, sexa mínimo o impacto da actuación sobre do medio".

Cando se deciden os proxectos hai que ter en conta criterios:

• Técnicos
• Sociais
• Medioambientais.
• Económicos

Deste xeito, poderanse usar racionalmente os recursos, previr riscos e evitar a degradación medioambiental.

Na ordeación territorial hai que ter en conta dous aspectos fundamentais:

• Cualidade de acollida do territorio ou a aptitude dun sector para desenvolver nel unha determinada actuación.

• O impacto ambiental ou variación da calidade ambiental, respecto á situación inicial, unha vez desenvolvidas as actividades previstas.

0 obxectivo final e destinar cada zoa a aquela actividade onde se coxuguen quen o alto grao de acollida cun pequeno impacto ambiental. Tal é a importancia do cumprimento destas directrices que no Código Penal (Ley Orgánica 10/`95 do 23 de Novembro ) é onde se contempla o "delito ecolóxico" facendo referencia ós delitos sobre a ordeación do territorio, contra os recursos naturais e contra o medio ambiente.


SEXTO

A actuación -urbanística que se pretende realizar na Praza de Sartaña incumple tádolos preceptos do desenvolvemento sostible xa que:

• Fai desaparecer un espacio público quitando ós nosos fillos e netos a posibilidade do seu disfrute.

• Non se axusta ó marco legal urbanístico de aplicación que neste caso é a LOUPEMRG

• Incide nepativamente na nosa calidade de vida xa que desnaturaliza por completo unha Plaza que desenvolve unha función social, vertebradora, fio de conexión dos nenos e nenas e non menos importante para a nosa xente nova.

• 0 impacto sobre o medio vai potencia-la súa negativa, a curto e longo prazo, na vida dos
veciños que hoxe disfrutamos a Praza pública de Sartaña.

En consecuencia, por todo o exposto anteriormente,

PIDO

que se admita a miña comparecenza no presente procedemento, e co obxecto de non incurrir nunha ilegalidade se proceda á cancelación da construcción do centro de ocio na ubicación que o Concello pretende, así como insistir na reflexión de que este goberno municipal aínda está a tempo de face-las cousa ben tendo en consideración a urbanización da zoa, e a reparación que os veciños realmente desexan, que non é outra cousa que o adecentamento das instalacións existentes na Praza de Sartaña para gue os seus valores sociais ambientaís e estéticos non nos sexan sustraídos de forma irreversible.

En Ferrol, 26 de xuño de 2006


<< Voltar ao Blog da Plataforma Ártabra 21

Alegacións por motivos de saúde pública

Tags
SR. ALCALDE – PRESIDENTE DO CONCELLO DE FERROL

D. ……………………………………………………, con D.N.I. …………… e con enderezo en ................. ……….………………...............………………… , comparece e, como mellor proceda en Dereito, DI:

Que tendo coñecemento mediante a lectura do acordo plenario de 25 de Maio de 2006, exposto no taboeiro de anuncios do Concello, con data 2 de Xuño de 2006, que a adxudicación á empresa Serviocio do contrato de redacción do proxecto, da xestión e explotación dun centro deportivo, ocio e saúde na praza de Sartaña, no barrio de Ultramar, se somete a exposición pública, quero formular as seguintes


ALEGACIÓNS


Diario Oficial de Galicia. Decreto 9/2001, de data 11-01-2001.
Real Decreto 909/2001, de data 27-07-2001.
Real Decreto 865/2003, de data 04-07-2003.
AENOR.UNE 100030. N.
AENOR.UNE-102.
Manual para la prevención de la legionelosis en instalaciones de riesgo. Comunidad de Madrid, avalado y editado por 50 dos máis prestixiosos Centíficos de toda España en materia de medio-ambiente, saúde e prevención de riscos.

Os sistemas de climatización, quentamento ou refrixeración a través de aparellos que afecten os ambientes exteriores con equipos de transferencia de masas de auga en corrente de aire tales como as instalacións de torres de refrixeración, condensadores evaporativos; e en ambientes interiores con aparellos de arrefriamento evaporativo e humectadores, en piscinas climatizadas, spas, jacuzzis, centros de tratamento de augas quentes/templadas, etc., son instalacións de alto risco para a propagación da lexionella.

Os aparellos deberán ubicarse en lugares aillados, lonxe das ventás, tomas de aire de sistemas de climatización ou ventilación, e de lugares frecuentados por persoas, zonas públicas, etc.

Nos casos de torres de refrixeración e condensadores evaporativos, estes non poderán realizar descargas directas de bioaerosis a zonas públicas e/ou lugares frecuentados, nin nos núcleos urbáns, nin zonas de paso, debéndose situar afastados de ditos lugares. En calquera caso, as descargas de aire destes equipos estarán sempre a unha cota de 2 metros por enriba da parte superior de calquera elemento ou lugar que se precise protexer, cando a distancia horizontal a eles sexa inferior a 10 metros.

Existen altos riscos pola contaminación dos ambientes a causa de capas de suciedade que podan acumularse nos sistemas de transporte de aires, cando se dispersa á atmósfera en forma de aerosol. O risco aumenta cando se reduce o tamaño das partículas en suspensión. O auga das torres de refrixeración conteñen sempre microorganismos, protozoos, en cuio interior se multiplica a lexionella, encontrando protección física fronte os desinfectantes.

No caso das torres de refrixeración os aerosoles son lanzados ó exterior, con a corrente de aire quente que sae de aquelas, e unha vez no exterior, cando cesa o impulso con que foron emitidas, as gotas de auga máis pequenas serán transportadas polo vento a maior ou menor distancia, dependendo das condicións metereolóxicas existentes nese intre e da ubicación da torre, podendo ser transportadas doadamente ata máis de 1 Km.

En consecuencia por todo o exposto anteriormente, na praza de Sartaña non se pode construir o centro deportivo, ocio e saúde, por non acadar nin mínimamente as condicións que se exixen para estas instalacións, xa que implica un alto risco para a saúde e integridade física das persoas, xa que dito centro estaría bordeado na súa totalidade por vivendas a unha distancia máxima de 4 metros. Ademáis levaría un paso en todo o arredor para o paso de xente de maneira contínua.

A lei ordena que os aparellos mencionados teñen que estar afastados de lugares frecuentados por persoas e zonas públicas ; este proxecto contempla a construcción dun parque público infantil no recinto, pegado ao mesmo.

O estar as ventás case pegadas, hai un alto risco ao dispersar a atmósfera os aerosoles que saen das torres de refrixeración, condensadores evaporativos, etc. que poden alcanzar unha distancia de 1 Km. A descarga dos aerosoles dos equipos teñen que estar sempre como mínimo a unha cota de 2 metros por enriba da parte superior de calquera elemento, e a 10 m como mínimo en horizontal. Se altura do centro vai ser de 9 metros habería que añadirlle 2 m máis para chimeneas de desgasificación. Ainda así habería un alto risco, xa que as vivendas alcanzan unha altura de 6 pisos, é dicir uns 20 m, aproximadamente.

A ubicación sería nun parque público urbano e habitado. Considerase que a instalación está en núcleo urbano, cando haxa a menos de 100 metros zonas habitadas: edificios, zonas de recreo. Asegún o “Manual para la prevención de la legionelosis en instalaciones de riesgo” do Instituto de Salud Pública da Comunidade de Madrid e a Dirección General de Salud Pública y Alimentación de la Comunidad de Madrid. Ademáis sería nunha zona de paso. Se considera zona de paso, según a lei o lugar por donde deambulan personas frecuentemente, independentemente de que sexa de propiedade pública ou privada. Dado que as persoas poderían pasar a menos de 10 metros das emisións de aerosoles, tamén incumpliría unha da normas máis elementais e ao mesmo tempo perigosas.

O ruido dos extractores serían de funcionamento contínuo, polo que sería unha molestia insoportable para os veciños da zona. Estes extractores solen ser de gran tamaño, a o mesmo tempo ruidosos, e pola noite ainda peor. Causarían problemas de saúde, tales coma insomnio, strés, ansiedade e un sinfín de enfermidades nervosas.

Os brotes de lexionella se repiten con moita frecuencia. Os derradeiros coñecidos no noso país se sucederon en Galicia, Barcelona, Comunidad Valenciana e Navarra entre outras. No brote gallego morreron catro persoas, ainda que provocou a hospitalización de moitas decenas máis, e iso que non estaban os afectados pegados a fonte de contaminación como sería no caso da praza de Sartaña, que sería moito máis dramático.

A incidencia da lexionelose no noso país: se teñen datos dende o ano 1997, no que se declararon 201 casos. Este mismo ano os hospitais das Comunidades Autónomas declararon 114 casos. Ata a data declararonse 2.700 casos, que proviñan de case tódalas Comunidades.

The Health Protection Agency de Inglaterra tivo que pechar 23 spa por ser os causantes dunha epidemia de lexionelose.

En consecuencia, por todo o exposto anteriormente,

PIDO

que se admita a miña comparecenza no presente procedemento, e co obxecto de non incurrir nunha ilegalidade, se proceda á cancelación da construcción do centro deportivo, ocio e saúde, que o Concello de Ferrol pretende ubicar na Praza de Sartaña, no barrio de Ultramar.

Pido o mesmo tempo se teñan en consideración as peticións dos veciños, que consisten na urbanización da zona, rehabilitación e mellora das instalacións existentes na Praza de Sartaña, e que siga sendo pública para o uso e o disfrute de tódolos veciños e veciñas, especialmente os nenos e nenas e tamén os maiores, evitando así a destrucción do único parque público libre do tráfico rodado.

En Ferrol, a 27 de Xuño de 2006


<< Voltar ao Blog da Plataforma Ártabra 21

luns, xuño 26, 2006

Preguntas de gaspar Llamazares, en Madrid, no Congreso dos Diputados

Tags
Á MESA DO CONGRESO DOS DEPUTADOS

Ao amparo do establecido no Reglamento da Cámara, preséntanse as seguintes PREGUNTAS, dirixidas ao Goberno, para as que se solicita resposta escrita.

Desde fai máis de cinco anos, uns 60 colectivos culturais, veciñais, ecoloxistas, Corporacións Locais e outras institucións agrupadas na Asemblea Cidadá en defensa da Ría de Ferrol, veñen desenvolvendo unha firme oposición cívica en contra do proxecto da empresa Reganosa de construír e poñer en funcionamento unha Planta de Gas en Punta Promontorio de Mugardos (A Coruña), dentro da Ría de Ferrol, no canto de facelo na ubicación inicialmente prevista de Cabo Prioriño, no litoral exterior da Ría.

Este proxecto, de levarse a cabo, poñería en risco permanente a vida e os bens duns 40.000 veciños nun radio de tres quilómetros en torno á Planta. Ademais, a existencia dun complexo petroquímico denominado Forestal do Atlántico, cuxa concesión marítimo-terrestre caduca no ano 2017, tamén propiedade dos promotores de Reganosa, con tanques de combustible e almacéns de produtos químicos, podería provocar o risco de efecto dominou que prevén o artigo 8 do Real Decreto 1254/1999 de 16 de xullo.

Estes riscos multiplicaríanse pola entrada ao ano, dentro da Ría, de máis de cen grandes buques gaseros. Estes buques, polo seu gran tamaño e a angostura da Ría, tardarían unhas tres horas en saír da zona en caso de urxencia durante a descárga, polo que se incumple a norma europea EN-1532.
Ademais, a posta en marcha desta Planta provocaría unha agresión ambiental irreparable, coa destrución de reservas marisqueiras, a perda de potencial turístico e a destrución do xacimiento arqueolóxico romano de Caldoval. E todo isto, abandonando a ubicación inicial fose da Ría, e cando novos operadores de gas natural a nível europeo presentaron no rexistro do Ministerio de Industria a solicitude dunha planta de Gas a situar fóra da Ría de Ferrol.

A Administración Xeral do Estado, através dunha Orde da Dirección Xeral de Política Energética e Minas, do Ministerio de Industria, concedeu o 13 de Febreiro de 2004 a autorización de construcción da Planta de Gas na Ría de Ferrol.

O 3 de Novembro de 2004, en resposta a unha pregunta do noso Grupo Parlamentario ao Goberno non considerou procedente a nosa petición de que se declarase nula a autorización de construcción desta Planta en Mugardos,desde entón xurdiron feitos novos.

O procedemento que precedeu a esta autorización, e moi especialmente a Declaración de Efectos Ambientais de 11 de Xuño de 2001, estivo plagado de irregularidades. Por exemplo:

- non se consultou ao Concello de Ferrol, nin ás Cofradías de Pescadores da Ría, nin ás organizacións ecologistas;

- ocultouse o informe de 25 de Agosto de 1999 do Xefe de Estado Maior da Zona Marítima do Cantábrico, enviado o 25 de agosto de 1999 ao AJEMA por D. Rafael de Morais Romeu, entón Almirante Xefe desta Zona Marítima, no que se solicitaba ao Ministerio de Defensa que alegase contra o proxecto de Reganosa por invadir a Zona de Seguridade do Arsenal Militar, o que supoñería unha ameaza para a poboación de Ferrol, e propuxese que a Planta de Gas se situáse en Cabo Prioriño nos terreos que foran propiedade do
Ministerio de Defensa e que foron vendidos para situar unha Planta de Gas;

- no proxecto básico de xullo de 2000, ocultáronse as posteriores obras de dragado da Ría e suscitouse que non era necesaria a utilización de auga de mar nos vaporizadores de gas para regasificar o gas natural licuado, cando no proxecto constructivo recoñécese esta captación de auga de mar, cuantificada en 15.000 metros cúbicos por hora, co consiguiente vertido de cloro a Ríaa;

- non se respectou a distancia dos núcleos de poboación, incumpliendo a Directiva europea Seveso II e o Real Decreto 1254/1999 de 16 de xullo;
Como consecuencia do recurso contencioso-administrativo interposto en 2004 polo Concello de Ferrol contra a resolución da Consellería de Medio Ambiente da Xunta de Galicia de 19 de decembro de 2001, o Tribunal Superior de Xustiza de Galicia, por sentenza 536/2004, anuló a Declaración de Efectos Ambientais de 11 de xuño de 2001, na que se fundamenta a autorización de construción ordenada pola Dirección Xeral de Política Energética e Minas.

A sentenza aínda non é firme, á espera de que o Tribunal Supremo resolva o recurso de casación interposto tanto pola empresa como pola Administración Autonómica de Galicia.

Doutra parte, o Pleno do Concello de Ferrol celebrado o 12 de novembro de 2004, acordou presentar medidas cautelares de paralización das obras de Reganosa.

Ademais, está pendente unha próxima decisión da Comisión Europea, que ten aberto un expediente de infracción contra o Estado español por vulneración de directivas de protección medioambiental e de prevención de accidentes graves (Seveso II).

Ante a espada de Damocles que podería representar a sentenza do Tribunal Supremo, Reganosa acelerou as obras e anuncia que estas poderían estar terminadas a finais de ano para iniciar a posta en funcionamento o ano que vén.

Segundo o punto 6 do artigo 84 do Real Decreto 1434/2002, a responsabilidade e a competencia de paralización corresponden ao Ministerio de Industria na última instancia ao Consello de Ministros, debido ao contencioso administrativo suscitado polo Concello de Ferrol.

¿Pensa o Goberno paralizar as obras de construcción da Planta de Gas de Reganosa en Mugardos, anulando a autorización de construcción polas irregularidades do procedemento, en aplicación da cláusula oitava da
Autorización Administrativa Previa?

¿Por que o Goberno non paraliza a obra, atendendo á sentenza 536/2004 do Tribunal Superior de Xustiza de Galicia?

¿Como valora o Goberno a opción de reconducir o proxecto cara ao litoral exterior da Ría de Ferrol?

¿Podería o Ministerio de Medio Ambiente realizar un estudo de impacto ambiental deste proxecto, tal e como se fixo noutros proxectos de Plantas de Gas na Comunidade Autónoma do País Vasco e na Comunidade de Valencia?

¿Pode certificar o Goberno que este proxecto é conforme á lexislación vigente, e en particular ao artigo 67 da lei 34/1998 do sector de Hidrocarburos; as Directivas europeas 85/337/CEE de avaliación de impacto ambiental e 96/82/CE de prevención de riscos de accidentes graves por sustancias perigosas, transpuestas nos reais decretos 1131/1988 de 30 de setembro e 1254/1999 de 16 de xullo, especialmente o artigo 8 deste último Real Decreto, que obriga a previr o risco de efecto dominou co Complexo Petroquímico encostado ao cal constrúese esta Planta de Gas; a Norma europea EN-1532 sobre os requisitos que garantan unha saída rápida de buques en caso de urxencia así como a Lei de Costas 22/1988 de 28 de xullo que obriga á realización dunha avaliación de impacto ambiental para os vertidos industriais ou para o dragado que propón o proxecto constructivo presentado por Reganosa en xuño de 2003?

Palacio do Congreso dos Deputados Madrid, 22 de xuño de 2006

Gaspar Llamazares Trigo
Deputado do Grupo IU-ICV


<< Voltar ao Blog da Plataforma Ártabra 21

domingo, xuño 25, 2006

Argumentos veciñais de oposición ao atentado urbanístico, cívico, social, ...chamado Centro de Ocio de Sartaña

Tags
Como acordamos na pasada reunión da Coordenadora [22.06.2006] e conforme á resolución acordada na pasada Asembleia da Plataforma Ártabra 21, damos entrada a unha comunicación do Colectivo veciñal pola defensa do parque público de Sartaña, co obxectivo de difundir os argumentos veciñais de oposición ao chamado Centro de Ocio e os pasos a dar para seguir loitando contra a imposición do inxusto acordo plenario con os votos de PP e IF.

Ola compañeir@s ártabr@s.

Con data 25 de maio de 2006, o pleno do Concello de Ferrol acordou adxudicar á empresa Serviocio, o contrato de redacción do proxecto, da xestión e explotación dun centro de ocio na praza de Sartaña.

Despois deste paso no trámite administrativo, os veciños imos presentar alegacións y pretendemos entregar o maior número delas para demostralle ós nosos teimudos gobernantes o respaldo que temos na loita contra este atentado urbanístico, cívico, social, etc.

Unha vez que onte 23 de xuño mantivemos reunión cos veciños e aclaramos algunha traba, xa decidimos a data e hora do acto de presentación masiva de alegacións que terá lugar o venres día 30 de xuño as 12:00 h. no rexistro do Concello.

Gustaríanos contar coa colaboración da plataforma e das entidades integrantes para a difusión e firma das alegacións que vos adxuntamos, así como para a asistencia ó acto.

Como comprobaredes os documentos hai que cubrilos indicando nome, DNI e enderezo (como soamente teñen dereito a alegar os cidadáns de Ferrol, o que sexa de doutro lugar pode facelo, pero ten que poñer un enderezo de algún coñecido de Ferrol). Moi importante tamén é asinala o final.

Imos mandarvos 5 tipos de alegacións. Cada persoa pode cubrir unha de cada modelo, ou sexa que serían 5 alegacións, pero como hai que entregalas no Rexistro deben facerse por duplicado.

As persoas que por calquera motivo non poideran asistir ó acto do 6 de xullo, que non dubiden en facernos chegar as que teñan cubertas da maneira que sexa.

Á próxima asemblea do martes 27 de xuño, levaremos unha boa cantidade delas en papel.

Ata logo,

Veciñ@s na defensa do parque público de Sartaña !

24 de Xuño de 2006


MODELOS DE ESCRITOS DE ALEGACIÓNS
CONTRA A IMPOSICIÓN DO ATENTADO URBANÍSTICO, CÍVICO, SOCIAL, ... CHAMADO CENTRO DE OCIO, POLA DEFENSA DO PARQUE PÚBLICO DE SARTAÑA :

1.- Alegacións por contaminación

2.- Alegacións por motivos técnicos e de legalidade

3.- Alegacións referentes á sustentabilidade

4.- Alegacións: por motivos de saúde pública

5.- Alegacións por motivos cívicos e sociais


Copia, lee e difunde os modelos de alegacións. Armaraste de argumentos, para defender a Praza de Sartaña como un Parque Público e contribuirás a facer de Ferrol unha cidade social e ecoloxicamente sustentábel.

Participando e cunha firme vontade de que as cousas poden e deben cambiar, o conseguiremos. As persoas que podamos, temos que apoiar á veciñanza de Sartaña o venres, día 30 de Xuño ás 12 do medio-dia na Praza de Armas, coas nosas alegacións cubertas e asinadas para entregalas no rexistro municipal.

Participa !!

sábado, xuño 24, 2006

Festival do Río Castro 2006

Tags

Este Sábado, 2 de Xuño, hai unha cita en San Sadurniño, no lugar da Bola, na ribeira do Río Castro e perto do Castelo de Narahío, estamos falando do Festival do Río Castro. Unha cita festiva e de lecer, coa música, os jogos e a gastronomía, mas tamén con a reivindicación ecoloxista e a conservación do patrimonio histórico. A veciñanza da parroquia de Narahío, organizada hoxe na Asociación Veciñal O Castelo, pretendían coa realización deste festival, hai xa 13 anos, chamar a atención polo deterioro e contaminación do río Castro, afluente do río Xubia. A restauración do castelo medieval foi outra das súas reivindicacións, até editaron un estudo do mesmo en forma de libro [*] para a divulgación do patrimonio histórico que posee o lugar.

Mais o Festival ten, tamén, outras reivindicacións que non están reñidas coa diversión, como son a defensa da nosa lingua, a recuperación dos xogos populares e tradicionais, e a música e baile tradicionais, sen faltar nunca grupos inovadores e de fusión.

Nesta edición, XIII, contará con a presenza de Pulalhe o pé, Xochilmica, Os Carunchos e A Matraca Perversa que amenizarán musicalmente a noite.

Tamén estará en Narahío, a charanga Cantigas e Agarimos de Santiago mentras discurre o jantar popular e o concurso de merendas.

O grupo de animación infantil Sapo e o grupo Picompé organizarán xogos, espectáculos de mimo, malabares e globoflexia.

Xa pola tarde comenzará o concurso de xogos e deportes populares con serrado de tronzador, tirando da corda ou petando na chave.

Os artistas Leandro Lamas e Carlos García realizarán un mural que terá o Castelo de Narahío como protagonista.

[*] Narahio, un castelo medieval. M. Piñeiro / A. Veiga Ed. A.VV. O castelo. Galicia

<< Voltar ao Blog da Plataforma Ártabra 21

Galería fotográfica sobre a exposiçon do Bairro de Recimil no Colexio de Arquitectos de Ferrol [24.06.2006]

Tags














venres, xuño 23, 2006

Acta da Xunta Coordenadora [01.06.2006]

Tags

ACORDOS MAIS RELEVANTES DA JUNTANÇA DA COORDENADORA DA PLATAFORMA ÁRTABRA 21 CELEBRADA A QUINTA-FEIRA, 1 DE JUNHO NO LOCAL DA FUNDAÇOM ARTÁBRIA.

ASSISTEM: a Junta Coordenadora ( Inacio Martinez, Xan Ramirez, Carlos Garcia Seoane, Xosé M. Sanxoán) mais Manuel Dominguez e Manuel L. Zebral.

1. Valorizaçom da Assembleia Constituinte. Valoriza-se de maneira positiva. Assinárom o documento fundacional 13 entidades das 18 que estavam comprometidas, entre as quais há quem nom pudo assistir. Comenta-se o erro por parte do comité organizador de nom realizar umha explicaçom breve e concissa do que vinha procurando a constiuiçom desta Plataforma, ainda que com as intervençons d@s assistentes conseguiu-se corrigir em certa medida.

2. - Acorda-se realizar um comunicado de apoio para a manifestaçom do sábado 3 de Junho no Cantom, a qual está convocada pola Assembleia Cidadá contra a Planta de Gás dentro da Ria.

3. - Acorda-se manter umha conversa com o Colectivo de Sartanha para levar-lhe umha proposta sobre a realizaçom dumha jornada reivindicativa: organizaçom dumha festa na pista de jogos de Sartanha, “entrega do maior número de escritos de desacordo “ no Registo municipal, mobilizaçons, etc. ...

- Abriu-se um Blog da Plataforma. Comenta-se a possibilidade de construir umha página web para o futuro.

- Enviará-se um correio electrónico para receber propostas dum logótipo para a Plataforma. A eleiçom terá lugar na Assembleia do 27 de Junho.

- Contabilidade. Comenta-se o sistema de quotas a assignar por entidade ou colectivo: as plataformas ficariam exentas de pagar umha quota. Quem contribuiriam seriam as entidades, estabelecendo um mínimo e a partir deste cada entidade decidiria a sua capacidade de contribuiçom. Também reconhece-se a possibilidade de contributos pessoais a título individual.

Na vindoura juntança informará-se sobre o sistema mais idóneo de recadaçom e controlo do dinheiro ( libreta, conta-corrente, ...) para estudar proposta.

- Manifesta-se a nom concordáncia com a proposta de entrevistas com os grupos políticos com representaçom institucional, posto que a prioridade da Plataforma é a adessom de forças, para o qual cumpre contactar, entre outros, com o colectivo contra cimenteira em Castro (Narom), colectivo contra a destruiçom do círculo lítico das Pontes, etc.

4. – Também manifesta-se a discordáncia com o plantejamento das reunions informativas e propostas dos representantes das organizaçons da Plataforma, posto que concebemos a esta como um organismo coordenador das diferentes entidades inseridas na Plataforma e ao mesmo tempo incentivar o trabalho destas, mas nunca abrangendo o campo de trabalho no que se estám a desenvolver.

5. – Zebral repartirá para a vindoura juntança umha série de documentos a debater.

- Manuel Dominguez informa sobre a realizaçom dumhas Jornadas sobre Urbanismo em Pontedeume para o 16 de Junho.


A vindoura juntança da Coordenadora será a quinta-feira, 22 de Junho às 19.30 hh. no local do Clube de Montanha de Ferrol ( R/ Corunha 102 1ºD).

Acta da Xunta Coordenadora [22.06.2006]

Tags
ACTA Nº 2/06

Pendente de aprobar

ACORDOS MAIS RELEVANTES DA JUNTANÇA DA COORDENADORA DA PLATAFORMA ÁRTABRA 21 CELEBRADA A QUINTA-FEIRA, 22 DE JUNHO NO LOCAL DO CLUBE DE MONTANHA DE FERROL.

ASSISTEM: a Junta Coordenadora ( Inácio Martinez, Xan Ramirez, Carlos Garcia Seoane, Xosé M. Sanxoán) mais Manuel L. Zebral, Jove (representante do colectivo de Sartanha) e Amadeo Varela, representante do colectivo de Recimil.

Manuel Dominguez (Fusquenlha) desculpa a sua ausência.

- Acorda-se fazer público os acordos das juntanças da Coordenadora mediante a sua publicaçom na Rede.

- Ante futuras convocatórias da Agenda 21 Local, manifesta-se que devem ser as entidades e colectivos que conformam a Plataforma Ártabra 21 quem revitalicem esta iniciativa.

- O Colectivo de Sartanha exporá na Assembleia do 27 de Junho umha proposta para desenvolver umha série de iniciativas ante a problemática da Praça de Sartanha.

- Desestímanse unhas propostas de M. Zebral, por entender que teñen mais reividicación sindical, tendo prioridade outras coma Planta de gas, Recimil, P. De Sartaña, etc.

- O Colectivo de Recimil também exporá na Assembleia a sua proposta de Ressoluçom, em certa medida já avaliada mediante consulta por correio-e.

- Propora-se a Assembleia o estabelecemento das Quotas e contia( 20,00 € ou 25,00 €) por organizaçom. A Assembleia eligirá o método de Conta-corrente e nomeará a três pessoas responsáveis da Conta.

- O responsável da COMISSÃO PARA A REUNIFICAÇÃO NACIONAL DA GALIZA E PORTUGAL ...M. Zebral, por desacordo nas quotas, abandona a Xunta –Coordenadora...

- Acordamos fazer a Convocatória e Orde do dia da vindeira ASSEMBLEIA para a terça-feira 27, às 7,30 horas da tarde no Centro Cultural Torrente Ballester, comunicando-a por correio-e, e medios de comunicaçom.

Ferrol a 22 de Junho de 2006.

mércores, xuño 21, 2006

Información sobre as entrevistas mantidas co Director Xeral de Industria, Enerxía e Minas polo asunto da Planta de Gas de REGANOSA

Unha delegación do Comité Cidadán de Emerxencia para a Ría de Ferrol, mantivo unha reunión, este Luns, 19 de Xuño, na Consellería de Industria con Anxo Calvo Silvosa, actual Director Xeral de Industria, Enerxía e Minas, da Xunta de Galicia, acompañado, este, por Luís Barcia Delegado Provincial da Coruña. Esta foi a segunda entrevista, pois a primeira tivo lugar o pasado 22 de Marzo no Parador de Turismo de Ferrol. Pola importancia destas reunións, convidamovos a que vexades a boa e elaborada información que, ao respeito, hai no sitio na rede do Comité Cidadán.

Información referente á primeira reunión mantida co Director Xeral en Ferrol o 22 de Marzo deste 2006 e o completo informe que se lle enviou o dia 30 do mesmo mes.

Relatorio do Comité sobre a entrevista mantida este 19 de Xuño en Compostela na Conselleria de Industria.


VISITA O BLOG DO COMITÉ CIDADÁN DE EMERXENCIA PARA A RÍA DE FERROL, É MOI INTERESANTE E NEL PODES VER TODA A INFORMACIÓN SOBRE A ACTIVIDADE DO PROPIO COMITÉ E SOBRE A PLANTA DE GAS DE REGANOSA:
http://comitecidadan.bitacoras.com/

Nota.-
O Comité Cidadán de Emerxencia é unha plataforma que agrupa a máis de medio centenar de entidades locais contra a ubicación dunha planta de gas de Reganosa no interior da ría ferrolá.

Aclaración.-
O Comité Cidadán de Emerxencia para a Ría de Ferrol, non forma parte da Plataforma Ártabra 21, mais a nosa Plataforma na súa Asemblea Constituinte acordou unha resolución de rexeitamento da planta de gas de REGANOSA e de apoio ao comité Cidadán.

luns, xuño 19, 2006

Estado das contas da Plataforma

Tags
Contas da Plataforma Ártabra 21


Ingresos.-
Data
28.06.2006 Cuotas. ............................................... .: 0000 €


Gastos.-
Data
28.06.2006 Varios. ................................................ .: 0000 €


Saldo.-
Data
28.06.2006 Saldo Final. ......................................... .: 0000 €


Observacións:




sábado, xuño 17, 2006

Concentración en Madrid do Comité Cidadán de Emerxencia para a Ría de Ferrol

Notas do Comité Cidadán de Emerxencia para a Ría de Ferrol, para informar da viaxen, que se está organizando, até Madrid, para concentrar-se diante do Ministerio de Industria e posterior entrevista no Congreso dos Diputados.

Tamén notifican que o vindeiro dia 19 de Xuño terá lugar unha entrevista co Director Xeral de Industria en Compostela.

Clica na Foto para ampliar


NOTA 1.-

O Comité Cidadán de Emerxencia para a Ría de Ferrol acordou realizar o próximo 27 de xuño unha viaxe a Madrid en autobús, para concentrarse diante do Ministerio de Industria donde se celabrara unha roda de prensa escenificada alertando dos riscos e a ameaza para a vida humana que supón a planta de Gas que constrúe Reganosa.

Tamén se visitará o Congreso dos Deputados onde unha delegación manterá unha entrevista con Gaspar Llamazares Coordinador de IU para informar das vías xudiciais e administrativas pendentes, detalle dos condicionados que son de imposible cumplimentación por Reganosa dentro de Ría de Ferrol e dos escritos pendentes de resposta polo Presidente do Goberno, o Ministro de Industria e a Ministra de Medioambiente. Así mesmo entregarase un dossier aos grupos parlamentarios que teñen representantes por Galicia, con documentación dos condicionados que son imposibles de cumplimentar por Reganosa, polo cal vénse solicitando ao Ministerio de Industria que non autorice o seu funcionamento e que deixe claro aos operadores de gas natural que únicamente é viable unha planta de Gas fóra de Ría de Ferrol, en Cabo Prioriño onde está construído un Porto Exterior ou en mar aberto do Golfo Ártabro.

Todo-los participantes que den a tempo os dados do Nome, apelidos e DNI poderán acceder ao interior do Congreso donde tendremos una reunión na sala chamada Clara Campoamor.

O prezo da viaxe será entorno a 20 euros e a saída en autobús está prevista para as 24 horas do día 26 de xuño, co regreso cara ás 22 horas do día 27. As inscripciones para quen queiran participar poden facerse, indicando o nome, apelidos e número de documento nacional de identidade, a través das asociacións que constitúen a Asemblea Cidadá e tamén chamando ao teléfono 981357970 do Ateneo, en horas de 11,30 a 13,30. Cada participante debe levar a súa comida para a viaxe.


NOTA 2.-

Recibidas algunhas preguntas en relacion coa nota enviada, comunícase o seguinte:

1.- A horas de saída e chegada refírense a Ferrol.

Saída de Ferrol:

En principio esta prevista para as 24 horas (12 da noite) do luns 26 de xuño.

Regreso a Ferrol:

Espérase chegar a Ferrol entorno ás 22 horas do martes dia 27 de xuño, e dicir, mais ou menos sobre as 14 horas terminada a nosa presenza en Madrid saímos para Ferrol.

2.- Inscripción e reserva de praza:

Dado que desde distintas asociacións vanse anotar solicitudes de praza, parece conveniente o seguinte:

Debe anotarse NOME, APELIDOS, DNI, e TELEFONO da persoa que quere a praza, ademais da entidade ou asociación onde lle anotou a inscripicion de praza solicitada. O teléfono é para confirmar posteriormente a inscripcion definitiva á persoa ou persoas que soliciten praza.

A inscripción definitiva estará centralizada no email, comitecidadan@iespana.es, á que se enviaran os datos desde cada asociación onde se anotaron as solicitudes de praza.

Cada asociación que anote solicitudes de prazas debe manter a nota de datos, despois de transmitila o comitecidadan@iespana.es, para contrastar as posteriores confirmacions de praza, e para comunicar a inscripcion definitiva de praza a quenes o solicitaron. Isto pode ser moi importante os ultimos dias no caso de que se completasen as prazas dun autobus e sexa necesario decidir se se pon outro autobus.

3.- Datos para entrada no Congreso:

Temos qaue facilitar con antelación os datos de nome, apelidos e D.N.I. o Grupo de Esquerda Unida para que realice os tramites de permiso para que podamos acceder ao Congreso dos Deputados. Estamos á espera de que nos digan a antelacion ou ultimo dia de prazo para enviarlles eses datos.


NOTA 3.-

O vindeiro luns 19 de xuño, na sé da Consellería de Industria en Santiago, está previsto que unha Delegación do Comité Cidadán de Emerxencia teña unha segunda entrevista con Anxo Calvo Silvosa, actual Director Xeral de Industria.


Comité Cidadán de Emerxencia para Ría de Ferrol. 17 de xuño 2006.
Carmelo Teixeiro

Máis información en http://comitecidadan.bitacoras.com/


FOTOGRAFIAS AÉREAS: