quinta-feira, dezembro 06, 2012

As traballadoras e traballadores do Parador de Ferrol seguen sumando apoios na súa fronte de rexeitamento ao peche do establecemento - Concentración, Venres 7 de decembro, ás 12 do mediodía



MAÑÁ, VENRES 7 DE DECEMBRO, CONCENTRACIÓN, ÁS 12 DO MEDIO DÍA
, DIANTE DO PROPIO PARADOR DE TURISMO.

CONTRA O PECHE DO PARADOR !!
EN DEFENSA DOS POSTOS DE TRABALLO
!!
NON MÁIS AGRESIÓN CONTRA UN FERROL EN DECLIVE!!

Perante esta ponte, está convocada unha Folga, os días 7 e 8 de decembro.

"A dirección de Paradores Nacionais profundou onte nos detalles do recorte anunciado a nivel estatal para manter a súa viabilidade económica e que deixará a Galicia sen dous dos seus once establecementos, segundo confirmaron onte fontes sindicais. A empresa pública, que depende do Ministerio de Industria, Enerxía e Turismo, informou ao comité intercentros de que quere recortar 85 postos de traballo na comunidade (dun total de 450 empregados indefinidos), clausurar os paradores de Ferrol e Verín, e realizar peches temporais de cinco meses nos de Tui, Monforte, Santo Estevo e Vilalba. Isto obrigará a 119 traballadores destes centros a pasar os seus contratos de indefinidos a fixos descontinuos, coas repercusións que esa modificación ten para os seus ingresos e cotizacións".
|J. Carneiro en 'La Opinión de A Coruña' |

O Parador de Ferrol levaba desde o mes de agosto sen dirección propia

Os traballadores e traballadoras do Parador de Ferrol seguen sumando apoios na súa fronte de rexeitamento ao peche do establecemento. Na tarde de onte recibiron a visita da viceportavoz do grupo parlamentario de Alternativa Galega de Esquerda, Yolanda Díaz, que lles informou da presentación, xa na tarde do martes, dunha iniciativa para que a Xunta de Galicia interveña no súa defensa. No texto pregúntase se o goberno de Núñez Feijóo coñecía os plans da rede pública de hospedaxe e que ten previsto facer respecto diso.

Ademais, o Centro Comercial Aberto A Magdalena manifestou o seu apoio aos traballadores e o seu convencemento de que o Parador de Ferrol ha de perdurar como un establecemento emblemático e indispensable para o futuro do sector turístico na cidade. "Non podemos permitir que peche", sinalou o presidente da entidade, Cristóbal García Nores. Na xornada de onte, ademais, o alcalde de Ferrol volveu referirse ao posible peche durante a rolda de prensa que ofreceu en Santiago, na sede da Fegamp, para indicar que se puxo en contacto co seu homólogo en Verín, onde está o outro establecemento da rede que se quere clausurar en Galicia, de face a establecer unha estratexia común.

Os traballadores e traballadoras, como xa se informou, consideran que os niveis de ocupación do Parador de Ferrol non xustifican esta medida. Segundo indicaron, estarían ao redor dun 60%, e iso a pesar de que desde o pasado mes de agosto o establecemento carece dunha dirección propia. Así, o director do Hostal dos Reis Católicos, Xulio Castro, ocúpase tamén da dos paradores de Ferrol e Vilalba. O persoal considera que o establecemento require unha xestión comercial independente, que conecte a oferta coas necesidades do tecido empresarial da zona.

Durante o pasado 2011, o Parador de Ferrol vendeu 7.862 habitacións e no que vai de ano facturáronse 7.531, polo que o persoal apuntan a que se ía camiño de igualar os resultados do ano pasado. A noticia do peche, sinalaron, está afectando xa negativamente á actividade do establecemento.

O período de consultas do expediente de regulación de emprego prolongarase polo menos ata o próximo día 3 de xaneiro. Mentres tanto, o persoal de 30 empregados que depende do Parador de Ferrol están chamados a secundar unha concentración mañá, de doce a unha da tarde, ante as portas do establecemento.

Unha reportaxe de Montse Mayoral no Diario de Ferrol |06.12.2012
_______


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon