sábado, outubro 31, 2015

A Marea Ártabra diante da situación do sistema de saneamento e depuración en Ferrol


COMUNICADO  DE PRENSA DE MAREA ÁRTABRA SOBRE EMAFESA-URBASER


O colectivo cidadán MAREA ÁRTABRA de Ferrol quere expresar ante a opinión pública a súa opinión sobre a situación existente na formalmente  empresa pública EMAFESA;  os estatutos desa sociedade  na práctica dán o control da mesma á empresa privada que non ten a maioría de participación económica, o que é posible grazas a colaboración de anteriores equipos de goberno no Concello que aceptaron e aprobaron ese tipo de xestión que permite que os intereses cidadáns queden supeditados ao intereses estritamente económico da parte privada, o que significa:

Un encarecemento constante do servizo para a cidadanía, encarecemento que en parte ven explicado polo beneficio  que URBASER quere obter.

Unha, como mínimo, ausencia de vixiancia e información completa real á cidadanía sobre as condicións da auga que non só se utiliza para aseo senón para preparar alimentos e para beber.

Como vimos recentemente, incluso a anterior Alcaldía e Urbaser se permitiron  imputar a  cobro aos veciños/as unha taxa por uns servizos  de depuración que na práctica no se ofrecen. Sobre isto debemos insistir en que ademais tampouco coñecemos  se realmente a cuantía da nova taxa de depuración  responde ao coste real do servizo, tale como a Lei dispón, xá que durante o mandato de Rey Varela a cuantía desa taxa  varióu á baixa  en función non de estudos técnicos  veraces e públicos,  senón en función das explicacións que ao respeito  pediran o Concello de Narón –afectado pola taxa- e a veciñanza de Ferrol.

A maiores chamamos unha vez máis a atención sobre as condicións nas que queda o Concello de Ferrol no marco dos acordos asinados no seu día coa Administración Autonómica e a Estatal para a construción e sostemento da rede de saneamento da Ría, rede que ademais de cara  e obsoleta  non cumplirá a súa pretendida función de evitar máis contaminación: os/ as veciños/as asumimos unha  rede e unha depuradora con deficiencias, o pago dunha aportación económica nunha cuantía superior á que nos correspondería para unha obra e un servizo calificado de interese xeral, na que curiosamente non paga nada o estado e, –insistimos- sen que saibamos canto é o custe real de construcción desas obras e o do seu mantemento, especialmente no referido ao custe enerxético.

Por si fora pouco, as contas de EMAFESA tampouco están aprobadas polo Pleno.

Enlazado co anterior debemos decir que é lamentable  que Rey Varela, despois de amosar o pouco que velóu polos intereses dos/as cidadáns de Ferrol frente aos intereses de URBASER, aparezca agora nada máis e nada menos que como Conselleiro de Benestar…  O   PLAN HIDROLÓXICO aprobado pola Xunta estes días era unha boa ocasión para enmendar eses sobrecostes que se cargan sobre os pobos de Ferrol de comarca para a rexeneración da Ría, pero non é así.

Transcorrido un tempo prudencial para ver o comportamento de URBASER nesa nova fase política en Ferrol, todos podemos constatar que perseveran en bloquear toda intervención tendente á transparencia e a poñerse ao servizo dos requerimentos do Goberno municipal para velar polo  interés  público,  polo que ESIXIMOS A DIMISIÓN DO CONSELLO DE ADMINISTRACIÓN DE EMAFESA, sin prexuízo doutras responsabilidades  que poidan derivarse da auditoria e das dilixencias que están en marcha sobre a súa xestión.

Esiximos tamén  que EMAFESA cese de contratar persoal por medio de Empresas de Traballo Temporal no que entendemos que é un fraude laboral inadmisible nunha empresa “mixta”.

SOLICITAMOS  ao Alcalde e Comisión de Goberno municipal que convoque unha xuntanza de asociacións e colectivos veciñais e sociáis de Ferrol para informar do estado actual na xestión de EMAFESA, taxa de Saneamento etc… e para recibir e debatir propostas, dúbidas etc.. ao respeito, en cumplimento do obxetivo de lograr a maior participación cidadán posible, así como de potenciar a mobilización  para logar variar o comportamento e a contribución da Xunta e do Goberno  Estado en todo o referido á sostenimento e mellora da rede de saneamento da Ría de Ferrol,  reivindicación que tén asemade unha dimensión  comarcal na que hai que implicar nuha fronte de traballo unida e constante a tódolos demáis Concellos.

Mareaartabra.gal | #MareaArtabra | @mareaartabra | info@mareaartabra.gal | Facebook



Enviado por:
Espacio Lector Nobel Ferrol
-ferrol@libreriasnobel.es-
30 de outubro de 2015 20:42

_______________

A loita polos montes do Cha continua - III Xornadas do Monte Veciñal en Doniños, hoxe sábado 31 de Outubro

Conferencia sobre a xestión do monte veciñal do Cha que agora, co apoio de novo goberno municipal de Ferrol (Ferrol en Común | PSOE), conseguirase recuperar por medio da xustiza, a pesares da inxusta e cerril oposición dos actuais directivos do PARTIDO POPULAR, que influíron no Xurado de Montes da Xunta de Galicia para que non recoñecera a condición de monte veciñal de Brión e Doniños, que o Cha tivo dende tempo inmemorial ata que foi  incautado en 1960, cando o concello da ditadura decidiu apropiarse dos montes veciñais das parroquias do anexionado en 1939 concello de Serantes.

Enviado por:
Comunidade Montes do Cha
-comunidade-montesdocha@hotmail.com-
29 de outubro de 2015 21:44

______________

venres, outubro 30, 2015

Eliximos Narón denuncia que se está a pagar até 3 veces o custo normal por traballos técnicos, como ocorreu co recen paralizado proxecto da reitoral de Pedroso


Eliximos Narón denuncia sobre prezos nos orzamentos das obras do POS 2016


Como xa denunciamos onte no pleno o concello está a pagar sobreprezos polas obras e traballos no concello. Estase a pagar ata 3 veces o custo normal por traballos técnicos, como ocorreu co recen paralizado proxecto da reitoral de Pedroso por incumprimento da normativa e cuxa factura chegou os 72.000 euros para unha obra de 360.000, e dicir, o 20% do valor da obra.

Noutros concellos os traballos técnicos como os do POS (PLAN DE OBRAS E SERVIZOS) fannos os propios funcionarios do concello, e en Narón, aínda por riba de pagar sobre prezos, presentan bastantes deficiencias e erros, que no caso das obras do POS-2016 roldan os 8.000 euros. Ademais dos erros, aparecen unhas voces de “imprevistos”, que non figuran nos orzamentos do POS doutros concellos, e que de 300 en 300 supoñen outros 8.300 euros.

Pero a cousa non remata aí, as contas soen ir con medio metro mais de ancho que a estrada e que, multiplicado polo largo das mesmas, sonche moitos metros cadrados contabilizados de mais. Ademais, seguimos a sumar sobre prezos porque os custes unitarios de cada concepto son mais altos que noutros proxectos do contorno e que nas bases de datos da construción.

Como resultado unhas valoracións con orzamentos incrementados por riba dun 40% mais na maioría dos casos, así que poderíamos estar a falar de mais de 160.000 euros de sobre prezos.

Aínda que, á hora de licitar, os prezos tendan a baixar algo dende logo non cremos que o faga nun 40 % e, por tanto, estaremos a pagar sobre custos moi importantes. Mentres tanto, xa de comezo, estamos a contratar un 40% menos de obras en termos de custo.

Esta denuncia feita por Eliximos Narón na xunta de portavoces e no pleno de onte, e a vista da votación, non lles preocupa aos partidos do goberno.

http://eliximos.esy.es/

Eliximos Narón Electores (ENE)
Participación cidadá
Grupo Municipal Mixto de Narón
Concello de Narón
Praza de Galicia s/n – Entrechán
15570 Narón (A Coruña)
Telf.: 981337700 - Ext.: 1066 - Móbil: 673141822 /
E-mail: grupomixto_ene@naron.es

Enviado por:
ENE Eliximos Narón Electores
-eliximos@gmail.com-
30 de outubro de 2015 08:12

____________

Un novo asasinato machista, fai que en Ferrol, como noutras cidades da Galiza, se convoque unha concentración de repulsa da violencia machista, que neste caso acabou coa vida de Maria - Praza do Concello, ás 8 da Tarde, deste sábado 31 de Outubro - Que a indignación de toda a sociedade saia á rua para rexeitar o cruel asasinato e denunciar a violencia contra as mulleres


A COORDENADORA COMARCAL DE FERROLTERRA DA MARCHA MUNDIAL DAS MULLERES CONVOCA UNHA CONCENTRACIÓN DE REPULSA EN FERROL POLO ASASINATO POR VIOLENCIA MACHISTA DE MARÍA

Unha vez máis sairemos á rúa para amosar a nosa indignación polo asasinato dunha muller por violencia machista. María foi asasinada polo seu compañeiro sentimental pagando coa súa vida a discriminación e a desigualdade que padecemos todas.

Sairemos novamente para rexeitar este cruel asasinato e denunciar unha vez máis a violencia machista instalada na nosa sociedade.
É precisa unha resposta social contundente contra a violencia machista.

Non consentiremos que a violencia machista continúe asasinándonos!!!!

O SÁBADO 31 DE OUTUBRO, ÁS 20:00H NA PRAZA DO CONCELLO DE FERROL, DIANTE DO PAZO MUNICIPAL.

-- "As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.

Foto de

Información baseada na enviada pola:
Marcha Mundial Ferrolterra
-mmmferrolterra@gmail.com-
30 de outubro de 2015 10:04
__________________

Resultado e crónica da moción sobre a cementeira do Xoves día 29 no pleno do Concello de Narón


Resultado e crónica da moción sobre a cementeira do Xoves día 29 no pleno do Concello de Narón

Con un salón do pleno ata a bandeira de veciñas e veciños agardando a votación da moción que presentaba Esquerda Unida sobre a cementeira de Castro o resultado da votación foi o seguinte:

En contra da moción de EU: 15 votos, 10 de TEGA, e 5 do PP.
Abstencións: 2 votos do BNG.
A favor da moción: 4 votos, 1 de EU, 2 do PSOE, e 1 de ELEXIMOS.

Escoitáronse berros de traidores e vendidos dende unha parte do público asistente.

Dende EU de Narón resumimos todo nun titular:

TEGA aliase co PP para tumbar a moción de Esquerda Unida sobre a cementeira, mentres o BNG mira para outro lado e se abstén.

Intervención defendendo a moción do Concelleiro de EU Narón André Abeledo Fernández durante o Pleno.

"Hoxe todas as concelleiras e concelleiros, todos os grupos políticos deste consistorio temos a oportunidade de poñernos o carón das veciñas e veciños, e non dos poderosos, temos a oportunidade de comezar a facer xustiza a unha loita veciñal de 12 anos encabezada polos veciños de Castro, unha loita exemplar que demostra como a mobilización, a perseveranza, e o compromiso son capaces de vencer xigantes.

Ningún partido que defenda os dereitos dos veciños pode votar en contra deste acordo.

Esta moción de Esquerda Unida da voz as reivindicacións dos veciños neste pleno, unha voz amparada pola razón, pero tamén por sentencias xudiciais FIRMES, tanto do Tribunal Supremo como do Tribunal Superior de Xustiza da Galiza. Este proceso xudicial chegou o seu FIN, e  non deixa lugar a dubidas sobre a ilegalidade da Cementeira de Castro.

Señor Alcalde non nos confundamos, nin tentemos confundir, a Cementeira foi declarada ilegal nas mais altas instancias, e non hai ningunha causa xudicial aberta que poda cuestionar a súa ilegalidade.

A outra sentencia a que vostedes se refiren na prensa, ten que ver en todo caso con unha posible recalificación de terreos, que agardamos que non aconteza polo ben da da saúde democrática de Narón, unha sentencia dun xuízo que non chegou a realizarse porque falta de un documento, esta si que non é firme, porque esta recorrida polos veciños, pero non ten nada que ver, nin afecta o mais mínimo o feito incuestionable de que en Narón esta a funcionar unha Cementeira ilegal, con sentencias FIRMES repítolles do TS e do TSXG.

Todos debemos ser coherentes e consecuentes, esta semana imos cansados de escoitar chamamentos o respecto as decisións xudiciais en Cataluña, os mesmos partidos que se enchen a boca de legalidade polo tema catalán, ¿pensan mirar para outro lado en Narón cando falamos de respecto a legalidade?.

Hai outro tema sángrante, que é tan, ou mais grave, esta Cementeira feita mo medio das casas dos veciños é ademais un perigo para a saúde, é un tipo de industria altamente contaminante, non pode estar hai, non se poden poñer os intereses económicos por enriba da saúde das persoas. E non o digo eu, o din especialistas, o din estudos médicos, o di a LEI.

Xa é hora de que esta loita do Concello de Narón contra os seus propios veciños remate, é tempo de reparar o dano feito, temos a obriga de estar a altura, aquí estamos para servir o pobo de Narón e non a ningún outro tipo de interese, e isto vai sobre todo para os partidos que se din de esquerda, a nosa trincheira ten que estar cos veciños e non coa Cementeira.

Agora tócanos a todos posicionarnos, dicir non a moción, é darlles as costas os veciños, a lei, e a xustiza. Absterse é non posicionarse, é mirar para outro lado, e seguir dándolles as costas os veciños. Aquí cada un vai ter que aturar a súa conciencia e asumir as consecuencias da súa decisión política a hora de votar esta moción."

Tras a defensa da moción escoitáronse aplausos.

GRUPO MUNICIPAL DE ESQUERDA UNIDA NARÓN

Contas de Esquerda Unida Narón no facebook e no twitter.

Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
André Abeledo Fernández
-andre1474@gmail.com-
30 de outubro de 2015 12:53
_____________

domingo, outubro 25, 2015

O BNG convoca unha Asemblea Informativa aberta á veciñanza de Ferrol, para explicar cal é a situación da rede de Saneamento na cidade e como esta a situación coa empresa mixta Emafesa - Este martes 27 de outubro às 8 da tarde no Centro Cultural Carvalho Calero


O BNG convoca unha Asemblea Informativa aberta á veciñanza de Ferrol, para explicar cal é a situación da rede de Saneamento na cidade e como esta a situación coa empresa mixta Emafesa - Este martes 27 de outubro às 8 da tarde no Centro Cultural Carvalho Calero

ASEMBLEA INFORMATIVA SOBRE A AUGA E O SANEAMENTO

Nesta reunión entre outras cuestións abordaremos a seguinte problemática:

1.-Durante o mes de xullo deste ano os veciños e veciñas desta Cidade sufrimos restriccións na rede de abastecemento municipal por problemas na potabilización da auga. Despois de tres meses a comisión de investigación anunciada polo actual goberno está paralizada.

2. Durante o mes de Agosto confirmouse algo que todos e todas intuíamos. A depuradora da cidade, despois de décadas de abandono, non depuraba. Esto non impediu que se nos cobrase por este servizo máis de 800.000 euros no remate do ano 2014.

3. A día de hoxe os convenios asinados polo PP no anterior mandato seguen vixentes e as súas condicións tamén.

4. O convenio coa empresa ACUAES obriga aos veciños e veciñas da cidade a pagar a partir de 2016 as obras da infraestrutura de saneamento que se estan a desenvolver na cidade e que deberían rematar neste ano 2015.

5. O convenio con Augas de Galicia implica que o Concello de Ferrol ten que xestionar unha infraestrutura obsoleta e que no momento actual non funciona como é a EDAR.

6. A encomenda de xestión asinada con EMAFESA establece que os veciños paguemos unha taxa para pagar as obras incluídas no convenio con ACUAES, a posta en funcionamento da rede que supón máis de 2M de euros e polo servizo de depuración das augas residuais do Concello que segue sen existir.

Ao engano do PP sobre a EDAR súmaselle agora o acordo do goberno de PSOE, EU, ANOVA e adscritos a titulo individual en PODEMOS para non revisar ningún destes acordos nen cuestionar un deseño de rede unitaria, irracional e insostible económica e medioambientalmente.



Web oficial do BNG:
http://bng.gal/

O BNG de Ferrol no facebook:
https://gl-es.facebook.com/bng.ferrol

O BNG de Ferrol no twitter:
https://twitter.com/bngferrol

Local Social do Bloque Nacionalista Galego en Ferrol
Rúa Naturalista López Seoane, 13 Baixo - 15402 Ferrol (A Coruña)
Telef.: 981 364 058

Foto a Veciñanza de Ferrol convocada pola Plataforma polo saneamento integral ría de Ferrol.

Información baseada na enviada polo:
BNG
-bng@ferrol.es-
23 de outubro de 2015 11:48

___________________

Como noutras cidades da Galiza, en Ferrol está convocada unha concentración de repulsa polo asasinato, por violencia machista, de Conchi Reguero Peón - Praza do Concello, ás 8 da Tarde, deste luns 26 de Outubro - Que a indignación de toda a sociedade saia á rua para rexeitar o cruel asasinato e denunciar a violencia contra as mulleres


A COORDENADORA COMARCAL DE FERROLTERRA DA MARCHA MUNDIAL DAS MULLERES CONVOCA UNHA CONCENTRACIÓN DE REPULSA EN FERROL POLO ASASINATO POR VIOLENCIA MACHISTA DE CONCEPCIÓN REGUERA PEÓN

Unha vez máis sairemos á rúa para amosar a nosa indignación polo asasinato dunha muller por violencia machista. Celia foi asasinada pola súa ex parella pagando coa súa vida a discriminación e a desigualdade que padecemos todas.

Sairemos novamente para rexeitar este cruel asasinato e denunciar unha vez máis a violencia machista instalada na nosa sociedade.

É precisa unha resposta social contundente contra a violencia machista.

Non consentiremos que a violencia machista continúe asasinándonos!!!!

O LUNS  26 ÁS 20:00H NA PRAZA DIANTE DO CONCELLO DE FERROL

-- "As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.

Información baseada na enviada pola:
Marcha Mundial Ferrolterra
-mmmferrolterra@gmail.com-
24 de outubro de 2015 14:35
__________________

Proposta veciñal para a Rehabilitació0n da Ribeira de Barallobre - Concentración de Apoio este martes 27 de Outubro ás 7 da tarde


CONVOCATORIA CONCENTRACIÓN- RIBEIRA BARALLOBRE

Martes , 27 de Outubro ás 19 horas, nos arredores das antigas instalacións de  Fondomar na  Ribeira de Barallobre.

Convocatoria aberta a toda a cidadanía na Ribeira de Barallobre co fin de reivindicar a recuperación deste Espazo Público e Rehabilitación do Edificio Fondomar para usos socio-culturais e deportivos.

Reivindicar e promocionar este LUGAR pola súa excelencia PAISAXÍSTICA.

Implicar ao Concello e gobernou local para que COORDINE coas demais Administracións públicas este PROXECTO e a consecución de Fondos Europeos.

Esperamos recibir resposta da petición de xuntanza co Alcalde de Fene.

Informamos que recibimos resposta dalgúns grupos políticos para realizar unha entrevista relativa a rehabilitación deste espazo público.

Convidamos a toda a veciñanza a participar nesta concentración reivindicativa na Ribeira de Barallobre en Asemblea participativa e aberta.

Saúdos

- Colectivo veciñal Barallobre.-


PROPOSTA VECIÑAL DE REHABILITACIÓN RIBEIRA DE BARALLOBRE.

Sr. Alcalde –Presidente - Concello de Fene.-
Grupos Políticos – Entidades Sociais  Concello de Fene.-

Veciñ@s da Ribeira de Barallobre –Ribeiroa- expresamos a nosa queixa e preocupación motivado ao estado de abandono permanente nesta zona costeira da Parroquia de Barrallobre deste Concello de Fene. Estas instalacións de FONDOMAR S.L. foron unha antiga concesión, situadas no peirao de BARALLOBRE, retornando na actualidade a Administración de COSTAS.

A veciñanza da Ribeira de Barallobre sofren as consecuencias desta inoperancia das administracións e falta de propostas para este lugar, onde vívese unha situación de abandono e falta de PROXECTO para unha zona sensible da costa a cal conta con recursos naturais e marisqueiros propios baixo a administración da Confraría de Barrallobre que resulta  un motor importante para a economía local.

Nosa PROPOSTA consiste en convertir esta zona nun ESPAZO VERDE ou PARQUE, asi como REHABILITAR este edificio para fins deportivos, servizos, sociais e culturais para a cidadanía. Consideramos que esta parte da Ría de Ferrol,  Ribeira de Barallobre ten un particular e único valor PAISAXÍSTICO e MEDIO AMBIENTAL.

Estas antigas instalacións, ofrece a oportunidade de REHABILITACIÓN deste edificio para uso múltiples como hostelaría, zonas destinadas a albergar material de embarcacións tradicionais, naútico- deportivo, espazos para a participación cidadá. Este fin posibilitaría unha oferta cultural, deportiva e lecer para a xuventude e cidadanía nos deportes naúticos de remo, vela ou a recuperación das embarcacións tradicionais co obxecto de rescatar a tradición mariñeira.

Pedimos que a nova corporación municipal do Concello de Fene deberá  COORDINAR coas administracións da Xunta de Galicia, Deputación Provincial de A Coruña, Autoridad Portuaria, proxectos europeos – UE - ,  un planeamento de REHABILITACIÓN para a RIBEIRA co obxecto de recuperar e revitalizar este espazo público nun exercicio de política municipal, consensuando cos responsables de COSTAS e administracións competentes as fórmulas necesarias para a consecución dun proxecto vital.

Aínda temos que soportar na Ribeira de Barallobre unha MURALLA arredor destas instalacións ruinosas, polo que consideramos este peche innecesario e inconveniente para este lugar e pedimos o seu derrube e abrir este espazo ao mar.

Esta proposta cidadá debe ser analizada en base a unha reflexión política sobre as posiblidades reais que ofrece este ESPAZO de inmenso valor PAISAXÍSTICO, MEDIO AMBIENTAL, DEPORTIVO e SOCIOCULTURAL co obxectivo de conseguir a transformación deste espazo privilixiado e incomparable nun lugar de encontro cultural e social para o Concello de Fene e a nosa Ría de Ferrol.

Seguiremos informando de nosas actividades e seguiremos a reivindicar as nosas demandas a través dos medios de comunicación.

Por todo isto, pedimos as Forzas Políticas e sociais un compromiso firme para conseguir a transformación deste lugar nun Parque ou espazo verde e a rehabilitación destas instalacións como lugar de referencia sociocultural, deportivo e lecer.

Fene, Outubo de 2015 .-

Enviado por:
RIBEIRA BARALLOBRE
-ribeira.barallobre@gmail.com-
24 de outubro de 2015 19:59
___________________

Informar aos cidadáns e cidadás acerca dos abusos na súa factura eléctrica e as posibilidades de reclamación e resarcimento de que dispoñen, no Ateneo Ferrolá, este Luns 26 de Outubro, terá lugar un Aula Formativa


CONVITE DE ADICAE PARA AULA FORMATIVA: “COÑECE A TÚA FACTURA DE ELECTRICIDADE E APRENDE A REDUCILA”

ADICAE, Asociación de Usuarios de Bancos, Caixas e Seguros, desenvolve esta aula co apoio da Consellería de Economía e Industria e o Instituto Galego de Consumo.

O Obradoiro ten como obxectivo informar aos cidadáns e cidadás acerca dos abusos na súa factura eléctrica e as posibilidades de reclamación e resarcimento de que dispoñen, pero ademais, informarase sobre as últimas novidades no sector tras a reforma eléctrica.

DIA: Luns, 26 de outubro de 2015
HORA: 18:00
LUGAR: Ateneo Ferrolán, Rúa Magdalena, 202-204, Ferrol - 15402, A Coruña

Esperámosvos a tod@s!!
---
Un lugar de encontro para a cultura.
Ateneo Ferrolán, fundado en 1879.
www.ateneoferrolan.org

e-mail: secretaria@ateneoferrolan.org | Telf.:  +34 981 357 970 |
Dirección Postal: Rúa Magdalena 202-204. CP.15402 | FERROL (A Coruña)

BLOG: http://ateneo-ferrolan.blogspot.com/

Tamén no Facebook: http://www.facebook.com/pages/Ateneo-Ferrolan/134569549934117

Séguenos en Twitter: @ateneoferrolan

Fai unha achega pola cultura https://achegas.ateneoferrolan.org Campaña de APOIO e DEFENSA do Ateneo. Patrimonio da cidade

http://salvemosoateneo.blogspot.com.es/p/o-ateneo.html

Faite soci@! Colabora con nos!
Para axudas e aportacións económicas:
CC en Cajamar-Cajarural Cooperativa. Titular Ateneo Ferrolán.
ES72-3058-6402-9527-2000-5350


Enviado por:
Ateneo Ferrolán Fundado en 1879
-secretaria@ateneoferrolan.org-
25 de outubro de 2015 13:10
_______________

mércores, outubro 21, 2015

As Marchas da Dignidade de Ferrolterra, fan un chamamento a participar na Columna Norte que marchará sobre a Praza do Obradoiro o vindeiro sábado 24 de Outubro - Informan de autobuses desde Ferrol, pasando por Caranza, Fene e Cabanas, até Santiago de Compostela


IMPORTANTE!!

BUSES DESDE FERROLTERRA PARA ENCHER O OBRADOIRO O PRÓXIMO 24-O


O próximo sábado 24 de Outubro saíran autobuses desde Ferrolterra.

Ás 9:30 da mañá sairán desde a praza 10 de Marzal, no barrio de Recimil en Ferrol, facendo paradas en Caranza, Fene e Cabanas. Chegando ao antigo mercado do gando de Salgueiriños en Compostela, onde a Columna Norte (11:00hs) entrará en manifestación até a praza do Obradoiro (12:00hs), onde terá lugar o acto final da mobilización. A volta de regreso a Ferrolterra será as 14:30 do mediodía. O custo da viaxe será 5 euros por persoa.

Para anotarse podedes chamar ao número de telefono 602 587 531 ou mandar un correo a marchasdadignidadeferrolterra@gmail.com e deixar o voso nome e telf. ou tamén podedes enviar unha mensaxe a través do facebook. O límite para anotarse será o próximo venres ao mediodía. Canto antes vos apuntedes mellor, para facilitarnos saber cantos buses hai que contratar.

Ánimo!! fagamos que a columna de Ferrolterra sexa forte, alegre e combativa. Quédannos moitas batallas que afrontar, que saiban os da TROIKA (Fondo Monetario Internacional, Banco Central Europeo e Eurogrupo) e os seus servidores PP, PSOE e CIUDADANOS, que a columna ferrolterra vai ser dura de roer, Ferrolterra Resiste!!!

Evento no facebook:
https://www.facebook.com/events/1091688770848836/

IMPORTANTE, VÍDEO PARA COMPARTIR POLAS REDES SOCIAIS PARA ANIMAR Á XENTE Á PARTICIPAR NESTA MOBILIZACIÓN.

https://youtu.be/vfsDwU7Fd_c

IMPORTANTE, ENLACE AO BLOG DAS MARCHAS DE FERROLTERRA PARA DIFUNDIR POLAS REDES SOCIAIS, ONDE ESTÁ UN PEQUENO TEXTO QUE FIXA UNHA POSICIÓN POLÍTICA E SOCIAL PARA ANIMAR A PARTICIPAR NESTA MOBILIZACIÓN RECOLLENDO A SITUACIÓN ACTUAL QUE ESTAMOS A VIVIR.

http://marchas-da-dignidade-ferrolterra.blogspot.com.es/2015/10/polo-dereito-vivir-dignamente-as.html

Marchas da Dignidade Ferrolterra
Contacto: marchasdadignidadeferrolterra@gmail.com  | Blogue de apoio ás Marchas de FerrolTerra: http://marchas-da-dignidade-ferrolterra.blogspot.com.es/ | Blogue Galego: http://marchasdadignidade.blogspot.com/ | Web Estatal: http://marchasdeladignidad.org/.

Ven debater no grupo:
https://www.facebook.com/groups/265451853621237/

PAN, TRABALLO E TEITO - Á RÚA, QUE XA É HORA!!!

Enviado por:
Marchas Dignidade
-marchasdadignidadeferrolterra@gmail.com-
18 de outubro de 2015 22:41
___________

"Os documentos secretos da sala de lectura do TTIP non mostran o que en realidade se negocia", di Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)


A eurodeputada de AGEe accedeu esta mañá á sala de lectura do TTIP no PE para revisar documentos relativos a agricultura e alimentación | Alerta da estratexia combinada de tratados de liberalización comercial en conxunción ca reactivación da Organización Mundial do Comercio | "Os documentos secretos da sala de lectura do TTIP non mostran o que en realidade se negocia" di Lidia Senra


A eurodeputada de Alternativa Galega de Esquerda en Europa (AGEe), Lídia Senra, accedeu esta mañá por segunda vez [1] á sala de documentación confidencial da Asociación Transatlántica de Comercio e Inversión (ACTI), tratado de liberalización comercial máis coñecido pola súas siglas en inglés, TTIP (Transatlantic Trade and Investment Partnership).

En consonancia ca sensación desprendida da primeira consulta, realizada o pasado mes de xuño, a selección de documentos a disposición das eurodeputadas/os  "pon de manifesto que realmente as cousas importantes non están nesta sala", valorou a eurodeputada galega. A grandes rasgos, podemos concluír que a documentación revisada hoxe "non permite saber exactamente en que punto están as negociacións e que se está a debater en materia de agricultura", constituíndo "unha mostra máis das graves eivas en materia de democracia das que adoece esta Unión Europea".

A eurodeputada galega apuntou a posibilidade de que este pronunciado escurantismo na documentación referida a agricultura se deba precisamente a que "hai moito en xogo: a alimentación, o principio de precaución, os postos de traballo directos e indirectos e, en definitiva, todo o que conleva a actividade agraria a nivel da UE e dos EEUU".

En relación ao avance das políticas de liberalización comercial e a destrución de políticas públicas en eidos como o agrícola, Lídia Senra aproveitou tamén para destacar a "fonda preocupación" en canto ao feito de que se estean a retomar as negociacións de acordos de liberalización comercial no marco da Organización Mundial do Comercio (OMC), como así confirman a propia OMC e o Parlamento Europeo.

Estas negociacións ficaron practicamente paradas no ano 2006, logo de fortísimas mobilizacións por parte dos movementos sociais, entre os que cabe salientar o movemento agrario global La Vía Campesina Internacional, que exerceu unha forte oposición á inclusión da agricultura e a alimentación na OMC.

Aliás, dita sinerxia de reactivación da Organización Mundial do Comercio, apunta Senra, podería gardar relación directa ca forte oposición que a cidadanía está a manifestar contra o TTIP, de tal xeito que se estea a pretender "retomar" a estratexia dunha organización global que pilote a liberalización comercial a escala planetaria.

Ademais, córrese o risco de que os tratados bilateriais e multilaterais asinados dende a paralización da Ronda de Doha no ano 2006 sexan insertados na OMC, conlevando a fixación das cotas de poder acadadas polas empresas transnacionais ao abeiro das políticas socioeconómicas neoliberais impulsadas na década dos 80 polo denominado Consenso de Washintgon.

Dende AGEe valoramos que "hai que poñer o foco de novo na OMC e seguir avanzando na oposición a este tipo de acordos, chámese OMC, chámese TTIP, CETA ou TISA", xa que "trátase de acordos e ferramentas capitalistas neoliberais para favorecer os intereses das grandes corporacións en detrimento da cidadanía e da sociedade en calquera parte do mundo".

Recuperamos, xa que logo, a consigna do ano 2006 "A agricultura e a alimentación fóra da OMC", e reiteramos "A agricultura  e a alimentación fóra da OMC, fóra dos tratados de liberalización comercial, e baixo o control dos pobos no marco da soberanía alimentaria".

---

Debate entre a Comisión de Agricultura do PE e o Comisario de Agricultura da CE [03/12/2014]

TEMA DA INTERVENCIÓN:

Valoración da segunda consulta de documentos confidenciais do TTIP

ENLACE Á INTERVENCIÓN:

https://www.youtube.com/watch?v=lt3J11lFRzY&feature=youtu.be
__________

Máis información:

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

http://ageuropa.gal/

https://www.facebook.com/LidiaSenraRodriguez


Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
20 de outubro de 2015 16:33

___________________

Nun contexto onde a unidade popular e a posibilidade da confluencia da esquerda nacional para o 20D está quebrada polas cúpulas dos partidos políticos, hoxe mércores 21 de Outubro, hai convocado un Acto pola Unidade Popular, no Ateneo Ferrolán


Hoxe mércores 21 de Outubro, hai convocado un Acto pola Unidade Popular, no Ateneo Ferrolán, nun contexto político, de desencontro entre actores partidarios, nunha lamentábel situación, onde a unidade popular e a posibilidade da confluencia da esquerda nacional para o 20D está quebrada polas cúpulas dos partidos políticos, onde hai de todo menos claridade. Un contexto, onde os partidos do réxime se recompoñen, mesmo promovendo unha alternativa política nacionalista española, baixo o nome de "Ciudadanos" que lles garante a estabilidade sistémica, para continuar -como din as Marchas da Dignidade- "coa imposición da orde neoliberal, baseada na tiranía do poder financeiro, a primacía do diñeiro sobre a soberanía popular, a privatización da xestión dos servizos públicos e a transformación dos cidadáns en clientes", mentres a esquerda dividida máis que nunca. Mais benvido sexa este Acto de hoxe que nos pode axudar a demandar esa confluencia política tan necesaria, para poñer as bases do cambio máis necesario.

Acto de Iniciativa pola Unión en Ferrol

Día: Mércores 21 de Outubro de 2015
Hora: ás 19:30.
Lugar: Ateneo ferrolán - Rúa Magdalena, 202,
Carácter: Acto Aberto.
Interveñen: Eliseo Rodríguez (Activista ferrolán,  historiador, ...) e Suso Díaz (ex secretario xeral de CCOO de Galicia e membro da Coordinadora de IxU).

---

Web de Iniciativa pola Unión:
http://polaunion.gal/

Web do Encontro Cidadá por unha Marea Galega:
http://marea.gal/
___________

Nosa Enerxía Soc. Coop. Galega presenta, en Ferrol, o seu proxecto cooperativo, xa en funcionamento, e ás súas propostas alternativas e de defensa do medio ambiente - Este venres, 23 de Outubro, ás 6 da tarde ao local de Fuco Buxán, en Caranza


Estás fart@ de ser cliente de Gas Natural Fenosa ou Endesa ?

Queres loitar contra ás grandes corporacións transnacionais eléctricas?

Ven este venres, 23 de Outubro, ás 6 da tarde ao local de Fuco Buxán, en Caranza.

Nosa Enerxía Soc. Coop. Galega presenta o seu proxecto cooperativo, xa en funcionamento, e ás súas propostas alternativas e de defensa do medio ambiente.

Xa podes ser cliente/usuari@ dunha empresa subministradora que é galega e cooperativa, dentro do que se chamada economía social e solidaria. Se tod@s nos unimos podemos gañar a batalla contra as grandes corporacións. Só fai falta informar-se e dar o paso.

Nosa Enerxía é un pequeno (grande) proxecto que está dando os pasos, mais necesita de tod@s nós. É por iso que pedimos a vosa participación, nesta Mesa Informativa é de Diálogo, para tomar contacto co proxecto cooperativo transformador.

Este venres, 23 de Outubro, ás 6 da tarde temos unha cita coa Nosa Enerxía Soc. Coop. Galega, nos locais da Asociación C. Fuco Buxán, na rúa Armada Española, nº32 baixo (Caranza).

Non faltes, participa, deixa un tempo na túa axenda. O cambio tamén se produce construíndo alternativas económicas e enerxéticas a este sistema inxusto e depredador do medio ambiente.

Nun principio convocamos a representantes de entidades, colectivos, partidos, ... mais a xuntanza está aberta a quen tiver interese. Posteriormente iremos dando os seguintes pasos.

Non deixes de participar !!

https://www.nosaenerxia.com/

---

Arméria Sociedade Cooperativa Galega
(Sen ánimo de lucro)
Avda de Castelao s/n.
Traseira do Mercado Municipal de Caranza
15406 - Ferrol


Correo-e: armeria.soc.coop.galega@gmail.com
Sitio-e: http://armeriacooperativa.blogspot.com.es/

________________

luns, outubro 19, 2015

Os 7 Meses de viaxe da Marcha Mundial das Mulleres, ... Por Belén Aneiros López


Por Belén Aneiros López [*]
19.10.2015


Kurdistán, Turquía, Grecia, Romanía, Kosovo, Serbia, Bosníaca-Herzegovina, Croacia, Austria, Suiza, Francia, España e finalmente Lisboa, Portugal. Este foi o percorrido final da Caravana Feminista da Marcha Mundial das Mulleres, un movemento antipatriarcal, anticapitalista, anticolonialista e antimilitarista no contexto internacional. Carolina, Miriam, Trude, Ana,... as mulleres da Caravana escoitaron testemuños doutras mulleres en situación de guerra "non convencional", militarización con exércitos privados ou fundamentalistas, que separan ás familias, apodéranse dos seus recursos naturais, das súas forzas e os seus corpos.

No Kurdistán e Turquía contáronlles como as terras, a auga e as sementes sonlles arrebatadas para xerar enerxía para unha pequena elite que só vela por si mesma. En Grecia cóntanlles como intentan confinar ás mulleres ao espazo doméstico, polas súas políticas austericidas, neoliberais, capitalistas e individualistas. E o mesmo que en Grecia pasa en Bosnia, Croacia, Austria, Suíza ou España. En cada país percorrido escóitase como grupos fascistas, fundamentalistas de diferentes crenzas relixiosas, conservadores no peor sentido da palabra, intentan constantemente controlar os nosos corpos, o traballo e a nosa sexualidade, impoñendo un modelo heteronormativo de vida, atacando a autonomía, o dereito ao aborto e tratándonos como incubadoras das súas aspiracións nacionalistas.

Puideron ver até que punto este modelo social hexemónico pretende confundirnos, convencéndonos de que as nosas loitas son innecesarias, comprobaron as poucas mulleres que hai en espazos de poder, pero a costa de moitas outras explotadas en todo o mundo.

As mulleres estamos hoxe traballando na construción de nosas propias alternativas feministas, baseadas na reconstrución do noso propio coñecemento ocultado durante séculos e das nosas prácticas diarias, fomos suprimidas de forma intencionada do discurso dominante co fin de deixarnos ao carón. Chegamos á conclusión de que a pobreza, a violencia, a inmigración forzada e o terrorismo tamén son expresións de violencia que sufrimos as mulleres, nenos e comunidades marxinadas.

Condenamos a actitude da Comunidade Internacional, en particular a da Unión Europea, pola súa resposta na crise dos refuxiados. Presenciamos arrepiadas como a vida humana non vale nada, como as persoas están fuxindo dos seus países, intentando fuxir do terrorismo, das guerras (alentadas polos Estados Unidos e os seus aliados Occidentais, como pola industria armamentística) e o fundamentalismo. Millóns de cidadáns europeos estiveron tomando as rúas para abrirlles as portas ás persoas que foxen de Palestina, Siria, Libia, Iraq, Kurdistán e outros territorios da zona. Seguimos demandando aos nosos gobernantes e a todo o mundo a solidariedade, repetimos que os refuxiados non son o noso inimigo, son as nosas irmás e irmáns que escapan de situacións de violencia extrema provocadas por un sistema inxusto. O racismo estase estendendo amplamente en moitos territorios.

Iniciouse a Caravana Feminista Europea na cidade kurda de Nusaybin o pasado 6 de marzo de 2015 como solidariedade feminista con Sara Kaya que foi elixida o ano pasado como co-alcaldesa desta cidade co 91% dos votos do pobo e que demostrou estar realmente comprometida coa nosa causa e o noso movemento. Por desgraza, foi arrestada e destituída pola súa declaración sobre a autodeterminación.

Finalmente reuninme con elas o 17 de Outubro en Lisboa para acabar co que segundo dixeron literalmente A Caravana Feminista foi unha gran aventura. Onde dentro dun acto final da caravana mostráronnos todas as vivencias destes sete meses cheos de actos por cada un dos pobos ou cidades por onde pasaron, onde foron recibidas, onde gozaron da hospitalidade das nosas irmás.


[*] Belén Aneiros López, participa na Marcha Mundial das Mulleres en Ferrolterra e é Responsable da Área da Muller en Esquerda Unida Narón.

Enviado por:André Abeledo Fernández
-andre1474@gmail.com-
19 de outubro de 2015 12:5
5

______________________

O berro de Mini

A obra precisa e urxente para este noso País e Pobo terá que ser un sólido MURO DOS LAIOS a imitación do hebreo.

Se non conseguimos unir as forzas que senten fondamente a desfeita desta Matria, se non damos superados os abismos e fantasmas que impiden esa coincidencia, que non unión.

Se saímos ás xerais con dúas ou máis candidaturas "unitarias", non haberá ningunha posibilidade para o futuro de NÓs en décadas, tamaña será a fenda.

A selva de eucaliptos, os barcos desguazados, os ferros enferruxados de Navantia, o leite e o queixo de importación contemplarán ós catro vellos indíxenas falando unha lingua arcaica con traxe de pana e boina asinando autógrafos ós turistas.

E para facer ese muro será tamén imposible poñerse dacordo.

Imos...hom...!!! Este terá que ser o berrro unánime de mareantes e non mareantes.

NUNHA SOA VOZ !!!

18 de outubro de 2015
Xosé Luís Rivas Cruz (Mini)

Mini, nunha interesante entrevista en Praza Pública o pasado 25 de Agosto:
"Se algunha vez cómpre a unidade no país é agora, tocan as campás por última vez".

Tirado do Grupo: MAREA/CANDIDATURA GALEGA de UNIDADE POPULAR - A DEBATE.


Nota.- Recomendamos achegarte ao grupo que ten interesantes comentarios e podes participar.

Web do Encontro Cidadá por unha Marea Galega:
http://marea.gal/

Web de Iniciativa pola Unión
http://polaunion.gal/


_____________

Ferrolterra estivo presente, esta fin de semana, no acto final da Caravana Feminista en Lisboa, contra a violencia e a pobreza - IV Acción Internacional, da Marcha Mundial das Mulleres: O noso corpo, o noso territorio, libre de agresións, libre de imposicións


Este sábado 17 de Outubro, finalizaba a Caravana Feminista da Marcha Mundial das Mulleres, no marco da IV Acción Internacional en Europa, cun significativo e emotivo acto en Lisboa, no Día internacional contra a pobreza.

No transcurso da Caravana Feminista, por Europa, produciron-se dúas moi interesantes Declaracións Políticas do Comité Internacional da Marcha Mundial das Mulleres, reunidas na cidade Suíza de Xenebra, do 23 ao 29 de maio e outra do seu último encontro en Quebec, Canadá, do 12 ao 15 de setembro deste mesmo ano.

A Caravana Feminista, comezaba hai meses, o 8 de Marzo deste 2015, no Curdistán, onde "constataron a situación política e a estratexia do Estado Turco de desestabilizar a rexión para eliminar as alternativas ás políticas fascistas e neoliberais de Erdogán e o goberno turco", a Marcha Mundial das Mulleres "solidarízase coa loita das mulleres e do pobo kurdo pola paz e a construción dunha sociedade xusta".

No seu paso por Galiza, entre o 5 e p 11 de Outubro, pasou por Ferrol, San Sadurniño, Narón, Betanzos, Compostela, Vilar de Barrio, Allariz, Ourense, Vigo e Tomiño. Onde se realizaron grande cantidade de actos e mobilizacións onde se difundiu a mensaxe desta acción internacional.

Nas xornadas finais que tiveron lugar en Lisboa para finalizar a 4ª Acción Internacional en Europa e da Caravana Feminista que partiu do Curdistán o 8 de Marzo e ten percorrido toda a Europa, contou coa presencia de activistas da Alemaña, Albania, Argélia, Áustria, Bélxica, Bosnia, Brasil, Canada, Curdistán, Francia, Grecia, Italia, Moçambique, Polonia, Servia, Suiza, Togo, Tunisia, Turquia, Ucrania, Catalunya, Galiza, Euskal Herria, e de várias outras partes do Estado Español. Estivo tamén presente a Coordenadora internacional da Marcha Mundial das Mulheres, a mozambicana Graça Samo.

Para avanzar na construción de alternativas para a vida dos pobos e das mulleres, seguiremos Marchando até que todas sexamos libres.







As fotos foron enviadas pola delegación de EU Narón que participou na chegada da Marcha Mundial das Mulleres a Lisboa, unha delegación onde participou Belén Aneiros responsable da Area da Muller de EU Narón que amosou unha vez mais o seu apoio a Marcha Mundial das Mulleres, manifestando que "é necesario seguir denunciando a situación discriminatoria que continúan a sufrir as mulleres en todo o mundo", resaltando o caracter do movemento como "antiimperialista, anticapitalista, e antipatriarcal". Agardan "que a chegada a Lisboa sea o comezo do camiño cara un horizonte de igualdade".

A Marcha Mundial das Mulleres, na súa páxina internacional vai publicando en Inglés, francés e Español, os boletíns do transcurso da Caravana, os contactos coas diferentes loitas, reivindicacións e construcións sociais, por todos os territorios desde Kurdistán e Turquía, despois pasaron por Grecia, Rumanía, Bulgaria, Kosovo, Serbia, Bósnia-Herzegovina, Croacia, Austria, Suiza, Francia, ..., proximamente publicaran o boletín dos últimos meses e o seu feche en Lisboa, mais agora podedes acceder ao moi interesante boletín dos primeiros tres meses da Caravana Feminista: | Boletíns |.

Web Galega:
http://www.feminismo.info/

Marcha Mundial das Mullerer en Portugal:
http://marchamundialdasmulheres.blogspot.com.es/

Web internacional:
http://www.marchemondiale.org/

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións oriéntanse cara un cambio político, económico e social. Os mesmos que se articulan arredor da mundialización das solidariedades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecemento das alianzas entre mulleres e cos outros movimentos sociais progresistas.

Información baseada na enviada por:
Naron Esquerda Unida
-eu-naron@esquerdaunida.org-
18 de outubro de 2015 22:18

_______________

domingo, outubro 18, 2015

Podemos Galicia quenta motores -




Hoxe sábado 16 de outubro Podemos Galicia reúnese en Lalín para formarse e coordinarse cara as eleccións xerais. 

Este fin de semana Podemos Galicia reúnese en Lalín para iniciar os preparativos das próximas eleccións xerais. Neste encontro todas as persoas con cargo orgánico e/ou responsables de área do país teñen a oportunidade de compartir experiencias e coñecementos sobre organización, redes, análise e estratexia política.

A organización morada ven de realizar exitosamente asembleas por toda Galicia para a elaboración de “O Programa de Todxs”, espazo de debate presencial e colectivo sobre as demandas territoriais que afectan máis directamente e que poderán incluírse no programa electoral.

Nesas asembleas valoráronse distintas propostas e a cidadanía puido expresar a súa opinión sobre cales son as máis adecuadas ou necesarias.

Grazas ás máis de cen asembleas que se celebraron no país, xa se coñecen as preferencias da xente. Ditas opinións acompañadas dos estudos de viabilidade xurídica, técnica e económica, servirán para decidir as propostas que serán finalmente incluídas no programa electoral.

Na reunión deste fin de semana, Podemos Galicia espera artellar todas as ferramentas necesarias para acadar este obxectivo. Ao tempo que presenta a súa nova páxina web www. galiza.podemos.info, onde toda a cidadanía poderá a acceder a información relevante da formación, estando planificada a súa apertura a partir da semana que ven (informarase sobre o seu lanzamento oficial).

Alberte García, Secretario Xeral de Lalín, manifestou a súa satisfacción pola elevada afluencia e o nivel das exposicións e obradoiros.

Ángela Rodríguez, mais coñecida como Pam, Secretaria de Coordinación e Feminismos, móstrase agradecida pola alta participación da cidadanía na elaboración de propostas programáticas, que é, indica, síntoma do anhelo de cambio e a implicación da cidadanía galega.

A xente xa non lle val votar cada catro anos; quere participar activamente na política e controlar o seu destino” declarou Pam, de 26 anos, licenciada en filosofía e unha das principais bazas galegas da lista de Pablo Iglesias para as eleccións xerais,

Inés Mallada
Secretaria Voces Galegas
Responsable de Prensa Podemos Galicia
prensa@galicia.podemos.info

https://galicia.podemos.info/

Enviado por:
Inés Mallada
-prensa@galicia.podemos.info-
17 de outubro de 2015 18:23
____________

Presentación do libro "Indecencias e corruptelas" de Manuel Monge, no Ateneo Ferrolán, o Luns 19 de Outubro, ás 19:30 horas


Presentación do libro "Indecencias e corruptelas" de Manuel Monge (publicado por Corsarias)


Luns 19 de outubro, ás 19:30 hora, no Salón de Actos do Ateneo Ferrolán

Manuel Monge González (Valladolid, 1947) mestre, sociólogo e ensaísta galego. Concelleiro do BNG na Coruña de 2003 a 2007 e presidente da Comisión pola Recuperación da Memoria Histórica da Coruña até 2011. Na actualidade é secretario do club de opinión Foro Cívico. Colabora con artigos de opinión en diversos medios de comunicación.

É autor de Autovías galegas. Crónica dunha farsa (1999); A Coruña de Paco Vázquez (2003); Outra Coruña é posíbel (2007); A historia secuestrada polo franquismo (2010); O “camarada Fraga” e as vítimas da represión franquista (2014); Perdemos o tren. As claves políticas do atraso (2014); O poder na Coruña. De Vázquez a Negreira (2015).

Unha das causas da derrota electoral da esquerda é o seu desarme ideolóxico. Non soubo ou non puido difundir os argumentos e ideas para desmontar o discurso reaccionario da dereita que, por outra parte, ten unha importante cobertura en moitos medios de comunicación. Este é un libro de combate, unha modesta contribución a ese rearme ideolóxico e político, unha ferramenta para aumentar a indignación e potenciar a organización e a mobilización cívica. Non podemos quedarnos na indignación, hai que pasar á acción, presentar alternativas, organizarse, mobilizarse e ocupar as rúas.

Estas son algunhas reflexións que inspiran a mensaxe de ruptura coa situación económica, política e social actual e coas ideas dominantes que quero transmitir con este libro: “Os responsábeis políticos, económicos, intelectuais e o conxunto da sociedade non pode claudicar, nin deixarse impresionar pola ditadura actual dos mercados financeiros, que ameaza a paz e a democracia” (Stéphane Hessel). “Vivimos nunha orde mundial criminal e caníbal, onde as pequenas oligarquías do capital financeiro deciden de forma legal quen vai morrer de fame e quen non. Estes especuladores financeiros deben ser xulgados e condenados, reeditando unha especie de Tribunal de Núremberg” (Jean Ziegler, profesor emérito na Universidade de Xenebra). “Es una falacia hablar de crisis financiera únicamente. La crisis es política. La crisis es del sistema occidental. En nuestro sistema quien manda es el capital. La democracia sólo lo es nominalmente. En realidad el poder lo ejercen los grupos dominantes” (José Luis Sampedro). “Tenemos un sistema donde a los banqueros se los rescató y a sus víctimas se las abandonó para que se las arrreglen como puedan” (Joseph E. Stiglitz, Premio Nobel de Economía). “O capitalismo é incompatíbel coa democracia e a xustiza social” (Thomas Piketty, economista francés). “O capitalismo de hoxe en día ten as mans sucias: é a corrupción cotiá, a fraude sistemática, o crime internacionalmente organizado” (Michael R. Krätke, economista e analista político alemán). “Es injusto en su raiz; tiranía invisibe, mercado divinizado donde imperan la especulación financiera, una corrupción ramificada y una evasión fiscal egoista. No a una economía de la exclusión y la inequidad. Esa economía mata” (Papa Francisco, A Alegría do Evanxeo, exhortación sobre o actual sistema económico).

A pesar das políticas neoliberais e dos recortes sociais. A pesar do reforzamento do centralismo, dos triunfos electorais de Rajoy e Feijóo, aquí estamos; nin desanimados, nin dobregados, nin domesticados, nin derrotados. Hai moitos motivos para a esperanza e a loita continúa.
---
Un lugar de encontro para a cultura.
Ateneo Ferrolán, fundado en 1879.
www.ateneoferrolan.org

e-mail: secretaria@ateneoferrolan.org | Telf.:  +34 981 357 970 |
Dirección Postal: Rúa Magdalena 202-204. CP.15402 | FERROL (A Coruña)

BLOG: http://ateneo-ferrolan.blogspot.com/

Tamén no Facebook: http://www.facebook.com/pages/Ateneo-Ferrolan/134569549934117

Séguenos en Twitter: @ateneoferrolan

Fai unha achega pola cultura https://achegas.ateneoferrolan.org Campaña de APOIO e DEFENSA do Ateneo. Patrimonio da cidade

http://salvemosoateneo.blogspot.com.es/p/o-ateneo.html

Faite soci@! Colabora con nos!
Para axudas e aportacións económicas:
CC en Cajamar-Cajarural Cooperativa. Titular Ateneo Ferrolán.
ES72-3058-6402-9527-2000-5350


Enviado por:
Ateneo Ferrolán Fundado en 1879
-secretaria@ateneoferrolan.org-
18 de outubro de 2015 11:09
___________________

Polo dereito a vivir dignamente, ás Marchas da Dignidade chaman a encher o Obradoiro de Compostela o vindeiro sábado 24 de Outubro, ás 12 do mediodía


O próximo 24 de Outubro na Praza do Obradoiro.

As Marchas da Dignidade, estan-se mobilizando este mes de Outubro no contexto das loitas a nivel europeo que teñen lugar en diferentes países, cidades e vilas, por unha outra Europa posíbel, por unha Europa Democrática, Solidaria, Social e dos Pobos. Para responder, desde a mobilización e a concienciación, ás políticas austericidas implementadas pola Troika e secundadas polos gobernos cómplices.

As Marchas da Dignidade pulan pola unidade popular contra as políticas neoliberais emanadas e impostas dede o Eurogrupo, o Banco Centra Europeo e o Fondo Monetario Internacional (Troika) e os gobernos cómplices que as aplican en beneficio propio e das grandes corporacións e bancos transnacionais, que pagan favores contratando, con sumas astronómicas, a membros deses gobernos nos seus consellos de administración e viceversa, o que se ven chamando as portas xiratorias na política das elites corruptas que deciden sobre a vida das persoas..

Despois das mobilizacións e accións comarcais e locais do pasado día 8 deste mes, as Marchas da Dignidade chaman a encher o Obradoiro nunha concentración nacional en Santiago de Compostela, o próximo sábado 24 de Outubro, onde chegarán columnas que desde diferentes vilas e cidades da Galiza confluirán na Praza do Obradoiro, ás 12 do mediodía. Ferrolterra irá na Columna Norte que partirá da explanada do antigo Mercado do Gando, ás 11 da mañá, marchando por Xoán XXIII e San Francisco até o Obradoiro.

Desde Ferrol sairán autobuses, para dirixir-se a Compostela, co fin de mobilizar, concienciar e participar no #OBRADOIRO24O. Precisamente cando se dan a coñecer os datos de que hai máis de 13 millóns de persoas pobres ou en risco de exclusión social no conxunto do Estado Español, cun desemprego de máis de cinco millóns, dos cales 250 mil só en Galiza. Mariano Rajoy e o Partido Popular que goberna, presumen de “medio millón de parad@s menos”, cando marcharon máis de 2 millóns de persoas fóra da península (entre inmigrantes que retornaron empobrecidos aos seus países de orixen e a nosa mocidade xa formada que busca futuro noutros lugares). Ou cando por mor da reforma laboral hai máis de 2 millóns de traballadores/as probes, mais con emprego ou subempregad@s (baixos salarios, sen dereitos, precarizados e moito peores condicións laborais e de seguridade),  e máis de 350.00 persoas que perderon a súa vivenda, ...

A crise económica acelerou en Europa a imposición da orde neoliberal, baseada na tiranía do poder financeiro, a primacía do diñeiro sobre a soberanía popular, a privatización da xestión dos servizos públicos e a transformación dos cidadáns en clientes.

A imposición destas políticas na Galiza e no resto do Estado Español, da man do Partido Popular e outros gobernos afíns, xerou pobreza, exclusión, represión e indignación na maioría da poboación. Tamén grandes beneficios para o corrupto poder financeiro e os políticos cómplices.

As Marchas da Dignidade participaron na promoción e preparación das Marchas Europeas pola Xustiza e a Dignidade, xunto a numerosas organizacións do continente e baixo 4 reivindicacións básicas acordadas no Encontro Alternativo en marzo: Confrontar as políticas austericidas e de privatización de servizos públicos da Troika; os pobos teñen que ser consultados; acabar cos Paraísos Fiscais na Unión Europea (UE) e deter as negociacións secretas do TTIP entre Estados Unidos e a UE.

As Marchas da Dignidade  incorporarán a estes puntos unitarios as súas propias reclamacións de Pan, Traballo, Teito e Dignidade, facendo especial mención á súa demanda de derrogación das reformas laborais e a lei mordaza; a esixencia de prestacións para todas as persoas sen emprego; rematar coa pobreza enerxética; garantir a alimentación e o dereito a unha vivenda digna, á saúde, aos coidados e ao ensino; e combater a violencia machista, a homofobia e a xenofobia. Na Galiza, o dereito de autodeterminación dos pobos, o dereito a decidir, forma parte das reivindicacións do Manifesto constituínte.

As Marchas, xunto a outras plataformas, percorreron Europa con itinerarios converxentes, tocando todos os paraísos fiscais da UE, realizando actos nas cidades do percorrido, chegando finalmente o pasado 15 de Outubro a Bruxelas, o mesmo día que se iniciou un Cume da Unión Europea. Coa chegada das Marchas, ese mesmo día, apoiando a iniciativa dos movementos belgas, fixo-se un cerco simbólico do Cume oficial, para a continuación abrir un Cume Social Europeo, cunha Conferencia sobre a Débeda e un debate sobre Políticas de “Austeridade” e Pobreza na UE culminando o sábado 17 de outubro cunha gran manifestación europea no Día Mundial contra a Pobreza. O mesmo 16 de outubro instalaou-se en Bruxelas un campamento contra o TTIP (Acordo Transatlántico de Comercio e Investimentos).

En Ferrolterra, desde Marzo as Marchas da Dignidade veñen reivindicando un plan de choque contra o paro e unha renda básica, para toda persoa que non teña ningún tipo de prestación económica. Coa implicación de todas as administracións, para paliar a situación de declive económico e social na que estamos inmersos. Consideramos que a Ría é unha oportunidade para o emprego, comezando polo seu saneamento, limpeza e recuperación,  seguindo polo seu aproveitamento pesqueiro e marisqueiro, e mesmo turístico e de lecer, mais tamén a loita contra o cambio climático como xerador de emprego, con empresas públicas ou de economía social dedicadas á rehabilitación, a reciclaxe, a reutilización e a recuperación.

Participa !! Ven a Compostela o 24O !! Nós Imos !!
Fora Rajoy, Fora Troika!    Pan, Traballo e Teito !!
Marchas da Dignidade Ferrolterra

Folla Informativa en Formato pdf: Accede/Baixa.

Evento no facebook:
https://www.facebook.com/events/982674298443504/

Contacto: marchasdadignidadeferrolterra@gmail.com | Telefono 603213863 | Blogue de apoio ás Marchas de FerrolTerra: http://marchas-da-dignidade-ferrolterra.blogspot.com.es/ | Blogue Galego: http://marchasdadignidade.blogspot.com/ | Web Estatal: http://marchasdeladignidad.org/.

______________

domingo, outubro 11, 2015

Xuízo ao compañeiro Nicanor Acosta Alonso de Stop Desafiuzamentos d'A Coruña, pola loita contra o despexo de Aurelia Rey en Febreiro de 2013 - Concentración en apoio a Nicanor e contra a represión dos movementos sociais, este Martes, 13 de Outubro, ás 09:30, no Edificio PROA, Matogrande, n'A Coruña.


Stop Desafiuzamentos da Rede de Apoio Mutuo de Ferrol Terra, chama a solidarizar-se co compañeiro Nicanor Acosta (Nico) e o resto de compañeir@s de Stop-Desafizuamentos d'A Coruña, contra a onda represiva que se desatou e segue desatando contra quen defende os dereitos fundamentas, e o derito a unha vivenda digna e adecuada, o dereito a manifestar-se libre mente contra a inxustiza e opoñer unha resistencia pacifica contra os abusos do sistema que exerce contra os pobres e os desposuídos da Terra, o dereito a rebelear-se contra a tirania dos mercados, do Capital. Adiante compañeir@s o futuro é noso, de xustiza, de igualdade, de solidariedade, do bon vivir, .... As compañeira e compañeiros de Ferrolterra estamos con Nicanor. Pan, Traballo, Teito e Dignidade. A continuación transcribimos o comunicado que nos achegaron @s compañeir@s de stop-Desafiuzamentos da Coruña.

Xuízo ao compañeiro Nicanor Acosta do colectivo polo desafiuzamento de Aurelia Rey. | Case tres anos máis tarde, Nicanor segue pendente dun xuízo no que se lle acusa da “provocación de reacciones no público que alteren o podan alterar a seguridade cidadán”. | El só acumula máis de 2.700 € en multas polas distintas mobilizacións do noso colectivo nestes tres anos

O noso compañeiro Nicanor afronta o próximo martes 13 de Outubro un xuízo no contencioso-administrativo contra as multas impostas pola Delegación do Goberno pola súa participación no intento de parar o desafiuzamento de Aurelia Rey en Febreiro de 2013. Tras anos de presentar recursos pola vía administrativa opoñéndose á sanción, este martes o xuíz resolverá o procedemento.

Na sanción acúsase a Nicanor da “provocación de reacciones no público que alteren o podan alterar a seguridade cidadán”, reclamándolle por isto 600 €. O que parece non entender nin a Policía Nacional nin a Delegación do Goberno é que as “reaccións no público” as causaba un grupo de homes armados e uniformados que agrediron á xente para intentar botar da súa casa a unha octoxenaria, e non un home maior cun megáfono.

Este compañeiro de 74 anos de idade, presente en practicamente todas as mobilizacións producidas dende o 15 de Maio de 2011, ten sido un obxectivo sistemático da represión policial. Só pola súa participación nas mobilizacións de Stop Desafiuzamentos A Coruña foi sancionado con multas que, xuntas, reclámanlle máis de 2.700 €; e a isto habería que sumar as correspondentes ao seu compromiso na loita contra as preferentes, polos servizos públicos e de calidade, contra a corrupción, nas Marchas da Dignidade, etc.

Afortunadamente, e grazas á solidariedade de moita xente, Nicanor e as outras compañeiras multadas do noso colectivo teñen garantida a cobertura económica para as sancións tras a campaña “Múltannos a nós para asustarte a ti” que vimos realizando dende 2013. Un éxito do compromiso colectivo fronte ás ameazas, a persecución e o hostigamento que vén realizando o Goberno contra os movementos sociais a través da Policía Nacional e demáis organismos estatais de represión.

Ante a inxustiza e o acoso que está a sufrir o noso compañeiro Nicanor, convocamos unha concentración diante do edificio PROA (Matogrande) o próximo martes 13 de outubro, ás 9.30h, para amosarlle o noso apoio e o rexeitamento á política represiva do Goberno.

SÓ A LOITA FAI XUSTIZA!

NIN CASAS SEN XENTE, NIN XENTE SEN CASA!


Concentración en apoio a Nicanor e contra a represión dos movementos sociais.

Día: Martes, 13 de Outubro.
Hora: 09:30hs.
Lugar: Edificio PROA, Matogrande - A Coruña.

STOP DESAFIUZAMENTOS A CORUÑA
-desahucios.coruna@gmail.com-
10 de outubro de 2015 12:28

PARTICIPA NO EVENTO:
https://www.facebook.com/events/495923013901455/


Si se Pode !! |Saúde e Vivenda Digna !!

Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs.

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol

________________