Un informe do Instituto Tecnolóxico de Galicia, fulmina a proposta máis valorada do Contrato Eléctrico - Vídeo: O grupo de goberno de Ferrol anuncia en rolda de prensa que propoñerá ao Pleno a renuncia ao Contrato Eléctrico por interese público

Un informe do Instituto Tecnolóxico de Galicia [1], fulmina a proposta da UTE SEFCON - FCC, a máis valorada, para acceder ao Contrato Eléctrico do Concello de Ferrol. Un Contrato Eléctrico polémico, que mantivo en tensión as relacións no grupo de goberno perante meses, dado que Ferrol en Común opuña-se á remunicipalización do servizo e do subministro, posición que si mantiña o PSOE, e o BNG desde a oposición. As diferencias por este asunto que transcenderon aos medios locais estiveron a punto de acabar co bipartito. Ferrol en Común fixo unha Asemblea Xeral especifica para conseguir o respaldo da mesma a súa posición de privatizar o servizo, entregando por 15 anos este contrato á UTE SEFCON - FCC. A formación política alegaba a imposibilidade de remunicipalizar o servizo sen ter que pagar unha indemnización millonaria e poñer en perigo a situación persoal e do patrimonio das concelleiras e concelleiros da súa formación, se apoiaban a anulación do Contrato, alegando acusacións penais de prevaricación, segundo o informe xurídico. O respaldo da Asemblea á privatización foi unánime con só cinco abstencións. Diante desta situación membros da citada formación e outras activistas constituíron a Plataforma en Defensa dos Servizos Públicos, pola Remunicipalización, unha iniciativa cidadá que tiña como primeiro obxectivo "parar o Contrato Eléctrico que tramita o Concello de Ferrol e iniciar unha loita en defensa dos servizos públicos e municipais, e o rescate dos privatizados".

O informe xurídico alegado por Ferrol en Común, e utilizado na mencionada Asemblea como argumento contra a remunicipalización, resultaron ser informes de parte, como así demostrou a Plataforma pola Remunicipalización, dado que o administrador único dunha das empresas que conforman a UTE, Borja Silveira Rey (SEFCON), é un dos socios e directores do despacho de avogados (Lama & Asociados) que emitiu o mencionado informe xurídico presentado á asemblea de Ferrol en Común.

Hoxe, 24 de Agosto de 2016, o grupo de goberno do Concello de Ferrol, realizou unha rolda de prensa para explicar o contido do último informe do Instituto Tecnolóxico de Galicia, sobre o Contrato Eléctrico. Onde se xustifica tecnicamente o porque de renunciar a el por interese público. Na Rolda de Prensa, participaron: Jorge Suárez, Beatriz Sestayo, Germán Costoya e Álvaro Montes.


https://youtu.be/02aqjc47yJI ---
Máis info en:
PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
https://plataformaferrol.blogspot.com.es/

Todo sobre o Contrato Eléctrico en Ártabra 21.

[1] A Instituto Tecnolóxico de Galicia (ITG) é Centro Tecnolóxico Nacional recoñecido oficialmente desde o ano 2012 polo Ministerio de Economía e Competitividade, Secretaría de Estado de Investigación, Desenvolvemento e Innovación. | De carácter privado e situado na Coruña, ten como obxectivo mellorar a capacidade competitiva das empresas, organizacións e profesionais a través da investigación e prestación de servizos profesionais no ámbito da enerxía e o medio ambiente, as telecomunicaciones e a construción sostenible, sendo o organismo certificador en España do selo internacional BREEAM®. | Ir á Web.
___________________

Exposicións no Ateneo Ferrolán: "Reciclar Cultura" e "Exposición Colectiva​" - Entre os libros que se poderán ver na exposición hai obras dos séculos XVIII e XIX de Benito Jerónimo Feijoo y Montenegro

Exposicións en agosto no Ateneo


Exposicións abertas no Ateneo Ferrolán.
Horario de 10 a 14 h. de luns a venres

Exposición de Libros "Reciclar Cultura" na Biblioteca - Hemeroteca do Ateneo

Recinor (Reciclaje de Inertes del Noroeste S.L.) inaugurou a exposición de libros “Reciclar Cultura” na Biblioiteca-Hemeroteca do Ateneo Ferrolán.

Dita mostra é parte da doazón de libros que a empresa regalou a esta entidade recuperados dos contedores de entullos que chegaron a nosa planta de reciclaxe, máis de 2.500 libros.

Entre os libros que se poderán ver na exposición hai obras dos séculos XVIII e XIX de Benito Jerónimo Feijoo y Montenegro (Casdemiro, Ourense,1676 - Oviedo, 1764).

Venta Solidaria co Ateneo Ferrolán​. Exposición Colectiva​

Durante todo este mes teremos expostos na entrada do ‪#‎Ateneo‬
unha serie de cadros  doados solidariamente por divers@s artistas.

Pásate!!! Merca un cadro e colabora co Ateneo Ferrolán !!!!

Artistas Solidarios Participantes desta iniciativa:

Alejos, Alfonso Costa, Alfredo Erias, Alicia Seoane, Angeles Jorreto,
Anna M. Constanseu, Antón Sobral, Anxo Alvarez, Carlos Pereira Martínez,
Carmela Cagiao, Carmen Martín, Carolina Martínez, Celestino Poza, Delio Sánchez, Edu Pereira, Emilio Celeiro, Enrique Castro Piñeiro, Fátima Fernández, Fernando Ocampo, Fernando Maceira, Isabel Pintado, Luis Mazorra, Luis Rapela, María Piensos, María Vilanova, M.ª Luisa Rojo-Novais, M.ª José Leira, Miguel Anxo Varela, Miguel Navarro Salinas, Noemí Lorenzo Pérez, María Leal, Teresa Candal, Teresa Fagiras, Pedro Perico, Ramón Astray, Raquel Castro Torrado, Rosa Guisán, Spela Trobec,
Victor Rey Grande e Xaquín Marin.

---

Un lugar de encontro para a cultura.
Ateneo Ferrolán, fundado en 1879.
Rúa Magdalena 202-204. CP.15402 | Ferrol (Galiza)
Telf.: +34 981 357 970 - 644.720.055
e-mail: secretaria@ateneoferrolan.org

O Ateneo en blogger, facebook e twitter.

Faite soci@ on line! Colabora con nos! Aquí.

Para axudas e colaboracións económicas:
CC en Cajamar Cooperativa.
Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
22 de agosto de 2016 13:06
____________

Sobre as primarias de En Marea, ... Por David Rodríguez

Por David Rodríguez [*]
22.08.2016

Pasemos por alto os variados despropósitos sucedidos no proceso das primarias de En Marea, entre os cales, dos máis graves, se atopa a revocación pola Coordinadora da decisión da asemblea do Mar de Vigo de que non houbese voto telemático. Centrémonos só en que se produciron esas primarias e lembremos aquilo que se podía deducir do que dicía Francisco Louçà nun seu artigo sobre ese sistema: as primarias tenden a "normalizar" as propostas dos partidos. E, efectivamente, iso é algo facilmente comprobable na candidatura saída das primarias de En Marea.

No eixo nacional, a irrupción fortisima de Podemos nas listas de En Marea -despois, compre lembralo, dunha campaña desacomplexadamente colonial; carabelas incluídas- suporá a entrada no espazo da esquerda galega duns deputados cuxa axenda pasa máis por Madrid que por Galicia. E, salvo para pánfilos irredentos e amigos da impostura, un partido cunha axenda de construción organizativa propia máis que clara ao que o da Unidade Popular lle soa a cousa de pitufos gruñóns.

No eixo esquerda-dereita a normalización tamén é evidente.

O apoio de Beiras-Anova ao candidato Villares -un home, por forza de profesión, de orde, como xa está a deixar claro en entrevistas; velaí a súa crenza na preponderancia da Lei escrita sobre a Política por exemplo arredor da posible inhabilitación de Otegi- cuxo discurso político é francamente semellante ao de Quintana (o cal en si non ten nada malo, salvo pola peculiaridade de que os que onte protestaban polo xiro á dereita de Quintana hoxe aplauden o charmé de Villares) só é comprensible a través dunha pirueta de dobre salto mortal discursiva de dimensións olímpicas que nos conduce, sen solución de continuídade, de "a Constitución está cancelada de facto", "vivimos na Autoanemia" e estamos "no IV Reich sen Wehrmacht" á ladaíña do aproveitamento competencial e da Constitución como límite.

Da entrada masiva do posmarxismo podemita, nas súas distintas tribus galaicas, só se pode agardar xornadas gloriosas de navalleo pola cuestión alimentaria dos cargos, qualunquismo, galeguismo sentimentaloide de raíz fraguiana e festival de significantes baleiros.

Os resultados de EU, discretos, son dignos para un partido da súa forza e militancia en Galicia pero, que Fajardo quedase nun posto moi baixo e a xente de Yolanda Díaz quedase en postos aceptables son, de novo, boas novas para Podemos.

Quen sacou boa tallada do proceso foi Cerna, os que deixaran "o barco entre as pedras" e que moita militancia en Anova criticaba por autonomistas, rendibilizando altamente en potenciais deputados o seu pequeno tamaño en militancia e en incidencia social. Tallada abondosa sacou tamén o espírito de Quintana co ex senador e ex CxG Pérez Bouza nun bo posto de saída por Ourense.

A derrotada, sen paliativos, deste proceso é Anova. Algo, por outra banda, previsible e predicido. O partido de Beiras, alguén cun capital político importante neste país, non un chaíñas calquera, celebra conseguir dous postos de saída en Coruña e Ourense (como se non estivesemos a falar dunhas galegas e non dunhas xerais!) e asiste con xúbilo á realidade de que en Pontevedra o seu primeiro militante sexa o número 8 (despois de ceder, nun xesto de dadivosidade realmente rechamante, o número un da candidatura a unha militante de Anticapitalistas-Podemos).

Canto á Marea Atlántica, o que xa sabiamos. Por si mesmos son pouca cousa. Un mero apéndice de Podemos cuxa militancia, como é obvio, prefire o orixinal á copia, de aí que o candidato de MA quedase relegado ao número sete da candidatura da Coruña.

En suma, unha ensalada de ingredientes variados e máis ben insípidos que, de seguro, dará grandes espectáculos no Parlamento e que só ten, no medio prazo, dous destinos posibles: asimilación con Podemos ou implosión.

Publicado o 20 de Agosto de 2016 no blogue do autor: O Funambulista Coxo.

A imaxe do cabezallo do artigo foi postada por Ártabra 21, tirada de "Terra de Ratos", unha fábula política difundida por Tommy Douglas, activista e político, elixido en 2004 como "O canadense máis grande de todos os tempos".

[*] David Rodríguez Rodríguez (Vigo, 1975) mantén o blogue http://ofunambulistacoxo.blogspot.com desde o ano 2005. É autor das obras de teatro radiofónico O Bambán e Nunca me esquecerei de ti (gañadora e finalista respectivamente do I e IV Premio de Teatro Radiofónico do Diario Cultural). Escribiu o poemario Lapidarias. Os versos escuros e participou no libro colectivo Non conciliados. Argumentos para a resistencia cultural.

Enviado por:
Inácio GZ
-inaciogz@gmail.com-
22 de agosto de 2016 01:01

De paseo con Francisco para coñecer a realidade das persoas con mobilidade reducida en Narón

De paseo con Francisco para coñecer a realidade das persoas con mobilidade reducida en Narón.

André Abeledo Portavoz de Esquerda Unida no concello de Narón, fai un chamamento as distintas administracións públicas para que aborden a realidade da problemática das persoas con mobilidade reducida, “dende o punto de vista de quen sofre o problema, baixando a rúa con elas e eles”.

De paseo con Francisco para coñecer a realidade das persoas con mobilidade reducida en Narón.

Francisco Díaz Mouriz quedou en cadeira de rodas por causa dun accidente laboral, fai uns días púxose en contacto comigo, como concelleiro e representante das veciñas e veciños de Narón, para compartir a súa problemática diaria a hora de desprazarse pola nosa cidade.

Despois de contarme as moitas dificultades e os obstáculos que atopa a diario, pedinlle un favor, que me permitise dar un paseo xunto con el, quedamos na Gándara o día seguinte e nos coñecemos en persoa.

Son da idea que un non é capaz de poñerse no lugar do outro ata que vive a mesma situación, e neste corto paseo dinme conta das moitas cousas de fácil solución que entorpecen a vida destas veciñas e veciños, dende beirarrúas demasiado estreitas ata pasos de pións con bordos que se converten en verdadeiros obstáculos insalvables, e que obrigan a estas persoas a cruzar a rúa por onde non deben pero vense obrigados a facelo poñendo en risco a súa integridade física. Ou a tentar pasar por riba deses bordos tendo accidentes como a última caída da que me falou Francisco e que lle aconteceu mesmamente na Gándara o tentar facer a temeraria manobra de cruzar un destes pasos de pións do xeito correcto.

Estas persoas ven limitado así o seu dereito a poder desprazarse libremente e a poder valerse por si mesmas, e precisan de alguén que as acompañe para poder facer cousas como ir o médico, facer a compra, ou visitar os seus representantes no concello.

Sería bo que todas e todos os que temos algún tipo de responsabilidade pública désemos un paseo cun deses Franciscos e Franciscas, heroes anónimos do día a día, para recuperar esa empatía có sufrimento alleo que nos permita construír unha cidade mais humana e un futuro máis xusto para todas e todos.

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
13 de agosto de 2016 12:17
____________

Presentación das VI Xornadas "Memoria dun tempo", o martes 16 de Agosto no Ateneo Ferrolán - Proxeción do documental "Ferrol 1936" de Jorge Gil e Mesa Redonda con Bernardo Maiz, Rafael Permuy e Eliseo Fernández: O Papel de Ferrol na Guerra

Presentación das VI Xornadas "Memoria dun tempo"
Martes 16 de agosto ás 19,30 h.

Cita coa Historia este martes 16 de agosto ás 19,30 h. no ‪#‎AteneoFerrolán‬.

Presentación das VI Xornadas "Memoria dun tempo" da asociación Nordés (Ortigueira - Mañón - O Vicedo)

• Presentación das xornadas.
• Reposición do documental "Ferrol 1936" de Jorge Gil.
• Mesa redonda sobre a importancia de Ferrol durante a Guerra Civil, tanto como base naval como centro represivo. Coa participación de: Bernardo Maiz, Rafael Permuy e Eliseo Fernández (Moderador).

---

Un lugar de encontro para a cultura.
Ateneo Ferrolán, fundado en 1879.
Rúa Magdalena 202-204. CP.15402 | Ferrol (Galiza)
Telf.: +34 981 357 970 - 644.720.055
e-mail: secretaria@ateneoferrolan.org

O Ateneo en blogger, facebook e twitter.

Faite soci@ on line! Colabora con nos! Aquí.

Para axudas e colaboracións económicas:
CC en Cajamar Cooperativa.
Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
13 de agosto de 2016 11:14
__________________

Actos no 41 Aniversario do asasinato de Moncho Reboiras, un 12 de Agosto de 1975

A Unión do Povo Galego (UPG) convoca o conxunto da militancia e simpatizantes ao acto público de homenaxe a Xosé Ramón Reboiras Noia que terá lugar o vindeiro 12 de agosto, sexta feira, baixo o programa que se anexa.

Nestes momentos en que é máis necesario que nunca defender un proxecto político nacionalista, recollemos o exemplo do camarada Moncho no traballo de autoorganización do povo galego e proclamamos a nosa fidelidade á causa da independencia nacional da Galiza, á que o noso camarada entregou a súa vida, e te convidamos a participar con nós nesta homenaxe.

ACTOS CONMEMORATIVOS:

DODRO.
Cemiterio de Imo.
Ás 12:00h. Ofrenda floral.

SAN SADURNIÑO.
Finca da Cortiña (ao carón do Rio Xuvia).
Ás 14:30h. Xantar popular. [*]
Ás 16:00h. Sobremesa de debate: “A mudanza real que a Galiza precisa”

FERROL.
Ás 19:00h. Concentración da Praza de Armas. Saída cara á rúa da Terra onde foi asasinado Moncho Reboiras. Ofrenda floral e canto da Internacional
Ás 19:30h. Intervencións Políticas no Cantón.
Manuel Polo (Secretario de Zona da UPG en Ferrolterra).
Antía Ínsua (Comité Nacional da UMG).
Néstor Rego (Secretario Xeral da UPG).

[*] O prezo do xantar é de 15 € e será preciso anotarse no correo electrónico upg@uniondopovogalego.org, indicando o nome das persoas. A data límite para anotarse será o mércores 10 de agosto.

Web da UPG:
http://www.uniondopovogalego.org/

Web da Fundación Moncho Reboiras:
http://www.fesga.org/

Enviado por:
Inácio GZ
-inaciogz@gmail.com-
12 de agosto de 2016 09:46

________________

Os nosos libros e os cárceres, ... Por Xaquín Campo Freire

Por Xaquín Campo Freire [*]
11.08.2016

OS NOSOS LIBROS E OS CÁRCERES

"Abride escolas e pecharanse cárceres". Esta frase é moito de dona Concepción Arenal. O concepto xa viña desde as culturas máis antigas.

Desde 1946, na miseria e analfabetismo da posguerra española, foi Corín Tellado a escritora que puxo máis xente a ler entre as clases máis humildes e populares incluídas as aldeas. Grazas a ela, os que pouco máis facían que poder leren unha carta, foron quen de seguiren un argumento novelado e desde aí espertar a seren xa lectores. Hoxe ninguén lle pode negar a súa categoría de escritora dentro do seu xénero literario peculiar. “Nin son romántica nin escribo novelas románticas. Son positiva e sensible, e escribo novelas de sentimentos, que non é o mesmo. As historias da vida cotiá inspíranme. Eu recompilo as vivencias da rúa e axústoas ás miñas cousas. Os meus personaxes teñen unha tremenda humanidade. Hai moitas mozas que na vida real viviron o que viven os meus personaxes”.

A partires destes dous exemplos socio-literarios citados quero falar das bibliotecas e dos libros nos cárceres e na sociedade.

Estanse a tirar aos contedores do papel, ao lixo, infinidade de libros de todas as clases cando nos nosos cárceres hai falta de libros tamén de todas as clases: Literatura, didácticos, científicos, enciclopedias dos tempos da crianza dos fillos e das de máis categoría ou especializadas, etc.

Cos ordenadores e internet moitos destes libros estorban nas casas e as xeracións novas non fan uso deles. Pero no cárcere non hai ordenadores e a internet non está autorizada. Aí é onde o libro non perdeu actualidade. Que clase de libros? Todos. Imos razoar xuntos e veremos por que.

Nos  cárceres están maioritariamente, case exclusivamente, os pobres. Por iso, mesmo eses libros de contos que xa fican arrombados na túa casa son do mesmo nivel cultural de moitos dos nosos reclusos. E só empezarán a ler de novo se retoman eses contos sinxelos de rapaciños onde ficou a súa formación de antano. E digo outro tanto dos libros de Primaria, da ESO ou de BUP. O tempo do cárcere ten de ser un tempo aproveitado, pero para iso fan falta medios e instrumentos axeitados.

Que con isto xa vai ser todo de cor de rosas? Certo que non. Pero, como di o Xénese 18, 30-32: “E se non houbese máis que cinco xustos ti xa nos destruirías a todos?”. Vale a pena o noso esforzo se un dez, quince ou vinte por cento vai adiante e muda as súas condicións de formación alí e para cando saia en liberdade?

Os educadores de cada módulo e do cárcere en xeral ben desexarían teren  máis medios. Os libros son moi importantes. Logo están aqueles internos que, con formación máis elevada, son capaces xa de avanzar en por si ou mesmo de crear un grupo de estudo en común onde algún deles poida axudar aos compañeiros que desexan progredir e avanzar se hai medios.

O problema é moito máis amplo e complexo. Xa sei que a Xunta, o Goberno, o Ministerio do Interior, etc, serían os que terían de dotar os cárceres. É verdade. Pero xa vemos como nos vai coa sanidade, a educación, os servizos sociais, etc. E por outra parte estou a falar de non desperdiciar recursos que van ir ao lixo se antes con eles non nos beneficiamos todos.

Non fagamos como fixeron D. Xesús Vázquez, conselleiro de educación e o Sr. Feixoo que para que os profesores non caeran na tentación de dar certas crases en lingua galega queimaron milleiros e milleiros de libros de texto,  noviños, sen estrear. Pero dixo Manolo Rivas: “Os libros arden mal”. A queima deles sempre se volverá contra do incendiario.

Que tampouco se volvan contra nós se os tiramos ao lixo. Claro que non debemos converter o cárcere noutro contedor cos que están xa inservíbeis.

E como podemos facer se os queremos levar alí? Falo dos cárceres pero tamén dos xeriátricos ou de institucións sociais que poidan precisar. Na Galiza hai cinco centros penitenciarios. Na internet están os telefones de cada un deles. Hai un encargado da biblioteca ou un grupo de educadores. Pedindo que nos poñan con algún deles, seguro que conseguimos boa información. Eles xa nos indican a forma, o modo e o xeito máis amañado de procedermos.

“As forzas que se asocian para o ben non se suman, multiplícanse. O home que se levanta é aínda máis grande que o que non caeu”. (C. Arenal).

[*] Xaquín Campo Freire [Xaquín da Roca],  Narón 1937, é un relixioso galeguista. Graduado social, ATS pola Universidade de Santiago de Compostela, a diplomatura en Xerontoloxía Social pola Universidade Complutense de Madrid e é licenciado en Teoloxía Pastoral Sanitaria, pola Universidade Camillianum de Roma dende 2005. É membro do consello de redacción da revista Encrucillada así como membro ordinario da AELG. Traballou de enfermeiro no PAC de Fene e de capelán de Residencia de Anciáns. Na actualidade é director do Centro de Acompañamento e Relación de Axuda e da Escola e Saúde e Centro de Escoita Activa Mons. Araúxo.

Enviado por:
Xaquin Campo Freire
-xaquinderoca@gmail.com-
11 de agosto de 2016 00:09

______________

Centros Penitenciarios e CIS na Galiza. | Ir á Web.

Centros de Antención a Maiores na Galiza. | Ir á Web.
______________________________

Paelhada Ártabra, ao estilo Vidal, esta sexta-feira, 12 de Agosto, na Fundaçom Artábria - Travessa de Batalhons nº7, no bairro de Esteiro, em Ferrol

Paelhada Ártabra esta sexta-feira na Fundaçom Artábria

Nesta sexta-feira, 12 de agosto, contamos com umha nova cita com a gastronomia. Desde as 20.30h haverá umha Paelhada Ártabra ao "estilo Vidal". O preço do prato é de 4 euros e haverá opçom vegana.
A receita da paelha (e nom arroz com cosas) conta com o visto bom dos ortodoxos deste manjar do Païs Valencià.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
10 de agosto de 2016 23:08
____________

"A nosa voz en Europa", publicación periódica para dar a coñecer de forma directa a actividade política e social da eurodeputada galega Lídia Senra

Sae á luz o primeiro número do boletín informativo periódico “A nosa voz en Europa”. | A revista, que se reparte en Galiza de forma gratuíta, nace para dar a coñecer de forma directa o traballo da eurodeputada de AGEe. | Lídia Senra fai un chamamento a incluír na axenda galega os asuntos abordados nas institucións da UE, que “afectan a diario ás nosas vidas”.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquera Verde Nórdica (GUE/NGL), ven de lanzar o primeiro número do boletín informativo “A nosa voz en Europa”, un boletín que nace con vocación de ser unha publicación de carácter periódico, e que pretende que a poboación galega coñeza de forma directa o labor que está a realizar nas institucións europeas para defender as loitas das galegas e galegos en todos os sectores.

A versión impresa do numero 1 de “A nosa voz en Europa”, que conta cunha tirada inicial de 1.500 exemplares, está a ser xa distribuída de xeito gratuíto na Galiza; ademais, todas aquelas persoas que o desexen, tamén poden acceder xa á versión dixital da revista en PDF, a través da propia web de AGEe. O obxectivo de iniciar este novo modelo informativo é incidir na axenda diaria galega e que a maioría de homes e mulleres tomen conciencia de que os asuntos abordados tanto na Comisión Europea como no Parlamento Europeo, a pesar de tratarse de lugares tan afastados de Galiza como poden ser Bruxelas ou Estrasburgo, afectan a diario ás nosas vidas e son temas que se deben ter presentes e seguir moi de preto.

Lídia Senra destaca que durante o tempo que leva sendo eurodeputada ven observando como “moitas decisións que atoparemos no DOG e no BOE dentro de varios anos se están decidindo agora no Parlamento Europeo e sen embargo acostuman a pasar desapercibidas neste momento”. “Despois, cando as apliquen, darémonos conta do dano que provocan no noso día”, advertiu.

Cunha maquetación e deseño a toda cor, realizado polo estudio compostelán Numax, o primeiro número de “A nosa voz en Europa” recolle a actividade que se desenvolveu desde que comezou a presente lexislatura europea, en xullo de 2014, e até principios desde ano 2016. Neste tempo, a eurodeputada de AGE rexistrou en Bruxelas 140 preguntas parlamentarias por escrito á Comisión e ao Consello Europeo relativas a agricultura e alimentación, sector pesqueiro, dereitos humanos e sociais, mulleres, sanidade, ensino, emprego, medio ambiente, benestar animal, infraestruturas ou tratados de libre comercio.

No boletín tamén se recollen as xuntanzas de traballo mantidas por Lídia Senra neste tempo, as súas intervencións nas sesións plenarias e nas diferentes comisións, así como todas as xornadas organizadas por AGEe en colaboración co GUE/NGL e con outras organizacións en Galiza e en Bruxelas.

A idea é continuar o camiño e poder publicar a finais deste ano o segundo número da revista, recollendo toda a actividade do 2016; e a partir de aí, que o boletín teña un carácter semestral nos sucesivos 2017, 2018 e 2019, ano no que remataría a lexislatura actual.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Xornal dixital de AGEe:
http://ageuropa.gal/

Boletín “A nosa voz en Europa”, formato PDF. | Acceder/Baixar.

Enviado por:
SENRA RODRÍGUEZ Maria Lidia OFFICE
-lidia.senra-office@europarl.europa.eu-
9 de agosto de 2016 11:50
__________________________

Ante a entrada na Ría de Ferrol, dun novo buque gaseiro, o LNG Benue, cargado con gas natural licuado para a ilegal e perigosa Reganosa, o Comité Cidadán de Emerxencia convoca unha concentración sonora, este mércores 10 de Agosto, ás 8 da tarde na Praza Amada Garcia, diante do edificio da Xunta - Enlaces ás catro Sentenzas e ao Auto a favor do Comité

CONCENTRACIÓN SONORA EN FERROL,
 MÉRCORES 10 DE AGOSTO, ÁS 8 DA TARDE
DIANTE DO EDIFICIO ADMINISTRATIVO DA XUNTA
NA PRAZA AMADA GARCIA

Un novo buque o "LNG Benue" cargado con miles de toneladas de gas natural licuado, ten previsto a súa entrada na Ría de Ferrol para descargar na ilegal e perigosa Reganosa. Un buque, con bandeira de conveniencia das Bermudas, de grande porte, cunha eslora de 285 m, de 43 m de manga, e un calado de 11.5 m. E cunha capacidade de carga de 145.952 m³ de GNL (LNG). O buque entrará pola bocana da Ría e cruzará o angosto, estreito, de pouco calado e de fondo rochoso, canle de máis de 4.500 metros, até chegar ao pantalán de descarga do peirao de Punta Promontoiro, situado no termo municipal de Mugardos. Onde Reganosa coa complicidade de políticos sen escrúpulos construíu unha planta de gas que nos ameaza todo-los días, aumentando exponencialmente esta ameaza, sempre que entra na Ría un buque destas características, cargado para a perigosa e ilegal planta regasificadora de Mugardos. Este buque fai o gaseiro número 214 que descarga en Reganosa, desde que o fixera o "Galicia Spirit" en Maio de 2007.

Sentenzas

Este é o quinto buque que entra na Ría, despois de que o Tribunal Supremo ditara a súa Terceira Sentenza firme contra Reganosa que anulou a autorización para a construción da planta regasificadora en Mugardos, encostada ao complexo petroquímico do Grupo Tojeiro (Forestal del Atlántico e Imegalsa). E o primeiro, despois de que unha cuarta sentenza a favor do Comité Cidadán, anulara o Plan de Emerxencias Exterior da planta de gas.

Recursos

Despois de declarada ilegal Reganosa, polas sentenzas firmes do tribunal supremo, o goberno en funcións do estado, resolve eximir a planta de gas de someterse á avaliación ambiental e concede a autorización de funcionamento, nun intento de burlar as sentenzas do alto tribunal, todo isto cun apoio mediático imperdoábel, da Xunta de Galicia e do Goberno Municipal de Mugardos. O movemento opositor a Reganosa, con amplo apoio político, decidiu recorrer as resolucións gobernamentais sinaladas.

Concentración sonora

Diante do aumento da ameaza contra a seguridade e a vida, que supón a entrada dun novo buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol, como ven sendo habitual sempre que entra un gaseiro cargado na Ría de Ferrol, convoca unha acción de protesta e denuncia, consistente nunha Concentración Sonora, este mércores ás 8 da tarde en Ferrol, na Praza Amada Garcia, diante do Edificio Administrativo da Xunta de Galicia.

Sopa química clorada e arrefriada saíndo do colector de Reganosa

Tras as sentenzas do Tribunal Supremo, que declaran ilegal a Reganosa, esiximos o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRAN AS SENTENZAS DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• MÓVETE CONTRA A IMPUNIDADE !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas?

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Catro Sentenzas firmes e un Auto do Tribunal Supremo contra Reganosa:

• Sentenza 1966/2016 do Tribunal Supremo. | Sala do do Contencioso Administrativo - Sección Quinta - 26.07.2016 | Recurso de Casación Número: 2070/2014 | Anulando o Plan de Emerxencias Exterior de Reganosa e o Decreto 144/2007, do 9 de Xullo, da Xunta de Galicia | 16 páxinas en formato PDF | Acceder/Baixar. (Recorrían as entidades ligadas ao Comité Cidadán de Emerxencia).
• Auto de Aclaración do Tribunal Supremo, con data de 25 de maio de 2016, onde desestimou "o incidente de nulidade de actuacións..." promovido pola representación da empresa Regasificadora do Noroeste S. A. (REGANOSA), contra a Sentenza. Auto que denega o Recurso de REGANOSA á citada sentenza que declara a nulidade da Autorización Administrativa Previa (Recurso de Casación 599/2013). | Acceder/Baixar.

• Sentenza 889/2016 do Tribunal Supremo. | Sala do Contencioso-Administrativo. Sección: Terceira. 25.04.2016 | Estima o recurso contra sentenza do TSJM e declara nula a resolución que aproba o proxecto de execución de instalación de Reganosa. | Acceder/Baixar. (Recorrían as entidades ligadas ao Comité Cidadán de Emerxencia).

• Sentenza 695/2016 do Tribunal Supremo. | Sala do Contencioso-Administrativo. Sección: Terceira. 28.03.2016 | Estimar recurso contra sentenza do TSJM, polo que debe ser anulada a Autorización Administrativa Previa para a instalación de Reganosa. | Acceder/Baixar. (Recorrían as entidades ligadas ao Comité Cidadán de Emerxencia).

• Sentenza do Tribunal Supremo. | Sala do Contencioso-Administrativo. Sección Quinta. 11.05.2012| Recurso de Casación Núm. 4512/2008 | Ratificando a sentenza do TSXG que anula aresolución do pleno do concello de Mugardos onde se modificaba o Plan Xeral de Ordenación Municipal de Mugardos para facilitar a instalación de Reganosa, mais sen que esta modificación puntual fora sometida a avaliación de impacto ambiental. |  Acceder/Baixar. (Recorrían Reganosa e o Concello de Mugardos).

Información baseada na enviada polo:

Comité Cidadán de Emerxencia

-comitecidadan@gmail.com-

8 de agosto de 2016 10:28

_______________

Por ser de interese: Beatriz Sestayo, concelleira de Benestar Social de Ferrol, anunciou que até o próximo 26 de agosto estará aberto o prazo para a solicitude da concesión de axudas á escolarización para o vindeiro curso escolar, así como para as becas de comedor

BENESTAR SOCIAL ABRE ATA O 26 DE AGOSTO O PRAZO PARA A SOLICITUDE DE AXUDAS Á ESCOLARIZACIÓN DE 95 EUROS E PARA BECAS DE COMEDOR

A concelleira de Benestar Social, Beatriz Sestayo, destacou que as axudas á escolarización ascenden a 95 euros por neno e nena. Para as becas de comedor a administración destina unha partida de 200.000 euros.

A concelleira de Benestar Social, Beatriz Sestayo, anunciou esta mañá que ata o próximo 26 de agosto estará aberto o prazo para a solicitude da concesión de axudas á escolarización para o curso 2016-2017, así como para as becas de comedor, un esforzo económico importante que amosa a aposta do departamento para garantir a igualdade de oportunidades.

A contía das axudas á escolarización ascende a 95 euros por neno/a, dirixida aos menores matriculados nun centro de ensino do Concello de Ferrol e que cursen educación infantil, primaria e secundaria. O obxectivo, segundo resaltou Sestayo, é dar resposta ás necesidades dos nenos e nenas pertencentes a familias con escaseza de recursos económicos e que non poden facer fronte aos gastos que se presentan ao inicio do novo curso escolar.

Os beneficiarios serán unidades familiares con menores de idade a cargo que non superen o límite de ingresos establecidos no baremo económico (1.397 euros máximo para unha unidade de 6 membros). Deberán estar empadroados e residir en Ferrol, do mesmo xeito que os menores terán que estar matriculados en centros escolares da cidade e presentar a solicitude e a documentación requirida en tempo e forma.

Os gastos subvencionables son os de libros de texto, material escolar, vestiario básico, material e libros específicos ou equipamento informático.

No baremo económico tense en conta o 1'5 veces o IPREM, (532,51 euros en 2016), incrementando un 15% (79,88 euros) por cada novo membro e cun límite de 1.397 euros.

PÓDESE OBTER MÁIS INFORMACIÓN NO “TABOLEIRO DE ANUNCIOS” DA WEB DO CONCELLO, www.ferrol.es, OU NO EDIFICIO DE SERVIZOS SOCIAIS EN SÁNCHEZ BARCÁIZTEGUI.

BECAS DE COMEDOR

Así mesmo, tamén ata o próximo 26 de agosto está aberto o prazo para a solicitude da concesión de Becas de Comedor, dirixidas a unidades familiares con menores escolarizados na cidade (centros públicos e concertados). As axudas destinaranse a familias que se encontren en risco de exclusión social e con menor poder adquisitivo. Terán que empregar o servizo de comedor, agás causa xustificada. As solicitudes deberán presentarse no Rexistro Municipal.

De igual xeito, no baremo económico terase en conta o 1'5 veces o IPREM, (532,51 euros en 2016), incrementando un 15% (79,88 euros) por cada novo membro e cun límite de 1.397 euros.

O orzamento total para o curso escolar 2016/2017 ascende a 200.000 euros.

Fonte: web do Concello de Ferrol o Martes, 9 de agosto de 2016.

As bases e as solicitudes xa están dispoñibles na páxina web.
___________

Un amplo respaldo político acompañou onte a rolda de prensa do Comité Cidadá de Emerxencia para a Ría de Ferrol - Son xa catro as sentenzas do Tribunal Supremo favorábeis ao Comité Cidadá de Emerxencia, sentenzas que o goberno en funcións, intenta burlar eximindo a Reganosa de cumprir coa legalidade - Vídeo completo de todo o acto

Un amplo respaldo político acompañou onte a Rolda de Prensa / Acto Público do Comité Cidadá de Emerxencia para a Ría de Ferrol. Representantes de Em Marea, Ferrol en Común, BNG e PSOE, escenificaron onte o rechazo ao movemento efectuado tanto polo goberno de Mariano Rajoy, como polo executivo de Feijoo en Galiza, que por parte do Coordinador do Comité Cidadán de Emerxencia para a Ría de Ferrol, Manuel Angel Rodríguez Carballeira, cualificouse como desacato. Estando tamén presentes na mesa Luz Marina Torrente e Carlos Álvarez en representación do Comité Cidadán.

Son xa catro as sentenzas favorábeis ao Comité Cidadá de Emerxencia, sentenzas que o goberno en funcións, intenta burlar eximindo a Reganosa de cumprir coa legalidade. O Coordinador do Comité, desmentiu tamén a información de Reganosa difundida en moitos medios, conforme tiñan un novo Plan de Emerxencia Exterior, vixente desde o 2013. Rodríguez Carballeira, asegurou que ese mesmo feito ven contestado pola última sentenza do Supremo, dado que ese Plan de Emerxencia é só unha ampliación do do 2007, agora ilegalizado polo Supremo, e insiste a sentenza, que a empresa debe dotarse dun novo plan, conforme ás “novas autorizacións que di ter”.

Iolanda Díaz, deputada no Parlamento Español por En Marea, anunciou a inclusión do debate sobre Reganosa nas Comisións do Parlamento que están por constituír, alentando ao Comité a que estea presente como observador neses debates, e mostrándose esperanzada en poder conseguir os apoios políticos necesarios para gañar esas votacións.

Suso Basterrechea en representación do grupo municipal de Ferrol en Común, reiterou o apoio ás reivindicacións do Comité Cidadá de Emerxencia, condenando as actuacións do goberno de Mariano Rajoy e de Feijoo.

Iván Rivas do Grupo Municipal do BNG no Concello de Ferrol, subliñou a necesidade de defender os recursos da comarca que están representados na Ría de Ferrol. Nese sentido apuntou que as actuacións do goberno en funcións, ademais de evitar que Reganosa cumpra coa legalidade, está a apresurada licitación do tren a Caneliñas, polo trazado máis lesivo que sacrifica a enseada d'A Malata. E na Ría de Pontevedra, a ampliación a 60 anos do funcionamento de ENCE.

Beatriz Sestallo, Secretaria Xeral do PsdeG-PSOE, e en representación do Goberno do Concello de Ferrol, fixo un relato da actuación opaca da Autoridade Portuaria, onde se encontra representando ao Concello de Ferrol, en relación a todo o que ten a ver con Reganosa. “Negan a documentación que se lles solicita”, e mesmo as contas da propia Autoridade Portuaria, demostran que Reganosa non trae beneficios, senón que é unha rémora para a economía desta comarca.

Rodríguez Carballeira cerrou o acto, anunciando que instarán aos alcaldes da comarca a encetar accións legais contra Reganosa, e agradecendo tamén as actuacións que a eurodiputada Lidia Senra, está levado adiante ante o Parlamento Europeo e a propia Comisión Europea.


https://www.youtube.com/playlist?list=PLrPIPWtHB4YlVkFjLLlymuhqpmemMKob_

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

---

Catro sentenzas firmes do Tribunal Supremo contra Reganosa:

• Sentenza 1966/2016 do Tribunal Supremo. | Sala do do Contencioso Administrativo - Sección Quinta - 26.07.2016 | Recurso de Casación Número: 2070/2014 | Anulando o Plan de Emerxencias Exterior de Reganosa e o Decreto 144/2007, do 9 de Xullo, da Xunta de Galicia | 16 páxinas en formato PDF | Acceder/Baixar. (Recorrían as entidades ligadas ao Comité Cidadán de Emerxencia).

•  Sentenza 889/2016 do Tribunal Supremo. | Sala do Contencioso-Administrativo. Sección: Terceira. 25.04.2016 | Estima o recurso contra sentenza do TSJM e declara nula a resolución que aproba o proxecto de execución de instalación de Reganosa. | Acceder/Baixar. (Recorrían as entidades ligadas ao Comité Cidadán de Emerxencia).

• Sentenza 695/2016 do Tribunal Supremo. | Sala do Contencioso-Administrativo. Sección: Terceira. 28.03.2016 | Estimar recurso contra sentenza do TSJM, polo que debe ser anulada a Autorización Administrativa Previa para a instalación de Reganosa. | Acceder/Baixar. (Recorrían as entidades ligadas ao Comité Cidadán de Emerxencia).

• Sentenza do Tribunal Supremo. | Sala do Contencioso-Administrativo. Sección Quinta. 11.05.2012| Recurso de Casación Núm. 4512/2008 | Ratificando a sentenza do TSXG que anula aresolución do pleno do concello de Mugardos onde se modificaba o Plan Xeral de Ordenación Municipal de Mugardos para facilitar a instalación de Reganosa, mais sen que esta modificación puntual fora sometida a avaliación de impacto ambiental. |  Acceder/Baixar. (Recorrían Reganosa e o Concello de Mugardos).

___________

A consulta telemática de Podemos Galicia decide a confluencia coa Marea por esmagante maioría, desdecindo o votado pola súa Asemblea Autonómica o pasado venres 29 de Xullo

As bases de Podemos apostan en ir ás eleccións galegas en alianza con En Marea

A opción tivo un 75% dos apoios na consulta telemática. Carmen Santos indica que é un aval para crear unha “fórmula electotal á catalá” en referencia a En Comù Podem.

As bases deron un si rotundo a concorrer en alianza electoral con En Marea ao 25 de setembro. Un 75,6% dos votantes na consulta telemática organizada por Podemos Galiza votou a prol desta opción, un “apoio claro”, en palabras da secretaria xeral, Carmen Santos, que xa anunciou que se ía poñer en contacto coas “forzas irmás”, en referencia a Anova, Esquerda Unida e as marés. Santos interpreta que os resultados do referendo, no que tomaron parte 6.056 inscritos (o 27,6% do censo total e 44,3% do 'censo activo') son un mandato para pular por crear o que cualificou como “fórmula electoral á catalá”, referíndose a En Comú Podem. Desta forma, Podemos non se diluiría en En Marea, que desde a asemblea do pasado sábado é partido instrumental.

A secretaria xeral destacou que "gañou a opción que eu defendía", incidindo en que tivo 4.576 votos (75,6%) fronte aos 1.471 (24,3%) dos partidarios de concorrer en solitario como Podemos, unha opción que fica descartada embora ser a maioritaria na asemblea da pasada sexta feira, e que non era vinculante.

A consulta despexa só en parte o camiño cara ás autonómicas do espazo que constitúen Podemos e as marés. Santos volveu deixar claro que a liña vermella era a de que o seu partido non se ía diluír e que os resultados da consulta eran a favor de ir en alianza, non de se integrar nun partido instrumental. De aí a súa refrencia a En Comú Podem, coligazón onde os actores integrantes manteñen a súa identidade propia. Mais isto bate co aprobado en Vigo, na asemblea xeral da maré constituínte, e na que se apostou por transformar En Marea nun partido instrumental.

Candidato

Preguntada polo candidato, Santos reiterou que só apoiarán un que saia dunhas primarias. O Faro de Vigo informaba na edición desta cuarta feira que Luis Villares, o maxistrado do TSXG que leva semanas sonando como a persoa para liderar a candidatura, descarta ser candidato de En Marea se Podemos rexeita "o partido instrumental".

Publicado en Sermos Galiza baixo Licenza Creative Commons | 03.08.2016

Faite asinante do semanario Sermos Galiza | Apoiando ao xornalismo galego e en galego. | Ir á Web.
_____________

Diante do recurso contra a exención de avaliación de Impacto Ambiental e a nova sentenza firme contra Reganosa, o Comité Cidadán de Emerxencia convoca unha rolda de prensa, para este venres 5 de Agosto, ás 12 do mediodía no Ateneo Ferrolán

Diante do recurso contra a exención, por parte do Goberno Español, de avaliación de Impacto Ambiental á planta de gas de Mugardos e a nova sentenza firme contra Reganosa, onde anula o decreto polo que se aprobou o Plan de Emerxencias Exterior, o Comité Cidadán de Emerxencia convoca unha Rolda de Prensa, para este venres 5 de Agosto, ás 12 do mediodía no Ateneo Ferrolán. Chamando á cidadanía en xeral e en concreto ao movemento opositor ao despropósito gasista, instalado en Punta Promontoiro -no corazón da nosa Ría, a acompañar a este Comité na súa comparecencia ante a opinión pública.

O obxectivo desta comparecencia pública é o de explicar cal é o estado da situación da planta de gas, despois das catro sentencias firmes do Tribunal Supremo contra Reganosa e do recurso que se acaba de anunciar contra a decisión

Para analizar a situación en torno á Planta de Gas, despois das últimas Sentenzas firmes do Tribunal Supremo contra Reganosa e do Recurso Contencioso Administrativo, ante o Tribunal Supremo, contra o acordo do Goberno do PP que excluía a Reganosa do trámite de Avaliación de Impacto Ambiental.

Novo Recurso ante o Tribunal Supremo

A Plataforma Veciñal "O Cruceiro de Mehá", que forma parte do Comité Cidadán de Emerxencia para a Ría de Ferrol, presentou recurso ante o Tribunal Supremo, o pasado día 26, contra o acordo do Goberno do PP que excluía a REGANOSA do trámite de Evaluación do Impacto Ambiental.

Solicítase a declaración de nulidade deste acordo e a paralización inmediata das actividades da Planta, como consecuencia das anteriores Sentenzas anulatorias da Autorización Administrativa Previa, de da Autorización de Funcionamento e do Plan de Emerxencia Exterior.

"...teña por interposto recurso contencioso administrativo contra o referido Acordo do Consello de Ministros de 27 de maio de 2016, polo que se declaran excluídos do trámite de avaliación de impacto ambiental aos proxectos da planta de recepción, almacenamento e regasificación de gas natural licuado en Mugardos, A Coruña en todo o seu contido, e que unha vez desenvolvido a canle procesual necesaria, procésase a:

Declarar a nulidade do Acordo do Consello de Ministros recorrido e de todos aqueles actos que teña causa no Acordo declarado nulo, incluíndo cualesquiera autorizacións que lle foron outorgadas a REGANOSA con base no Acordo do Consello de Ministros e, en consecuencia, sen superar a correspondente avaliación ambiental, na que se debe incluír en todo caso a alternativa 0, isto é a paralización inmediata da planta como consecuencia das Sentenzas de 28 de marzo e de 25 de abril de 2016, que declararon nulas as autorizacións previa e de construción da instalación de REGANOSA, e ordenar de xeito inmediato e expresa a paralización da actividade na planta de regasificación".

Texto completo do escrito. | Acceder/Baixar.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

---

Catro sentenzas firmes do Tribunal Supremo contra Reganosa:

• Sentenza 1966/2016 do Tribunal Supremo. | Sala do do Contencioso Administrativo - Sección Quinta - 26.07.2016 | Recurso de Casación Número: 2070/2014 | Anulando o Plan de Emerxencias Exterior de Reganosa e o Decreto 144/2007, do 9 de Xullo, da Xunta de Galicia | 16 páxinas en formato PDF | Acceder/Baixar. (Recorrían as entidades ligadas ao Comité Cidadán de Emerxencia).

•  Sentenza 889/2016 do Tribunal Supremo. | Sala do Contencioso-Administrativo. Sección: Terceira. 25.04.2016 | Estima o recurso contra sentenza do TSJM e declara nula a resolución que aproba o proxecto de execución de instalación de Reganosa. | Acceder/Baixar. (Recorrían as entidades ligadas ao Comité Cidadán de Emerxencia).

• Sentenza 695/2016 do Tribunal Supremo. | Sala do Contencioso-Administrativo. Sección: Terceira. 28.03.2016 | Estimar recurso contra sentenza do TSJM, polo que debe ser anulada a Autorización Administrativa Previa para a instalación de Reganosa. | Acceder/Baixar. (Recorrían as entidades ligadas ao Comité Cidadán de Emerxencia).

• Sentenza do Tribunal Supremo. | Sala do Contencioso-Administrativo. Sección Quinta. 11.05.2012| Recurso de Casación Núm. 4512/2008 | Ratificando a sentenza do TSXG que anula aresolución do pleno do concello de Mugardos onde se modificaba o Plan Xeral de Ordenación Municipal de Mugardos para facilitar a instalación de Reganosa, mais sen que esta modificación puntual fora sometida a avaliación de impacto ambiental. |  Acceder/Baixar. (Recorrían Reganosa e o Concello de Mugardos).

Información baseada na enviada por:
Comité Cidadán de Emerxencia
-comitecidadan@gmail.com-
28 de julho de 2016 14:20
2 de agosto de 2016 14:07
________________

O Presidente da Xunta disolve o Parlamento Galego e convoca eleccións galegas para o 25 de Setembro, coincidindo coas do parlamento vasco - Quedan só 55 días para convencer á maioría do pobo galego de que é necesario o cambio, o porque, o para que e o como

Como era de esperar, o Presidente da Xunta, Nuñez Feijóo disolve o Parlamento Galego e convoca eleccións galegas para o 25 de Setembro, coincidindo coas do parlamento vasco, convocadas hai uns días polo Lendakari Iñigo Urkullu.

As eleccións galegas van ter lugar case un mes antes do día (23 de Outubro) que se previa hai meses, mais a situación de incerteza que se vive co respecto á elección dun presidente español e a consecuente conformación dun goberno,  fan máis probábel a convocatoria tamén dunhas terceiras eleccións xerais que interferirían no escenario político galego, bastante mais favorábel para o Partido Popular que o español. E en segundo lugar a situación da oposición política enfrascada en liortas internas que denotan pouca madurez, pouca fiabilidade e incapacidade, non só para poñer-se de acordo, senón para comunicar, a súa diagnoses e o programa que hai que aplicar, os novos rumbos que ten que tomar o país e como van a solucionar os principais problemas que nos afectan como persoas e como nación.

Agardemos que nestes 55 días que quedan para o evento electoral, haxa un revulsivo na esquerda e en vez de competir, comece a cooperar, compartillar e colaborar, para derrotar ao Partido Popular e a súas políticas neoliberais.

Quedan só 55 días para convencer á maioría do pobo galego de que é necesario o cambio, o porque, o para que e o como. Sen demora Xa! Coller a mochila e ao camiño que queda un bo treito...
____________

Presentación Revista "Ollaparo" no Ateneo Ferrolán, este venres 5 de Agosto ás 6 da tarde

Presentación Revista "Ollaparo", este venres día 5 de agosto ás 6 da tarde, no Ateneo Ferrolán, na rúa da Magdalena 202-204.

Coas intervencións de:

• Gabriel Beceiro, coordinador e editor da revista.
• Fernando Igrexas, parceiro fundador.
• Rafael Cid, xornalista e colaborador.

Ollaparo, coa lenda "Revista da Sociedade Cultural Chirlateira", é unha revista de información, opinión e criazón redactada integramente en galego e fundada en Cedeira (Galiza) en 1984 co obxectivo de revitalizar, dende unha perspectiva local, o pensamento crítico e os estudos cedeirenses logo da ditadura franquista, con especial atención á memoria histórica, á normalización lingüística e á recuperación cultural. O deseño integral de cada portada por un ilustrador foi un dos seus sinais de identidade. Publicouse de forma irregular dende 1984 a 1999 en Gráficas Paramés e Gráficas Adral e dende 2011 ten formato dixital.

A revista na rede en:
http://ollaparo.gal/

---

Un lugar de encontro para a cultura.
Ateneo Ferrolán, fundado en 1879.
Rúa Magdalena 202-204. CP.15402 | Ferrol (Galiza)
Telf.: +34 981 357 970 - 644.720.055
e-mail: secretaria@ateneoferrolan.org

O Ateneo en blogger, facebook e twitter.

Faite soci@ on line! Colabora con nos! Aquí.

Para axudas e colaboracións económicas:
CC en Cajamar Cooperativa.
Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
1 de agosto de 2016 15:59
__________________