segunda-feira, julho 24, 2017

Tras as durísimas e inxustas condenas coas que castigaron ao grupo do Gdeim Izik polo seu activismo pacífico: solidariedade galega co Pobo Saharaui na Praza do Obradoiro


Un día inesquecible. Máis de 1000 persoas gritando liberdade para os Presos Políticos Saharauís.

Na mañá de onte, Domingo 23 de Xuño, realizouse unha concentración na Praza do Obradoiro de Santiago, esixindo a liberdade dos Presos Políticos Saharauís, cuxa situación empeorou unha vez máis esta semana, tras as durísimas e inxustas condenas coas que castigaron ao grupo do Gdeim Izik polo seu activismo pacífico.

24 persoas fixeron a representación dos 24 presos, encadeados, e co nome de cada un no peito. O noso compañeiro Xosé Henrique Porto Varela deu lectura dun manifesto.

Vivíronse momentos moi emotivos, asomáronse bágoas aos ollos de moitas persoas, e contamos coa extraordinaria resposta das familias acolledoras cos seus nenos.

Asistiron moitos concelleiros desde distintos Concellos de Galicia, moitos medios de comunicación, e contamos con todo o apoio do Concello de Santiago.

Entre os asistentes, os tres fillos da activistas Mina e Hassanna Duihi.

Damos as grazas a todo o apoio e comentarios de amigas e amigos políticos como as Eurodeputadas Lida Senra e Ana Miranda, membro do Intergrupo Paz e Liberdade para o Sahara, Montse Prado, a Senadora Vanesa Angustias, o deputado David, Pilar a alcaldesa de Mugardos, Andre Abeledo, concelleiro de Naron, Carlos Ruiz Miguel, catedrático da USC, Xose Luís Rivera, responsable Internacional da CIG.

Desde a Delegación Saharauí en Galicia e SOGAPS o noso agradecemento a todas e todos e dicirvos que a loita continua e queremos seguir contando co voso apoio e Solidariedade co Pobo Saharauí.

SOLIDARIEDADE GALEGA CO POBO SAHARAUI
Avda. Alcalde Gregorio Espino, 57 baixo.
36205 - Vigo
Tel./Fax: 986 262 637

http://sogaps.org/gl/

info@sogaps.org

https://www.facebook.com/sogaps.galicia/

https://twitter.com/sogaps_oficial
_______________

This Is The Newest Post


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon