Amosando publicacións coa etiqueta Baladre. Amosar todas as publicacións
Amosando publicacións coa etiqueta Baladre. Amosar todas as publicacións

luns, outubro 20, 2014

No Día Internacional contra a riqueza iniciamos a campaña "Da RISGA á RBis"


O 17 de outubro Día Internacional para a Erradicación da Pobreza.


A Oficina de Dereitos Sociais de Coia, a Parroquia Cristo da Vitoria, o Grupo de Axitación Social (GAS) e as xentes de Baladre saímos á rúa nesta data, que xa o ano pasado rebautizamos como Día contra a riqueza, para denunciar unha vez máis que a riqueza acumulada nas mans duns poucos non fai máis que medrar a costa dunha maioría de persoas cada vez máis ampla que padece a crecente precarización das súas condicións de vida.

Os datos, e mais aló dos datos a realidade cotiá coa que nos enfrontamos, non deixan lugar a dúbidas: seis de cada dez familias galegas seguen a ter dificultades para chegar a fin de mes; pola contra, o 10% máis rico dos fogares europeos acumula a metade da riqueza do continente, os dez magnates máis ricos de Europa posúen unha fortuna case dez veces maior ao gasto español previsto en desemprego para o 2015 e a fortuna de Amancio Ortega equivale ao 87% do PIB galego.

Fronte a esta realidade de inxustiza, precariedade e exclusión á que nos condena o capitalismo, nós queremos presentar publicamente neste Día contra a riqueza a campaña galega “Da RISGA á RBis”, que ten como obxectivo visualizar o inútil que resulta a Renda de Inclusión Social de Galicia (RISGA) como ferramenta de transformación social e de loita contra o empobrecemento, así como defender a necesidade de superar estes modelos asistenciais e de loitar pola Renda Básica das iguais (RBis), definida como o dereito individual, universal e incondicional a recibir unha cantidade periódica que cubra as necesidades elementais.

Moitas veces temos denunciado que a terrible situación de empobrecemento e precariedade que padecen tantas persoas e familias en Galicia está a ser agravada dun xeito intolerable pola resposta da Xunta, que pasa case exclusivamente por unha RISGA insuficiente e excluínte, que pouco axuda e nada transforma. Orzamentos que rozan a miseria, contías mínimas e escasa cobertura, longos tempos de espera que se prolongan ata os oito meses, burocracia excesiva, requisitos rigorosos que deixan sen acceso a moita xente, incompatibilidades absurdas, esixencias a modo de contraprestación de participar en proxectos de inserción sen seguimento e inútiles, e mesmo obstáculos para obter o resgardo de entrega da solicitude... son algúns dos problemas que evidencian que a Xunta de Galicia non está a cumprir coa súa obriga de dar unha solución real e eficaz para cubrir as necesidades básicas das galegas e galegos.

Sen dúbida, un dos aspectos máis crueis é o que ten que ver cos atrasos na concesión da RISGA, cunha demora totalmente inaceptable por tratarse dunha axuda dirixida a persoas e familias nunha situación de verdadeira emerxencia social. A finais de agosto, sen ir máis lonxe, a Xunta recoñecía que estaba a resolver as solicitudes de decembro do 2013, o que é o mesmo que recoñecer que está a incumprir o establecido pola lexislación vixente no que atinxe aos prazos de resolución desta axuda (a Xunta ten 2 meses para resolver dende a entrada de toda a documentación, mentres que os concellos teñen 1 mes para enviar a documentación completa á Xunta).

Tampouco se está a dar présa a administración autonómica en elaborar e publicar o decreto que debe desenvolver e aclarar a citada Lei de inclusión social, publicada o 31 de decembro de 2013. Aínda que na aprobación da mesma se falaba dun  prazo de 6 meses, pasaron xa dez sen que nada novo se saiba, o que contribúe a incrementar a incerteza e indefensión da que son vítimas as persoas solicitantes da RISGA. Por poñer un exemplo, no que ten que ver coa solicitude dos atrasos coa anterior lei, aínda que nun primeiro momento falaban de recoñecemento automático en casos de RISGA nova e tras solicitude na antiga, sempre con data do mes seguinte á petición da última documentación requirida, semella que a estas alturas non teñen nada claro aínda como van tramitalo.

Ante a grave situación referida, non podemos deixar de denunciar, en primeiro lugar, que menten cando dan por única resposta ás nosas críticas e demandas iso de que “non hai cartos”. Fronte os recortes sociais e a súa imposta “austeridade” mal entendida, basta un exemplo significativo que vén de ser denunciado publicamente: a Consellería de Traballo e Benestar malgasta mil euros diarios en pagar a un número esaxerado de asesores contratados a dedo e que están ao servizo exclusivo da conselleira Beatriz Mato.

E finalmente non podemos deixar de denunciar, unha vez máis, o insuficiente e inútil da Renda de Inclusión Social de Galicia en termos de transformación social e de loita contra o empobrecemento. Por iso nós, e moitos colectivos e persoas, defendemos a necesidade de superar estes modelos de “rendas ou salarios para pobres”, para dar paso á Renda Básica das Iguais, concibida como o dereito de toda persoa a recibir unha cantidade periódica que cubra as súas necesidades elementais. Fronte a unha RISGA subsidiaria e restritiva, familiar e condicionada, a RBisten carácter universal, persoal e incondicional. A RBisé suficiente e digna; a RISGA, escasa e miserable. Finalmente, a RBis é un instrumento máis de xustiza e redistribución da riqueza, mentres a RISGA supón un instrumento de fiscalización, exclusión e perpetuación da esmola asistencial.

Porque temos dereito a vivir con dignidade: RENDA BÁSICA das iguais, XA!

--
OFICINA DEREITOS SOCIAIS - COIA (ODS-Coia)
odscoia.arkipelagos.net | odscoia@riseup.net |@odscoia | tel: 696 618 732
Estamos os luns de 17h00 a 19h00 en Coia, nos locais da parroquia do Cristo da Vitoria (rúa Baiona 9, Vigo)

Enviado por:
Oficina Dereitos Sociais - Coia
-dereitossociais@gmail.com-
17 de outubro de 2014 16:30
Debido ao mal tempo cancelamos onte os actos previstos para celebrarmos o Día contra a riqueza 2014. Malia non estar hoxe na rúa recollendo sinaturas da ILP pola Renda Básica, non queremos desaproveitar esta data para achegar o texto de presentación da campaña galega: “Da RISGA á RBis”. Achegamos o manifesto que tiñamos preparado para este mediodía.
___________________

venres, setembro 26, 2014

A RISGA e a Renda Básica: da esmola institucionalizada ao reparto da riqueza


Este verán, visitou Ferrol Terra a Caravana Baladre 2014. Unha escola social de verán organizada por esta rede internacional, que na ruta Barakaldo-Vigo, realizou aprendizaxe e intercambio de loitas e experiencias de construción de alternativas desde as comunidades. A xente de Baladre, convidou á Rede de Apoio Mutuo de Ferrol Terra a ser a súa guía no seu paso por Ferrol, para intentar un intercambio de experiencias na construción de alternativas. Entre outras, foi a Renda Básica das Iguais, unha das reivindicacións básicas que se traían na mochila. As compañeiras e compañeiros da ODS-Coia, onde rematou a citada Caravana, forman parte deste movimento social en defensa d@s que menos teñen, pola xustiza social e o benestar do pobo. Agora queremos compartir con vós, esta análise e denuncia das políticas de inclusión social do Partido Popular desde o mal-goberno da Xunta de Galicia.


A RISGA e a Renda Básica: da esmola institucionalizada ao reparto da riqueza

Moitas veces temos denunciado que a terrible situación de empobrecemento e precariedade que padecen tantas persoas e familias en Galicia está a ser agravada dun xeito intolerable pola resposta insuficiente e precaria da Xunta, que pasa case exclusivamente por unha RISGA insuficiente e excluínte, que pouco axuda e nada transforma. Orzamentos que rozan a miseria, contías mínimas e escasa cobertura, longos tempos de espera que se prolongan ata os oito meses, burocracia excesiva, requisitos  rigorosos que deixan sen acceso a moita xente, incompatibilidades absurdas, esixencias a modo de contraprestación de participar en proxectos de inserción sen seguimento e inútiles, e mesmo obstáculos para obter o resgardo de entrega da solicitude... son algúns dos problemas que evidencian que a Xunta de Galicia non está a cumprir coa súa obriga de dar unha solución real e eficaz para cubrir as necesidades básicas das galegas e galegos.

Sen dúbida, un dos aspectos máis crueis é o que ten que ver cos atrasos na concesión da RISGA, cunha demora totalmente inaceptable por tratarse dunha axuda dirixida a persoas e familias nunha situación de verdadeira emerxencia social. A finais de agosto, sen ir máis lonxe, a Xunta recoñecía que estaba a resolver as solicitudes de decembro do 2013, o que é o mesmo que recoñecer que está a incumprir o establecido pola lexislación vixente no que atinxe aos prazos de resolución desta axuda (tres meses para as solicitudes feitas antes do 1 de xaneiro deste ano, data na que entrou en vigor a nova Lei de inclusión social de Galicia; dous meses para as solicitudes entregadas dende entón).

Tampouco se está a dar presa a administración autonómica en elaborar e publicar o decreto que debe desenvolver e aclarar a citada Lei de inclusión social, publicada o 31 de decembro de 2013. Aínda que na aprobación da mesma se falaba dun  prazo de 6 meses, pasaron xa oito sen que nada novo se saiba, o que contribúe a incrementar a incerteza e indefensión da que son vítimas as persoas solicitantes da RISGA. Por poñer un exemplo, no que ten que ver coa solicitude dos atrasos coa anterior lei, aínda que nun primeiro momento falaban de recoñecemento automático en casos de RISGA nova e tras solicitude na antiga, sempre con data do mes seguinte á petición da última documentación requirida, semella que a estas alturas non teñen nada claro aínda como van tramitalo.

Ante a grave situación referida, non podemos deixar de denunciar, en primeiro lugar, que menten cando dan por única resposta ás nosas críticas e demandas iso de que “non hai cartos”. Fronte os recortes sociais e a súa imposta “austeridade” mal entendida, basta un exemplo significativo que vén de ser denunciado publicamente: a Consellería de Traballo e Benestar malgasta mil euros diarios en pagar a un número esaxerado de asesores contratados a dedo e que están ao servizo exclusivo da conselleira Beatriz Mato.

E finalmente non  podemos deixar de denunciar, unha vez máis, o insuficiente e inútil da Renda de Integración Social de Galicia (RISGA) en termos de transformación social e de loita contra o empobrecemento. Por iso nós, e moitos colectivos e persoas, defendemos a necesidade de superar estes modelos de “rendas ou salarios para pobres”, para dar paso á Renda Básica das Iguais, concibida como o dereito de toda persoa a recibir unha cantidade periódica que cubra as súas necesidades elementais. Fronte a unha RISGA subsidiaria e restritiva, familiar e condicionada, a Renda Básica ten carácter universal, persoal e incondicional. A Renda Básica é suficiente e digna; a RISGA, escasa e miserable. Finalmente, a Renda Básica é un instrumento máis de xustiza e redistribución da riqueza, mentres a RISGA supón un instrumento de fiscalización, exclusión e perpetuación da esmola asistencial.

Coia, setembro 2014

ODS-Coia e Parroquia Cristo da Vitoria.
--
OFICINA DEREITOS SOCIAIS - COIA (ODS-Coia) | odscoia.arkipelagos.net | dereitossociais@gmail.com |@odscoia | tel: 696 618 732 | Atendemos os luns de 17h00 a 19h00 nos locais da parroquia do Cristo da Victoria en Coia (rúa Baiona 9, Vigo)

Enviado por:
Oficina Dereitos Sociais - Coia
-dereitossociais@gmail.com-
25 de setembro de 2014 16:35

__________________

Rede Social de Ferrol Terra

Encontro | Foro | Rede de Apoio Mutuo | Arméria Soc. Coop. Galega

Directorio (Teléfonos, Correos, Sitios-e)

http://redesocialdeferrolterra.blogspot.com.es/

|||||||||||||||||||||||||||||||||
___________________________

xoves, xullo 24, 2014

A Caravana de Baladre en Caranza, coa súa Escola Social de Verán, en movemento


Hoxe visitou Ferrol Terra a Caravana Baladre 2014. Unha escola social de verán organizada por esta rede internacional, que pretende nesta semana de xullo, na ruta Barakaldo-Vigo, realizar aprendizaxe e intercambio de loitas e experiencias de construción de alternativas desde as comunidades, baixo o lema: "Sempre en paro, nunca paradas!".

A xente de Baladre, convidou á Rede de Apoio Mutuo de Ferrol Terra a ser a súa guía nun roteiro reivindicativo, para intentar un intercambio de experiencias na construción de alternativas.

A Caravana centrou a súa visita no barrio de Caranza, onde a loita en defensa do mercado municipal, a horta comunitaria e a tenda de troco,  formaron parte desta ruta reivindicativa da man dalgúns dos seus protagonistas. A visita á Ría e á súa problemática, estivo da man da loita contra Reganosa e contou como anfitrión co Coordinador do Comité Cidadá de Emerxencia. Antes de partir para Compostela, Asemblea na Praza do Anfiteatro das Vivendas "Rosas", para compartir loitas e alternativas.
_____________

Enlace relacionado:

Ártabra 21: Éste mércores, 23 de Xullo, chega a Ferrol a Carvana-Marcha de Baladre - O recebimento está previsto ás 11 da mañá no Mercado de Caranza - Participa !.
________________________

Enlaces de interese:

Oficina de Dereitos Sociais de Coia (ODS-Coia)
http://odscoia.arkipelagos.net/

Sitio das xentes de Baladre
http://www.coordinacionbaladre.org/
____________________________

martes, xullo 22, 2014

Éste mércores, 23 de Xullo, chega a Ferrol a Carvana-Marcha de Baladre - O recebimento está previsto ás 11 da mañá no Mercado de Caranza - Participa !


Escola Social de Verán, en movemento


Mañá, mércores 23 de Xullo de 2014, chega a Ferrol a Caravana-Marcha Baladre: "Escola Social de Verán, en movemento", despois de visitar varias cidades desde o 20 de Xullo, facendo a ruta Barakaldo-Vigo. Ás once da mañá serán recibidos no Mercado de Caranza por un grupo de activistas que realizarán un roteiro reivindicativo, para intentar un intercambio de experiencias na construción de alternativas e o desenvolvemento das loitas cidadás. Visitarán o Mercado de Caranza, a Tenda de Troco de Arméria Soc. Coop. Galega. Desprazaran-se logo até a Avda do Mar, onde visitarán a Horta Comunitaria e se lles informará da situación da loita contra a Planta de Gas. Logo na Praza do Anfiteatro das Vivendas "Rosas", na Veciñal II, Rúa Alcalde Quintanilla, informara-se da Iniciativa cidadá pola xestión pública e social do ciclo da auga e do saneamento, e da loita polo dereito á vivenda digna e adecuada, a loita pola Defensa da Sanidade Pública, ...

A Caravana-Marcha Baladre continuará ás 13hs o seu camiño cara Compostela.

Convidámosvos pois a participar nesta xornada de mañá en Ferrol que se desenvolverán en Caranza, mañá 23 de Xullo, co seguinte programa:

ROTEIRO REIVINDICATIVO:EXPERIENCIAS E ALTERNATIVAS EN COMUNIDADE.

- 11:00 hs. Recibimento da Caravana no Mercado de Caranza

- 11:30hs. Experiencias e alternativas en comunidade: o Mercado de Caranza; a Tenda de Troco.

- 12.00hs. Na Avda do Mar: as Hortas Comunitarias; a loita contra Reganosa.

- 12:30hs. Na Praza do Anfiteatro das Vivendas "Rosas", Recuperación da Xestión Pública e Social da Auga e o Saneamento; o Dereito á Vivenda, ...

Ao longo dos trinta anos de existencia do espazo de coordinación Baladre, as xentes que o conforman sinten a formación como algo central nas formas de facer política. Formarse entre iguais para comprender e actuar, compartir as preocupacións e afondar nas análises sobre as realidades.

Este verán, volveron a poñer en marcha ese espazo autoxestionado de coñecemento mutuo, relación e reflexión para a acción social en forma de Caravana/Marcha. Entendendo que viaxar e pararse a pé de rúa polos diferentes territorios onde día a día articulanse loitas anticapitalistas e antipatriarcais, que para moitas é unha experiencia vivencial sen igual. Desta volta, están viaxando polo norte da península, enredando con xentes inquiedas desde Barakaldo até o barrio de Coia, en Vigo, durante os días 20 ao 24 de xullo.

Concretamente, na Galiza estarán os días 23 e 24 reflexionando sobre o dereito a autoderterminación dos nosos corpos, vidas e territorios e tratando de coñecer mais de preto a situacións de represión e criminalización dos movementos sociais para pensar xuntas estratexias de colaboración e apoio internacionalista. Tamén os procesos de xentrificación e expulsión da poboación empobrecida nos centros urbanos sometidos á lóxica e aos intereses especulativos, ou as agresións ao dereito básico de acceso á vivenda e aos espazos públicos, ...

A xente de Baladre, convidou-nos á Rede de Apoio Mutuo de Ferrol Terra a ser a súa guía por estas terras de Ferrol e Comarcas, así que lles preparamos un roteiro reivindicativo, para que coñezan algunhas das loitas nas que estamos por estes lugares.

CONVIDAMOS A PARTICIPAR NESTE ROTEIRO DE REIVINDICACIÓN E CONFRATERNIZACIÓN.

_______________