Amosando publicacións coa etiqueta CCOO. Amosar todas as publicacións
Amosando publicacións coa etiqueta CCOO. Amosar todas as publicacións

luns, maio 30, 2022

Contra a represión, solidariedade obreira - As centrais sindicais chaman a apoiar o indulto para Pintos - CIG, CCOO, UGT e CGT convocan manifestación en Ferrol o 31 de maio, ás 8 datarde, dende a Praza Amada Garcia (diante do edificio da Xunta) - Vídeo


MANIFESTACIÓN EN FERROL, EN SOLIDARIEDADE CON SUSO PINTOS, MARTES 31 DE MAIO, ÁS 8 DA TARDE, NA PRAZA AMADA GARCIA, DIANTE DO EDIFICIO ADMINISTRATIVO DA XUNTA DE GALICIA

Contra a represión, solidariedade obreira. As centrais sindicais chaman a apoiar o indulto para Pintos CIG, CCOO, UGT e CGT convocan manifestación o 31 de maio, ás 20h, dende o edificio da Xunta en Ferrol Ferrol indulto lei mordaza loita obreira persecución sindical represión Xesús Anxo López Pintos.

Ante a represión, unidade. Esa é a consigna que os responsábeis comarcais de CIG, CCOO, UGT e CGT de Ferrol lanzaron este luns para demandar o apoio de toda a clase traballadora á solicitude de indulto para o compañeiro Xesús Anxo López Pintos. Os catro representantes sindicais animaron tamén a participar na manifestación que o 31 de maio sairá ás 20 horas do edificio da Xunta en demanda de xustiza para Pintos, evitar a súa entrada no cárcere e que se consume este ataque á liberdade sindical.

Manuel Anxo Grandal (secretario comarcal da CIG-Ferrol), José Hurtado (secretario comarcal da CCOO en Ferrol), Jorge Ulla (da xestora de UGT de Ferrol) e Xaquín García (secretario da sección sindical da CGT en Navantia Ferrol) coincidiron en criticar a desmesura actuación da que foi vítima Pintos, tanto no relativo á súa detención como ao proceso xudicial posterior, valéndose da aplicación máis humillante da chamada lei mordaza, que a día de hoxe segue vixente.

"Unha vez máis temos que denunciar que se converteu a vítima en verdugo", aseverou Grandal, quen sostén que estamos ante unha "actuación teledirixida cun obxectivo claro para o Goberno naquel momento". Lembrou que na altura de outubro de 2012 había unha enorme conflitividade derivada das políticas austericidas e dos recortes de dereitos e liberdades e "esta foi unha das maneiras de exemplificar como ir contra a loita dos traballadores e das traballadoras". Porén, afirmou, "a represión non vai parar a loita obreira e menos aínda nesta comarca onde temos unha longa historia de represión".

O responsábel da CIG de Ferrol pediu solidariedade e que a cidadanía se mobilice para evitar que o compañeiro Pintos poida entrar na cadea. Unha posibilidade que cualificou de "inxusta e surrealista" e contra da que, adiantou, "chegaremos a todas as instancias que sexa necesario".

Aclarou Grandal que, tras emitirse a resolución do Tribunal Supremo que ratifica a condena da Audiencia Provincial, presentáronse as alegacións correspondentes para evitar que Pintos poida entrar no cárcere, pois aínda que foi condenado por un delito de atentado á autoridade a unha pena de seis meses de prisión, a situación do ex secretario da CIG de Ferrol agrávase porque ten pendente de execución outra condena de nove meses por defender as mariscadoras de Mugardos.

Solicitude de reunión coa ministra de Xustiza

Sobre a campaña polo indulto, explicou que a recollida de sinaturas se fará tanto nos locais sindicais, onde se poden recoller os pregos, como nos centros de traballo e tamén está prevista a colocación puntual de mesas nas rúas. Ademais, como o indulto "é unha decisión política que ten que decretar o Consello de Ministros e Ministras", as centrais sindicais van pedir unha reunión co delegado do Goberno en Galiza e audiencia coa ministra de Xustiza porque "se algún indulto se debe conceder e é de xustiza, é o de Pintos". Ademais, levaranse mocións de apoio aos plenos municipais dos concellos da comarca.

Intento de coartar a mobilización social

Pola súa anda, José Hurtado valorou que a sentenza de Pintos constitúe un ataque ao mundo sindical e un intento de coartar a resposta sindical, fronte á que chamou á unidade e á solidariedade de clase. Na mesma liña Jorge Ulla cualificou esta sentenza de "condena a todos os traballadores e traballadoras", rememorou a situación de crise na que se fixo a mobilización de outubro de 2012 e enmarcou o proceso de Pintos no contexto das "receitas de recortes" do Goberno de Mariano Rajoy. Para Xaquín García esta campaña a prol do indulto debe servir ademais como recordatorio "do que supuxo o Goberno do PP de ataque aos dereitos laborais e democráticos, que ten o máximo expoñente na lei mordaza".

NOVA RELACIONADA: Arrinca a campaña de recollida de sinaturas en apoio ao indulto de Pintos: Asina.

Ultima hora:

"A suspensión da pena é un paso importante pero cómpre que se faga xustiza co compañeiro Pintos" - As centrais manteñen a campaña polo indulto e a manifestación do 31 de maio en Ferrol | 25 de maio de 2022. | Ir á nova.


Fonte: Avantar.

Enviado por:
Inácio GZ
-inaciogz@gmail.com-
26 de maio de 2022 10:53

_______

venres, abril 29, 2022

CCOO e UGT chama á cidadanía galega a mobilizarse o 1º de Maio pola suba dos salarios, a contención dos prezos e máis igualdade, para que a clase obreira 'non pague os pratos rotos» desta crise'


UGT chama á cidadanía galega a mobilizarse o 1º de Maio pola suba dos salarios, a contención dos prezos e máis igualdade

UGT e CCOO convocan manifestacións en toda Galicia, en Ferrol partirá desde o Inferniño ás 12 do mediodía.

O secretario xeral de UGT-Galicia, José Antonio Gómez, xunto á secretaria xeral do S.N. de CCOO de Galicia, Amelia Pérez, presentaron hoxe en Santiago en rolda de prensa o 1º de Maio que este ano vaise celebrar baixo o lema “A solución: subir salarios, conter prezos e máis igualdade”.

Segundo Amelia Pérez, "reivindicamos que o centro das políticas deste país siga sendo o factor traballo, porque é o verdadeiro elemento transformador da sociedade". Neste sentido, as políticas que se adoptan na materia "son o que ao final mellora a vida das persoas", apuntou a dirixente sindical.

José Antonio Gómez, destacou que "este 1º de Maio vai ser unha data para a celebración, orgullo polo conseguido froito da concertación e diálogo social, para defender e esixir que o conseguido se cumpra pero tamén para poñer enriba da mesa vellas reivindicacións non acadadas e novas demandas".

O Secretario Xeral de UGT-Galicia, fixo fincapé en que "a celebración deste 1º de Maio no pode escapar ó contexto, abafado pola guerra en Ucraína que está a levar a unha situación de crise económica a nivel mundial pero tamén ao sufrimento inxusto do pobo ucraíno e de moitos cidadáns rusos que están a ser perseguidos polo súa postura en contra desta inxusta guerra". Neste senso, manifestou a solidariedade do Sindicato con todos eles e con "moitos outros pobos onde celebrar esta data e mesmo facer sindicalismo no día a día é causa de represión e persecución".

A secretaria xeral de CCOO reiterou o apoio dos sindicatos de clase ao pobo ucraíno, rexeitando tanto a invasión rusa como a represión por parte do Goberno de Putin contra os manifestantes que piden a paz; tamén ao pobo saharauí, criticando o cambio de postura do Goberno de España, "que non compartimos".

Amelia Pérez, amosou a súa preocupación polo avance da extrema dereita no Estado español e en Europa: "Estase banalizando e normalizando de xeito alarmante", e puxo como exemplo a recente entrada de Vox no Goberno autonómico de Castela e León.

A secretaria xeral de CCOO defendeu a importancia de subir os salarios, debate que ten lugar cunha guerra en Ucraína e cun aumento aínda maior da inflación, que xa viña subindo nos últimos meses. "Estase falando dun pacto de rendas, que ten que ser como asumamos entre todos e todas, e non só a clase obreira, o custo da crise que se está producindo", advertiu.

José Antonio Gómez, destacou "a bagaxe positiva coa se concorre a esta edición do 1º de Maio, cos acordos en materia de pensións, o SMI, teletraballo, ERTE`s ou reforma laboral, froito todos eles do diálogo social e dunha ardua tarefa de negociación e concertación. E, precisamente, isto debe animar ós galegos e galegas a saír ás rúas para defender o conseguido".

"Pero a cara negativa deste 1º de Maio é unha conxuntura económica marcada por un IPC na contorna do 10% que se non vai acompañado dunha suba de salarios e non se garante a suba das pensións, como algúns xa están a suxerir, conducirá ó empobrecemento das familias deste país".

Finalmente, Amelia Pérez, reclamou máis igualdade, "porque iso significa máis xustiza social". Neste sentido apelou a "aproveitar os plans de igualdade e as novas normas en materia de igualdade que se aprobaron nos últimos anos para reducir os desequilibrios que se rexistran nas empresas".

O Secretario Xeral de UGT-Galicia, manifestou que "a postura da CEOE, en relación ó AENC, ten que mudar. Ten que apostar por garantir cláusulas de revisión salarial que aseguren o mantemento do poder adquisitivo das familias. O contrario vai supoñer o conflito e o país, na conxuntura actual, require de pacto e negociación. Pero a cerrazón da patronal pode conducir ó contrario porque non se pode consentir que sexan os traballadores, cos seus salarios, os que paguen as consecuencias. Xa hai a día de hoxe sectores, como o do telemarketing ou o do alimentación e comercio da provincia da Coruña que xa están nunha situación de conflito aberto ata que non se lles garanta ós seus traballadores e traballadoras o mantemento do poder de compra".

José Antonio Gómez, recoñeceu que tanto o Goberno central como o da Xunta adoptaron medidas para paliar a situación, "medidas que UGT saúda pero que considera insuficientes. Urxe un maior soporte para os máis vulnerables. Hai en España 9.500.0000 persoas con salarios de 1.000 euros ou menos, desempregados, perceptores de pensións non contributivas ou con complementos a mínimos. Cifra que en Galicia sitúase nas 500.000 persoas, que, de seguro, teñen serias dificultades para chegar a fin de mes. Por iso, urxe habilitar outro tipo de achegas para os máis vulnerables".

Na súa intervención, o Secretario Xeral da UGT-Galicia, tamén rexeitou a receita, para combater esta crise, das rebaixas fiscais que, "de seguro traerían consecuencias negativas no eido internacional e traerían consigo consecuencias moi negativas no eido do investimento público".

A secretaria xeral de CCOO envioulle unha mensaxe ao Partido Popular e á Xunta, advertíndolles aos seus dirixentes que "Galicia non pode pagar as consecuencias desta longa interinidade". A situación actual "esixe tomar medidas e as familias non poden agardar aos tempos dos partidos políticos. A Xunta ten que traballar xa", afirmou Amelia Pérez.

Finalmente, José Antonio Gómez, explicou que neste 1º de Maio vanse levar ás rúas unha serie de reivindicacións como a suba do SMI a finais de ano para que este se sitúe no 60% do salario medio do país; seguir avanzando en materia de igualdade; poñer en marcha un plan de loita contra a lacra da sinistralidade laboral; as 32 horas semanais; unha transición ecolóxica xusta; e a reforma dun ET para o século XXI.

Santiago, 26 de abril de 2022

✔ Manifesto 1º de Maio conxunto de UGT e CCOO de Galicia. | Acceder/Baixar.

✔ Manifesto 1º de Maio do S.N. de CCOO de Galicia. | Acceder/Baixar.


UGT Galicia
https://www.ugtgalicia.org/


S.N. de CCOO de Galicia
https://www.ccoo.gal/
_______

venres, febreiro 11, 2022

O persoal de Intasa sae á rúa para esixir o desbloqueo das negociacións do seu convenio - Concentracións: na Coruña o vindeiro 21 de febreiro e en San Sadurniño o 25


O persoal de Intasa sae á rúa para esixir o desbloqueo das negociacións do seu convenio

Concentracións:

✔ na Coruña o vindeiro 21 de febreiro

✔ e en San Sadurniño o 25 de febreiro.

O persoal de Intasa -Industrias del Tablero, S. A. (Grupo Tojeiro) sairá á rúa os vindeiros 21 e 25 de febreiro para o desbloqueo das negociacións do seu convenio. O comité de empresa, presidido por CCOO, presentou hai máis dun ano unha proposta, pero a compañía segue sen dar resposta.

Desde CCOO lembran que o cadro de persoal de Intasa está composto por 120 traballadores e traballadoras e que este silencio por parte da dirección da empresa é "intolerable".

Por esta razón, o vindeiro 21 de febreiro concentraranse de 10 a 12 horas fronte ás oficinas centrais da compañía, na rúa de Enrique Mariñas Romero (A Coruña), e posteriormente o 25 diante da fábrica (San Sadurniño), de 11 a 15 horas.

Alejandro Bello
Hábitat CCOO de Ferrol

Un saúdo.
--
Yolanda Quintía Salido
Área de Administración
Unión Comarcal de CC.OO. de Ferrol
Tfno: 981 369320    Fax: 981 350353
Tfno RPV: 71334     Fax RPV: 71104
ucferrol@galicia.ccoo.es
yquintia-ferrol@galicia.ccoo.es

Enviado por:
ucferrol
-ucferrol@galicia.ccoo.es-
11 de fevereiro de 2022 11:07

_______

martes, xuño 22, 2021

Que non nos rouben o noso Futuro !! - Mobilización Comarcal o domingo 27 de Xuño - Marchas desde as dúas ribeiras d'As Pias, ás 11:30hs - Temos que reaxir - Convocan: CIG, CCOO e UGT


TEMOS QUE REAXIR.

Levamos moito tempo demandando solucións e futuro para nosas comarcas, mobilizando-nos, cunha folga comarcal o pasado día 10 de marzo, mais a realidade é que por parte das administracións non atopamos resposta

Ferrolterra Eume e Ortegal estamos a sufrir unha situación sen parangón noutras zonas do Estado. A maior perda de poboación, a media de idade máis alta e a menor taxa de natalidade. Clara consecuencia da perda continua de postos de traballo e falta de oportunidades.

Unhas comarcas onde o paro incrementouse durante o ano 2020 ao 19%, catro puntos por riba da media galega, sobre todo na Industria. Cifra que medrou un 40% nos menores de 30 anos e onde o 78% son parados de longa duración.

Así, atopámonos con que a taxa de pobreza medra por riba da media e o madre de familias con dependencia das axudas sociais é cada vez maior.

O naval sen carga de traballo, e inminente peche de ENDESA, Noa, Gamesa, a riada de ERTES e ERES, etc, que estamos a padecer e que se aveciñan, están a agravar unha situación que, de non poñerlle freo, vai camiño de converterse en irreversíbel.

E ante esta, atopámonos unhas administracións que, ao igual que en tempos pasados, no canto de artellar solucións adícanse a botarse as culpas uns ao outros, tratando de quitar rédito político da nosa miseria.

Non eran capaces de concretarnos un só proxecto para as nosas comarcas, todo futuríbeis, a longo prazo e dependentes de decisións alleas. Ese é o resumo de todas as xuntanzas que tivemos. Isto é gobernar? Pódese-lle chamar a esta responsabilidade política e institucional en Ferrolterra? Dende hai máis de seis meses vimos reclamando a constitución dunha mesa con representación de todas as institucións e aínda non foron quen de acordala, a cal dá a medida do interese que amosan.

Por todo isto temos que obrigalos a que entendan que existimos, que temos dereito a un futuro, a compartir a vida coas nosas familias, cos nosos veciños e veciñas, aquí, onde queremos seguir vivindo.

O 27 DE XUÑO
FAGÁMONOS OUVIR !!
ENCHAMOS A PONTE DAS PÍAS !!!


Domingo 27 de xuño, ás 11:30 hs, sairán dúas marchas simultáneas unha desde San Valentín (Estrada de Astano) e a outra desde O Montón (Antiga Gasolineira).

#SOSFerrolterra

Convocan: CIG, CCOO e UGT
_______

mércores, xuño 09, 2021

Mobilización contra os despidos de 'Candido Hermida', diante do acto de conciliación no Smac de Ferrol


Non imos ficar calados e sairemos a rúa as veces que sexa preciso na defensa dos traballadores fronte aos abusos e a explotación

Sen acordo no terceiro acto de conciliación diante do SMAC para os 24 traballadores despedidos no grupo de empresa de Cándido Hermida, que conta, entre a súa carteira de clientes, co grupo Inditex.


A de hoxe foi a terceira citación ante o Servizo de Mediación Arbitraxe e Conciliación (SMAC) que se pecha sen ningún tipo de acordo, pola evidente falta de vontade e a actitude que está a adoptar a empresa desde o inicio deste conflito laboral que, como , se remonta ao mes de abril cos despedimentos de 23 compañeiros e unha compañeira.

"Diante do que está a acontecer, todos estes despedimentos e recortes e o empeoramento das condicións de traballo, de saúde e seguridade na empresa, non imos ficar calados e sairemos as rúas cantas veces sexa preciso na defensa dos nosos dereitos e do que é xusto ante unha empresa que obtivo grandes beneficios co noso suor", denuncia Alex Bello, responsable comarcal da Federación do Hábitat de CCOO.

Por último, indicar que acudiremos novamente ao SMAC na vindeira semana e faremos públicas ante a cidadanía as nosas demandas, como representantes sindicais de CCOO, CIG e UGT na defensa dos dereitos dos traballadores e da traballadora que foron despedidos.

Ferrol, 8 de xuño.-

Yolanda Quintía Salido
Área de Administración
Unión Comarcal de CC.OO. de Ferrol
Tfno: 981 369320    Fax: 981 350353
ucferrol@galicia.ccoo.es
yquintia-ferrol@galicia.ccoo.es


Enviado por:
ucferrol
-ucferrol@galicia.ccoo.es-
8 de junho de 2021 13:0
7

_______

venres, xuño 04, 2021

As tres centrais sindicais (CIG, CCOO e UGT) cualifican de 'desastrosa' a Mesa para a Transición Enerxética Xusta para As Pontes


OS SINDICATOS CALIFICAN DE “DESASTROSA“ A XUNTANZA DA MESA DE TRANSICIÓN XUSTA DAS PONTES DO PASADO DÍA 2 DE XUÑO.

Dende a Centrais Sindicais criticamos que na reunión da Mesa non se garantise o mantemento de emprego na industria auxiliar e a paralización dos traslados da empresa principal mais aló do 30 de xuño, compromiso conseguido anteriormente polas continuas mobilizacións realizadas e que agora xa está en cuestión.

Nesta xuntanza vimos e padecemos a confrontación entre MITECO, Xunta de Galiza e Endesa, no que se refire ao proxecto de biocombustibles. Neste sentido criticamos que despois de ano e medio con probas, e cando na reunión de xaneiro se quedara en concretar o proxecto en quince días, atopámonos cunha proposta presentada pola Xunta de Galiza, sorprendentemente a noite anterior á reunión deste día 2, onde se solicita unha prima de 30 €/megavatio/hora para facer viable o proxecto.

Os sindicatos consideramos de irresponsable a actitude da Administración Galega ante esta situación, que só busca na súa proposta poñerlle “deberes” ao Ministerio e a Endesa, sen asumir, como Goberno Galego ningún compromiso, nin sequera a presentación dunha proposta empresarial alternativa a Endesa que acepte levar a cabo a súa propia iniciativa sobre biocombustibles, e iso que se lle solicitou repetidas veces.

Tampouco podemos calar ante a postura do Ministerio (Miteco) e da propia Endesa que, alegando o trámite ordinario de impacto ambiental para o peche formal da Térmica, que prolonga os prazos da súa execución, se poñan de
perfil” e non aporten ningunha solución, só o silencio, ante o inminente impacto que vai ter no emprego. Así non temos nin Transición Xusta nin se mantén a consigna de “non deixar ninguén atrás”. Con estas actitudes os efectos sobre o emprega van ser demoledores.

Ante esta situación estamos a ver como os traballadores/as están a ser abandonados, sen garantirlles alternativas, mais desta situación teranse que responsabilizar a Xunta de Galiza, Miteco e Endesa.

Dende as Centrais Sindicais esiximos medidas inmediatas que garantan unha Transición Xusta, que garantan o emprego durante o proceso administrativo que se agora vaise prolongar polas alegacións presentadas ao procedemento medioambiental por parte da Xunta de Galiza e da administración local.

Tamén esiximos que se deixen de anuncios e se concreten proxectos de futuro que sexan reais e que garanta a continuidade do emprego.

Demandamos, dende as Centrais Sindicais, a sinatura do Protocolo de Transición Xusta, para posteriormente formalizar o Convenio de Transición Xusta para As Pontes, pero unha vez máis atopámonos co enfrontamento Ministerio-Xunta, sobre cuestións de cogobernanza e formación, sen que ao final quedase claro tampouco se íamos a avanzar da creación deste instrumento para impulsar unha Transición Xusta.

Para nós, o tempo real remata o 30 de xuño, e a partir desa data estamos na maior das indefensións.

As Pontes, 3 de xuño de 2021.

CIG - CCOO - UGT

Enviado por:
ucferrol
ucferrol@galicia.ccoo.es
3 de junho de 2021 11:09

_______

venres, abril 23, 2021

CCOO gaña as Eleccións Sindicais en Endesa na Galiza, con mais do 52% dos votos e 11 representantes, desbancando a UGT da maioría, ao ser as eleccións coa plantilla de Enel Green Power

Eleccións Sindicais en Endesa

FINALIZAN AS ELECCIÓNS SINDICAIS EN ZONA NOROESTE

Xa finalizaron as eleccións en Galicia e polo tanto no Territorio do Noroeste (Galicia, Cornisa Cantábrica e Castilla-León), onde CCCO conseguiu unha nova delegada en Endesa S.A. nas Pontes, María Mourín Mourenza, á que damos a tan merecida parabéns.

Grazas ao traballo de CCOO en todos os centros, onde agora acompáñannos os compañeiros e compañeiras de Enel Green Power, (filial de enerxías renobábeis de Endesa, centro loxístico de compoñentes e parques eólicos) deron un cambio significativo á representación no territorio, tendo CCOO un claro apoio maioritario do persoal. En Galicia pasouse dun 30,77% de representación nas eleccións do 2015 a un 52,38% en 2021, onde en todos os centros mantívose e aumentou o apoio a en CCOO. No territorio Noroeste terminan as eleccións como empezaron, cunha contundente vitoria de CCOO.

A comparativa final reflícteo á perfección. Polo tanto, CCOO asume a representación maioritaria en todo o territorio Noroeste (Galicia, Cornisa Cantábrica e Castilla-León), que queda cun 60,61% para CCOO (20 delegados), seguido dun 21,21% para UGT (7 delegados), 9,09% para SIE (3 delegados) e 9,09% para CIG (3 delegados).

Desde CCOO queremos agradecer ao persoal o apoio maioritario mostrado cara a esta organización e á que facemos partícipe desta vitoria e manifestamos que este gran respaldo que habemos ter estase reflectindo no día a día, na maior participación do persoal na negociación colectiva e na ratificación dos acordos que se alcancen coa empresa.

Animamos ao persoal dos territorios onde están aínda en marcha ou pendentes os procesos electorais a que se sumen ao cambio que se está producindo na representación sindical dentro de Endesa para que o persoal poida ter máis participación nas negociacións coa Empresa.

CC.OO. ENDESA PRIMEIRA FORZA SINDICAL EN GALICIA
email: ccoogalicia@enel.com

Eugenia Freire Fajardo
Resp. Organización - Gabinete Económico
CCOO Industria - Galicia
Tlf. oficina: 981.36.93.26
efreire@industria.ccoo.es

Foto: En Endesa de As Pontes, o 8 de Marzo de 2018.

Enviado por:
MARIA EUGENIA FREIRE FAJARDO
-efreire@industria.ccoo.es-
23 de abril de 2021 13:41

_______

venres, abril 16, 2021

Intensa xornada de mobilizacións e encontros para esixir que se tomen 'as decisións políticas que precisa Ferrolterra' - As centrais sindicais trasladaron aos partidos medidas concretas 'para termos emprego xa'


Ferrol, Eume e Ortegal acolleron este mércores unha xornada reivindicativa para esixir respostas e solucións urxentes por parte do goberno español e galego ante a gravísima crise económica, industrial e social que atravesan estas comarcas. No marco desta xornada desenvolvéronse tanto mobilizacións como unha intensa rolda de xuntanzas con diversos colectivos, que incluíu unha reunión cos partidos políticos "porque as solucións que necesitamos dependen de decisións políticas e de que haxa vontade política".

O secretario comarcal da CIG de Ferrol, Manuel Anxo Grandal Anca, sinalou que a decisión de convocar os diferentes partidos políticos tomouse ante o "fracaso das xestións das alcaldías". E neste senso, considerou moi relevante "que na reunión desta tarde foramos capaces de desbaratar, sobre todo no caso do PP e do PSOE, ese discurso de botarse as culpas uns aos outros". Por iso, Grandal adiantou que nun prazo de 15-20 días, as centrais sindicais volverán convocar os partidos para "que rendan contas do que fixeron, porque non imos permitirlles entrar en debates que non nos solucionan nada".

O máis urxente: ter traballo

Abundando neste punto, o responsábel da CIG-Ferrol reiterou que o "máis urxente que precisamos é ter traballo. E esa demanda centrámola en cuestións moi concretas e básicas que dependen de decisións políticas que se poden tomar no próximo Consello da Xunta ou no próximo Consello de Ministros/as".

Entre esas reivindicacións urxentes, puxo o exemplo da necesidade de facer a transformación do buque Galicia nos estaleiros da ría de Ferrol, que se asine de inmediato o convenio de transición para As Pontes (pois é a única localidade do Estado afectada polo peche das centrais térmicas no que aínda non se puxo en marcha), que se traballe a serio para buscar o financiamento do dique de reparacións (que ademais é unha infraestrutura fundamental para garantir o futuro das instalacións), ou a gratuidade da AP-9 no tramo Ferrol-A Coruña.

"Todo isto son decisións políticas e así llo reiteramos durante a xuntanza. As forzas políticas terán que responder, porque desta crise sáese con máis investimentos públicos e nós temos claro que imos seguir mobilizándonos até que os gobernos atendan as nosas reivindicacións", concluíu.

Unhas comarcas representativas da crise que vive Galiza

Na mesma liña pronunciouse o secretario xeral da CIG, Paulo Carril, quen participou na marcha a pé desta tarde que saíu do mercado de Caranza, ao cualificar de "intolerábel o menosprezo dos gobernos ás demandas destas comarcas”.

Unhas comarcas que, indicou, son representativas da crise industrial e social que padece Galiza, advertindo que, canto "máis tarden os gobernos en pór en marcha as medidas necesarias máis difícil será encarar unha saída”. Por iso Carril valorou que canto máis demoren en actuar os gobernos español e galego, "a pouca credibilidade que teñen irá máis en descenso”.

O secretario xeral da CIG reiterou a urxencia de atender “no inmediato” cada unha das reivindicacións que se trasladan dende as comarcas “porque o que está en xogo é a súa supervivencia”.

Mobilizacións do naval e nos concellos

A xornada reivindicativa deste mércores comezaba coas xuntanzas que as centrais sindicais CIG, CCOO e UGT mantiveron con representantes das asociacións de hostalería na casa do Concello de Ferrol, á que lle seguiron encontros coas asociacións empresariais.

De xeito paralelo, traballadores e traballadoras do naval saían en manifestación sobre as 10:30h dende o estaleiro até a Praza de Armas para demandar carga de traballo inmediata que deteña a sangría de desemprego na industria auxiliar, que se potencien departamentos tan importantes como carenas, turbinas ou a eólica mariña e se consigne financiamento para construír o dique cuberto que estaba previsto no plan estratéxico de Navantia. Pois esta é unha infraestrutura imprescindíbel para garantir a continuidade produtiva das instalacións da ría de Ferrol.

Ao mediodía tocaba a quenda das concentracións cidadás diante dos distintos concellos das comarcas de Ferrol, Eume e Ortegal.

Pola tarde, a rolda das xuntanzas proseguiu coas asociacións de comerciantes, praceiros e confrarías e a seguir tocou a quenda cos partidos políticos que forman parte das corporacións locais. Posteriormente houbo encontros coas entidades veciñais e culturais.

Ás 18h, a xornada reivindicativa volvía ás rúas nas dúas marchas que discorreron dende o Mercado de Caranza e a Praza da Gándara de Ferrol para rematar na Praza de Armas. Alí, os secretarios comarcais das tres organizacións sindicais fixeron unha valoración global do día e deron conta do abordado nas distintas xuntanzas.

Fonte: Avantar. | Ferrol - 14 Abr 2021

Enviado por:
Inácio GZ
-inaciogz@gmail.com-
16 de abril de 2021 07:50

_______

domingo, abril 11, 2021

Xornada Reivindicativa SOS FERROLTERRA, convocada polas centrais sindicais CIG, CCOO e UGT en demanda de diálogo ante a crítica situación socioeconómica e laboral das comarcas do noroeste galego - Concentracións e marchas o mércores 14 de abril


O vindeiro mércores 14 de abril, na Xornada Reivindicativa SOS FERROLTERRA, convocada polas centrais sindicais, ás 12 do mediodía nas prazas diante dos Concellos e ás 6 da tarde nas marchas que rematarán na Praza de Armas de Ferrol, mobilizacións en continuación da pasada Folga Xeral Comarcal do pasado 10 de marzo.

As diferentes administracións, nomeadamente a Xunta de Galicia, Ministerio de Facenda como responsable da SEPI e Navantia, e o Ministerio de Transición Ecolóxica, seguen sen contestar á solicitude dos sindicatos de manter xuntanzas para abordar a crítica situación que estamos a padecer nas comarcas de Ferrolterra, Eume e Ortegal. Ao mesmo tempo que seguen a pechar empresas e engordando as listas de desemprego as diferentes administracións xogan a botarse a culpa unhas ás outras nun espectáculo abafante e lamentábel.

O vindeiro día 14, temos convocada unha XORNADA REIVINDICATIVA, con diferentes accións, entre as que están:

CONCENTRACIÓNS DIANTE DOS CONCELLOS DAS TRES COMARCAS ás 12 do mediodía.

MARCHAS ATE A PRAZA DE ARMAS saíndo, ás 18 horas de:

✔ Praza da Gándara.

✔ Mercado de Caranza.

AGARDÁMOS A VOSA PARTICIPACIÓN!!!

#SOSFerrolterra

Convocada polas centrais sindicais CIG, CCOO e UGT
_______

venres, abril 02, 2021

CC.OO. de Navantia Ferrol denuncia a actual situación da empresa pública naval: Levamos tempo denunciando o deterioro dos procesos produtivos, das relacións laborais e a calamitosa situación económica ... as actuais direccións corporativas son o auténtico cancro de Navantia - Esiximos un cambio na política industrial da nosa empresa


Comunicado de CC.OO. Navantia Ferrol

Desde CC.OO. de Navantia Ferrol queremos transmitir a máis profunda decepción e indignación na forma na que o actual goberno está xestionando unha empresa pública como é Navantia. O anuncio en prensa do cambio da actual presidenta (e van 3 en menos de 3 anos) é síntoma de que o actual goberno non ten intención de abordar os problemas que asfixian á nosa empresa.

As persoas que traballamos en Navantia fixemos un gran esforzo por negociar un plan industrial no ano 2018 que garantise o futuro da nosa empresa e das nosas comarcas, pero sen un cambio de rumbo como o que se suscitaba naquel momento non tardaremos en volver á situación catastrófica que nos levou a ter que negociar devandito plan.

Levamos tempo denunciando o deterioro dos procesos produtivos, das relacións laborais e a calamitosa situación económica dunha empresa, que segundo recolle o actual plan industrial xera máis de 38.000 postos de traballo no conxunto do estado, sendo o principal motor económico das comarcas onde están as súas factorías.

Lonxe de acometer estes problemas, o actual goberno está utilizando á nosa empresa como o seu chiringuito privado, colocando políticos e políticas con salarios desorbitados, que nada coñecen de como se xestiona unha empresa como a nosa e o único que fan é reafirmar ás actuais direccións corporativas, que son o auténtico cancro de Navantia.

Si comparamos os procesos produtivos de fai unhas décadas cos actuais, darémonos conta de que o persoal de Navantia pasou de ser a que deseñaba e fabricaba os produtos, a mera xestora de compañías auxiliares, a subcontratación multiplicouse por 3 ou por 4 mentres o persoal principal reduciuse a menos da metade, pola contra as perdas lonxe de reducirse, pasaron de ser sostíbeis a superar nalgúns exercicios os 300 millóns de euros.

Quen apostou por este modelo de subcontratación, polo modelo fracasado de xestión PUMA, ou quen eran responsábeis industriais durante programas como o S-80 ou os actuais AAORes, non deberían seguir decidindo o futuro de tantos miles de familias. Con todo, continúan perpetuándose nos seus postos, mentres os políticos e políticas de quenda que ocupan a presidencia provocan contratacións de centos de miles de euros para abandonar dita presidencia en poucos meses.

CC.OO. de Navantia Ferrol di ¡XA ABONDA!

Creemos que a presidencia débea ocupar alguén relacionado co sector naval, coñecedor dos nosos procesos e cunha solvencia contrastada, nada de políticos de 2º nivel que non se sabe onde colocar. En todo caso, o absolutamente necesario é cambiar ao comité de dirección, pois quen trouxeron a Navantia a esta situación e continúan coas súas formulacións, por moi fracasados que se demostren, non deberían continuar nas súas responsabilidades.

Esiximos un cambio na política industrial da nosa empresa, non poden ser que os procesos produtivos sexan peores co paso dos anos, e tamén que a nova presidencia cumpra cos compromisos do plan industrial no referente a carga de traballo e investimentos.

Esixímosllo pois a un goberno que leva por bandeira a defensa do público, desde un persoal público que non se sente defendida.

Eugenia Freire Fajardo
Resp. Organización - Gabinete Económico
CCOO Industria - Galicia
Tlf. oficina: 981369326

efreire@industria.ccoo.es

Enviado:
MARIA EUGENIA FREIRE FAJARDO
-efreire@industria.ccoo.es-
2 de abril de 2021 12:51

_______

Foto: Botadura do buque ”Nuship Supply” - 23.11.2018 | Primeiro dos AOR que Navantia construíu para a Real Marina Australiana, segundo o contrato firmado en maio de 2016.
_______

mércores, marzo 10, 2021

Suceso da Folga Xeral Comarcal en Ferrolterra, Eume e Ortegal este 10 de Marzo de 2021, no Día da Clase Obreira Galega - Ferrolterra Existe ! - Vídeos e Galería Fotográfica


Diante da situación de emerxencia social e económica, os sindicatos CIG, CCOO e UGT convocaron unha xornada de folga xeral nas comarcas de Ferrolterra, Eume e Ortegal para hoxe 10 de Marzo, o mesmo día que se conmemoran a loita obreira do 72 en Ferrol e a morte de Amador Rei e Daniel Niebla, por disparos da policía franquista. A folga está tendo un significado suceso á que respondeu a clase traballadora e a veciñanza das Comarcas. Ás 12 do mediodía partía unha manifestación desde a Gándara que rematou na praza da cabeceira das Pías, onde está situada unha réplica da antiga Porta Nova de Ferrol que lle dá nome a esa praza, nas inmediacións do monumento Dez de Marzo, á Solidariedade da Clase Traballadora, onde se efectuou unha ofrenda floral na que participaron, mulleres e homes represaliados nos sucesos do 72 e unha nena e un neno, simbolizando o futuro esperanzador de loita, dereitos e benestar para estas comarcas, gopeadas polos gobernos de quenda. Ferrolterra Existe ! Viva o 10 de Marzo !! Viva o Día da Clase Obreira Galega !!

A progresiva desindustrialización e destrución de emprego, o incremento das exclusión e a falta de proxectos de futuro son un feito palpábel, perda de postos de traballo e recursos económicos e sociais, en todos os sectores. O sindicatos reivindican "feitos concretos", solucións urxentes, "que existen e que ademais están máis que discutidas e plasmadas en centos de documentos". Por iso, para as centrais sindicais está nas mans do Goberno galego e do Goberno español poñer en marcha de inmediato esas solucións que dependen da vontade política.

O acto central desenvolveu-se na praza onde interviñeron os secretarios comarcais das tres centrais sindicais, Manel Grandal (CIG), Santi Díaz (CCOO) e Toni Díaz (UGT) e rematou co canto do Hino Galego.





Galería Fotográfica

_______
































venres, febreiro 19, 2021

CCOO de Endesa sobre o Terminal Portuario de Endesa en Ferrol (Porto Exterior)


Desde esta Sección Sindical temos coñecemento e así xa publicou a empresa nalgúns medios, que no marco do plan industrial deseñado para a zona ante o peche da central pontesa, que Endesa quere seguir contando co espazo do que dispón no Terminal Portuario de Endesa en Ferrol e xerar nel máis actividade, onde se prevé a carga e descarga de compoñentes eólicos co fin de aumentar os tráficos nestas instalacións, onde xa conta con luz verde para mover graneles sólidos e mercancía xeral.

Ao mesmo tempo estase desenvolvendo desde o Terminal portuario de Ferrol un proxecto de innovación en dixitalización chamado Hércules, cuxo obxectivo principal é a mellora na seguridade e a eficiencia na xestión de mantemento dos centros de traballo. Este proxecto está desenvolvido por traballadores do Terminal Portuario, gruistas que se reciclaron e se formaron para levar a cabo o desenvolvemento deste proxecto. Tamén forman parte do equipo a dirección do propio centro que se encarga de dirixilo e da parte comercial. Este proxecto xa conta con algúns encargos e está en negociación a firma dalgúns proxectos máis para exportar o proxecto a outras liñas de negocio e poder implantalo nas novas instalacións de enerxías renovábeis.

Ante estes acontecementos e tal como se recollen no Acordo de Transición Enerxética Xusta que asinou Endesa, rexistramos escritos na Xunta de Galicia, Ministerio para a Transición Ecolóxica e o Reto Demográfico e partidos políticos co fin de que nos dean o apoio para que contacte coa Empresa e intercedan para que se paralicen e revoguen os traslados do persoal do persoal do Terminal Portuario de Ferrol e que se asegure que os traballadores de devandito centro poidan ser partícipes desas novas oportunidades de emprego que eles mesmos están xerando ao iniciar eles o proxecto no centro de traballo ao que aínda pertencen e así eliminar os impactos negativos que terán nas súas vidas e nas das súas familias o ter que marchar forzosamente a miles de quilómetros dos seus fogares.

Desde CCOO solicitamos reunirnos cos responsábeis políticos e poder explicar en máis detalle estes proxectos que evitarían as saídas do persoal e as posíbeis actuacións.

Ferrol, 19 de febreiro 2021

Eloy Sardiña Sixto
Responsable de Transición Enerxética
Sección Sindical CCOO Interempresas Grupo Endesa

CC.OO. ENDESA PRIMEIRA FORZA SINDICAL EN GALICIA
email: ccoogalicia@enel.com

Eugenia Freire Fajardo
Resp. Organización - Gabinete Económico
CCOO Industria - Galicia
Tlf. oficina: 981.36.93.26
efreire@industria.ccoo.es

Enviado por:
MARIA EUGENIA FREIRE FAJARDO
-efreire@industria.ccoo.es-
19 de fevereiro de 2021 16:01

_______

venres, febreiro 12, 2021

Representantes dos traballadores de CCOO INDUSTRIA en Gamesa reuníronse coa Comisión de Industria do Congreso para pedir o seu apoio na constitución dunha Mesa Industrial que dea unha alternativa ao peche de Gamesa nas Somozas e Cuenca


Representantes dos traballadores de CCOO INDUSTRIA en Gamesa reuníronse coa Comisión de Industria do Congreso para pedir o seu apoio na constitución dunha Mesa Industrial que dea unha alternativa ao peche de Gamesa nas Somozas e Cuenca.

Ás 11 da mañá, a Comisión de Industria do Congreso recibía a representantes de CCOO Industria en Gamesa xunto cos Secretarios Xerais de CCOO Industria en Galicia, Víctor Ledo e de Castilla A Mancha, Ángel León.

O obxecto da mesma era pedirlle o seu apoio para a creación dunha Mesa industrial formada pola empresa, sindicatos, comités de empresa e Gobernos de Galicia e Castilla A Mancha onde se analicen todas as posibles alternativas á pechadura dos centros de traballo de Siemens Gamesa nas Pontes e Cuenca.
Acompáñanse fotos da reunión.

Madrid a 11 de febreiro

Víctor Ledo Secretario Xeral CCOO Industria Galicia

CCOO de Industria - Galicia | www.industria.ccoo.es | Secretaría de Comunicación | R/ María, 42-44, 3º Ferrol | Tlfno.: 981369323 | galicia@industria.ccoo.es

Eugenia Freire Fajardo
Resp. Organización - Gabinete Económico
CCOO Industria - Galicia
Tlf. oficina: 981.36.93.26
Móvil: 696.77.84.26
efreire@industria.ccoo.es

Enviado por:
MARIA EUGENIA FREIRE FAJARDO
-efreire@industria.ccoo.es-
11 de fevereiro de 2021 13:35

_______

martes, febreiro 02, 2021

As organizacións sindicais acordan mudar a folga xeral en Ferrolterra para o 10 de marzo, coincidindo coa conmemoración do Día da Clase Obreira Galega


 
Os secretarios comarcais de CIG, UGT e CCOO compareceron esta mañá en rolda de prensa para informar de decisión de trasladar a convocatoria da folga xeral en Ferrolterra, Eume e Ortegal para o 10 de marzo, Día da Clase Obreira galega, a causa da situación sanitaria e das limitacións na mobilidade. Para ese día está prevista tamén unha manifestación que sairá ás 12 horas dende a rotonda do Alcampo (na Avda. da Gándara) e discorrerá pola estrada de Castela até a Porta Nova.

Manuel Anxo Grandal, secretario da CIG de Ferrol, subliñou que esta non foi unha decisión doada, tendo en conta a crítica situación Sociolaboral e económica da comarca "que precisa de medidas e actuacións urxentes por parte dos gobernos". Por iso, lanzou un chamamento  a toda a cidadanía "para lograr que tanto a folga como a mobilización sexan un éxito de participación".

Grandal puxo como exemplo da crise da comarca o peche de Gamesa, o desmantelamento da central das Pontes no marco dun proceso de transición enerxética que non é xusto, a falta de carga de traballo en Navantia, o ERE de Galicia Téxtil, a destrución produtiva da ría, o abandono do sector agrogandeiro, ou os peches no sector servizos, acelerados pola pandemia, pero que xa se viñan arrastrando de antes.

Ferramenta fundamental de loita

Neste senso, subliñou que a folga é a ferramenta de loita que ten a clase traballadora, polo que animou a saír á rúa este 10 de marzo "data de conmemoración do asasinato de Amador e Daniel en 1972 no marco dunha loita obreira pedindo xustiza social", e neste 2021 "iso é o que temos que reclamar tamén nós, xustiza social". "Xogamos-nos un dereito fundamental, poder vivir e traballar dignamente na nosa terra e, como tal dereito, temos que defendelo", afirmou Grandal.

Denunciou que as comarcas de Ferrol, Eume e Ortegal esmorecen por inanición e son as administracións española e galega ás que teñen que aplicar medidas concretas e urxentes para reverter o peche de industrias, a destrución de emprego, o incremento da exclusión social, a perda de poboación, o deterioro dos servizos públicos ou o déficit histórico de infraestruturas na comarca. "Xa non valen máis mesas, nin máis estudos, nin máis milongas, a Xunta e o Goberno español teñen que tomar decisións políticas de inmediato e facer os investimentos necesarios", aseverou.

Grandal reiterou o chamado á participación masiva na folga e mobilización do 10 de marzo para, precisamente, premer e obrigar as administracións a actuar "porque as medidas que se necesitan dependen da vontade política. Porque nos xogamos existir ou non existir".

Fonte: Avantar. | Ferrol - Creative Commons.
_______

venres, xaneiro 22, 2021

CIG, CCOO e UGT convocan folga xeral en Ferrolterra, Eume e Ortegal para o 25 de febreiro, para esixir dos Gobernos medidas inmediatas que permitan reverter a desindustrialización e a perda de emprego nestas comarcas


25 de Febreiro de 2021
Folga Xeral nas comarcas
Ferrolterra, Eume e Ortegal


Dada a situación de emerxencia social e económica, os sindicatos CIG, CCOO e UGT acordaron convocar unha xornada de folga xeral nas comarcas de Ferrolterra, Eume e Ortegal para o vindeiro xoves 25 de febreiro, á que chaman a secundar a toda a clase traballadora e toda a cidadanía da bisbarra.

"Son os propios acontecementos os que nos levan a esta convocatoria, acontecementos dos que viñamos alertando, e mesmo denunciando, a través de mobilizacións como a cadea humana realizada o pasado 17 de decembro", explican dende as tres centrais sindicais.

A progresiva desindustrialización e destrución de emprego, o incremento das exclusión e a falta de proxectos de futuro son un feito palpábel: Endesa sen alternativa, Gamesa pechada na práctica, o naval sen carga de traballo, o peche continuo de empresas e negocios etc., "coa conseguinte perda de postos de traballo e recursos económicos e sociais".

As comarcas precisan "feitos concretos"

Unha situación que necesita de solucións urxentes, "que existen e que ademais están máis que discutidas e plasmadas en centos de documentos". Por iso, para as centrais sindicais está nas mans do Goberno galego e do Goberno español poñer en marcha de inmediato esas solucións que dependen da vontade política.

"Esa é a nosa esixencia, non caben máis demoras, non caben máis debates estériles, só cabe actuar, e iso é o que demandamos, carga de traballo para o naval, unha transición ecolóxica xusta sen perda de postos de traballo, proxectos de enerxías renovábeis que leven acompañados proxectos industriais, infraestruturas que nos deben dende hai décadas, inversións que atarían proxectos industriais etc", aseveran.

Advirten que xa se acabou "o tempo das promesas e das milongas" e o que precisan as comarcas son feitos concretos "e non imos parar até conseguilos".

"Non estamos dispostos a asumir que as nosas comarcas morran por inanición, non sen pelexalo. É por isto o noso chamamento á Folga Xeral, ferramenta dura pero necesaria, porque nos xogamos existir ou non existir, xogámonos poder compartir a vida cos nosos fillos e fillas e cos veciños e veciñas, ou asumir que teñen que emigrar. Xogámonos un dereito fundamental, poder vivir e traballar dignamente na nosa terra e, como tal dereito, temos que defendelo".

Fonte: Avantar.
_______

mércores, decembro 30, 2020

Co mantemento non se xoga - Comunicado da posición de CCOO sobre a licitación do mantemento en Navantia e a súa afectación no empreg

Co mantemento non se xoga

CCOO Industria Ferrol critica taxantemente as políticas de subcontratación de Navantia e o claro ataque aos dereitos d@s traballadores/as e a representatividade sindical.

Existen estratexias agochadas tralos procedementos de licitación axeitados aos obxectivos de prexudicar claramente aos colectivos que máis dereitos teñen ou máis forza por estaren organizados e combate-las inxustizas que contra eles se practican.

Neste caso na licitación do contrato de mantemento da Ría de Ferrol, na anterior licitación saíu por lotes, pudendo agrupalos á hora de ofertar e como así foi, levar a meirande parte unha empresa. Observamos que no resto de centros de Navantia licitacións posteriores foron en bloque, sen dividir en lotes e tendo a mesma cantidade de traballos e mesmo en algún centro maior contido e maior presuposto.

Rememoramos dende CCOO que o ano 2019 dende o 23 de setembro ata o 10 de outubro este plantel loitou contra 15 despidos cunha folga indefinida coa que se acadou a readmisión destes compañeiros. Unha folga que paralizou traballos pola falta de mantemento. A Dirección xa por aquel entón loitou de xeito ilexítimo para facer fracasar a folga e non o acadou, e agora quere tomar as represalias na licitación.

O resultado que a Dirección de Navantia quere é dividir a este plantel en diferentes empresas o que comparando con outros centros e sabendo que a división en máis empresas repercutirá na necesidade de máis recursos, menos capacidade de xestionar os picos ou baixadas de traballo e na capacidade de atender as avarías como ata agora. E dende CCOO entendemos que non é necesario ter que argumentar a importancia do mantemento e da atención urxente de calquera tipo de avaría.

Existirá un reparto do persoal entre as diferentes empresas que vai a supoñer que este ano en función dos traballos que sexan adxudicados a cada empresa algún traballador se non se consigue carga de traballo de xeito urxente ou ben por baixada de traballo ou pola intención de Navantia de recuperar traballos pode ver perigrar o seu posto de traballo e o seu dereito de subrogación acadado no vixente convenio do metal asinado por este sindicato.

Polo tanto, instamos a que se revise o modelo de contratación e a imperiosa necesidade de abrir a Comisión Central de Auxiliares cos temas de calado que requirimos nesta Factoría e levan anos prexudicando a meirande parte de traballadores que entran cada día neste centro de traballo, a un e outro lado da Ría.

Así mesmo, se Navantia quere mostrar boa fe respecto desta licitación pode garantir o emprego prioritario deste persoal no mantemento, é dicir, calquer situación que repercuta no emprego destes compañeiros supoña a contratación en calquera das outras empresas de mantemento que resulten adxudicatarias evitando deste xeito a realización de horas extras ou a realización destes traballos por persoal non subrogado mentres o actual subrogado é despedido.

Este plantel require respostas e solucións á súa situación que foi vantaxosa dende que CCOO conseguiu este convenio e agora esta Dirección quere fulminalo por outra vía. Daremos traslado desta proposta á Comisión de Auxiliares para que a traslade á Dirección e se non temos resposta pasaremos á ofensiva.

Estas propostas foron consensuadas no día de hoxe en asemblea por CCOO Industria Ferrol cos afiliados e simpatizantes deste colectivo e co apoio manifestado polo Secretario Xeral de CCOO de Navantia Ferrol de que se loitará nese sentido dende a Sección Sindical.

Ferrol a 30 de decembro de 2020

CCOO Industria Ferrol
                                  
Enviado por:
ROBERTO VILLASUSO VAZQUEZ
-rvillasuso@industria.ccoo.es-
30 de dezembro de 2020 18:22

_______

sábado, decembro 12, 2020

Folga Comarcal o 17 decembro, ante a situación de emerxencia social e económica que están a padecer as nosas comarcas - Un paro parcial xeral, entre as 10 a 14 horas, convocada polas centrais sindicais CC.OO., UGT e CIG


Os Sindicatos CC.OO., UGT e CIG, dada a situación de emerxencia social e económica que están a padecer as nosas comarcas, tomamos a decisión de facer unha mobilización para o próximo día 17 de decembro, con chamamento a toda a cidadanía, na demanda de solucións urxentes que permitan reverter esta situación. Unha situación que se está a plasmar no día a día, co peche continuo de empresas e negocios, o baleiro que se presenta no sector naval, así como a ameaza que pende sobre Endesa e Gamesa, Sertor mariqueiro, Hostelería, Comercio, etc, coa consecuente perda de postos de traballo e recursos económicos e sociais.

- A folga será o día 17 de decembro (xoves) desde as 10:00 ata as 14:00 horas.

- Se creará unha cadea humana desde a Praza de Armas de Ferrol ata o Concello de Narón, atravesando toda a Estrada de Castela, de 11:00 a 13:00 horas.

- A convocatoria afecta a todos os sectores económicos da Comarca Ferrol-Eume-Ortegal.

- O obxectivo da folga é facilitar a todos os traballadores e traballadoras das citadas comarcas a asistencia a mobilización.

Pola Comarca!!!!!

O 17 de decembro, ás 11 horas.

Cadea humana entre os Concellos de Ferrol e Narón.

Todos e todas á Estrada de Castela.

ÚNETE!!!!

Enviado por:
Inácio GZ
-inaciogz@gmail.com-
3 de dezembro de 2020 16:01

_______

martes, decembro 08, 2020

Ante a situación do estaleiro, a Sección Sindical CC.OO. Navantia Ferrol, chama á mobilizacións e outras medidas de presión



Mobilizacións e outras medidas de presión


A sección sindical de CC.OO. en Navantia Ferrol quere transmitir o enorme descontento existente tanto entre a nosa afiliación coma no conxunto da organización, produto da falta de vontade da nosa dirección por cumprir os compromisos no relativo á transformación do estaleiro e ó futuro da fábrica de Turbinas.

O mesmo tempo denunciamos publicamente a falta de transparencia e intención construtiva nas negociacións no desenrolo do plan industrial.

Non hai ningunha negociación que non sufra o boicoteo constante por parte da dirección con falta de transparencia e ultimamente incluso con saídas de ton intolerábeis.

O último exemplo inasumible é o acontecido na comisión local de emprego co descarte de 4 candidatos en dúas especialidades distintas porque un psicólogo entende que non son idóneas para traballar na nosa empresa.

Por todo o anterior as CC.OO. propoñeremos o resto do comité o incremento das mobilizacións e das medidas de presión, comezando polo corte total das prolongacións de xornada e medidas de non colaboración.

Entendemos que con esta dirección non se pode chegar a acordos mentres non mude a súa actitude polo tanto propoñeremos que ate ese momento non se manteñan relacións con ela. As medidas de presión semanais contra a dirección local iran en aumento.

As mobilizacións internas e externas tamén serán máis fortes confluíndo con empresas da nosa comarca que están incluso nunha situación peor ca nosa, coma GAMESA ou a central térmica de ENDESA nas Pontes.

Xa anunciamos que de non mudar esta situación, dende as CC.OO. trataremos de confluír coas demais organizacións sindicais nunha gran folga xeral á volta do nadal.

Ferrol, 3 de decembro de 2020

Sección Sindical CC.OO. Navantia Ferrol

Enviado por:
CCOO (FE)
ccoo.fe@navantia.es
3 de dezembro de 2020 13:50

_______