Amosando publicacións coa etiqueta Cabo Gago. Amosar todas as publicacións
Amosando publicacións coa etiqueta Cabo Gago. Amosar todas as publicacións

xoves, xuño 25, 2009

A Plaforma pola Verdade na Fragata Extremadura reune-se en Esteiro

XUNTANZA DA PLATAFORMA POLA VERDADE NA FRAGATA EXTREMADURA

Mañá venres 26 de Xuño ás 19 horas no Local da Asociación Veciñal de Esteiro "Fontelonga" terá lugar unha Xuntanza da Plataforma pola Verdade na Fragata Extremadura (Antes Plataforma Cabo Gago).

Nesa xuntanza se planificarán as mobilizacións de cara a que non sexa arquivada a denuncia e se celebre un xuizo no que se depuren as responsabilidades, caso de que as houbese.

Enviado por:
Asociacion Veciñal Fontelonga
-avvfontelonga@mundo-r.com-
25 de junho de 2009 18:50

_______________

http://plataformaporlaverdad.blogspot.com/
__________________________

Fotos do desastre despois da explosión da caldeira na Fragata Extremadura
20 de Decembro de 2005


Fonte: Canal de Maragatabriga

Enlaces relacionados:
  • [07.04.2009 Terra Noticias] - O fiscal militar pide o procesamiento do tenente da Fragata Estremadura por un delito 'contra a eficacia do servizo' - O fiscal xurídico militar solicitou hoxe, ante o Xulgado Togado Militar 41 da Coruña, o procesamiento, por un suposto delito contra a 'eficacia do servizo', o teniente de navío Pablo Varela Sánchez da Fragata Estremadura, que ocupaba o cargo de xefe de máquinas a noite do 19 de decembro de 2005, na que a explosión da caldeira do buque provocou a morte de dous militares. [+info]
  • [12.06.2009 El País] O xuíz togado militar número 41, o da Coruña, non ve delito na explosión da fragata Estremadura, o 19 de decembro de 2005, cando estaba atracada no arsenal de Ferrol, e na que perderon a vida o cabo primeiro Francisco Javier Pérez Castillón e o mariñeiro Erik Noval Gómez. Nun auto ditado o pasado 26 de maio, o xuíz propón o sobresemento definitivo do caso. [+info]
_______________________________

sábado, decembro 27, 2008

Lei do Silencio na Armada: O Almirante Xefe asume que se castigue a quen denuncie irregularidades como o ocorrido coa explosión na fragata Estremadura

De: santiago diaz-garzón morillo -xantia@mundo-r.com-
Para: artabra21@gmail.com
Data: 26 de dezembro de 2008 16:06
Asunto: Lei do Silencio na Armada



Martes, 16 de Decembro de 2008
Lei do Silencio na Armada: O Almirante Xefe asume que se castigue a quen denuncie irregularidades como o ocorrido coa explosión na fragata "Estremadura"

Sorprende:

Fontes militares consultadas polo Confidencia Dixital interpretan o informe asumido polo AJEMA como un chamamento a continuar cumprindo a -Lei do Silencio-. É dicir que, cando un militar teña coñecemento dalgunha irregularidade -aínda que sexa un delito-, non debe denuncialo publicamente, e que xa se atopará un arranxo internamente para non danar a imaxe da Armada.

Enlace co artigo:

Lei do Silencio na Armada. O Almirante Xefe asume que se castigue a quen denuncie irregularidades como o ocorrido coa explosión na fragata "Estremadura"

_________

A publicación da foto do AJEMA [ Manuel Rebollo García] é responsabilidade do CA21
__________________

luns, decembro 22, 2008

Os almirantes vanse á oficina


De: Jose Manuel Aracemi -josemanuelaracemi@hotmail.com-
Para: artabra21@gmail.com
Data: 21 de dezembro de 2008 21:06
Asunto: Os almirantes vanse á oficina



Os almirantes vanse á oficina

Leo en prensa que tras pilotar a Armada pásasche, igual que o teu antecesor (teclear en Google "Almirantes de acio" ou [-http://www.novasgz.com/pdf/ngz64.pdf-], ao mundo empresarial: "Navantia ficha ao ex-AJEMA Sebastián Zaragoza Soto como director responsable da Asesoría para a Exportación Naval". Atrás queda o incómodo asunto da Fragata "Estremadura" onde morreron dous mariños e tamén moitas preguntas sen responder. Francisco Javier e Erik non eran dous simples peóns da túa organigrama. Tiñan familia, ilusións e toda unha vida por diante. Por que se truncou todo iso aquel fatídico 19 de decembro de 2005 ? Por que rebentou aquela caldeira? Por que non se realizaban á fragata os mantementos establecidos? Porqué se destruíron todas as probas do accidente? Por que azuzaste o teu jauría de xurídicos contra todo aquel que intentou dar luz ao caso?

Sempre aborrecín ás persoas -locomotora que van pola vida arroiando a todo aquel que cruza ou se interpón no seu camiño cara ao posto cobizado. Persoas cuxa Folla de Servizos pesa máis que a súa conciencia. Persoas cuxa ambición non lles permíte pensar en algo tan sacro como a seguridade dos seus homes.

José Aracemi

Ferrol
________________
Nota: A foto é responsabilidade do CA21
_______________

mércores, outubro 22, 2008

Iniciativa sobre o control á Plataforma de apoio ao Cabo Gago

De: BNG -bng@ferrol.es-
Para: artabra21@gmail.com
Data: 17 de outubro de 2008 10:08
Asunto: Iniciativa sobre o control á Plataforma de apoio ao Cabo Gago



Iniciativa sobre o control a Plataforma de apoio ao Cabo Gago

O BNG pregunta no Parlamento polas denuncias da Plataforma Cidadá en defensa do cabo Gago sobre a vixianza á que os somete o exército

Santiago de Compostela, 16 Outubro 08.- O deputado do BNG Fernando Blanco Parga vén de rexistrar no Parlamento Galego unha pergunta para a súa resposta escrita sobre as denucias da Plataforma Cidadá en Apoio do Cabo Gago sobre a vixianza que o exército mantén sobre este colectivo.

Tal e como explica o parlamentar na iniciativa, “representantes desta plataforma denunciaron publicamente que na realización dunha rolda de prensa e dun acto público celebrado na sede do Ateneo Ferrolán ese mesmo día estiveran situados nun local fronte o edificio dous militares de paisano, controlando e realizando fotografías das persoas que asistían a ese acto”.

Do mesmo xeito, a plataforma realizou outra denuncia pública ao remate da manifestación de apoio ao Cabo Gago o pasado 12 de outubro en Ferrol, “sobre a participación de militares de paisano na propia manifestación, co interese de informar sobre o que ali sucedía”.

O parlamentar pergunta no texto se o goberno considera que “é función das Forzas Armadas o control e información dos actos e manifestacións convocados por unha Plataforma Cívica”.

Blanco Parga quer saber se “o goberno vai demandar algún tipo de información ao respecto destas denuncias do goberno estatal, responsábel do funcionamento das Forzas Armadas”.


Baixar ou acceder ao documento "Iniciativa sobre o controlo á plataforma do Cabo Gago" en formato -pdf-
________________

domingo, outubro 12, 2008

Máis 2.000 persoas expresan o seu apoio ó cabo Gago, sancionado por denunciar neglixencias na Armada

De: Inacio M.O inaciogz@gmail.com
Para: artabra21@gmail.com
Data: 12 de outubro de 2008 23:00
Asunto: Máis 2.000 persoas expresan o seu apoio ó cabo Gago, sancionado por denunciar neglixencias na Armada


Noticia publicada na Edición Dixital do xornal Galicia Hoxe, tirada da axencia de noticias EFE

Máis 2.000 persoas expresan o seu apoio ó cabo Gago, sancionado por denunciar neglixencias na Armada

15.55h. Á marcha asistiu o ex deputado do BNG Francisco Rodríguez e a primeira tenente de alcalde de Ferrol, Yolanda Díaz
EFE. FERROL

Unhas 2.500 persoas, segundo a plataforma de apoio ó cabo ferrolán Jorge Miguel Gago Chao, e algúns centenares menos, en opinión da Policía local de Ferrol, secundaron este mediodía unha manifestación para esixir a retirada do expediente sancionador ó militar.

O cabo denunciara ante un medio de comunicación local a "neglixencia" de mandos da Armada no accidente da fragata Extremadura, no que faleceron dous mariñeiros galegos en decembro de 2005, polo que foi expedientado pola Mariña e deberá pasar dous meses nun penal militar.

A mobilización partiu este mediodía desde o porto ferrolán e concluíu unha hora e media despois no Cantón de Molíns, tras pasar fronte o Concello. Os pais e a esposa do militar ferrolán, que o pasado venres se encadearon ante o Arsenal militar de Ferrol para esixir a defensa "claridade e transparencia" no esclarecemento do accidente, portaban hoxe unha pancarta, acompañados de representantes de institucións e colectivos sociais da comarca.

A marcha foi convocada pola plataforma de apoio ó cabo, que integran 24 entidades da zona, entre outras os grupos políticos do BNG e EU.

Á marcha asistiu o ex deputado do BNG Francisco Rodríguez, a primeira tenente de alcalde de Ferrol, Yolanda Díaz, o parlamentario nacionalista Fernando Branco e representantes de organizacións sindicais da comarca.

O pai do cabo, Miguel Gago, destacou durante a protesta que están "fartos de tanta mentira e provocación"; denunciou a lentitude da causa xudicial aberta en 2006 tras o accidente e concluíu dicindo que se o seu fillo vai ó cárcere "farao coa cabeza ben alta" pero esixirá sempre "que se saiba a verdade" sobre o sinistro.
___________

luns, outubro 06, 2008

Os sen Voz da Marina

[Ampliar clicando acima das imaxens]__________

xoves, setembro 25, 2008

A Plataforma Cidadá en Apoio ao Cabo Gago convoca unha reunión no Ateneo Ferrolán o vindeiro

De: ASOCIACION VECIÑAL FONTELONGA
-avvfontelonga@mundo-r.com-

Para: artabra21@gmail.com

Data: 25 de setembro de 2008 12:34

Asunto: Convocatoria de reunión da Plataforma Cidadá en Apoio ó Cabo Gago



A Platorma Cidadá en Apoio ao cabo Gago convoca unha reunión no Ateneo Ferrolán o Mércores día 1 de Outubro, ás 8 da tarde

A Plataforma Cidadá en Apoio ó Cabo Gago, composta por máis de 24 organizacións, ten o pracer de convidarlle a unha reunión de sociedades sociais, culturais, deportivas, de mulleres, ecolóxicas, etc. no local do Ateneo, Rúa Magdalena 202-204, 1º, para informar e debater os seguintes puntos:
  • Explicala situación na que se atopa o expedinte ó Cabo Gago.
  • Informar de temas legais con respecto o seu caso, e apoiar a manifestación que a Plataforma ten convocada para o Día 12 outubro as 12 do mediodía.

UN PEQUEÑO RESUMO DA SITUACIÓN:

O 19 de decembro de 2005 rebentou unha caldeira na Fragata Extremadura levando por diante a vida de dous tripulantes.

Durante o acendido das caldeiras houbo unha serie de graves anomalías premonitorias do fatal accidente. En varias ocasións o Cabo Jorge Gago, entre outros, alerta do perigo de continuar coas caldeiras acesas. Os elevados índices de cloro na auga, que ían sendo confirmados cos análises en laboratorio, recomendaban o apagado das mesmas. A caldeira de popa daba índices de 11 unidades e a de popa 12. Estas cantidades son máis de 7 veces superiores as que, tanto os manuais xenéricos coma o libro de caldeiras do barco, recomendan o apagado e extracción de auga.

As advertencias son desoídas polo brigada de garda que se comunica telefonicamente co Xefe de Máquinas que daba ordenes desde a casa onde se atopaba porque, como deixou dito, vivía a menos de 10 minutos do Arsenal. As fatais ordenes a distancia tiveron como consecuencia o rebentón dunha das caldeiras, levando por diante a vida do mariñeiro Erik Noval e do Cabo 1º Francisco Pérez Castrillón. O Xefe de Máquinas tarda dúas horas en chegar.

A intervención do Cabo Gago e dun compañeiro, Cabo electricista Vila, é decisiva para impedir que se propague polo resto do buque e desaloxo ordenado da tripulación. Esta actitude e premiada con hasta cinco recoñecementos e felicitacións personalizadas pola súa valente intervención. Temos a vosa disposición fotocopia das referidas felicitacións, incluso con anotación en currículo.

A fina liña que na vida de Jorge separa o paso de “heroe recoñecido a vilán perseguido”, é imperceptible. O pequeno linde son unhas declaracións públicas, declaracións que xa tiña feito diante do Xuíz Togado Militar nas dilixencias previas en sesións públicas.

Estas declaracións foron unha boa escusa para que o accidente pase a ser secundario, os mortos e vítimas esquecidas, as felicitacións en aguillóns contra o propio Jorge, a transparencia en opacidade e os dereitos constitucionais sometidos militarmente.

A condena comunicada a Jorge de dous meses de prisión en Establecemento Disciplinario Militar e unha condena a os dereitos cidadáns.

Asinado, Santiago Torrente

Portavoz Plataforma Apoio Cabo Gago

Ferrol, 24 Setembro, 2004
____________________

ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-

Web veciñal
Blog veciñal

_____________________

venres, setembro 19, 2008

A Asociación Veciñal O Rosario-Inferniño acordamos na ultima reunión solicitar a entrada na Plataforma do Cabo 1º Gago Chao...

De: asociacion Veciñal O Rosario-Inferniño
-avvorosario@gmail.com-
Para: artabra21@gmail.com
Data: 18 de setembro de 2008 23:10
Asunto: ADHESION PLATAFORMA CABO GAGO CHAO



A Asociación Veciñal O Rosario-Inferniño acordamos na ultima reunión solicitar a entrada na Plataforma do Cabo 1º GAGO CHAO...

PLATAFORMA GAGO CHAO

A Xunta directiva da Asociación Veciñal O ROSARIO-INFERNIÑO, acordou na ultima reunión solicitar a súa entrada na PLATAFORMA CABO CAGO CHAO co fin de axudar e manifestar nosa solidariedade con todos os afectados .

Nosa asociación respecta todos os acordos e comunicados desta Plataforma reivindicativa na defensa da liberdade de expresión do Cabo 1º JORGE MIGUEL GAGO CHAO, pois estimamos que súas denuncias deben ser tomadas en consideración por se houbera algún tipo de neglixencia.

Pensamos que este fatal accidente ocorrido na Fragata “Extremadura” no Nadal do 2005 en Ferrol, debe ser investigado e aclarar se ás mortes dos mariñeiros Erik Noval Gómez e Francisco Javier Pérez Castrillón puideron ser evitadas.

En canto as Ordenanzas Militares que causan este exceso co encarceramento do Cabo Gago pensamos que deben ser actualizadas e acatar o principio constitucional de todo cidadán de salvagardar a LIBERDADE DE EXPRESIÓN, sexa cal sexa a institución na que traballa.

Ferrol a 18 de Setembro de 2008.

A Presidenta
Ana J. López Díaz
O Secretario
asdo. Xosé M. Sanxoán Caamaño

ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com
blog : orosario-inferninho.blogspot.com

_________________

mércores, maio 28, 2008

Concentración Pacífica na defensa do Cabo Primeiro da Fragata Extremadura Jorge Miguel Gago Chao

De: santiago diaz-garzón morillo -xantia@mundo-r.com-
Para: artabra21@gmail.com

Data: 28 de maio de 2008 15:32

Asunto: Concentración Pacífica na defensa do Cabo Primeiro da Fragata Extremadura Jorge Miguel Gago Chao



CONCENTRACIÓN PACIFICA E SILENCIOSA
Mans Brancas
CONCENTRACIÓN PACIFICA E SILENCIOSA


O VENRES, 30 DE MAIO, ÁS 12:30 hrs.
FRONTE Á ENTRADA AO ARSENAL MILITAR DE FERROL

APOIANDO AO CABO PRIMEIRO
JORGE MIGUEL GAGO CHAO

EXPEDIENTADO POR DICIR A VERDADE DO ACCIDENTE DA FRAGATA EXTREMADURA [*]

Transparencia e Claridade !
______________

[*] Refirense ao estourido dunha caldeira do buque o 19 de decembro de 2005. No accidente, faleceran o mariñeiro Erik Noval Gómez e o cabo Javier Pérez Castrillón.
__________

Noticia de Europapress.-
O cabo Chao denuncia ante o xuíz presións da Armada para que non fale sobre o sinistro da Fragata Extremadura
Mantén que desapareceron documentos que probarían que altos mandos coñecían a situación de perigo que provocou o accidente

Galicia - Hoxe
EN PRIMEIRA PERSOA
“Os mandos puideron evitar o sinistro”
O cabo primeiro, Jorge Miguel Gago Chao, perdeu en decembro de 2005 dous amigos no tráxico accidente da fragata ‘Extremadura’. A súa denuncia sobre a neglixencia da Armada na explosión e a “desaparición de probas” reabre este caso
Por PATRICIA HERMIDA

Jorquera pregunta por posíbeis novidades na investigación do accidente da Fragata Extremadura
[GZnación / Redacción / 23 Mai 08]
___________