Amosando publicacións coa etiqueta Carvalho Calero. Amosar todas as publicacións
Amosando publicacións coa etiqueta Carvalho Calero. Amosar todas as publicacións

mércores, abril 18, 2018

A outra palestra 'A acción política de Carvalho' con Bernardo Máiz Vázquez será o xoves día 19 de abril ás 8 da tarde, no Ateneo Ferrolán


Ferrol reivindica a figura de Ricardo Carvalho Calero en todas as súas dimensións.


No Ateneo Ferrolán acolleremos ​a  palestra:

A outra palestra "A acción política de Carvalho" con Bernardo Máiz Vázquez será o xoves día 19 de abril ás 20 h.

O Concello de Ferrol ven de presentar este mediodía polo miúdo o contido dunha homenaxe ao profesor Ricardo Carvalho Calero, ilustre historiador e lingüista nado en Ferrol Vello, para o que este municipio por unanimidade e co apoio da Mancomunidade da ría de Ferrol segue a reivindicar a Real Academia Galega que se lle adique, en xustiza, en recoñecemento a súa figura e legado o 17 de maio, Día das Letras Galegas.

Máis info na paxina do Concello de Ferrol: http://www.ferrol.gal/Concello/NovasAmpliar/4080

#Ateneo #CarvalhoCalero #LetrasGalegas #Ferrol #Galiza
--
Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055 Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK:
Faite soci@ on line! Colabora con nos!

Para axudas e aportacións económicas:
CC en Cajamar Cooperativa. Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
18 de abril de 2018 17:28

________________

sábado, marzo 24, 2018

Homenagem a Carvalho Calero no sábado 24 de março


Homenagem a Carvalho Calero no sábado 24 de março


Sábado 24de março, às 12hs, decorrerá a homenagem ao ilustre ferrolano Ricardo Carvalho Calero, no XXVIII aniversário do seu pasamento.

Ao pé das ruínas da sua casa natal, haverá poesia com Loreto de Castro e Lam Couce, a intervençom de Vitor Santalha em representaçom da nossa entidade e umha oferta floral.

Posteriormente, no nosso Centro Social, haverá umha sessom vermute com o concerto de Xoan Padim e Alberte L. Porta, que musicarám diversos poemas de Carvalho Calero.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
20 de março de 2018 16:26

____________________

domingo, marzo 18, 2018

O venres 23 de marzo: 'A mirada de Carvalho', Segundo Roteiro Literario Musical, desde a Praza Vella, até o Cantón, dirixido por Loreto de Castro


"A mirada de Carvalho", II Roteiro Literario-Musical, desde a Praza Vella... pasando por Amboaxe, Real... rematando no Cantón de Ferrol, dirixido por Loreto de Castro. A cita é o venres 23 de marzo, ás 17:30hs na Praza Vella de Ferrol Vello. Coa colaboración da Asociación Cultural Medulio, a Fundaçom Artábria, o Ateneo Ferrolán, a asociación Centro Comercial Aberto da Madalena e o Concello de Ferrol.

Coa participación de: Miguel Costoya Kostoia, Mariola Hermida Romero, Andrés C. M. Riveira, Fer Ocampo M, Rosa Salanova Shakti, Adelaida Abad, Elisardo de la Cruz, Aurora Varela, Esther Val e na parte musical Alberte e Padín.

O acto contará cunha exposición de fotos e textos de Ricardo Carvalho Calero nos escaparates dos comercios da Madalena.

A nova en Radio Fusión. | Ir á Web.

Evento no facebook.

Ricardo Carvalho Calero no buscador libre: DuckDuckGo.

Nota.-
En caso de choiva o roteiro se celebrará a modo de recital poético musical, nas intalacións do Ateneo, na sala da terceira planta.
_______________

martes, marzo 25, 2014

Esquerda Unida convida a acudir ao acto en homenaxe a don Ricardo Carvalho Calero, este Martes 25 de Marzo diante da súa casa natal en ferrol Vello


Compañeiros e compañeiras, amigos e amigas: en representación do grupo municipal de Consello Político Local de Esquerda Unida-Ferrol convidámosvos a acudir ao acto en homenaxe a don Ricardo Carvalho Calero e que mañá martes 25 de marzo no cabodano do seu pasamento se celebrará diante da súa casa natal na rúa de San Francisco. Esquerda Unida ben a través do seu grupo municipal como do seu Consello Político Local xa manifestou en numerosas ocasións o seu apoio á demanda de que se lle adique un día das Letras. Este ano a Comisión cidadá que organiza o acto colleu o testemuño e o compromiso de canalizar a demanda perante a Real Academia Galega.

Tal actitude merece todo o noso apoio e así como llelo demos nas institucións municipais animámosvos a todos e todas a acompañarnos a partir das 20:00 de mañá na rua San Francisco onde aínda se recoñece o que,algún día, foi a súa casa natal e que, teimudamente, conseguiremos entre toda a cidadanía consciente que das ruínas se erga un espazo público.

"Para que poetas en tempos de penuria?" pregunta Hölderlin na elexía Pan e Viño e que Luís Cernuda para inspirarse levou consigo áo Guadarrama servindo nos batallóns de montaña que se preparaban para a defensa de Madrid no inicio do outono do 36. Con Cernuda respostamos e ao pé das ruínas de San Francisco poderemos todos rememorar para qué un intelecutal e un poeta en tempo de penurias: para aprendermos con el a recorrer o camiño de todos e todas.

Adiante pois, en marcha con Ricardo Carvalho Calero.

Un saúdo.

Ferrol 24 de marzo de 2014

Suso Basterrechea.
Javier Galán.



Esquerda Unida de Ferrol
R/ do Sol 124 Entrechán Esquerda
981944035

www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida
-eu-ferrolterra@esquerdaunida.org-
24 de março de 2014 17:27
Boas. Enviamos o comunicado conxunto do grupo municipal e do Consello Político Local a propósito do acto convocado para mañá na casa natal de Carvalho Calero.
Secretaría de Comunicación. CPL- Ferrol
______________

luns, febreiro 10, 2014

Asemblea Aberta, en Ferrol, en prol das Letras Galegas 2015 para o profesor Carvalho Calero, a celebrar o mércores 12 de febreiro, ás 7 da tarde no IES Concepción Arenal


LETRAS GALEGAS 2015 PARA O PROFESOR  CARVALHO CALERO (1910-1990)


Por obra da Sociedade Cultural Medúlio don Ricardo recibiu en Ferrol a súa primeira homenaxe pública en 1981, na que quedou manifesta a súa fidelidade á causa de recuperar para o seu país a súa propia cultura. Seguiron outras homenaxes, foi obxecto de simposios e congresos. .. Nomeado fillo predilecto de Ferrol en 1990; unha rúa, un centro de ensino e outro cultural desa cidade levan o seu nome  e alí se celebrou no ano 2010 o último congreso sobre el.

Don Ricardo Carvalho Calero, o primeiro profesor de galego na Universidade galega, pai lingüístico de varias xeracións,  foi vítima dun interesado esquecemento por manter a súa dignidade persoal e por entender que o noso idioma forma parte do sistema lingüístico do galego-portugués, opción diferente, pois, á oficial. Usando das súas palabras (1985) certas elites entenden que non deben realzar a personalidade dun disidente ... Que nen como estudoso nen como pensador sobre os problemas culturais da nosa terra atinxo a altura.

Como sinalaba a prensa do pasado día 29, mantívose ata hoxe, andados 24 anos do seu pasamento,  unha das ausencias máis clamorosas no eido das conmemoracións e homenaxes ás grandes figuras da cultura do país. Van tres ocasións nas que non prosperou a proposta de que a RAG dedicara as Letras Galegas a D. Ricardo Carvalho Calero, esgrevio galeguista que ao longo de seis décadas e un pouco desenvolveu un inmenso  labor poético, narrativo, ensaístico, académico, lingüístico, xornalístico, docente, ..., a prol de Galiza e da lingua e cultura galegas. Sen desmerecer a ninguén, entendemos que é tempo de que os grandes méritos do profesor Carvalho Calero sexan recoñecidos por una academia na que ingresara o 17 de maio do 1958.

Matinando no que vai exposto, o día 28 de xaneiro ousamos dar un primeiro paso, un chamamento na prensa a entidades culturais e veciñais, centros docentes, equipas de normalización lingüística, ..., de Ferrolterra, ás que hoxe convocamos a unha:

ASEMBLEA ABERTA
LETRAS GALEGAS 2015 PARA O PROFESOR CARVALHO CALERO
IES CONCEPCIÓN ARENAL DE FERROL
19 HORAS DO  MÉRCORES 12 DE FEBREIRO DO 2014



RICARDO CARVALHO CALERO
(Ferrol, 30 de outubro de 1910. Santiago, 25 de marzo de 1990)
-Membro do Seminario de Estudos Galegos (SEG) dende 1927.
-Primeiro presidente da Federación Universitario Escolar (FUE) en Compostela, 1931.
-Publica “Vieiros”, poesía, A Coruña, 1931.
-Licenciado en Dereito pola universidade de  Santiago, 1931.
-Membro da Xunta de Goberno da Universidade de Santiago no curso 1931-1932.
-Asinante de varios manifestos a prol dun galeguismo de esquerdas, 1931, 1932, 1933, 1936.
-No Partido Galeguista dende a súa fundación en 1931.
-Coredactor do Anteproxecto de Estatuto de Autonomía de Galiza, 1931.
-Cofundador do Grupo Galeguista de Ferrol, 1932.
-Funcionario do concello de Ferrol, 1933.
-Voda con Mª Ignacia Ramos Díez, outubro do 1933.
-Publica “O silenzo axionllado”, poesía, Santiago, 1934.
-Licenciado en Filosofía e Letras pola universidade de Santiago, 1936.
-Mitins a prol da Fronte Popular cara as eleccións de febreiro do 1936.
-Compromisario na elección do Presidente da República, maio do 1936.
-Mitins a prol do SI no referendum estatutario galego do 28 de xuño do 1936.
-Opositor en Madrid a cátedra de instituto, xullo do 1936.
-Miliciano na defensa da república no 6º Batallón da 36 Brigada Mixta, agosto do 1936.
-Ingreso na Escuela Popular de Guerra (Paterna, Valencia), xaneiro do 1937.
-Tenente  do exército republicano destinado no exercito de Andalucia, abril do 1937.
-Confirmado polo goberno republicano como profesor de instituto, xullo do 1937.
-Prisioneiro dos franquistas, abril do 1939.
-Consello de Guerra: 12 anos e un día de condena por galeguista e oficial republicano.
-Liberdade condicional en maio do 1941.
-Depurado como funcionario municipal de Ferrol e prohibición de exercer no ensino público.
-Clases en academias de Ferrol (Cervantes, Dafonte, Jorge Juan, ...), 1942-1949.
-Director do colexío Fingoi de Lugo, 1950-1964.
-Publica “Anxo da terra”, poesía, Pontevedra, 1950.
-Cofundador da editorial Galaxia, 1950.
- Publica “A xente da barreira”, novela, Santiago, 1951.
-Publica “poemas pendurados dun cabelo”, Lugo, 1952.
-Doutor en filoloxía románica, Madrid, 1954.
-Membro de número da Real Academia Galega (RAG), 1958.
-Publica “Salterio de Fingoi”, Vigo, poesía, 1961.
-Publica a “Historia da Literatura Galega Contemporánea. I”, ensaio, Vigo, 1963.
-Primeiro profesor de galego (encargado de curso) na universidade de Santiago, 1965.
-Anulada a prohibición política profesor de español nun instituto de Santiago, 1965.
-Primeira edición (acadou sete) da “Gramática elemental del gallego común”, Vigo, 1966.
-Publica “Sobre lingua e literatura galega”, ensaio, Vigo, 1971.
-Publica “Catro pezas”, teatro, Vigo, 1971.
-Por encargo da RAG elabora as “Normas ortográficas e morfolóxicas do idioma galego”, 1971.
-Catedrático de Lingüística e Literatura Galegas da universidade de Santiago, 1972.
- Publica a “Historia da literatura galega contemporánea (1808-1936)”, ensaio, Vigo, 1975.
-Publica “Estudos rosalianos”, ensaio, Vigo, 1979.
-publica “Libros e autores galegos-I”, ensaio, A Coruña, 1979.
-Presidente da comisión redactora das “Normas ortográficas do idioma galego”, 1980.
- Dimite por desacordo coa redacción definitiva das “Normas ...”, 1980.
- Xubilación como catedrático en 1980.
-Publica “Pretérito imperfecto (1927-1961)”, poesía, Sada, 1980.
-Membro de honra da Asociación de Escritores en Lingua Galega (AELG), 1980.
-Membro fundados da Associaçom galega da lingua (AGAL), 1981.
-Publica “Problemas da lingua galega”, ensaio, Lisboa, 1981.
-A A. C. Medúlio de Ferrol ofrécelle a primeira homenaxe pública, 1981.
-Publica “Futuro condicional (1961-1980)”, poesía, Sada, 1982.
-Publica “Libros e autores galegos-II”, ensaio, A Coruña, 1982.
-Publica “Teatro completo”, Sada, 1982.
-Publica “da fala e da escrita”, ensaio, Ourense, 1983.
-Medalla Castelao, 1984.
-Rexeita formar parte do Consello da Cultura Galega, 1984.
-Presidente do “Congreso Internacional de Estudos sobre Rosalía de Castro”, Santiago, 1985.
-Publica “Cantigas de amigo e outros poemas”, A Coruña, 1986.
-Publica a novela autobiográfica “Scorpio”, Premio da Crítica, 1987.
-Publica “Escritos sobre Castelao”, ensaio, Santiago, 1989.
Publica “Estudos sobre literatura galega”, ensaio, Sada, 1989.
-Publica “Do galego e da Galiza”, ensaio, Santiago, 1990.
-Publica “Reticencias ... (1986-1989)”, poesía, Santiago, 1990.
-Nomeado Fillo Predilecto de Ferrol, xaneiro do 1990.
-En 1992, despois da súa morte foi editado “Unha voz na Galiza. Artigos de xornal (1933-1989)”.
-Nomeado Fillo Ilustre de Galicia polo Parlamento galego, 1996.


Enviado por:
Anova Ferrol
-ferrolanova@gmail.com-
10 de fevereiro de 2014 15:28

http://anovaferrol.blogspot.com.es/
_____________

Foto: Vieiros - Unha pintada, demandando as Letras para Carvalho Calero, feita en Lugo polo CS Mádia Leva
__________________________

domingo, outubro 27, 2013

Xornada sobre língua, hoxe domingo día 27 de Outubro organizada pola Mocidade e a Asemblea local de Anova-Ferrol - Palestras, música, Homenaxes, Xantar, ...

Hoxe domingo día 27 de outubro a Mocidade de Anova-Ferrol vai levar a cabo  unha xornada sobre a lingua.

Un dos aspectos que consideramos importante coñecer son aquelas experiencias que, desde unha perspectiva positiva a prol da lingua, se esteñan levando a cabo na nosa comarca para podermos avalialas e socializalas no resto do noso país.

12:00-12:15 - Presentación. Realizará a presentación, moi probablemente Antía Comesaña (como comisionada de mocidade) acompañada de Faustino Seco Diretor do IES Concepción Arenal

12:15-13:45 - Charla sobre sociolingüística.

13:45-16:00 - Xantar

16:00-17:00 - Homenaxe a Carvalho Calero | Será diante da súa casa natal.

Homenaxe á Editorial Nós, xa que o 30 de outubro coinciden o nacemento do escritor ferrolán e a primeira publicación da editorial.

Desenvolvimento do acto:
Para rematar, realizaremos unha ofrenda floral con caraveis e mentras, de fondo, soará o himno galego, a man da gaita de Bieito Barreira (LGG).

17:00-18:30 - A prensa en galego (mesa redonda): Miguel Rodríguez (La Opinión), David Lombao (Praza Pública) e Mª Xesús Árias (RadioFene).

18:30-20:00 - A normativa AGAL. 

20:00-20:15
- Clausura.

Conta no facebook de Anova-Ferrolterra:
https://www.facebook.com/asemblea.nacionalistadeferrolterra

Web:
http://anova-galiza.org/

Enviado por:
ANOVA FERROLTERA
-anferrolterra@gmail.com-
26 de outubro de 2013 19:04
_________________

mércores, novembro 25, 2009

Satisfacción, do Grupo Municipal de EU, pola compra da casa de Ricardo Carvalho Calero


  • ESQUERDA UNIDA   FELICÍTASE POLA COMPRA DA CASA DE CARVALHO CALERO, COMPROMISO INCLUÍDO POLA NOSA ORGANIZACIÓN NO ACORDO ORZAMENTARIO PARA 2009
  • ESQUERDA UNIDA DEMANDA A SÚA  REHABILITACIÓN  NOS PRÓXIMOS 12 MESES, PARA INAUGURALO COINCIDINDO CO CENTENARIO DO SEU NACEMENTO
O Grupo Municipal de Esquerda Unida quere amosar a súa satisfacción  pola anunciada compra  da casa natal de D. Ricardo Carvalho Calero. Esta é unha das esixencias que Esquerda Unida  achegou para acordar o orzamento de 2009. Celebramos, xa que logo, que se dea satisfacción a nosa demanda.

Esquerda Unida presentou ao Pleno do concello de Ferrol unha moción, en xaneiro deste ano, para facer posible a compra da casa deste eximio ferrolán.  Foi aprobada por unanimidade de todos os Grupos Municipais. Esta iniciativa insírese no ronsel de actuacións que dende a concellería de cultura se levaron adiante durante a vixencia do Goberno bipartito da cidade para acadar o seu nomeamento para o Día das Letras  Galegas.

O Grupo Municipal de Esquerda Unida lembra que en outubro de 2010 cúmprese o centenario do nacemento do  autor do Futuro imperfecto. O 30 de outubro de 1910 nacía  Carvalho Calero e a nosa organización  considera necesario poder rematar a rehabilitación do inmoble  á altura de outubro do vindeiro ano. Reclamamos celeridade para proceder a súa rehabilitación. A súa posta en funcionamento como centro cultural para dentro dun ano suporía un sinal importante do compromiso da cidade cun dos seus fillos predilectos e, xa que logo, sería un argumento de peso certo diante da Academia Galega para conquerir que se lle adique o Día das Letras Galegas. 

A biblioteca persoal de D. Ricardo Carvalho Calero se atopa en Compostela e a nosa organización insta ao Goberno Municipal a traballar para acadar un acordo que devolva ese legado para o espazo rehabilitado da súa casa natal.

O enorme atraso que leva o cumprimento do conxunto das actuacións previstas no acordo orzamentario entre o PSOE e o BNG nos leva a urxir ao Goberno Municipal a axilizar  os trámites necesarios para executalo, porque todas actuacións comprendidas no devandito acordo supoñen darlle un pulo importante a morfoloxía urbana e de servizos da nosa cidade.

Ferrol, de 24 de novembro  de 2009 
Grupo Municipal de EU

Enviado por:
eu-ferrolterra@esquerdaunida.org
24 de novembro de 2009 17:05


Prezad@s amig@s:

Vaivos no arquivo un Informacións do Grupo Municipal de EU onde amosamos a nosa satisfacción pola compra da casa de Carvalho Calero, a proposta do noso Grupo  Municipal,  que presentara unha moción ao Pleno en xaneiro deste ano e logo incorporamos no acordo dos orzamentos de abril deste ano.

A nosa organización reclama agora que nos vindeiros 12 meses se proceda a súa rehabilitación para contar con este equipamento en outubro do vindeiro ano, cando se cumpre o centenario do seu nacemento.

Grazas pola vosa atención. Recibide un saúdo, Ramiro Marier ( Grupo Municipal de EU ).
________________

Web de Esquerda Unida:
http://www.esquerdaunida.org/
____________________