Amosando publicacións coa etiqueta Corrubedo. Amosar todas as publicacións
Amosando publicacións coa etiqueta Corrubedo. Amosar todas as publicacións

mércores, novembro 07, 2007

Algúns artigos de opinbión ao redor de Corrubedo 4N


De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 7 de novembro de 2007 18:15
Asunto: Algúns artigos de opinbión ao redor deCorrubedo 4N



----- Original Message -----
From: Plataforma Corrubedo
To: corrubedo total
Sent: Wednesday, November 07, 2007 9:04 AM
Subject: Algúns artigos de opinbión ao redor deCorrubedo 4N


O rodaballo, por Xosé Ramón López Boullón


U-las estrelas vermellas?, por Manoel Santos

Do soño de Touriñán á desfeita da Laxe Brava, por Caetano Díaz

Raio verde en Corrubedo, por Xosé Luís Groveiro

Corrubedo: camiño da dignidade, por Plataforma Medioambiental de Corrubedo

Piscifactorías, canteiras e taparrabos, por Manuel Rivas
________________

A manifestación do día 4 de novembro de 2007 en Corrubedo
Documento coa valoración da Comisión de Propietarios e Propietarias da Laxe Brava


Os grupos convocantes á manifestación do pasado día 4 de novembro en Corrubedo, e en particular esta Comisión de Veciños, consideramos un éxito absoluto a convocataria tanto en número de persoas como diversidade dos grupos que asistiron e amosaron o seu máis rotundo rexeitamento a este Plan, que non pode ser amañado de ningún xeito con medidas cosméticas. Desde aquí queremos agradecer sinceiramente a tódolas persoas e colectivos participantes o seu apoio á defensa desta nosa terra. Que o bipartito tome boa nota.

Como era xa inevitable, despois de tantos meses de silencio, as reaccións á marcha non se fixeron esperar e a máis salientable é a da sempre previsible Sra. Conselleira de Pesca, Carme Gallego. Nunha nota de prensa da Consellería, Pesca comprométese coas “actividades acuícolas respectuosas e en harmonía co medio ambiente” (sic), afectando exclusivamente nun 1.8% a espazos Rede Natura. Afirmamos que este goberno carece de credibilidade e autoridade para obrigar ás multinacionais acuicolas ao respecto medioambiental, tal e como o demostra o feito de que máis da metade das plantas actualmente en funcionamento na Comunidade non dispón nin do preceptivo permiso de verquidos de Auga de Galicia e polo tanto están a producir de xeito irregular. Ademáis, a Sra. Gallego utiliza Rede Natura como un pretexto, establecendo a regla do “todo vale” fóra do citado territorio protexido. Recordemos que Rede Natura sólo afecta a un 11% do territorio de Galicia, cando en troques outras comunidades protexeron máis do 40% da súa superficie.

O método para habilitar terreno para as acuícolas, unha expropiación forzosa de máis 3 millóns de metros cadrados, seguida dunha recalificación brutal de terras do noso litoral que por unha decisión administrativa multiplican varias veces o seu valor, responde ao que popularmente coñecemos como un pelotazo, pelotazo acuicola promovido por unha Consellería en favor dos intereses particulares dunhas poucas multinacionais. Esiximos á Sra. Conselleira que de unha vez por todas se pronuncie sobre este feito irregular e de enorme gravedade, e que tanta alarma causa entre os nosos cidadáns, pois transmite a sensación de arbitrariedade e favoritismo na acción do goberno autonómico.

Lembre a Sra. Gallego que o documento estratéxico sobre o Fondo Europeo de Pesca (FEP) para o periodo 2007-2013 (ver link no noso blog) aposta polas pequenas e medianas instalacións para o desenrolo da acuicultura en terra firme, e por dúas razóns fundamentáis: para minimizar os riscos medioambientais (contaminación química, eutrofización, contaminación biolóxica, etc.), problema que a Unión Europea recoñece e demanda que o sector arranxe; e por outra banda, porque as pequenas instalacións contribúen en maior medida á xeneración de postos de traballo locais, un dos obxectivos dos fondos FEP. Pois ben, a postura deste goberno, é a de conceder todo o protagonismo ás macropiscifactorías, instalacións que non se constrúen en ningún lugar de Europa agás Galicia, e que incumplen na forma e no fondo a estratexia europea para este sector. Ou sexa, que a Sra. Gallego cede ás presións do lobby acuícola namentres desprecia tanto a estratexia europea para a acuicultura como os intereses de Galicia.

Afírmase na nota de prensa de Pesca, que o proceso de aprobación do documento contou co visto bo das Consellería de Pesca, Política Territorial, Medio Ambiente, Cultura e Medio Rural. Esiximos en favor da transparencia que se fagan públicos os informes destas Consellerías, e fundamentalmente os que fan referencia aos impactos mediaombientais das instalacións (Medio Ambiente), á declaración de incidencia supramunicipal (Política Territorial), o de afectación ao Patrimonio (Cultura) e ao agro (Medio Rural). Tal e como incluímos nas nosas alegacións, entendemos que estas instalacións non se axustan á normativa vixente sobre a declaración de incidencia supramunicipal - entre outras cousas - vía imprescindible para a expropiación forzosa.

Por outra banda, o Sr. Fernando Otero, voceiro da Asociación de Productores de Rodaballo de Galicia (AROGA), ven de sinalar que o Plan de Pesca é xurídicamente intachable, feito do cal desde esta Comisión discrepamos. Entendemos que o sector da acuicultura industrial confunde a “seguridade xurídica” que os empresarios reclaman con toda xusticia para a súa actividade, coa impunidade ante a lei, cousa moi distinta. E ahí está para demostralo feitos como o das xa mencionadas dos verquidos sen autorizacións ou de instalacións como a de Oia (Pontevedra), cunha sentencia firme de derrubo por parte dun xuíz a causa dun exceso de edificabilidade, e que este plan pretende legalizar e agasallar ademáis cunha macro-ampliación.

Preguntámonos cómo AROGA pode pedir seguridade cando mesmo desde o seu Presidente e xerente de Stolt Sea Farm, Pablo García (ver entrevista na Voz de Galicia, sección Barbanza do 06/09/2006) situou aos propietarios que non cedesen as súas terras para as piscifactorías entre a disxuntiva de venta ou “expropiación forzosa”, nunha actitude que lesiona un dereito fundamental do noso ordeamento xurídico como é a propiedade privada. Seguridade xurídica para as empresas e inseguridade para o resto dos cidadáns, ¿é esto o que pide AROGA?

Por último, sinala o Sr. Otero que os retrasos no Plan bloquean 250 millóns de euros. Parecen preocupadas as empresas exclusivamente nos seus millóns, sen ter en conta que os 390 millóns de subvencións que van a recibir proceden finalmente de tódolos cidadáns, e polo tanto temos o dereito de discrepar da súa utilización e por outra banda fiscalizar o emprego destes cartos. Que AROGA pense aínda que sexa por un intre no impacto social, medioambiental, cultural e paisaxístico da súa actividade e non sólo nos crudos beneficios. Parece que o concepto de “responsabilidade social corporativa” non chegou aínda a este sector. Mágoa.


Comisión de Propietarios de Laxe Brava
Visita o noso blog
http://salvemoslaxebrava.blogspot.com/

En Teira, Corrubedo , a 6 de novembro de 2007.

Plataforma Corrubedo
-corrubedo@altermundo.org-
_______________________
ADEGA: Crónica da Marcha Nacional de Corrubedo

Corrubedo 4-N: Marea de Dignidade

Este pasado día 4, milleiros de persoas démonos cita en Corrubedo para defender a costa da barbarie depredadora das transnacionais do peixe que queren ocupar máis de 3 millóns de m2 dos nosos espazos costeiros millor conservados. Os máis de 50 colectivos cívicos reclamamos á Xunta a retirada dun Plano Acuícola insolidario e insustentábel e máis atención aos nosos recursos naturais. Sra. Conselleira: A COSTA É GALEGA E NON DE NORUEGA!.

Esta marcha nacional non é o final dunha loita na que ADEGA e os diversos colectivos de afectados levan xa meses. Logo das charlas e xornadas informativas por todo o litoral, e da presentación de máis dun milleiro de alegacións ao Plano Sectorial, a Conselleira de Pesca non pode seguir ignorando por máis tempo o clamor popular contra un proxecto miope, insustentábel e lesivo para o país.

Por iso, vimos de solicitarlle outra volta a retirada do Plano Acuícola e a apertura dunha mesa de negociación con todos os sectores afectados: confrarías, colectivos veciñais, asociacións cidadás, ecoloxistas, patronal do peixe plano, partidos políticos e sindicatos.

O obxectivo é definir as prioridades para a millora e o desenvolvemento do sector acuícola galego, que representa ao 98% da producción e do emprego, fronte ao escaso 2% da acuicultura industrial en terra. Sanear o litoral, recuperar os caladoiros, pechar o ciclo produtivo do marisco, controlar as canles de distribución, regular a actividade das bateas, eliminar as prácticas pesqueiras insustentábeis e potenciar a producción de calidade deberían ser as prioridades dun Plano Acuícola que atenda ás necesidades do país e non ao lucro das transnacionais do peixe de cemento.

Fins Eirexas

http://www.adega.info

Clica para ver algunhas fotos do acto
________________

martes, novembro 06, 2007

Valoración da Plataforma Medioambiental de Corrubedo ao respecto da Marcha Nacional pola Defensa do Litoral do 4 de novembro

De: Plataforma Corrubedo
-corrubedo@altermundo.org-
Para: artabra21@gmail.com
Data: 5 de novembro de 2007 18:45
Asunto: Valoración da Plataforma Medioambiental de Corrubedo ao respecto da Marcha Nacional pola Defensa do Litoral do 4 de novembro


CORRUBEDO 4N: CAMIÑO DA DIGNIDADE
Valoración da Plataforma Medioambiental de Corrubedo ao respecto da Marcha Nacional pola Defensa do Litoral do 4 de novembro


Dende a Plataforma Medioambiental de Corrubedo, un dos moitos colectivos que onte, 4 de novembro, marcharon en Corrubedo contra a desfeita irreversíbel que pode supor o Plano Acuícola da Xunta, queremos manifestar o noso orgullo por formarmos parte da Galiza digna, da mesma que se move polo amor a terra e da mesma que se ergue por fin e para sempre nun berro colectivo contra a violación do mellor de nós, que son as nosas paisaxes, os nosos mares, os nosos cantís, as nosas tradicións, a terra galega toda.

Non imos entrar na tradicional danza de cifras post-mobilización porque calquera pode percibir que onte, en Corrubedo, no cabo verde, houbo milleiros de persoas. Foi un éxito sen precedentes nunha vila tan pequena como esta que onte, dalgún xeito, foi a capital da dignidade dun país. Todas e todos os que se achegaron onte a Corrubedo, os que encheron de orgullo térreo as rúas desta pequena vila mariñeira, eran galegas e galegos dignos cuio único obxectivo é amosar que cando o poder político non cumpre co pobo, sexa cal for a súa cor, cando os apoltronados do Hórreo traizoan o país, aí está o poder popular, a nación, para lembrarlles que é en nós, nos do común, onde reside a soberanía desta Galiza nosa. Sen nós, non hai goberno e sen nós non hai país.

E nós, o pobo soberano, o que vive a pé de rúa, dixemos onte en Corrubedo non só que o Plano Acuícola da Xunta é inaceptábel, indecente e indigno, senón que o camiño autodestrutivo emprendido polo noso goberno, non é o noso camiño. Cando milleiros de persoas de todo o país, dende Ribadeo á Guarda e dende O Courel a Corrubedo, conflúen nun afastado cabo como o noso; cando tanta xente gasta horas e horas do seu tempo en ir berrar a un dos fins da terra nosa, é que algo acontece. Cando asociacións veciñais, pobos enteiros, sindicatos, colectivos ecoloxistas, confrarías de pescadores, asociacións de mariscadoras e mergulladores, intelectuais e artistas, marchan xuntos e sen fisuras nunha causa común, é que algo moi grave acontece.

E abofé que algo moi grave acontece. O ritmo de destrución de ecosistemas, paisaxes e mesmo aldeas e tradicións é escandaloso. Nada xustifica roubar a terra ao pobo para entregarlla a empresas depredadoras. Nada xustifica privatizar o litoral ao máis puro estilo colonialista. Nada xustifica ir contra a vontade de todo un pobo.

Onte, en Corrubedo, o país galego díxolles aos seus gobernantes que xa abonda, que queremos outro modelo de desenvolvemento, que queremos conservar o pouco que nos queda, que antes cás siglas políticas, antes cós intereses económicos, está a vontade da nación, a dignidade deste curruncho do noroeste peninsular que onte, para ben ou para mal, comezou unha loita unitaria pola dignidade porque aqueles en quen confiou o seu goberno mudaron en cegos e xordos. Si, este 4 de novembro, no afastado cabo do ollar largacío que é Corrubedo, o pobo galego dixo: Galiza non se vende. E xa non pararemos, por dignidade. Parabéns a todas e todos e adiante, pois este é o camiño.
_____________

De: ASOCIACION VECIÑAL FONTELONGA

avvfontelonga@mundo-r.com
Para: artabra21@gmail.com
Data: 6 de novembro de 2007 18:08
Asunto: manifestación en corrubedo


_________________


__________________

Dende Ribeira envían testimonio da manifestación en Corrubedo.
Saúdos

http://www.riveira.net/barplaza/corrubedo.htm

Non te perdas os videos.
_____________

venres, novembro 02, 2007

Artigos sobre o Plano Acuícola da Xunta de Galicia publicados no Blog da PA21

[corgo0.jpg]


  1. Aguiño: Contra Goliath, un artigo de Eduardo Rego publicado en Vieiros

    De: ASOCIACION VECIÑAL FONTELONGA -avvfontelonga@mundo-r.com- Para: artabra21@gmail ... lugares fermosos que temos na nosa costa, roza o Parque Natural de Corrubedo e ten unha paisaxe pouco

  2. Piscifactorías, canteiras e taparrabos

    De: ASOCIACION VECIÑAL FONTELONGA -avvfontelonga@mundo-r.com- Para: artabra21@gmail.com Data: 2 de novembro de 2007 11:17 Asunto: Artigo de Manolo Rivas Piscifactorías, canteiras e taparrabos MANUEL RIVAS 02/11/2007 El País En Noruega, un lugar como cabo Vilano tería a protección máxima. Sería intocábel.

  3. Informacións sobre a Marcha Nacional na defensa do Litoral Galego

    De: Plataforma Corrubedo -corrubedo@altermundo.org- Para: artabra21@gmail.com Data: 1 de novembro de 2007 09:51 Asunto: ACHÉGATE A CORRUBEDO, E BERRA FORTE... MARCHA ...

  4. Marcha a Corrubedo (Novo horario)

    De: Comité Cidadán de Emerxencia -comitecidadan@gmail.com- Para: artabra21@gmail.com Data: 2 de novembro de 2007 16:56 Asunto: Marcha a Corrubedo (Novo horario) MARCHA EN DEFENSA DO LITORAL "Non o Plano Acuícola" Corrubedo, 4 de Novembro, ás 12 horas.

  5. 4 de novembro, tod@s a Corrubedo, á Marcha Nacional na Defensa do Litoral

    De: Plataforma Corrubedo -corrubedo@altermundo.org- Para: artabra21@gmail.com Data: 29 de outubro de 2007 21:18 Asunto: Corrubedo, 4N: NOTA DE PRENSA NOTA DE PRENSA MARCHA NACIONAL POLA DEFENSA DO LITORAL CORRUBEDO,

  6. Resumo do falado na reunión da "Rede Litoral Vivo" que se celebrou o 20 de outubro en Compostela

    De: Fusquenlla Para: artabra21@gmail.com Data: 22 de outubro de 2007 17:15 Asunto: ... ), Plataforma Medioambiental de Corrubedo (Ribeira), Ortigueira Sostible, Afectados/as Vertedoiro

  7. 4 de Novembro. marcha nacional contra o Plano Acuícola da Xunta de Galicia

    De: Plataforma Corrubedo -corrubedo@altermundo.org- Para: artabra21@gmail.com Data: 10 de outubro de 2007 19:57 Asunto: Corrubedo 4N, xa é oficial Corrubedo 4N, xa é ... a Xunta.

  8. Convite para unha manifestación nacional contra o Plano Acuícola convocada polas diversas Plataformas en Corrubedo, o 4 de novembro

    De: Plataforma Corrubedo corrubedo@altermundo.org Para: artabra21@gmail ... MANIFESTACIÓN NACIONAL CONTRA O PLANO ACUÍCOLA EN CORRUBEDO Saúdos: Achégovos o convite para unha ... /as e ADEGA. Tamén o manifesto.

  9. Novo artigo de Xosé Manuel Beiras: "Do Courel a Corrubedo. IV. Gas licuado"

    De: ASOCIACION VECIÑAL FONTELONGA Para: artabra21@gmail.com Data: 2 de Setembro de 2007 11:21 Asunto: Artigo de Xose Manuel Beiras "Do Courel a Corrubedo. IV. Gas licuado" GALICIA HOXE - 2/09/07 de catro a catro Do Courel a Corrubedo.

  10. Do Courel a Corrubedo I.- A terra e o home.

    De: ASOCIACION VECIÑAL FONTELONGA -avvfontelonga@mundo-r.com- Para: artabra21@gmail.com Data: 12 de Agosto de 2007 11:32 Asunto: Artigo de X. M. Beiras de catro a catro Do Courel a Corrubedo I.- A terra e o home XOSÉ MANUEL BEIRAS Si, a Corrubedo, non a Compostela.

  11. Unha pretendida instalación acuícola, considerada "estratéxica" pola administración, pon en perigo unha zona do litoral de Corrubedo

    De:lupe ces -lupeces@gmail.com- Bárbara primo -barbaraprimo22@yahoo ... administración autónomica, pon en perigo unha zona do litoral de Corrubedo, de importante valor natural, ecolóxico e paisaxístico. A XUNTA CASTIGA A CORRUBEDO.


__________


Corrubedo



Corrubedo

_______________

venres, xullo 06, 2007

Unha pretendida instalación acuícola, considerada "estratéxica" pola administración, pon en perigo unha zona do litoral de Corrubedo

De:lupe ces -lupeces@gmail.com-
Bárbara primo -barbaraprimo22@yahoo.es-

Irene Sánchez Riveira -irenerrir@hotmail.com-

Para: artabra21@gmail.com
Data: 5 de Julho de 2007 15:54

Asunto: De novo pretende-se umha intervençom industrial acuicola que destrui o litoral galego


Unha pretendida instalación industrial acuícola, considerada "estratéxica" pola administración autónomica, pon en perigo unha zona do litoral de Corrubedo, de importante valor natural, ecolóxico e paisaxístico.

A XUNTA CASTIGA A CORRUBEDO.
O pobo de novo en loita!!!


TOCA LOITAR CONTRA A INXUSTIZA!

Se no litoral incólume de Corrubedo os veciños e veciñas tiveran construído casas e galpóns espallados ao longo da historia, hoxe non verían como a Xunta intenta expropiar todo un cabo para cederllo a unha empresa. A necesidade de grandes espazos libres para instalar industrias contaminantes como as fábricas de peixe fai que manter 7 quilómetros de costa totalmente libres de edificacións se castigue coa expropiación.

NON Á EXPROPIACIÓN DE TODO UN CABO!!!
FÁBRICA DE PEIXES, FÓRA DE CORRUBEDO!!!
XUNTA DE GALICIA, FÓRA DE CORRUBEDO!!!

MANIFESTO DA PLATAFORMA MEDIOAMBIENTAL DE CORRUBEDO
SOMOS MARIÑEIROS, E QUEREMOS PESCAR NO MAR (non en piscinas)

Declaración da Plataforma Ambiental de Corrubedo no referente á localización dun Parque de Tecnoloxía Alimentaria na zona do Corgo (Teira-Parroquia de Corrubedo-Concello de Ribeira), que leva como nome no novo Plan de Acuicultura da Xunta de Galicia (Consellería de Pesca) o de PARQUE DE TECNOLOXÍA DE LAXE BRAVA, parque número 9.

Enlace co:
MANIFESTO COMPLETO

Enlace con:
FOTOS. A XUNTA QUERE MATAR CORRUBEDO
––––––––––––––––––––––––

O MANIFESTO SOMOS MARIÑEIROS, E QUEREMOS PESCAR NO MAR

Hai hoxe un ano (xullo de 2006) a Xunta anunciaba que daba marcha atrás na intención de emprazar un Parque de Tecnoloxía Alimentaria de 325.000 metros cadrados no cabo Corrubedo, no lugar coñecido como Punta Corvos. A mobilización popular para salvar o único tramo de costa virxe do Concello de Ribeira, víase así recompensada. Ou non. A Xunta actual vén de presentar unha revisión do anterior plan –ao que agora chaman Plan Acuícola de Galicia– no que, efectivamente, eliminan a fábrica de peixes prevista para o cabo na Punta Corvos, PERO INCLÚEN UN NOVO PARQUE NA ZONA DO CORGO –OU LAXE BRAVA–, A 2 QUILÓMETROS DO ANTERIOS, DE 308.000 METROS CADRADOS, DE NOVO O MÁIS GRANDE DE GALIZA.

POR QUE? POIS PORQUE AS FILLAS E FILLAS DO CABO MANTIVERON OS SEUS SETE QUILÓMETROS DE LITORAL INCÓLUMES DENDE TEMPOS INMEMORIAIS, DE XEITO QUE A XUNTA VE O LUGAR IDEAL PARA INSTALAR UNHA FÁBRICA DE PEIXES SE DERRUBAR CASA ALGUNHA. DESTE XEITO, A CONSERVACIÓN AMBIENTAL CASTÍGASE COA HUMILLACIÓN DUNHA EXPROPIACIÓN XIGANTESCA.

É POR ISTO QUE MANIFESTAMOS:

1. A Xunta de Galicia enganou á Plataforma Ambiental de Corrubedo e ao pobo enteiro ao facerlle crer que era sensíbel ás súas reivindicacións de preservar o seu litoral virxe. NON ELIMINARON A FÁBRICA DE PEIXES, TAN SÓ A DESPRAZARON UN PAR QUILÓMETROS.

2. O cabo Corrubedo e mailo Corgo –ou Laxe Brava– forman a única parte do litoral do Concello de Ribeira no que non existe unha soa construción –excepto o faro. NO CANTO DE PREMIAR Á XENTE POLA CONSERVACIÓN SECULAR DA NATUREZA INCÓLUME CASTÍGASELLE COA SÚA DESTRUCIÓN.

3. Todo o litoral está incluído no LIC do Complexo Húmido de Corrubedo (Natura 2000) polos seus hábitats de interese comunitaria. O Parque Acuícola previsto, linda con esta zona protexida e hipoteca a súa necesaria ampliación. Alguén faría chalets adosados arentes da Catedral de Santiago?

4. O LIC de Corrubedo foi feito tendenciosamente polo anterior goberno do PP para facilitar o emprazamento destes parques. Abrangue dende Sálvora (Ribeira) ao castro de Baroña (Porto do Son), mais deixaron fóra parte do Cabo Corrubedo. A XUNTA ACTUAL ESCÚDASE NAS DECISIÓNS DO PP E AS DEFENDE.

5. Os hábitats de interese comunitaria da Laxe Brava son eminentemente mariños, polo que os vertidos dunha instalación dese tipo e dese enorme tamaño contaminarán os areais lindeiros (Praias de Balieiros e As Barreiras, en Corrubedo; e praia de Espiñeirido e Seráns, en Porto do Son).

6. A zona terrestre da Laxe Brava, coñecida como O Corgo, ten uns indubidábeis valores paisaxísticos, naturais e sociais. Trátase dunha zona de cantís onde se explotan sustentabelmente especies de alto valor, con excelentes exemplos de praias de croios costeiros e por onde pasan centos de aves mariñas migratorias.

7. Asemade, existen grandes matos costeiros de sempre empregados polos habitantes da zona para o "batume" das cadras, varios carreiros senlleiros onde aínda se notan as pegadas dos carros nas laxes, formacións rocosas que, como a denominada Outeiro da Mina, teñen covas e cacholas de grande valor xeomorfolóxico produto da erosión polos ventos e a auga.

8. O Corgo é a única zona de Corrubedo que conserva leiras traballadas, primordialmente polas xentes do lugar de Teira e mais de Espiñeirido, que aínda manteñen explotacións tradicionais de cereais, millo, produtos hortícolas e unha pequena cabana gandeira. A construción do Parque da Punta Laxe remataría de vez co único vestixio agrogandeiro tradicional que queda no cabo, e este débese protexer, e non condenar. Que di Medio Rural ao respecto? O Plan usurpa claramente unha chea de leiras de sempre traballadas e coidadas pola veciñanza co único interese de favorecer a unha empresa, e o informe da Xunta obvia totalmente esta circunstancia.

9. A Plataforma Ambiental de Corrubedo pon tamén en dúbida a necesidade denominada "estratéxica" deste tipo de instalacións acuícolas. O orzamento da actuación é totalmente desproporcionado para o rendemento laboral que a experiencia nos di que teñen estas instalacións nos veciños e veciñas. En concreto 37.659.000 euros. A Plataforma pregúntase que se podería facer investindo eses cartos no desenvolvemento da zona a partir dos seus valores naturais (turismo rural e natural, cultivos ecolóxicos, etc.), e non industriais.

E ANUNCIAMOS:

A nosa oposición a calquera tipo de Parque Acuícola ou outro tipo de industria no litoral virxe da costa de Corrubedo. Queremos un desenvolvemento sustentábel en consonancia cos valores naturais do senlleiro cabo.

Reclamamos a ampliación inmediata do LIC do Complexo Húmido de Corrubedo (Natura 2000) a toda a zona do cabo homónimo e do Corgo ou Laxe Brava, para así preservalo virxe para as xeración vindeiras. A zona Natura 2000 no litoral da Laxe Brava é totalmente insuficiente, pois protexe unha franxa costeira moi estreita e sensíbel, de xeito que calquera actividade achegada lle pode afectar.

A Plataforma Ambiental de Corrubedo emprenderá as accións que considere pertinentes para evitar a expropiación dun cabo enteiro ao pobo, lexítimo dono e coidador secular da súa terra.

ESPÉRANOS UN NOVO VERÁN DE LOITA!!
PLAN ACUÍCOLA, NON EN CORRUBEDO!! NON Á EXPROPIACIÓN DO CORGO E A LAXE BRAVA!!
SOMOS UN POBO MARIÑEIRO, PESCAMOS NO MAR E NON EN PISCINAS!!
SUSTENTABILIDADE PARA A NOSA COSTA!!
AXÚDANOS A RECOLLER SINATURAS PARA SALVAR O LITORAL VIRXE DE CORRUBEDO

Baixa o modelo en -doc- ou -pdf-, imprímeo polas dúas caras, e recolle todas as sinaturas que poidas. A CAMPAÑA DURARÁ ATÉ O 15 DE AGOSTO. Unha vez cubertas as follas envíaas por favor ao seguinte enderezo:

PLATAFORMA MEDIOAMBIENTAL DE CORRUBEDO
Rúa das Delicias, número 1.
15969 CORRUBEDO-RIBEIRA-GALIZA

CONTACTO:
corrubedo@altermundo.org

PARA BAIXAR EN -doc- A TABELA DE SINATURAS:
Modelo de Pliego para ecoller sinaturas en formato -doc-

PARA BAIXA EN PDF A TABELA DE SINATURAS:
Modelo de Pliego para recoller sinaturas en formato -pdf-

--
Lupe Ces Rioboo
981946412/652201003
http://lupeces.blogspot.com/