Amosando publicacións coa etiqueta Embarcacións Tradicionais. Amosar todas as publicacións
Amosando publicacións coa etiqueta Embarcacións Tradicionais. Amosar todas as publicacións

venres, setembro 03, 2010

3, 4 e 5 de Setembro de 2010: "XVIII Xuntanza de Embarcacións Tradicionais", na dársena de Curuxeiras, do Porto de Ferrol.

As embarcacións tradicionais arriban a Ferrol

Na foto: César Bedoya, do Club do Mar de Ferrol

As embarcacións tradicionais comezaron xa esta mañá a arribar ao porto de Ferrol. Ao longo de todo o dia, botes polbeiros, trincados, etcétera chegarán a Curuxeiras. O Club do Mar organiza esta XVIII Xuntanza que se inaugura oficialmente mañá sábado ás 11 da mañá.


O Club do Mar de Ferrol propón unha fin de semana de navegación e descuberta do patrimonio mariñeiro na XVIII Xuntanza de Embarcacións Tradicionais, que se celebra na dársena de Curuxeiras entre o venres e o domingo.

Esta edición contará con barcos chegados de distintos puntos da Península e destacará ademais polo grande esforzo de divulgación en terra, a través de exposicións, stands e exhibicións como a que farán as redeiras de Malpica na tarde do sábado. Ademais, a través do proxecto europeo Dorna (Desenvolvemento Organizado e Sostible de Recursos no Noroeste Atlántico) verase unha mostra de embarcacións galegas, na que se poderán apreciar unha vintena de tipoloxías distintas.

A Parrocheira 2010 comezará o venres coa recepción dos barcos. O groso das actividades está previsto para o sábado, coa inauguración oficial por parte das autoridades e unha saída ó mar dos participantes. Despois farase unha visita pola exposición e polos distintos stands ubicados en Curuxeiras. Terán o seu espazo no peirao o Proxecto Dorna (que inclúe entidades de Francia, Escocia e Portugal), a Federación Galega pola Cultura Marítima e Fluvial, o centro de formación Aixola –especializado no sector marítimo-pesqueiro– e tamén a Asociación Galega de Carpinteiros de Ribeira.

Para os pequenos instalarase unha piscina de 6x6 metros con dornas que funcionan a través de control remoto. Alí os rapaces poderán facer as súas propias regatas sen mollar os pés.

A taberna mariñeira surtirá de comida e bebida ós participantes pero tamén a tódolos que se acheguen a Curuxeiras a contemplar as ducias de velas que surcarán a ría.

Fonte: RadioFusión

XVIII PARROCHEIRA E I MOSTRA DORNA


A falla de que nos chegue o programa oficial xa impreso e ainda con cousas no aire por ire engadindo xa podemos ir adiantando algo do programa para iste ano da XVIII Xuntanza da Prrocheira e I Mostra Proxecto Dorna. Esperamos veros a todos en curuxeiras pra que participedes con nos distes dias de festa:

Venres 3 de setembro

Recepción de embarcacións mostra en seco e mar que xa se queran acercar a Curuxeiras.

Sabado 4 de Setembro

11:00 h. Inaguración oficial da XVIII Xuntanza e I Exposición Parrocheira 2010

11:45 h. Visita a exposición das autoridades e saida o mar

14:30 h. Comida na taberna mariñeira

16:30 h. Demostración de redeiras e saida o mar pra navegación

21:30 cea e actuacións musicais

Domingo 5 de setembro

11:00h. saida o mar

14:30 h. comida

16:30 h. saida o mar

19:30 h. clausura oficial da xuntanza e exposición.

A, I Mostra de DORNA, tratase dunha exposición en seco onde poderase ollar preto dunha veintena de embarcacións de diferentes tipoloxias de Galicia, asemesmo os visitantes poderan ter información nas carpas do Proxecto DORNA, FGCMF, A Aixola, AGALCARI, e cecais nalgunha mais ainda por confirmar. Poderase tamer ollar as evolución das embarcacions tradicionais, radiocontroladas, na piscina instalada por A Aixola para tal fin. Así como mais eventos ainda por confirmar que nista semana tentaremos ire dando toda a información asi coma vaianos chegando as confirmacións.

Enlaces relacionados:
____________________________