Amosando publicacións coa etiqueta Foro Galego de Inmigración. Amosar todas as publicacións
Amosando publicacións coa etiqueta Foro Galego de Inmigración. Amosar todas as publicacións

martes, decembro 14, 2021

X Semana de Loita contra as Fronteiras: Políticas racistas no Estado Español - Nos actos que terán lugar en Vigo e Compostela o 15 e 16 de decembro, debullaranse o impacto destas políticas así como as estratexias de resistencia persoal e colectiva fronte a esas violencias


X Semana de Loita contra as Fronteiras

FORO GALEGO DE INMIGRACIÓN
X SEMANA DE LOITA CONTRA AS FRONTEIRAS: POLÍTICAS RACISTAS NO ESTADO ESPAÑOL

 
Un ano mais, as colectivas e individualidades que conformamos o Foro Galego da Inmigración queremos visibilizar as violencias que entraña o sistema de fronteiras e as políticas migratorias para as vidas e corpos das persoas migrantes, e moi especialmente para as mulleres racializadas.

Nos actos que terán lugar en Vigo e Compostela o 15 e 16 de decembro, debullaranse o impacto destas políticas así como as estratexias de resistencia persoal e colectiva fronte a esas violencias.

Mércores 15 decembro // VIGO

17h00 - Obradoiro sobre Decolonialidade e Antirracismo. Para persoas racializadas e/ou migrantes. Café UF! Aforo limitado.

19h30 - Palestra Políticas racistas no Estado español. Impacto sobre as mulleres e disidencias migrantes. Café UF! Aforo limitado.

Xoves 16 de decembro // COMPOSTELA

19h00 - Acto Público na Praza do Toural.

19h45 - Faladoiro na Casa Xohana Torres. Políticas racistas no Estado español. Impacto sobre as mulleres e disidencias migrantes. Inscricións: https://deloga.typeform.com/XohanaTorres

Non pasou nen un mes desde o 25N, desta volta co foco nas diferentes manifestacións das violencias machistas. Con todo, volvemos a ver como unha vez mais as violencias específicas que viven as mulleres migrantes e/ou racializadas quedaron invisibilizadas.

Así que despois de adicar este curso a denunciar os cambios no sistema de asilo e protección internacional, queremos situar esa e outras realidades no marco que corresponde. Non se tratan de cuestións técnicas, senón que responde á mesma lóxica restritiva e racista que subxace ao conxunto das políticas migratorias españolas e europeas. Unhas políticas que afectan de forma moi directa a mulleres e disidencias sexo xenéricas.

Para iso contaremos con dúas convidadas especiais:

Julia Castillo Condori / Warmi Kusisita (Bolivia/Barcelona): Muller aymara, feminista comunitaria anticolonial, educadora popular, narradora, escritora e arterapeuta.

Sara Guerrero (México/Mondariz), Lcda. en Teatro e Actuación, colaboradora en distintos medios de comunicación alternativos (Novas da Galiza, El Salto, Píkara Magazine).

Ademais das compañeiras da colectiva Resistencia en Terra Allea, Colectiva decolonial e antirracista, procura darlle resposta as violencias estruturais, coidando e acompañando a os corpos migrantes e/ou racializades

+info: foroinmigracionsantiago@yahoo.es

--
OFICINA DEREITOS SOCIAIS - COIA (ODS-Coia) | odscoia.arkipelagos.net | odscoia@riseup.net |@odscoia | tel: 696 618 732 - 679 758 663 | Estamos os luns de 10h00 a 12h00 en Coia, nos locais da parroquia do Cristo da Vitoria (rúa Baiona 9, Vigo)


Enviado por:
Oficina Dereitos Sociais - Coia
-dereitossociais@gmail.com-
13 de dezembro de 2021 10:13
_______

luns, xuño 21, 2021

Día Mundial das persoas Refuxiadas - Vídeo do Acto de Solidariedade en Ferrol


En Ferrolterra, como en diferentes lugares de Galiza e do Planeta, este domingo 20 de xuño de 2021, realizou-se un Acto de Solidariedade, no Día Mundial das Persoas Refuxiadas. O acto tivo lugar na Praza do Inferniño de Ferrol, comezando ás 12 do mediodía, baixo a chuvia que non cesou, na case unha hora que durou o seu desenvolvemento.

A convocatoria e organización, correu a cargo dalgunhas das entidades que na nosa comarca, desenvolven unha actividade de apoio ás persoas refuxiadas e inmigrantes, como son Protección Internacional, Foro Galego de Inmigración, Padroado Concepción Arenal e a Rede Galega de Apoio ás Persoas  Refuxiadas. Entidades como a asociación Fuco Buxán e a Marcha Mundial das Mulleres, amosaron o seu apoio. Así como contou coa presencia de persoas que desenvolven a súa actividade en Cáritas e o Alcalde de Ares, Julio Iglesias Redondo que foron mencionados durante o acto.

O acto foi presentado e dirixido de xeito excelente por Avilio Chirivilla.

O comunicado oficial foi leido por Susana Alaniz do Foro Galego de Inmigración de Ferrolterra e Paz Lorenzo do Patronato Concepción Arenal. A música de fondo foi interpretada pola violinista Estrela Gómez Viñas.

Posteriormente falou da súa experiencia persoal Brahim Benkassim que entrou sendo menor, hai máis de tres anos por Tarifa, no sur da Península e acabou en Ferrol, onde fixo os seus estudos e traballa, nunha loita pola superación persoal, digna de mención. Dedicando parte do seu tempo ao apoio a refuxiados e inmigrantes.

No transcurso do acto, aínda que con dificultades pola intensa chuvia que caía, estivo aberto o Libro de Apoio ás Persoas Refuxiadas, onde quen quixer podía expresar as súas ideas, propostas, pensamentos sobre a realidade das persoas refuxiadas.

Continuou unha disertación, do compañeiro Juan Chitty, sobre os dereitos das persoas refuxiadas amparados polas resolucións da ONU e outros asuntos legais e de procedemento. A interesante intervención tivo-se que acortar por mor do mal tempo.

Isabel López leu-nos un fermoso poema e dirixiu unhas palabras que tamén tivo que acortar a súa intervención polas inclemencias do tempo que apesares da chuvia seguiu desenvolvendo-se, rematando nun círculo de silencio, polas persoas ausentes que non conseguiron os seus obxectivos de liberdade e protección, na súa longa travesía dese os seus países de orixe.


No día Mundial das Persoas Refuxiadas seguimos reivindicando:

✔ Rutas legais e seguras sen condicións.

✔ O cumprimento dos convenios internacionais e as directivas e regulamentos europeos en materia de asilo e refuxio.

✔ O respecto dos dereitos humanos nas fronteiras e garantía na protección das persoas, en especial ás menores e as máis vulnerábeis.
_______

martes, novembro 17, 2020

Os dereitos das persoas migradas, reducidos á mínima expresión durante a pandemia - A campaña 'Normalizar os Dereitos', impulsada polo Foro Galego de Inmigración, busca visibilizar as vulneracións que sofren as persoas migradas, rerfuxiadas e racializadas


A campaña "Normalizar os Dereitos", impulsada polo Foro Galego de Inmigración, busca visibilizar as vulneracións que sofren as persoas migradas, rerfuxiadas e racializadas

"Esta nova crise da Covid romperá os vínculos dos emigrantes entre Galicia e América"

Diferentes colectivos antirracistas e polos dereitos das persoas migrantes e contra as fronteiras lanzan a campaña "Normalizar os Dereitos" para dar a coñecer as vulneracións de dereitos que se están a producir no contexto galego e español contra as vidas das persoas migradas, refuxiadas e racializadas.

Baixo este movemento, e ao longo de varias semanas, o Foro Galego da Inmigración, xunto con outras asociacións como SOS Racismo ou Resistencia en Terra Allea, poñerán de relevo as súas esixencias en materia de Seguridade e Loita contra as Fronteiras, Igualdade e Diversidade, Administrativos, Económicos, Saúde, Ocio, Cultura e Participación, Dereitos Sociais, Vivenda, Políticos e Educación.

"Normalizar" -din nun comunicado- "é unha palabra que non nos gusta porque sentimos que alude ao que é hexemónico, ao que está no centro". "Todo o contrario do que queremos reivindicar como colectivos e espazos que loitamos contra o racismo, o colonialismo, as políticas migratorias e de fronteiras". Con todo, nos últimos tempos están sufrindo unha maior "normalización dos discursos de odio" a raíz da presenza da extrema dereita nas institucións, espazos mediáticos e rúa.

Estes colectivos denuncian o "abandono institucional cara as persoas que sosteñen servizos esenciais como a recollida de froita ou os coidados", que quedaron sen ningún tipo de apoio ou prestación nesta situación de crise sanitaria. Tamén lembran as mortes nas fronteiras e "a violencia que supón non poder acceder a citas en estranxeiría para renovar documentación", cousa que acentúa a "irregularidade administrativa despois de anos vivindo neste territorio".

Fronte á normalización do fascismo e do racismo, das violencias cotiás contra as vidas das persoas migradas, refuxiadas e racializadas, dende o Foro Galego de Inmigración queren deixar claro que "o único que compre normalizar nunha sociedade verdadeiramente democrática e na que prime a xustiza social son os dereitos".

"Esixe, propón, actúa. Loita!", rematan o comunicado.

Foto: Inmigrantes en Vigo | Fonte: Miguel Núñez

Publicado en Galicia Confidencial | SANTIAGO DE COMPOSTELA | 17/11/2020 | Actualizada ás 10:00 | GC está baixo licenza Creative Commons Recoñecemento-NonComercial-CompartirIgual 4.0.
_______

sábado, febreiro 24, 2018

En Ferrol, da Rede de Refuxiad@s: Xornada do sábado día 24 de Febreiro de 11:00 a 13:00 hs na Asociación Veciñal de Ferrol Vello, para esixir ás Institucións internacionais, estatais e autonómicas o cumprimento dos Regulamentos en materia de Asilo e Refuxio, reivindicar o respecto aos Dereitos Humanos nas Fronteiras e no interior do espazo SCHENGEN e recordar a todas as persoas migrantes e refuxiadas falecidas no camiño cara a Europa


Da Rede de Refuxiad@s


Cando se cumpren 2 anos do acordo asinado entre a UE-TURQUÍA e da Pechadura de Fronteiras, a Rede Galega en apoio as persoas Refuxiadas celebra as Xornadas . Refuxiad@s, respostas Solidarias.

Trátase dunha iniciativa coa que a Rede quere esixir ás Institucións internacionais, estatais e autonómicas o cumprimento dos Regulamentos en materia de Asilo e Refuxio, reivindicar o respecto aos Dereitos Humanos nas Fronteiras e no interior do espazo SCHENGEN e recordar a todas as persoas migrantes e refuxiadas falecidas no camiño cara a Europa.

Estas xornadas celébranse en catro cidades galegas, Santiago, Vigo , Coruña e Ferrol e que comezou o día 21 e prolóngase até o 25 de febreiro, día en que terá lugar unha Concentración a nivel Estatal para recordar este segundo aniversario da Pechadura de Fronteiras, ás 12 do mediodía no Toural, Santiago de Compostela.

En Ferrol- Día 24 - Contaremos coa intervención de: Alessandro Forina da "Rede Solidaria de Acollida de Madrid", Ernesto Maleno de "Camiñando Fronteiras".

Fadile Chami, siria, da "Organización Activista Sirio-Galega" e Saínza Ruíz Concelleira Delegada de Benestar Social en Ferrol.

Dita Xornada será o sábado día 24 de Febreiro de 11:00 a 13:00 hs na Asociación de Veciños Ferrol Vello (Centro Cívico Municipal - Corredoira Curro, nº1).

--
Foro Galego de Inmigración - Coordinadora de Ferrolterra
ferrol.forogalegoinmigracion@gmail.com
https://www.facebook.com/forodeinmigracionferrolterra2015/

Foro Galego de Inmigración
Miguel Fernández (662-307019)- Voceiro/coordenador do Foro Galego de Inmigración
FORO GALEGO DE INMIGRACIÓN
Rúa San Roque 6-bis. C.P. 15704 - Santiago de Compostela
foroinmigracionsantiago@yahoo.es - 981-576 142
http://www.forogi.wordpress.com

Enviado por:
Inmigracion Ferrolterra
-ferrol.forogalegoinmigracion@gmail.com-
22 de fevereiro de 2018 16:54

_____________________

domingo, xaneiro 21, 2018

O Foro Galego de Inmigración, reunido esta fin de semana en Ferrol, entre outras resolucións, acordou promover un Encontro Aberto dos movementos sociais para artellar unha acción conxunta que formule as modificacións precisas do anteproxecto que desenvolve e regula a Lei de Inclusión Social que integra a Risga, para que entre outras cousas, esta contemple o acceso á mesma das persoas en situación de irregularidade administrativa


O Foro Galego de Inmigración, reunido esta fin de semana en Ferrol, entre outras resolucións, acordou promover un Encontro Aberto dos movementos sociais para artellar unha acción conxunta que formule as modificacións precisas do anteproxecto que desenvolve e regula a Lei de Inclusión Social que integra a Risga, para que entre outras cousas, esta contemple o acceso á mesma das persoas en situación de irregularidade administrativa. Este anteproxecto recibiu alegacións dentro do prazo que rematou o pasado venres 19 de xaneiro. Temos que destacar que esta é unha Lei que foi aprobada en 27 de novembro de 2013 e que se previa o seu desenvolvemento en seis meses unha vez aprobada(Estamos en xaneiro de 2018). A súa falta de desenvolvemento e regulamentación provocou unha situación de arbitrariedade á hora de conceder as axudas, estado de cousas que vai seguir, pois a súa aprobación definitiva está previsto que sexa para despois do verán. Esta desidia institucional do goberno da Xunta e en particular da Consellaría de Política Social, está provocando indefensión e inxustiza sobre o sector da poboación máis vulnerábel. Consellaría da que é responsábel José Manuel Rey Varela, o mesmo que di que o pobo de Ferrol clama por el, para que volva de Alcalde, despois de perder case 3.500 votos nas últimas eleccións municipais, despois da súa nefasta política municipal e querer enganar-nos cun falso saneamento.

FORO GALEGO DE INMIGRACIÓN

CAMPAÑA POLO DECRETO DA RISGA QUE EXCLÚE ÁS PERSOAS MIGRANTES EN SITUACIÓN DE IRREGULARIDADE ADMINISTRATIVA DESTA PRESTACIÓN BÁSICA

Na xuntanza asemblearia do Foro Galego de Inmigración celebrada este sábado día 19 de Xaneiro en Ferrol (no Ateneo desa cidade), as persoas en representación das asociacións e entidades do Foro procedentes de diferentes lugares de Galicia.

ACORDAMOS:

Promover unha Campaña, cun Encontro Aberto con outras entidades sociais, colectivos e movementos sociais interesados nesta cuestión, para artellar unha Declaración Conxunta que recolla as principais modificacións que serían imprescindibles para facer minimamente asumible este Decreto, entre ás que naturalmente propoñeremos o acceso a esta prestación para o colectivo de persoas en situación de irregularidade administrativa. Ademáis incluiremos outras propostas que se acorden no marco dese Encontro Aberto no que convidaremos a entidades sociais significativas, redes e movementos sociais, colexios profesionais implicados e outros grupos e persoas interesadas.

Despois de presentar alegacións formais o Decreto e unha vez rematado ese prazo, antes da aprobación definitiva no mesmo queremos facer un chamamento ás entidades e movementos e a cidadanía en xeral para tentar evitar unha inaceptable discriminación dun colectivo e facer posible tamén para toda a cidadanía un dereito social, a través dunha renda mínima decente.

--
Foro Galego de Inmigración - Coordinadora de Ferrolterra
ferrol.forogalegoinmigracion@gmail.com
En Ferrolterra podes atopar-nos no Facebook.

Foro Galego de Inmigración
Rúa San Roque 6-bis. C.P. 15704 - Santiago de Compostela
foroinmigracionsantiago@yahoo.es - 981-576 142
http://www.forogi.wordpress.com

Enviado por:
Foro Inmigracion Ferrolterra
-ferrol.forogalegoinmigracion@gmail.com-
21 de janeiro de 2018 17:1

_________________

Documentación:
PROXECTO  DE  DECRETO  DE DESENVOLVEMENTO DA LEI 10/2013, DO 27 DE NOVEMBRO, DE INCLUSIÓN SOCIAL DE GALICIA, NO RELATIVO Á TRAMITACIÓN DA RENDA  DE  INCLUSIÓN SOCIAL DE GALICIA  E  DAS AXUDAS DE INCLUSIÓN SOCIAL. | 151 páxinas en formato pdf | Acceder/Baixar.

Relacionadas:

* O Foro Galego de Inmigración, reune-se en Ferrol esta fin de semana - Sábado 20 de xaneiro ás 11 da mañá no Ateneo Ferrolán - Como se ten acordado con antelación de rotar polas diferentes comarcas da Galiza, comeza-se o ano facendo a súa xuntanza de coordinación galega en Ferrolterra. | Ir á Web.

* Campaña de alegacións colectivas ao decreto da RISGA - Fronte a “esmola social” da RISGA e do resto de políticas sociais propoñemos a creación dun novo dereito que supere a política vixente prestacións e axudas sociais que non eliminan nin o empobrecemento nin a desigualdade - Modelos Alegacións. | Ir á Web.

Modelo Alegacións presentadas:

modelo_alegacion_decreto_RISGA.odt_____________

xoves, xaneiro 18, 2018

O Foro Galego de Inmigración, reune-se en Ferrol esta fin de semana - Sábado 20 de xaneiro ás 11 da mañá no Ateneo Ferrolán - Como se ten acordado con antelación de rotar polas diferentes comarcas da Galiza, comeza-se o ano facendo a súa xuntanza de coordinación galega en Ferrolterra


O Foro Galego de Inmigración, reune-se en Ferrol esta fin de semana, o sábado 20 de xaneiro ás 11 da mañá, no salón de actos do Ateneo Ferrolán. Como se ten acordado con antelación de rotar polas diferentes comarcas da Galiza, comeza-se o ano facendo a súa xuntanza de coordinación galega en Ferrolterra. Para tartar asuntos de tanta importancia como son: a Rede Galega en Defensa da Saúde; a Rede Galega en Apoio ás Persoas Refuxiadas (Actividades entorno ao día dos dereitos humanos e o día Mundial das Migracións); as actuacións sobre acceso a axudas e prestacións sociais para o colectivo de persoas (especialmente menores) en situación de irregularidade administrativa; a análise da Resposta da Consellería de Política Social e pendente a xuntanza con Educación; propostas para continuar con demandas tan importantes como a campaña de alegacións contra o borrador de decreto que regula a RISGA, lembrar que remata o prazo de recurso este 18 de xaneiro; a proposta para ir artellando o Encontro Final do Foro deste curso entorno a temática do emprego doméstico; ir avanzando nas cuestións de comunicación que queriamos ir cambiando este curso no Foro; e outros asuntos que se incorporen e sexa necesario tratar.

Día: sábado 20 de xaneiro.
Horario: De 11:00 a 13:00 horas.
Lugar: Ateneo Ferrolán, Rúa Madalena, 202-204 (Ferrol).

--
Foro Galego de Inmigración - Coordinadora de Ferrolterra
ferrol.forogalegoinmigracion@gmail.com

FORO GALEGO DE INMIGRACIÓN
Rúa San Roque 6-bis. C.P. 15704 - Santiago de Compostela
foroinmigracionsantiago@yahoo.es - 981-576 142
http://www.forogi.wordpress.com

Información baseada na enviada por:
Foro Inmigracion Ferrolterra
-ferrol.forogalegoinmigracion@gmail.com-
17 de janeiro de 2018 22:09

________________

sábado, setembro 30, 2017

Rematou o Prazo: A Rede Galega de Apoio ás Persoas Refuxiadas, convoca mañá sábado 30 de setembro, mobilizacións, coordinando con toda Europa - En Ferrolterra será ás 11:30 na Praza de Armas.


A Rede Galega de Apoio ás Persoas Refuxiadas, convoca mañá sábado 30 de setembro, mobilizacións, coordinando con toda Europa.

En Ferrolterra será ás 11:30 na Praza de Armas.


Convoca a Concentracións en toda Galicia o día 30 de setembro , dado que terminou o prazo para acoller a cota de persoas refuxiadas que lle pertencía ao Estado español. De 17.333 persoas refuxiadas só acolleu 1.983, vítimas de guerra que tiveron que fuxir do seu país e piden refuxio. 1.983 refuxiados é unha cifra miserable, ridícula, para a capacidade que ten un Estado como o español.

O criminal acordo da Unión Europea explica esta situación: os europeos pechamos as nosas fronteiras e enviamos de xeito forzosa á xente para Turquía a campos de concentración dos cales non poden saír.

Somos culpables das mortes do Mediterraneo, conseguindo que miles morresen nos dous últimos anos, mulleres, homes e nenos.

É UNHA CUESTIÓN DE HUMANIDADE, NON PODEMOS CONSENTIR QUE EN ESPAÑA SE INCUMPRAN OS DEREITOS HUMANOS.

http://rederefuxiadas.org

Foro Galego de Inmigración - Coordinadora de Ferrolterra
ferrol.forogalegoinmigracion@gmail.com
https://www.facebook.com/forodeinmigracionferrolterra2015/

Foro Galego de Inmigración
Rúa San Roque 6-bis. C.P. 15704 - Santiago de Compostela
foroinmigracionsantiago@yahoo.es - 981-576 142
http://www.forogi.wordpress.com

Info baseada na enviada por:
susana beatriz alaníz gonzález
-sual259@hotmail.com-
28 de setembro de 2017 22:40
________________