Amosando publicacións coa etiqueta Francisco Jorquera. Amosar todas as publicacións
Amosando publicacións coa etiqueta Francisco Jorquera. Amosar todas as publicacións

martes, abril 06, 2021

Néstor Rego avanza novas iniciativas para urxir ao Goberno do Estado a construción do baipass ferroviario en Betanzos - A obra permitiría reducir considerabelmente o tempo de duración do tramo ferroviario entre Coruña e Ferrol - BNG defende a modernización da vía ferroviaria entre Betanzos, A Coruña e Ferrol como medio de transporte de proximidade sustentábel co medio ambiente e que permitiría artellar unha mellor comunicación no Golfo Ártabro


O deputado do BNG, Néstor Rego, reclamou na Estación de ferrocarril Betanzos-Infesta a construción do baipass ferroviario despois de que o goberno do Estado rexeitase as emendas presentadas pola formación nacionalista aos Orzamentos Xerais do Estado, e que anunciara que non vai executar sequera os 128.000 euros previstos para o 2021 por non consideralo unha prioridade. Rego estivo acompañado polos voceiros municipais do BNG en Betanzos, Amelia Sánchez, en Ferrol, Iván Rivas, e A Coruña, Francisco Jorquera.

A organización nacionalista visitou a instalacións da estación de ferrocarril Betanzos-Infesta onde as vías non tiveron modificacións substanciais desde a súa construción hai máis de cen anos, en 1913.  “Nesta liña tárdase practicamente o dobre- 80 minutos- indo en tren que facendo o mesmo traxecto en coche. Trátase dunha vía mal deseñada xa que parte dunha visión centralista de conexión Ferrol coa meseta mais non a comunicación entre dúas das cidades galegas máis importantes como A Coruña ou Ferrol” explicou o deputado mentres sinalaba  a perda de tempo que supón non ter un baipass en Betanzos que permita unha maior fluidez do tráfico ferroviario.

Así mesmo, Rego lembrou que o BNG presentara emendas, nos Orzamentos Xerais do Estado, tanto para a construción do baipass, de 20 millóns de euros, como para iniciar os traballos de modernización da liña Ferrol-A Coruña-Betanzos, de 10 millóns de euros. PSOE e UP rexeitaron as emendas e, na actualidade, os OXE só mantén a cantidade “ridícula” de 128 mil euros que permitiría comezar as obras da infraestrutura, mais que o Goberno xa anunciou que non ten intención de executar.

O que nos atopamos é que o Secretario de Estado de Infraestruturas recentemente anunciou que esta non era unha prioridade e, polo tanto, que esta obra non se ía facer aínda” recriminou Rego. Neste sentido, o deputado nacionalista avanzou novas iniciativas no Congreso para urxir ao Ministerio de Transportes, Mobilidade e Axenda Urbana a “actuar e facelo xa porque esta obra é perfectamente asumíbel dentro dos orzamentos do Ministerio- con independencia de que non haxa unha partida específica- mais si partidas xenéricas que se poden destinar a este fin”. Rego afirmou que é unha obra “absolutamente necesaria” para reducir o tempo e que o transporte ferroviario entre Ferrol e A Coruña “fose máis atraente” e gañase usuarias e usuarios.

Pular por un medio de transporte sustentábel


A formación nacionalista aposta pola conexión ferroviaria entre as principais vilas e cidades do país porque “é un medio de transporte sustentábel. O deputado recriminou que o executivo español “ten abandonadas as infraestruturas ferroviarias, particularmente as de conexión interior e este é un exemplo dos máis evidentes mais é un caso que se debe resolver canto antes. Mentres no resto do Estado o Goberno inviste para modernizar o transporte de proximidade, tanto de transporte como de viaxeiros, na Galiza non existen aínda conexións entre as diferentes cidades, mais para o Ministerio segue sen ser unha prioridade”.

Pola súa banda, a voceira do BNG en Betanzos, Amelia Sánchez, destacou a oportunidade que se pode xerar coa construción do baipass, constituíndo unha “liña de transporte público alternativo, de calidade e, ao mesmo tempo, sustentábel e ecolóxico”. A obra tamén permitiría que a veciñanza de Betanzos se puidese comunicar “tanto coa Coruña como Ferrol dunha maneira viábel e nun tempo factíbel”.

Artellar o Golfo Ártabro

Para o voceiro municipal do BNG no concello da Coruña, Francisco Jorquera, é precisa a construción desta infraestrutura para a “futura implantación de servizos de proximidade que contribúan a artellar toda a zona”. Esta liña, ademais de Ferrol-Betanzos-A Coruña tamén "permitiría enlazar cos polígonos industrias e mesmo co centro da cidade coruñesa pola conexión ferroviaria do porto”.

A obra debera, ademais de construír o baipass de Betanzos, acometer a electrificación da liña, corrixir trazados sobre todo nas curvas máis pronunciadas e incrementar os puntos de cruce para que poidan ir trens nas dúas direccións”. enumerou Jorquera durante a súa intervención para atallar os problemas de mobilidade que posúe A Coruña.

Conexión Ferrol

O voceiro de Ferrol, Iván Rivas, apuntou a que o illamento que sofre a comarca de Ferrol débese a falta de vontade política por parte de PP e PSOE que “están sendo cómplices deste deseño centralista”. Así mesmo, incidiu na necesidade de reverter “esta dinámica que non se vai resolver mediante estudos senón con consignacións orzamentarias e que o alcalde de Ferrol debería estar exixindo”.

Ferrol | Web | Facebook | Twitter.


bng@ferrol.es


Ferrolterra | Web.


Enviado por:
Inácio GZ
-inaciogz@gmail.com
6 de abril de 2021 10:45

_______

xoves, xullo 12, 2012

Francisco Jorquera, na súa intervención no Parlamento Español, pide e dimisión de Rajoy - vídeo


@jorqueracaselas pide a dimisión de Rajoy por ter convertido o Estado Español en Grecia 2

Francisco Jorquera, Deputado do BNG no Congreso, que interveu no debate onde o presidente do goberno anunciou os maiores recortes sociais e laborais da historia da democracia.


http://youtu.be/xIDIghpJgTw
________________

xoves, marzo 15, 2012

Jorquera pregunta ao presidente do goberno sobre o rexime fiscal do naval na Unión Europea - Vídeo - Chegan a pé a Compostela os traballadores do naval de Ferrol, en demanda de carga de traballo


http://youtu.be/4JTEfJ-kpv8


Francisco Jorquera [*], deputado do BNG no Congreso, pregunta a Mariano Rajoy sobre o rexime fiscal do naval na Unión Europea.

[*] Francisco Xesús Jorquera Caselas, naceu en Ferrol o 31 de agosto de 1961. Deputado da IX e X lexislaturas. Licenciado en Xeografía e Historia pola Universidade de Santiago de Compostela. Residente na Coruña. Inicia a súa militancia no nacionalismo galego no curso 1978-1979 na organización estudantil ERGA, ...
|Máis Info|

Fonte: Canle da tlvbng

O que a Moncloa di sobre a Sesión de control en el Congreso do 14 de Marzo:
La Moncloa.


Chegan a pé a Compostela os traballadores do naval de Ferrol, en demanda de carga de traballo - Contra as 10:30 horas deste xoves xuntaranse na explanada do estadio de San Lázaro desde onde irán en manifestación até San Caetano

Contra as 19:00 horas entraban en Compostela os máis dun cento de delegados e delegadas de Navantia Fene-Ferrol e das auxiliares que participaron na marcha a pé que saíu onte da Coruña. Logo de pasar a noite no Monte do Gozo, mañá xoves uniranse aos compañeiros e compañeiras que chegarán en autobuses contra as 10:30 horas da mañá, para saír en manifestación até o edificio administrativo da Xunta de Galiza, en San Caetano, onde unha representación do persoal agarda manter un encontro co Conselleiro de Industria.

|Máis Info en Avantar|
___________

domingo, setembro 04, 2011

Gaspar Llamazares no Congreso, o 30 de Agosto e intervención de Francisco Jorquera, do 2 de Setembro, en contra do #reformazo - Vídeos de moito interese - Mobilización o 4 de Setembro


Mañá Domingo está convocada unha mobilización estatal contra do #reformazo que se acaba de aprobar en trámite parlamentario no congreso dos Diputad@s. A Asemblea de Ferrol do Movimento 15-M, tamén ten convocado unha concentración para mañá Domingo 4 de Setembro de 2011, na Praza do Concello, ás 8 da Tarde. Participa non faltes !!

----

Intervención de Gaspar Llamazares:

Intervención do diputado de Esquerda Unida, no debate de toma en consideración da proposición de reforma constitucional o 30 de agosto de 2011. Congreso de Deputados, Madrid.



Fonte: http://youtu.be/yLgR4Dnibt4



Francisco Jorquera di non ao #reformazo
:

O parlamentario do Bloque Nacionalista Galego -BNG, critica a reforma nas formas e no contido. Moi importante intervención no Congreso de Deputados, en Madrid, o día da votación, 2 de Setembro de 2011.



Fonte: http://youtu.be/JMk8H6RGhkI

O portavoz do BNG no Congreso, Francisco Jorquera, expresou o "total e absoluto rexeitamento do BNG, tanto polo contido como pola forma antidemocrática" da reforma da Constitución pactada entre PP e PSOE, e demandou un referendo. En sinal de protesta, os parlamentares do BNG aos que se uniu senador nacionalista, abandonaron o hemiciclo no momento das votacións.

Salientou o feito de que con esta reforma o modelo social definido pola Constitución será "papel mollado". Jorquera puxo sobre a mesa a proposta do BNG explicada na súa emenda de totalidade para que se reformen os artigos 131 e 133 da Constitución para desenvolver unha política tributaria xusta e equitativa que asegura o mantemento dos servizos públicos e as prestacións sociais. Defendeu o papel da iniciativa pública na actividade económica. Sen obviar o importante papel das CC.AA que teñen unha dupla finalidade: equilibrar e armonizar o desenvolvemento territorial e sectorial, e estimular o medre da renda e da riqueza e a súa máis xusta distribución.

Fonte: http://www.youtube.com/user/TELEBNG

Fonte: http://sagara1977.wordpress.com/

Fonte: http://www.youtube.com/user/TheSagara1977 -

Soraya Sáenz de Santamaría defende o dogma neoliberal do equilibrio financeiro:

Neste Canle Sagara1977 podese-se ver tamén á deputada dereitista do PP, Soraya Sáenz de Santamaría, defendendo a proposición de reforma da Constitución para introducir o dogma neoliberal do equilibrio financeiro. Madrid, Congreso de Deputados, 2 de Setembro de 2011.

Canle de vídeo interesante onde se poden ver outras intervención de interese, co a de Unxue BarKos deputada de Nafarraoa Bai e moitos outros.

Utópico terminando o prólogo
Blog experimental de Samuel García Arencibia
A reforma da Constitución no péndulo da Historia

Vídeo divulgativo: Reforma da Constitucion: "Golpe de Estado Neoliberal"



Fonte: http://youtu.be/4jbWqAjrBRM
_______________