Amosando publicacións coa etiqueta Iniciativa Cidadá de Mugardos. Amosar todas as publicacións
Amosando publicacións coa etiqueta Iniciativa Cidadá de Mugardos. Amosar todas as publicacións

luns, xuño 01, 2015

Iniciativa Cidadá de Mugardos, en consonancia co seu compromiso de participación e transparencia, celebrou unha asemblea pública onde se acordou un regulamento para celebrar a Consulta Popular sobre o voto de investidura e un punto para adaptar o Códico Ético


A Iniciativa Cidadá de Mugardos celebrou este sábado 30 de maio, pola tarde no Centro Cívico Municipal, na que se aprobou a adaptación do punto 2.4 do seu Código Ético e o Regulamento para a Consulta Popular sobre a voto de investidura. Asistiron derredor das 50 persoas e designouse unha Coordinadora da Consulta Popular que será o órgano que arbitre a votación. Estará formada por 7 persoas, das cales unha ostentará a presidencia e 6 formarán parte das dúas mesas electorais que situaremos en Mugardos e Franza. En Mugardos votarán aquelas persoas que declaren como parroquia de residencia Mugardos ou Meá, e en Franza as que declaren Franza/O Seixo ou San Xoán de Piñeiro.

A agrupación electoral Iniciativa Cidadá de Mugardos acadou nos pasados comicios municipais a confianza de 540 persoas (18,25%) e unha representación 3 persoas no Pleno da Corporación. Fíxoo en base a un proxecto baseado na participación cidadá, a transparencia, a renovación, a apertura e a normalización social da vida política. Apostamos firmemente polas consultas populares: a nosa candidatura naceu dunhas primarias abertas e o o noso Código Ético no punto 1.9 contempla a consulta directa sobre cuestións estratéxicas que afecten ás nosas posicións.

En virtude diso, e perante o Pleno de Investidura que se celebrará en Mugardos o vindeiro sábado 13, Iniciativa Cidadá de Mugardos convocou unha esa asemblea pública que aprobou o regulamento que rexerá citada a Consulta Popular que decida o seu posicionamento.

Transmitimos, ademais, a nosa intención de manter puntualmente informada a toda a poboación sobre os pasos que día a día nos atinxen desde un “Diario Post-Electoral” que desde o martes 26 veñen publicando tanto na súa web como na páxina Facebook.

Na súa web publican diariamente o “Diario Post-Electoral” para manter informada á cidadanía dos pasos que como iniciativa levan a acabo. Un grande esforzo que precisa a promoción da participación cidadá e o compromiso de transparencia.

Na súa web publican:
"Durante os vindeiros días, ata o 9 de xuño, a xente que comparta o Manifesto da Iniciativa Cidadá de Mugardos poderá apoialo publicamente nas follas de sinaturas que a Coordinadora da Consulta Popular porá a disposición pública. Poderán asinalo todas aquelas persoas maiores de 16 anos que acrediten a súa residencia en Mugardos e non fosen membros doutra candidatura que concorrese ás eleccións municipais do 24 de maio. Poderedes consultar o documento final deste Regulamento en canto o equipo de Organización faga pública a acta de hoxe coas súas modificacións.

O 9 de xuño queremos ter pechadas xa as opcións de voto na consulta para que a xente poida coñecer exactamente o resultado das súa decisión. Que saiban exactamente que goberno resultaría de unha ou outra opción. O seguinte día, mércores 10, celebraremos un acto público de información e debate sobre as propostas de voto e o xoves 11, dous días antes do Pleno de Investidura, celebraremos a Consulta Popular cuxo resultado será vinculante para as 3 persoas que representarán os 540 votos da Iniciativa Cidadá de Mugardos
".
Para máis info acceder aos seus sitios na rede.

Iniciativa Cidadá de Mugardos
Javier García Dieste

En Twitter: www.twitter.com/icmugardos
En Facebook: www.facebook.com/iniciativacidadademugardos
Web: www.iniciativacidadademugardos.org
Correo-e: iniciativacidadademugardos@gmail.com

Resultados en Mugardos, nas Eleccións Locais 2015:
http://www.resultadoslocales2015.interior.es/99MU/DMU1115905199_L1.htm?d=1197&e=0

Información baseada na da web e na enviada por:
Iniciativa Cidadá de Mugardos
-iniciativacidadademugardos@gmail.com-
29 de maio de 2015 16:11

___________________

mércores, marzo 18, 2015

Constituída a Iniciativa Cidadá de Mugardos - José Antonio Cortizas Vázquez e Javier García Dieste, presentanse ás primarias da iniciativa cidadá


Constituída a Iniciativa Cidadá de MugardosA veciñanza mugardesa organizada na procura da normalización da participación política, aberta e colaborativa.

Así comeza o seu manifesto:
"Existe un desexo de profundo cambio social, incubado durante anos con antecedentes nas políticas alternativas xurdidas en Porto Alegre, e que tivo no noso país o seu primeiro estoupido hai 4 anos no 15M e hoxe co nacemento de novas formas de estructuar a participación política da sociedade. En Mugardos somos tamén moita xente que desexa dar ese paso histórico en prol de novas formas de facer política que, temos o convencemento, serán as que rexan o futuro".
José Antonio Cortizas Vázquez e Javier García Dieste, presentanse ás primarias da iniciativa cidadá. O xoves día 19 de marzo, remata o prazo para candidatar-se. Todo isto aberto a tódalas persoas que asinen o Manifesto, polo que canta mais xente participe máis representativo será.

Explicación rápida:

Que se elixe?
Escóllense as persoas que integrarán a candidatura da Iniciativa Cidadá de Mugardos nos 7 primeiros postos.

Quen pode votar?
Todas aquelas persoas maiores de 16 anos residentes en Mugardos que teñan asinado publicamente o Manifesto antes do 25 de marzo.

Quen pode candidatarse para ser elixida/o?
Todas aquelas persoas maiores de 18 anos que subscriban o Manifesto e Código Ético e conten co aval de 5 persoas asinantes do Manifesto.

Como se elixe o resto da candidatura?
Farase de xeito consensuado ou maioría en asemblea aberta. O mesmo acontecería co primeiro tramo da candidatura de non acadar 7 candidatas/os que garantan o cumprimento da lei de paridade."

Toda a información ao detalle podédela atopar aquí noa súa web | Ir á web.

Para coñecer a iniciativa mugardesa hai varios sitios na rede, como a súa web, a conta de facebook ou de twitter, mais é unha iniciativa participativa que realiza actos polas parroquias e barrios mugardeses. A intención da Iniciativa Cidadá de Mugardos é a de formar parte da cooperación dos espazos de unidade a nivel galego, xunto ás mareas, candidaturas de unidade popular e outras iniciativas municipalistas.

Quen son? así respostan as propias persoas que promoven a Iniciativa:

Quen somos?

Somos un grupo de veciñas/os con ilusión, que perante a posibilidade de poder decidir que Mugardos queremos nos vindeiros anos, damos un paso adiante para que se nos escoite e se teña en conta o noso proxecto. Contamos cun amplo grupo de traballo aberto, con xente de todas as parroquias para facer de ponte entre os nosos veciños e o Concello. A Iniciativa Cidadá de Mugardos é unha alianza de persoas, non de siglas, polo que non dependemos de intereses alleos ás nosas propias veciñas e veciños. Chegou a hora de que sexamos todos os cidadáns do municipio os que tomemos as rendas do noso pobo.

Que queremos?

Queremos que se nos escoite, participar na construcción do Mugardos do futuro. Queremos vivir nun pobo xestionado con transparencia, que as veciñas e veciños sexan tidos en conta cada día do ano, non cada catro anos. Queremos abrir as portas e as fiestras para que entre aire fresco no Concello e que entre todos fagamos de Mugardos un lugar do que sentirnos orgullosos.

Que ofrecemos?

Ofrecemos cercanía, compromiso coa veciñanza, capacidade humana para sacar todas as ideas adiante. Ofrecemos transparencia, traballo duro nun ambiente de cordialidade co resto de compañeiras/os políticas/os. Ofrecemos a posibilidade de que tódalas persoas de Mugardos poidan participar nas decisións importantes do noso Concello. Ofrecemos as nosas mans para traballar e os nosos oídos para escoitar.

Para contactar:
iniciativacidadademugardos@gmail.com

http://www.iniciativacidadademugardos.org/

https://www.facebook.com/iniciativacidadademugardos

https://twitter.com/icmugardos


______________