Conversas abertas con Ana Pontón en Ferrol, hoxe 21 de xuño, ás 8 da tarde, no Centro Cívico de Canido, tamén coa participación de Iván Rivas

A situación económica que estamos a vivir provoca que as súas consecuencias incidan de xeito directo sobre as costas das maiorías sociais polo que cómpre, máis que nunca, pensar e erguer alternativas.

Son destas propostas e das alternativas do nacionalismo para superar está crise das que queremos falar este martes 21 ás 20 horas no Centro Cívico de Canido xunto a Ana Pontón e Iván Rivas.

Ferrol, a 16 de xuño, de 2022

Bloque Nacionalista Galego

Ferrol | Web | Facebook | Twitter.

Ferrolterra | Web.



Enviado por:
BNG
-bng@ferrol.es-
16 de junho de 2022 12:56
_______

As propostas do BNG para o futuro de Ferrolterra - Coa presencia de Ana Pontón - O xoves 24 de xuño, às 8 da tarde, na praza de Armas

Acto público do BNG en Ferrol coa intervención de Ana Pontón

Diante da situación socio-económica que esta a atravesar a nosa cidade, por todas coñecida, e diante da política de anuncios e máis anuncios, propostas de pactos de Estado que non levan aparellado ningún compromiso concreto e real, O BNG vai desenvolver un acto político co que poder trasladar o posicionamento da nosa organización, sobre o momento actual e o comportamento da Xunta e o goberno Central.

Interviran no acto público o deputado no Parlamento Galego, Mon Fernández, o portavoz do grupo municipal do BNG no Concello de Ferrol, Iván Rivas, a concelleira d'As Pontes Silvia Pardo, tamém este acto que contará coa presencia da portavoz nacional do BNG, Ana Pontón.

O Acto Público terá lugar o vindeiro xoves 24 de xuño às 20 horas na praza de Armas de Ferrol.

Bloque Nacionalista Galego de Ferrol.

Ferrol | Web | Facebook | Twitter.

Ferrolterra | Web.

Enviado por:
BNG
-bng@ferrol.es-
1 de junho de 2021 14:26
_______

Acto do BNG sobre o impacto dos parques eólicos en Ferrol e na Galiza - O martes, 1 de xuño, ás 8 da tarde no Patio do Centro Cultural Torrente Ballester - Coa participación de Iván Rivas e a deputada no Parlamento Galego, Noa Presas

Acto sobre o impacto dos parques eólicos en Ferrol e na Galiza

O vindeiro martes, 1 de xuño, às 20 horas no Patio do Centro Cultural Torrente Ballester imos celebrar un acto público baixo o título: “O impacto dos parques eólicos en Ferrol e na Galiza”

No mesmo participará o portavoz municipal do BNG en Ferrol, Iván Rivas, e a Deputada do BNG no Parlamento Galego, Noa Presas.

Desta vez e por motivos de seguridade derivados da covid-19 temos un aforo limitado polo que pregamos confirmar antes a asistencia, enviando un mail a bngferrol@gmail.com.

Ferrol | Web | Facebook | Twitter.


bng@ferrol.es

Enviado por:
BNG
-bng@ferrol.es-
28 de maio de 2021 17:17
_______


#NonInvasionEolica

#GalizaContraAmezaEolica

#MontesDeBrionPaqueEolicoNon

#RepartoXustoFondosEuropeosNextGeneration

_______

O BNG demanda melloras na sanidade e chama a secundar ás mobilizacións de SOS-Sanidade Pública - Iván Rivas, portavoz municipal do BNG, considera que é preciso implementar medidas que nos fagan saír da actual situación para o que é preciso reforzar a sanidade pública e deixar de insistir nun proceso de privatización e adelgazamento dese servizo básico ao que temos todas dereito

O Bloque Nacionalista Galego de Ferrol desenvolveu esta mañá un reparto informativo coa participación do portavoz municipal, Iván Rivas, e do Deputado, Mon Fernández, para dar a coñecer as súas propostas de cara a mellorar a sanidade pública e facer unha chamada á participación na mobilización convocada por SOS Sanidade Pública mañá mércores 21 de abril, ás 20 horas, diante do ambulatorio.

Iván Rivas, portavoz municipal do BNG, considera que é preciso implementar medidas que nos fagan saír da actual situación para o que é preciso reforzar a sanidade pública e deixar de insistir nun proceso de privatización e adelgazamento dese servizo básico ao que temos todas dereito.

Rivas indicou que a crise sanitaria da Covid 19, como en tantos outros aspectos da nosa vida cotiá, deixou ao descuberto as consecuencias de décadas de políticas de acoso e derribo da sanidade pública desenvolvidas tanto pola Xunta de Galiza como polo goberno do estado. A situación que vivimos ao longo destes meses é produto da falla de recursos económicos que a administración estatal asigna aos galegos e galegas para xestionar unha sanidade descentralizada na xestión, pero ferreamente controlada e centralizada na súa dotación económica. Por outra parte é produto dunha xestión deses recursos económicos por parte da Xunta de Galiza orientados cara o adelgazamento da sanidade pública e a promoción da sanidade privada.

En Ferrol vivimos esta realidade dunha maneira máis crúa, se cabe. Evidenciouse na salvagarda desa sanidade privada a cal non se lle derivou un só paciente con Covid 19, ao longo da última vaga deste ano 2021. Evidenciouse tamén na carencia de recursos humanos e que pese a existir os espazos para poder desenvolver a atención a eses pacientes tiveron que ser derivados a outras áreas sanitarias como a de Lugo e Pontevedra produto de non contarmos cos medios e os recursos humanos para poder atendelos e se evidenciou en que existen, a dia de hoxe, listas de espera de semanas para conseguir unha cita, situacións provocadas polo peche de centros de atención primaria ao longo dos últimos anos, como o exemplo do consultorio da Graña pechado no mandato do PP nesta cidade.

Iván Rivas afirmou que en Ferrol e nesta comarca o obxectivo pasa por dotar e mellorar a atención primaria, reabrindo os consultorios pechados como o da Graña, pasa por mellorar o cadro de persoal dotándoo dos recursos humanos que permitan poñer a funcionar areas hoxe clausuradas como as que existen no Hospital Naval. Pasa por acometer dunha vez os investimentos durante tanto tempo demandados para a renovación do complexo hospitalario da cidade e pasa por desenvolver un plan de choque para a reactivación das intervencións cirúrxicas, das probas e das consultas presenciais.

Para o BNG se algo debemos ter aprendido do que ten acontecido ao longo do último ano é que a sanidade pública é un dos nosos piares como sociedade e o obxectivo pasa por reforzala, mellorala e consolidala para o futuro. Por siso facemos unha chamada a secundar a mobilización convocada mañá na nosa cidade pola plataforma SOS Sanidade Pública.

Ferrol 20 de abril de 2021.

Ferrol | Web | Facebook | Twitter.

Ferrolterra | Web.



Enviado por:
Inácio GZ
-inaciogz@gmail.com-
21 de abril de 2021 08:02
_______

O BNG bota en falta compromisos concretos na 'visita turística' da presidenta de Navantia aos estaleiros da ría - Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría

O BNG bota en falta compromisos concretos na "visita turística" da presidenta de Navantia aos estaleiros da ría. | Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría.

Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría.

Iván Rivas, censurou e cualificou, tamén, como inaceptábel que desde o goberno da cidade non se lle esixira a máis mínima explicación respecto da actual situación da empresa e o seu futuro. Unha mostra máis do servilismo e a compracencia coa que o alcalde da cidade se comporta diante do goberno do estado.

Para Iván Rivas, os compromisos de Navantia deben pasar pola incorporación de novo persoal á empresa principal, xusto ao contrario do que está a acontecer no momento actual onde unicamente se están a cubrir vacantes e xubilacións sobre a base dun plan industrial que suporá ao fin unha redución do plantel da empresa principal de máis do 25%.

Defendeu Rivas que o Estado a través da empresa pública debe desenvolver unha política de novas contratacións procedentes de traballadores e traballadoras da industria auxiliar e facelo de maneira inmediata con dous obxectivos. Por unha parte co obxecto de inverter a dinámica de desmantelamento do sector dos últimos anos, con miles de despedimentos na industria auxiliar e sen vincular estes postos á dotación de carga de traballo que a día de hoxe non existe produto dunha política de Estado que baleirou as gradas dos estaleiros. Por outra parte cun obxectivo formativo. Compre avanzar no carácter formativo destas incorporacións co obxecto de preparar aos traballadores e traballadoras do estaleiro para adaptarse ao ámbito civil.

Para acadar este último obxectivo é fundamental executar investimentos nas instalacións actuais que permitan acceder ao mercado civil. Un mercado onde os estaleiros europeos levan anos incrementando o seu volume de negocio e en concreto no ámbito dos buques cruceiro como demostra que o ano 2019 foi o de maior volume de carteira de pedidos do último decenio con 14,6 millóns de toneladas CGT e que supuxeron o 65% das CGT no ámbito da construción civil en Europa.

Os estaleiros ferroláns sería plenamente competitivos neste ámbito da construción naval si existise a vontade política para que así fose e se puxesen os medios para acadalo. Pero que no día de onte a presidenta da empresa non comprometese nin a simple transformación do buque Galicia ou que o Mº de defensa paralice o desenvolvemento do taller de subloques demostra o nulo compromiso que o Estado mantén co noso principal sector produtivo.

Iván Rivas, portavoz municipal do BNG, demanda do alcalde de Ferrol que aclare se vai continuar avalando o desleixo co que o goberno central trata ao naval de Ferrolterra e lembra que nin o goberno central nin ao alcalde da cidade poden facer oídos xordos ás esixencias da nosa comarca reflectidas na mobilización da semana pasada.

Ferrol 16 de marzo de 2021.

Grupo municial BNG. | 16 mar. 2021 - 20:56

Ferrol | Web | Facebook | Twitter.


Ferrolterra | Web.


Enviado por:
Inácio GZ
-inaciogz@gmail.com-
17 de março de 2021 08:50;

______

O BNG propón denunciar na Unión Europea a anulación do pago do IBI de Navantia

O BNG propón denunciar na Unión Europea a anulación do pago do IBI de Navantia

Iván Rivas, afirmou que considera que esta vía é a que debemos adoptar fronte a sentenza do Tribunal Supremo que se salta por riba unha cuestión prexudicial solicitada por parte do xulgado de Ferrol que no seu momento demandaba a Navantia o pago do IBI e a na que se indicaba que os terreos do estaleiro público da nosa cidade estaban suxeitos ao pago do IBI e que a intención de Navantia de non pagar este tributo municipal era contrario ás normas de europeas. Cabe destacar que estas cuestións prexudiciais son de obrigado cumprimento para os tribunais de xustiza dos estados membros da UE.

Iván Rivas, portavoz municipal do BNG en Ferrol, presentou, esta mañá, unha iniciativa, que o pleno municipal debaterá o vindeiro xoves, co obxecto de que o concello de Ferrol presente unha denuncia diante da Unión Europea por infracción do dereito comunitario produto da sentenza do Tribunal Supremo que exime a Navantia do pago do IBI ás arcas municipais.

Iván Rivas sinalou que a situación que vive o concello de Ferrol con respecto á falla de ingresos xa non é soportábel durante moito máis tempo e considera que vai sendo hora que empecemos a tomar este tema en serio.

Iván Rivas, afirmou que considera que esta vía é a que debemos adoptar fronte a sentenza do Tribunal Supremo que se salta por riba unha cuestión prexudicial solicitada por parte do xulgado de Ferrol que no seu momento demandaba a Navantia o pago do IBI e a na que se indicaba que os terreos do estaleiro público da nosa cidade estaban suxeitos ao pago do IBI e que a intención de Navantia de non pagar este tributo municipal era contrario ás normas de europeas. Cabe destacar que estas cuestións prexudiciais son de obrigado cumprimento para os tribunais de xustiza dos estados membros da UE.

A Lei Orgánica do Poder Xudicial obriga a ter que aplicar o dereito da UE conforme ao dereito da xurisprudencia do Tribunal de Xustiza da Unión Europea e as cuestións prexudiciais, a estas alturas, todas temos claro que forman parte e son pezas chave do sistema xurídico da Unión Europea.

Para Iván Rivas é significativo que por parte do goberno local se teña tanta presa en recoñecer a suposta exención do IBI á empresa Navantia en base a unha sentenza que é moi cuestionábel. É totalmente incomprensíbel que o goberno municipal teña tanta presa en anular as liquidacións que neste procedemento xudicial se están a recoller. Estamos a falar de 4,39 millóns de euros aos que o goberno local de Ferrol renuncia sen cuestionar estes aspectos que desde o BNG nos parecen tan obvios e tan evidentes que non ten ningunha lóxica a actuación que está a manter este goberno local.

O BNG explica que o proceso de interposición dunha cuestión prexudicial é sinxelo, o xuíz do estado membro identifica cal é a dubida de aplicación do dereito europeo e con esa dúbida lla transmite ao Tribunal de Xustiza da UE para obter unha resolución e un posicionamento específico. O Tribunal da Unión Europea resolve a dubida e a xustiza do Estado membro ten que aplicar a sentenza en función da resolución que fai o TXUE. Así foi como fixo o xulgado do contencioso administrativo de Ferrol, así o ratificou o TSXG e sorprendentemente o Tribunal Supremos se saltou este ditame e polo tanto infrinxe o dereito recollido por ese tribunal.

O BNG destaca que as cuestións prexudiciais non son interpretativas nin son opcionais, son de obrigada aplicación en función dos criterios que alí se estabelecen e lembra, ademais, que o TXUE é un órgano xerarquicamente superior ao TS e cuxa posición non pode saltarse nin condicionar a aplicación desta sentenza en función dos criterios que alí se estabelecen.

Iván Rivas, insistiu en que nesta cidade temos un problema de ingresos. Ferrol é un caso único en todo o estado pola ocupación que o Ministerio de Defensa ten de máis do 20% do solo urbano da cidade. Os terreos que ocupa a empresa Navantia son unha parte deste problema de Ferrol. O BNG cre que é preciso insistir e afondar na necesidade de modificar a Lei que lle permite ao Ministerio de Defensa manter as bonificacións sobre os tributos locais e é preciso acadar unha compensación económica, nos orzamentos do estado, que sexa capaz de paliar esta perda de ingresos. Para o BNG hai que enfrontar este problema con contundencia, abandonando a demagoxia e enfrontándonos a decisións, como estas, que son absolutamente contraditorias e que van en contra do estabelecido en ámbitos dos que supostamente o estado forma parte e cando menos debería asumir e acatar.

No pleno municipal do xoves o BNG demandará ao goberno local que no prazo de 10 días interpoña esta denuncia, é un trámite sen custo económico, que polo tanto é incomprensíbel que non se adopte en base aos criterios mencionados e diante da evidencia de que a sentenza do Tribunal Supremo se está a saltar os ditámenes do dereito comunitario.

Ferrol, 22 de febreiro, de 2021

Foto: No Concello de Ferrol - 20/04/2019.

Ferrol | Web | Facebook | Twitter.


Ferrolterra | Web.


Enviado por:
Inácio GZ
-inaciogz@gmail.com-
24 de fevereiro de 2021 07:50 

______

O BNG propón un paquete de medidas a implementar no concello de Ferrol para superar a crise do Covid'19 - Suspensión das taxas e tributos municipais, implementar axudas sociais, un orzamento de expansión económica e preservar o emprego

O BNG propón un paquete de medidas a implementar no concello de Ferrol para superar a crise do Covid-19

SUSPENSIÓN DAS TAXAS E TRIBUTOS MUNICIPAIS, IMPLEMENTAR AXUDAS SOCIAIS, UN ORZAMENTO DE EXPANSIÓN ECONÓMICA E PRESERVAR O EMPREGO

O Bloque Nacionalista Galego de Ferrol despois da reunión mantida no día de hoxe co resto de grupos municipais na xunta de voceiros quere facer públicos algúns dos aspectos e propostas que formulou no transcurso desa reunión.

En primeiro lugar, solicitámoslle ao goberno local que acometa a suspensión efectiva de todas as taxas e tributos que existen no concello de Ferrol en concreto da taxa do lixo e da taxa de auga e depuración como xa lle tiñamos comentado na anterior reunión e xa tiñamos solicitado e isto implica que o goberno municipal debería comunicar a EMAFESA que cese na emisión dos recibos que están a chegar a casa dos veciños e veciñas e que comunique que o que ten emitido deixa de ter efecto, ao mesmo tempo, os veciños e veciñas deberían recibir unha comunicación municipal na que se lles informe ao redor da entrada en vigor desta suspensión e que por tanto non teñen que facer efectivos estes pagos.

En segundo lugar, o BNG considera que as axudas que se pretenden implementar e que se circunscriben as actividades de carácter económico teñen que complementarse con axudas de carácter social. Na nosa cidade e na comarca, ao longo desta semana, se teñen desenvolvido moitos ERTES, se teñen producido moitos despedimentos, moitas actividades non poden funcionar e non teñen un mínimo ingreso e isto implica que a nivel social existe unha precariedade respecto dunha parte substancial dos veciños e veciñas desta cidade que non se está a ter en conta e que están a sufrir, non só unha diminución nos seus ingresos habituais, senón tamén unha perda absoluta deses recursos. Polo tanto unha parte substancial das axudas municipais teñen que ser capaces de paliar esta situación mediante unhas bonificacións e incentivos de carácter social

En terceiro lugar, desde o BNG consideramos que a política económica desta cidade ten que mudar de maneira radical. O orzamento que non entrou en vigor para este ano 2020 debe ser reformulado en criterios de expansión económica. Estamos nunha cidade cun nivel de endebedamento que non chega nin ao 20% e por tanto a capacidade que temos de recorrer a préstamos para desenvolver investimentos publico e prestar servizos de carácter esencial e municipal é enorme. Polo tanto cunha previsión de investimento público a curto prazo deberiamos comezar a traballar nun plano de choque para a reactivación non só económica senón social desta cidade

En cuarto lugar, o BNG cre que deberiamos asumir que as empresas que actualmente dependen do concello de Ferrol sexa porque teñen contrato, sexa porque teñen unha concesión de externalización ou sexa porque teñen privatizados servizos que deberían ser de carácter público non poden ou non debería permitírselles que desenvolvan ERTES nin despedimentos, isto implica que todas aquela empresas que sexan dependente desta administración local deberían manter a súa plantilla nas mesmas condicións laborais que tiñan antes de iniciarse esta declaración do estado de alarma e en todo caso o concello deberá reorientar os traballos que se están a desenvolver ou que deberían desenvolver estas traballadoras e traballadores nos servizos que son tan necesarios e urxentes a día de hoxe

Por ultimo todas estas cuestións deberían abordarse o antes posible para poder facelas efectivas nun pleno municipal que debería ter carácter urxente e extraordinario e que conminamos ao goberno municipal a que acometa e adopte a decisión da súa celebración o antes posíbel.

Ferrol 6 de abril de 2020.

Ferrol | Web | Facebook | Twitter.







Xunta de portavoces: info publicada na web do Concello.

Enviado por:
Lupe Ces
-lupeces@gmail.com-
7 de abril de 2020 14:30
@lupeces
http://lupeces.blogspot.com/
_______

Dando contas do que se fai no Parlamento: O diputado galego Nestor Rego en Ferrol: Acto Público do BNG sobre o acordo de investidura - O que o BNG conseguiu para Galiza - O vindeiro venres 14 de febreiro, ás 8 da tarde no salón de actos do antigo Hospicio de Ferrol

Acto Público do BNG sobre o acordo de investidura. O que o BNG conseguiu para Galiza

➤ Acto público informativo sobre o o acordo de investidura en Ferrol. O que o BNG - Bloque Nacionalista Galego conseguiu para Galiza.

O vindeiro venres 14 de febreiro ás 20 horas no salón de actos do antigo Hospicio de Ferrol (r/ Méndez Núñez 11) nun acto público explicaremos os acordos aos que o BNG chegou en Madrid e a súa repercusión na nosa cidade e na nosa comarca. Contará coa presencia do deputado galego no Parlamento Español, Nestor Rego e o o voceiro do grupo municipal do BNG de Ferrol, Iván Rivas.

Baseado no enviado polo:
BNG
-bng@ferrol.es-
12 de fevereiro de 2020 13:07
______________

Foi o acto público do BNG cun Teatro Jofre ateigado de xente, participaron o cantante de Nao Jasper, a candidata Maria do Mar López, a eurodeputada e de novo candidata á eurocamara Ana Miranda, a portavoz nacional Ana Pontón e o candidato á alcaldía de Ferrol Iván Rivas - Axenda para a xornada do xoves 23 de maio: Acto público no local da asociación veciñal de Mandía, reparto electoral por barrios e participación nos debates da Cadena Ser e na TV de Ferrol

Axenda do BNG - Ferrol, para a xornada do xoves 23 de maio: Acto público no local da asociación veciñal de Mandiá, reparto electoral por barrios e participación nos debates, na primeira hora da tarde na Cadena Ser e pola noite na TV de Ferrol

➤ Ás 11:30 hs. Reparto de material electoral polos barrios.

➤ Ás 13:05 hs. Debate Cadena Ser (93.0 FM) coa participación de Iván Rivas.

➤ Ás 17:00 ha. Reparto de material electoral polos barrios.

➤ Ás 19:00 hs. Acto público na A.V.V. de Mandiá. Intervirán: Tania Rei e Iván Rivas.

➤ Ás 22:00 hs. Debate TV Ferrol, coa participación de Iván Rivas..


Foi o acto público do BNG cun Teatro Jofre ateigado de xente, participaron o cantante de Nao Jasper, a candidata Maria do Mar López, a eurodeputada  e de novo candidata á eurocamara Ana Miranda, a portavoz nacional Ana póntón e o candidato á alcaldía Iván Rivas.

➤ María do Mar López destacou o traballo conxunto coa veciñanza de parroquias e barrios e sinalando "os soños que queremos acadar nestes catro anos".

➤ O avance do Bloque este 26M será a antesala da derrota de Feixóo e abriría un temo novo “que estamos en posición de liderar”, destaca Ana Miranda: “Só un BNG forte en Bruxelas garante a presenza de Galiza na axenda europea”.

➤ Ana Pontón pide concentrar todo o voto de país e inconformista no BNG “...única garantía do cambio real que precisa Ferrol”.

➤ Iván Rivas dixo: "Se o que queren para o futuro de Ferrol é unha alternativa totalmente diferente, o BNG é a súa opción".

O Bloque Nacionalista Galego de Ferrol organizou hoxe o seu acto público central da campaña, que tivo lugar ás 20:15 horas no Teatro Jofre. No acto interviron a candidata nº2, María do Mar López, a eurodeputada galega e de novo candidata ao Parlameto Europeo, Ana Miranda, a voceira nacional do BNG e do grupo parlamentario Ana Pontón e o concelleiro e voceiro do grupo municipal, candidato á alcaldía, Iván Rivas.

O acto comezou coa actuación Jasper (Cantante de Nao) que interpretou dúas cancións acompañado á guitarra.

Maria do Mar López, interveu en primeiro lugar enumerando os logros do @bngferrol na oposición, o traballo conxunto coa veciñanza de parroquias e barrios e sinalando "os soños que queremos acadar nestes catro anos".

O voceiro do BNG de Ferrol dirixiuse na súa intervención aos veciños e veciñas de Ferrol apelando a que reflexionasen sobre as posibilidades que se abren na cidade tras os comicios do vindeiro domingo. “O que lles quixera propoñer aos que me escoitan é que reflexionen sobre que é o que lles poden ofrecer os diferentes candidatos e candidatas que se presentan a estas eleccións municipais; que lles poden ofrecer que non tivesen experimentado xa”, apuntou Rivas.

O voceiro incidiu en que o BNG representa a única alternativa que supón un cambio real para a cidade. “Eu propóñovos un camiño diferente, no que rematemos cos abusos e os privilexios”, sostivo Rivas. “Nunca dixen que fose fácil. Este 26 M, Ferrol, tedes dúas opcións: un goberno continuador das experiencias do pasado (...) ou novos camiños que está a abrir o BNG xunto á veciñanza, que implicarán unha ruptura con todo anterior encarando o futuro con determinación”, engadiu.

“E o certo é que Ferrol é unha cidade que leva tanto tempo sobrevivindo rodeada por muros que moitas veces somos incapaces de velos a pesar de telos diante dos ollos e que nos están a impedir ver o futuro. Muros físicos e muros mentais”, explicou o candidato á alcaldía. “Muros físicos como a muralla do Arsenal que divide a cidade en dous. Pero tamén muros mentais, porque en Ferrol non somos todos iguais, administracións públicas como o Mº de Defensa, a Autoridade Portuaria ou Navantia non pagan os tributos que pagamos os demais. As transnacionais enchen o seu bandullo cos nosos cartos xestionando os servizos básicos privatizados como o auga ou o lixo e o resto do noso aforro vai directo aos bancos mentres a cidade se cae”, remarcou o voceiro do BNG de Ferrol.

O candidato á alcaldía rematou a súa intervención apelando á veciñanza a confiar no BNG. “Se o que queren para o futuro desta cidade é unha alternativa totalmente diferente que enfronte os problemas con determinación, o BNG é a súa opción. A súa única opción”, sentenciou.

Pola súa banda, portavoz nacional, Ana Pontón, apelou a concentrar todo o voto de país e inconformista na candidatura de Rivas, a única que garante un cambio real na cidade cun proxecto de ideas claras para mellorar a vida da veciñanza e poñer o concello ao servizo da maioría social. “É a opción de cambio real porque temos un equipo e candidato preparado, un proxecto serio, solvente, unido e coa man tendida para transformar esta cidade a favor das persoas. Por iso, pido concentrar todo o voto de país e todo o voto inconformista no BNG,  para abrir un novo rumbo nesta cidade e mirar cara o futuro con ilusión, porque sabemos que outro Ferrol é posible e queremos empezar a construílo a partir do 26M”, destacou.

Pontón declarouse convencida de que a veciñanza non vai optar por un PP que só ofrece “receitas fracasadas”, por un PSOE que só mira cara Madrid, -“o vello bipartidismo que se alterna na discriminación a Ferrol”, alegou-, nin tampouco se vai resignar á repetir a decepción dos que prometeron cambialo todo e nin foron capaces de xestionar con eficacia o día a día.

Por contra, o Bloque representa unha alternativa de transformación real. “Rivas ten a decisión para facer o que outros non souberon ou nin se atreveron: para que o Ministerio de Defensa deixe de actuar como un señor feudal e pague os impostos que lle corresponden ao concello, para sacar adiante a peatonalización integral do Barrio da Magdalena, para defender a veciñanza dos abusos na prestación de servizos básicos para beneficio de multinacionais”, argumentou.

Tras o 26M, concluíu Pontón, o Bloque “vai ser determinante e terá a forza necesaria para abrir un cambio real na cidade, para que Ferrol recupere a ilusión e a esperanza no futuro da man do BNG con proxecto, con equipo e con liderado”.

Pola súa parte, a candidata nas eleccións europeas, Ana Miranda, destacou a importancia de ter en Bruxelas “unha voz nacionalista” que dea a cara por Ferrolterra e evitar que quede no ostracismo o que a condenan as forzas estatais tamén na Eurocámara.

En defensa da construción naval, do saneamento integral das rías, pero tamén para facilitar a interlocución directa dos concellos da comarca nas institucións comunitarias, e para condicionar en positivo a repercusión da PAC nos municipios con territorio rural. A loita contra os efectos do cambio climático, contra os incendios e as súas consecuencias serán tamén obxecto do traballo político na UE.

Miranda fixo especial fincapé en que a recuperación integral das rías en Ferrol, Ares, Cabanas volverán ser un cabalo de batalla para o Bloque no Parlamento europeo da man dun BNG “que demostrou todos estes anos que é unha forza fiable e eficaz na defensa de Galiza fronte ao desleixo das forzas estatais”. “Sen o BNG na Eurocámara, Galiza desaparece, Ferrolterra desaparece da axenda política de Bruxelas, alí onde se toman decisións que nos afectan directamente. Por iso pido o voto para o Bloque para este país volva ter un escano do pobo galego aínda con máis forza tras o 26M”, concluíu.

Ferrol, 22 de maio de 2019.

#AgoraEuropa #AgoraRepublicas #AgoraBNG

Coas Ideas Claras
http://ideasclaras.bng.gal/

Ferrol | Web | Facebook | Twitter.
#AgoraGaliza
#AgoraBNG
#Agora Ferrol
Local Electoral BNG Ferrol
Rúa Galiano, 66 Baixo.
BNG



Enviado por:
BNG Ferrol
-bngferrol@gmail.com-
22 de maio de 2019 17:21
22 de maio de 2019 17:28
______________________

Ana Pontón coloca o BNG como a opción de cambio real en Ferrol fronte o vello bipartidismo e os que só trouxeron decepción - Iván Rivas: 'Somos a única alternativa para que Ferrol teña un futuro diferente fronte aos que só poden ofrecer máis do mesmo' - Aposta do Bloque para impulsar políticas feministas desde o concello - Vídeo

Ana Pontón coloca o BNG como a opción de cambio real en Ferrol fronte o vello bipartidismo e os que só trouxeron decepción. | Iván Rivas: “Somos a única alternativa para que Ferrol teña un futuro diferente fronte aos que só poden ofrecer máis do mesmo”. Aposta do Bloque para impulsar políticas feministas desde o concello.

A portavoz nacional, Ana Pontón, reclamou desde Ferrol unha gran mobilización o 26M e colocou ao BNG como a opción para un cambio real neste concello da man da candidatura que lidera Iván Rivas, e por iso apelou a non resignarse nin coas fórmulas fracasadas do bipartidismo de sempre, nin cos que só trouxeron decepción estes catro anos.

“Fago un chamamento á mobilización,a que haxa unha participación masiva para que a cidadanía se deixe sentir nas urnas”, salientou Pontón, “a aposta para todas as persoas que queren cambios transformadores é a papeleta do BNG, porque temos un proxecto sólido de futuro, pensado desde Galiza, demostramos que facemos as cousas ben, que temos capacidade para sacar o mellor dos concellos”.

Por iso, e de cara á cita electoral, Pontón pediu en Ferrol apostar polo modelo municipal do Bloque, capaz de converter en referentes os concellos nos que goberna.

Non hai que conformarse, dixo, “nin co vello bipartidismo nin con esas fórmulas que nos dixeron que viñan cambialo todo e non foron capaces nin de facer xestión. O BNG é una alternativa segura para todas as persoas inconformistas que queren concellos dinámicos e comprometidos co galego, co comercio local, co feminismo e con mellorar a vida das persoas”, recalcou.

Ferrol, onde participou nun acto de campaña xunto co candidato Iván Rivas, é un exemplo de que o Bloque é a mellor aposta para mudar o rumbo desta cidade a partir do domingo: “Ten un enorme potencial e se está como está é pola ineficacia dos últimos gobernos municipais que non foron capaces de poñer en marcha un proxecto transformador que mudase o pesimismo en ilusión e en futuro”, indicou.

“A alternativa en Ferrol é a candidatura do Bloque que encabeza Iván Rivas, cun proxecto claro, cun equipo sólido, a aposta segura para todas as persoas decepcionadas co que pasou. Non teñen que conformarse co vello bipartidismo que xa sabemos que da de si, nin resignarse a esa desilusión que xeraron aqueles que viñan cambialo todo e non foron nin capaces de xestionar o día a dia. Teñen no BNG a alternativa de cambio real que pode darlle un futuro a Ferrol”, subliñou.

 Un argumento no que tamén afondou Iván Rivas: “A única alternativa para que a cidade de Ferrol poda encarar o futuro dunha maneira totalmente diferente é o BNG, o señor Rey Varela foi alcalde catro anos e a cidade está como está, Jorge Suárez tamén, e o mesmo candidato socialista estivo no goberno. É obvio que o que lles poden ofrecer é máis do mesmo”.

En relación ao candidato popular, Rivas pediulle explicacións pola súa xestión como conselleiro de asuntos sociais. Así, fixo referencia as denuncias pola mala calidade dos menús nun centro de menores na cidade, o atraso na xestión da RISGA, demoras no recoñecemento da discapacidade e de que non se cumpre os prazos de atención á dependencia. “Ten que dar explicacións da súa xestión como conselleiro porque supón unha vulneración de dereitos básicos das persoas”.

No acto de campaña abordaron as propostas do Bloque para conformar concellos feministas que traballen a favor da igualdade e dos dereitos das mulleres.

Independencia económica das mulleres

Neste sentido, a número dous da candidatura, María do Mar López, explicou o compromiso do BNG “por impulsar as axudas que dependan do concello e reclamar doutras administracións que cumpran os obxectivos de xénero, promover alternativas para que as mulleres se auto empreguen e poidan ter independencia económica”.

Igualmente, dixo, “traballaremos para dotar e mellorar os servizos que presta a Casa da Muller, poñer o foco en solucionar a problemática dos coidados e da discriminación, e para que Ferrol sexa unha cidade libre de desigualdades e de agresións contra as mulleres. Queremos transformar a cidade desde unha perspectiva de xénero feminista”.

Concellos feministas

Pontón destacou que o BNG promove concellos comprometidos coa igualdade, cunha aposta para acabar coa discriminación das mulleres no acceso ao emprego, para loitar por unha sociedade máis igualitaria e facer dos concellos un axente máis contra a violencia machista, “porque no actual contexto de involución, non podemos dar nin un paso atrás”.

Cláusulas de igualdade no acceso á emprego público, penalizar ás empresas que discriminan ás mulleres, apostar por facilitar a conciliación familiar e laboral, son algunhas das medidas. “Non se poden usar recursos públicos para financiar ningunha actuación que vaia contra os dereitos e as liberdades das mulleres ou que perpetúe discriminacións laborais”, concluíu.


https://youtu.be/YcpGMV5YLAE
Coas Ideas Claras
http://ideasclaras.bng.gal/

Ferrol | Web | Facebook | Twitter.
#AgoraGaliza
#AgoraBNG
#Agora Ferrol
Local Electoral BNG Ferrol
Rúa Galiano, 66 Baixo.

Enviado por:
BNG Ferrol
-bngferrol@gmail.com-
21 de maio de 2019 00:18
________________

Acto da iniciativa veciñal de apoio á candidatura do BNG encabezada por Iván Rivas Rico ao Concello de Ferrol, celebrado na Praza de Rosalía de Castro, no barrio ferrolán de San Xoán - Vídeo

Foto: Algunhas das persoas promotoras da iniciativa e Iván Rivas - 15.05.2019

Acto da iniciativa veciñal de apoio á candidatura do BNG encabezada por Iván Rivas Rico ao Concello de Ferrol, celebrado o 15 de maio de 2019.

Música (Manolo Bacalhao e Sermos), poesía (Pim Patinho, Loreto de Castro e André Cerdido) e intervencións por parte de persoas que sen afiliación ao BNG entenden que neste momento é a alternativa necesaria (Anxo Fernández-Armesto e Pepe Cunha), contou-se coa intervención de Iván Rivas, ofrenda floral a Rosalía e presentou Lupe Ces.


https://youtu.be/GMMFH5fd4-c
Iniciativa veciñal de apoio à candidatura do BNG encabezada por Iván Rivas ao Concello de Ferrol

Aínda pode-se asinar o manifesto de apoio.

Contacto:
apoiocandidaturaivan@gmail.com

• Manifesto de Apoio
• Asina o Manifesto
• Listado de Asinantes
• Facebook
• Youtube

Enviado por:
Apoio a candidatura encabezada por Iván Rivas
-apoiocandidaturaivan@gmail.com-
16 de maio de 2019 14:59
________

Iván Rivas: 'O concello debe liderar as demandas educativas da cidade en defensa do ensino público' - A Federación de ANPAS salientou a necesidade de crear unha nova zonificación, co obxectivo da adscribir ao alumnado a un centro de ensino público preto do seu domicilio

Iván Rivas: “O concello debe liderar as demandas educativas da cidade en defensa do ensino público”

O BNG de Ferrol mantivo un encontro coa Federación de ANPAS de centros públicos de Ferrolterra co obxectivo de abordar e coñecer de primeira man a situación na que se atopa o ensino público na cidade e da que os nacionalistas sacan varias conclusións de cara ao vindeiro mandato.

En Ferrol estase a producir un detrimento constante do ensino público en favor dos centros concertados. Os dados de matriculación en Ferrol dos últimos catro anos amosan que mentres a privada-concertada segue a manter o mesmo número de unidades (pese ao descenso de alumnado), centros públicos coma os de Pazos (-1), Recimil (-2) e A Laxe (-1) perderon catro unidades. No último curso escolar 2018/2019  a oferta de prazas nos colexios públicos de Ferrol foron 291, fronte as 400 da privada-concertada. O Concello, como administración pública que é, debe adoptar medidas urxentes para poñer en valor o ensino público na cidade, medidas que pasan, por exemplo, por bonificar aos centros públicos con axudas tanto á escolarización como aos comedores escolares.

A Administración local debe servir ademais de intermediaria e interlocutora entre os centros o resto de organismos coma o CIS ou a Universidade, co obxectivo de converterse nun elemento dinamizador dos centros públicos, poñéndoos en valor a través de convenios e converténdoos en atractivos para incrementar as súas matrículas. Isto conséguese a través da alianza entre los colexios públicos e os centros de investigación potentes ou centros culturais de referencia, o que favorecerá e aumentará o prestixio nestas escolas.

En dito encontro, os nacionalistas e a Federación de ANPAS de centros públicos de Ferrolterra abordaron tamén a situación actual dos comedores escolares, tristemente protagonizada pola precarización non só do servizo, senón da situación laboral dos seus traballadores e traballadoras. Cómpre esixirlle á Xunta de Galiza que cumpra coas súas obrigas para rematar dunha vez por todas coa pasividade dos últimos oito anos e o deterioro constante do servizo.

Outro dos aspectos a tratar foi o transporte escolar. Para o BNG é aberrante a mestura do transporte regular e escolar posta en marcha pola administración autonómica. Os nenos e nenas desta cidade deben contar cun transporte exclusivo, polo que o obxectivo do BNG é un servizo para todos os centros públicos, sen que estes se vexan condicionados polo horario de dito transporte (tal e como acontece na actualidade en algúns centros da cidade). Os nacionalistas denunciarán a nova concesión que FeC e Xunta teñen acordado, e que vai en contra dos intereses das familias ferrolás.

Dende a Federación de ANPAS de centros públicos de Ferrolterra salientouse ademais durante o encontro a necesidade de crear unha nova zonificación na cidade, co obxectivo da adscribir aos nenos e nenas a un centro de ensino público preto do seu domicilio. Cómpre evitar, tamén, os colexios “refuxio” para determinadas problemáticas.

Doutra banda, o BNG considera imprescindible que o Concello manteña un liderado das demandas educativas da cidade con respecto ás infraestruturas, establecendo unha orde de prioridades, para que o desenvolvemento desas infraestruturas por parte da administración competente non se faga con carácter discrecional. Exemplos claros disto atopámolos nos vestiarios do Masdías ou no ascensor do Sofía Casanova. O Concello debe loitar para frear o deterioro do ensino publico, deixando de lado a actitude neutra e pasiva que se leva mantendo nos últimos anos, co obxectivo de que os nenos e nenas conten coa posibilidade de acceder a un ensino público de calidade que non responda a ningunha doutrina.

Ferrol, 7 de maio de 2019.

Coas Ideas Claras
http://ideasclaras.bng.gal/

Ferrol | Web | Facebook | Twitter.
#AgoraGaliza
#AgoraBNG
#Agora Ferrol


Enviado por:
BNG Ferrol
-bngferrol@gmail.com-
7 de maio de 2019 11:44
___________

A mantenta da tala de árbores na Praza de Armas e Axenda do BNG para o xoves 9 de maio, inicio da campaña electoral, coa actuación musical de Xoán Padín e a intervención de Iván Rivas - O venres 10 de maio, presentación da candidatura para o Concello de Ferrol, n'A Fundación

Sobre a tala de árbores na praza de armas

O criterio do BNG de Ferrol pasa pola conservación da persistencia de especies, polo que para tomar a decisión que adoutou o goberno de FeC é preciso que exista un informe que xustifique a dirección de obra non ten máis alternativa que a tala.

Mentres, a denuncia do PP non é outra cousa que poñer ao raposo a coidar das galiñas. O proxecto dos populares baséase en facer un furado no corazón da Praza de Armas, que implica a supresión desas mesas especies. O seu obxectivo final non é outro que privatizar o espazo público coa creación dun aparcadoiro, para entregarllo posteriormente a unha empresa concesionaria.

Axenda do BNG para o xoves 9 de maio, inicio da campaña electoral e o venres 10, presentación da Candidatura

➤ 22:30 horas: Actuación musical de Xoán Padín na rúa Galiano 66.

➤➤ 23:30 horas: Acto de apertura da campaña e pegada de carteis. Intervén o noso candidato, Iván Rivas.

➤➤➤O venres 10 de maio: Presentación da candidatura no auditorio de Afundación (Cantón), ás 20:00 horas.

Ferrol, 8 de maio de 2019.

Coas Ideas Claras
http://ideasclaras.bng.gal/

Ferrol | Web | Facebook | Twitter.
#AgoraGaliza
#AgoraBNG
#Agora Ferrol


Enviado por:
BNG Ferrol
-bngferrol@gmail.com-
8 de maio de 2019 15:32
____________

26M: a revolución dos caraveis,... Por Iván Rivas Rico

Por Iván Rivas Rico [*]
17.04.2019

26M: a revolución dos caraveis

o resultado das eleccións xerais podemos extraer dúas conclusións respecto do que acontecerá en menos dun mes na cidade. A primeira é que o PP non ten ningunha posibilidade de recuperar a Alcaldía. Respecto de 2016 perdeu un 14% do seu voto e por tanto o seu resultado nas eleccións locais será peor que en 2015 aínda que en maio incremente o porcentaxe de voto respecto a onte. Ademais C´s e Vox disputaranse unicamente un concelleiro ou concelleira de 25, vistas as porcentaxes de voto do domingo. Tanto C´s como Vox teñen o seu teito electoral nas eleccións xerais moi por riba do das locais, como xa aconteceu nas anteriores eleccións municipais. É dicir, a posibilidade de que poidan formar un goberno xunto ao PP esvaeceuse e a maioría absoluta é imposible para ninguén.
A segunda conclusión é que inevitablemente Ferrol contará cun goberno de coalición e tendo en conta que o BNG duplicou o resultado das anteriores eleccións e que o seu comportamento nas locais de 2015 superou con moito o das xerais, existen dúas opcións de goberno: A revolucionaria alternativa de caraveis ferroláns dirixida ou cunha determinante presenza do BNG e a opción continuísta dirixida por FeC ou o PSOE. Así que entre o caravel e a rosa, que Ferrol escolla.

[*] Iván Rivas Rico, -A Pontenova 1976, é arquitecto de profesión, concelleiro e portavoz do grupo municipal do BNG en Ferrol desde xaneiro de 2012, na anterior etapa e na actualidade. Vai ser cabeza de lista polo BNG, para as eleccións locais de maio deste 2019.| No buscador libre: DuckDuckGo. BNG - Ferrol: Web | Facebook | Twitter.

Artigos de Ivan Rivas no Diario de Ferrol.

Enviado por:
Inácio GZ
-inaciogz@gmail.com-
30 de abril de 2019 14:20
__________

O BNG acompañou hoxe aos traballadores e traballadoras do naval na súa mobilización para reclamar carga de traballo - Iván Rivas, ao igual que Ramón Fernández ‘Mon’, insistiron na importancia de diversificar e apostar pola construción naval civil fronte á dependencia dos encargos militares

O BNG acompañou hoxe aos traballadores e traballadoras do naval na súa mobilización para reclamar carga de traballo

O Bloque Nacionalista Galego de Ferrol acompañou hoxe aos traballadores e traballadoras da industria principal e auxiliar na súa mobilización para reclamar carga de traballo para os asteleiros da comarca.

O BNG quixo poñer de relevo a hipocresía das diferentes organizacións estatais que avalan plans industriais que implican un novo proceso de restructuración e xustifican o confinamento da construción naval pública ao nicho do sector militar. Para O BNG a visita pantasma no día de hoxe do candidato de Podemos non é máis cunha proba disto.

O candidato á alcaldía de Ferrol, Iván Rivas e o candidato nº3 ao Congreso pola provincia da Coruña, Ramón Fernández ‘Mon’, compareceron ante os medios antes de partir coa manifestación até a ponte das Pías para denunciar o desprezo e as mentiras que leva soportando o naval ferrolán nas últimas décadas. “A falta de carga de traballo é unha condea que levamos padecendo ao longo dos 40 últimos anos, sometidos a engano tras engano, constante e permanente. O último ten que ver cun plan industrial que vai a provocar un novo proceso de reestruturación no principal sector produtivo da cidade”, indicou Iván Rivas.

Unha reestructuración inminente. Xa se están a producir amortizacións de postos de traballo. Xente que está a saír prexubilada que non volverá á empresa mentres non hai prevista ningunha nova incorporación aos centros de Ferrol e Fene. “Puxéronnos a cenoira das F110 diante pra xustificar o desmantelamento do estaleiros en Ferrol a través dun Plan Industrial que como mínimo supón unha reducción do 25% do plantel avalado polo actual Alcalde, o candidato do PP o Sr. Rey Varela e o candidato do PSOE, o Sr. Angel Mato”, sinalou o candidato nacionalista.

Desde o BNG lembran que os acordos asinados pola empresa implican unha reposición xenérica como máximo do 75% dos postos e por tanto a empresa incorporará ao persoal que precise onde teña carga de traballo. É decir, amortizaremos postos de traballo en Ferrol que se recuperarán no Sur co aval das organizacións políticas na cidade. “É intolerable que se nos viñese aquí a vender a idea de que había que construír unhas corvetas para Arabia Saudí porque había que darlle carga de traballo a uns esteleiros que están absolutamente parados e que demostra que Cádiz conta con tres alcaldes: o de Cádiz, o alcalde de Ferrol e o ex alcalde de Ferrol, o señor Rey Varela, que tamén nos veu aquí a contar que era fundamental contratar as corvetas para Cádiz e que aquí non vamos a ver nin en pintura”, sentenciou o voceiro do BNG.

Rivas, ao igual que Fernández ‘Mon’, insistiron na importancia de diversificar e apostar pola construción naval civil fronte á dependencia dos encargos militares. “Se isto non se asume como un obxectivo prioritario, a única saída que ten esta comarca é quedar confinada a un gueto coma a construción militar e a verse convertida nunha especie de taller de reparacións e ao servizo do Ministerio de Defensa”, apuntou Rivas. “Deberiamos tomar nota do que está acontecendo no resto de Europa e apostar pola innovación, a investigación e o desenvolvemento, para competir sen restricións de carácter político”, engadiu Ramón Fernández ‘Mon’. “A sociedade galega, a sociedade da comarca de Ferrol, debe tomar nota. Veñen aí as eleccións xerais e nós precisamos como auga de maio ter representación política no congreso dos deputados para pesar alí onde se toman as decisións”, sentenciou o candidato ao Congreso.

Ferrol, 25 de abril, 2019.

Coas Ideas Claras
http://ideasclaras.bng.gal/

Ferrol | Web | Facebook | Twitter.

#AgoraGaliza
#AgoraBNG

#Ferrol



Enviado por:
BNG Ferrol
-bngferrol@gmail.com-
25 de abril de 2019 14:59
_______________

Nestor Rego e Ana Pontón estarán este luns 22 de abril no Acto Central do BNG en Ferrol, evento no que tamén interviran Ramón Fernández (Mon) e Iván Rivas candidato á Alcaldía de Ferrol, ás 8 da tarde no Centro Cultural Torrente Ballester de Ferrol (antigo Hospital de Caridade)

O vindeiro luns 22 de abril  ás 20:00 horas no Centro Cultural Torrente Ballester de Ferrol (antigo Hospital de Caridade) o BNG vai desenvolver o acto central da campaña das eleccións xerais, na cidade.

Neste acto intervirán: Ramón Fernández "Mon", candidato nº3 ao Congreso, Iván Rivas, candidato a alcaldía de Ferrol,  Ana Pontón, portavoz nacional do BNG e o candidato nº1 ao Congreso, Néstor Rego.


https://youtu.be/Sfong-R3BMA
Primeira intervención de Néstor Rego no Debate organizado pola TVG: "Se 10 segundos de silencio lles pareceron unha enternidade, pensade nos tres anos de Galiza sen voz propia en Madrid." [16 de Abril de 2019 (14:32 h.)]


https://youtu.be/TkaF2EdL3LY
Minuto final de Néstor Rego: "Neste país non hai nada máis revolucionario que confiar en nós mesmos, non hai maior rebeldía que apostar por unha forza propia como o BNG. Confíen en Galiza. Confíen no BNG". [16 de Abril de 2019 (14:33 h.)]

Se queres ver o debate completo: Ir á Web.

Nestor Rego na Galipedia.

Coas Ideas Claras
http://ideasclaras.bng.gal/

Ferrol | Web | Facebook | Twitter.

#AgoraGaliza
#AgoraBNG

#Ferrol

Enviado por:
BNG Ferrol
-bngferrol@gmail.com-
20 de abril de 2019 13:00
____________

Iván Rivas esixe a Jorge Suárez que deixe de facer de cobrador do frac de Emafesa

Iván Rivas esixe a Jorge Suárez que deixe de facer de cobrador do frac de Emafesa

O voceiro do BNG de Ferrol, Iván Rivas, esíxelle a Jorge Suárez que deixe de facer de cobrador do frac de Emafesa. Lémbralle que estamos neste lío porque FeC e PP pactaron facerse cargo da depuradora mentres os veciños e veciñas protestan a diario polos abusos da taxa.

Así o afirma Rivas en relación á proposta de requirimento do Concello de Ferrol para o abono de case 1,4 millóns de euros, cantidade en que se cifra o custe do servizo de saneamento prestado ao Concello naronés dende 2017, e que FeC pretende someter a aprobación no pleno de fin de mes. “As administracións públicas deben estar ao servizo dos veciños e das veciñas e non que se poñan de acordo para defender os intereses da parte privada dunha empresa ante a cal Jorge Suárez está actuar coma o seu delegado”, afirma o voceiro nacionalista.

O BNG denuncia que o Goberno Municipal está a actuar como representante dunha transnacional, que o está a empregar como unha especie de cobrador do frac para pedirlle unha débeda á Narón que, en todo caso, terán que resolver entre eles. “O que lle reclame Emafesa ao Concello de Narón, será un problema do Concello de Narón. Levar esta proposta ao pleno de maneira acrítica implica que o goberno de FeC avala os custes totais que Emafesa lle está a impoñer ós veciños e veciñas de Ferrol. Trátase dun feito inadmisible e inasumible non só para o Bloque Nacionalista Galego senón para o conxunto de veciñas e veciños desta cidade”, remachou Rivas.

Para o BNG é lamentable ver como os gobernos locais actuais e pasados de Ferrol e Narón, no canto de poñerse de acordo para rematar co despropósito dun modelo de saneamento insostible económica e medioambientalmente exixindo responsabilidades ao Estado, propietario da infraestrutura, discuten por decidir a que empresa lle entregan a xestión do servizo e como lle cobran aos veciños e veciñas o custe do disparate deste sistema de depuración pensado para dar beneficio exclusivamente ás empresas construtoras e concesionarias do servizo.

Ferrol, 20 de abril, 2019.

Coas Ideas Claras
http://ideasclaras.bng.gal/

Ferrol | Web | Facebook | Twitter.

#AgoraGaliza
#AgoraBNG

#Ferrol


Enviado por:
BNG Ferrol
-bngferrol@gmail.com-
20 de abril de 2019 12:56
______________

De Santa Mariña á Meca, ... Por Iván Rivas Rico

Por Iván Rivas Rico [*]
17.04.2019

Días atrás reunímonos coa subdelegación do goberno respecto ao desplome do talude de Santa Mariña, propiedade do ADIF e que este se nega a reparar.

O goberno do Estado asegurou que nada podía facer, que non era un problema político pese a tratarse dunha empresa pública dirixida por un cargo político.

Mentres o Tribunal de Contas Europeo asegura que o ADIF dispuxo dunha inxente cantidade de cartos para as obras da alta velocidade e que a súa distribución estivo politizada.

A CNMC sanciona con 118 millóns de euros a 15 empresas por amañar contratos durante 14 anos. O Tribunal de Contas atopa máis de 7.000 millóns de euros en sobrecustes das obras. 

E a Fiscalía Anticorrupción investiga subornos a funcionarios e mordidas na adxudicación destes contratos millonarios, como o do AVE á Meca.

Pero non se preocupen que unha empresa pública como o ADIF que manexa miles de millóns de euros, con amaños, sobrecustes, fraude e subornos polo medio e co horizonte da privatización á vista que aquí significará o desmantelamento non é un problema político.

E nós algo máis teremos que facer que unha foto montando en bicicleta.

[*] Iván Rivas Rico, -A Pontenova 1976, é arquitecto de profesión, concelleiro e portavoz do grupo municipal do BNG en Ferrol desde xaneiro de 2012, na anterior etapa e na actualidade. Vai ser cabeza de lista polo BNG, para as eleccións locais de maio deste 2019.| No buscador libre: DuckDuckGo. BNG - Ferrol: Web | Facebook | Twitter.

Artigos de Ivan Rivas no Diario de Ferrol.

Enviado por:
Inácio GZ
-inaciogz@gmail.com-
17 de abril de 2019 08:20
__________

Néstor Rego, candidato ao congreso polo BNG, comprométese en Ferrol a reclamar no Congreso que Defensa pague os impostos na cidade - Avoga por derrubar a muralla e abrir Ferrol ao mar - Rego apostou por incorporar de maneira decidida 'a construción naval civil' en Navantia evitando a 'dependencia permanente de decisións militares'r

Néstor Rego comprométese en Ferrol a reclamar no Congreso que Defensa pague os impostos na cidade. | Avoga por derrubar a muralla e abrir Ferrol ao mar. | O candidato á Alcaldía, Iván Rivas  denuncia que a dependencia de Ferrol ao estado leva ao concello ao suicidio urbanístico, económico e social.

O candidato do BNG, Néstor Rego comprometeuse hoxe en Ferrol a reclamar no Congreso que o Ministerio de Defensa pague os impostos na cidade. Rego afirmou que o Ministerio de Defensa debe cumprir “igual que todas as persoas, empresas e institucións coas súa obrigas tributarias co concello de Ferrol”.

Nun encontro co portavoz municipal e candidato á Alcaldía de Ferrol, Iván Rivas, Néstor Rego recalcou que a limitación de ingresos lastra a operatividade do concello de Ferrol e o Ministerio de Defensa non pode “condicionar o desenvolvemento urbanístico cunha ocupación do 20% do espazo urbano de Ferrol”.

Por outra parte, tamén se referiu a muralla que impide que Ferrol poida “abrise ao mar” e dende o BNG, dixo, avogamos por derrubar a muralla e esa  será unha exixencia que tamén defenderemos no Congreso, avanzou.

Dende o punto de vista económico, Rego apostou por incorporar de maneira decidida “a construción naval civil” en Navantia evitando a “dependencia permanente de decisións militares”. Para o candidato do BNG ao Congreso, unha institución pública como o Ministerio de Defensa non pode entrar en operacións de tipo “urbanístico especulativo e debe facilitar xunto a  administración local, unha dinámica para o desenvolvemento urbano” que favoreza os intereses socias para alén, por outro lado  de “seguir engordando a burbulla inmobiliaria” porque  dada a dinámica demográfica de Ferrol “carece de sentido”.

O noso compromiso no Congreso dos deputados será, en colaboración co BNG de Ferrol e institucións da cidade e comarca, “defender os intereses de Ferrol e buscar alternativas aos seus problemas", concluíu.

FERROL NON PODE SEGUIR CONDICIONADO POLO ESTADO

Pola súa parte, o candidato á Alcaldía de Ferrol, Iván Rivas explicou que a relación do Estado coa cidade de Ferrol é transcendental porque condiciona o seu desenvolvemento “urbanístico” cun convenio pendente hai máis de vinte anos grazas á “complicidade” dos goberno locais  sobre a propiedades que posúe o  Estado no concello e que “non son poucas”.

Rivas, na liña de Néstor Rego, reiterou que o Ministerio de Defensa condiciona o ámbito económico a través da ocupación pola que o estado non compensa aos veciños e veciñas. Ademais, dixo, temos o condicionamento dunha empresa pública, Navantia, controlada polo Ministerio e que na actualidade depende de que “un almirante” decida que as F110 inicien o camiño da súa execución. Rivas denunciou as diferentes reestruturacións coa conivencia das forzas políticas do concello que dende hai anos, explicou non mostraron interese por mudar a situación. É fundamental, a presenza do BNG no Congreso para visibilizar a dependencia do concello co estado que está levando a Ferrol ao seu “suicidio urbano, económico e social”.

Coas Ideas Claras
http://ideasclaras.bng.gal/

Ferrol | Web | Facebook | Twitter.

Enviado por:
Inácio GZ
-inaciogz@gmail.com-
12 de abril de 2019 18:48
________

Eles comen todo, e non deixan nada (por agora...), ... Por Iván Rivas Rico

Por Iván Rivas [*]
06.04.2019

Desde 2007 pasaron moitas cousas na economía ferrolá. Mudaron a constitución, aprobaron a Lei de Estabilidade e obrigaron aos concellos a aforrar para pagar os pratos rotos. Había que mercar a débeda privada dos bancos. Para iso precisaban cartos: Decidiron subir os impostos e reducir o gasto público. Ademais, tiñan que alimentar ás insaciables transnacionais e así comezou unha nova vaga de privatizacións. O novo marco legal puxo aos concellos diante dun dilema : deixarse levar ou aplicar políticas alternativas? En Ferrol, o PP en 2011 e FeC en 2015 escolleron a 1a opción:

O AUSTERICIDIO ECONÓMICO

1. REDUCIR O GASTO PÚBLICO. PP e FeC deixaron de gastar millóns de euros na cidade ao longo destes 8 anos. En 2013 o PP deixou de gastar 10M.€ dos orzamentos municipais. En 2017 FeC deixou de gastar 16M.€ E o máis grave é que a Lei de estabilidade obriga a destinar o diñeiro que se aforra cada ano a pagar aos bancos.

2. AFORRAR PAR PAGAR AOS BANCOS. Para PP e FeC reducir a débeda municipal foi o seu gran mérito económico. Ferrol derrúbase pola falla de investimentos pero para o PP e FeC o prioritario foi rebaixar a débeda municipal.

3. SUBIR OS TRIBUTOS. Desde 2011 até hoxe os ferroláns pagan máis taxas e impostos. Pese á drástica redución de investimentos e dos servizos públicos incrementouse a presión fiscal sobre a xente con novas taxas e con subidas das existentes. FeC no seu mandato consolidou ás subidas do mandato anterior do PP.

4. PRIVATIZAR. PP e FeC privatizaron os servizos municipais. A xestión dos centros culturais, a conservación de viais, o mantemento de zonas verdes ou o subministro eléctrico son servizos privatizados que remataron os seus contratos ao longo destes 4 anos e que se volveron a concesionar.

5. POLÍTICA CLIENTELAR. PP e FeC destinaron máis de 1,5M. € ao ano en dar subvencións “a dedo”. O diñeiro ao que as asociacións poden optar a través de convocatorias públicas en igualdade de oportunidades é ridículo en comparación co que FeC e PP destinaron a dar subvencións nominais a quen lles pareceu.

E aínda pensas que é mellor que todo siga igual?
SUPERAVIT CERO. As restricións xa son moitas. Non podemos permitirnos deixar de gastar un so euro na cidade.

+ EMPREGO + SERVIZOS. Os servizos privados que rematen o seu contrato prestaranse directamente polo concello.

A XENTE POR DIANTE. Os cartos dos ferroláns son para gastar nos ferroláns, non para pagar aos bancos.

EQUIDADE. O diñeiro público é de tod@s, e tod@s temos que ter as mesmas oportunidades para acceder a el.

Se queres resultados diferentes, non fagas sempre o mesmo.

Publicado o 2 de abril de 2019 |  http://ferrol.bng.gal/

Facebook | Twitter.

[*] Iván Rivas Rico, -A Pontenova 1976, é arquitecto de profesión, concelleiro e portavoz do grupo municipal do BNG en Ferrol desde xaneiro de 2012, na anterior etapa e na actualidade. Vai ser cabeza de lista polo BNG, para as eleccións locais de maio deste 2019. Ten conta no facebook: https://www.facebook.com/ivan.rivasrico .

Artigos de Ivan Rivas no Diario de Ferrol.

Enviado por:
Inácio GZ
-inaciogz@gmail.com-
4 de abril de 2019 12:20
___________