"A alternativa ao neoliberalismo chámase conciencia", ... José Saramago

Alternativas ao Neoliberalismo
" A Esquerda con Saramago".
Cáceres 23 de febreiro de 1999

José Saramago, Xullo Anguita e Manolo Cañada.
Presentan: Manuel Cruz e Teresa Reixas.
Organizado por Esquerda Unida de Estremadura
Nun auditorio abarrotado, Saramago: "A Alternativa ao Neoliberalismo chámase Conciencia", "o que se está preparando neste planeta é un Mundo para os Ricos", "hai uns cantos conflitos no mundo onde ninguén pensa intervir, que máis dá que se maten, que se troceen, que se degolen miles de negros ou indios ou o que sexa, iso pertence, alomejor, ao grupo dos 20 ou 25% de poboación que son para DESHECHAR pois, mentres se matan os uns aos outros non terei eu que matalos a iso e, así se facilitan as cousas", " a Nosotr@s non nos poden deshechar porque somos conscientes e conciencia"

http://www.youtube.com/user/ExtremaduraIU

Enviado por:

juantorres@us.es

-juantorres@us.es-

25 de maio de 2011 14:13

____________

Israel

Non é o mellor agoiro que o futuro presidente de Estados Unidos repita unha e outra vez, sen que lle trema a voz, que manterá con Israel a "relación especial" que une aos dous países, en particular o apoio incondicional que a Casa Branca dispensa á política represiva (represiva é dicir pouco) con que os gobernantes (e porqué non tamén os gobernados?) israelís viñeron martirizando por todos os modos e medios ao pobo palestino. Se a Barack Obama non lle repugna tomar o seu té con verdugos e criminais de guerra, bo proveito lle fága, mais que non conte coa aprobación da xente honesta. Outros presidentes colegas seus fixérono antes sen necesitar outra xustificación que a tal "relación especial" coa que se dá cobertura a cantas ignominias foron tramadas polos dous países contra os dereitos nacionais dos palestinos.

Ao longo da campaña electoral Barack Obama, xa fose por vivencia persoal ou por estratexia política, soubo dar de si mesmo a imaxe dun pai dedicado. Iso permíteme suxerirlle que lle conte esta noite unha historia ás súas fillas antes de que se durman, a historia dun barco que transportaba catro toneladas de medicamentos para socorrer á poboación de Gaza na terrible situación sanitaria en que se atopa, e que ese barco, Dignidade era o seu nome, foi destruído por un ataque de forzas navais israeliés co pretexto de que non tiña autorización para atracar nas súas costas (cría eu, ignorante redomado, que as costas de Gaza eran palestinas?) E que non se sorprenda se unha das fillas, ou as dúas a un tempo, dinlle: "Non che canses, papá, xa sabemos que é unha relación especial, chámase complicidade no crime".

Israel, de José Saramago
[31 de Dezembro de 2008]
Fonte: O Caderno de Saramago
_____________

Gaza

A sigla ONU, todo o mundo sábeo, significa Organización de Nacións Unidas, é dicir, á luz da realidade, nada ou moi pouco. Que o digan os palestinos de Gaza a quen se lles están esgotando os alimentos, ou se lles esgotaron xa, porque así o impuxo o bloqueo israelí, decidido, polo visto, a condenar ao fame ás 750 mil persoas rexistradas alí como refuxiados. Nin pan ten xa, a fariña acabouse, e o aceite, as lentellas e o azucre van polo mesmo camiño. Desde o día 9 de decembro os camións da axencia de Nacións Unidas, cargados de alimentos, agardan a que o exército israelí lles permita a entrada na franxa de Gaza, unha autorización unha vez máis negada ou que será posposta até a última desesperación e a última exasperación dos palestinos famentos. Nacións Unidas? Unidas? Contando coa complicidade ou a covardía internacional, Israel rise de recomendacións, decisións e protestas, fai o que vén en gana, cando lle vén en gana e como lle vén en gana. Chegou até o punto de impedir a entrada de libros e instrumentos musicais coma si se tratáse de produtos que ían pór en risco a seguridade de Israel. Se o ridículo matase non quedaría de pé nin un só político ou un só soldado israelí, eses especialistas en crueldade, eses doutoramentos en desprezo que miran o mundo desde o alto da insolencia que é a base da súa educación. Comprendemos mellor ao seu deus bíblico cando coñecemos aos seus seguidores. Jehová, ou Yahvé, ou como se lle diga, é un deus rencoroso e feroz que os israelís manteñen permanentemente actualizado.

Gaza, de José Saramago
[22 de Dezembro de 2008]
Fonte: O Caderno de Saramago
_____________