Acto homenaxe a Carvalho Calero en Ferrol, hoxe sábado 12 de decembro, ás 12 do mediodía, ao pé da súa casa natal en Ferrol Vello, organizado polo BNG

Acto homenaxe a Ricardo Carvalho Calero

A RAG desbotou trasladar ao ano 2021 a conmemoración do ano Carvalho Calero tal e como reivindicaba o tecido cultural galego, organizacións políticas como o BNG e institucións públicas como o Concello de Ferrol ou o Parlamento de Galiza.

Esta decisión só se explica desde o interese da RAG por pechar en falso os actos conmemorativos dun autor, como é Ricardo Carvalho Calero, desprezado pola oficialidade cultural polas súas posicións políticas e lingüísticas. Neste contexto é onde tamén se explica a decisión de celebrar en Compostela os actos oficiais de homenaxe, previstos para este sábado día 12, cando nunca un autor ou autora designado para conmemorar o Día das Letras Galegas foi homenaxeado fora do seu lugar de nacemento.

Por este motivo desde o BNG de Ferrol promovemos a celebración dun acto de homenaxe e reivindicativo da figura de Ricardo Carvalho Calero na nosa cidade a celebrar o vindeiro sábado 12 de decembro ás 12 horas ao pé da súa casa natal.

O acto que celebraremos cumprindo as medidas de seguridade que nos impón a Covid -19, uso de máscaras e distancia de seguridade.

BNG Ferrol.

Ferrol | Web | Facebook | Twitter.


bng@ferrol.es

_______

A Fundaçom Artábria com o movimento normalizador, pola reivindicaçom prática de 'Carvalho Calero 2020'

A Fundaçom Artábria com o movimento normalizador, pola reivindicaçom prática de “Carvalho Calero 2020”

Foi em 2007 quando a nossa entidade lançou a primeira campanha explícita para reclamar um Dia das Letras, o de 2009, para o ferrolano Ricardo Carvalho Calero. Aí começou também a série consecutiva de negativas explícitas da Real Academia Galega a essa e a cada umha das petiçons que posteriormente realizárom outras entidades do País.

Posteriormente, a Fundaçom Artábria preferiu dedicar as suas energias a outras tarefas, evitando entregar à RAG umha centralidade que nom merecia e que o próprio Carvalho tinha questionado em vida. Durante todos estes anos, continuamos a desenvolver todo o tipo de actividades de promoçom da figura e obra de Carvalho Calero, em solitário ou em colaboraçom com outros muitos coletivos locais e nacionais.

Sabíamos que era questom de tempo que a RAG se visse obrigada a assumir a homenagem que o povo galego deve a um dos seus grandes filhos: o Carvalho antifascista, republicano, nacionalista, literato, ensaísta e defensor da nossa língua, com umha perspectiva inequivocamente reintegracionista.

Esse momento chega agora, com vinte anos de atraso, pois foi a partir do ano 2000, dez anos depois do seu falecimento, que a dedicatória do Dia das Letras se podia ter produzido. O sectarismo da RAG impediu-no.

Como é habitual nalguns setores acobardados e oportunistas do oficialismo cultural, a RAG atribuiu ao povo galego umha carência que correspondia à própria entidade interpelada: a de nom estar “preparado” para umha homenagem a um vulto tam “polémico”. Certamente, a homenagem da oficialidade chega tarde, pois a divulgaçom do ideário lingüístico de quem foi primeiro catedrático de Língua e Literatura Galegas teria ajudado a avançar a consciência nacional galega e estes som, nessa medida, anos perdidos.

Nom temos, portanto, nada que agradecer à Real Academia Galega, que deverá acrescentar à sua história a vergonha de negar durante duas décadas a homenagem devida a Carvalho Calero, polo simples facto de ser reintegracionista: defensor conseqüente da unidade lingüística galego-luso-brasileira. Conseqüentemente, e como defensor de umha Galiza soberana, foi crítico da ideologia isolacionista que alimentava e ainda alimenta a Galiza autonómica.

O nosso povo merece um confronto aberto de ideias que nos permita escolher livremente o melhor caminho para a completa recuperaçom da nossa língua, da nossa cultura e da nossa naçom. Oxalá seja possível fazê-lo durante este ano de maneira ampla e sem sectarismos.

Essa será a aposta da Fundaçom Artábria, aberta à colaboraçom com todo o movimento normalizador de base existente no nosso país, sem exclusons, e dando continuidade ao que foi um dos nossos objetivos fundacionais desde inícios da década de 90 do século passado até o presente: a defesa do legado intelectual de Ricardo Carvalho Calero.

Ferrol, 23 de junho de 2019

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Enviado por:
Fundaçom Artábria
-artabria@artabria.net-
23 de junho de 2019 11:05
______________

A tradición naval e o baile tradicional, irmanados nun mar de muiñeiras - Vídeo

Un mar de muiñeiras é unha acción educativa coa pretensión de vindicar a danza galega na escola, e ao tempo homenaxear as letras galegas no 2019, adicadas ao mestre da etnografía galega Antón Fraguas. Cremos nun futuro cheo de barcos e muiñeiras. Sentímonos carpinteiros de ribeira elaborando a escola do porvir a ritmo de seis por oito.


https://youtu.be/-kW_DJz_8cI
Profesorado, alumas e alumnos de 20 colexios da Comarca de Ferrolterra, o CFR Ferrol  e Navantia, un conxunto pola lingua e o baile tradicional galego.

CFR Ferrol | Publicado o 16 de maio de 2019.

Fonte: Canle do CFR Ferrol.
_________

A delegación de Adega de Trasancos, chama a participar nos actos do venres 17 de maio, día das Nosas Letras, en Ferrol, nomedamente na mobiliación que vai ter lugar ás 12 do mediodía na Praza Vella

DÍA DAS LETRAS GALEGAS (17 DE MAIO)

Esta sexta feira (17 de maio), as 12h na praza de Ferrol Vello, vai haver unha concentración de Queremos Galego da que Adega forma parte, en defensa da nosa lingua nai, en defensa da verdadeira lingua desta marabillosa terra chamada Galiza. Como ben sabes, o galego está na UCI e a súa situación é moi crítica, cun goberno do PP na Xunta de Galiza, que en vez de promovelo e defendelo, actúa na súa contra. Baixo o lema de de LIBERDADE, IGUALDADE E XUSTIZA deixoute os enlaces de Queremos Galego e da Mesa pola Normalización Lingüística, transcorrerán por todo o país marchas e concentracións na defensa do Galego e que as persoas galego falantes podan vivir con total normalidade na Galiza.

En Ferrol decidimos facer unha concentración na Praza Vella (no porto) ás 12h este 17 de Maio, onde Xoan Padín con dous compañeiros tocaran un par de pezas e tamén vai actuar o grupo Os Dous + un que tamén nos vai deleitar cun par dos seus mellores temas. Despois lerase un manifesto por varias mulleres da comarca.

Sen máis e esperando poder contar coa vosa presenza neste acto, recibe unha forte aperta ecoloxista.

MIGUEL ANJO GONZÁLEZ GARCÍA
(SECRETARIO ADEGA-FERROLTERRA).  

adegatrasancos@adega.gal

ADEGA (Asociación pola Defensa Ecolóxica de Galiza)

Delegación de Ferrolterra

Apartado de Correos 481,
C.P.: 15480 - Ferrol

ASÓCIATE!!!

www.adega.gal

> Delegacións > Ferrolterra

Enviado por:
ADEGA-Ferrolterra
-adegatrasancos@adega.gal-
16 de maio de 2019 02:21
______________

Imaxe: Lamina da  Movida (Vigo).
__________________________

Letras Galegas: Guímaros e Suicidas, ... Por Iolanda Teixeiro - Entramentres ando a cismar na morte cotiá da nosa lingua, entramos na semana das Letras Galegas onde un presidente farfulla, nun galego de curral, que co seu governo se coñece mellor o galego mentres se van enchendo as marquesiñas coa eiva do galego como victoria de lingua emotiva que só pode espertar un amor de lar fechado e frores de escravatura dun maio suicida e necrofílico,...

Por Iolanda Teixeiro [*]
14.05.2018

Todo empezou por un viño nunha cea dun interesante encontro herculino de psicanálise onde se falava de Sade e da esencia da perversión. O viño era tan bon que deu parola a preguntármonos que era a verba guímaro coa que se bautismara aquel gorentoso viño. Eu só lembrava que Franco Grande definía ese vocábulo como un adxectivo semellante a espilido, vivo, activo e sagaz. Meu irmao pequeno, o mitólogo, díxome ao telefone que era unha especie de familia mítica das terras luguesas. Así as cousas, mentres preparava o poema para a homenaxe a Carvalho Calero, desprezado un ano máis pola Academia Galega, un amago de neurose obsesiva adonouse da miña vontade e deime á pescuda deses enigmáticos guímaros. Alén dos viñedos de Doade debruzados no Sil, o primeiro guímaro dun diccionario de español falavame de bufón e hazmereir, mais tambén dun apelido común en Brasil e Portugal.

Porén, descubrín que guímaro era amais un xentilicio para se referir non só aos habitantes de A Pobra do Brollón, polas Terras de Lemos e María Castaña, aquela afouta muller que liderou as revoltas contra o vispo de Lugo no século XIV, senón tambén dos nativos de Videmala nas terras de Alba, hoxe zamoranas e no pasado do reino da Galiza.

De enlace en enlace do buscador asistín pasmada á revolta medieval dos guímaros, contada por Amor Meilán, na que a casa de Lemos trata de sumeter aos do Brollón a un tributo ao que o povo dos guímaros se nega a non ser que llo viñeran a recadar nas súas casas e coas portas fechas, tan só botando a moeda por baixo da porta.(Encoraxada ideia guímara que me deu pé a pensar canto do noso pasado revolucionario ignorado podemos traer á revolta de hoxe contra a inxustiza). Desde entón dise que se lles coñece como guímaros, é dizer, rudos, afoutos e desconfiados.

En sendo a historia destes antigos guímaros unha lenda popular con certa base histórica, como aponta o arqueólogo Xurxo Ayán, nunha conflitiva terra de reguengo onde se solventavan, co sangue do povo, as rifas entre reis e nobres, enxergo o aquel de guímaro como espilido, activo e sagaz. Porque tamben en Videmala déronse conflitos medievais entre os reinos leonés e portugués.
Xa Benito Vicetto na novela Los Hidalgos de Monforte,  falava dun tal Guímaro nos tempos da revolta irmandiña, que fora encadeado e cruelmente esnaquizado polos esbirros do conde de Lemos por liderar a revolta. E Vicetto di que os monfortinos ainda aldraxan con ese alcume aos da Pobra do Brollón. De xeito que na memoria colectiva do noso povo ficou a verba guímaro co uso despectivo de insulto ate o ponto de terse que mudar a que fora rúa Guímaro por rúa da Feira. E ter que se artellar unha Feira Medieval Guímara no ano 2014 e unha estatua á entrada da vila para recuperar a memoria.

Entramentres ando a cismar na morte cotiá da nosa lingua, entramos na semana das Letras Galegas onde un presidente farfulla, nun galego de curral, que co seu governo se coñece mellor o galego mentres se van enchendo as marquesiñas coa eiva do galego como victoria de lingua emotiva que só pode espertar un amor de lar fechado e frores de escravatura dun maio suicida e necrofílico, onde un povo todo o ano mudo, dáse a unha semana orxiástica de cerimonia museística, con ripios, mantras e inciensos alumiados por uns exvotos de candea mercados nos cerumes meseteiros dunha academia que vive de costas aos xigantes exvotos de Braga e Porto, a lingua oceánica que abre o mundo da lusófona galeguía.

Entramentres os da plataforma Queremos galego reclama o dereito a vivir en galego, o clúster lobista de Gloria Lago Hablamos Español recolle sinaturas para nos soterrar e lacrar as campas, os lusos comezan a falar con nós sen intermediarios casteláns e os ilusos sacam da gaveta a lei Paz Andrade...Entramentres uns guímaros de Ferrol reivindican en homenaxe a  Carvalho Calero para as Letras Galegas dunha estúrdiga Academia.

[*] Iolanda Teixeiro Rei -Ferrol, activista ecoloxista e decrecentista, articulista e licenciada en Pedagoxía Social pola USC. Profesora de Tai Chi e Chi Kung en Ferrol. No facebook e no twitter. Artigos no Diario de Ferrol e Sermos Galiza.



Enviado por:
Iolanda Teijeiro
-iolandateixeiro@gmail.com-
13 de maio de 2018 21:46
____

Maniféstate pola Lingua! - O 17 de Maio, ás 12 do mediodía na Alameda de Santiago de Compostela - En galego día a día - Autobuses desde Ferroltera

En galego día a día
Mantemos o galego vivo día a día

Día a día para as nosas fillas e fillos malia a prohibición do galego nas materias da área científico-técnica, o tratamento como lingua extranxeira na educación infantil e a exclusión dos espazos de lecer infantís e xuvenís, incluída a televisión onde a presenza do galego para este público está restrinxida ao 4,6 a diario e ao 2,7 nas fins de semana.

Día a día nos medios de comunicación en galego que resisten, imprescindíbeis para a normalidade da lingua, a única oficial do Estado español que non conta cun xornal diario en papel, outra tarefa que o pobo galego realizará sen o apoio do seu goberno.

Día a día no audiovisual só pola implicación das súas profesionais e pola existencia dunha soa canle –pública– que emite en galego e dun público que ten limitado o acceso a produtos comercializados en galego incluso naqueles casos nos que existe dobraxe ou lexendado.

Día a día na xustiza aínda que só o 5% de xuíces e xuízas o empregan nas súas sentenzas e a inexistencia de recursos para o funcionariado poder traballar en galego con toda normalidade.

Día a día no ámbito socioeconómico pois no mellor dos casos a nosa lingua aparece subordinada, como se só un adorno e non unha necesidade e onde o Partido Popular negou a máis mínima igualdade de dereitos e obrigas na atención, información e sinalización.

Día a día na saúde onde as/os pacientes ven restrinxido ou prohibido o exercicio do dereito a se dirixiren na súa lingua ás/aos profesionais da saúde e a seren atendidos/as e entendidos/as nela. Mais sen o coñecemento da lingua da/o paciente non se pode ofrecer unha boa asistencia médica.

Día a día na administración pública onde se vulnera o dereito a sermos atendidos/as en galego. Aumentan as trabas para empregar o galego con normalidade e a Administración do Estado mantén espazos forzosos de exclusión.

Día a día na edición de libros en galego en descenso desde hai dez anos pola diminución de axudas da Xunta de Galiza.

Día a día nas rúas, na cultura, na toponimia, nos parques, no lecer, no deporte, no turismo, na onomástica, na música, nos servizos, no transporte, na literatura…

Queremos galego no día a día con toda normalidade e naturalidade, sen exclusións, coaccións, e limites para garantir o futuro de Galiza.A lingua galega e a sociedade que a mantén viva non pode ficar á intemperie exercendo as responsabilidades dun goberno absentista e agresivo contra o idioma que nos une.


Ferrolterra

Autobuses 2018

Narón

Saída ás 10:00h
Para anotarse chamar ao teléfono 981 358 750 ou 981 364 058.

Ferrol
Saída ás 10:30h desde a Avenida de Esteiro desde o local da CIG
Para anotarse chamar ao teléfono 981 358 750 ou 981 364 058.

Evento no facebook.

Sitio na Web de Queremos Galego

http://www.queremosgalego.gal/
___________________________

Nom chega trocar desprezo por desleixo: queremos Ferrol todo o ano em Galego - A Fundaçom Artábria perante o Dia das Letras galegas

Nom chega trocar desprezo por desleixo: queremos Ferrol todo o ano em Galego

Cada vez que nos achegamos a um novo Dia das Letras, as instituiçons públicas vestem as roupas da normalizaçom lingüística, com iniciativas amáveis para a língua, julgando que, com isso, já cumprírom o seu compromisso com o principal sinal de identidade do nosso povo.

Nom seremos nós, a Fundaçom Artábria, que lamentemos que se desenvolvam inciativas de todo o tipo, unidas polo simbolismo da exibiçom social do galego. Entre outras cousas, porque também a nossa entidade participa do importante número de atos culturais protagonizados polo nosso idioma nestes dias, em torno do 17 de Maio.

Porém, queremos também sublinhar a anormalidade que em si mesma representa essa sobre-exposiçom repentina do nosso idioma, ao nom ter correspondência com o que o resto do ano acontece: o galego malvive à sombra do espanhol, principal favorecido polas políticas institucionais deste País.

Seria fácil culpabilizar tal ou qual governo pola grave situaçom que o nosso idioma sofre, mas o certo é que som centenas as instituiçons públicas (municipais, provinciais, autonómicas…) e escassíssimas as que contam com qualquer cousa parecida com um planeamento anual com objetivos claros orientados à recuperaçom social do galego.

O Governo local de Ferrol, em maos do grupo Ferrol em Comum (FeC) nom é umha exceçom. Por mais que o atual governo se tenha apresentado às últimas eleiçons como representante da “nova política”, estamos já em condiçons de avaliar negativamente o continuísmo da sua política lingüística.

Nisso, o atual governo é tam “velha política” como os anteriores. Nom porque assuma as posiçons de desprezo que caracterizárom o governo anterior, mas si porque nengum deles, até hoje, tem aplicado umha política lingüística que vaia mais longe da galeguizaçom administrativa, no melhor dos casos. Bem pouco para as necessidades que como ferrolanos e ferrolanas conscientes detetamos na hora de exercermos a nossa galeguidade coletiva no nosso concelho.

Olhando para o passado, outros governos municipais chegárom a realizar diagnósticos e a propor medidas para Ferrol, mas poucas fôrom efetivadas e muitas delas abandonadas. Umha pobre bagagem que o atual governo nom está a superar.

Devemos, portanto, como entidade popular ferrolana, exercer a nossa responsabilidade social, denunciando a falta de apoio para a nossa língua ao longo do ano, também por parte do atual Governo ferrolano. Nom chega com trocar o desprezo polo desleixo: é imprescindível que as instituiçons públicas, neste caso o Governo e a Corporaçom municipal de Ferrol, assumam umha verdadeira e efetiva responsabilidade institucional na recuperaçom social do galego.

Como parte do tecido associativo ferrolano, a nossa entidade continuará a exercer um firme ativismo orientado a forçar umha mudança de fundo na política lingüística deste e de qualquer governo, como vimos fazendo há mais de duas décadas.

Fundaçom Artábria

Ferrol, 17 de maio de 2017

Dia das Letras Galegas

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
17 de maio de 2017 01:42
_________________

O idioma é vida - 17 de Maio de 2016 - Acto final na Praza da Quintana, da Manifestación de Queremos Galego en Compostela - Vídeos das actuacións e intervencións

A lingua é a maior creación colectiva dun pobo, a expresión máis clara da súa existencia e vontade de se desenvolver. A normalidade plena da lingua propia evidencia o desenvolvemento e a prosperidade do pobo que a fala.

Manifesto en Queremos Galego:
http://www.queremosgalego.org/

O idioma é vida - 17 de Maio de 2016 - Acto final na Praza da Quintana, da Manifestación de Queremos Galego en Compostela -  Desde Ártabra 21 presentamos os vídeos das actuacións e intervencións.


https://www.youtube.com/playlist?list=PLDnF1VI4jx6md_eJ4TinPQnLgHSx8HgpZ
!7 de Maio de 2016, día das Nosas Letras, dedicado a Manuel María.
________________

Maniféstate pola lingua este 17 de Maio en compostela - Saída de buses desde Ferrol e Narón

Maniféstate pola lingua!!!

Martes 17 de Maio de 2016, ás 12 do mediodía con saída da Alameda de Santiago de Compostela.

Haberá servizo de autobuses de balde con saída desde Ferrol (diante do Teatro Jofre ás 10:00) e desde Narón (Estrada de Castela á altura da Praza de Galiza ás 10:00). Pasarán a recoller por Fene e Vilar do Colo. O regreso está programado para as 14:30 horas con saída de volta desde a Dársena de autobuses da Avda. Xoán XXIII. Anótate no 981358750 antes das 20 horas do venres día 13 de Maio.

Participa!! O idioma é a vida!!

Asina o manifesto do 17

www.queremosgalego.org/

Evento no facebook:
https://www.facebook.com/events/480747665454068/

--
Un lugar de encontro para a cultura.
Ateneo Ferrolán, fundado en 1879.

e-mail: secretaria@ateneoferrolan.org | Telf.:  +34 981 357 970 Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK: https://www.facebook.com/Ateneo-Ferrol%C3%A1n-1430118530577463/
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Para axudas e aportacións económicas:
CC en Cajamar Cooperativa. Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
16 de maio de 2016 12:27
_______

Dia das Letras na Fundaçom Artábria e manifestaçom Nacional em Compostela

Segunda-feira 16, celebraremos na Fundaçom Artábria o Dia das Letras. Desde as 19.30hs, decorrerá umha grelhada a preços populares.

À noite, o cantor ferrolano Manolo Bacalhau porá música à jornada.

No dia 17 de maio, participaremos junto ao reintegracionismo de base na mobilizaçom nacional que decorrerá em Compostela, convocada por Queremos Galego, na defesa da nossa língua.

A cita é às 12.00hs ao pé das Marias.

Desde a Fundaçom Artábria apelamos à nossa base social a participar na mobilizaçom e nutrir o cortejo reintegracionista.

Reproduzimos a seguir o texto comum que será distribuído polos coletivos reintegracionistas:

Como cada ano, saímos às ruas para afirmar que nom nos vam deixar sem língua.

Desta vez, fazemo-lo brandindo a imagem, a obra e a memória de Manuel Maria, poeta da Pátria em galego.

Como quase sempre, um autor nom só de prática normalizadora, como também defensor da conveniência de a orientarmos para o ámbito em que mehor afondar nas raízes e melhor garantir um novo florescer: o da comunidade lingüística que, a partir da Galiza, ecoa em centenas de milhons de gorjas e fortalece a nossa fronteira de segurança frente à imposiçom do espanhol.

A identidade lingüística galego-luso-brasileira é o melhor recurso para que a Galiza se emancipe da submissom mental que nos impede um pleno desenvolvimento como povo. Sabia-o bem Manuel Maria, como antes o soubérom Murguia, Vilar Ponte, Castelao, Carvalho Calero... e hoje o sabem Teresa Moure, Séchu Sende e tantas escritoras e escritores. O reintegracionismo prático é umha ferramenta insubstituível para a plena normalizaçom.

Porém, nem chega com termos, como temos, a razom, nem com a adesom da inteletualidade mais comprometida com a língua e o País. É preciso estender o movimento pola recuperaçom plena do direito à língua no tecido associativo, mediático, sindical, educativo, popular...

As entidades e pessoas que juntas nos manifestaremos neste 17 de Maio fazemo-lo para afirmar essa necessidade, erguendo a Escola em galego, construindo centros sociais, meios de comunicaçom, coletivos e espaços de ócio em galego: exercendo a plena galeguidade lingüística em cada ato da nossa vida social.

Agindo como comunidade nacional viva e ativa: Essa será a melhor, a única, garantia de futuro para a nossa língua.

Avante, pois!

Compostela, Galiza, 17 de Maio de 2016
--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
15 de maio de 2016 17:40
_______________

Neste mês das letras Fundaçom Artábria oferta variado programa de atividades

A Fundaçom Artábria oferece este mês de maio um variado programa de atividades: música, palestras, exposiçons, gastronomia, atelier de repostaria criativa para crianças...

As atividades começárom a passada sexta-feira, 6 de maio, com umha palestra intitulada "Carvalho Calero e a sua açom política", organizada pola Comissom pró Dia das Letras 2017 para o ilustre ferrolano. Na mesma, o historiador ferrolano Bernardo Maiz Vázquez trouxo-nos o Carvalho mais militante.

Também na sexta-feira, a artista ferrolana Tam Sanserif inaugurou a sua exposiçom "Olladas" no nosso Centro Social. Pode ser já visitada em horário de abertura do café-bar e até o próximo 5 de junho.

No sábado 7 decorreu a primeira atividade musical do mês. Da Corunha chegou o speed-folque dos Ulträqäns.

Na sexta-feira 13 de maio, às 20.00hs decorrerá umha palestra que leva por legenda "As Irmandades da Fala: a tomada de consciência de sermos nós" na qual intervirá a companheira Goretti Sanmartín Rei, licenciada e doutora em Filologia Galego-Portuguesa e professora titular de Filologia Galega da UdC.

No sábado 14, Joám Luis Ferreiro, biólogo da confraria de Baralhobre, explicará a situaçom da nossa ria e como repercute no trabalho das mariscadoras e mariscadores da Comarca. A palestra intitulada "A realidade da ria de Ferrol" está marcada para as 20.00hs.

Segunda-feira 16, celebraremos na Fundaçom Artábria o Dia das Letras. Desde as 19.30hs, decorrerá umha grelhada a preços populares. À noite, o cantor ferrolano Manolo Bacalhau porá música à jornada.

No dia 17 de maio, participaremos na mobilizaçom nacional que decorrerá em Compostela, convocada por Queremos Galego, na defesa da nossa língua.
20 de maio, sexta-feira, projetaremos em ecrám gigante o jogo da nossa seleçom nacional contra a Venezuela, no que é a volta da irmandinha. Será a partir das 20.30hs.

No sábado 21, daremos continuidade as atividades de comemoraçom do centenário das Irmandades da Fala com um roteiro urbano pola cidade, onde Joám Lopes, licendiado em história pola UNED e Guia turístico da Galiza, vai guiar-nos polos locais mais significativos das Irmandades em Ferrol.

A saída está marcada para às 17.30hs ao pé do palco da música, no Cantom de Molins.

Às 19.00hs, também no sábado 21, decorrerá no Centro Social um atelier infantil de repostaria criativa ministrado por Maru Alonso. Precisa-se de inscriçom prévia gratuita e há límite de assistência para 15 crianças. A atividade está programa para nenos e nenas a partir dos 4 anos.

Na sexta-feira 27, em parceria com o Beco da Língua, chega a III Luso Paparoca. Desta volta, a protagonista será a comida brasuca. Haverá um atelier prévio onde aprenderemos a fazer feijoada.

Podes apontar-te ao atelier escrevendo para correiodeartabria@gmail.comou becodalíngua@gmail.com. O preço do atelier mais o almoço é de 10 euros.

No caso de só quereres ir jantar, o preço é de 12 euros e a ementa: Feijoada, bolo de cenoura, beijinhos de coco, guaraná e água. Também haverá caipirinhas. As praças estám limitadas a 25 pessoas.

Fecharemos o mês, sábado 28, com a apresentaçom do último trabalho dosSuperoito. O concerto começa às 23.00hs e a entrada é de 4 euros, 3 para pessoas associadas.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
9 de maio de 2016 13:35
________________

Asemblea Aberta, en Ferrol, en prol das Letras Galegas 2015 para o profesor Carvalho Calero, a celebrar o mércores 12 de febreiro, ás 7 da tarde no IES Concepción Arenal

LETRAS GALEGAS 2015 PARA O PROFESOR  CARVALHO CALERO (1910-1990)

Por obra da Sociedade Cultural Medúlio don Ricardo recibiu en Ferrol a súa primeira homenaxe pública en 1981, na que quedou manifesta a súa fidelidade á causa de recuperar para o seu país a súa propia cultura. Seguiron outras homenaxes, foi obxecto de simposios e congresos. .. Nomeado fillo predilecto de Ferrol en 1990; unha rúa, un centro de ensino e outro cultural desa cidade levan o seu nome  e alí se celebrou no ano 2010 o último congreso sobre el.

Don Ricardo Carvalho Calero, o primeiro profesor de galego na Universidade galega, pai lingüístico de varias xeracións,  foi vítima dun interesado esquecemento por manter a súa dignidade persoal e por entender que o noso idioma forma parte do sistema lingüístico do galego-portugués, opción diferente, pois, á oficial. Usando das súas palabras (1985) certas elites entenden que non deben realzar a personalidade dun disidente ... Que nen como estudoso nen como pensador sobre os problemas culturais da nosa terra atinxo a altura.

Como sinalaba a prensa do pasado día 29, mantívose ata hoxe, andados 24 anos do seu pasamento,  unha das ausencias máis clamorosas no eido das conmemoracións e homenaxes ás grandes figuras da cultura do país. Van tres ocasións nas que non prosperou a proposta de que a RAG dedicara as Letras Galegas a D. Ricardo Carvalho Calero, esgrevio galeguista que ao longo de seis décadas e un pouco desenvolveu un inmenso  labor poético, narrativo, ensaístico, académico, lingüístico, xornalístico, docente, ..., a prol de Galiza e da lingua e cultura galegas. Sen desmerecer a ninguén, entendemos que é tempo de que os grandes méritos do profesor Carvalho Calero sexan recoñecidos por una academia na que ingresara o 17 de maio do 1958.

Matinando no que vai exposto, o día 28 de xaneiro ousamos dar un primeiro paso, un chamamento na prensa a entidades culturais e veciñais, centros docentes, equipas de normalización lingüística, ..., de Ferrolterra, ás que hoxe convocamos a unha:

ASEMBLEA ABERTA
LETRAS GALEGAS 2015 PARA O PROFESOR CARVALHO CALERO
IES CONCEPCIÓN ARENAL DE FERROL
19 HORAS DO  MÉRCORES 12 DE FEBREIRO DO 2014


RICARDO CARVALHO CALERO
(Ferrol, 30 de outubro de 1910. Santiago, 25 de marzo de 1990)
-Membro do Seminario de Estudos Galegos (SEG) dende 1927.
-Primeiro presidente da Federación Universitario Escolar (FUE) en Compostela, 1931.
-Publica “Vieiros”, poesía, A Coruña, 1931.
-Licenciado en Dereito pola universidade de  Santiago, 1931.
-Membro da Xunta de Goberno da Universidade de Santiago no curso 1931-1932.
-Asinante de varios manifestos a prol dun galeguismo de esquerdas, 1931, 1932, 1933, 1936.
-No Partido Galeguista dende a súa fundación en 1931.
-Coredactor do Anteproxecto de Estatuto de Autonomía de Galiza, 1931.
-Cofundador do Grupo Galeguista de Ferrol, 1932.
-Funcionario do concello de Ferrol, 1933.
-Voda con Mª Ignacia Ramos Díez, outubro do 1933.
-Publica “O silenzo axionllado”, poesía, Santiago, 1934.
-Licenciado en Filosofía e Letras pola universidade de Santiago, 1936.
-Mitins a prol da Fronte Popular cara as eleccións de febreiro do 1936.
-Compromisario na elección do Presidente da República, maio do 1936.
-Mitins a prol do SI no referendum estatutario galego do 28 de xuño do 1936.
-Opositor en Madrid a cátedra de instituto, xullo do 1936.
-Miliciano na defensa da república no 6º Batallón da 36 Brigada Mixta, agosto do 1936.
-Ingreso na Escuela Popular de Guerra (Paterna, Valencia), xaneiro do 1937.
-Tenente  do exército republicano destinado no exercito de Andalucia, abril do 1937.
-Confirmado polo goberno republicano como profesor de instituto, xullo do 1937.
-Prisioneiro dos franquistas, abril do 1939.
-Consello de Guerra: 12 anos e un día de condena por galeguista e oficial republicano.
-Liberdade condicional en maio do 1941.
-Depurado como funcionario municipal de Ferrol e prohibición de exercer no ensino público.
-Clases en academias de Ferrol (Cervantes, Dafonte, Jorge Juan, ...), 1942-1949.
-Director do colexío Fingoi de Lugo, 1950-1964.
-Publica “Anxo da terra”, poesía, Pontevedra, 1950.
-Cofundador da editorial Galaxia, 1950.
- Publica “A xente da barreira”, novela, Santiago, 1951.
-Publica “poemas pendurados dun cabelo”, Lugo, 1952.
-Doutor en filoloxía románica, Madrid, 1954.
-Membro de número da Real Academia Galega (RAG), 1958.
-Publica “Salterio de Fingoi”, Vigo, poesía, 1961.
-Publica a “Historia da Literatura Galega Contemporánea. I”, ensaio, Vigo, 1963.
-Primeiro profesor de galego (encargado de curso) na universidade de Santiago, 1965.
-Anulada a prohibición política profesor de español nun instituto de Santiago, 1965.
-Primeira edición (acadou sete) da “Gramática elemental del gallego común”, Vigo, 1966.
-Publica “Sobre lingua e literatura galega”, ensaio, Vigo, 1971.
-Publica “Catro pezas”, teatro, Vigo, 1971.
-Por encargo da RAG elabora as “Normas ortográficas e morfolóxicas do idioma galego”, 1971.
-Catedrático de Lingüística e Literatura Galegas da universidade de Santiago, 1972.
- Publica a “Historia da literatura galega contemporánea (1808-1936)”, ensaio, Vigo, 1975.
-Publica “Estudos rosalianos”, ensaio, Vigo, 1979.
-publica “Libros e autores galegos-I”, ensaio, A Coruña, 1979.
-Presidente da comisión redactora das “Normas ortográficas do idioma galego”, 1980.
- Dimite por desacordo coa redacción definitiva das “Normas ...”, 1980.
- Xubilación como catedrático en 1980.
-Publica “Pretérito imperfecto (1927-1961)”, poesía, Sada, 1980.
-Membro de honra da Asociación de Escritores en Lingua Galega (AELG), 1980.
-Membro fundados da Associaçom galega da lingua (AGAL), 1981.
-Publica “Problemas da lingua galega”, ensaio, Lisboa, 1981.
-A A. C. Medúlio de Ferrol ofrécelle a primeira homenaxe pública, 1981.
-Publica “Futuro condicional (1961-1980)”, poesía, Sada, 1982.
-Publica “Libros e autores galegos-II”, ensaio, A Coruña, 1982.
-Publica “Teatro completo”, Sada, 1982.
-Publica “da fala e da escrita”, ensaio, Ourense, 1983.
-Medalla Castelao, 1984.
-Rexeita formar parte do Consello da Cultura Galega, 1984.
-Presidente do “Congreso Internacional de Estudos sobre Rosalía de Castro”, Santiago, 1985.
-Publica “Cantigas de amigo e outros poemas”, A Coruña, 1986.
-Publica a novela autobiográfica “Scorpio”, Premio da Crítica, 1987.
-Publica “Escritos sobre Castelao”, ensaio, Santiago, 1989.
Publica “Estudos sobre literatura galega”, ensaio, Sada, 1989.
-Publica “Do galego e da Galiza”, ensaio, Santiago, 1990.
-Publica “Reticencias ... (1986-1989)”, poesía, Santiago, 1990.
-Nomeado Fillo Predilecto de Ferrol, xaneiro do 1990.
-En 1992, despois da súa morte foi editado “Unha voz na Galiza. Artigos de xornal (1933-1989)”.
-Nomeado Fillo Ilustre de Galicia polo Parlamento galego, 1996.


Enviado por:
Anova Ferrol
-ferrolanova@gmail.com-
10 de fevereiro de 2014 15:28
http://anovaferrol.blogspot.com.es/
_____________

Foto: Vieiros - Unha pintada, demandando as Letras para Carvalho Calero, feita en Lugo polo CS Mádia Leva
__________________________

Poesía e Música do Mar, este Domingo 17 de Xuño en Ferrol: "Mareando as Nosas Letras 2012"

Embarcados nun Cantar, Poesía e Música do Mar, este Domingo 17 de Xuño, no peirao de Ferrol: MAREANDO AS NOSAS LETRAS 2012.

Se virades entrar un veleiro na ría co veleme despregado ao vento,
os foques tensos no botalón de proa
e a vela escandalosa alta no vento coma unha bandeira,
veriades a miña nenez a sorrir.
Antón Avilés de Taramancos

Lefre de Caldereta, aníma a participación, logo do aprazamento de esta actividade programada para o 20 do mes pasado.

MAREANDO AS NOSAS LETRAS 2012
(omareonosopatrimonio)

Festa marítima na ría de Ferrol

POESÍA E MÚSICA DO MAR

O domingo 17 de xuño ás 12:30h da mañá, no peirao de Curuxeiras.

A lancha de Mugardos navega na ría, cargada de música e poesía do mar.

Abarloate a nós na defensa e recuperación do patrimonio mariñeiro!!

Animamos as persoas que teñan embarcación a facer o seguimento da lancha.

Embarcados nun cantar, repartiremos folleto con letras de cancións mariñeiras.

Para acceder, baixar ou difundir o Acto -Cartaz e Folleto:

• Cartaz do Acto
• Folletos Letras de Cancións Mariñeiras

Rúa do Sol, 224-230, 1º B.
15401 Ferrol
lefre@lefredecaldereta.com
lefredecaldereta.com




Enviado por:
Lefre de Caldereta - Asociación Cultural
-lefre@lefredecaldereta.com-
14 de junho de 2012 09:43
________________

Lembrando o acto do ano pasado:

Galería Fotográfica do Acto: "Mareando as Nosas Letras 2011"

Fotos de Suso Pazos - Susete'70.

Álbum recopilatorio de Suso Pazos
Celebrando as Nosas Letras en Ferrol Terra:

"As nosa Letras 2011 - Lembrando a Lois Pereiro"
______________________

Galería Fotográfica do Acto Unitario pola Lingua, celebrado na Praza Rosalia de Ferrol

Este Sábado 15 de Maio, celebrou-se o acto unitario pola Lingua, na Praza Rosalia de Castro de Ferrol. Música, Poesia, manifestos, ... en defensa do Galego.

Esta é a Galería Fotográfica do Acto.




Fonte: http://picasaweb.google.es/fucobuxan

Enlaces relacionados:

• Ártabra 21: Ártabra 21 participará na convocatoria unitaria pola Lingua da Praza Rosalia este Sábado 15 de Maio, ás 6 da Tarde
• Ártabra 21: Autoconvocatória, para o Sábado 15 de Maio, polo Dia d'As Nossas Letras

_________________________

Mareando as nosas Letras: Domingo 16 de Maio de 2010

A.C. Lefre de Caldereta
Mareando as nosas Letras

A asociación cultural Lefre de Caldereta convídavos a todas e todos a que colaboredes e disfrutedes o domingo 16 de maio no paseo marítimo cos patróns e patroas das embarcacións nunha saída festiva pola nosa ría en defenda das Letras Galegas.

Despois deste percorrido no que cantaremos cancións remataremos polos bares do lugar que decidiron colaborar nesta actividade pioneira que lefre pretende que sexa por moitos anos.

Non faltedes!!.

Xuntamos cartel. Agradecemos difusión

Asociación Cultural Lefre de Caldereta
www.lefredecaldereta.com
lefre@lefredecaldereta.com

[Para ampliar clicar acima do cartaz]

Enviado por:
A.C Lefre de Caldereta
-lefre@lefredecaldereta.com-
14 de maio de 2010 21:06
___________________

Ártabra 21 participará na convocatoria unitaria pola Lingua da Praza Rosalia este Sábado 15 de Maio, ás 6 da Tarde

O Colectivo Ártabra 21, na súa reunión ordinaria celebrada onte, acordou participar na autoconvocatoria unitaria pola nosa lingua, deste Sábado 15 de Maio de 2010 que se vai celebrar na Praza Rosalia de Castro de Ferrol, situada no barrio de San Xoan, próxima á estrada de Castela. E apoiar a Manifestación Nacional, en defensa do Galego que secelebrará en Santiago de Compostela o vindeiro 17 de Maio, Día das Nosas Letras, dedicado este ano ao poeta do Caurel, Uxío Novo Neyra. Mais consideramos que todos os actos en defensa do Galego, sexan particulares, institucionais ou veciñais, son merecedores do nosdo apoio.

[Localización da Praza Rosalia do Concello de Ferrol]

Na actual situación de menosprezo, por parte da Xunta de Galicia e sectores políticos da dereita, na defensa da Lingua non pode haber fisuras. A nosa Lingua é unha parte fundamental da nosa cultura que nos identifica como galegas e galegos. O noso Colectivo fai un chamamento a todas as veciñas e veciños de ben, independentemente da lingua na que se expresen a defender o noso idioma, a lingua propia da Galiza, o Galego.

[Acto unitario na Praza Rosalñia do pasado ano 2009]

O millor xeito que temos de defender a nosa lingua é emprega-la, face-la útil e normal na nosa vida diaria: nos centros de traballo, no ensino, diante da administración, no mercado, na rúa, nos xogos, coa nosa familia e amizades, ... Mais os poderes públicos teñen a obriga de promove-la e dinamizar os mecanismos legais e medios técnicos para facer da lingua propia da Galiza, o Galego, unha lingua normal e querida, onde nos sintamos con orgullo de ser o que somos, persoas libres, cidadáns dunha sociedade amante da diversidade e do diferente, mais que non renuncia ao que lle fai singular no crisol das culturas e das linguas.

Mil primaveras máis para a nosa Lingua !!

O Galego Sempre vivo !!

Ferrol, Terra de Trasancos e Bezoucos, 14 de Maio de 2010

Colectivo Ártabra 21


Xurdimos a favor dunha política xusta, democrática, participativa e sustentábel, responsábel cara ao futuro da humanidade, respeituosa e defensora do medio natural
_____________________

Letras Galegas 2010 no Teatro Jofre: Sábado 15 de Maio

Sábado 15 de Maio en Ferrol: Letras Galegas no Teatro Jofre

LETRAS GALEGAS 2010 - ACTO CIDADÁN

Sábado 15 de maio, 2010, ás 20,30 h - Teatro Jofre – Ferrol

Coas actuacións de : Maite Dono & Waldo Martínez, Miguel Alonso, Cristina Pérez-Lago & Suso Pérez Lago, Lorena Calaza.

Presentación: Ghazafelhos.

Organiza : Concello de Ferrol – Cultura e Asociacións Culturais e Veciñais.

Invitacións a disposición da cidadanía, no Teatro Jofre, desde o martes 11 ata completar o aforo. Horario de 11 a 13 e de 18 a 20 h. Telefº de reservas: 981944245.

Próximos actos:

• Venres 14 de Maio - 17,00 h Cemiterio de Catabois: Homenaxe a o noso compañeiro Tino Deibe, no 2º aniversario do seu pasamento.
• Venres 14 de Maio - 19,00 h Centro C. Torrente Ballester. Visita guiada a exposición "Seguro?..." de Suso Basterrechea.
• Sábado 15 de Maio - 11 a 13 h. emisión en directo de "O Recuncho" en 93.9 FM. O programa radiofónico de Fuco Buxán.
• Sábado 15 de Maio - 20,30 h Teatro Jofre: Celebración do Día das Letras Galegas (Concello e Asoc. Veciñais e Culturais)
• Sábado 15 de Maio - "Roteiro Pico Vello" en defensa das Fragas do Eume (organizan varias asociacións)
• Lúns 17  de Maio - 12 h manifestación en Compostela "O Galego o Noso Existir" organiza Plataforma "Queremos Galego"

--
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es
Enviado por:

Fuco Buxán Asoc. Cultural - Ferrol

-fucobuxan@gmail.com-

12 de maio de 2010 15:47

________________________

Autoconvocatória, para o Sábado 15 de Maio, polo Dia d'As Nossas Letras

Celebrando a nossa Língua

Como todos os anos, na Praça Rosalia de Castro do Concelho de Ferrol, haverá umha homenagem à nossa Língua na figura da precursora da recuperaçom das nossas letras. Em anos anteriores, e em regime de autoconvocatória, várias organizaçons e colectivos vizinhais, sociais e culturais coincidíamos o 17 de Maio neste pequeno acto. Este ano, com tantos ataques para a nossa Língua, está convocada pola Plataforma Queremos Galego, umha manifestaçom nacional em Santiago de Compostela que apoia o nosso colectivo  É polo que, nos animamos a tomar a iniciativa de impulsar o acto da Praça de Rosalia trasladando-a para o sábado 15 às 18hs, mantendo o regime de autoconvocatória.

[Clicar acima da imagem para entrar na Galeria de Diapositivos a grande resoluçom]
[Achegada pola A.C. Fuco Buxan]

Todas as associaçons e colectivos podem intervir no acto com comunicados, poesias ou outras intervençons. Podem-se levar umhas flores como outros anos. As pessoas a título individual também podem fazê-lo, e desde A Revolta convidamos a quem assim o deseje a assistir co traje tradicional como um outro jeito de reivindicar a nossa identidade. Nós ponheremos a música.

GALICIA será a miña xeración quen te salve?
Irei un día do Courel a Compostela por terras liberadas?
Non, a forza do noso amor non pode ser inutil!
Uxio Novoneira

Nota.-
As entidades que decidam participar, seria bom que remitiram um comunicado aos medios, no que manifestem o seu apoio e participaçom no Acto Unitario en prol da Língua Galega que, em régime de autoconvocatoria, vai ter lugar em Ferrol, o Sábado 15 de Maio, às 6 da Tarde na Praça Rosalia de Castro.

Mil Primaveras mais para a nossa Língua !!

No,nome d'A Revolta

André Martínez Ces


Colectivo Sociocultural "A Revolta" de Trasancos

http://a-revolta-de-trasancos.blogspot.com/
__________________________

Este 17 de Maio todas e todos a Compostela en defensa da nosa lingua: Manifestacion Nacional "O Galego , o noso existir"

O GALEGO, O NOSO EXISTIR. MANIFESTACIÓN 17 DE MAIO EN SANTIAGO DE COMPOSTELA. QUEREMOS GALEGO!

Prezadas amigas,

Prezados amigos,

Co obxectivo de dar o maior impulso e toda a difusión posíbel á convocatoria, xuntámosvos o texto do folleto que se distribuirá masivamente na manifestación deste vindeiro 17 de maio en Santiago de Compostela, co pedimento de que o reenviedes e distribuades, facéndollo chegar a familiares, veciñas/os, coñecidas/os, compañeiras/os de aulas ou de traballo, etc. Aproveitemos o noso potencial –nós mesmas/os– e movámonos para que ningunha galega ou galego fique o 17 na casa por non saber que ten nas rúas de Santiago de Compostela unha cita inescusábel para seguir a defender a vida e o futuro do galego frente aos intentos de desprotexelo, desmantelando a súa oficialidade en ámbitos chave como a das administracións ou o do ensino.

Todas e todos facemos Queremos Galego. Por iso, entre todas e entre todos debemos facer o posíbel para que a do 17 de maio volva ser unha xornada histórica e a máis grande mobilización cidadá de todos os tempos en defensa da nosa lingua e da nosa cultura. Porque o galego, como ben di o lema co que chamamos á manifestación, é o noso existir.

Tamén vos queremos solicitar, na medida en que poidades, a vosa colaboración para algún dos labores de organización que haberá que atender o propio día 17 para que a manifestación sexa un éxito, tamén no plano organizativo (participando no servizo de orde, repartindo ou colaborando na venda de material, recollendo sinaturas para a ILP pola garantía dos dereitos lingüísticos, etc). Por iso, se podedes axudar nalgunha destas tarefas, confirmádenolo chamando ao 981 563 885 ou enviándonos un correo a
queremosgalego@queremosgalego.org.
Dámosvos as grazas por adiantado.

Vémonos este 17 de maio en Santiago de Compostela.

Cordiais cumprimentos

web oficial: http://www.queremosgalego.org/

Autobuses desde Ferrol Terra

SAÍDA
10:00.- Ares; os autobuses que pon o Concello de Ares sairán da Porta do SolTlf. 981 468 102
REGRESO
Ao remate da manifestación
 

SAÍDA

09:30.- Cabanas, no Areal
Tlfs. 637 971 387
REGRESO
Ás 14:30; xantar campestre en Sigüeiro e volta ás 18:00 para Cabanas
PREZO: 7 €


SAÍDA
09:00.- Cedeira; os autobuses que pon a CIG sairán da Praza de Galiza
Tlf. 699 821 073 (Fernando) - 655971748 (Mari Paz)
REGRESO
Ao remate da manifestación


SAÍDA
10:00.- Fene, diante do Concello
Tlfs. 981 341 451 (departamento de Cultura)
REGRESO
Ao remate da manifestación


SAÍDA
10:00.- Ferrol, local da CIG en Esteiro
Tlfs. 981358750 - 981352676
REGRESO
Ao remate da manifestación


SAÍDA
10:00.- Mugardos, diante do Concello
Tlfs. 981 470 338
REGRESO
Ao remate da manifestación


SAÍDA
10:00.- Narón, Praza de Galiza
Tlfs. 981 337 700; ext1205, ext1063
REGRESO
Ás 15:00


SAÍDA
10:15.- Pontedeume, na parada dos autobuses
Tlfs. 639 623 781 (Manolo)
REGRESO
Ao remate da manifestación


SAÍDA
10:00.- As Pontes
Tlfs. 981 451 510 (CIG)
REGRESO
Ao remate da manifestación


SAÍDA
10:00.- San Sadurniño, Praza do Concello
Tlfs. 981 490 027 (Concello)
REGRESO
Ao remate da manifestación


Enviado por:

QUEREMOS GALEGO!

-queremosgalego@acogalo.net-

12 de maio de 2010 16:41

__________________________

Em Ferrol, na Galiza...Sair à rua e defender o direito colectivo à língua: jornada lúdica-reivindicativa a próxima sexta-feira 14 de Maio

Jornada lúdico-reinvindicativa no Dia das Letras

Com motivo do Dia das Letras a Fundaçom Artábria organiza umha jornada lúdica-reivindicativa a próxima sexta-feira 14 de Maio.

Às 20.30h terá lugar um passa-ruas que sairá da Praça do Hino Galego e rematará no Cantom de Molins após percorrer o bairro da Madalena.

Posteriormente, às 22.00h decorrerá um concerto no Cantom de Molins com as actuaçons de Ugia Pedreira e Fred Martins, Ataque Escampe, Arenga, Garcia MC e Trapalhada.

Por suposto será de graça. Contaremos com carpa e balcom com preços populares.

Em Ferrol, na Galiza...Sair à rua e defender o direito colectivo à língua

Em condiçons normais, nengum povo precisa de dedicar especiais esforços a defender o uso da sua língua. Para nós, galegos e galegas, o uso normalizado do idioma que os nossos antepassados criárom há muitos séculos atrás é hoje quase umha heroicidade.

Som inumeráveis os obstáculos que as normas legais e institucionais nos colocam, com um único objectivo, marcado há muito tempo por quem nos nega como povo diferenciado: que se consume a substituiçom lingüística e o galego passe à história em favor da língua do Estado espanhol.

A verdade é que o quadro jurídico sempre favoreceu a imposiçom do espanhol, apontando falsas concessons ao galego, com base no chamado “bilingüismo harmónico”. Hoje sabemos que a “harmonia bilingüista” conduziu para os níveis mais baixos de uso social do galego de toda a história. Quantos nenos ou nenas galegofalentes conheces em Ferrol? É um conto com final feliz... para o espanhol.

Agora que o galego está socialmente enfraquecido devido a essas falsas políticas normalizadoras, o PP pretende, à frente da Junta da Galiza, pisar o acelerador da imposiçom do espanhol. Nom podemos permiti-lo. A resposta social que se tem dado neste último ano deve alargar-se e continuar até a derrota da política lingüística do PP, a começar polo novo Decreto de ensino que quer impor a partir do próximo ano académico.

Claro que, para sermos claros, as políticas contrárias ao galego nom som aplicadas só polo PP. No nosso concelho, a sucessom de governos de todas as cores nom seriviu em nengum caso para dar ao galego o lugar que lhe corresponde em Ferrol. Nem sequer a aprovaçom unánime de umha Ordenança de Normalizaçom, há mais de umha década, foi seguida da aplicaçom dos pontos ali recolhidos, que poderiam ajudar a socializar o uso do nosso idioma.

Nem nos cargos públicos, nem no funcionariado, nem na projecçom pública do trabalho institucional... em Ferrol, o actual governo, como os anteriores, abandona o galego à sua sorte, utilizando-o só às vezes e de maneira subsidiária em relaçom ao espanhol, estendendo umha mensagem muito negativa à sociedade, fazendo aparecer o espanhl como o “verdadeiramente importante”.

Só a própria sociedade organizada poderá dar a volta a umha situaçom tam complicada como a que o galego atravessa, em Ferrol e na Galiza. Por isso, mais umha vez, a Fundaçom Artábria quer visibilizar o compromisso das ferrolanas e ferrolanos com o nosso idioma, saindo à rua para defender o direito colectivo à língua.

Porque nom queremos ser tratadas nem tratados como “objectores” ou excepçom à regra do espanhol obrigatório. Queremos compromissos claros e concretos de cada instituiçom com o galego como idioma próprio da Galiza.

Esse é o objectivo do passa-ruas reivindicativo que convocamos para este 14 de Maio, poucos dias antes do Dia das Letras Galegas.

Convidamos as entidades e pessoas que em Ferrol coincidem nesse afám normalizador do galego para, juntas e juntos, reclamarmos aos poderes públicos umha nova política lingüística que ajude a devolver o galego ao seu legítimo proprietário: o povo galego.


Sítio webda Fundaçom Artábria
http://www.artabria.net

Sítio web do festival da Terra e da Língua
http://www.artabria.net/festival
Enviado por:

Fundaçom Artábria

-artabria@artabria.net-

7 de maio de 2010 22:19

__________________