Amosando publicacións coa etiqueta Miguel A. Quinteiro. Amosar todas as publicacións
Amosando publicacións coa etiqueta Miguel A. Quinteiro. Amosar todas as publicacións

martes, xaneiro 19, 2016

Chamamento a unidade ... Por Miguel A. Quinteiro


Por Miguel A. Quinteiro [*]
19.01.2016


Logo do encontro da Estrada ...

Chamamento a unidade...

A unidade tense con concretar antes das eleccións: Definir un programa común, atendendo os problemas reais e transcendentes (Banca Pública, privatizacións e dereitos sociais, Lei electoral e Constitución)

O "sistema" que manexa os medios de comunicación pretende entreter a cidadanía, provocando divagacións sobre anécdotas ou asuntos periféricos, cando o que e imprescindible e concretar un programa que se axuste as necesidades reais das persoas... Reformas da normativa financeira, evitar a explotación de recursos sociais de forma privada, enerxía, finanzas e servizos sociais, públicos, xestionados como servizo pero nunca como negocio... O dereito a referendo, a potenciación da actividade Asemblearia, nun exercicio de transparencia, e imprescindible.

Así a constitución de Asembleas Populares, ante as que os partidos e opcións políticas poidan debater os seus programas, Chámense Mareas, Plataformas Municipalistas, ou simplemente, Asembleas Populares, nun exercicio de transparencia, información e debate, consolidando un sistema de democracia real, onde os políticos poidan dialogar co pobo.

Así pois o BNG ten que ser invitado a unirse a este proxecto de unidade, tamén os que traballaron polo "encontro", que entendo so os de marea.gal, así como outros grupos da esquerda, para construír un FORO onde participar de forma unitaria, necesitamos unha maioría nos órganos lexislativos, para que o sistema sexa recoñecido legalmente.

E dicir, unha vez consolidado o sistema Asembleario, como elemento decisivo de participación cidadá e transparencia, os partidos poden recuperar a súa independencia, nun debate político competindo nun foro participativo e preparatorio para unha estratexia de acción política.

Iso implica que a Plataforma/Asemblea/Marea ten queestar organizada de forma estable, cos seus órganos de xestión e recursos financeiros (por cotas dos seus membros, ou fondos subvencionados, como entidade de utilidade pública) coun carácter de permanencia, aberta a participación da cidadanía, en base a un código ético, xa amplamente definido nas plataformas municipais ou mareas...

Haberá que debater como se estrutura, en canto que podería ser en base a Asembleas locais, ou de bisbarra, que logo deleguen en encontros s nivel provincial ou de nacionalidade, pero sempre sometendo a toma de decisións a votacións das bases, nun referendo interno...

[*] Miguel A. Quinteiro -22 de abril de 1940 A Estrada, é un activista social, promotor da economía social e solidaria, construtor do movimento cooperativo e deseñador de aplicacións informáticas colaborativas para o movimento social. Foi traballador da banca, na actualidade xubilado. Membro destacado do asociacionismo contra os abusos bancarios e contra o roubo das caixas de Aforros. Cofundador de ACOUGA - Asociación Galega de Consumidores e Usuarios de Galicia. Participante no 15M, promotor das ideas de que a esquerda ten que ser colaborativa, cooperativa e solidaria. Cofundador da  Activista contra o pago da débeda odiosa. Membro de Attac (Asociación pola Taxación das Transaccións Financeiras e Axuda aos Cidadáns). | Mora en Gondomar concello da comarca de Val Miñor.|Facebook, Twitter e Youtube. | correo-e: maqmaq@gmail.com.|

Relacionado: Encontro da Estrada
As mareas municipais toman a iniciativa para a confluencia nas eleccións galegas, ... reportaxe de David Lombao en Praza Pública | @davidlombao | Ir á Web.

Foto do Encontro da Estrada| 16.01.2016 | Marea Atlántica.

Enviado por:
Miguel Quinteiro
-maqmaq@gmail.com-
18 de janeiro de 2016 12:47
___________