Amosando publicacións coa etiqueta O Muro de Ferrol. Amosar todas as publicacións
Amosando publicacións coa etiqueta O Muro de Ferrol. Amosar todas as publicacións

venres, xullo 02, 2010

Venres 2 de Xuño de 2010, cadea humana contra o muro

O Bloque Nacionalista Galego de Ferrol convoca o vindeiro venres 2 de xullo (às 18:30 horas desde a porta de Navantia) un acto reivindicativo consistente nunha cadea humana para esixir a retirada do muro do arsenal.

O BNG considera que a actitude do goberno local fronte a esta actuación é totalmente pasiva ademais de considerar que carece de intención real de esixir ao ministerio de Defensa a súa derruba. Só a presión social parece facer mover ao goberno de Irisarri, polo que é interesante esixir na rua a necesidade de abrir Ferrol ao mar.

Para nós a derruba da muralla do arsenal é un vello soño do pobo de Ferrol que quere ver o mar, a perspectiva da súa ría

e contemplar a infraestrutura arquitectónica do arsenal: unha valiosa obra de enxeñería que consta de numerosos edificios de importante categoría artística.

Asi mesmo, queremos ver integrados na nosa estrutura urbanística, polo menos, os lugares que están militarmente desafectados.

Ademais decontribuír á transformación de Ferrol para convertela nunha cidade máis habitable, humana e atractiva: substituír o actual muro (que contra toda lóxica e estética aínda permanece en pé) contribuiría a acadar este obxectivo.

Bloque Nacionalista Galego Ferrol

Enviado por:
BNG-Ferrol
-bng@ferrol.es-
1 de julho de 2010 13:53
____________________

venres, xaneiro 29, 2010

Mil razóns contra o muro


  • O BNG presenta a campaña "Mil razóns contra o muro"
  • O BNG INICIA UNHA CAMPAÑA PARA ABRIR FERROL AO MAR
  • A CAMPAÑA LEVA POR LEMA “MIL RAZÓNS CONTRA O MURO”


O BNG de Ferrol vai desenvolver unha campaña social para que non se demore máis a decisión de proceder a derrubar o Muro que Defensa mantén en pé desde a Praza Vella até a Porta de Navantia e que segue a dividir a nosa cidade, privándonos do mar e privando ao conxunto da sociedade dunha riqueza arquitectónica integrada na proposta local ao Patrimonio da Humanidade.

O BNG considera que tres son os argumentos que sosteñen esta iniciativa: poñer fin a división urbana da cidade rematando cos privilexios estamentais que representa o muro, abrir Ferrol ao mar e integrar e recuperar para os ferroláns e ferrolás a riqueza patrimonial do arsenal militar.

Pretendemos iniciar unha campaña de recollida de sinaturas nas que cada persoa poida expresar libremente as razóns polas que lle gustaría que se tirara o muro, tratase de artellar canles de comunicación para que a cidadanía se exprese libremente.

Pretendemos Pulsar o estado de opinión dos ferroláns e ferrolás sobre un tema que sempre preocupou e que nunca se abordou con suficiente seriedade e determinación e Promover a participación activa da cidadanía nas decisións que afectan ao deseño da súa cidade. Así mesmo queremos Contribuír á transformación de Ferrol para convertela nunha cidade máis habitable, humana e atractiva.

En pleno ano 2010 é hora de integrar no entorno urbano da cidade esta zona amurallada e que se garantan os orzamentos precisos para acometer esta intervención xa que os argumentos contrarios a súa desaparición como o da seguridade garantense perfectamente con outro tipo de peche máis diáfano.

Enviado por:
BNG
-bng@ferrol.es-
29 de janeiro de 2010 12:50

__________________

Web do BNG en Ferrol Terra:
http://www.bng-galiza.org/opencms/opencms/BNG/ferrolterra/seccions/portada/
______________________________________