Amosando publicacións coa etiqueta Planta de Gas: fóra da Ría. Amosar todas as publicacións
Amosando publicacións coa etiqueta Planta de Gas: fóra da Ría. Amosar todas as publicacións

venres, xullo 13, 2012

Actos en apoio á Marcha a pé a Mugardos



Actos en apoio á Marcha a pé a Mugardos

O Comité Cidadán de Emerxencia, coa determinación de dar un impulso este ano á VI Marcha a Pé Ferrol-Mugardos e conquerir a participación do maior número posible de persoas, ten previsto realizar diversos actos informativos, tanto das características e efectos da Sentenza do Tribunal Supremo, como das accións que se están a levar a cabo exixindo o peche de actividade de Reganosa.

Polo tanto, convida a cantas persoas desexen participar, aos seguintes actos:
Sábado 14 de Xuño: ás 11 hs, na Praza do Inferniño, (coincidindo co mercadillo mensual) para información e reparto de octavillas.  (Punto de encontro:  Praza Inferniño, cruce das Rúas Vivero e Alcalde Usero)
Domingo 15 de Xuño: ás 11 hs, na Feira de Ferrol, para información e reparto de octavillas.   (Punto de encontro: Escaleiras do Teatro Jofre).
Venres 20 :   VI Marcha a Pé Ferrol-Mugardos.  Saída ás 17 hs, do Parque Carmelo Teixeiro – Caranza, e chegada á Praza do Mercado de Mugardos, aprox. ás 21 hs, onde se poderá disfrutar da camaradería, música e comida.

Todo o mundo pode participar: a pé, en bici, en coche, toda a marcha ou algunha etapa, ou acudindo a Mugardos para recibir a xente que camiña.  Haberá coches de apoio e se admiten todo tipo de colaboracións.


Difundir, animar á familia, aos amigos, á xente do entorno e participar.

PASO A PASO, PLANTA DE GAS FÓRA DA RÍA
--

Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org


Documentos:
RECURSO CASACIÓN Num.: 451212008 SENTENZA TRIBUNAL SUPREMO | SALA DO CONTENCIOSO·ADMINISTRATIVO SECCIÓN: QUINTA 11.05.2012

T.S.X.GALICIA A CORUÑA SENTENZA: 00311/2008 - COH/AD SEC.2 22.04.2008
Enlace para acceder ou baixar o Cartaz da VI Marcha a Pé entre Ferrol e Mugardos, formato -pdf: |Ir ao Cartaz|
__________________



xoves, xuño 21, 2012

O Comité Cidadán de Emerxencia convoca unha nova concentración ante a entrada dun novo gaseiro cargado na ría [ Venres 22 de xuño ás 19 horas na Praza da Himno Galego - Ferrol ]



Prevista a entrada na Ría do gaseiro cargado con gnl, nº 120 “LNG Borno” o Comité Cidadán de Emerxencia para a Ría de Ferrol, convoca:


CONCENTRACIÓN

Venres, 22 de xuño 2012, ás 19 hs,

Praza do Himno Galego

Esteiro - Ferrol


Características do buque:
Nome.- LNG Borno, Bandeira.- Bermudas, Eslora.- 285 m, Manga.- 43.4 m, Calado.- 12 m, Puntal.- 26 m, Capacidade.- 149.600 m³ de GNL

Visita a nosa Web:  www.comitecidadan.org
-- 
Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org

...........

Ligazóns relacionadas:

Ártabra 21: O Comité Cidadá fai pública a 3ª Sentenza do TSXG contra REGANOSA e reclama á Xunta de Galicia que retire os recursos ante o Tribunal Supremo

Ártabra 21: O Tribunal Supremo falla: ¡Reganosa ilegal! - O Comité Cidadá de Emerxencia convoca unha Rolda de Prensa
 
Ártabra 21: Rápido, depresa, correndo e prevaricando, a Xunta de Galicia apurou-se a aprobar unha modificación do PXOM mugardés co ánimo de chulear a Sentenza do Tribunal Supremo que declara a Reganosa ilegal  

Ártabra 21: Quen a fai a paga ! - REGANOSA ILEGAL !

xoves, xuño 05, 2008

Rolda de prensa do Comité Cidadán de Emerxencia e e Cambio de data da Concentración

de Comité Cidadán de Emerxencia
data 5 de junho de 2008 18:39
assunto Resumo R d Prensa hoxe e Cambio data Concentración


URXENTE : NOVA DATA DA CONCENTRACION CONVOCADA POLO CCE

Debido ao cambio na data de entrada do Gaseiro LGN River, que terá lugar previsiblemente o próximo sábado, trócase a convocatoria prevista para om venres, para ese día :

Sábado, 7 de Xuño, ás 19 horas
Edificio Administrativo da Xunta de Galicia
Praza de España – Ferrol
CONCENTRACIÓN CACEROLADA E MANIFESTACIÓN

¡¡ PLANTA DE GAS FORA DA RÍA ¡!


Rolda de prensa do Comité Cidadán de Emerxencia no Concelho de Ferrol o 05-06-2008.



Escoita os audios:

1ª Parte - Descarregar


2ª Parte - Descarregar

domingo, maio 18, 2008

A Regasificadora de Mugardos na Ría de Ferrol: historia dunha ilegalidade premeditada e impune, e dun delito

A Regasificadora de Mugardos na Ría de Ferrol: historia dunha ilegalidade premeditada e impune, e dun delito

Miguel Ángel Llana
Rebelión 17-05-2008
http://www.rebelion.org/

Reganosa é unha planta regasificadora de Gas Natural Licuado, GNL, situada en Mugardos, ao fondo da Ría de Ferrol. Os buques de GNL teñen que facer un percorrido pola Ría de cinco km até Mugardos, mais en toda a Ría só 150 metros de ancho teñen calado suficiente para este tipo de buques. A entrada só pode realizarse a unha hora determinada da pleamar e con mar e vento en calma. O barco é conducido, de modo case acrobático, por catro remolcadores, dous tiran do gasero pola proa cara ao interior da Ría e outros dous na popa tiran en sentido contrario para reter e servir de temón ao barco impedindo que se atravese ou encalle. Estes barcos teñen unha manga de 50 metros e a normativa esixe que a canle navegable teña de ancho, como mínimo, cinco veces a manga, é dicir, 250 metros, mentres que a sinuosa ría de Ferrol só ten 150 m como máis arriba se di.

Cando unha actividade, como é a instalación e localización dunha regasificadora, exponse como negocio e o seu fin primordial só é o negocio, a confrontación cos intereses sociais xorde de inmediato. E non se trata de estar de acordo ou de oporse a determinadas tecnoloxías, nin a determinadas fontes de enerxía, senón ao procedemento e aos medios utilizados que afectan, sen miramientos, ao conxunto da sociedade [A conveniencia da regasificadora sería outro tema non menos discutible].

As medidas de seguridade e o respecto ás leis relacionadas con este tipo de actividades tan perigosas quedan subordinadas ao negocio do gas. A complicidade necesaria e directa dos poderes públicos: municipal, autonómico e do goberno central, e a do resto dos poderes, é máis que evidente. O mesmo que a dos partidos políticos PP, PSOE e BNG que, como neste caso, teñen un protagonismo clamoroso. Todos eles sitúanse con e á beira do poder económico e fronte a decenas de organizacións de cidadáns.

Nas xornadas celebradas en Xixón, Asturias, sobre as Regasificadoras centráronse primeiro, na de Mugardos xa en funcionamento e, despois, na que está en proxecto para o porto de Xixón, no Musel. Mabel Rivera e Enrique Banet revelaron cuantiosos datos sobre a historia de Reganosa, tanto na charla que impartiron, na proxección do documental "O salario do Silencio" como nas declaracións posteriores que realizaron. Sen esquecer a conferencia tan documentada que impartiu Manuel Amorim, profesor da Escola de Enxeñeiros Navais de Ferrol.

Aínda que os sucesos crúzanse e se solapan no tempo, a cronoloxía é tan triste como lamentable, pero así de reveladora:

1990. ENAGAS, que entón era unha empresa pública, inicia o proxecto dunha regasificadora no Noroeste, en Galicia, ante a perspectiva -negocio- de que ENDESA xunto con FENOSA poidan construír centrais eléctricas de ciclo combinado; prevían entón que as minas de lignito estarían esgotadas para o 2007.

1994. Elabórase unha Declaración de Impacto Ambiental favorable para poder instalar unha planta regasificadora no porto exterior que, ademais, serviría para porto de carbón, chatarra e outros tráficos perigosos.

Aínda que o proxecto inicial contemplaba un peirao de abrigo de 750 metros só se construíu menos da metade.

No medio de todo isto, o empresario Roberto Tojeiro, co apoio dalgún político con intereses empresariais oponse á construción do ferrocarril que podería servir para o transporte do carbón para as Centrais Térmicas de ENDESA situadas nas Pontes, monopolizando así o transporte por estrada en proveito propio.

1996. Baixo o goberno do PP de Aznar privatízase ENAGAS e o proxecto gasístico para o Noroeste, o de Galicia, abandónase. O negocio agora é outro, pero só de momento.

1997. O empresario Tojeiro aproveita a oportunidade para lanzar o proxecto de planta regasificadora, privada por suposto, ao amparo da planeada ampliación dos peiraos de Forestal do Atlántico cuxo recheo excede o previsto e solicitado, incumprindo así gravemente a lei de costas. Pero ninguén di nada e todo segue adiante coa complicidade das autoridades competentes tuteladas polos partidos políticos no poder ou na oposición.

1999, xuño. Como cabería de esperar, iníciase o recheo ante a sorpresa dos veciños. E, finalizado o recheo, subscríbese un pacto secreto ["Pacto á Siciliana"] entre Fraga e o grupo do empresario Tejeiro no que se garante, como non, a rendibilidade da Plánta Regasificadora no caso de que as previsións de negocio non se cumpran. É dicir, privatización de beneficios e socialización das perdas e dos prexuízos ao medio ambiente, á seguridade das persoas e aos seus bens.

1999, agosto. O Xefe do Estado Maior da Zona Marítima do Cantábrico, Pedro Español Jofre de Villegas, é destituído e enviado á Reserva por presentar un informe ao Ministerio de Defensa afirmando que o proxecto da Planta de Regasificación afectaba á seguridade do Arsenal Militar situado na zona. Posteriormente Federico Trillo, ministro de Defensa, negou en máis dunha ocasión, a existencia de tal informe.

2001. Comézase a falar da construción da planta Regasificadora. Forestal do Atlántico, S.A. consegue a autorización para ampliar os seus peiraos. Realizan a tramitación e obteñen de inmediato a declaración favorable de Impacto Ambiental aínda que é anulado posteriormente polo TSXG e ratificado posteriormente polo mesmo Tribunal en 2004.

O Presidente da Autoridade Portuaria, Guillermo Romeu Caramelo, oponse á instalación da Planta Regasificadora no zona de recheo realizado na Ría porque incumpre a Lei de Costas e advirte que retirará a concesión. A represalia non se fai esperar e é cesado fulminantemente sen máis argumentos.

Os movementos sociais non se fixeron esperar, este mesmo ano o Comité Cidadán de Emerxencia, CCE, iniciou as súas mobilizacións en contra da localización da plánta Regasificadora en Mugardos.

2004, febreiro. Reganosa consegue o permiso de construción e pouco despois inicia as obras. En agosto de 2007 comeza o funcionamento da Regasificadora, non sen que antes a mobilización das embarcacións de pesca da ría de Ferrol bloqueasen a entrada na boca da ría durante varios días, ata que o día 9 de agosto e coa presión desproporcionada da policía antidisturbios, entrase o primeiro buque gasero. O "Espírito de Galiza" [Galicia Spirit], como así se denominaba este primeiro buque; todo parece que á afronta haxa que sumar a burla.

Un ano despois, 20 buques criogénicos duns 150.000 m3 cada un con GNL percorreron os cinco km da ría de Ferrol para transvasar a súa carga aos dous tanques da Regasificadora cunha capacidade total de 300.000 m3 de GNL.

Mentres, están pendentes 12 procesos xudiciais, 3 demandas ante a Unión Europea e 2 na Fiscalía, todas elas relacionadas coas graves irregularidades de funcionamento e localización de plántaa Regasificadora de Mugardos. As autoridades actuando á marxe da lei, presumiblemente claro, o mesmo que os partidos políticos.

Por actuacións ou procedementos similares, noutras zonas de Galiza, e por outros motivos, medio centenar de organizacións sociais de todo tipo crearon un movemento cidadán fronte aos partidos políticos e fronte ás institucións con obxecto de manter as mobilizacións por toda Galiza baixo os lemas "Galicia non se vende", "Goberne quen goberne Galiza non se vende" ou o da proposta de "Terra viva e vida digna para todos". En todos os casos son as organizacións sociais dos cidadáns as que se enfrontan ás institucións e aos partidos políticos que din e considéranse os seus representantes, pero a realidade é que estes enfrontamentos son o denominador común entre os cidadáns e os seus mencionados representantes.

Miguel Ángel Llana

Enlace co artigo orixinal no xornal dixital "Rebelión"
__________



_________
Boletín nº 14 do Comité Cidadán de Emerxencia para a Ría de Ferrol
http://na-defensa-da-ria-de-ferrol.blogspot.com/
___________

venres, maio 16, 2008

Acompañamento a Tino Deibe, hoxe, 16 de abril de 2008, ás 4 da Tarde no Cemiterio de Catabois nun enterramento civil

Tino Deibe: un dos nosos

O Comité Cidadán manifesta o seu fondo pesar pola desaparición de Tino Deibe, un dos primeiros en iniciar a andaina desta plataforma cidadá contra a ubicación da planta de gas no interior da ría de Ferrol, hai xa máis de sete anos.

Tino Deibe é ademais o creador do logotipo oficial do Comité; así como unha persoa estreitamente vinculada á Asociación Fuco Buxán, fundadora desta entidade.

Este venres ás 16 horas será o seu enterro civil en Catabois (Ferrol).


Comité Cidadán de Emerxencia para a Ría de Ferrol
comitecidadan@gmail.com
http://comitecidadan.org

xoves, maio 15, 2008

Convidados a Asturias, á cidade de Xixón, varios membros do movimento opositor a REGANOSA, para expoñer a nosa experiencia de loita cidadá

«A localización da regasificadora no porto do Musel é mala»
O profesor galego pronuncia hoxe unha conferencia na Biblioteca Jovellanos sobre o risco da instalación

Albina FERNÁNDEZ

Manuel Amorim falará hoxe ás 19.00 horas, na Biblioteca Municipal (rúa Jovellanos), «sobre os riscos da regasificadora», invitado polo movemento cidadán contra o proxecto de planta regasificadora do Musel, «Regasificadora Non», en colaboración co Club A NOVA ESPAÑA de Xixón. Amorim é profesor da Escola de Enxeñeiros Navais de Ferrol e foi directivo do estaleiro Astano ata o ano 2000. Asesorou ao Concello de Ferrol e ao Comité Cidadán de Urxencia (CCE) nas alegacións á planta de gas da ría, e traballou en proxectos «offshore» para EE UU, Noruega e Reino Unido durante 20 anos.

-Como entrou no movemento contra a gasificadora?

-Dun xeito espontáneo. Era unha preocupación que tiña durmida, porque en principio estaba prevista para o porto exterior, pero cando se falou de facela no interior da pequena e angosta ría alarmeime, como todo o mundo. Empecei a acudir ás reunións da asociación de veciños, informeime e contactei co CCE. Non son político, son un técnico que trata de levar á xente a información que a nós se nos negou en Ferrol.

-Como está o tema agora?

-Levamos oito anos loitando e desde fai un a planta funciona, logo dunha férrea oposición, pero nós seguimos loitando. Temos pendentes 12 procesos xudiciais, tres deles en Europa e na fiscalía anticorrupción, porque se defenderon intereses moi escuros. E quero aclarar que non estou en contra do gas natural, e menos do licuado, pero esixo que se cumpra a lei e que as regasificadoras sitúense en sitios adecuados.

-Que mentiras dinse sobre estes proxectos?

-Moitas, case todo é mentira. Para empezar, non é unha enerxía tan limpa como aseguran, e a pesar de que utilicen a última tecnoloxía, son plantas que teñen un risco porque almacenan gran cantidade de enerxía, dúas ou tres veces máis que unha bomba nuclear. É difícil que pase algo, pero pode pasar, e sería unha gran desgraza. De feito hai máis de 160 posibles causas de accidentes, e para evitar consecuencias hai unha normativa pero non se cumpre, e iso me cabrea moitísimo, porque os políticos foron elixidos precisamente para defender os intereses da poboación, non dos grandes grupos económicos.

-Que di a lei?

-Entre outras cousas, que ten que haber unha avaliación de cada un dos riscos, que os barcos teñen que ter capacidade de manobra en caso de urxencia e que ten que estar a certa distancia das vivendas. En Ferrol nada diso cúmprese.

-Que coñece do proxecto de Enagas para O Musel?

-Estudeino na rede e creo que non pode ir alí. Vexo que a planta está dentro do peirao, non no porto exterior, e pegada á zona de carbón, supoño que para aforrar diñeiro. Non é un bo sitio porque hai vivendas cerca e, por exemplo, en caso dun derrame maior de gas as consecuencias expandiríanse ata catro quilómetros, é dicir ao centro de Xixón. Pero os políticos non dirán nada e prometerán postos de traballo que son totalmente irreais. CLUB A NOVA ESPAÑA de Xixón

Enlace coa noticia orixinal


O documental «O salario do silencio» impresiona ao público en "El Llano"

A. FERNÁNDEZ

Enrique Banet e Mabel Rivera, ao fondo, antes da proxección. Foto: jorge peteiro

«¡Quedamos pasados o ferro!». Esa foi a reacción do público asistente onte á proxección do documental «O salario do silencio», de Mabel Rivera e Enrique Banet, sobre o conflito pola construción da regasificadora de Reganosa na ría de Ferrol. E é que as imaxes da desigual pelexa das débiles embarcacións da xente do mar tratando de frear ao primeiro «xigante» gaseiro no seu camiño cara á polémica regasificadora provocaron unha profunda impresión no público.

A loita non puido evitar que finalmente o gaseiro lograse o seu obxectivo, fai hoxe un ano, grazas á intervención das forzas antidisturbios da Policía Nacional e da Garda Civil do mar, e tampouco que ao longo deste ano entren outros 20 gaseros máis, pero si logrou que o movimento estendésese a toda Galiza, que se uniu ao berro de «Galiza non se vende, goberne quen goberne», un movemento cidadán «prohibido» para os políticos e sindicalistas. E é que as forzas políticas saen mal paradas no documental ao soster posturas diferentes segundo estivesen na oposición ou gobernando.

Enlace coa noticia orixinal

__________

Video de Abril de 2008, nunha presentación do salario do silencio en Galiza

Henrique Banet (Antigo realizador de Senda verde,TVG) e Mabel Rivera (Actriz, Mar adentro,pratos combinados...) presentan o documental "O salario do silencio", que relata os perigos da pranta de gas de REGANOSA, dentro da ría de Ferrol.


___________

Mabel Rivera e Enrique Banet, produciron e realizaron o documentario "O Salario do Silencio". [Trailer]





____________

venres, maio 09, 2008

A oposición a REGANOSA resposta ás novas ameazas

O movimento opositor á planta de Gas de Reganosa conseguiu hoxe superar un atranco máis no camiño de conseguir que a planta regasificadora desapareza da Ría de Ferrol. Ese atranco o puxo o Subdelegado do Goberno, prohibindo o roteiro que se convocou, por parte do Comité Cidadá de Emerxencia, ante a entrada dun novo gaseiro, e no aniversario da entrada do Galiza Spirit, o primeiro gaseiro que atracou no porto de Reganosa, despois de dous intentos fallidos povocados pola actuación coraxosa da xente do mar, que coas súas lanchas enfrentaron ao xigante Galiza Spirit, rompendo os muros de silencio que aprisioaban a loita pola vida e a defensa da Ría. Esta tarde a provocación do Subdelegado do Goberno tivo unha resposta firme, clarificadora e á vez sinxela por parte do Comité Cidadá de Emerxencia: non se pode prohibir a defensa da vida, non se pode prohibir a defensa do dereito a vivir sen ameazas, para os habitantes desta comarca e para o medio ambiente.

As tres novas ameazas de Reganosa, que se veñen sumar ás xa existentes, aumento da capacidade de regasificación, voadura dos fondos da Ría e transporte do GNL en camións, van ter resposta social clara e constante. Hoxe foi nun roteiro que sinalou os socios financieiros e económicos deste proxecto corrupto e irresponsáble, mañá será a denuncia dos actores políticos que acompañan este proxecto ou miran para outro lado mentras se consolida e amplia esta amenaza no corazón da nosa comarca.

Esta primavera comeza con forza despois das chuvias e os ventos destes últimos meses. Así comeza a nova andaina de mobilizacións do Comité Cidadá de Emerxencia. O verán tampouco será tranquilo. Manifestación o domingo 8 de xuño, Marcha a pé até Mugardos e Festival Reivindicativo no aniversario do peche da veciñanza na Casa do Concello de Mugardos, Iniciativa Artístico-Cultural para elaborar o Maior Mural do Mundo que represente as agresións que sufre a nosa Ría... Este verán marchamos, pintamos, cantamos, berramos, bailamos... porque soñamos coa Planta de Gas Fora da Ría!


_________________

Enlace co Blog do Boletín nº 14 [Maio-Xuño-Xullo - 2008] do Comité Cidadán de Emerxencia para a Ría de Ferrol nel podedes baixar [en formato PDF] a edición impresa do Boletín e do Cartaz que convoca a Manifestación do 8 de Xuño, para copiar e difundir por todos os recunchos da Comarca. Mais tamén podedes acceder a TVComité onde se poden ver 52 videos, seguidos ou indiviualmente.

Sumario do Boletín nº 14:
_________

Fotos cedidas pola asociacion Veciñal O Rosario-Inferniño
Blog veciñal
Artigos PA21

-avvorosario@gmail.com-
Nas próximas horas postaremos o álbum completo do Roteiro Urbano que tivo lugar o 9 de maio de 2008, para denunciar ao socios que forman parte de REGANOSA.
_______________

mércores, maio 07, 2008

9 de Maio, marcha por Ferrol, para sinalar os responsables económicos que están destrás de REGANOSA

VENRES 9 DE MAIO, ANDAINA CONVOCADA POLO COMITÉ CIDADÁN DE EMERXENCIA PARA A RÍA DE FERROL, COMEZANDO ÁS 6 DA TARDE, DIANTE DO EDIFICIO ADMINISTRATIVO DA XUNTA DE GALICIA, PARA SINALAR OS RESPONSÁBEIS ECONÓMICOS QUE ESTÁN DETRÁS DO DESPROPÓSITO GASÍSTICO DA ILEGAL E PERIGOSA REGANOSA

Quen é REGANOSA ?

REGANOSA, son grandes multinacionais da enerxía [ENDESA, UNION-FENOSA, SONATRACH] , entidades financieiras [CAIXA GALICIA, CAIXANOVA, BANCO PASTOR] e a propia Xunta de Galicia, xunto a un grupo empresarial [Grupo Tojeiro - GADISA], o promotor que utilizou mil argucias, para conseguir permisos, autorizacións, millonarios subsidios e que lle legalizaran o ilegalizábel. Realizou recheos ilegais da Ría, estamos falando de miles de metros cuadrados, para construir unha planta regasificadora, nunha Ría totalmente poboada e cunha bocana de entrada estreita e un longo canal. Unha planta regasificadora ao lado dun perigoso complexo petroquímico e unha planta térmica de coxeneración eléctrica que queima fueloil. Regasificadora que ten imposibilidade física de cumprir a Lei, e os condicionados de seguridade exixidos, polas normativas estatais, europeias e internacionais. Ademáis incumple a principal normativa que é a do SENTIDO COMÚN, o respecto á vida das persoas, da seguridade das poboacións, o respecto á nosa Ría e ao marisqueo do que viven centos de persoas.


Socios e Capital Social de REGANOSA

"O capital social de Reganosa ascende a 34,4 millóns de euros, cantidade á que chegou despois de tres operacións de ampliación, as cales acordáronse en marzo de 2001, cando se pasou de 3.005.600 euros a 9.015.182, en xuño de 2002, momento no que desta última cantidade subiu ata os 18 millóns, e en xuño de 2003, ata os 34,4 millóns. As tres modificacións indicadas non reportaron cambios no reparto accionarial que, expresado en porcentaxes, é o representado" no cadro de acima publicado pola propia empresa.


[Para ampliar clicar acima da imaxe]


VENRES 9 DE MAIO DE 2008
Roteiro reivindicativo pola cidade de Ferrol, sinalando entidades financieiras e empresas que participan en REGANOSA (Grupo Tojeiro, Caixa Galicia, Caixa Nova, Banco Pastor, ENDESA, FENOSA), con saída ás 18hs do Edificio da Xunta.

[Percorrido da marcha pola cidade de Ferrol]
__________________

martes, maio 06, 2008

O Ateneo Ferrolán demanda ao Concello que cumpra o plano de rehabilitación

De: ATENEO FERROLAN -a_ferrol@teleline.es-
Para: artabra21@gmail.com
Data: 6 de maio de 2008 13:16
Asunto: ATENEO FERROLÁN: Un lugar de encontro para a Cultura. ¡REHABILITACIÓN XA!


ATENEO FERROLÁN: Un lugar de encontro para a Cultura. ¡REHABILITACIÓN XA!

COMUNICADO DA XUNTA DIRECTIVA

O Ateneo Ferrolán é unha entidade cultural sen animo de lucro con 129 anos de historia, e durante os últimos trinta anos un referente socio-cultural da Comarca, " Un lugar de encontro para a Cultura" é o lema desta entidade.

O Ateneo Ferrolán desenvolve durante todo o ano actividades como:

* O Concurso Internacional de Gaita Galega "Constantino Bellón"

* Certame Fotográfico de Medio Ambiente

* Certame de Teatro Infantil e Xuvenil “Atenea”

* Xornadas de Curtametraxes

* Duas publicacións : Revista Atenea (trimestral) e Os Cadernos do Ateneo (anual).

* Exposicións, teatro, proxeccións.

* E todo o que reflexa a súa Memoria de actividades.

* É un lugar de encontro para moitas asociacións culturais, politicas e veciñais que atopan no Ateneo ese sitio onde facer moitas das suas actividades e reunións.

* Así mesmo é sede de diferentes colectivos como: “Memoria Histórica Democrática”, “Colectivo OPAII”, ....

Baixo o noso punto de vista, O Ateneo, ten dúas cousas que o fan ainda máis valioso se cabe: Por unha banda, manter o posto de traballo de tres mulleres desde fai 25 anos e por outra ter no seu Patrimonio a única Hemeroteca da Comarca de Ferrolterra, que conta con exemplares editados en Ferrol no século XIX e principios do XX como Faro de Ferrol, El Eco Ferrolano, La Lucha, El Radical, La Democracia ou Diario Ferrolano dos que o Ateneo Ferrolán conserva os únicos exemplares.

A Xunta Directiva do Ateneo Ferrolán demanda do Concello de Ferrol que :

1. Se acometan as obras de REHABILITACIÓN tal e como esta contemplado no acordo de inversións (21 millóns de euros) que en Xullo do 2002 suscribiron o Goberno Local e a Xunta para a Rehabilitación do Barrio da Magdalena e Ferrol Vello.

O Ateneo Ferrolán XA NON TEN ESPAZO para almacenar o seu patrimonio nin a súa HEMEROTECA – BIBLIOTECA (hemeroteca única na comarca de Ferrol á que acuden investigadores e consultas a nivel estatal). O perigo de derrumbe (non é demagoxia) da parte na que está situada a Biblioteca 3ª planta do nº 202 é real, as goteiras e chorros de auga que filtran polo tellado e paredes das 4 plantas, fan pensar o peor xa que afectan a toda a infraestructura do edificio no nº 202.

A necesidade de que se acometan as obras pasa tamén pola rehabilitación e restauración do nº 204 onde están situadas as oficinas do Ateneo e que corren tamén perigo xa que o tellado de encima de Dya está derrumbado, e corremos o perigo de que se veña todo abaixo.

Exisimos se executen estas intervencións APROBADAS para subsanar as deficiencias de infraestructura que padece esta entidad cultural.

2. Se respete e se valore a unha Entidade Cultural con mais de 129 anos facendo Cultura con e para o noso pobo.

A Xunta Directiva do Ateneo Ferrolán

Ferrol, 6 de maio de 2008

Ateneo Ferrolán, fundado en 1879.
REHABILITACION DA SUA SEDE, XA !!!!


www.ateneoferrolan.org

___________________

ATENEO FERROLÁN (Fundado en 1879)
"UN LUGAR DE ENCONTRO PARA A CULTURA”
Rúa Magdalena 202-204, 1º
FERROL

www.ateneoferrolan.org
___________

luns, maio 05, 2008

Hoxe, luns 5 de maio, un novo gaseiro vai entrar na Ría, cargado con GNL, para a ilegal eperigosa REGANOSA, convocada unha concentración de protesta

O Comité Cidadán de Emerxencia
ante a entrada dun novo gaseiro
na Ría de Ferrol que fai o nº 20
para a ilegal e perigosa Reganosa
convoca:
CONCENTRACIÓN - MANIFESTACIÓN
HOXE, LUNS, 5 DE MAIO
ÁS 19 HORAS
Concentración diante do Edificio Administrativo
da Xunta de Galicia
e manifetación até a Praza do Concello

¡¡Planta de Gas fora da Ría!!


Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org

____________

mércores, abril 30, 2008

Nova Asemblea Cidadá de Ferrol Terra, o Venres 2 de Maio, para preparar o Calendario de Mobilizacións

De: Comité Cidadán de Emerxencia
-comitecidadan@gmail.com-
Para: artabra21@gmail.com
Data: 29 de abril de 2008 17:02
Asunto: Venres 2 de maio: XIX Asemblea Cidadá


Venres 2 de maio: XIX Asemblea Cidadá

O Comité Cidadán de Emerxencia,
Convoca ás Asociacións, Entidades e particulares
integrados na mesma, a participar na
XIX Asemblea Cidadá
Venres, 2 de Maio de 2008,
ás 20 horas
Salón de Actos do Ateneo Ferrolán
Punto único:
Calendario e preparación das mobilizacións aprobadas
PLANTA DE GAS FORA DA RÍA ¡!
Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org
____________

venres, abril 25, 2008

Resolucións da XVIII Asemblea Cidadá da Comarca de Ferrol Terra, celebrada o 23 de Abril

De: Comité Cidadán de Emerxencia -comitecidadan@gmail.com-
Para: artabra21@gmail.com
Data: 24 de abril de 2008 20:06
Asunto: CELEBRADA A XVIII ASEMBLEA CIDADÁ e CONVOCADA A XIX



CELEBRADA A XVIII ASEMBLEA CIDADÁ e CONVOCADA A XIX.

A XVIII Asemblea Cidadá, reunida onte no Salón de Actos do Ateneo Ferrolán, analizou as actividades mantidas desde a súa anterior convocatoria o pasado novembro:
  • Relación con outros movementos sociais (Foro Social Galego, Galiza Non Se Vende).
  • Mobilizacións e presenza en actividades cidadás.
  • Estado das demandas e recursos presentados, tanto en vía xurídica como administrativa.
  • Situación económica.
Abríndose a continuación un debate sobre a situación actual e as novas ameazas de Reganosa:
  • Voadura da canle de entrada da Ría.
  • Ampliación da capacidade de regasificación.
  • Transporte de GNL en camións cisterna.
Aprobáronse nesta Asemblea diversas propostas de traballo e mobilizacións:
  1. Rolda de encontros co movemento asociativo da Comarca (Sindicatos, AAVV, Partidos Políticos) para dar a coñecer as novas ameazas e a situación actual.
  2. Preparación dunha Mobilización Comarcal (proposta para o 8 de xuño, como data máis próxima ao Día Mundial de Medio Ambiente).
  3. Festival artístico-musical-reivindicativo, no aniversario do Peche dá veciñanza de Meá non Concello de Mugardos.
  4. Mobilizacións coincidindo co aniversario da entrada ilegal do primeiro gasero cargado na Ría (9 de maio de 2007). Convocaranse concentracións diante dos locais e sedes dos socios de REGANOSA.
  5. Realización dun mural de grandes dimensións (en cuxa confección participarán máis de 200 persoas) para mostrar de xeito permanente a ameaza constante da Planta de Gas, situada no interior da Ría, sobre a vida dos seus habitantes, e a agresión a sostenibilidade da mesma.
  6. Convocatoria da XIX Asemblea Cidadá, a celebrar o próximo 2 de maio de 2008, ás 8 da tarde, no Salón de Actos do Ateneo Ferrolán, cun único punto de Orde do Día: Calendario e preparación das mobilizacións aprobadas.
PLANTA DE GAS FORA DA RÍA !!


Voadura da canle de entrada
A Autoridade Portuaria de Ferrol-San Cibrao, volta a insistir no dragado da canle de entrada, para favorecer o tránsito dos grandes barcos, cando o Porto Exterior xa está en condicións de recibilos. A razón da súa construcción non era outra que liberar o interior da Ría dos tráficos nocivos e perigosos. Unha vez máis quen dirixe a Autoridade Portuaria, amosa a súa supeditación aos intereses de REGANOSA e pretende levar a cabo unha nova barbaridade, xa que os gaseiros seguirían sen poder cumplir a norma 1532. Pola contra o dinamitado e dragado terían un efecto pernicioso nos bancos marisqueiros e no patrimonio: os Castelos. Realmente, os promotores do dinamitado, non teñen outra finalidade que seguir facendo uso do interior da ría, como se non existise o Porto Exterior, un paso máis na dirección sinalada no libro de Enrique Pernas e prologado polo entón Conselleiro de Pesca Sr. Landín, de sacrificar a Ría de Ferrol.


Ampliación da capacidade de regasificación de REGANOSA
Dende fai tempo, os promotores de Reganosa e os seus apoios, entre eles a Consellería de Industria, veñen reclamando ao Goberno Central, a través das campañas mediáticas, a concesión dunha maior capacidade de emisión de gas natural. Segundo a licencia de construcción, a capacidade de emisión nominal e de 322.500 m3/hora. O Consello de Ministros do 31.03.06 aprobou a revisión 2005-2011 do Plan Enerxético, incluindo (con valor indicativo) a nova cifra de 412.800 m3. A autorización ten que solicitarse e tramitarse segundo o artigo 67 da lei 34/1988 de hidrocarburos, e aplicación do R.D. 1434/2002 de 27 de decembro.

A partir de decembro de 2006 voltaron a esixir a cantidade de 825.600 m3/h..

A razón desta ampliación está na redución do marxe de beneficios (50 %) das instalacións de gas natural, aprobadas polo Consello de Ministros do 29.12.2006.

Recentemente publicouse no BOE nº 67 do 18.03.2008 o anuncio no que Reganosa invita a licitar a adxudicación de obra civil de dous novos ORV's (vaporizadores) de 160 Tm/hr, cada un. Data inicio previsible das obras: 3º trimestre 2008. Prazo execución: 50 meses.

Serían evidentes os efectos perniciosos desta posible ampliación, duplicando os verquidos e usos da auga da Ría ata 600.000 m3 diarios, e unha maior afluencia de gaseiros cargados dentro da Ría. Ademáis non ten sentido esta pretensión, xa que Reganosa so ven traballando ao 34 % da súa capacidade nominal.


Transporte de GNL en camión-cisterna
O feito de transportar polas estradas galegas camións – cisterna de 20 Toneladas de GNL, o que equivale a máis de 1.600 bombonas de gas, é unha irresponsabilidade máis de REGANOSA, que responde máis a unha necesidade propagandística que a unha verdadeira demanda enerxética das vilas e industrias a onde vai destinado.


________________

NOVA CONTA DO COMITÉ CIDADÁN DE EMERXENCIA

O Comité Cidadán de Emerxencia, necesita apoio económico, para que poida desenvolver a súa actividade:
C/C en BBVA, titular:
Ángeles Cuadrado e outros.
Para ingresar desde unha oficina bancaria desde dentro do Estado:
0182-0232-77-0201521046

Para ingresar desde unha oficina bancaria desde fóra do Estado:
Codigo BIC: BBVAESMMXXX
IBAN
ES80 0182 0232 7702 0152 1046

Blog solidario coa veciñanza de Meá
Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org

martes, abril 22, 2008

Convocada a XVIII Asemblea Cidadá de Ferrol Terra, para o 23 de Abril

Na súa última reunión a Mesa de Traballo do Comité Cidadán de Emerxencia para a Ría de Ferrol acordou convocar unha Asemblea Cidadá, facendo un chamamento á participanción de todas as Entidades Cidadás e persoas integradas na Asamblea Cidadá de Ferrolterra.

A XVII Asemblea Cidadá terá lugar o Mércores, 23 de Abril, ás 8 da tarde nos locais do Ateneo Ferrolán, co seguinte orde do día:

1º.- Informe de situación

2º.- Ameaza de voladura do canal de entrada á Ría

3º.- Propostas de traballo e calendario de mobilizacións

Ferrol, 8 de abril de 2008

Comité Cidadán de Emerxencia para a Ría de Ferrol

comitecidadan@gmail.com
http://comitecidadan.org



______________________

mércores, abril 16, 2008

A oposición a REGANOSA recibeu ao Presidente Touriño diante do Teatro Jofre na entrega de Premios Mestre Mateo

[Foto Óscar Corral - 15.04.2008]

O pasado martes, 15 de Abril, entregabanse os Premios Mestre Mateo do Audiovisual Galego. Responsábeis políticos presidiron o Acto, para o que se desprazaron até o Teatro Jofre de Ferrol que foi o lugar elexido para celebrar o evento. Integrantes do Comité Cidadán de Emerxencia para a Ría de Ferrol, concentraronse diante do Teatro Jofre e manifestaron a súa oposición á planta regasificadora de REGANOSA, lembrandolle ao Presidente, Emilio Pérez Touriño e ao Delegado de Goberno Sr. Ameijeiras as súas responsabilidades, na continuidade na construción e na posterior posta en funcionamento da Planta de Gas dentro da nosa Ría.
_______________

De: ASOCIACION VECIÑAL FONTELONGA -avvfontelonga@mundo-r.com-
Para: artabra21@gmail.com
Data: 17 de abril de 2008 08:20
Asunto: Entrega dos premios mestre mateos en Ferrol no Teatro Jofre


Unha representación do Comité Cidadá de Emerxencia para a Ría de Ferrol volveu a amosarlle á Xunta de Galicia o seu rexeitamento á Planta de Gas de Reganosa dentro da Ría de Ferrol, na entrega dos premios Mestre Mateo. O acto estaba subvencionado polo grupo Gadisa que é un dos socios de Reganosa que encheu, incumprindo as normas de funcionamento do Teatro Jofre, toda a fachada do mesmo con publicidade de GADIS.

En defensa da vida, da ría e do marisqueo.

¡PLANTA DE GAS, FÓRA DA RÍA!
____________

luns, abril 14, 2008

Alegacións presentadas pola SGHN, á á solicitude de autorización ambiental integrada promovida por Forestal do Atlántico, S.A.

ALEGACIÓNS: “Instalación de fabricación de formol, colas e resinas FORESTAL DEL ATLÁNTICO S.A.”

A SOCIEDADE GALEGA DE HISTORIA NATURAL – Delegación de Ferrol,

efectúa ALEGACIÓNS á solicitude de autorización ambiental integrada para a instalación de fabricación de formol, colas e resinas; xestión de residuos de Malpol; coxeneración e recepción, almacenamento e distribución de hidrocarburos, no Concello de Mugardos (A Coruña), promovida por Forestal do Atlántico, S.A.


Clave 2006/0349_NAA/IPPC


2. Alegacións en relación coa Avaliación Ambiental.

2.1. No Anexo IV do Proxecto (Condicións da Declaración de Impacto Ambiental) apúntase que as actividades de Forestal do Atlántico S.A. non están sometidas a trámite de Avaliación Ambiental, mencionando ao respecto a Lei 6/2001, de 8 de maio. Sen embargo, no Artigo 3.1. do R.D. 1/2008 advírtese que están sometidas a ese trámite as actividades incluídas no Anexo I:“Grupo 3. Industria energética.

h. Instalaciones para el almacenamiento de productos petrolíferos mayores de 100.000 toneladas.

Grupo 5. Industria química, petroquímica, textil y papelera.

a. Instalaciones químicas integradas, es decir, instalaciones para la fabricación a escala industrial de sustancias mediante transformación química, en las que se encuentran yuxtapuestas varias unidades vinculadas funcionalmente entre sí, y que se utilizan para:

1. La producción de productos químicos orgánicos básicos.

2. La producción de productos químicos inorgánicos básicos.”

Polo tanto, o primeiro trámite que debe seguir a empresa promotora será a solicitude de Avaliación de Impacto Ambiental, nos termos indicados nos Artigos 5.1 e 5.2. do R.D. 1/2008:

“Artículo 5. Evaluación de impacto ambiental de proyectos.

1. La evaluación de impacto ambiental de proyectos comprenderá las siguientes actuaciones:

a) Solicitud de sometimiento del proyecto a evaluación de impacto ambiental por el promotor, acompañada del documento inicial del proyecto.

b) Determinación de alcance del estudio de impacto ambiental por el órgano ambiental, previa consulta a las administraciones públicas afectadas y, en su caso, a las personas interesadas.

c) Elaboración del estudio de impacto ambiental por el promotor del proyecto.

d) Evacuación del trámite de información pública y de consultas a las Administraciones publicas afectadas y a personas interesadas, por el órgano sustantivo.

2. La evaluación de impacto ambiental de proyectos finalizará con la emisión de la declaración de impacto ambiental por el órgano ambiental, la cual se hará pública.”

Posteriormente, o órgano sustantivo someterá o Estudo de Impacto Ambiental ao trámite de información pública, segundo o Artigo 9.1. do R.D. citado.

3. Dado que as actividades da empresa promotora poden afectar espazos da Rede Natura 2000 (L.I.C. “Costa Ártabra”), e con maior razón, debido a que este espazonatural xa está gravemente afectado polo desenvolvemento das actividades industriais implantadas na Ría de Ferrol e as infraestruturas aparelladas, deberá adaptar o proxecto aos requerimentos da Disposición Adicional 4ª do R.D. 1/2008:

“Disposición adicional cuarta. Evaluación ambiental de los proyectos estatales que puedan afectar a espacios de la Red Natura 2000.

1. La evaluación de los proyectos que, sin tener relación directa con la gestión del lugar de que se trate de la Red Natura 2000 o sin ser necesario para la misma, pueda afectar de forma apreciable a los citados lugares ya sea individualmente o en combinación con otros planes o proyectos, se someterá a una adecuada evaluación de sus repercusiones en el lugar teniendo en cuenta los objetivos de conservación de dicho lugar, conforme a lo dispuesto en la Ley 42/2007, de 13 de diciembre, de patrimonio natural y de la biodiversidad, sin perjuicio de lo establecido en la presente ley.”

Na Ría de Ferrol desenvólvense actividades do sector primario (pesca, marisqueo) que veñen sufrindo unha seriede prexuízos por causas de diversa índole. Esta situación obriga ás administracións a replantexar o desenvolvemento do sector industrial no contorno da Ría, desprazando deste espazo singular todas aquelas empresas produtoras de emisións contaminantes que poidan ser ubicadas noutros emprazamentos, xa que incluso coas MTDs empregadas, sempre hai un índice mínimo inevitábel de emisións por tonelada de produción.


4. Alegacións en relación coa autorización integrada

4.1. Da documentación presentada no proxecto extráese a conclusión de que a empresa Forestal do Atlántico S.A. estivo funcionando ata o momento sen as autorizacións requeridas pola lexislación vixente.

Esta condición de irregularidade suporía unha infracción. A administración competente debería de avaliar, neste caso,

a gravidade de tal infracción.

No caso de non ter a autorización integrada antes do 30 de outubro de 2007, debería tela solicitado nesta data, segundo a Disposición Transitoria 1ª da Lei 16/2002: “Los titulares de las instalaciones existentes, definidas en

el art. 3.d) de esta Ley, deberán adaptarse a la misma antes del 30 de octubre de 2007, fecha en la que deberán contar con la pertinente autorización ambiental integrada.

A estos efectos, si la solicitud de la autorización ambiental integrada se presentara antes del día 1 de enero de 2007 y

el órgano competente para otorgarla no hubiera dictado resolución expresa sobre la misma con anterioridad a la fecha señalada en el párrafo anterior, las instalaciones existentes podrán continuar en funcionamiento de forma provisional hasta que se dicte dicha resolución, siempre que cumplan todos los requisitos de carácter ambiental exigidos por la normativa sectorial aplicable.(…)”

4.2. Falta o certificado do organismo de control autorizado onde se acredita a conformidade das instalacións para o almacenamento de produtos químicos, cos preceptos de instrución básica regulamentaria, atendendo ao Artigo 4 do Real Decreto 379/2001.4.3. Na solicitude faise referencia á procedencia das materias primas, pero non a se cumpren coa normativa explicitada no Artigo 10.2. do Real Decreto 375/2001: “Se aceptarán los productos legalmente fabricados o comercializados en otros Estados miembros de la UE o por los países miembros de la AELC (Asociación de Estados de Libre Comercio), firmantes del acuerdo sobre el Espacio Económico Europeo, cuando sean conformes a normas, reglamentos técnicos o procedimientos de fabricación que garanticen niveles de seguridad equivalentes a los que se exigen en la reglamentación española.”


5. Alegacións en relación co Regulamento de Actividades Molestas, Insalubres, Nocivas e Perigosas (RAMINP).

Para a instalación desta industria non se respectan as distancias legais impostas polo Artigo 4 do Decreto 2414/1961: “(…) En todo caso, las industrias fabriles que deban ser consideradas como peligrosas o insalubres sólo podrán emplazarse, como regla general, a una distancia de2.000 metros, a contar del núcleo más próximo de población agrupada.”

A Lei 34/2007 derroga o RAMINP, salvo para aquelas comunidades autónomas que non teñan normativa aprobada na materia, como ocorre coa Comunidade Autónoma Galega.


6. Alegacións en relación á calidade do aire e máis do control da contaminación atmosférica.

6.1. Non se especifican as substancias contaminantes producidas en cada un dos focos de emisión e, por tanto, non hai análise da contaminación causada polas materias primas e o tipo de combustíbel utilizados en cada unha das plantas de produción.

Tampouco se describen pormenorizadamente as técnicas empregadas para evitar e controlar a contaminación e só

se indican, en termos xerais, as medidas que habería que observar. Non se describen as técnicas de medición utilizadas, contradicindo o Artigo 20.2 da Lei 8/2002: “Especificaranse regulamentariamente, para cada tipo deactividade industrial, tódalas condicións técnicas asociadas á expresión do valor límite de emisión, a situación dos puntos de medición e os parámetros auxiliares necesarios para obter medidas representativas, evitar interpretacións

dubidosas dos datos, manexar resultados comparables e posibilitar a determinación das cantidades totais de contaminantes emitidos nun período dado.”

6.2. Os datos de límites legais de emisión citados non se corresponden cos valores límites de emisión fixados pola normativa en vigor, segundo oo artigo 7 da Lei 16/2002, de prevención e control integrados de la contaminación. Os valores expresados no proxecto teñen como referencia os valores de emisión para instalacións que utilizan fuel-oil, segundo indica o Anexo IV do Decreto 833/1975, no que non se describen valores límite, que si se detallan nos Anexos I, II, III, iV, V e VI do Real Decreto 1073/2002, de Avaliación e Xestión calidade do aire en relación ao SO2, NO2, NOx, partículas, Pb, benceno e CO. Na mesma lei obsérvase que os valores límite para SO2 expresaránse en µg/m3 para NO2e NOx (Anexo II) valores límite en µg/m3, e as medicións de CO en mg/m3.

Non obstante, e aínda aténdonos ás referencias manexadas no proxecto, a suma das emisións dos cinco focos exceden

os niveis de emisión propostos no Decreto 833/1975, medida que hai que observar, xa que segundo regula o Real Decreto 508/2007, no Capítulo I do Anexo I, se un mesmo titular realiza diversas actividades da mesma categoría na mesma instalación, ou no mesmo lugar de emprazamento, sumaránse as capacidades de ditas actividades.

Para NO2 e NOx, no Decreto 1073/2002 si se explicitan os límites de emisión e, polo tanto, hai que utilizar obrigatoriamente as referencias dese decreto, xa que no Decreto 833/1975 non hai referencias ás medidas de emisión destes parámetros.


6.3. Con relación ao resto de contaminantes, faltan os datos de emisións difusas, só se expresan os aplicabeis a formol.

O Proxecto remítese a presentar unhas fichas coascaracterísticas dos contaminantes, sen especificar as fon-tes nas instalacións de Forestal do Atlántico e os danos que poderían causar no contorno, tendo en conta as caracterís-ticas propias do lugar no que se ubica.


6.4. Non se dan datos de emisións de partículas, sendo estas un dos contaminantes, regulados no Real Decreto 1073/2002, dos que se esixen medicións da contaminación.


6.5. A Lei 8/2002, do 18 de decembro, de protección do ambiente atmosférico de Galicia, dispón, no artigo 8, sobre Avaliación da calidade do aire:

“As medicións da calidade do aire serán obrigatorias nos seguintes supostos:

(…) 3. Nas zonas nas que aínda non superándose os límites de inmisión si existe un risco potencial conforme os parámetros técnicos que se determinarán regulamentariamente.” Tendo en conta o anterior, e coñe-

cendo que se exceden os límites de emisión esixidos para os contaminanates regulados, faise necesario ubicar pun-

tos de medición naqueles lugares proclives a recibir esta contaminación e que presenten unha alta densidade de poboación, como é o caso das inmediacións da planta. Remitímonos ao artigo 8.1., sobre avaliación da calidade do aire, da Lei 8/2002, do 18 de decembro, de protección do
ambiente atmosférico de Galicia, que establece que as medicións serán obrigatorias nas aglomeracións, No artigo 5.1. defínese aglomeración: “Área cunha concentración de poboación de máis de 50.000 habitantes ou cando, sendo igual ou inferior a esta cifra, ten unha densidade de habitan-tes por quilómetro cadrado que xustifique a avaliación e o control da calidade do aire ambiente.”


7. Alegacións con respecto ao dereito á información.

7.1. Consultada a páxina web do PRTR-España, non apare-ce nela máis dato que as emisións de carbono orgánico ao mar, do ano 2004, contravindo o RD 1073/2002, de 18 de octubre, sobre avaliación e xestión da calidade do aireambiente en relación co dióxido de xofre, dióxido de nitró-xeno, óxidos de nitróxeno, partículas, chumbo, benceno e monóxido de carbono, que no artigo 11.2 establece:

“Las Administraciones públicas pondrán periódicamente a disposición del público y de las organizaciones interesadas información actualizada sobre las concentraciones de dióxido de azufre, dióxido de nitrógeno y óxidos de

nitrógeno, partículas, plomo, benceno y monóxido de carbono en el aire ambiente. Esta información deberá facilitarse a través de medios de difusión apropiados, como radio, televisión, prensa, pantallas de información o servicios de redes informáticas, teletexto, teléfono o fax.

5. La información al público indicará todos los casos en que las concentraciones superen los valores límite y los um-brales de alerta durante los períodos especificados en los anexos I a VI. También incluirá una breve evaluación en re-lación con los valores límite y con los umbrales de alerta, así como información adecuada en relación con las repercusiones sobre la salud. (…7. La información disponible por el público y por las organizaciones en virtud de lo dispuesto en los anteriores apartados deberá ser clara, comprensible y accesible.”

Ningunha destas obrigas se cumpre.


8. Alegacións en relación aos verquidos.

8.1. Na autorización de verquido de líquidos, nas augas

residuais dos procesos, inclúense as augas de refrixeración procedentes da empresa Reganosa, cando actualmente Forestal do Atlántico e Reganosa non verquen conxunta-mente. Isto altera as medicións, que neste proxecto só inclúen os verquidos líquidos procedentes de Forestal do Atlántico.

8.2. Danse datos de catro puntos de mostraxe, cando é obrigado proporcionar cinco. Isto inflúe na suma total dos resultados.

8.3. É necesario coñecer os datos exactos de onde se realizan as mostraxes ás que se alude no informe para saberse están dentro da zona de marisqueo ou non, polos riscos que para a saúde humana supón a concentración e acumulación de contaminantes nos moluscos.

8.4. A modificación da autorización de verquido emitida por Augas de Galicia no ano 2003 non é suficiente. Neste mo-mento Reganosa e Forestal verquían conxuntamente as augas residuais.

8.5. No relativo ao control de residuos e puntos de verqui-dos, canalízanse todas as conducións cara un único emisario.

Os puntos de mostraxe sinalados na fotografía do Proxecto non se aprecian.

Falta a descrición dos elementos técnicos do emisario, segundo obriga o Anexo da Orde Ministerial de 13 de xullo de 1993:

“Art. 5. Proyectos de vertidos a través de emisarios subma-rinos.

5.1. Elementos técnicos del proyecto.-El proyecto de vertido a través de un emisario submarino, además del cumplimiento de las obligaciones administrativas que sean exigibles,definirá los siguientes elementos técnicos: La longitud del emisario, las coordenadas del punto de vertido (longitud, latitud y profundidad), el número, tipo y disposición de los dispositivos difusores y los mecanismos de transporte, dilución y autodepuración que definen su eficacia en función del impacto que tiene el vertido sobre el nivel de contaminación de la aguas costeras.

(…)La comprobación de la estabilidad mecánica y estructural de la obra, a través del análisis de las solicitaciones y es-

fuerzos a que ésta quedará sometida por la acción del mar. (…)Los métodos constructivos y la integración de la obra en su entorno, teniendo en cuenta las necesidades de mante-nimiento y conservación del emisario y las interferencias que éste pueda introducir sobre los mecanismos de dinámica marina.”

Na descrición das características do efluente non hai esti-macións da carga contaminante e do caudal punta en tempo seco. Sendo un sistema colector de tipo unitario, segundo o Artigo 5.3.1. do Anexo da Orde anteriormente citada, débese indicar tamén o caudal punta en tempo de choiva.Non se mencionan as características do funcionamento do aliviadoiro. En todo caso, e segundo o Artigo 5.3.1.b) do Anexo da mesma Orde, o aliviadoiro só poderá entrar en funcionamento con caudais superiores ao caudal punta en tempo seco.

Non se informa das características do difusor, elemento fundamental do emisario coa fin de aumentar a dilución inicial. Segundo o Artigo 5.4.3.b) do Anexo da mesma Orde, para verquidos industriais, a adopción dos valores de dilución inicial deberán xustificarse cando sexan menores
aos especificados para verquidos de augas residuais urbanas.

8.6. Segundo o Artigo 4.3. do Anexo da mesma Orde, todo verquido líquido de augas residuais deberá someterse a uns tratamentos mínimos antes da súa evacuación. No proxecto presentado faltan descricións pormenorizadas das insta-lacións necesarias para levar adiante estes obxectivos.

A capacidade da piscina final de decantación, na que con-flúen as augas de toda a instalación (124.915,2 m3/día) emáis das augas pluviais (274.580 m3/día) é só de 520 m3, é insuficiente para tratar o volume total de augas.

Con respecto das augas residuais procedentes da Instala-ción MARPOL, indícase unicamente a eliminación de hidro-carburos, da separación de fracción acuosa e do envío á piscina de decantación final, cunha capacidade de 520 m3 que contrasta co volume de augas residuais da planta MARPOL (4.800 m3/día).

8.7. Non se mencionan as análises realizadas no arranque

da condución, tal e como está regulamentado na Orde antes

citada, en relación coa determinación dos parámetros fixa-dos: DBO, BQO, sólidos sedimentabeis, pH, Nitróxeno, Fós-foro, así como outros contaminantes que a administración competente esixa.

8.8. No seguemento da potencial afección sobre bancos marisqueiros próximos, afírmase que se efectuará un con-trol de moluscos, inspeccionándose a presenza de hidro-carburos, análises de metais pesados, análises doshidro-carburos derivados do petróleo e análises microbiolóxicas. As unidades nas que se establecen os límites de contami-nantes non coinciden cos utilizados para os datos de efluentes.

8.9. Nas análises dos puntos de mostraxe da zona de baño non se teñen en conta todos os parámetros enumerados no Anexo IV do RD 734/1988. Non se presentan táboas separadas para os puntos de mostraxe das zonas de baño nin para as zonas de protección e mellora con límites de emisión propios, regulados no Anexo IV do RD 345/1993.

8.10. Non se presentan os datos obtidos nos puntos de mostraxe para o control de sedimentos, que segundo o Artigo 7.3.3., da Orde citada, deberá realizarse con carácter anual.

O mesmo ocorre coas mostraxes sobre sedimentos mariños en catro puntos de control cuxa ubicación non se determina, para analizar as posibles variacións das características naturais do sedimento na zona. Indícanse os parámetrosutilizados (granulometría, contido en materia orgáncia, potencial redox, NTK, zoobentos), pero non se mencionan os resultados, salvo para o último parámetro.

Algo semellante sucede co control de calidade das augas en catro puntos coincidentes cos dos sedimentos. Os parámetros estudados son o pH, a temperatura, a coloración, a materia en suspensión, a condutividade, os hidrocarburos derivados do petróleo e os coliformes fecais. Igual que no caso anterior, non se achegan conclusións.

8.11. Non hai previsto ningún protocolo a seguir en caso de fuga de calquera das substancias coas que se traballa na planta (formaldehído, amoníaco, urea, formol, melanina, fenol, etc) agás para hidrocarburos, sendo calquera destas substancias, probabelmente, máis tóxicas para o medio e a saúde das persoas.

8.12. Os últimos datos son do ano 2004, cando os datos deben actualizarse anualmente e ser accesibeis ás distintaspersoas e entidades interesadas. Non se cumpre coa obriga de presentar os datos anualmente na páxina web do Rexistro EPER.

8.13. A Declaración de Impacto Ambiental sobre o proxecto de ampliación da concesión marítimo-terrestre en Punta Promontoiro expedida no ano 1998 estaba condicionada á redacción dun Programa de Seguimento e Control dos impactos e da eficacia das medidas correctoras, tendo en conta os seguintes aspectos:

- Un estudo previo ao inicio das actuacións: inventario de verquidos, calidade das augas superficiais, calidade do sedimento de fondo, control de moluscos bivalvos.

- Idem. en tres momentos da fase de construción.

- Idem. anualmente.

Cremos necesario complementar a información incluída no Proxecto de Solicitude de Autorización Integrada cun resumo das conclusións destes estudos, e unha relaciónpormenorizada do estudo previo ao inicio das actuacións que serven de base para determinar as afeccións ao medio no momento actual.

9. Alegacións en relación cos residuos.

9.1. A existencia de zonas de interese no contorno da planta de valorización de residuos, concretamente do banco marisqueiro da Barca, así como a cercanía do Lugar de Importancia Comunitaria “Costa Ártabra”, integrado na Rede Natura 2000, da Unión Europea, non fan en absoluto recomendábel a ubicación da planta en Punta Promontoiro, tendo en conta as máis que seguras afeccións ao medio. O Artigo 12.1 da Lei 10/1998 establece unha serie de precaucións neste ámbito:

“Las operaciones de gestión de residuos se llevarán a cabo sin poner en peligro la salud humana y sin utilizar procedimientos ni métodos que puedan perjudicar al medio ambiente y, en particular, sin crear riesgos para el agua, el

aire o el suelo, ni para la fauna o flora, sin provocarincomodidades por el ruido o los olores y sin atentar contra los paisajes y lugares de especial interés.”

De seguirse unha observancia real da lexislación, sería imposíbel a implantación desta planta no lugar elixido. Isto só é posíbel cando se priorizan os intereses industriais, de carácter económico, sobre os relativos á saúde das persoas e máis á conservación do medio.

9.2. O argumento anterior é válido tamén para o resto da industria, tendo en conta o volume de emisións contaminantes en proporción directa co de materias primas utilizadas.


10. Alegacións con respecto á coxeración.

10.1. Non se conta con autorización para incinerar residuos no proceso de coincineración. Partindo da definición de coincineración expresada no Artigo 3.5. do Real Decreto 653/2003: “(…)toda instalación fija o móvil cuya finalidad principal sea la generación de energía o la fabricación de productos materiales y que, o bien utilice residuos comocombustible habitual o complementario, o bien los residuos reciban en ella tratamiento térmico para su eliminación.(…)”, a planta de coxeneración de Forestal do Atlántico tería que recibir a denominación de instalación de coincineración e, polo tanto, cumprir cos requisitos esixidos neste Real Decreto .

Con respecto aos verquidos, os valores límites de emisión serán aplicabeis no punto da instalación de coincineración por onde se vercan as augas, en aplicación do Artigo 11.3.

do R.D. 653/2003. En ningún caso se terá en conta a dilución das augas residuais para o cumprimento dos valores límite sinalados no Artigo 11.2. do citado Real Decreto, requisito non observado no proxecto.

Os requisitos de medición establécense na autorización expedida pola autoridade competente, en cumprimento do Artigo 14.2. do mencionado Real Decreto.


11. En ningún momento se fai referencia á cercanía da Empresa REGANOSA, que supón un risco engadido en casode accidente. No Plano de Emerxencia non se contempla esta circunstancia.


Por todo o exposto,

SOLICITA:


Que non se outorgue a Forestal do Atlántico S.A. a autorización ambiental integrada, debido a todas as eivas que o proxecto e máis o sistema de funcionamento das instalacións presentan. Esta asociación queda a expensas de recibir a información da resolución que o órgano competente outorgará en cumprimento do Artigo 23.2 da Lei 16/2002, de 1 de xullo, de Prevención e control integrados da contaminación.

Ferrol, a 3 de abril de 2008

Asdo. Juan Ignacio Díaz da Silva

DELEGADO DA SGHN-Ferrol

________

Sociedade Galega de Historia Natural
Dende1973 estudiando, divulgando e defendendo o medio natural galego
Delegación de Ferrol
Apartado de Correos n1 356 ; 15480 FERROL (A Coruña)
Tfno. (24 horas) e fax 981 35 28 20
mobil 616 388 935
web:
http://www.sghn.org
correo-e: sghnferrol@terra.es

Blog da Delegación de Ferrol:
http://sghnferrol.blogspot.com/
_____