Amosando publicacións coa etiqueta Roteiros. Amosar todas as publicacións
Amosando publicacións coa etiqueta Roteiros. Amosar todas as publicacións

xoves, marzo 29, 2018

Concerto brasileiro esta sexta-feira, 30 de março, na Fundaçom Artábria, com Emilia Suto e Túlio Augusto - E o sábado 31 de março, Roteiro Irmadinho pola terra dos Andrade


Concerto brasileiro esta sexta-feira, 30 de março, com Emilia Suto e Túlio Augusto


Emilia Suto e Túlio Augusto trarám em tourne a Galiza a música do Brasil, na sexta-feira 30 de março.

Os músicos brasileiros Túlio Augusto (violão de 7 cordas e voz) e Emilia Suto (voz e percussom) sobem ao palco em formato duo para concerto especial com vários gêneros da música brasileira (bossa nova, choro, samba, baião, maxixe, música nordestina,etc.).

Túlio Augusto é guitarrista, mestre em Composiçom, mestre em Educaçom Musical e doutorando em Composiçom. Emilia Suto é cantora de formaçom lírica pela Universidade Federal da Bahia. Ambos atuaram juntos ou individualmente em mais dez países, desde projetos culturais e educacionais, apresentaçons de artes integradas, grupos de samba, jazz e rock'n'roll até concertos com orquestras e conjuntos de câmara.

O concerto começa às 22.00h e o bilhete é de graça


E o sábado 31 de março, Roteiro Irmadinho pola terra dos Andrade

Fecharemos as atividades do mês, sábado dia 31, organizando junto à Asociación Cultural Ferrolterra Antiga um novo roteiro. Desta vez deslocaremo-nos à Comarca do Eume, para conhecer um pouco mais da Terra dos Andrade.

A saída está programada para as 10.30h desde o Centro Social, de onde partiremos de carro em direçom a Pontedeume. Aí visitaremos a ponte, o torreom e a vila, para posteriormente nos dirigirmos ao Castelo dos Andrade, na paróquia da Nogueirosa.

A duraçom da excursom será de aproximadamente seis e horas e meia desde a saída até a volta ao Centro Social. Recomendamos levar roupa e calçado comodo, roupa de abrigo, guarda-chuva  e algo para comer.

Para mais informaçom, podes ligar para o 669 778 474 ou escrever a correiodeartabria@gmail.com

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.


Enviado por:
Fundaçom Artábria
-artabria@artabria.net-
27 de março de 2018 15:38
_______________

xoves, xullo 07, 2016

Roteiro até Monte Ventoso, este sábado 9 de Julho, desde o peirao de Corujeiras


Roteiro até Monte Ventoso este sábado

Este sábado 9 de Julho, a Fundaçom Artábria organiza umha atividade no exterior onde conheceremos um pouco mais a nossa ria com um roteiro que sairá às 10.30h do Peirao de Corujeiras para chegar aproximadamente 14 km depois ao Monte Ventoso.

O roteiro tem umha dificuldade média-baixa e contará com as explicaçons de Ernesto Lopes "Nês", membro de ADEGA e Joám Lopes, licenciado em história pola UNED e Guia turístico da Galiza.

Por questons de logística há que apontar-se escrevendo para correiodeartabria@gmail.com ou ligando para o telefone 669 778 474.

Paresce que o tempo vai acompanhar e vai ser um dia bastante caluroso. Recomendamos trazer abundante água, comida, chapeu, protetor solar e calçado comodo.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
6 de julho de 2016 17:59
_____________

martes, outubro 15, 2013

Roteiro Serra do Forgoselo-Río Castro - Domingo 20 de outubro de 2013

ATENCIÓN:
En vista das malísimas predicións meteorolóxicas para o domingo, vémonos na triste obriga de suspender o roteiro do Forgoselo sen data, de momento. Procuraremos facelo máis adiante. Un saúdo, Miguel A. Fernández | 18 de outubro de 2013 08:35.


Vai de roteiros 2013-2014
Roteiro Serra do Forgoselo-Río Castro (LIC Xuvia-Castro)
Domingo 20 de Outubro de 2013


Datos principais:

Hora de saída: 10:00 h na escalinata de Correos en Ferrol para coller o bus

Hora de regreso: 20:00 h.

Distancia: 17,3 km

Concellos: A Capela, As Pontes e San Sadurniño

Dificultade: media-baixa

Prezo: 5 € soci@s, 7 € non soci@s.

Comida e bebida: cadaquén levará a súa

Roupa cómoda, calzado recomendado bota de montaña ou trekking, bastón.

Teléfonos para inscribirse: 661636946 (Miguel) e 616039268 (Antom)

Elementos de interese:

Paisaxe de montaña, ríos, penedos, brañas, turbeiras, fragas, gado salvaxe, fauna e flora peculiares, aves, cogomelos, muíños, mámoas, castelo.

Proteccións:
Rede Natura 2000, LIC Xuvia-Castro, 2000 ha.

Ameazas:
Parques eólicos, pistas, minas, eucaliptización, gandería intensiva, pastizais monoespecíficos, feísmo arquitectónico, vehículos motorizados, falta dun plan de ordeación dos recursos naturais.

Percorrido:
O roteiro partirá do cruce da pista asfaltada co camiño que conduce ao curro do Forgoselo, sinalado como “Lugar de lecer” e situado entre a Veiga dos Foles e o Pico das Troitas. Dende aí faremos un percorrido circular de 7,6 km aproximadamente, chegando ata o borde mesmo da canteira de lignito situada no lugar de Cal da Uceira, no extremo nororiental da serra, e xirando alí en dirección O para pasar xunto á Pena dos Tres Pés, e continuar logo cara o curro, onde pararemos para o xantar.

Nesta primeira parte da rota apreciaremos a paisaxe característica do Forgoselo: unha chaira elevada entre os 450 e os 550 m de altitude, sen grandes desniveis, dominada por penedías ailladas, por matogueiras de toxos (Ulex sp.) e uces (dos xéneros Erica, Calluna e Daboecia, principalmente) e por plantacións de piñeiro bravo e piñeiro silvestre, onde o gando salvaxe pasta libremente todo o ano. Nas zonas máis baixas sitúanse as brañas, terreos enchoupados que contan cunha flora moi particular, como Drosera rotundifolia, unha planta “carnívora” chamada vulgarmente rorella ou orballiña que medra especialmente sobre brións do xénero Sphagnum. Poderemos ver tamén numerosos pés da xanza Gentiana pneumonanthe.

Igualmente tomaremos contacto co Rego de Mariaqueira (topónimo que sen dúbida debe estar emparentado co bretón Locmariaquer), curso fluvial tributario do Castro que, a pesar do seu curto percorrido de apenas 4 km, conta nas súas beiras cunhas fragas moi interesantes, que acubillan varias especies de felgos raros e ameazados. Por suposto, nesta época do ano os fungos e os cogomelos aportan a súa nota de riqueza e cor á paisaxe.

Antes de continuar o roteiro pagará a pena botar unha ollada á mámoa situada xunto ao curro, adornada en tempos recentes cunha especie de fonte algo estrambótica. Presenta, iso si, o inevitable cono de violación típico destes xacementos arqueolóxicos, froito dos saqueadores. Trátase dunha anta con cámara adscrita ás da tipoloxía circular con corredor corto. Foi escavada no ano 1993 por Vaquero Lastres.

Deixamos a mámoa e dirixímonos ao N e despois cara ao O, seguindo os cortalumes ata chegar á pista asfaltada. Cruzámola e continuamos por outro cortalumes ata chegar a unha pista de terra, xiramos á dereita en dirección ao lugar de Vilarvello, para tomar a pista da esquerda ata Tiraz. Continuamos entre prados e felgueiras ata o lugar abandonado de Carboados, onde tomamos xa contacto coas fragas do Río Castro. Descenderemos entre elas por un peado camiño ata alcanzar a área recreativa do Pozo de Lamas, situada xunto á desembocadura do Rego de Mariaqueira no Río Castro. Dende aquí xiraremos case 360º para continuar en dirección oeste, pasando unha pequena ponte de madeira e seguindo o sendeiro do Río Castro durante 3,2 km. Pasaremos xunto ao muíño do Chileiro para chegar ao punto final do noso roteiro, o Castelo de Naraío, unha fortificación do século XIV que foi obxecto recentemente dunha máis que discutible restauración.

Asociación Ecopacifista Galega Verdegaia
http://www.verdegaia.org/

Enviado:
Miguel Ángel Fernández
-miguelafp@gmail.com-
15 de outubro de 2013 01:22

Olá a todos/as: Este domingo Verdegaia (Núcleo comarcar de Ferrol, Eume e Ortegal) rompe o xeo dunha nova temporada de roteiros. Esperamos a vosa asistencia, o roteiro non vai defraudar a ninguén.  Unha aperta, Miguel A. Fernández

______________

sábado, abril 27, 2013

Presentación en Redes de 'Betula' Asociación para a Custodia do Bosque Atántico - Hoxe Sábado 27 Presentación e mañá Domingo 28 de Abril Roteiro

A asociación BETULA de custodia do bosque atlántico inicia a súa actividade.

Hoxe  sábado 27 de abril, ás 7 da tarde, esta asociación organiza unha xornada de presentación n'A Tenencia de Redes e o domingo 28, ás 10 da mañá, un roteiro polos termos municipais de Mugardos e Fene.

Ven de constituírse nas comarcas de Ferrol e Eume a asociación BETULA para a Custodia do Bosque Atlántico, unha asociación que procura o coñecemento, a conservación e valorización do Bosque Atlántico en Galicia.

Nela xúntanse xentes preocupadas pola perda dos valores naturais do territorio galego que, primeiro, consideran insuficiente o desempeño que as diferentes administracións públicas fan das políticas medio ambientais, forestais, territoriais e urbanísticas no eido da conservación do bosque atlántico.

Ademais, son plenamente conscientes de que só dende unha ampla concienciación cidadá en torno ao coñecemento dos seus valores poderase nun futuro abordar unha xestión sustentable destes espazos de grande interese natural e paisaxístico, e mesmo patrimonial.

Para acadar estes obxectivos esta asociación usará a custodia do territorio como medio, entendida esta como o conxunto de estratexias ou  técnicas xurídicas a través das cales se implican as persoas propietarias e usuarias do territorio na conservación e uso dos valores e os recursos naturais, culturais e paisaxísticos.

Para marcar o inicio da súa actividade, o vindeiro sábado 27 de abril, a partir das 19:00hs, celebrarase un acto acto de presentación n'A Tenencia de Redes, no que se presentará a Asociación cunha disertación sobre o que é a custodia do territorio e a proxección de tres curtas documentais.

Ao día seguinte, domingo 28 de abril, desenvolverase un roteiro que discorrerá, a partir das 10 da mañá, pola marxe sur da ría de Ferrol, entre a Enseada da Barca e a Ribeira de Maniños, e pola tarde polo curso baixo do río Baa, ata a súa desembocadura no Seixo.


PRESENTACIÓN E PROXECCIÓNS


Día: Sábado 27 de abril do 2013.
Hora: ás 19:00hs.
Lugar: A Tenencia (Redes, Ares).
  • Presentación.
  • Ponencia sobre a custodia do territorio.
  • Proxeccións:
    • O monte é noso (Llorenç Soler, 1978, 33´),
    • En todas as mans (Diana Toucedo, 2012, 7´)
    • Los nuevos custodios del territorio (EFEverde, 2013, 4´)
  • Coloquio.

ROTEIRO

Día: Domingo 28 de abril do 2013.
Saída: ás 10:00 da enseada de A Barca (Mugardos).
Distancia: 9 Km. (faráse unha parada para comer).


Par contactar e máis información:

Correo-e:
custodia.betula@gmail.com

No facebook:
https://www.facebook.com/pages/Asociaci%C3%B3n-para-a-custodia-do-bosque-atlantico-Betula/455456324544942

Evento no facebook
:
https://www.facebook.com/events/289827247818227/

Anexo de interese:
Ver ou baixar un Cartaz en formato -jpg
(Con mapas da situación do local de presentación en Redes e do percorrido do Roteiro, con explicacións detalladas).

_______________

martes, xaneiro 11, 2011

Este Domingo 16 de Xaneiro realizara-se un roteiro pola Costa Ártabra -LIC, polo treito costa acantilada de Ares

Roteiro: L.I.C. Costa Ártabra; treito: costa acantilada de Ares.
  • Data: Domingo, 16 de Xaneiro de 2011.
  • Partida: Ás 10:30 hs da Praza de Galiza (Ferrol) en autobús regular, calculando chegar a Ares arredor das 11:00 hs.
  • Remate: Ás 18: 30 hs no Mosteiro de Sta. Catalina (Montefaro); recolleranos un autobús para regresar a Ferrol.
  • Percorrido do roteiro: 15 Km, con dificultade media-baixa.
Iniciarase o roteiro na Vila de Ares rematando na outra extrema da costa, no Mosteiro de Santa Catalina (Montefaro). Visitaremos os últimos vestixios do Castelo de Ares, engulidos pola vexetación, nas proximidades do porto. Bordeando a costa acantilada observaremos fermosas panorámicas da Ría de Ares, coas Illas Miranda en primeiro plano. Continuaremos o percorrido até a Punta Insuela, para coñecermos o castro marítimo e as Bocas do Sangue; denominación que recibe unha cova de aproximadamente 130 m de lonxitude. Desde aquí continuaremos o percorrido cara Punta Avarenta, para coñecer o impacto da E.D.A.R. - Sul nesta paraxe natural. Logo continuaremos bordeando a costa até chegar a Chanteiro, para coñecer a Capela de Nosa Señora da Mercede (S. XIV). Camiñaremos de novo cara Punta do Segaño para visitar as fortificacións e baterías de defensa costeira onde, ademáis, poderase contemplar o impacto ambiental do Porto Exterior sobre a ría de Ferrol. Desde aquí, subiremos pola aba ocidental de Montefaro para coñecer as baterías defensivas da Pena do Lagarto e da Bailadora, disfrutando ao mesmo tempo de fermosas panorámicas. Xa no alto
da Bailadora, a 266 m sobre o nivel do mar, descenderemos cara o Mosteiro de Santa Catalina, onde remataremos o roteiro.

Por suposto, no transcurso do roteiro faremos un alto no camiño para xantar e repousar nun lugar a convir.

Ademáis do xantar, recoméndase levar roupa e calzado axeitados.

Prezo Soci@s: 5 Euros.

Prezo Non Soci@s: 7 Euros.

Prazo de Inscrición: Até o Venres 14 de Xaneiro.

Contactos: 616039268 (Antón); 661636946 (Miguel);
ferrol@verdegaia.org

Enviado por:
cig-saude.asf@sergas.es
-cig-saude.asf@sergas.es-
11 de janeiro de 2011 08:11
http://www.cig-saude.org/ferrol/
____________________

luns, xuño 14, 2010

Roteiro de Verdegaia polas Fragas do Eume, 20 de xuño de 2010


Este domingo 20 de xuño realizamos unha nova rota do noso programa "Vai de Roteiros", desta vez polo Parque Natural das Fragas do Eume un dos exemplos señeiros de bosque atlántico. Sairemos en autobús dende o edificio de Correos en Ferrol, ás 10h, facendo paradas en Fene e As Neves e estaremos de volta sobre as 20:00. Recoméndase levar comida, bebida, así como roupa e calzado cómodos.
  • Hora de saída: 10 hs dende o edificio de Correos (Ferrol) Paradas en Fene e As Neves.
  • Dificultade:Media-baixa
  • Lonxitude: 7,5 Km.
  • Prezo: 9 € non socios, 7 € socios.
  • Hora de regreso: 20 hs.

Recoméndase levar comida, bebida, así como roupa e calzado cómodos.
Prégase inscripción no teléfono 661 636 946 ou no email ferrol@verdegaia.org

Percorrido
Comezamos a nosa andaina no almacén situado 500 m antes da Fábrica de Luz da Ventureira. Baixaremos pola pista asfaltada que leva dende As Neves ata a Central Hidroeléctrica do Eume.

Na ponte falaremos da situación actual do Río Eume, que debido á presa e ao aproveitamento hidroeléctrico carece de caudal ecolóxico, tal e como constata a recente denuncia do fiscal de Medio Ambiente de Galicia (23 de abril de 2010). Tamén teremos ocasión de contemplar a antiga central eléctrica da Ventureira, ao tempo que disfrutamos da vista da Fervenza do Teixidó.

Continuamos en dirección á minicentral do Parrote, levando o Río Eume á dereita, e pasando primeiro por diante da actual Central H.E. do Eume. Atopámonos axiña á esquerda coa chamada Pena dos Maquis, chamada así por ser acubillo dos escapados que se botaron ao monte na Guerra Civil.

Discurrindo por un sendeiro estreito e esvaradío (pagará a pena mirar onde se pon o pe) atravesaremos as Fragas do Retorno, que ata o ano 1900 non se podían atravesar. Ao pouco, o carreiro desemboca nunha pista cementada moi peada que nos deixará, despois de cen metros, na Minicentral do Parrote, onde cae o Rego da Laxe ou de San Bartolomé. Aquí o Eume fai unha curva e toma a dirección Noroeste, formándose así a Illa do Fondal, de máis de 300 metros de lonxitude. Cara á metade desta illa cruzaremos unha pequena ponte de cemento e madeira que salva o Rego da Vaca, importante pola flora que alberga, en especial unha grande colonia do felgo macaronésico Woodwardia radicans.

Dende aquí ata o final da illa atópanse as pedras sanguezugueiras, onde os paisanos do lugar adoitaban buscar as samesugas ou "sanguezugas" (como aquí lles chaman), que se usaban na medicina antiga como remedio para facer sangrías e curar certas doenzas. Dende este punto ata Santa Cristina atravesaremos o auténtico corazón das Fragas do Eume. En Santa Cristina atopamos un dos pozos máis grandes do Eume, tanto en lonxitude (350 metros) como en profundidade. No remate poderemos ver unha pequena desfeita: unha presa feita para facilitar o traballo aos malos pescadores.

Continuando sempre a favor do río, a 200 metros atopamos a Ponte de Santa Cristina, que pode ser un lugar axeitado para facer o xantar.

Tomando o sendeiro pola marxe dereita do río ata a desembocadura do Rego Sesín, percorreremos un treito que nos ofrece os restos dunhas interesantes construcións de pedra, os "caneiros", usados para a pesca do salmón en séculos pasados.

Á nosa dereita, na ladeira, iremos vendo os socalcos ou aterrazamentos, un sistema de cultivo usado polos frades.

Xusto antes do Rego Sesín (que desemboca á dereita), encontramos o Pozo e Illa de San Rosendo, que foron fonte de inspiración de fermosas lendas populares.

Remontamos o Sesín ata a altura do Mosteiro de Caaveiro. Pola esquerda aparece o único camiño que chegaba a Caaveiro na época medieval, partindo de Cabanas. Aquí teremos a ocasión de admirar a arquitectura dos muíños, a fonte e o impresionante arco de medio punto da ponte medieval. Tamén esta zona alberga interesantes mostras de fauna e flora.

Aproveitaremos para facer unha visita guiada ao mosteiro de Caaveiro, cuxas obras de restauración remataron recentemente.

A última parte farémola por unha pista que conduce dende Caaveiro ata a estrada asfaltada onde iniciamos o roteiro, cun percorrido aproximado total de 2,5 quilómetros.

Neste traxecto podemos ver unha "curripa", construcción tradicional adicada ao secado dos ourizos das castañas. Dentro dela atopamos a proba irrefutable do tempo que leva abandonada.

Seremos testemuñas tamén dun intento de desfeita ambiental que, por sorte, foi denunciada a tempo e evitada. Trátase do proxecto do concello da Capela de convertir o camiño nunha pista que permitiría o tráfico de vehículos particulares e chegaría ata o propio mosteiro de Caaveiro e que, finalmente, foi substituída por unha opción menos agresiva. Cando alcancemos a estrada asfaltada, estaremos xa no punto de remate da nosa andaina.

Venres, 11 de Xuño do 2010

http://www.verdegaia.org/

Enviado por:
Miguel Ángel Fernández
-miguelafp@gmail.com-
14 de junho de 2010 23:09
_______________

mércores, outubro 14, 2009

Roteiro de Verdegaia, domingo 18 de Outubro: Sobrado dos Monxes


Olá a tod@s:

Para aqueles/as de vós que esteades interesados, mándovos en arquivos adxuntos toda a información sobre o noso roteiro deste domingo.

Saúdos,

Miguel A. Fernández.

Sobrado dos Monxes - 18 de outubro de 2009

Percorrido: 13,9 km.

Dificultade: media-baixa.

Ubicación: Concello de Sobrado (A Coruña).

Transporte: bus.

Saída:
  • Para as persoas que vaian dende Ferrol, a saída será ás 9 da mañá dende a escalinata de Correos.
  • Para @s que vaian dende A Coruña, o bus fará unha parada en Guísamo para recoll@s ás 9:30 xunto ao Café Bar O Centro.
Volta: 20:30 h aprox.

Prezo: soci@s 10 €, non soci@s 12 €.

Puntos de interese: campamento romano de A Ciadella, Mosteiro de Santa María de Sobrado, lugar de Reboredo (teixos), Lagoa de Sobrado, carballo centenario na Portacal, Igrexa e Pazo de Cumbraos, carballeira da Casa do Gado, a paisaxe.
Recomendacións: posto que se trata dun roteiro non sinalizado deseñado por Verdegaia, recomendamos a quen participen que sigan as indicacións d@s organizador@s e non se adianten grandes distancias.

Teléfonos de contacto:
Ferrol: 661636946 (Miguel)
Coruña: 639224770 (Jacobo, tardes)


Documento anexo:

Enviado por:
Miguel Ángel Fernández
-miguelafp@gmail.com-
13 de outubro de 2009 17:25

__________________

xoves, abril 09, 2009

O 19 de Abril Verdegaia organiza un Roteiro polo Río Mera

ferrol@verdegaia.org
-ferrol@verdegaia.org
-
8 de abril de 2009 23:10





Roteiro Rio Mera

PROGRAMA VAI DE ROTEIROS


19/04/09 Rio Mera (Núcleo Comarcal de Ferrol, Eume e Oregal)

Roteiro Río Mera (A Cuqueira-Ponte Mera). Zona LIC.
19 de abril de 2009
  • Concellos: Cerdido e Ortigueira.
  • Percorrido total: 14,4 km
  • Duración: 8 horas e media (condicionado polo tren)
  • Medio de transporte: FEVE.
  • Colleremos o tren ás 10:30 h. (Estacion de Ferrol)
  • Punto de inicio: Apeadeiro de “A Cuqueira”.
  • Punto de remate: Estación de Ponte Mera.
  • Prezo: 5€ (socios) 7,50 € (non socios).
  • Contacto para inscricion: 661 636 946
  • Dificultade: media-baixa.
  • Indumentaria: roupa cómoda, pantalón longo.
  • Calzado: tipo “treking”.
  • Comida e bebida: cada un ten que levar a súa.
Trátase dun roteiro que se fará case sempre en descenso e no cal percorreremos unha parte do LIC Ortigueira-Mera, en concreto o tramo medio e baixo do Río Mera, visitando a Fraga dos Casás, unha excelente mostra de bosque atlántico.

Percorrido

Comezo na Estación do FEVE de Ferrol, onde colleremos o tren ás 10:30 h.

Chegaremos ás 11:24 h ao apeadeiro da Cuqueira, no concello de Cerdido, onde baixaremos para emprender a andaina.

1o tramo: A Cuqueira-Cruce coa pista de terra (Covelo).

2o tramo: Pista forestal pola Fraga dos Casás.

Neste tramo visitaremos a Fraga dos Casás, incluida no LIC Ortigueira-Mera. Esta fraga ten unha extensión aproximada de 100 ha., se ben a súa extensión vese menguada continuamente polos cultivos de eucalipto, ao igual que sucede no resto do país. Esperemos que a súa inclusión no LIC poida frear este proceso de degradación, se ben sabemos que esta medida non será suficiente se non se acompaña de otras medidas de control e dun compromiso firme por parte da administración. Neste momento a fraga está ameazada ademais por un novo proxecto de “ruta de senderismo” parecido ao do Río Sor.

3o tramo: Fraga dos Casás-Ponte da Cardeal.

4o tramo: Ponte do Cardeal-Area recreativa do Refuxio do Río Mera.

5o tramo: Área recreativa-Ponte Noval

6o tramo: Ponte Noval-Ponte do FEVE

7o tramo: Ponte do FEVE-Estación de Ponte Mera.

[Vista do Val de Mera desde a Igrexa de Santiago]

Dende aIgrexa parroquial de Santiago, en Mera de Abaixo, de 1829 dirixirémonos xa cara ao final da nosa andaina, na Estación (pechada) do FEVE en Ponte Mera, non sen antes botar unha ollada ao Pazo do Souto.
______________

Verdegaia é unha asociación ecopacifista galega sen ánimo de lucro, plural, democrática, apartidaria e independente. Naceu 2 de Abril de 2006 co obxecto de contribuír desde Galiza para a defensa do ambiente e o avanzo na transformación social e mundial en termos de sustentabilidade ecolóxica, xustiza social e paz, na procura dunha saída emancipatoria á crise ecolóxica global.

Enderezo:
Apdo. Correos nº 49
Santiago de Compostela
15870

Correo-e: info@verdegaia.orgEste enderezo de correo-e está protexido contra spam bots, necesitas ter o Javascript activado para podelo ver
Teléfono: 622 033 665 - 629 835 351


http://www.verdegaia.org/
_______________

xoves, outubro 16, 2008

Roteiro reivindicativo en defensa das Fragas do Rego Pequeno (Somozas): 26 de Outubro de 2008

De: Miguel Ángel Fernández -miguelafp@gmail.com-
Para: artabra21@gmail.com

Data: 15 de outubro de 2008 18:51

Asunto: Roteiro reivindicativo en defensa das Fragas do Rego Pequeno (Somozas)


Roteiro reivindicativo en defensa das Fragas do Rego Pequeno (Somozas): 26 de Outubro de 2008

Querid@s compañeir@s:

É para min un pracer remitirvos información sobre o noso seguinte roteiro, que terá lugar o vindeiro 26 de outubro.

Como sempre iremos en bus, dende a escalinata de Correos en Ferrol.

Cando chamedes, lembrade dicir un nome completo e o número de persoas. Tede en conta que as prazas son limitadas.

Como información adicional que non aparece no arquivo adxunto, direivos que o percorrido discurre por unha pista forestal en bo estado e, na parte final, por pistas alfaltadas, polo que non é imprescindible que o calzado sexa de montaña.

Lembrade levar cada un/unha a súa auga e comida.

Saúdos,

Miguel.
[Para amliar o folleto clicar acima da imaxen]
[Para amliar o folleto clicar acima da imaxen]
_________________________

mércores, marzo 26, 2008

Roteiro Nocturno polo río Belelle, este Sábado 29 de Marzo

De: CARLOS OUTEIRO BAAMONDE -couteiro@hotmail.com-
Para: artabra21@gmail.com
Data: 26 de março de 2008 21:09

Asunto: Roteiro Nocturno polo río Belelle


[Para ampliar o cartaz, clicar acima del]

Ola compas, adxunto arquivo con cartaz do roteiro a celebrar este sábado á noite polo río Belelle. É unha nova experiencia que queremos podamos disfrutar todas e todos. O percorrido será de aproximadamente 2 horas. Ao inicio (ás 19,30 h) realizaremos a plantación dunhas árbores no paseo marítimo de San Valentín.

Comentar asemade que agasallaremos un chaleco reflectante e unha linterna ás persoas participantes. Ao remate do roteiro repartiranse bebidas e petiscos.

Saúdos, Carlos Outeiro.
________________

venres, novembro 02, 2007

Verdegaia convoca para o vindeiro domingo 11 de novembro un roteiro polo Río Sor, no concello de Mañón






De: Verdegaia en Ferrol, Eume e Ortegal

-ferrol@verdegaia.org-
Para: artabra21@gmail.com

Data: 1 de novembro de 2007 00:44

Asunto: Verdegaia convoca para o vindeiro domingo 11 de novembro un roteiro polo Río Sor, no concello de Mañón


[Clicar acima da imaxe para ampliar]

Verdegaia convoca para o vindeiro domingo 11 de novembro un roteiro polo Río Sor, no concello de Mañón.

Trátase dunha magnífica ocasión para achegarse a un espazo natural pouco coñecido pero moi ben conservado, onde se pode disfrutar dunha paz e unha paisaxe difíciles de igualar. Ademais da excelente calidade das súas augas, o Río Sor ofrece aínda excelentes manchas de fraga de ribeira autóctona.

O percorrido comezará na parroquia de Grañas do Sor, no lugar coñecido como Ribeira do Bispo, e continuará sempre seguindo o percurso do río ata a zona recreativa de Ponte Segade, onde terá lugar o xantar. Pola tarde continuará a andaina ata chegar á fervenza de Augas Caídas onde rematará, completando un percorrido total de 14, 5 km cunha dificultade considerada como media-baixa.

Para dita actividade a asociación poñerá a disposición dos participantes un bus que partirá da escalinata de Correos en Ferrol o domingo 11 ás 9:30 h, estando prevista como hora de volta as 7 da tarde. O prezo será de 4 € para os/as non socios/as e de 2,50 € para os/as socios/as. O número de prazas é de 30 e o prazo de inscrición rematará o día 8 de novembro. Cómpre levar o xantar e ropa e calzado axeitados.

As persoas interesadas en participar nesta actividade poden facer a súa reserva chamando aos teléfonos 981320235 ou 661636946.
--
Núcleo Comarcal de Verdegaia en Ferrol, Eume e Ortegal
ferrol@verdegaia.org

...

http://www.verdegaia.org
______________

sábado, abril 14, 2007

Desde Ferrol ao Roteiro por Carnota convocado polos afectados da piscifactoría de Quilmas

De: Verdegaia en Ferrol, Eume e Ortegal -ferrol@verdegaia.org-
Para: artabra21@gmail.com
Data: 14 de Abril de 2007 17:01
Asunto: ROTEIRO POR CARNOTA CONVOCADO POLOS AFECTADOS DA PISCIFACTORÍA DE QUILMAS


Pregamos difusión

ROTEIRO POR CARNOTA CONVOCADO POLOS AFECTADOS DA PISCIFACTORÍA DE QUILMAS

Verdegaia quere apoiar o roteiro reenvidicativo organizado polos afectados da piscifactoría de quilmas (Carnota) que terá lugar o domingo 22 de abril, por iso fletará un bus, que sairá ás 8.00h da escalinata de correos en Ferrol, parará en Santiago a recoller xente e chegará a Carnota para asistir o citado roteiro.

O proxecto de ampliación da piscifactoría de Quilmas, afectaría LIC Carnota-Monte Pindo, incluído na rede Natura 2000 e declarado Zona de Especial Protección dos Valores Naturais polo decreto 72/2.004, onde existen hábitats naturais prioritarios, vulnerando así o establecido na Directiva 92/43/CEE e no Real Decreto 1997/1995, de 7 de Decembro de Conservación dos espazos naturais e da flora e fauna silvestres.

Entre estes hábitats prioritarios afectados figuran dunas costeiras fixas con vexetación herbácea (“dunas grises”), dunas fixas descalcificadas atlánticas (Calluno-Ulicetea), matorrais arborescentes de Laurus nobilis, zonas subestépicas de gramíneas e anuais do Thero-Brachypodietea, e xa na zona húmida perto da praia de Quilmas, vexetación anual con Salicornia e outras especies de zonas húmidas e areosas.

saída: 8.00h escalinata de correos en Ferrol.

chegada a santiago: aproximadamente 9.30 (parará a recoller xente na estación de autobuses por onde están os taxis e sairá xa para Carnota)

Regreso: entre ás 16.00h e ás 17.00h

Prezo: 7’50 € ida e volta incluído.

Nota: levar comida, bebida e calzado cómodo.

Contacto: 699 897 712 (Mónica) 661 636 946 (Miguel)
--
Núcleo Comarcal de Verdegaia en Ferrol, Eume e Ortegal

xoves, abril 05, 2007

II descenso a pé Río Belelle: 15 de Abril 2007

De: XAN RAMIREZ -xanramirez@gmail.com-
Para: artabra21@gmail.com

Data: 5 de Abril de 2007 12:49

Asunto: II Descenso a pé Río Belelle




Organizado polo Clube de Montaña de Ferrol
http://www.clubmontanaferrol.com

Ahi vos remitimos o folleto para a marcha do día 15 de Abril por todo o Belelle abaixo.

Un saúdo

Xan Ramírez

martes, marzo 13, 2007

De: Antonio Gª -angaji@yahoo.com- Para: artabra21 -artabra21@gmail.com- Data: 13 de marzo de 2007 19:06 Asunto: Próximas actvidades medioambientais na

De: Antonio Gª -angaji@yahoo.com-
Para: artabra21 -artabra21@gmail.com-
Data: 13 de marzo de 2007 19:06
Asunto: Próximas actvidades medioambientais na comarca de Ferrol: Mesa Redonda, Roteiro

Queridos/as compañeiros/as: Reenvío esta informacíón sobre próximas actividades medioambientais nas próximas datas, por se queredes asistir/participar, difundirlla entre os/as socios e /ou publicar na vosa páxina web.

Unha aperta e graciñas

Antonio Gª
Vogal Adega-Trasancos
Ferrol


Mesa redonda:

"DEREITO A UN MEDIO AMBIENTE SANO

Poñentes: D. NES LÓPEZ.

Secretario de ADEGA-FERROL

D. ANTONIO GÓMEZ.

Directivo da Sociedade Galega de Historia Natural.

Data: Venres, 16 de marzo, ás 20 horas.

Lugar: Salón de actos de Caixa Galicia, Pontedeume.

-Coordina : Suso L. Piñeiro

____________________

ROTEIRO POLO EUME

Este domingo 18 marzo ás 9 h. con saída do Centro Cívico de Caranza (fronte ao mercado) en Ferrol e chegada prevista ás 15 h, realizaremos un roteiro polo Parque Natural Fragas do Eume.

A súa inclusión dentro da proposta galega para a Rede Natura 2000 motívanos a facer un especial esforzo en dar a coñecer un dos enclaves da nosa comarca con meirande valor natural ao ser un dos últimos bosques atlánticos relícteos da era terciaria. O seu coñecemento e posta en valor son pezas fundamentais para a súa xusta valoración social.

O percorrido principiará na caseta de información do Eume ás 9.30 h para atravesar os 60 m de lonxitude da ponte colgante, onde arranca un sendeiro que discurre 8 km á beira do río cara ao nacimento para chegarmos ao Mosteiro de Caaveiro onde disporemos dunha visita guiada.

Dirixirémonos ao Museu Etnográfico d´A Capela visitando no camiño uns muiños tradicionais restaurados.

Anotarse en:

690 30 72 45 (Carlos) couteiro@hotmail.com

606 11 98 46 (Suso)
Saída en autobús:

Prezo: socios – 2 euros
Non socios – 3 euros

____________________________

Tamén está pdte para as próximas datas: .

-Día 20.3: inauguración exposición de Xaquín Marín sobre o Prestige en Fene, na Casa da Cultura.
-Día 22.3: 20 hs; Mesa redonda en Sargadelos sober Piscifactorías (có intervención de ADEGA,SGHN ,etc)(pdte concretar programa definitivo)
-Día 24.3 ; 16 hs Xornada limpeza do litoral en Doniños, orgañiza Surfrider Foundation e colaboramos diversos colectivos.