Amosando publicacións coa etiqueta Sanidade Pública. Amosar todas as publicacións
Amosando publicacións coa etiqueta Sanidade Pública. Amosar todas as publicacións

venres, marzo 09, 2018

Xubilacións e sistema sanitario..., por Paula Pérez Santiago


Xubilacións e sistema sanitario. | Os médicos veteranos que se rifa a sanidade privada. | Con máis de 65 anos poñen en valor a súa experiencia e coñecementos.

Por Paula Pérez Santiago [*]
09.03.2018


Practican intervencións cirúrxicas de doce horas, pasan consulta a cincuenta pacientes diarios e non deixan de aprender porque a medicina require unha formación continua. "Non temos data de caducidade", defenden. Desde fai dous anos o Sergas permite aos facultativos aprazar a súa xubilación pero só ata os 67. Douscentos médicos lograron esta prórroga. Outros se levaron "o seu talento e a súa experiencia" á sanidade privada, logo de ser forzados a xubilarse porque cumpriron os 65 antes de 2016, cando aínda non se permitían prórrogas á vida laboral.

Son as catro e media da tarde e Berta Piñó aínda non finalizou a súa xornada de mañá no centro de saúde de Vilagarcía de Arousa onde leva preto de trinta anos traballando de médica de familia. Pola súa consulta pasaron ese día uns cincuenta pacientes. Algúns os coñece ben. Atendeu a familias enteiras, desde os avós aos netos. E pesar da carga de traballo que soporta, non o pensou dúas veces cando en 2016 decidiu aprazar a súa xubilación. "Estou afeita á presión. os meus fillos xa son maiores e toda a miña vida desenvólvese en torno ao traballo. Necesito un motivo para levantarme", relata.

A vocación non morre cos anos. E a experiencia aumenta. "Gústame o que fago, teño coñecementos adquiridos que podo transmitir, estou en condicións de seguir aportando tanto a nivel de formación como de técnicas cirúrxicas e podo operar igual que fai anos", explica Jesús Araújo, que traballa de otorrino no Hospital Álvaro Cunqueiro con 66 anos cumpridos. "É verdade que depende das condicións físicas. Igual dentro dun tempo non estou para estar doce horas no quirófano. Agora sígoo facendo. E cando non poida, poderei aportar outras cousas como formar a outros médicos", apunta.

E si a sanidade pública non quere "aproveitar este capital humano", estes facultativos advirten que nas clínicas e hospitais privados non hai límite de idade. "Rifan-nos porque son profesionais de alta calidade", explica Manuel Martín, que con 66 anos segue traballando de médico de familia en Marín e coñece os casos doutros compañeiros aos que obrigaron a xubilarse forzosamente e terminaron montando a súa propia consulta ou traballando para a sanidade privada. "Desperdician-se a moitos facultativos en plenitude da súa carreira", lamenta.

Berta Piñó, Jesús Araújo e Manuel Martín puideron aprazar o seu retiro porque a Consellería de Sanidade decidiu fai dous anos flexibilizar a xubilación forzosa imposta en 2012 aos 65 anos. Anteriormente os facultativos podían continuar en activo até os 70, pero en plena crise económica as políticas de austeridade obrigaron a adoptar medidas para reducir os persoais das administracións públicas.

Manuel Martín explica que a maior parte dos médicos incorporáronse ao Sergas na década dos setenta e, por esta razón, agora atópanse todos nunha franxa de idade a piques de xubilarse. "Coa obrigación para retirarse aos 65 anos pasáronse de freada. Xerouse un oco tremendo e as plantillas quedaron escuálidas", lamenta.

Produciuse "unha perda de valor do sistema de saúde", en palabras de Jesús Araújo. "Eu levo 41 anos traballando. Teño agora 66 e sígome formando, vou a cursos, congresos, aprendo novas técnicas. É unha pena que todo ese capital se deite pola borda de vez e a moreas", advirte.

Este otorrino, con todo, pode seguir traballando grazas a que cando cumpriu os 65 anos, Sanidade xa abrira de novo a porta a que os facultativos continuasen, polo menos dous anos máis. Agora o Sergas quere ampliar ese límite de idade aos 68 anos.

A súa permanencia en activo, segundo defenden os médicos, axudaría a paliar este déficit de especialistas. Ademais, formar a un médico é un proceso longo. "Os coñecementos tardan moito en adquirirse", explica Araújo. De feito, hai algunhas técnicas que só dominan uns poucos facultativos, moitos deles veteranos.

No caso da medicina familiar, a idade ten outro plus, ademais da experiencia: a confianza cos pacientes. "É fundamental. Cando lles chamas por teléfono, por exemplo, xa che sabes a súa historia, que lle pasa ao fillo, quen é o pai. E a xente maior sobre todo xa se afixo a tí", explica Berta Piñó, que recoñece que a súa posíbel xubilación causa inquietude nalgúns dos seus pacientes. "Preguntan-me a miúdo: pero segues verdade? de momento non che vas?", relata.

Esta médico de familia, que leva traballando desde o franquismo, recoñece que a sanidade mellorou moito pero tralos recortes que houbo durante a crise, "a situación púxose difícil". "Cada vez que me dan as catro da tarde, eu saio ás tres, e aínda sigo no ambulatorio, pregúntome: quen me mandaría pedir a prórroga?", vacila. De feito, recoñece que este ano foi especialmente duro pola epidemia de gripe e reformúlase si pedir outra prórroga para traballar un ano máis.

Manuel Martín, con todo, aínda non ve próxima a data para abandonar o centro de saúde."Eu estou encantado. Vou intentar seguir traballando", explica. En todo caso, estes facultativos, con máis de 65 anos, teñen que pasar anualmente avaliacións de saúde.

"Pero a idade non importa. Hai xente con 60 anos que está queimada e outros con 70 están estupendamente", di Berta Piñó. De momento, a ningún trémelle o pulso e a paixón pola medicina segue intacta.

"Fago operacións de doce horas. Cando non sexa capaz, sempre podo formar a outros"


Con máis de 65 anos néganse a quitarse a bata de médico.

[*Paula Pérez Santiago, é xornalista e redactora do Faro de Vigo. | 03.03.2018 |

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
8 de março de 2018 21:22

________________

xoves, xaneiro 18, 2018

En Ferrolterra, como noutras comarcas da Galiza, mobiliza-mo-nos na Defensa da Nosa Sanidade Pública, o mércores 24 de xaneiro cunha Concentración, ás 19,30hs, na Praza Amada García, diante do Edificio da Xunta de Galicia en Ferrol - E o 4 de febreiro Manifestación Nacional en Compostela, ás 12 do mediodía na Alameda - Vídeo Rolda de Prensa

Rolda de Prensa do 16 de xaneiro de 2018, no Centro Sociocultural de Fontiñas,
en Compostela, Moncho Veras como portavoz de SOS,
e tamén María Xosé Abuín, Rubén Cela, Juan Evaristo e Isabel Varela

En Ferrolterra, como coutras comarcas da Galiza, mobiliza-mo-nos na Defensa da Nosa Sanidade Pública, o mércores 24 de xaneiro cunha Concentración, ás 19,30hs, na Praza Amada García, diante do Edificio da Xunta de Galicia en Ferrol.  Convocada pola Plataforma en Defensa da Sanidade Pública da Área Sanitaria de Ferrol, que participa na plataforma galega SOS-SANIDADE PÚBLICA.

SOS Sanidade Pública convoca mobilizacións o 24 de xaneiro e o 4 de febreiro, en toda Galiza: PARA DEFENDER A "NOSA" SANIDADE PÚBLICA.

Rolda de prensa de SOS Sanidade Pública presentando as mobilizacións na sanidade.

O mércores 24 de xaneiro concentración en todas as comarcas, en Ferrolterra: Ás 19,30hs, na Praza Amada García, diante do Edificio Administrativo da Xunta de Galicia en Ferrol.

O sábado 4 de febreiro manifestación en Santiago de Compostela, con saída ás 12 do mediodía da Alameda.

O motivo: PARA DEFENDER A NOSA SANIDADE PÚBLICA. O adxectivo "NOSA" é importante, todos temos que ser conscientes do que é "NOSO" e que as políticas do goberno galego, cos recortes, privatizacións e mala xestión, están debilitando, empobrecendo e facéndonos perder parte deste patrimonio esencial para a vida como é a "NOSA SANIDADE PÚBLICA".

Facemos un chamamento á cidadanía a que se mova e participe tanto o día 24 na súa comarca como o día 4 de febreiro en Compostela, na defensa desta riqueza común que é a sanidade pública.


https://youtu.be/cpsIazGdX_c

Canle: SOS Sanidade Pública Galega. | Publicado en 16 de xaneiro de 2018. | Rolda de prensa de SOS Sanidade Pública Galega. | Presentación da convocatoria de mobilizacións de defensa da sanidade pública: concentracións comarcais o 24 de xaneiro e manifestación o 4 de febreiro en Santiago de Compostela con saída ás 12:00 da Alameda.

O proxecto do PP, de modificar a Lei Galega de Saúde, afonda no desmantelamento e na privatización do Sistema Sanitario Publico  Galego:
  • Desmantela os hospitais comarcais, dificultando o acceso á asistencia especializada da poboación rural e recentraliza o control da Conselleria de Sanidade, sobre a atención da saúde.
  • Perpetua as Estruturas de Xestión Integrada, que someten á Atención Primaria ás Xerencias Hospitalarias, en detrimento da promoción, prevención e atención cercana.
  • Privatiza a formación a investigación e a innovación sanitaria, consolidando a Axencia Galega para a Xestión do Coñecemento en Saúde, penetrada por empresas multinacionais.
  • Reduce e limita a participación social no control da Sanidade Pública Galega.
  • Favorece a creación de chiringuitos, para  laboralizar o persoal, potenciando o favoritismo e a arbitrariedade na contratación do persoal sanitario.
Plataforma en Defensa da Sanidade Pública da Área Sanitaria de Ferrol
www.plataformadspferrol.blogspot.com
plataformadspferrol@gmail.com

Información baseada na enviada por:
Plataforma en Defensa da Sanidade Pública Ferrol
-plataformadspferrol@gmail.com
17 de janeiro de 2018 13:01

_________________

sábado, decembro 23, 2017

O movemento na defensa da sanidade pública prepara un inverno de mobilizacións contra a política sanitaria do Partido Popular na Xunta de Galicia - Convocada Asemblea Extraordinaria da Plataforma en Defensa da Sanidade Pública da Area de Ferrol, o martes 9 de xaneiro


CONVOCATORIA ASEMBLEA EXTRAORDINARIA DA PLATAFORMA EN DEFENSA DA SANIDADE PÚBLICA DA AREA DE FERROL


Día: martes 9 de xaneiro
Hora: 18:30hs.
Lugar: Local da Asociación Veciñal O Rosario-Inferniño.
Orde do día: Organizar as mobilizacións nesta comarca de Ferrolterra.

Punto Único .-

ORGANZACIÓN E DATAS DE MOBILIZACIÓN EN DEFENSA DA SANIDADE PÚBLICA EN FERROLTERRA .

Saúde

Secretaría -
---

Plataforma en Defensa da Sanidade Pública Ferrol
plataformadspferrol@gmail.com
17 de dezembro de 2017 20:06


Acta Plataforma SOS Sanidade Galicia.-

Reunión de SOS Sanidade Pública Galega. 13/12/2017

Asisten Plataforma do Salnés, Valdeorras, Mariña, Santiago, Pontevedra, Vigo, A Coruña, CIG, CCOO, BNG, Podemos, En Marea, Esquerda Unida, Movemento Galego de Saúde Mental, Cogave, Galiza Nova, Asociación Galega de Defensa da Sanidade Pública.

Desculpa asistencia a plataforma de Monforte. Juan Evaristo avisou de que probablemente UGT tería dificultades para asistir hoxe.

Téñense presentado nas áreas que perden a consideración de área sanitaria: charlas, mocións municipais, concentracións diante dos centros de saúde, manifestacións, caravanas, buzóns de reclamacións, notas de prensa,…. Por outra banda presentáronse múltiples mocións municipais e nas deputacións fóra destas áreas tamén.

O proxecto de lei foi aprobado polo consello da Xunta pero non entrou aínda no Parlamento. O primeiro debate, tendo en conta os tempos parlamentarios, non sería antes de febreiro.

Tiñamos acordado facer unha concentración diante do Parlamento galego en algún momento do trámite parlamentario.

A CIG propón unha manifestación en Santiago o 4 de febreiro e facer un traballo previo de información á cidadanía para estimular a participación na manifestación nacional, sobre todo a partir do 10 de xaneiro.  Propón tamén unha mobilización comarcal conxunta na semana do 22 a 27 de xaneiro.

As plataformas da Mariña, Salnés e Valdeorras presentes na reunión deron as queixas e manifestaron sentirse soas neste conflito e botaron de menos a presenza de máis accións da SOS galega neste tempo.

Acórdase:

1. Gran manifestación galega en Santiago o día 4 de febreiro.

2. Concentración diante do parlamento galego en apoio das organizacións parlamentarias da Plataforma.

3. Concentración comarcal na semana do 22 ao 27 de xaneiro.

4.- Elaborar lema, folleto informativo e material audiovisual para as redes.

5. Constituír un comité de coordinación para a preparación das actuacións previas e da manifestación do 4 de febreiro. Apuntáronse ao mesmo: Manuel Martín (portavoz de SOS), María Xosé Abuín (CIG), Ángel Cameselle (CCOO), Guillermo Crego (EU), Xosé María Dios (Plataforma Santiago), Moncho Veras (Plataforma A Coruña). Este comité vai ter a primeira reunión o martes 19 ás 18 horas no local de CCOO.

Manuel Martín

Portavoz  SOS - Sanidade Pública

Interesantes documentos:

Análise orzamento da Xunta de Galicia do Sistema Sanitario Público en 2018 - 5 de decembro de 2017. | Acceder/Baixar.

Análise do novo modelo de financiamento sanitario - 8 de decembro de 2017. | Acceder/Baixar.

O Anteproxecto de lei polo que se modifica a Lei 8/2008, do 10 de xullo, de Saúde de Galicia no Portal de Transparencia da Xunta de Galicia. | Ir á Web.
 --

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
22 de dezembro de 2017 14:13

___________________

xoves, decembro 21, 2017

Un servizo novo na Área de saúde das comarcas de Ferrolterra, Eume e Ortegal: Consulta de Logopedia e Foniatría, unha nova prestación do Servizo de Medicina Física e Rehabilitación emprazado no Hospital Novoa Santos do Complexo Hospitalario Universitario de Ferrol, unha infraestrutura sanitaria pendente de rehabilitar


O pasado 4 de decembro o gabinete de Comunicación Xerencia Integrada de Ferrol, facía publica esta nota de prensa que consideramos de interese difundir, por tratar-se dun servizo novo na Área de saúde das comarcas de Ferrolterra, Eume e Ortegal: Consulta de Logopedia e Foniatría,
unha nova prestación do Servizo de Medicina Física e Rehabilitación emprazado no Hospital Novoa Santos do Complexo Hospitalario Universitario de Ferrol, unha infraestrutura sanitaria pendente de rehabilitar.

A POBOACIÓN DA XERENCIA INTEGRADA DE FERROL CONTA CUNHA NOVA CONSULTA DE FONIATRÍA E LOGOPEDIA DE ADULTOS.

Activábase este verán; ofértase un día a semana; e vense unha media de nove persoas á semana. | Atende a pacientes que presentan alteracións da linguaxe e a fala por problemas fundamentalmente neurolóxicos; e, tamén, a pacientes con problemas de deglución. | A valoración médica e o enfoque diagnóstico realízao a especialista en Medicina Física e Rehabilitación formada a este respecto, Mercedes Doval Álvarez. | Se esta profesional o considera necesario, o paciente acude a sesións de terapia da nova logopeda incorporada á area sanitaria ferrolá.

A poboación da Xerencia Integrada de Ferrol conta dende o verán cunha nova consulta de Foniatría e Logopedia de adultos. É unha nova prestación do Servizo de Medicina Física e Rehabilitación emprazado no Hospital Novoa Santos do Complexo Hospitalario Universitario de Ferrol. Atende a pacientes que presentan alteracións da linguaxe e a fala por problemas fundamentalmente neurolóxicos; e, tamén, a pacientes con problemas de deglución. Activábase este verán, e ofertase un día a semana, os luns. Vense unha media de nove pacientes á semana.

Habilitáronse unha consulta para Foniatría, coa súa correspondente sala técnica, e unha sala de terapia para a logopedia. Na sala técnica, incorporouse unha nova parataxe para a exploración instrumental, un nasofibroscopio flexible e un programa informático específico para análise de voz. Este nasofibroscopio permite o exame de estruturas ata a larinxe e comprobación do funcionamento de cordas vocais por observación directa.

Perfil do paciente

O perfil do paciente que se está a incorporar fundamentalmente a esta nova consulta é o paciente con afasia, que é unha alteración da linguaxe e da fala orixinada fundamentalmente por unha lesión cerebral, por patoloxías neurolóxicas, como un ictus, ou por traumatismos craneoencefálicos. Con esta afasia prodúcense tanto alteracións da linguaxe (expresión, compresión, lectura e escritura), como outras tales como físicas, intelectuais (razoamento ou cálculo), de comportamento ou emocionais. Cada persoa con afasia é distinta polo tipo de lesión ou gravidade da mesma, pola personalidade, ou pola idade e profesión.

Tamén vense nesta consulta pacientes con problemas de deglución, por causas tamén neurolóxicas ou por cirurxías específicas a nivel orofacial ou de cabeza. Ás veces, os pacientes tamén amosan disartria, problema físico na articulación que dá problemas na fala sen alteración do contido.

O paciente chega a esta consulta por varias vías. Moitos xa están sendo atendidos polas secuelas dun accidente cerebrovascular ou ictus no propio Servizo de Rehabilitación, e poden presentar algún tipo de afasia ou problema de deglución. Por outra banda, poden ter a súa orixe no contacto xa estreito co Servizo de Neuroloxía e a revisión daqueles pacientes hospitalizados que poden ter algún trastorno da linguaxe. Tamén poden chegar procedentes da especialidade de Otorrinolaringoloxía, e son pacientes sometidos a algunhas cirurxías específicas. O obxectivo nestes casos é facilitar a mobilidade da zona orofacial tras esa cirurxía.

As interconsultas doutras especialidades valóranse folla por folla e se asigna o día de consulta se é necesario. A valoración médica e o enfoque diagnóstico realízao a especialista en Medicina Física e Rehabilitación formada a este respecto, Mercedes Doval Álvarez, nunha consulta na que, explica, “se inclúen aspectos específicos de comprensión e expresión e de capacidade a través de test que valoran a situación concreta de cada paciente”. Por outra banda, nesta consulta de Foniatría esta profesional considera igualmente se é necesaria a intervención da logopeda ou non. Se é necesario, acude á sesión de terapia coa nova profesional que se ten incorporado á area.

Logopedia
Esta nova profesional valora uns sete pacientes ó día. Trátase de traballar a alteración da linguaxe e da comunicación que dificulta a súa vida diaria e a compresión, a lectoescritura. Estas dificultades “foron provocadas fundamentalmente por patoloxías como un ictus, un problema de deglución, un alzheimer, ou as consecuencias cirúrxicas dun cancro orofacial, fundamentalmente”.

Realízanse diversas terapias tanto de estimulación da atención e a memoria como da musculatura orofacial, o que se coñece como praxias bucolinguofaciais, para recuperación da mobilidade e a tonicidade, explican. Realízanse tamén exercicios de memoria e estimulación da linguaxe tanto espontánea (cando non hai unha pregunta dirixida previa) como dirixida (en base a unha serie de preguntas). Con respecto ás disfaxias valórase a musculatura orofacial e trabállase coa textura dos alimentos, e, tamén, coa reeducación da posición e as axudas compensatorias á respiración. Realízanse tamén actividades relacionadas coa anomia, o esquecemento de nomes comúns, e para o incremento do vocabulario. Os acompañantes do ou da paciente poden estar na sesión e seguir os exercicios e as dinámicas, para continualos no día a día.

En función da secuela, enfócase unha terapia ou outra. “A diario, a foniatra e a logopedia temos comunicación constante sobre os pacientes e a súa valoración nos distintos aspectos”, inciden. En conxunto, un paciente pode estar ata seis meses sendo atendido nesta consulta, dependendo da patoloxía e da afectación.

Ferrol,a 4 de decembro, de 2017

Comunicación Xerencia Integrada de Ferrol. | Hospital Arquitecto Marcide do Complexo Hospitalario Universitario de Ferrol, andar baixo. |
comunicacion.ferrol@sergas.es

Enviado por:
Inacio GZ
-inaciogz@gmail.com-
21 de dezembro de 2017 11:05

_______________

mércores, novembro 01, 2017

O anteproxecto de reforma da Lei Galega de Saúde: As Estruturas de Xestión Integrada (EOXIS), creadas polo goberno do PP, anularon as Xerencias de Atención Primaria - Os Centros de Saúde pasaron a depender das Xerencias Hospitalarias, o que supuxo unha enorme perda de poder e de recursos para o primeiro nivel asistencial, para os seus profesionais e usuarios


O  PROXECTO  DE REFORMA DA LEI GALEGA DE SAÚDE, MANTÉN AS ESTRUTURAS DE XESTIÓN INTEGRADA (EOXIS) EN DETRIMENTO DA ATENCIÓN PRIMARIA


As Estruturas de Xestión Integrada (EOXIS), creadas polo goberno do PP, anularon as Xerencias de Atención Primaria (AP). Os Centros de Saúde pasaron a depender das Xerencias Hospitalarias, o que supuxo unha enorme perda de poder e de recursos para o primeiro nivel asistencial, para os seus profesionais e usuarios.

1.- Perda de financiamento:

Dende o 2010, data de entrada en vigor das EOXIS,  o orzamento hospitalario creceu de 2.197 millóns de euros no ano 2010 a 2.270 no 2017, mentres que o de Atención Primaria medrou nese mesmo período de 492 millóns a 466 (Figura 1). A diferencia orzamentaria entre  hospitais e AP aumentou do 43,3% ao 51% (incrementou nun 15,1%)  (Figura 2). A participación da AP no orzamento sanitario pasou ao 13,1% do total, moi por debaixo do 15,4% da media española ou do 25% que se fixou como óptimo no Plan de Mellora e na Estratexia AP 21.

2.- Redución de persoal:

Entre 2009 e 2015 o goberno do PP reduciu 1.795 prazas na sanidade pública; 1.154 en AP (64,3%) e 641 nos hospitais (35,7%). O persoal facultativo recortárono en 513 prazas,  das que 392 foron en AP (76,4%) fronte a 121 nos hospitais (23,6%). Como consecuencia máis do 50% das cotas están masificadas, con máis de 1.500 tarxetas individuais por médico/a (as sociedades científicas indican que non deberían superar as 1.250). Esta situación obriga a atender unha media de entre 40 e 50 pacientes ao día, o que repercute na calidade da atención e na capacidade resolutiva, e obriga a enviar de xeito innecesario a moitos pacientes ao hospital, colapsando as urxencias e incrementando as listas de espera. En algúns Centros de Saúde, a espera para acudir a consulta chega a superar a semana, algo inadmisible no primeiro nivel asistencial.

3.- A supresión das Xerencias e a integración da AP nos hospitais someteu aos Centros de Saúde ás xerencias e servizos hospitalarios. Hai unha enorme diferenza de poder entre os coordinadores dos equipos (case sen competencias) e as xefaturas de servizo hospitalarias, fortemente xerarquizadas; a desigualdade en orzamentos, persoal e recursos tecnolóxicos, e a dispersión dos Centros de Saúde convirten a éstes en apéndices ao servizo dos hospitais.

Como consecuencia:

•Hai unha redución notable de profesionais en AP, con repercusión negativa na calidade asistencial e na capacidade de resolver problemas de saúde sen precisar derivación ao nivel hospitalario.

•En moitas áreas sanitarias os xefes de servizo hospitalarios controlan as interconsultas e derivacións decididas polo persoal facultativo dos Centros de Saúde

•A perda da capacidade de xestión impide á AP controlar as prioridades e os tempos de espera. Isto facilita que algúns servizos hospitalarios manexen as listas segundo os seus intereses.

Por todo iso desde a AGDSP esiximos:

1.- A retirada do Anteproxecto de reforma da Lei Galega de Saúde, que perpetúa as Estruturas de Xestión Integrada.

2.- Restituír as Xerencias de AP e dotalas de medios e recursos para reforzar a capacidade de resolución.

3. Desenvolver a Lei Galega de Saúde do ano 2008.

Figura 1
Figura 2

Asociación Galega para a Defensa da Sanidade Pública
A asociación ten publicado o Informe Dramático da Sanidade Galega. | Decembro de 2015. | Ir Ẃeb.




Enviado por:
Plataforma en Defensa da Sanidade Pública Ferrol
-plataformadspferrol@gmail.com-
31 de outubro de 2017 22:02
http://www.plataformadspferrol.blogspot.com

_________________________

mércores, outubro 18, 2017

As traballadoras e traballadores da sanidade pública mobilizan-se pola recuperación dos seus dereitos laborais - Vai ter lugar unha Concentración no Hall do Hospital Arquitecto Marcide, este xoves 19 de outubro ás 11 da mañá - É hora !


As traballadoras e traballadores do Sergas, mobilizan-se pola recuperación dos seus dereitos laborais, cunha Concentración no Hall do Hospital Arquitecto Marcide, do CHUF, en Catabois. Unha mobilización unitaria da maioría dos sindicatos presentes na Área da sanidade pública, convocan esta mobilización, este xoves 19 de outubro, ás 11 da mañá. É hota !
__________

sábado, setembro 09, 2017

Comunicado da Asociación Galega para a Defensa dá Sanidade Pública, ante a información de que a patronal da sanidade privada (IDIS) pretende que o SERGAS destine 88 millóns de euros para eliminar a Listas de Espera Quirúrxica utilizando os centros privados

O Consello Consultivo de IDIS está formado por representantes do Patronato do Instituto para
o Desenvolvemento e Integración da Sanidade (IDIS) e as súas patrocinadores: Accenture,
Amgen, Boston Scientific, Xeral Electric Healthcare, Indra, Johnson & Johnson Medical
Companies, Medtronic, MSD, Philips, Roche, Siemens y Telematic & Biomedical Services.
Novembro de 2016.

Ante a proposta patronal privada para reducir listas espera


Ante a información de que a patronal da sanidade privada (IDIS) pretende que o SERGAS destine 88 millóns de euros para eliminar a Listas de Espera Quirúrxica utilizando os centros privados, desde a Asociación Galega para a Defensa dá Sanidade Pública queremos comunicar:

1º- Que os plans de choque baseados no uso intensivo dos quirófanos, ben mediante concertos ou con peonadas na pública, resultaron sempre un fracaso, dado que ao pouco tempo volven crecer aos niveis previos xa que esta medida non afronta de xeito integral os determinantes das listas como a falta de camas pública, a escaseza de persoal medico e de apoio, a non utilización dos recursos en horario de tarde, a baixa produtividade dos quirófanos,  ou a ausencia de incentivos profesionais. Á cor da crise pecharon case 500 camas nos hospitais públicos e este veráns máis de 1.000 camas.

2º.- Recorrer á sanidade privada non é a solución como demostra que o único hospital privado cun área sanitaria como POVISA en Vigo duplica as listas de espera quirúrxica dos centros públicos galegos.

3º.- Esta desviación de fondos públicos á privada supoñería un novo avance da descapitalización de SERGAS, que xa destina máis do 11% do seu gasto a concertos coa privada. A sanidade privada esixe un aumento do 2.5% do capitulo de concertos (un aumento do 25%) o que supoñería un enorme avance da privatización. Pese ao incremento dos fondos para concertos as listas de espera seguen sendo totalmente inaceptables.

4º- Que o SERGAS tolere a dobre dedicación á pública e á privada dunha parte do persoal sanitario, especialmente dos xefes de servizos, favorece o crecemento das listas (xa este persoal esta interesado en reducir a actividade en centros quirófanos públicos para desviala á concertada onde tamén traballa) e sobre todo favorece a corrupción pola vulneración sistemática da Lei de Incompatibilidades.

Por todo iso esiximos que a Consellería de Sanidade e o SERGAS rexeite esta proposta da patronal privada, abra as camas e quirófanos pechados nos últimos anos , utilice os quirófanos e recursos diagnósticos pola tardes, dote ao sistema dunha política de persoal incentivadora que recupere a carreira profesional dos traballadores sanitarios e acabe coa dobre dedicación na sanidade pública.

Asociación Galega para a Defensa da Sanidade Pública

5 de setembro do 2017

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
8 de setembro de 2017 20:43

__________________