BNG propón no Parlamento medidas para resolver o conflito de Electro Rayma con Navantia e que esta cumpra coas subcontratas - O deputado Mon Fernández defende un conxunto de propostas para promover e consolidar un tecido industrial na comarca de Ferrol ao abeiro de Navantia

BNG instou á Xunta no Parlamento galego a demandar do Goberno central explicacións sobre as negociacións entre Navantia e Electro Rayma para resolver as discrepancias económicas sobre a execución dos últimos contratos dos buques de tipo AOR para a armada australiana, logo de que a empresa comarcal -especializada na montaxe eléctrica e de compoñentes electrónicos- denunciara que mantén un contencioso económico (por sobre-custos que cifra en 4,7 millóns) coa empresa pública e que, despois da negativa desta última a facilitar unha solución áxil e negociada, derivou na presentación dunha demanda xudicial por parte da empresa localizada en Narón e que ocupa a arredor de 150 traballadores e traballadoras.

Logo de recalcar que Electro Rayma acusa a Navantia de aproveitarse da súa delicada situación económica para conseguir un acordo á baixa e de discriminala nas distintas licitacións, o portavoz nacionalista de Industria, Mon Fernández, reclamou tamén o estudo de solucións no ámbito da financiación e coa participación do Igape para evitar que a demora na solución do contencioso poida significar a perda de emprego na empresa subcontratista ou mesmo o seu peche.

Fernández enmarcou esta situación na falta de mecanismos que garanten a correcta relación entre a empresa pública e a súa industria auxiliar, polo que, ademais de propor medidas concretas para solucionar o grave problema que sofre Electro Rayma, defendeu nunha proposición de lei, propostas concretas para promover e consolidar un tecido industrial na comarca de Ferrol ao abeiro de Navantia.

Neste sentido, considerou de capital importancia aproveitar plenamente todas as posibilidades da contratación pública para a consecución de obxectivos estratéxicos, entre os que citou a protección do emprego, a participación das Pemes ou a reactivación de comarcas en crise como é o caso de Ferrolterra, para o que defendeu a discriminación positiva das empresas comarcais, a incorporación aos pregos de contratación de Navantia de mecanismos áxiles e negociados para a resolución das discrepancias económicas que eviten tensións de liquidez nas empresas subcontratistas e a incorporación do persoal da industria auxiliar aos plans de prexubilación do persoal da empresa principal.

“O PP prefire queixarse dende a distancia que entrar no consello de Navantia”

Por último, Fernández reiterou unha última proposta do BNG xa coñecida: que a Xunta entre no consello de administración de Navantia. “Unha posibilidade, non nos cansaremos de insistir, contemplada no propio Estatuto de Autonomía de Galiza, incluída tamén na Lei de fomento do sector naval de Galiza, aprobada por unanimidade neste Parlamento, e aprobada tamén, non se sabe xa cantas veces, en diferentes iniciativas traídas polo noso grupo parlamentar a esta Cámara, mais nunca, e isto é o relevante, nunca executada polo PP”, reprobou.

Así, recriminou ao Goberno do PP que un Executivo, o Executivo Feixóo, “que prefire criticar e queixarse desde a distancia, facendo como se non tivese responsabilidades de goberno, como se non tivese competencias ou capacidade para actuar e intervir, en xeral na economía do País, e en Navantia e na comarca de Ferrol, en particular”. Nesta liña, acusou ao PP de, “iso si, non se esquecer de pasar por Ferrol cando chegan as campañas electorais para facer a consabida promesa de carga de traballo para Navantia ou mesmo a constitución dun centro de reparacións na ría de Ferrol”. “Agora ben, xa forma parte da mesma tradición, que unha vez remata a campaña electoral, Navantia volve ser competencia exclusiva do Goberno do Estado e a Xunta, o Goberno de Feixóo, non pode facer máis que acusar co dedo”, recriminou con severidade.

Para o portavoz nacionalista de Industria, ter a posibilidade de estar no consello de administración de Navantia “e non estar, non querer estar, é ser cómplice, por omisión de todas as decisións que toma ou poida tomar a empresa discriminatorias con Galiza e coa ría de Ferrol; é poñerse de perfil diante dos problemas e da crise xa permanente da comarca de Ferrol”.

“Porque un goberno que non se implica con Navantia é un goberno que non se implica con Ferrol. E iso é o que están facendo a día de hoxe os dous gobernos, o do Estado e o galego, os dous por igual”, concluíu na defensa dunha iniciativa que, na súa votación en comisión parlamentaria, foi rexeitada polo PP e contou coa abstención do PSdeG.

2 de novembro 2021

Bloque Nacionalista Galego de Ferrol.

Ferrol | Web | Facebook | Twitter.

Ferrolterra | Web.

Enviado por:
Inacio GZ
inaciogz@gmail.com
4 de novembro de 2021 07:10
_______ _______

CC.OO. de Navantia Ferrol denuncia a actual situación da empresa pública naval: Levamos tempo denunciando o deterioro dos procesos produtivos, das relacións laborais e a calamitosa situación económica ... as actuais direccións corporativas son o auténtico cancro de Navantia - Esiximos un cambio na política industrial da nosa empresa

Comunicado de CC.OO. Navantia Ferrol

Desde CC.OO. de Navantia Ferrol queremos transmitir a máis profunda decepción e indignación na forma na que o actual goberno está xestionando unha empresa pública como é Navantia. O anuncio en prensa do cambio da actual presidenta (e van 3 en menos de 3 anos) é síntoma de que o actual goberno non ten intención de abordar os problemas que asfixian á nosa empresa.

As persoas que traballamos en Navantia fixemos un gran esforzo por negociar un plan industrial no ano 2018 que garantise o futuro da nosa empresa e das nosas comarcas, pero sen un cambio de rumbo como o que se suscitaba naquel momento non tardaremos en volver á situación catastrófica que nos levou a ter que negociar devandito plan.

Levamos tempo denunciando o deterioro dos procesos produtivos, das relacións laborais e a calamitosa situación económica dunha empresa, que segundo recolle o actual plan industrial xera máis de 38.000 postos de traballo no conxunto do estado, sendo o principal motor económico das comarcas onde están as súas factorías.

Lonxe de acometer estes problemas, o actual goberno está utilizando á nosa empresa como o seu chiringuito privado, colocando políticos e políticas con salarios desorbitados, que nada coñecen de como se xestiona unha empresa como a nosa e o único que fan é reafirmar ás actuais direccións corporativas, que son o auténtico cancro de Navantia.

Si comparamos os procesos produtivos de fai unhas décadas cos actuais, darémonos conta de que o persoal de Navantia pasou de ser a que deseñaba e fabricaba os produtos, a mera xestora de compañías auxiliares, a subcontratación multiplicouse por 3 ou por 4 mentres o persoal principal reduciuse a menos da metade, pola contra as perdas lonxe de reducirse, pasaron de ser sostíbeis a superar nalgúns exercicios os 300 millóns de euros.

Quen apostou por este modelo de subcontratación, polo modelo fracasado de xestión PUMA, ou quen eran responsábeis industriais durante programas como o S-80 ou os actuais AAORes, non deberían seguir decidindo o futuro de tantos miles de familias. Con todo, continúan perpetuándose nos seus postos, mentres os políticos e políticas de quenda que ocupan a presidencia provocan contratacións de centos de miles de euros para abandonar dita presidencia en poucos meses.

CC.OO. de Navantia Ferrol di ¡XA ABONDA!

Creemos que a presidencia débea ocupar alguén relacionado co sector naval, coñecedor dos nosos procesos e cunha solvencia contrastada, nada de políticos de 2º nivel que non se sabe onde colocar. En todo caso, o absolutamente necesario é cambiar ao comité de dirección, pois quen trouxeron a Navantia a esta situación e continúan coas súas formulacións, por moi fracasados que se demostren, non deberían continuar nas súas responsabilidades.

Esiximos un cambio na política industrial da nosa empresa, non poden ser que os procesos produtivos sexan peores co paso dos anos, e tamén que a nova presidencia cumpra cos compromisos do plan industrial no referente a carga de traballo e investimentos.

Esixímosllo pois a un goberno que leva por bandeira a defensa do público, desde un persoal público que non se sente defendida.

Eugenia Freire Fajardo
Resp. Organización - Gabinete Económico
CCOO Industria - Galicia
Tlf. oficina: 981369326

efreire@industria.ccoo.es

Enviado:
MARIA EUGENIA FREIRE FAJARDO
-efreire@industria.ccoo.es-
2 de abril de 2021 12:51
_______

Foto: Botadura do buque ”Nuship Supply” - 23.11.2018 | Primeiro dos AOR que Navantia construíu para a Real Marina Australiana, segundo o contrato firmado en maio de 2016.
_______

Néstor Rego propón un Plan Industrial para os estaleiros de Ferrol - O BNG aposta por diversificar a actividade dos estaleiros coa eólica mariña flotante pero mantendo sempre a construción naval, incluída a civil, e exixe maior implicación das administracións a través dun calendario e investimento específico

O deputado do BNG no Congreso, Néstor Rego, vén de presentar na cámara estatal unha Proposición Non de Lei para a creación dun Plan Industrial para a comarca de Ferrol. A través da creación dunha Mesa que promocione e diversifique a actividade dos estaleiros da ría de Ferrol, a formación nacionalista reclama eliminar todas as trabas e restricións actuais que impiden a construción naval civil en Ferrol, co obxectivo de que se permita traballar a Navantia e haxa unha implicación maior por parte das administracións.

O Plan Industrial que precisa a comarca de Ferrol é “unha promesa incumprida dos distintos gobernos do Estado español” segundo sinala o deputado nacionalista. “Mais é simple: débese permitir que Navantia poida traballar eliminando as restricións actuais e aproveitando todos os segmentos da actividade que potencialmente poida concorrer nas instalacións da ría de Ferrol” afirma Rego.

Por este motivo, o BNG presentou no Congreso unha iniciativa para asegurar o futuro da comarca de Ferrolterra. “Hai que facilitar a participación da Xunta de Galiza no Consello de Administración de Navantia e constituír unha mesa de ámbito galego para a promoción e diversificación de actividades nos estaleiros da ría” expón o deputado do BNG. Posibilidade prevista tanto no artigo 55 do Estatuto de Autonomía da Galiza coma no artigo 4 da Lei de Fomento do Sector Naval.

A organización nacionalista reivindica potenciar a participación de Navantia ría de Ferrol no sector da eólica mariña flotante “con recursos propios ou manténdose, cando for posíbel, como socia maioritaria nas UTE con Windar ou con calquera outra empresa ou sociedade. Así mesmo, Néstor Rego incide na necesidade de dotar a fabrica de turbinas de dirección e recursos propios para a definición de novos produtos destinados ao sector das enerxías renovábeis, en xeral, e para fomentar a súa introdución e participación nos contratos da eólica mariña, en particular”.

Alén do mais, exixen introducir na fábrica de turbinas naqueles segmentos de actividade “relacionados con novos modelos sustentábeis de mobilidade marítima” así como promover e procurar “colaboracións con centros de investigación ou empresas que fosen precisas”.

Por outra banda, Rego explica que na proposta tamén se recolle a necesidade de “concretar un plan de investimentos destinado a modernización das infraestruturas, talleres de prefabricado, diques de nova construción ou para a súa posíbel reparación”. Coa mellora das instalacións poderase atender tarefas de reparacións mentres se ten en marcha unha encarga dun novo buque, o que é imposíbel co dique actual. Na actualidade Navantia só conta cun dique que poida acoller buques de grandes dimensións, polo que o estaleiro vese obrigado a renunciar a contratos por falta de dispoñibilidade, unha media de 5 buques por ano durante os últimos 10 anos. Neste sentido, “acometer as obras para un novo dique seco específico para reparacións sería importante non só para atender a demanda xa existente, senón para poder aspirar a novos mercados por tipoloxía de buques, así como para compatibilizar eses traballos cos das grandes transformacións, e non desatender outros potenciais clientes durante todo o tempo en que se manteña a ocupación do dique”.

Ferrol | Web | Facebook | Twitter.


bng@ferrol.es


Ferrolterra | Web.


Enviado por:
Inácio GZ
-inaciogz@gmail.com
21 de março de 2021 08:43
_______

O BNG bota en falta compromisos concretos na 'visita turística' da presidenta de Navantia aos estaleiros da ría - Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría

O BNG bota en falta compromisos concretos na "visita turística" da presidenta de Navantia aos estaleiros da ría. | Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría.

Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría.

Iván Rivas, censurou e cualificou, tamén, como inaceptábel que desde o goberno da cidade non se lle esixira a máis mínima explicación respecto da actual situación da empresa e o seu futuro. Unha mostra máis do servilismo e a compracencia coa que o alcalde da cidade se comporta diante do goberno do estado.

Para Iván Rivas, os compromisos de Navantia deben pasar pola incorporación de novo persoal á empresa principal, xusto ao contrario do que está a acontecer no momento actual onde unicamente se están a cubrir vacantes e xubilacións sobre a base dun plan industrial que suporá ao fin unha redución do plantel da empresa principal de máis do 25%.

Defendeu Rivas que o Estado a través da empresa pública debe desenvolver unha política de novas contratacións procedentes de traballadores e traballadoras da industria auxiliar e facelo de maneira inmediata con dous obxectivos. Por unha parte co obxecto de inverter a dinámica de desmantelamento do sector dos últimos anos, con miles de despedimentos na industria auxiliar e sen vincular estes postos á dotación de carga de traballo que a día de hoxe non existe produto dunha política de Estado que baleirou as gradas dos estaleiros. Por outra parte cun obxectivo formativo. Compre avanzar no carácter formativo destas incorporacións co obxecto de preparar aos traballadores e traballadoras do estaleiro para adaptarse ao ámbito civil.

Para acadar este último obxectivo é fundamental executar investimentos nas instalacións actuais que permitan acceder ao mercado civil. Un mercado onde os estaleiros europeos levan anos incrementando o seu volume de negocio e en concreto no ámbito dos buques cruceiro como demostra que o ano 2019 foi o de maior volume de carteira de pedidos do último decenio con 14,6 millóns de toneladas CGT e que supuxeron o 65% das CGT no ámbito da construción civil en Europa.

Os estaleiros ferroláns sería plenamente competitivos neste ámbito da construción naval si existise a vontade política para que así fose e se puxesen os medios para acadalo. Pero que no día de onte a presidenta da empresa non comprometese nin a simple transformación do buque Galicia ou que o Mº de defensa paralice o desenvolvemento do taller de subloques demostra o nulo compromiso que o Estado mantén co noso principal sector produtivo.

Iván Rivas, portavoz municipal do BNG, demanda do alcalde de Ferrol que aclare se vai continuar avalando o desleixo co que o goberno central trata ao naval de Ferrolterra e lembra que nin o goberno central nin ao alcalde da cidade poden facer oídos xordos ás esixencias da nosa comarca reflectidas na mobilización da semana pasada.

Ferrol 16 de marzo de 2021.

Grupo municial BNG. | 16 mar. 2021 - 20:56

Ferrol | Web | Facebook | Twitter.


Ferrolterra | Web.


Enviado por:
Inácio GZ
-inaciogz@gmail.com-
17 de março de 2021 08:50;

______

Podemos Ferrol respalda as demandas dos sindicatos na aposta polo offshore e o dique cuberto para o naval da nosa ría - O deputado Antón Gómez Reino mantiña onte unha xuntanza no Congreso cunha representación sindical e institucional do naval da nosa ría

O deputado Antón Gómez Reino mantiña onte unha xuntanza no Congreso cunha representación sindical e institucional do naval da nosa ría

Podemos Ferrol quere amosar o seu respaldo explícito as demandas que os representantes sindicais dos Comités de Navantia en Ferrol e Fene fixeron chegar onte aos deputados galegos no Congreso na urxencia dunha acción e reacción coordinada entre Administracións para afrontar unha situación crítica de falta de traballo no naval e desertificación industrial.

O deputado de Unidas Podemos e Secretario Xeral de Podemos Galicia, Antón Gómez Reino, reuniase onte a tarde no Congreso cunha ampla representación sindical e tamén institucional de Ferrolterra, alcaldes e alcaldesas dunha comarca en monocultivo industrial do naval cuxa economía é altamente dependente do tractor dos estaleiros e da industria auxiliar.

Gómez Reino reiterou o compromiso de Unidas Podemos de traballar arreo para conquerir a implicación de todas as Administración na urxencia de dotar ao naval de Ferrol de carga de traballo, artellar un plan de Emprego para a comarca, que está a sofrer as consecuencias dunha década de inacción e pasividade das políticas industrias do PP na Xunta, con plenas competencias na materia.

Neste sentido, o deputado referíase a situación crítica do naval, que demanda hai anos un dique cuberto para medrar en Reparacións pero tamén a aposta decidida polo offshore. Ao tempo, Gómez Reino lembraba os peches de empresas como Poligal, Noa Maderas Creativas, o anunciado por Siemens Gamesa para a planta de As Somozas e da térmica de Endesa nas Pontes. ‘Cómpre unha transición enerxética xusta que garanta o emprego”, insistiu o deputado que mantivo varias xuntanzas cos colectivos afectados pola decisión dunha compañía elétrica que fora privatizada.

Por último, dende Podemos Ferrol reiterar o noso total apoio a folga comarcal convocada polos sindicatos contra a desertificación industrial de toda unha comarca vital no soporte da economía galega e sumámonos a esta convocatoria adiada ao 10M, no Día da Clase Obreira Galega.

Ferrol, 18 de febreiro 2021

Comunicación e Prensa Podemos Ferrol
Ana María Guzmán  
ferrol@circulospodemos.info
 
Porvavoz Municipal Podemos Ferrol
Xosé Iglesias

https://www.facebook.com/PodemosFerrolOficial/

Enviado por:
Podemos Ferrol
-ferrol@circulospodemos.info-
18 de fevereiro de 2021 15:17
_______

Á mantenta de ... 'a non visita da Presidenta de Navantia' - Comunicado do Movemento Alternativo Sindical de Navantia Ría de Ferrol

Á mantenta de ... "a non visita da Presidenta de Navantia"

O pasado día 2 de febreiro recibiamos con sorpresa unha convocatoria de reunión telemática coa nova presidenta de Navantia. Sorpresa, por que a tradición conta con visitas presenciais para coñecer de primeira man as instalacións, os produtos e o funcionamento das distintas factorías, e máximo cando xa visitara o centro de Cartagena.

A parte de repetir unha e outra vez que a compañía aposta polo futuro da Ría, o certo é que asegura que os únicos investimentos que se van a acometer na Ría de Ferrol son as correspondentes ao taller de sub-bloques. Nada de dique cuberto, nada de investimentos para carenas, nin para turbinas e nin sequera para o estaleiro de Fene. Investimentos imprescindíbeis para facer viábel ese futuro polo que di apostar, acordadas no Plan Estratéxico de Navantia, e cuxo reiterado incumprimento seguiremos denunciando publicamente.

Iso si, acláranos que non temos "dereito a queixarnos" xa que temos o proxecto máis ambicioso de Navantia (F-110) e a dixitalización dos programas da compañía.

Outro tema fundamental para nós, e así llo trasladamos na reunión, son as novas incorporacións. Denunciamos que ás alturas nas que estamos non ten xustificación que non estea terminado o proceso do 2019. Arrincamos o compromiso da presidenta de que ía poñer todo o seu empeño para que se dese a entrada de compañeiros, o problema é que lle vai a facer falta algo máis que empeño para lidar co departamento de RRHH, incapaz de finalizar ningún proceso, como o de Operarios e empregados junior no cal, desde o pasado 19 de decembro que terminou o prazo de reclamacións, non foron capaces de atender unha trintena de reclamacións e publicar as listas definitivas. A parte de empeño vai ter que empezar a esixir responsabilidades e actuar en consecuencia.

Esperamos e desexamos que isto non se quede simplemente nun brinde ao sol e palabras baleiras dentro do "quedaben" da súa "presentación oficial". Queremos recordar que o persoal da Ría que asumiu recortes importantes nos seus dereitos sociolaborais a cambio dunha promesa de plan de futuro con investimentos e incorporacións que agora ven como se lles desvanecen entre os dedos.

Consideramos que a primeira toma de contacto coa nova presidenta foi totalmente decepcionante, moi lonxe da realidade que vivimos neste estaleiro. Necesitamos os investimentos comprometidos e as novas incorporacións ou o contrario será unha lenta agonía ate a nosa desaparición.

Navantia Ría de Ferrol, a 5 de febreiro, de 2021

Movemento Alternativo Sindical (M.A.S.)
NAVANTIA (Grupo SEPI)
R/Taxonera, s/n
15403 Ferrol (Coruña)
Tel.: 981331412 / 698153978
masferrol@navantia.es
sindicatomas@gmail.com

Enviado por:
MAS FERROL (FE)
-masferrol@navantia.es-
5 de fevereiro de 2021 12:01
_______

O Comité de Empresa sobre a Fábrica de Turbinas de Navantia Ferrol

O Comité de Empresa sobre a Fábrica de Turbinas de Navantia Ferrol

COMUNICADO INFORMATIVO

Ante a actual situación que está a atravesar a Fábrica de Turbinas, a falla de definir un Plan Industrial que garanta as inversións precisas para a modernización de maquinas e a ausencia de incorporacións que rexuvenezan un cadro de persoal minguado e envellecido.

Este Comité de Empresa fai un chamamento aos traballadores e traballadoras de Navantia e as compañeiras e compañeiros da IIAA a non colaborar nas tarefas propias das caixas redutoras do Avante.

Co o obxectivo de que a actual Dirección reflexione sobre a súa falta de propostas e a súa falta de diálogo nas diferentes frontes que ten abertos na actualidade.

Ferrol, a 5 de febreiro, de 2021

O Comité de Empresa de Navantia Ferrol

Enviado por:
FE.Secretaría Comité (FE)
-seccomite.fe@navantia.es-
5 de fevereiro de 2021 11:46
_______

O BNG levará ao vindeiro Pleno do Parlamento Galego a crise da Comarca de Ferrol - Difusión dun novo boletín informativo municipal en Ferrol

Mon Fernández, deputado do BNG no Parlamento Galego

O recente anuncio do peche de SIEMENS-GAMESA no Concello das Somozas súmase ao peche da central térmica das Pontes, á situación de colapso na ría de Ferrol, e á falta de carga de traballo en Navantia, é dicir, todos aqueles sectores ou empresas dos que depende a comarca económica e socialmente están ameazados de peche ou paralizados sine die.

A RÍA (crónica dunha morte anunciada)

A situación actual da ría de Ferrol é de colapso absoluto, con unha produción de escasamente un 10% da que existía hai tan só dez anos, o que está a provocar a expulsión do sector, pouco a pouco mais ininterrompidamente, das persoas que até o de agora viñan traballando e vivindo del.

O BNG fai fincapé en que todas as persoas do sector e do mundo académico con coñecimento de causa coinciden na necesidade de realizar un estudo da situación da ría, das causas que provocan a caída da produción, e das posíbeis solucións. Mais o común acordo sobre a necesidade de realizar este estudo, incluído un acordo do Parlamento Galego adoptado por unanimidade de todos os grupos a instancias do propio BNG, non parece suficiente para que chegue a concretarse na práctica, nunha parálise gobernativa que significa de facto a morte da ría, e que raia polo tanto no criminal.

A TÉRMICA DAS PONTES (ENDESA manda, mais quen manda en ENDESA?)

O anunciado peche da central térmica das Pontes, despois de esgotar os recursos mineiros da localidade e de transformar radicalmente o territorio, supón un repto económico e social de enormes dimensións para a comarca de Ferrol.

Neste sentido, un informe elaborado polo Concello das Pontes coa participación dunha consultora e un bufete especializados en temas mineiros e industriais, estima "en cálculos globais, conforme a declaracións do ano 2016 da propia Endesa (Jefatura de Servicios Económicos de la UPT), a contribución da central, entre salarios, tributos e compras a provedores, en 38.000.000 €/ano"

O informe abunda tamén na perda de postos de traballo, en termos directos e máis de prexuízo circular ou de arrastre, estimando que a perda estaría nun intervalo de 1.000 a 1.400 postos de traballo.

Desde o BNG chaman a atención no feito de se producir o peche sen alternativa ningunha a día de hoxe, o que desminte os discursos gobernativos da transición enerxética, retratándoa como un desmantelamento puro e duro, con renuncia expresa por parte dos gobernos a empregar os instrumentos normativos e de promoción empresarial á súa disposición. Por exemplo a falta de activación de medidas a través das poxas estatais de renovábeis ou a concesión dos nós de evacuación da enerxía.

NAVANTIA (astanización!!??)

A perda de postos de traballo en Navantia Ferrol, ao redor de 2.000 persoas nos últimos meses, seguirá a aumentar até a próxima entrega do último buque en construción para a armada australiana.

A futura construción das novas fragatas 110 para a armada española, única previsión de traballo, conta con un calendario construtivo moi restritivo en canto ocupación, xa que de inicio está previsto comezar as obras de apenas 1 das 4 fragatas, adiando 2 ou 3 anos a coincidencia no estaleiro de máis de 1 buque en construción de xeito simultáneo, e polo tanto os posíbeis picos de ocupación.

O confinamento dos centros de Navantia na ria de Ferrol ao sector militar ten provocado unha crise xa estrutural na nosa comarca. Malia esta evidencia as directrices gobernativas para a empresa mantéñense na liña de reducir ou renunciar a todas aquelas outras actividades alternativas, léase a construción civil, Turbinas, ou a eólica mariña.

Neste escenario, e cos precedentes históricos, resulta preocupante a falta de investimentos para modernizar as instalacións, tanto en reparacións, como en novas construcións, sendo especialmente relevante a falta de compromisos orzamentarios para a construción do anunciado e necesario dique cuberto.

E resulta, tamén, moi sintomática a falta de interese da Xunta de Galiza en facer parte do Consello de Administración de Navantia, como querendo evitar calquer responsabilidade no futuro da empresa e da comarca.

SIEMENS-GAMESA (deslocalización da produción)

O recentemente coñecido peche da fábrica de SIEMENS-GAMESA no Concello das Somozas, que viña empregando a 300 persoas, e que xeraba unha importante actividade auxiliar no  transporte e no porto de Ferrol, supón outro golpe mortal para a comarca, xusto nun sector, o da industria de compoñentes para a xeración de enerxía eólica, que se nos anunciaba motor da reactivación económica.

Igual que nos casos anteriores, tampouco os comportamento dos diferentes gobernos para evitar esta nova crise industrial está a altura das necesidades. Novamente os partidos políticos españois que sosteñen aos gobernos galego e central se teñen pronunciado en contra das iniciativas presentadas polo BNG para vincular a autorización de novos parques eólicos a que traian asociados proxectos industriais que garantan un aproveitamento dos recursos propios a favor da creación de riqueza e do emprego na Galiza.

HAI ALGUÉN AÍ??

A Xunta de Feijoo goberna ao ditado do seu comité de expertos, auténtico eufemismo dos lobis empresariais actuantes na Galiza, aínda que moitos deles teñen os seus centros de dirección e de decisión moi lonxe.

É o servilismo para con estes lobis o que está a producir sensación de abandono a boa parte da sociedade galega, cada vez máis consciente dos problemas que está vivir, mais completamente allea a calquer proposta de solución ou de reacción.

Como se explica que coa que está caendo medre a impresión de non termos goberno? Fácil, habelo haino, pero non goberna para nós.

O BNG levará ao Parlamento a reivindicación da sociedade comarcal que con dignidade non se resigna a desaparecer, e defenderá propostas concretas para unha saída galega e social da crise.

Difusión dun novo boletín informativo municipal do BNG Ferrol.

Roberto Montero, responsábel local do BNG en Ferrol, di: "vimos de editar un boletín informativo con algunhas cuestións de actualidade sobre a situación política na que estamos a vivir na nosa cidade (os orzamentos do estado en Ferrol, o sectro naval, a Ría, as infraestruturas ferroviarias, ...) as súas consecuencias e as nosas alternativas", continua comentando que "este boletín editouse en formato papel e vaise distribuír no conxunto da cidade estando previsto a súa distribución nos vindeiros días". Achega o boletín en formato pdf. | Acceder/Baixar.

Ferrol | Web | Facebook | Twitter.


Ferrolterra | Web.


Enviado por:
Inácio GZ
-inaciogz@gmail.com-
19 de janeiro de 2021 15:50 
______

Ante a situación do estaleiro, a Sección Sindical CC.OO. Navantia Ferrol, chama á mobilizacións e outras medidas de presión

Mobilizacións e outras medidas de presión

A sección sindical de CC.OO. en Navantia Ferrol quere transmitir o enorme descontento existente tanto entre a nosa afiliación coma no conxunto da organización, produto da falta de vontade da nosa dirección por cumprir os compromisos no relativo á transformación do estaleiro e ó futuro da fábrica de Turbinas.

O mesmo tempo denunciamos publicamente a falta de transparencia e intención construtiva nas negociacións no desenrolo do plan industrial.

Non hai ningunha negociación que non sufra o boicoteo constante por parte da dirección con falta de transparencia e ultimamente incluso con saídas de ton intolerábeis.

O último exemplo inasumible é o acontecido na comisión local de emprego co descarte de 4 candidatos en dúas especialidades distintas porque un psicólogo entende que non son idóneas para traballar na nosa empresa.

Por todo o anterior as CC.OO. propoñeremos o resto do comité o incremento das mobilizacións e das medidas de presión, comezando polo corte total das prolongacións de xornada e medidas de non colaboración.

Entendemos que con esta dirección non se pode chegar a acordos mentres non mude a súa actitude polo tanto propoñeremos que ate ese momento non se manteñan relacións con ela. As medidas de presión semanais contra a dirección local iran en aumento.

As mobilizacións internas e externas tamén serán máis fortes confluíndo con empresas da nosa comarca que están incluso nunha situación peor ca nosa, coma GAMESA ou a central térmica de ENDESA nas Pontes.

Xa anunciamos que de non mudar esta situación, dende as CC.OO. trataremos de confluír coas demais organizacións sindicais nunha gran folga xeral á volta do nadal.

Ferrol, 3 de decembro de 2020

Sección Sindical CC.OO. Navantia Ferrol

Enviado por:
CCOO (FE)
ccoo.fe@navantia.es
3 de dezembro de 2020 13:50
_______

Acordos incumpridos (parte 2), análise do Movemento Alternativo Sindical (M.A.S.) de Navantia Fene e Ferrol

Acordos incumpridos (parte 2)

Xa vos informabamos nun anterior comunicado dos acordos incumpridos no expediente de regulación de emprego e no rexuvenecemento do persoal. Neste segundo comunicado querémosvos relatar a situación dos investimentos en infraestruturas e en transformación dixital (Astillero 4.0) Pois ben, como xa sabedes, nos acordos asinados no Plan Estratéxico de Navantia (PEN) figuraban unha serie de investimentos en infraestruturas nos diferentes estaleiros.

En canto ao noso (Ría de Ferrol) existía, como xa sodes coñecedores, un compromiso de grandes investimentos, e así se trasladou publicamente tanto aos traballadores como a toda a cidadanía. Podemos destacar a construción dun dique cuberto cos seus correspondentes servizos, tales como guindastres, pórtico, etc. vimos como, aos poucos, este investimento estrela e imprescindible íase caendo dos discursos, tanto por parte da dirección da empresa como dos políticos que ostentan o Goberno da nación nestes momentos. Non é un esquecemento, senón unha omisión intencionada para que aos poucos salga da luz dos focos este investimento.

Xa está claro:

Goberno, a Sepi e Navantia, non teñen intención algunha de executar a obra do dique cuberto en Ferrol, malia ser unha obra clave na futura competitividade do noso estaleiro. Algúns agora creen que coa choiva de millóns de euros que non se cansan de publicitar desde Bruxelas, e desde o propio Goberno con motivo da pandemia, vanse a poder acometer os investimentos necesarios para poder ser competitivos e así volver ser referente na construción naval.

Sen dique, imos por outra dos investimentos estrela na Ría de Ferrol, o taller de subloques. Recentes cambios no proxecto inicial xa facían presaxiar que o dique non existiría. Pois bo, sen dique, estoutra obra convértese nun quero e non podo. Fabricar bloques de maiores dimensións, sen os medios de elevación adecuados, e finalmente con montaxe en grada, non se traduce nunha mellora da competitividade apreciable.

Os investimentos en modernizar a Fábrica de Turbinas, que se taxan na actualidade en 12 millóns de euros, tradúcense na práctica nun mero mantemento sen intención de ir máis aló do traballo que se realiza habitualmente. Non hai ningunha intención de modernizar a fábrica de turbinas e moito menos de darlle o impulso que necesita para acceder a novas liñas de negocio a través de I+D+I e alianzas con outras empresas. Habemos de recordar que a Fábrica de Turbinas foi un taller punteiro nas súas liñas de negocio que, aos poucos, se ha ir deixando morrer, e que na actualidade apenas conta con 100 operarios. Simplemente axústanse os operarios ás pedidos en carteira para facer cadrar números, non buscando en ningún momento ningún novo nicho de mercado. Todos os investimentos van dirixidas á Fábrica de Motores de Cartagena. Mesmo caso no departamento de Reparacións, nulos investimentos. No seu momento circulaban dous proxectos para abrir novos mercados e manterse nos actuais. Non se lle escapa a ninguén que os gaseros de nova xeración son moito máis grandes que os actuais, feito polo cal, a capacidade dos diques que temos na actualidade non será suficiente no futuro máis próximo. Neste caso os proxectos pasaban pola construción dun novo dique na dársena á beira do nº3 ou, si non era este o caso, a ampliación do existente. Ademais disto, si xa quixésemos entrar noutros mercados como a reparación de cruceiros, por exemplo, sería fundamental cubrilo. Pero máis aló da achega que faga o departamento de Reparacións ás contas de Navantia, o retorno para a comarca, por euro facturado, é maior ao de obra nova. Reparacións tamén actuou sempre como refuxio de postos de traballo e do tecido industrial da zona cando a actividade en obra nova diminuía.

En canto a Fene, solicítase un plan serio para aproveitar e dotar de actividade as instalacións, un plan de diversificación serio, e non utilizalo como un simple lugar de almacenaxe.

Non hai unha aposta seria deste Goberno pola Ria de Ferrol, e si por outras zonas xeográficas, o que nos fai espertar o recordo da pantasma da reconversión dos anos 80.

En canto a investimentos 4.0, pois bo, todos vimos vídeos que parecen máis unha realidade virtual que outra cousa, e que nos mostran un suposto futuro da construción naval. Tamén vimos a demostración dun "drone" en Reparacións, e agora prométennos o 5G de Movistar. ¡E xa! O 4.0, parece ser o "caixón de()sastre" da Dirección da Empresa. É unha máquina de xerar informes e para comer recursos en custosas licenzas que logo hai que desenvolver, provocando enormes atrasos.

Xulgar vós mesmos. Seremos competitivos no futuro? Ou é que están buscando outra cousa?

Navantia Fene-Ferrol a 04 de decembro de 2020

Movemento Alternativo Sindical (M.A.S.)
NAVANTIA (Grupo SEPI)
C/Taxonera, s/n
15403 Ferrol (Coruña)
Tel.: 981331412 / 698153978
masferrol@navantia.es
sindicatomas@gmail.com

Enviado por:
MAS FERROL (FE)
-masferrol@navantia.es-
4 de dezembro de 2020 13:44

_______

Concentración do persoal pasivo de Navantia Fene ás portas do estaleiro por segundo xoves consecutivo, ante a falta de resposta tanto da Direción cono do Comité, para o vindeiro xoves día 10 de decembro, volven concentrar-se en nova Asemblea ate que se solucione a entrega, aos beneficiarios, do paquete de nadal

COLECTIVO DE PASIVOS NAVANTIA FENE

Na segunda concentración do persoal pasivo de Navantia Fene ás portas do estaleiro por segundo xoves consecutivo, o colectivo constatou o nulo interese que o problema do reparto suscita entre a representación sindical, é dicir, o Comité de Empresa de Navantia Fene, pois malia haberlles feito entrega dun escrito a semana anterior, nin se dignaron a achegarse á asemblea a informar das xestións que se realizan, supoñendo que o fixeron.

Na concentración de hoxe, xoves día 3 de decembro puidemos constatar o gran desconcerto que reina entre o colectivo, e que conste que entre os presentes só había persoas dos Concellos con pechadura perimetral, posto que os que residen en Cedeira, Valdoviño, Cabanas, San Sadurniño, Pontedeume, Miño, Bemantes, Capela, etc etc. non poden asistir por razóns obvias.

O desconcerto increméntase polo feito de que non existe en Navantia Fene ningún estamento ao que poder dirixirse a fin de informarse, e polos teléfonos que se asignan pola empresa para suscitar as dúbidas pertinentes ninguén responde.

As cartas que se envían aos domicilios dos beneficiarios do paquete non chegan a todos e as que o fan non explican en absoluto como debe proceder o persoal que reside fóra do peche perimetral, e para máis pitorreo denominan ao paquete "obsequio" cando lles consta perfectamente que non se trata de ningún agasallo.

A todo isto, dada a falta de atención que tanto a dirección de NAVANTIA, como dos nosos representantes no Comité de Empresa nos prestan queremos facer públicas as seguintes cuestións:

✔ As autoridades competentes van permitir o acceso a Narón á xente que resida fose do perímetro pechado?
✔ De ser así, e dado que é un lugar moi concorrido nestas datas, está previsto o problema que pode xurdir polas limitacións de aforo?
✔ De NON ser así, que solución nos suscita Navantia? Vannos a facilitar un "pase" especial para poder circular ata o Concello de Narón?
✔ Van dispoñer de lugares de entrega fóra do peche perimetral?
✔ Quedaremo-nos sen poder recoller o paquete, ou nolo darán xa xunto co do próximo ano?

Dado que o vindeiro luns está previsto que comece o reparto sería moi conveniente que quen armou semellante e innecesario berenxenal puxese algo de luz neste asunto pois está claro que a cousa non está nin moito menos para bromas.

Fene, a 3 de decembro, de 2020

AVISO

Quedamos convocados para unha nova asemblea para o vindeiro xoves día 10 de decembro.

Enviado por:
José Francisco Salceda Gómez
-pepinsalceda@gmail.com-
6 de dezembro de 2020 14:53
_______

Comunicado dos Comités de Empresa de Navantia Fene-Ferrol criticando como se está desenvolvendo o proceso de selección de persoal operario e empregado 'júnior' e convocatoria de rolda de prensa para o vindeiro luns 23 de novembro

Comunicado dos Comités de Empresa de Navantia Fene-Ferrol

Desde os comités de empresa de Navantia de Fene e de Ferrol queremos amosar o noso máis enérxico rexeitamento ao desenvolvemento do proceso de selección de persoal operario e empregado "júnior".

Hai que ter en consideración que as bases da convocatoria falan de 3 fases, cada unha delas eliminatoria, e onde a primeira foi unha proba teórica, a segunda unha proba psicotécnica e a terceira unha proba teórico-práctica onde “se cubrirán as prazas cos candidatos que obteñan maior puntuación na Terceira Fase“.

A representación dos traballadores non entendemos, nin imos consentir, que non se cumpra estritamente a orde de puntuación da terceira proba, en cumprimento das bases.

Navantia Fene-Ferrol, 20 de novembro de 2020

Convocatoria de Rolda de Prensa

[Sen comunicar sobre de que vai tratar o acto: se vai ser sobre a falta de carga de traballo, ou sobre os orzamentos xerais do Estado ou sobre o desenvolvemento do proceso selectivo de novo persoal] os comités de Fene e Ferrol convocan unha rolda de prensa para o vindeiro luns 23 de novembro, ás 11:00hs na porta do Arsenal (Áncoras).

Secretaría Comité de Empresa
NAVANTIA FERROL
Rúa Taxonera, s/n
15403 Ferrol (Coruña)
Tel.: 981 331 311 – Ext.1311
seccomite.fe@navantia.es

Enviado por:
FE.Secretaría Comité (FE)
-seccomite.fe@navantia.es-
20 de novembro de 2020 11:32
20 de novembro de 2020 11:43
_______

A Sección Sindical de CCOO de Navantia Ferrol sobre a proposta maioritaria de emprego

COMUNICADO DA SECCIÓN SINDICAL DE CCOO DE NAVANTIA FERROL SOBRE A PROPOSTA MAIORITARIA DE EMPREGO 03/06/2020

Dende a Sección Sindical de CCOO de Navantia Ferrol queremos trasladar o enorme malestar presente na nosa organización como consecuencia das manifestacións vertidas por outras organizacións sindicais, terxiversando e intentando influír negativamente en calquera solución que se acade en Navantia-Ferrol.

Que o camiño para chegar a entendernos é longo e tortuoso non o pode poñer en dúbida ninguén, soamente con votar unha ollada a historia da nosa Factoría para entender a incapacidade que teñen algunhas organizacións para chegar a acordos, e non nos referimos coa Dirección, senón coas demais organizacións sindicais. Dubidando constantemente da boa fé das nosas propostas.

Mostra do anterior foi a necesidade de levar a pleno o acordo en materia de emprego que vos enviamos este luns dia 1 de xuño, proposto por CCOO e respaldado por unha amplia maioría dos e das delegadas do Comité de Empresa (16 delegados e delegadas avalaron a proposta e 6 non estiveron de acordo), e o conseguinte escrito da CIG non asumindo o resultado e difamando contra as organizacións que o apoiaron.

Podemos dicir con orgullo que dito acordo, de materializarse cando se de a discusión coa Dirección, debería de traducirse na incorporación de toda a convocatoria do ano 2019.

A intención de dita proposta é esixir a recuperación das capacidades que tiña a parte técnica na nosa Factoría, priorizando a contratación en ditas áreas, e complementando dita convocatoria con persoal eventual si fose necesario en lugar de optar pola subcontratación. Non esquecemos áreas que a curto e medio prazo semellan as únicas que xerarán emprego como son a Fábrica de Turbinas, o Departamento de Reparacións e a Eólica Mariña.

Queremos enviar unha mensaxe de tranquilidade a tódolos operarios e operarias que trala firma do Plan Industrial agardan con ilusión a oportunidade de incorporarse ao noso plantel. É un compromiso das organización sindicais que respaldan esta proposta que as prazas de operarios e operarias que non se convoquen, se recuperarán nas vindeiras convocatorias.

Por último CCOO quere mandar unha mensaxe clara e contundente a tódalas organizacións que están a facer do inmobilismo a súa estratexia sindical. O esforzo de CCOO e doutros sindicatos por chegar a entendernos na Comisión de Emprego foi evidente, case tan evidente coma a comodidade que sinten o resto de organizacións presentes en dita Comisión coa confrontación permanente. Continuaremos plantexando tódolos temas que a nosa afiliación considere beneficiosos para o conxunto de traballadores e traballadoras e para Ferrolterra en xeral, intentaremos formar maiorías para defendelos, pero non estamos dispostos a esperar por organizacións que non teñen vontade de formar unha fronte común e que non teñen interese por construír por medio do consenso.

A esas organizacións só dicirlles que cando deixen de priorizar a súa estratexia sindical por riba dos intereses dos e das traballadoras, CCOO sempre terá a capacidade de dar un paso atrás si con iso chegamos a un punto de encontro.

Ferrol, a 3 de xuño, de 2020.

Sección Sindical de CCOO en Navantia Ferrol

Enviado por:
CCOO (FE)
-ccoo.fe@navantia.es-
3 de junho de 2020 17:05
_______

CC.OO. reflexiona sobre o futuro de Navantia-Ferrol

CC.OO. reflexiona sobre o futuro de Navantia-Ferrol

Dentro desta situación actual, Navantia está a ser obxecto público de dúas situación totalmente pesimistas. Dentro dunha situación de Alarma Sanitaria como a actual, Navantia é incapaz de, cunha certa axilidade, reactivarse ó non ter un mecanismo propio de control da situación, e unha vez mais estar condicionados polas direccións das empresas auxiliares.

Por outro lado, os medios de comunicación se cebaron, ata a saciedade, na perda do contrato de enxeñería das fragatas americanas FFGX (algún comentarista argumentando o goberno Social-comunista Chavista español) sen reflectir que Fincantieri, tirou o prezo, ou as inversións que prometeron nos propias instalacións dos estaleiros americanos. E algún político local, que sabe ben que o reporte de horas non é nin por asomo o que ven a ser a construción dun barco real, pois nunca eses barcos íanse facer aquí, tamén aparece, como si o seu partido nunca tivera ningunha responsabilidade nesta empresa. Non estaría de mais lembrar o quinquenio negro de Revuelta o fronte da empresa, e os barcos que non contratou.

A crise económica que se aveciña colle a antiga Bazán nun proceso de reestruturación favorábel para que algunhas empresas busquen o benéfico inmediato sen importalo futuro deste Estaleiro.

Fronte a esto CC.OO de Navantia - Ferrol amosase moi preocupada polo futuro inmediato.

SITUACIÓN ACTUAL

As diferentes direccións sacrificaron a sabiduría da antiga Bazán (iso que se deu en chamar o how-know) en favor dunha subcontratación masiva, unicamente para contentar os gobernantes de turno e as súas políticas contra todo o público, pero importando pouco, as xentes, as comarcas e o facer industrial dunha historia que se remonta a 1750.

O plantel quedou reducido o mínimo, de tal xeito que ningunha das Unidades Produtivas de Ferrol, que no seu día diversificou a empresa como reinos de taifas (Factoría Naval, Departamento de Reparacións e a Fábrica de Turbinas) dispón dos recursos necesarios ou dos coñecementos como para acometer as obras que se presenten. Por dicilo doutra maneira, puxeron a nosa fábrica a mercede doutras empresas que posúan ou consigan os coñecementos que nos arrebataron.

Mentres dende a xerencia se adiquen principalmente a cambiar o logo de Navantia e facer campañas de imaxe na prensa, a nosa empresa perde capacidade para facer barcos.

CAPACIDADE POR ÁREAS

A nosa Sa Técnica, sen especialistas nas diferentes partes e sistemas do buque, sen una renovación xeracional dende fai décadas, precisamos dos compañeiros e compañeiras das empresas auxiliares para deseñar un buque, empresas que a día de hoxe marcan os prazos e os prezos dos nosos deseños, e o que é peor, con traballadores e traballadoras que formamos nos.

O Estaleiro pasou a ser un grupo de talleres onde as empresas privadas campan a súas anchas e onde dificilmente conseguimos organizalas cos nosos recursos. Plantillas tremendamente volátiles, xestionadas por empresarios que en moitos casos non están dispostos a respectar as condición laborais se poden obter rédito, 6 de Maio de 2020e nunha comarca onde a ausencia de formación está condicionando que haxa os suficientes profesionais cando a construción o require.

O Departamento de Reparacións. A máis imprevisible das áreas. Isto non quere dicir que os buques entren a reparar cando se estropean cerca, senón que detrás destas reparación hai un equipo técnico e comercial que busca clientes e negocia as condicións, consiguen emprego e de forma moi exitosa , e tamén hai un equipo organizativo que vertebra as compañías auxiliares para que o cliente quede satisfeito e volva con máis buques. Hoxe é necesario máis que nunca una renovación do plantel, se non recibe reforzos tanto a parte comercial como a parte organizativa veremos como os buques pasan de largo e non reparan nas nosas instalación. Non olvidemos que este departamento xenera unha media de 600 postos de traballo.

Por último a nosa afamada Fábrica de Turbinas, da que moitos directivos incharon o peito, pois estábamos no mercado das turbinas máis importante do mundo. Un taller de caldeiraría e un centro de gran mecanizado envexa de moitos. Unha empresa que foi punteira na introdución do mercado eólico. Xa ninguén recorda cando facturaba centos de millón o ano, xeraba moitos postos de traballo e entregaba parques eólicos chave en man. Todo rematou cando se converteu nun negocio demasiado lucrativo como para que estivera una empresa pública. A día de hoxe , non ten un equipo comercial como tal, e áreas como enxeñaría, mecanizado e montaxe entre outras, non teñen a capacidade necesaria para afrontar traballos de envergadura como se fixeron non hai moitos anos e a día de hoxe estamos rexeitando obras que poderían estar ocupando a moitos traballadores e traballadoras desta comarca.

PROPOSTAS INMEDIATAS

- Pechar dunha vez o ignominioso proceso de entrada de persoal do 2019 e poñer en marcha canto antes o do 2020.

- Convocar de xeito inmediato para que sexan efectivas a volta do verán tódalas prazas pendentes do 2019. Estas prazas teñen o obxectivo de cubrir as áreas de deseño, as necesidades do departamento de Reparacións e da Fábrica de Turbinas. Indubidablemente debemos de respectar as incorporación previstas para operarios contempladas no plan, pero priorizando as anteriormente comentadas nos primeiros anos.

- Esixir dun xeito inmediato un Plan Industrial de Turbinas que recolla as liñas de negocio da Fábrica de Turbinas. É Fundamental formar operarios no manexo das grandes máquinas e Axuste, non podemos seguir rexeitando traballos pola falta de profesionais nestas áreas, tamén atención especial á post- venta, ó departamento comercial e a sa técnica.

- Veuse desta volta que o teletraballo é necesario e posible nestes tempos, pero hai que dotalo dun regulamento, tanto para desenrolar dentro da conciliación familiar e persoal como para situación de emerxencia coma esta.
- Nos vindeiros tempos teremos que facerlle fronte a subactividade como se fixo en múltiples ocasión, e esa ten que ser negociada coa RLT, con criterios obxectivos e temporais, onde a liña xeral sexa evitar compañeiros e compañeiras sen actividade.

- Reducir o máximo a subcontratación, deixando de ser absolutamente dependentes dunhas auxiliares non sempre competitivas. Dotarse de xeito inmediato dunha bolsa de traballadores e traballadoras eventuais que, independentemente das convocatorias de prazas indefinidas, eviten as subcontratacións en áreas que non deberían de ser externalizadas. Estes traballadores e traballadoras terían o paraugas da protección do noso convenio, da nosa formación, e estaríamos xerando un grupo amplo de profesionais de cara a construción de vindeiras obras.

- E necesario que tanto centros de Formación Profesional coma Universidade deixen de ser instrumentos de uso político e se convertan nunha parte do noso estaleiro donde se forme una simbiose que semella moi beneficiosa para ámbalas dúas partes.

Sen este mínimo de cuestións a solventar antes do fin do 2020, esta factoría estará abocada a un futuro moi incerto, non olvidemos que das nosas gradas saíron os mellores buques da armada (F-80, F-100, LHD Juan Carlos I, LPDs clase Galicia, Portavions Principe de Asturias, Buque de aprovisionamento Patiño...) 6 de Maio de 2020COMISIÓNS OBREIRAS quere facer un chamamento a responsabilidade social corporativa da nosa compañía, para que de una vez se mostre áxil e apegada as necesidades desta comarca, preparando o nosa centro para un reto tan importante coma a construción das fragatas F-110.

6 de Maio de 2020

Enviado por:
CCOO (FE)
-ccoo.fe@navantia.es-
6 de maio de 2020 16:47
_______

Enlaces relacionados

Unión Comarcal de Ferrol:
http://www.ccoo.gal/webgalicia/menu.do?O_teu_sindicato:Unions_Territoriais:Ferrol

SIndicato Nacional de CCOO de Galicia:
http://www.ccoo.gal/webgalicia/

Federación de Industria de CCOO:
http://www.industria.ccoo.es/Galicia

Confederación Sindical de Comisión Obreiras:
https://www.ccoo.es/

_________________________

Foto de Cesar Toimil. 02.07.2019

_______

O Comité de Empresa de Acciona de Navantia de Ferrol denuncia a situación en que a dirección do estaleiro colocou á totalidade da súa Industria auxiliar desde o día 15 de marzo de 2020

O Comité de Empresa de ACCIONA en Navantia Ferrol denuncia a situación en que NAVANTIA colocou á totalidade da súa Industria auxiliar desde o día 15 de marzo de 2020, porque, como xa puxemos de manifesto no seu día, suspendeu os contratos que tiña subscritos coas diferentes Empresas e, en consecuencia, os pagos das súas facturas, todo iso de xeito precipitado, posto que o fixo sen esperar ás medidas extraordinarias adoptadas polo Goberno de España no Real Decreto Lei 8/2020, de 18 de marzo e sucesivos.

Esta actuación trouxo como consecuencia que case a práctica totalidade das Empresas auxiliares solicitasen a aplicación de ERTES derivados de forza maior para os seus traballadores e traballadoras, sen ningunha mellora nas súas condicións económicas, cando en moitos casos esta medida non fose necesaria por ter outros recursos aos que acudir, tales como o teletraballo, a distribución irregular da xornada e o permiso retribuído recuperable, por conseguinte soportando todo o custo desta situación a totalidade de devanditos/as traballadores/as.

Ademais do anterior, a decisión de NAVANTIA adoptouse de xeito indiscriminado e sen distinción entre traballos esenciais e non esenciais, saltándose tanto a Lei 9/2017, de 8 de novembro, de Contratos do Sector Público como os Reais Decretos Lei emitidos polo Goberno, mantendo a suspensión dun contrato esencial como é a limpeza.

Proba diso é que noutras empresas pertencentes ao sector público, como RENFE, adoptouse a decisión de non suspender os contratos coas Empresas auxiliares, sobre todo dedicadas á limpeza, como é o caso de ACCIONA, por canto este servizo foi considerado esencial e non prescindible desde o primeiro momento. Por contra, NAVANTIA suspendeu o contrato de limpeza de ACCIONA desde o día 15 de marzo. Froito desta decisión ACCIONA aplicou un ERTE unilateral de Forza Maior, sen interlocución coa RLT.

Nestes momentos que se pretende reactivar a actividade non se comprende a irresponsabilidade por parte de NAVANTIA de manter en suspenso este contrato dunha actividade esencial como a limpeza, que imposibilita o cumprimento do protocolo de Navantia, poñendo en serio risco os usuarios de devanditas instalacións.

Así mesmo, non existe ningún protocolo propio de ACCIONA consensuado coa RLT, sendo un requisito de NAVANTIA no seu propio protocolo.

Ante a pasividade por parte das Direccións de ambas empresas (ACCIONA e NAVANTIA) a RLT de ACCIONA estamos trasladando propostas para resolver esta situación incomprensible co obxecto de garantir a seguridade e saúde de todos/as os/as traballadores/as que operan nas instalacións de Navantia Ferrol.

Polo anterior, ESIXIMOS de NAVANTIA, como Empresa do sector público, que sexa responsable, que retome os contratos coas Empresas Auxiliares que realizan servizos esenciais no Estaleiro iso con carácter retroactivo, porque nunca debeu provocar que estas Empresas e os seus traballadores e traballadoras pagasen as consecuencias da urxencia sanitaria.

Ferrol, a 22 de abril, de 2020.

COMITÉ DE EMPRESA DE ACCIONA EN NAVANTIA FERROL

Enviado por:
ROBERTO VILLASUSO VAZQUEZ
-rvillasuso@industria.ccoo.es-
22 de abril de 2020 13:05
_______
Enlaces relacionados

Unión Comarcal de Ferrol:
http://www.ccoo.gal/webgalicia/menu.do?O_teu_sindicato:Unions_Territoriais:Ferrol

SIndicato Nacional de CCOO de Galicia:
http://www.ccoo.gal/webgalicia/

Federación de Industria de CCOO:
http://www.industria.ccoo.es/Galicia

Confederación Sindical de Comisión Obreiras:
https://www.ccoo.es/

_________________________

CCOO Industria de Ferrol tacha de vergoñento e irresponsábel tanto o comunicado feito no día de onte pola Asociación de Empresarios do Naval, como a posición respecto a esta situación dende o comezo

COMUNICADO RESPOSTA AO DA ASOCIACIÓN DE EMPRESARIOS DO NAVAL

CCOO Industria de Ferrol tachamos de vergoñento e irresponsábel tanto o comunicado feito no día de onte pola Asociación de Empresarios do Naval, como a posición respecto a esta situación dende o comezo.

CCOO Industria de Ferrol solicitamos a esta Asociación nos primeiros días desta crise que tiveran posición unitaria respecto a esta crise e que participaríamos no debate da posición para que servise de criterio e evitase o descontrol para aproveitarse d@s traballadores/as nesta situación, e non quixeron.

CCOO Industria de Ferrol como sindicato maioritario no Comité de Empresa de Navantia e con representación en moitas das empresas auxiliares vemos como con este comunicado se demostra que esta asociación só actúa como tal baixo intereses propios e individuais d@s empresari@s, pois dende o comezo desta crise sanitaria estiveron desaparecidos como Asociación para aproveitar a crise e a desorganización empresarial para que cada empresa aproveitase esta crise ao gusto. Dende o comezo CCOO instamos a que agardaran as medidas laborais que sairían para paliar esta situación, e algunhas empresas auxiliares xa despedían con data do 13 de marzo. O 18 de marzo o Goberno nas medidas laborais para evita-los despidos recolle parte das medidas que dende CCOO viñamos reclamando, aínda que faltaron algunhas, e as empresas continuaron a despedir para non meter aos temporais nos ERTEs (despidos irregulares que animamos a demandar cando pase o Estado de Alarma). E non só iso, senón que acudiron ao ERTE de Forza Maior en masa para acollerse aos beneficios empresariais á vez que evitando a negociación cos Comités, algo que podería darse igual pero de tódolos xeitos a meirande parte das empresas non o fixeron, porque sabían que a situación derivada do COVID-19 anulaba en parte a Acción Sindical que sen dúbida se daría noutra situación.

Utilizaron ERTEs de Forza Maior malia que algunhas das empresas seguiron a traballar nas obras puntuais que Navantia permitía, o cal perde o sentido da Forza Maior.

E agora únense para premer a entrada graduada. Menos mal que Navantia e o seu Comité de Empresa xa estaba niso fai unhas semanas, para que tanto se preparase o estaleiro, se organizasen eses pasos e se dotaran dun protocolo propio para os estaleiros que garanta a seguridade e saúde dentro do estaleiro.Dende CCOO agardamos que se seguen traballando individualmente, preparen no seno de cada empresa os protocolos propios dos seus traballos e compatible co protocolo de Navantia, así mesmo unha das condicións é que ditos protocolos, guías, etc. de cada unha das contratas, sexan consensuados cos Comités, delegad@s e no caso que non teñan co Comité de Seguridade de Navantia. E a continuación sexan tódolos protocolos coñecidos por todos e cada un d@s traballadores/as que entran no estaleiro.

Así mesmo, nin que dicir ten que a outra petición que manifestan é máis do mesmo, seguir afondando no prexuízo aos traballadores, pois se a reactivación paulatina e gradual vai máis aló do estado de alarma como entendemos que será con total probabilidade, as empresas non poderán seguir co ERTE de Forza Maior, e terán que optar polos ERTEs de outras causas (organizativas, productivas, económicas,...) os cales teñen que ser negociados, e os traballadores terán mellores condicións.

E respecto as cláusulas de mantemento de emprego ligadas aos ERTEs de Forza Maior que nese comunicado da Asociación de Empresarios solicitan que teñan un tratamento especial. CCOO nos posicionamos por suposto na obrigatoriedade do cumprimento das cláusulas e agardamos e faremos os trámites que sexa necesarios para que tódolos ERTEs de Forza Maior inxustificados sexan revisados, pois é un fraude á Seguridade Social que imos a pagar tódala cidadanía e como vemos do que se aproveitan os empresarios que ante o colapso sabían que colarían, cando menos a maioría por silencio administrativo. Estas empresas aproveitáronse dos beneficios empresariais das medidas laborais que elaborou o Goberno e agora non queren ser responsábeis coas cláusulas do R.D. 10/2020 que benefician aos traballadores/as.

CCOO Industria Ferrol instamos a que cando “queiran exercer como Asociación” estamos abertos a colaborar polo beneficio d@s traballadores/as e o mantemento do emprego.

Ferrol, a 18 de abril, de 2020

Roberto Villasuso Vázquez

Sec. Organización CCOO INDUSTRIA-FERROL

rvillasuso@industria.ccoo.es

Enviado por:
ROBERTO VILLASUSO VAZQUEZ
-rvillasuso@industria.ccoo.es-
18 de abril de 2020 16:04
______

Foto de Daniel Alexandre | Febreiro de 2014 | Protesta de traballadores de Acciona diante do edificio de dirección de Navantia Ferrol.
_______
Unión Comarcal de Ferrol:
http://www.ccoo.gal/webgalicia/menu.do?O_teu_sindicato:Unions_Territoriais:Ferrol

SIndicato Nacional de CCOO de Galicia:
http://www.ccoo.gal/webgalicia/

Federación de Industria de CCOO:
http://www.industria.ccoo.es/Galicia

Confederación Sindical de Comisión Obreiras:
https://www.ccoo.es/

_______

Comunicado en referencia, da Sección Sindical de CCCOO Industria de Navantia Ferrol, ao Comité de Emerxencia do día de ontes no que se aprobou a reanudación paulatina da actividade en Navantia baixo o protocolo consensuado co Comité de Seguridade

COMUNICADO REUNIÓN COMITÉ DE EMERXENCIA 17 DE ABRIL

Dende a Sección Sindical de CC.OO de Navantia Ferrol queremos informar da reunión do comité de emerxencia de onte coa principal intención de que a cidadanía en xeral coñeza polo miúdo as decisións acordadas en dita reunión.

Dende fai varios días os Coordinadores de Seguridade e Saúde Laboral dos Comités de empresa tanto de Fene como de Ferrol traballaron intensamente co Departamento de Prevención da Ria de Ferrol para desenvolver un protocolo específico da Ría de Ferrol que garanta a seguridade e saúde dos traballadores e traballadoras, na volta ás actividades laborais previas ao período de cese total de actividade que sufriron os nosos centros de traballo dende o 30 de Marzo ate o 9 de Abril.

Tanto a Dirección coma os Representantes dos Traballadores/as marcamos dúas condicións para a volta as tarefas produtivas. As medidas preventivas serían consensuadas entre as dúas partes e garantirían o retorno seguro dos e das traballadoras. Hoxe podemos transmitir tranquilidade á clase traballadora co protocolo consensuado, entendemos que supera tódalas medidas preventivas sanitarias e define como e cando se van a explicar aos planteis, prevé as actuacións en caso de calquera imprevisto e ademais é un documento vivo, diariamente mellorarase coas medidas preventivas que tanto Dirección coma Delegad@s de Prevención e traballadoras e traballadores entendamos como positivas.

Debemos destacar que a adaptación do protocolo aos nosos centros de traballo foi ben visto e avalado por tódol@s delegad@s de prevención dos distintos sindicatos, malia que houbese logo distintas posicións sindicais para a aprobación dos traballos puntuais que comezarán este luns con 60 traballadores/as totais en cada quenda de empresas de electricidade.

CC.OO. quere transmitir que estará vixiante das condicións preventivas en todo momento, e esixirá o cese de calquera actividade no momento que se detecte algún risco. Entendemos que nesta situación non so é aconsellable, se non que é necesario a volta a actividade produtiva no sector de Industria, recuperando os planteis dos ERTEs, pero de forma paulatina, asimilando un número de traballadoras e traballadores que non supoña un risco, coa intención de aumentalo só cando haxa plena confianza , e coa firme convicción de que estamos preparados para aborda-la volta á actividade.

Ferrol a 18 de abril de 2020.

Sección Sindical de CCOO Industria de Navantia Ferrol

Enviado por:
CCOO (FE)
-ccoo.fe@navantia.es-
18 de abril de 2020 12:27
_______

Denuncian a irresponsabilidade das direccións de Navantia e Accióna ante a recuperación da actividade no estaleiro sen garantir a saúde dos traballadores e traballadoras

O COMITÉ DE EMPRESA DE ACCIONA ESIXE ÁS DIRECCIÓNS DE NAVANTIA A REACTIVAR O CONTRATO CON ACCIONA ENCARGADA DA LIMPEZA E DESINFECCIÓN DO ESTALEIRO

Así mesmo denunciamos que ACCIONA carece do obrigado protocolo de reactivación de actividade esixido polo Ministerio de Sanidade co fin de garantir a saúde de todos os seus traballadores e traballadoras, en especial dos T.E.S.

O Comité de Empresa de ACCIONA denunciamos a irresponsabilidade polo xeito de actuar por parte de NAVANTIA e ACCIONA nunha situación tan grave como a actual, onde se está reformulando a recuperación da actividade no estaleiro sen garantir a saúde dos traballadores e traballadoras. Non é comprensible que ante esta situación NAVANTIA manteña a suspensión do contrato á empresa ACCIONA, encargada da limpeza e desinfección do estaleiro, sendo esta función esencial para retomar a actividade industrial coas garantías obrigatorias para a saúde e seguridade de todas as persoas traballadoras usuarias das instalacións.

Tamén denunciamos que ACCIONA, ante esta situación, mantén un ERTE ao seu persoal e carece do obrigado protocolo de reactivación de actividade esixido polo Ministerio de Sanidade para adecuar a seguridade dos seus traballadores e traballadoras, especialmente dos T.E.S. (traballadores especialmente sensibles), vulnerando gravemente a este colectivo ao non ter en conta a súa situación de risco.

Ante este escenario, tamén denunciamos a actitude pasiva por parte da Xunta de Galicia á hora de non esixir, tando a NAVANTIA como a ACCIONA, o cumprimento e vixilancia de devanditos protocolos esixidos polo Ministerio de Sanidade, cuestión esta que, desde as distintas organizacións sindicais, lévaselle demandando, desde o inicio da crise.

Ferrol, a 15 de abril, de 2020

Roberto Villasuso Vázquez

Sec. Organización CCOO INDUSTRIA-FERROL

rvillasuso@industria.ccoo.es

Enviado por:
ROBERTO VILLASUSO VAZQUEZ
-rvillasuso@industria.ccoo.es-
15 de abril de 2020 14:47
______

Foto de Daniel Alexandre | Febreiro de 2014 | Protesta de traballadores de Acciona diante do edificio de dirección de Navantia Ferrol.
_______
Unión Comarcal de Ferrol:
http://www.ccoo.gal/webgalicia/menu.do?O_teu_sindicato:Unions_Territoriais:Ferrol

SIndicato Nacional de CCOO de Galicia:
http://www.ccoo.gal/webgalicia/

Federación de Industria de CCOO:
http://www.industria.ccoo.es/Galicia

Confederación Sindical de Comisión Obreiras:
https://www.ccoo.es/

Comunicado da Sección Sindical Intercentros de CCOO en Navantia sobre a proposta da empresa en canto as medidas para paliar esta situación derivada do COVID-19

COMUNICADO SECCIÓN SINDICAL INTERCENTROS CCOO EN NAVANTIA

O pasado mércores 25 de marzo tivo lugar unha reunión do Comité Intercentros onde a Dirección da nosa empresa e o representante máximo do accionista, presidente de SEPI, non foron capaces de transmitir ningún plan para que, na medida que a situación o permita, ir recuperando a actividade industrial e, xa que logo, actuar como motor de recuperación da economía como desexa toda a nación.

As medidas presentadas non son o que se espera dos profesionais que nos dirixen nin do representante máximo do accionista, os cales deberían defender os intereses xerais máis aló dunha conta de resultado referida a unha única compañía estatal, neste caso Navantia.

A proposta que suscitou a dirección estaba baseada en recortes aos traballadores sen ningunha medida de xestión que a acompañase. O recorte baseado exclusivamente na anulación de días de vacacións, na distribución irregular da xornada e de axuste de calendario carece de calquera tipo de empatía cara aos traballadores e traballadoras, mostrando que non se ten capacidade para xerar alternativa algunha para que o peso desta crise non sexa soportado exclusivamente polo persoal de Navantia e a súa Industria Auxiliar, e o que é máis duro, reflicte a súa clara intención de que a saída desta situación non sexa outra que por medio dos recortes laborais.

O rexeitamento ás medidas propostas pola empresa foi unánime por parte de todas as forzas sindicais presentes no Comité Intercentros. Para CCOO é momento de unidade, momento de buscar consensos e momento de resaltar o que nos une, porque pola contra, afondando nas diferenzas, tardaremos máis en superar esta crise e sairemos dunha forma máis inxusta. Estamos dispostos a buscar solucións que reduzan o impacto negativo deste parón industrial, os traballadores e traballadoras somos os máis interesados en que esta situación termine canto antes e da forma menos dramática para Navantia e, pola súa influencia, para as nosas comarcas, pero o que non imos asumir é que sexa a costa dos dereitos laborais.

Por todo o anterior, esperamos que a dirección reconduza a súa proposta cara a outra ben distinta, que presente alternativa onde protexa á nosa empresa desta crise respectando os dereitos dos traballadores e traballadoras, confeccione un plan detallado para retomar a actividade, garanta indubidabelmente a seguridade e saúde dos persoais e consiga recuperar o tempo perdido así como cumprir cos nosos clientes en todos os seus compromisos.

Estamos convencidos de que si todas as partes temos este fin, partindo do respecto mutuo, atoparemos o Norte pronto e sen necesidade de recortes laborais. Este é o exemplo que debemos dar como empresa pública, e estamos convencidos que é o que a sociedade espera de nós. Considerando á IIAA nas medidas que se adopten para paliar a crise, contribuiremos todos a un tempo mellor recuperación da nosa capacidade industrial naquelas comarcas onde Navantia está establecida de xeito particular e á capacidade industrial nacional de xeito xeral.

27 de Marzo, de 2020

Comunicado da Sección Sindical Intercentros de CCOO en Navantia


Foto da constitución da Sección Sindical Intercentros en decembro de 2019.

Enviado por:
CCOO (FE)
-ccoo.fe@navantia.es-
28 de março de 2020 13:07
_______