Comemorando o 10 de março do 72 - Palestras días 6, 7 e 8 - Oferta floral e sessom vermu o día 9

Há um antes e depois do ano 1972 na Galiza, no que ao movemento operário e estudantil se refere. Após quarenta e um anos dos acontecimentos de 10 de Março, onde a classe obreira galega foi protagonista da luita popular, desde o Coletivo Chimarrão e a Fundaçom Artábria queremos contribuir à comemoraçom desas grandes jornadas de resistência ocorridas na nossa comarca e nas quais caírom abatidos os trabalhadores Amador Rei e Daniel Niebla, vítimas dos disparos da polícia fascista.

É com este motivo que apresentamos umha série de atividades para dar conteúdo à nossa humilde homenagem à Classe Obreira Galega.

Os atos darám começo quarta-feira, 6 de março às 20hs no Salom de Atos do Ateneo Ferrolán com a palestra intitulada Março de 72 de umha perspetiva histórica, na que contaremos com os historiadores Eliseo Fernandes e Bernardo Máiz Vasques.

Na quinta-feira, 7 de março, às 20hs e no Salom de Atos da EOI de Ferrol, decorrerá o colóquio: O modelo sindical em debate. A dia de hoje está confirmada a assistência de representantes da CIG, CNT, COG e CUO.

No Dia Internacional da Mulher, sexta-feira 8 de março às 20hs, no Local Social da Associaçom de Vizinhança de Esteiro sucederá a palestra intitulada Março de 72 de umha perspetiva feminista, com a presença de Laura Bugalho, membro da Executiva Nacional da CIG.

Já na manhá de sábado, às 12hs faremos umha Oferta Floral no Monumento ao 10 de Março. A continuaçom e para dar remate às atividades agendadas, haverá Sessom Vermu com petiscos no Chimarrão, harmonizada polo cantor ferrolano Manolo Bacalhau.

Coletivo Chimarrao

Fundaçom Artabria

Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Código de Identificaçom Fiscal (CIF):  G15645518.

http://www.artabria.net

Informe básico sobre aspectos laborais e de seguridade social do RDL 20/2012 de 13 de xullo de medidas para garantir a estabilidade orzamentar

Informe básico sobre aspectos laborais e de seguridade social do RDL 20/2012 de 13 de xullo de medidas para garantir a estabilidade orzamentar

O contido do citado informe, elaborado pola Asesoría Xurídica da CIG de Verín, está comentado en relación coa normativa anterior.

O falanxismo popular cárgase o dereito á negociación colectiva, á liberdade sindical, á protección social e esfarela os restos do estado social e democrático.

O informe fai referencia aos seguintes puntos:
1. Salarios do sector público.
2. Negociación colectiva no sector público. Modificación e suspensión de convenios colectivos, pactos e acordos.
3. Permisos e vacacións do funcionariado e do persoal laboral.
4. Complemento de incapacidade temporal do persoal laboral e funcionario.
5. Dereitos sindicais.
6. Xubilación do persoal da función pública.
7. Unidades electorais da Administración Xeral do Estado e creación do Rexistro de Órganos de Representación do persoal ao Servizo das Administracións Públicas.
8. Suspensión dos acordos, pactos e convenios que se opoñan ao regulado no Título I do Real Decreto-Lei.
9. Modificación de conceptos exentos nas bases de cotización á Seguranza Social.
10. Modificación das prestacións e subsidios por desemprego.
11. Prestacións do Fogasa.
12. Outras medidas en relación co persoal do sector público.

DEMISIÓN DO GOBERNO !

FOLGA XERAL ! 

Descargar Documento:

Informe básico sobre o Real Decreto Lei 20/2012

[Artigo tirado da web da forGA]

CIG, CCOO e UGT convocan conxuntamente as manifestacións do xoves 19 de xullo “contra o saqueo do pobo” - Saída ás 20:30 horas da Praza do Inferniño

CIG, CCOO e UGT convocan conxuntamente as manifestacións do xoves 19 de xullo “contra o saqueo do pobo”

Fan un chamamento á mobilización masiva das galegas e galegos en todas as cidades e vilas de Galiza

Ante a gravidade das medidas impostas polo goberno do PP contra os intereses da clase traballadora en particular, e da cidadanía, en xeral, que supoñen un grave retroceso nas condicións laborais, sociais e da calidade de vida das persoas, a CIG, segundo explica o secretario xeral, Suso Seixo, “viu a necesidade de dar unha resposta o máis ampla posíbel e de intentar converxer con CCOO e UGT nunha convocatoria conxunta, dado que a data prevista para as mobilizacións polas distintas centrais sindicais xa coincidía”. Esa confluencia confirmouse esta mañá e as manifestacións serán convocadas polas tres centrais sindicais en todas as cidades e vilas do país.

Seixo explica que para que esta convocatoria conxunta fose posíbel, a CIG tivo en conta, o novo escenario xerado “polas políticas involutivas do Partido Popular e da dereita máis reaccionaria e franquista, que están a provocar que vaia agudizándose, cada vez máis, o recorte de dereitos laborais e sociais e a calidade de vida das persoas, pero tamén os dereitos democráticos e políticos”.

Xunto á necesidade de dar unha resposta dura e masiva, a central sindical avaliou tamén o novo contexto a nivel sindical. Seixo explica que até o de agora eran un obstáculo para o entendemento “as políticas de concertación social que promovían CCOO e UGT”. Fronte isto, subliña, “hoxe a concertación social é inviábel, pola actual situación, e porque o goberno e a patronal tampouco están nesa vía. Iso lévaos a eles a escorar cara unha posición máis mobilizadora e permítenos a nós tamén achegar posicións”.

O secretario xeral da CIG explica que falta por ver en que medida se pode ir consolidando esta resposta conxunta entre o sindicalismo nacionalista e o sindicalismo español. “Están pendentes reunións para concretar unha resposta común, abordando aspectos como a reforma da negociación colectiva e tamén como se pode ir traballando na perspectiva dunha folga xeral, ou máis, en Galiza e tamén no estado. Nós entendemos que a primeira delas ten que concretarse xa para o mes de setembro”.

Alén diso, o secretario xeral da CIG alerta de que o PP pretende ir cara “un modelo político institucional cada vez máis reducido, canto a participación, na busca de recortar o arco de representación política e co obxectivo de limitalo a dúas únicas forzas, pola vía de articular os mecanismos legais necesarios para impulsar así o bipartidismo”.

As tres centrais sindicais remitiron un comunicado conxunto que, polo seu interese, reproducimos:

Baixo o lema “Non ao saqueo do pobo. Hai que impedir que nos arruínen”, UGT, CCOO e CIG mobilizaranse o vindeiro día 19 nas principais cidades e vilas galegas

Diante das graves medidas que vén de adoptar o Goberno, as tres organizacións sindicais CIG, CCOO e UGT acordamos convocar conxuntamente manifestacións cidadás o vindeiro xoves, día 19 de xullo, nas principais cidades e vilas galegas que discurrirán baixo o lema “Non ao saqueo do pobo. Hai que impedir que nos arruínen”. O acto central, ao que acudirán os secretarios xerais dos tres sindicatos, será en A Coruña.

Todas as medidas están dirixidas a recortar, unha vez máis, dereitos e precarizar as condicións de vida e de traballo da maioría social, para que finalmente sexan as clases traballadoras quen paguen unha crise que non provocaron, ao tempo que se protexen e benefician os intereses de banqueiros, especuladores e defraudadores.

Con ese obxectivo o Goberno impón a diminución da prestación por desemprego a partir dos seis meses do 60 ao 50%, así como, o endurecemento dos requisitos para o acceso á renda activa de inserción, unha vez esgotado o desemprego; de incrementar os impostos indirectos subindo o tipo xeral do IVE do 18 ao 21% e o reducido do 8 ao10%; de suprimir a paga extra de Nadal das empregadas e empregados públicos e a súa negociación colectiva; de reducir as empresas e fundacións públicas; de delimitar a prestación de servizos por parte dos concellos, reforzando a cambio as deputacións; de liberalizar o sector servizos ou flexibilizar os horarios comerciais; ou privatizar os sectores de transporte ferroviario, portuario e aeroportos, entre outras.

Por iso, facemos un chamamento a que, masivamente, a cidadanía galega poña de manifesto na rúa o seu rexeitamento, tanto a estas políticas antisociais promovidas polo PP, como aos argumentos empregados para defendelos e a forma de escenificalos.

Compostela, 16 de xullo de 2012.-

Fonte: Confederación Intersindical Galega (CIG)


Baixo o lema «Non ao saqueo do pobo. Hai que impedir que nos arruínen», UGT, CCOO e CIG mobilizaranse o vindeiro día 19 nas principais cidades e vilas galegas

Diante das graves medidas que acaba de adoptar o Goberno, as tres organizacións sindicais CIG, CCOO e UGT acordamos convocar conxuntamente manifestacións cidadás o vindeiro xoves, día 19 de xullo, nas principais cidades e vilas galegas

Todas elas discorrerán baixo o lema «Non ao saqueo do pobo. Hai que impedir que nos arruínen». O acto central, ao que acudirán os secretarios xerais dos tres sindicatos, será na Coruña.

Todas as medidas van dirixidas a recortar, unha vez máis, dereitos e a precarizar as condicións de vida e de traballo da maioría social, para que finalmente sexan as clases traballadoras as que paguen unha crise que non provocaron, ao tempo que se protexen e benefician os intereses de banqueiros, especuladores e defraudadores.

Con ese obxectivo, o Goberno impón a diminución da prestación por desemprego a partir dos seis meses do 60 ao 50%, así como o endurecemento dos requisitos para o acceso á renda activa de inserción; incrementa os impostos indirectos subindo o tipo xeral do ive do 18 ao 21% e o reducido do 8 ao 10%; suprime a paga extra de Nadal das empregadas e empregados públicos e a súa negociación colectiva; reduce as empresas e fundacións públicas; delimita a prestación de servizos por parte dos concellos, reforzando a cambio as deputacións; liberaliza o sector dos servizos e flexibiliza os horarios comerciais; privatiza os sectores de transporte ferroviario, portuario e aeroportos, entre outras.

Por iso, facemos un chamamento a que, masivamente, a cidadanía galega poña de manifesto na rúa o seu rexeitamento, tanto a estas políticas antisociais promovidas polo PP, como aos argumentos empregados para defendelos e a forma de poñelos en escena.

Fonte: Comisións Obreiras (CCOO)

Baixo o lema "Non ao saqueo do pobo. Hai que impedir que nos arruínen", UGT, CCOO e CIG mobilizaranse o vindeiro día 19 nas principais cidades e vilas galegas

Santiago, 16 de xullo de 2012.- Diante das graves medidas que vén de adoptar o Goberno, as tres organizacións sindicais CIG, CCOO e UGT acordamos convocar conxuntamente manifestacións cidadás o vindeiro xoves, día 19 de xullo, nas principais cidades e vilas galegas.

Todas elas discurrirán baixo o lema “Non ao saqueo do pobo. Hai que impedir que nos arruínen”. Subliñar que o acto central, ao que acudirán os secretarios xerais dos tres sindicatos, será en A Coruña.

Medidas todas elas dirixidas a recortar, unha vez máis, dereitos e precarizar as condicións de vida e de traballo da maioría social, para que finalmente sexan as clases traballadoras quen paguen unha crise que non provocaron, ao tempo que se protexen e benefician os intereses de banqueiros, especuladores e defraudadores.

Con ese obxectivo o Goberno impón a diminución da prestación por desemprego a partir dos seis meses do 60 ao 50%, así como, o endurecemento dos requisitos para o acceso á renda activa de inserción; de incrementar os impostos indirectos subindo o tipo xeral do IVE do 18 ao 21% e o reducido do 8 ao 10%; de suprimir a paga extra de Nadal das empregadas e empregados públicos e a súa negociación colectiva; de reducir as empresas e fundacións públicas; de delimitar a prestación de servizos por parte dos concellos, reforzando a cambio as deputacións; de liberalizar o sector servizos ou flexibilizar os horarios comerciais; ou privatizar os sectores de transporte ferroviario, portuario e aeroportos, entre outras.

Por iso, facemos un chamamento a que, masivamente, a cidadanía galega poña de manifesto na rúa o seu rexeitamento, tanto a estas políticas antisociais promovidas polo PP, como aos argumentos empregados para defendelos e a forma de escenificalos.

Centrais Sindicais

Central Obreira Galega - COG

Confederación Galaica da - CNT/AIT

Confederación Intersindical Galega - CIG

Confederación Unitaria de Traballadores - CUT

Confederación Xeral do Traballo en Galicia - CGT

Sindicato Nacional de CCOO de Galicia - CCOO

Unión Xeral de Traballadores en Galicia - UGT

Unión Sindical de Traballadores Galegos - USTG

Confederacións Internacionais:

Federación Sindical Mundial - FSM

Confederación Sindical Internacional - CSI

Asociación Internacional dos Traballadores - AIT

Global Unions

Confederación Europea de Sindicatos - CES

 

Outras centrais sindicais de interese:

Intersindical Portuguesa - CGTP

Sindicato Andaluz de Traballadores/as -SAT

Sindicato de Obreir@s do Campo
e do medio Rural de Andalucia -SOC

Corrente Sindical de Esquerdas -CSI

Intersindical Canaria

ELA-STV / Sindicato Vasco

LAB / Sindicato Vasco

Intersindical -CSC / Sindicato Catalán

 

Concentración en solidariedade con dous compañeiros da CIG que serán xulgados este xoves por participar nunha acción sindical conxunta o pasado 19 de abril no Hipermercado Alcampo

Concentración no Xulgado de Ferrol O vindeiro xoves, día 14 de xuño ás 11:20 se celebra o xuizo polos incidentes en Alcampo, contra dous compañeiros da CIG, Pintos, co-portavoz comarcal e contra un membro do Consello Federal do Metal. Faremos unha concentración ás 10,45 na entrada do Xulgado de Ferrol co fin de amosar a nosa solidaridade cos compañeiros e rexeitar a persecución sindical. Agardamos contar coa vosa presenza. !!!!!!!NON A REPRESIÓN SINDICAL!!!!!!! !!!!!!!NON AO RECORTE DE DEREITOS!!!!!!!

www.cig-saude.org/ferrol

Lembramos que estes incidentes sucederonse ás portas do Hipermercado Alcampo nunha xornada informativa de sensibilización á cidadanía tras o comportamento do Hipermercado na xornada de folga xeral do pasado 29 de marzo de 2012. Esta acción sindical fora convocada por CCOO, CIG, UGT e USTG e na mesma participaron moitos traballadores e traballadoras da nosa comarca.

Piden 5 anos de cadea para os sindicalistas da CIG Antolín Alcántara e Víctor García [Video]

O xuízo contra Antolín Alcántara e Víctor García constata a obsesión da Fiscalía por criminalizar os dirixentes da CIG.
A petición de cinco anos de cadea mantívose ao remate dun proceso penal quedou visto para sentenza despois de sete horas de sesión.
O xuízo celebrado o 7 de xuño de 2007 contra Antolín Alcántara e Víctor García constatou a obsesión do Ministerio Fiscal por conseguir a condena dos dous dirixentes da CIG que participaron na folga do Metal de 2007. O proceso penal no que están acusados de desordes públicos e danos pola ocupación do edificio da Xunta en Vigo quedou visto para sentenza tras máis de sete horas de sesión sen que a fiscal rebaixase a petición de cinco anos de cadea, a pesar de non quedar acreditada a súa responsabilidade.

Varios centos de persoas concentráronse dende primeira hora da mañá ás portas dos Xulgados vigueses para trasladarlles a súa solidariedade aos acusados. Alcántara, secretario confederal de Negociación Colectiva, e García, ex responsábel do Naval, accedían entre aplausos ás dependencias do Xulgado do Penal número 2 pasadas as 9.30 horas rodeados por un amplo despregue policial que impediu o acceso de parte dos concentrados/as ao interior das instalacións.

Sete horas despois, o xuízo quedaba visto para sentenza sen que a fiscal reducise a petición de cadea, que é de 2,6 anos para cada un deles por cada un dos dous delitos que se lles imputan, desordes públicos e danos, a pesar de que en ningún momento quedou constatada a súa participación nos feitos. Para a CIG isto demostra a “obsesión” do Ministerio Fiscal por criminalizar o movemento obreiro, en especial os dirixentes da CIG.

Pola sala desfilaron arredor de 20 testemuñas, entre policías, gardas xurados , ex responsábeis políticos e sindicalistas, e reproduciuse o contido das gravacións feitas polas cámaras de seguridade do edificio autonómico. En ningún momento quedou acreditada a participación dos acusados nin nos desordes públicos non nos danos que se lle imputan.

Neste senso expresouse o secretario comarcal da central nacionalista en Vigo. Serafín Otero incidiu en que “a actitude da Fiscalía supón un ataque ao sindicalismo e á democracia xa que quedou perfectamente evidenciado que non existe nada contra eles”, polo que se amosou convencido de que “se tiveran dignidade retirarían todos os cargos”.

O propio Antolín Alcántara explicou que “durante o xuízo quedou perfectamente claro que este proceso é unha persecución a dous sindicalistas; pretenden darlle un golpe de graza ao movemento obreiro nun momento tan duro para que non haxa contestación social”. Neste senso, asegurou que “comezaremos a crer nesta Xustiza se, no caso de ter que ir a prisión, nos acompañasen persoas como Rodrigo Rato ou o presidente do BBVA”.

Integrantes da mesa de negociación

Tanto Alcántara como García explicaron que se atopaban no edificio para participar na mesa de negociación do convenio coa patronal e que en ningún momento a intención dos manifestantes foi acceder ao edificio da Xunta. “Estabamos a piques de chegar a un acordo e estaba claro que non nos interesaba que tiveses escusas para botarse atrás”, indicaron. Atribuíron o sucedido a que un pequeno grupo perdeu a paciencia ao saber que a xuntanza non se ía celebrar porque un representante da patronal se atopaba atrapado co seu coche nun atasco.

O único que quedou acreditado durante o xuízo foi que a cuantificación dos desperfectos fíxose sen o máis mínimo rigor (non existen facturas das reparacións nin se desglosaron os conceptos que sumaban 30.000 euros), polo que a fiscalía non tivo máis remedio que rebaixar a petición de indemnización a 6.000 euros. Con todo, a letrada da Xunta non accedeu a modificar a súa petición.

Xunto a Alcántara e García sentábase no banco dos acusados un traballador do sector naval que tamén foi acusado pola Policía española de retirar unha bandeira española do edificio da Xunta e “tirar e queimar contenedores pola rúa”.

Mais informaciíon en: http://www.galizacig.com/

Documental VENCEREMOS NÓS | a represión ao metal e o proceso a Antolín Alcántara

Breve documental que recolle esceas de arquivo da represión policial e gobernamental á folga do metal da provincia de Pontevedra en 2009, así como a situación actual do proceso xudicial contra Antolín Alcántara, secretario confederal de negociación colectiva da CIG, ao que a fiscalía prentende enviar ao cárcere en base aos sucesos de 2009.

Manteñen petición de cadea para Alcántara ao remate do xuízo pola folga do metal de 2009 malia non probarse a autoría dos feitos

O secretario confederal de Negociación Colectiva da CIG recibiu o apoio e a solidariedade dos seus compañeiros/as ás portas dos xulgados de Vigo.
A Fiscalía decidiu manter a petición de prisión para o secretario confederal de Negociación Colectiva e Saúde Laboral da CIG ao remate do xuízo celebrado este martes en Vigo a pesar de que non quedou acreditada a autoría dos feitos polos que se lle acusa, xunto a outras dúas persoas, de desordes públicos e danos durante a ocupación da estación marítima na folga do metal de 2009. Antolín Alcántara recibiu o apoio e a solidariedade dun nutrido grupo de compañeiros/as da central nacionalista, que se concentraron ás portas dos xulgados para reclamar a súa absolución.

Aínda que rebaixou a proposta inicial case á metade, o fiscal decidiu manter as petición de prisión para o dirixente da CIG e para o secretario comarcal do Metal de CCOO, Ramón Sarmiento, mentres que optou por retirar a acusación contra a ex responsábel de prensa do sindicato nacionalista na cidade, a quen a propia xuíza lle comunicou a súa absolución.

Pola contra, para Alcántara o Ministerio Fiscal pediu dous anos e medio -un e medio por desordes públicos e un por danos- e unha sanción económica duns 5.500 euros (12 meses a razón de 15 euros diarios, mentres que a petición inicial elevábase até os 18 meses). No caso de Sarmiento a petición de cadea quedou en dous anos, un por desordes e outro por danos, e unha multa do mesmo importe.

Un nutrido grupo de responsábeis e delegados/as da CIG concentráronse dende media hora antes do inicio da sesión -prevista para as 9.00 horas- ás portas dun edificio xudicial custodiado no seu acceso principal por máis de 20 axentes da Policía española. O secretario xeral da CIG, Suso Seixo, e o responsábel do sindicato na comarca, Serafín Otero, acompañaron a Alcántara ao interior dos xulgados mentres era despedido con berros de ánimo e aplausos.

Durante a sesión reproducíronse as imaxes captadas polas cámaras de seguridade da Autoridade Portuaria, nas que en ningún momento se observa a rotura da porta de acceso á estación marítima, e compareceron máis dunha ducia de testemuñas, entre gardas civís, policías e xornalistas.

Refuxiarse na estación marítima

Tampouco quedou probado que a intención dos folguistas fose ocupar a estación marítima e mesmo acceder a un cruceiro que se atopaba neses momentos atracando, tal e como sostivo o fiscal no seu alegato. Ben ao contrario, xa que o seu plan pasaba por realizar unha asemblea no acceso ao centro comercial que hai na zona para visibilizar o conflito diante dos turistas, “pero unha carga policial partiu o grupo en dous e unha parte correu a refuxiarse onde primeiro atopou”, tal e como explicaron os acusados no xuízo.

Ao remate da sesión, o secretario xeral da CIG dirixiuse ás persoas que agardaban á saída cinco horas despois para agradecerlles a súa solidariedade co compañeiro procesado e denunciar a actitude da Fiscalía e da propia xuíza. Suso Seixo criticou a dureza con que se persegue ás persoas que salientan polo seu compromiso cos dereitos da maioría social, “mentres se fai a vista gorda cos especuladores que causaron a crise ou cos empresarios que vulneran cada día dereitos fundamentais dos traballadores/as”.

Fonte: Avantar

Enlace relacionado:
http://www.galizacig.com/avantar/novas/15-5-2012/mantenen-peticion-de-cadea-para-alcantara-ao-remate-do-xuizo-pola-folga-do-metal-de-
___________________

O persoal de instalacións deportivas inicia unha acampada diante da delegación da Xunta e da Confederación de empresarios

O xoves 11 de marzo haberá unha festa solidaria para recadar fondos para os traballadores/as en folga

Por volta da unha e media da tarde, os traballadores e traballadoras das instalacións deportivas iniciaban unha acampada fronte ao edificio administrativo da Xunta de Galiza en A Coruña e a sede da Confederación de empresarios (situadas na mesma praza) como medida de presión para que a patronal sente novamente a negociar e permita desbloquear o conflito. Na acampada participan traballadores das diferentes instalacións da provincia de A Coruña.

Cos atrancos propios dunha acampada de lecer (dificultades para instalar as tendas, ferramentas que non aparecen, ...) os traballadores e traballadoras de instalacións deportivas, que desenvolven a xornada 32 de paros, iniciaban unha acampada diante do edificio administrativo de Monelos e máis da Confederación de Empresarios de A Coruña, ambas situadas na Praza Luis Seoane. Aproveitando as facilidades dunha zona de recreo e diante do asombro dos viandantes, o persoal comezou a instalar o seu campamento, que nun primeiro momento contou con catro tendas de campaña, varias mesas e unha pequena carpa.

“Non pensamos movernos até que se resolva o conflito”, advertía Adolfo Naya, da CIG-Servizos, ao comezo da acampada. Coa protesta, o persoal quere continuar visibilizando na rúa o conflito do sector e lembrar á administración e á patronal “que estamos aquí e non nos iremos até que se resolva o conflito”. Con tal fin, vanse realizar quendas de traballadores/as para permitir que existan horas de descanso e non desgastar excesivamente a un grupo de persoas que leva máis dun mes en folga.

Neste senso, Naya apuntou que a medida, acordada na asemblea de traballadores/as desta mañá, adoptase tras o fracaso da negociación do martes que deixou novamente bloqueado o conflito. “Decidimos tomar esta medida de presión para tentar que a patronal sente outra vez a negociar e chegar a un acordo, xa que as dúas partes estaban bastante próximas, sobre todo despois das garantías ad personam”, indicou o sindicalista. A respecto da cuestión económica, que parece insalvábel para o empresariado, reiterou que “918 euros de salario base para 2012 tampouco é pedir tanto”.

Festa solidaria o xoves 11 de marzo

Alén das medidas de protesta, o persoal e as organizacións sindicais están a argallar diversas iniciativas co obxecto de recadar fondos para distribuír entre os/as folguistas, que permitan aliviar a súa situación económica, tendo en conta que a nómina de febreiro foi de cero euros. Así, o vindeiro xoves haberá unha festa-maratón solidaria na discoteca Bambina de Santa Cristina, á que o persoal anima a toda a cidadanía a asistir.

A festa iniciarase ás seis da tarde cun maratón de actividades dirixidas (aerobic, batuka, body combact, bailes de salón, etc) que durará até as dez da noite. A entrada para estas actividades custa dous euros. A partir das once haberá concerto do grupo “Ekilibrio”, monólogos e a actuación dos dj´s Félix Múñoz e Pódium. A entrada neste caso custa 5 euros e da dereito a unha consumición.

Galería de imaxes

Fonte: Avantar
_______

A folga xeral no comercio de alimentación na comarca de Ferrol Terra

Hoxe, 27 de Novembro de 2009, hai folga no sector do Comercio de Alimentación.

A plataforma sindical unitaria conformada por UGT, CCOO e CIG, para a negociación do convenio provincial de comercio de alimentación, convocou unha folga xeral no sector. Nesta comarca os piquetes estiveron desde a madrugada informando do seu dereito á folga ás traballadoras e traballadores. Esta folga coincide ao mesmo tempo coa folga no comercio de alimentación da provincia de Pontevedra. O obxectivo é camiñar para conseguir un Convenio Galego do Sector.

A situación laboral no sector é de grande precariedade, xornadas interminabeis e baixos salarios.

A xornada de folga, veu precedida de mobilizacións nas diferentes cidades e vilas, trataba-se de quentar motores para sensibilizar á xente co obxectivo de que se somaran á loita reivindicativa por un convenio xusto, ao mesmo tempo que se informaba a clientes do paro deste venres, 27 de Novembro. Os principais establecimentos nos que se realizaron as mobilizacións foron os de Froiz e Gadis e o centro loxístico de distribución de Lidl en Narón.

As direccións das empresas están presionando ao seu persoal para que non secunde a folga, sobre todo ao persoal contratado en precario, motivo polo cal as centrais sindicais fan un chamamento aos usuari@s dos establecementos de alimentación a colaborar e apoiar as lexítimas reivindicacións do persoal do comercio da alimentación non acudindo a mercar o venres nos estabelecementos das empresas afectadas polo convenio Gadis [Froiz, Gadis, Lidl, Hiperxel, ...].

En total máis de 31.000 traballadoras e traballadores do sector, entre as dúas provincias, duns 2.200 centros de traballo están chamad@s a secundar este paro, que, de non producirse movementos por parte da patronal repetirase o 9 de decembro, pero xa cun carácter indefinido.

Neste momento en Ferrol, o paro é case total, só nalgúns establecimentos hai problemas por mor de esquiroles que foron traballar e presionan ao persoal eventual con ruíns ameazas sobre o futuro do seu contrato. As forzas policiais están despregadas por toda a cidade, intentando impedir a laboura informativa dos piquetes.

No resto das comarcas a situación é moi parecida, pode-se dicer que a folga é todo un éxito.

Seguiremos informando. ...

Nota.- As traballadoras de centros importantes como Mercadona ou Eroski , non están chamad@s á folga por ter estes centros outro convenio colectivo distinto ao provincial.
____________________

Un novo Virus ataca aos servizos públicos, fundamentalmente a sanidade pública, estudia os seus síntomas e protéxete da nova "GriPeP"

CIG-Saúde pon en marcha unha campaña para alertar sobre a “GriPeP” e os seus efectos na sanidade pública

Paralizouse o Plan de Mellora da Atención Primaria, o Plan de Saúde Mental e baleirouse de contido a Mesa Sectorial

Anemia orzamentaria; adelgazamento extremo, provocado pola diminución de recursos, servizos e persoal; conxestión, patente no incremento galopante das listas de espera e malestar xeral e irritación, que se contaxia a usuarias e usuarios e profesionais, son algunhas das características da “GriPeP”. Un mal do que alerta a CIG-Saúde e que ameaza con estenderse polos centros sanitarios públicos.

CIG-Saúde vén de pór en marcha unha campaña dirixida ao persoal sanitario e á poboación en xeral para informar das consecuencias que as políticas neoliberais que está a aplicar o novo goberno teñen sobre o sistema sanitario público e sobre a asistencia que se está prestando.

María Xosé Abuín, secretaria nacional de CIG-Saúde -que presentou a campaña en rolda de prensa acompañada por varios membros da executiva da federación- explicou que desde o PP estase a promover un proceso de privatización encuberto pola vía da descapitalización do sistema aplicando o “rodillo parlamentario”. Unha descapitalización que se traduce en redución dos investimentos, redución de gastos, redución de persoal e aumento, en consecuencia, das listas de espera. Mecanismos que provocan o progresivo desprestixio do sistema e dos profesionais e que abocan aos usuarios a recorrer á sanidade privada, que é percibida, cada vez máis, como mellor.

Para a secretaria nacional de CIG-Saúde, deste xeito, “os usuarios ven como se recortan dereitos básicos que contempla a Lei Xeral de Sanidade como a universalidade e a gratuídade”, ao tempo que se favorecen os intereses dos grandes lobbys empresariais, para os que a sanidade “é un codiciado negocio do que obter beneficios e non un servizo”.

Abuín alerta de que o PP pretende calcar en Galiza os modelos sanitarios implantados en comunidades nas que xa estaba gobernando, como Madrid ou Valencia. Comunidades nas que se tomou á súa vez como modelo o proceso de privatización que se deu en Gran Bretaña, e que tivo consecuencias nefastas. “Ao final é un sistema moito máis caro, porque o sistema público sempre ten que ir ao rescate, e os grandes lobbys empresariais son quen o definen pero quen paga é o sistema sanitario público”, sinala.


Diminución da actividade nos centros hospitalarios

O primeiro síntoma da “GriPeP” xa se está a advertir na diminución da actividade nos centros hospitalarios. Manuel González Moreira, membro da executiva de CIG-Saúde asegurou que “temos hospitais con camas baleiras, non por fata de doentes, non porque non haxa lista de espera, senón porque, por recorte do gasto, están deixando de facer actividade e polo tanto está empeorando a calidade do servizo sanitario que reciben os usuarios”.


Paralización do Plan de Mellora na Atención Primaria e do de Saúde Mental

González Moreira subliñou ademais que malia existir un acordo para a atención primaria –Plan de Mellora de Atención Primaria-, dirixido fundamentalmente a incrementar a capacidade de resolución neste servizo, e que consistía en incrementar os profesionais para conseguir ratios de pacientes máis axeitados ás necesidades dos usuarios, esta paralizado.

O mesmo ocorre co Plano de Saúde Mental, que era a grande esquecida da sanidade pública e para a que tamén estaba previsto incrementar os recursos materiais e humanos. “Todos estes síntomas, xunto coa anemia orzamentaria e o adelgazamento de recursos e servizos, quen o van sufrir non somos tanto os traballadores como os usuarios. Por iso queremos que con esta campaña a información chegue a eles e que sexan eles quen tamén lle fagan fronte”.


A Mesa Sectorial e o acordo de equiparación, desaparecidos

Se ben é certo que as consecuencias das políticas privatizadoras do PP van afectar de forma especial aos servizos que se prestan, os propios traballadores e traballadoras e as organizacións sindicais xa están a padecer os primeiros síntomas da “GriPeP”. Xan Ramón Fernández, da executiva da CIG-Saúde lembrou que até o de agora existía un sistema de negociación que pasaba pola reunión da Mesa Sectorial, na que estaban representados traballadores/as e administración, onde se trataban todos os problemas relativos ao sistema sanitario.

Porén, “desde que chegou o goberno PP a mesa perdeu todas as súas funcións, houbo algunhas convocatorias simplemente informativas, pero cargáronse a negociación. É un retroceso nunca visto en todos os anos que levamos de sindicalismo e de negociación co SERGAS”, lamentou Fernández, quen engadiu que “coa cantidade de problemas que hai enriba da mesa é imprescindíbel recuperar a Mesa Sectorial”.

En concreto, o representante da executiva da CIG-Saúde salientou, entre outros, a necesidade de negociar o sistema de traballo polas tardes para o persoal facultativo ou a suspensión do acordo retributivo que se pretende aplicar ao persoal estatutario.

Neste sentido, Abuín matizou a intención do goberno de Núñez Feijoo de facer pagar a crise aos traballadores e traballadoras da sanidade pública, ao non incluír nos orzamentos previstos para o vindeiro ano as partidas necesarias para garantir a súa equiparación salarial, acordada xa no ano 2008 e a aplicar nun período entre 2008 e o 2012. Un acordo salarial que no 2010 se traduciría nun incremento de retribucións dunha quinta parte do total referido ao lustro.

O acordo supuña incrementar as retribucións, en conceptos como nocturnidade, traballos en domingos e festivos ou nas noites do 24 e 31 de decembro e que en Galiza o persoal percibe moi por debaixo do que o fan os profesionais doutros sistemas de saúde.


Máis belixerantes que nunca

Desde a CIG-Saúde advirten que de manterse esta postura de intransixencia por parte do PP “seremos máis belixerantes que nunca e intentaremos non só mobilizar aos traballadores, senón tamén á cidadanía”, para defender o sistema sanitario público, advertía Victor Vila, outro dos membros da executiva da federación.

Unha mobilización que a CIG-Saúde entende que debe comezar pola denuncia por escrito nas unidades de Atención ao Doente das interminables listas de espera ou das probas diagnósticas que non chegan nunca e que derivará, se a situación persiste en mobilizacións na rúa.

• Acceder ou Baixar : "A NOVA PANDEMIA" - Folleto explicativo en formato -pdf- que se atopa no servidor da CIG-Saúde.
  

--
Enviado por:
Cig Saúde Ferrol
-cigsaudeferrol@gmail.com-
8 de outubro de 2009 00:18

CIG-Saúde Ferrol
981334566
www.cigsaudeferrol.blogspot.com
____________________________

Ferrol: á UPG atrangantóuselle

O secreterario comarcal da CIG é a maior preocupacion da UPG, forzar a súa dimisión é unha obsesión persoal do "Coronel" que polo seu talante impetuoso, non asume que Pintos montaralle un órdago que deixa en evidencia a súa presumida autoridade. O nervosismo reinante nas filas upegallas pon ao descuberto a verdadeira identidade desta formación, a democracia de linea branca coa que disfrazan as súas formas nesta ocasión deixou ao decubierto ao ferreo stalinismo que lles inspira.

Dedúcese, é algo palpable, que a UPG, é dicir ,a corrente marxista do BNG non perdoe a Pintos a súa decisión de concorrer ás eleccións do sindicato enfrentadose á candidatura apadriñada por esta corrente que encabezaba Emilio Cagiao.

O incombustible “Coronel” afeito a impor a súa autoridade aos seus dóciles camaradas, non soportou que no seu Ferrol natal, un sindicalista díscolo puxéselle en evidencia desatendendo as súas ordenes, e asi, o día despois de que Pintos acadara democraticamente a Secretaria do sindicato, en cónclave de urxencia a UPG emitiu fumata branca - habemus dimisión- ,........ se tiña desatado a caza de bruxas;..... a purga a Pintos escomezara.!

Os “comisarios” Cagiao e Grandal , era os encargados de pór en movemento a maquinaria de acoso e derribo - pero para entender o seu papel de manipuladores, hai que buscar as razóns, e con só pasar revista ao seu historial, atopámonos coa sorpresa. Estos dous señores á parte de acólitos da UPG, son liberados, é dicir, representantes que levan 20 anos sen vestir o mono de traballo, que perciben o seu salario dunha empresa pública.... e dicir, dúas xoias que defenden contra vento e marea a súa situacion de privilexio, é dicir o seu impresentable -status- de vividores a conta do alleo.

Estos dous sindicalistas de Navantia, un deles membro da seccion sindical, manteñen á CIG neste estaleiro como a forza minoritaria do comité de empresa, é dicir, o seu traballo sindical é nulo e a súa influencia negativa, e en contraste a executiva liderada por Pintos, logrou no resto dos sectores, imporse na comarca como primeira forza sindical, obviamente isto indica quen en verdade debese presentar a dimisión.

Tanto o “Coronel” como estes dous gregarios, deben saber que un sindicato é unha ferramenta para defender os intereses dos seus afiliados, E EU QUE O SON, non vou admitir mangoneos de vagos e maleantes e moito menos duns iluminados que manteñen a malefica intencion de confundir aos traballadores con marionetas.

Pintos e o seu equipo foron elixidos pola mayoria dos afiliados e por tanto son os representantes lexitimos, ,,,,,,, os outros metodos para alcanzar o control, mellor rexeiten a intención de utilizalos non sexa que lles rebente o explosivo nas mans. ... E abofé que se e necesario eu tiro da expoleta. ... Vaia tropa

Artigo tirado de open.vieiros

Enviado por:
Bruno Lopes Teixeiro
-brunotrasancos@gmail.com-
24 de maio de 2009 12:01
______________

Nota da redacción.-

Artigo publicado en Vieiros, na sección aberta "open.vieiros", por un anónimo que responde a "ontoria1" e que xa ten publicados comentarios anti-upg e moi críticos coa política do BNG en varias noticias no portal de Vieiros.

• 4/Marzo/2009 - O de QUINTANA é alucinante pola súa condición de gregario de PACO RODRIGUEZ, o...
• 18/Outubro/2008 - Ben, non se autocomprace quen non quere, pero posiblemente o caso do BNG é digno...

______________

Falta dinheiro no meu sindicato

Hoje os meios de comunicaçom informarám à opinom pública de que faltam muitos miles de euros das contas da CIG em Ferrol. Muitas pessoas conheciamos esta situaçom desde hai uns meses, causada por umha ludopatia do responsável de finanças.

Em todas as organizaçons polas que passei ou nas que participo na actualidade, as finanças som o morto co que ninguém quer carregar. Um trabalho ingrato que precisa de muita dedicaçom e constáncia.

Entre companheiras e companheiros a confiança é fundamental, mas esta nom é a primeira experiência deste tipo. Por isso o controlo democrático das finanças fai-se fundamental nas organizaçons sociais, e a ninguém lhe deve sentar mal que assim se lhe controle. E por suposto, esse momento em todas as reunions onde se passa a informaçom sobre o estado das contas da organizaçom, deve ocupar o lugar que lhe corresponde, fazendo um esforço, de transparência e responsabilidade. É o mesmo que o dinheiro público. Som cartos das organizaçons, som cartos do povo organizado. No caso do meu sindicato, som cartos da classe obreira organizada. Som intocáveis!

Haverá que mudar muitas coisas, pedir responsabilidades e mudar jeitos de trabalho ou modelos organizativos, mas o que me inquieta do que vai ocorrer quando a notícia saia na imprensa, é desconhezer o interesse que persegue esse grupo de pessoas com bastante representatividade na CIG, que brinda às empresas mediáticas, informaçom fazilmente manipulável, dumha situaçom interna que só compete à CIG e à justiça.Porque os congresos se ganham nas asembleias e na acçom sindical, nom coa tinta envelenada dalgúns jornais.

E que tudo isto suceda justo no momento no que os companheiros e companheiras do metal em Vigo, estám recebendo, também por parte dessas empresas mediáticas, um dos mais virulentos ataques contra o sindicalismo, e em concreto contra da CIG, dos últimos tempos. Estám botando mais lenha ao lume. Para que arda quem?

Lupe Ces
22.05.2009
lupeces@gmail.com
http://lupeces.blogspot.com
_________________

Desconvocada a Folga Xeral na Sanidade: A Consellería paraliza o Decreto da CPO e está disposta a negociar

Cig Saúde Ferrol -cigsaudeferrol@gmail.com-

Conquerida a paralización da tramitación do Decreto sobre a Carreira Profesional Ordinaria

Grazas as mobilizacións efectuados polo persoal do Sergas, a consellería de Sanidade ven de anunciar a paralización da tramitación do decreto [Carreira Profesional Ordinaria] e confirma a convocatoria dunha Mesa Sectorial para o día 6 de marzo para reiniciar e establecer un calendario de reunións onde se abordaran os aspectos reinvindicados pola Plataforma Sindical:

1.- Enlace réxime extraordinario

O SERGAS obriga a un periodo de permanencia de 3 anos a pesar de ter os requisitos esixidos.

2.- Funcionarios e Laborais

O Servizo de Saúde incumpre no decreto cos acordos asinados e xa publicados no DOG, que recollen o acceso ao réxime ordinario sen integración previa.

3.- Promoción interna

O decreto da carreira profesional non recoñece a promoción interna para licenciados e diplomados sanitarios.

4.- Persoal OPE 2006

O SERGAS non acepta que este persoal que reúna os requisitos á entrada en vigor da carreira poida solicitar o recoñecemento dos graos que lle correspondan.

5.- Persoal interino

Só poderán solicitar o grao inicial (non retribuído) non podendo pedir o Grao I até que sexan fixos, pero sempre e cando leven cinco anos neste grao inicial.

6.- Criterios de avaliación

Exixencia por parte do SERGAS dun mínimo de avaliación en cada apartado, mínimo que rexeita a plataforma sindical dada a dificultade de acadar en moitos lugares.

As organizacións sindicais integrantes da Plataforma Sindical, CCOO, CESM, CIG-SAÚDE, CSIF, SAE e UGT, por unanimidade deciden desconvocar as mobilizacións previstas, dado que o seu obxetivo, precisamente, era conquerir a convocatoria inmediata da mesa sectorial para dar continuidade ás negociacións rotas pola consellería o pasado 19 de decembro.

IMPOSICIÓNS NON, NEGOCIACIÓN SÍ!!!

CIG-Saúde Ferrol
981334566
www.cigsaudeferrol.blogspot.com
_____________________

Solidaridade cos traballadores de MEGASA

De: Fuco Buxán Asoc. Cultural - Ferrol -fucobuxan@gmail.com-
Para: artabra21@gmail.com
Data: 17 de outubro de 2008 16:53
Asunto: Solidaridade cos traballadores de MEGASA


A convocatoria de dez días de folga xeral dos TRABALLADORES DE MEGASA, en demanda dun convenio xusto e unhas condicións laborais propias dun sistema democrático, tiveron onte unha resposta cerril da patronal: o despido de dous traballadores (un deles membro do Comité de Empresa e de Folga).

Desde "Fuco Buxán" invitamos a toda a cidadanía, a expresar a súa solidaridade cos compañeiros de MEGASA, nesta loita democrática, por conquerir as condicións de traballo dignas e xustas que pretenden. [+ Info]

Engádese Artigo de Rafael Pillado (Vicepresidente de "Fuco Buxán, A.C."), publicado en "Diario de Ferrol" hai poucos días.
__________

MEGASA: O dereito a negociar un convenio razoable

Os compañeiros de Megasa pretenden negociar un convenio que sexa razoable. A empresa se nega a estudar as súas propostas e chegar a acordos cos lexítimos representantes dos traballadores, incluso apelando á intervención policial desmesurada, cando o conflito viña discurrindo pacífica y ordenadamente, e no marco pleno da legalidade.

Pois ben, estes días coñeciamos diversas opinións a través dos medios de comunicación, con algún dos cales discrepo diametralmente. Mentres Felipe do Muíño recorda a actitude serena dos traballadores o longo dos anos, sen renunciar nin os seus dereitos, nin o seu posto de traballo, Fernando Álvarez, sinala como prioritario “cuidar mucho a Megasa”, “y si una empresa para salvarse en época de crisis, tiene que reducir su plantilla … debe hacerlo…” E afirma que “… los acuerdos con los trabajadores es la diferencia entre la empresa privada y la pública”. Quere isto dicir que na empresa privada non caben os acordos? Que eu saiba, na nosa lexislación laboral, a negociación colectiva é un dereito dos traballadores. Incluso na Ditadura, tiveron que recoñecelo.

No caso de Megasa quen se nega a negociar é a Empresa. E quero dicir que esa empresa a compoñen o capital empresarial e os traballadores. A plusvalía non cae do ceo. ¡Sen traballadores, Megasa non sería Empresa!

E debemos saber que pese a constante redución de plantilla, Megasa duplicou a súa produción de aceiro. Iso chámase sobreexplotación.

E esa produción permitiulle á Empresa comprar a Siderúrxica Nacional Portuguesa. Supuxo convertela nunha multinacional, onde os recursos se moven a capricho do empresario. Un empresario paternalista que ten o concepto das relacións laborais propias do feudalismo. E xa sabemos o que pasa cando non se respecta o marco regulado polo Estado. ¡Mirade a EE.UU. hoxe!

Según o Sr. Álvarez, os traballadores son “servos da gleba”, e deben tragar o que se teña disposto polo patrón. (Por certo, faltoulle dicir no seu artigo que Segundo Vilaboi foi asasinado a garrote vil.)

Pero, Que piden os traballadores? Que barbaridade pretenden? Facerse coa empresa?

Pois o que queren e superar o convenio actual que está por debaixo do provincial do metal de A Coruña, pese a que o seu traballo se realiza en condicións durísimas.

Temas:

1.- “Contrato de relevo”, que permita renovar a plantilla, xa moi diminuída.
2.- Promoción interna. Como é posible que un 70% da plantilla sexan especialistas? ¡Así resulta máis barato!
3.- Cobrar efectivamente o 100% do salario no caso de accidente.
4.- Redución da xornada laboral, a máis alta do sector. Sobre 100 horas máis que na siderúrxica vasca.
5.- Un sistema de primas obxectiva, que non se rexan polo “dedo”.
6.- Aplicación do IPC real e non o previsto.
7.- Un plus por traballar na fin de semana.

E queren negociar, non ser só mandados. Para algo conquerimos a Democracia.

Por qué se nega a empresa a algo tan natural? Porque quere evitar ter que ceder unha parte dos beneficios xenerados polos traballadores. EI está movendo os traballadores dun posto de traballo a outro, para romper a súa resistencia. Pretende cortar as súas mobilizacións, buscando a división da plantilla e o seu cansancio polo custe económico das mobilizacións.

Estou seguro de que non o conquerirán, e algo terán que dicir os sindicatos e os traballadores de Ferrolterra. Solidariedade de clase.

___________
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es
________________

Hoxe en Ferrol dúas mobilizacións secundan a convocatoria de acción mundial lanzada pola Confederación Sindical Internacional: Por un Traballo Decente

Hoxe en Ferrol dúas mobilizacións secundan a convocatoria, de acción mundial, lanzada pola Confederación Sindical Internacional, "Por un Traballo Decente", en Europa engadese unha revindicación propia de rexeitamento da directiva europea das 65 horas. A falta de dereitos laborais e sindicais, a precariedade, as xornadas interminábeis, o aumento dos accidentes laborais, a falta de saúde laboral,... e un sinfín de incumprimentos de dereitos e de retrocesos importantes nas conquistas obreiras do século XX, fan desta xornada un aviso fundamental para chamar á necesaria ofensiva obreira, sobre todo neste momento no que o capital a nivel mundial pretenden que paguemos a súa crise ...

• Convocada pola CIG, hoxe, 7 de Outubro, terá lugar unha concentración ás 12 do mediodía, na Praza Amada García, frente ao Edificio Administrativo da Xunta de Galicia.
  

• Convocada polo Sector Crítico de CCOO, Esquerda Unida, PCG, Sindicato de Estudiantes, "El Militante", terá lugar unha concentración, ás 8 da tarde, na Praza Amada García, frente ao Edificio Administrativo da Xunta de Galicia.

Enlaces relacionados:

• A Marcha Mundial das Mulleres ante a directiva europea das 65 horas e a xornada de mobilización mundial "Por un Traballo Decente" do 7 de Outubro
  

• Xornada Mundial polo Traballo decente, concentración en Ferrol ás 8 da Tarde
  

• Mobilizacións da CIG no 7 de Outubro, na acción mundial polo traballo decente
  

• MARTES, 7 DE OUTUBRO, XORNADA INTERNACIONAL POLO TRABALLO DECENTE, TAMÉN SE CELEBRARÁ NA GALIZA
  

_____________

Xornada Mundial polo Traballo Decente: Guy Ryder, CSI


_____________

Traballo forzoso: CSI Xornada Mundial polo Traballo Decente


_____________

Xornada Mundial polo Traballo Decente: Traballo Infantil


___________

A Marcha Mundial das Mulleres ante a directiva europea das 65 horas e a xornada de mobilización mundial "Por un Traballo Decente" do 7 de Outubro

De: MMM Marcha Galiza -marchagaliza@gmail.com-
Para: artabra21@gmail.com
Data: 7 de outubro de 2008 09:13
Asunto: comunicado "65 horas"


Comunicado da Marcha Mundial das Mulleres ante a directiva europea das 65 horas e a xornada de mobilización mundial "Por un Traballo Decente" do 7 de outubro de 2008.-

A directiva europea que vai ser posta a votación no parlamento europeo, conforme vai poder ampliarse a xornada laboral até as 65 horas semanais, está sendo contestada desde distintos sectores sociais, e as condicións laborais de precariedade, falta de dereitos sindicais, siniestralidade... que se dan nos cinco continentes, motivan a mobilización que o próximo 7 de Outubro, unha parte do movemento sindical mundial, ten convocada baixo o lema "Por un traballo decente". Esta directiva europea, non supón mais que engadir un pouco de pementa a un preparado que pretende purgar todos os avances conseguidos ao longo do século XX polos movementos socias, moitos deles da man do feminismo. Ao berro de que ven o coco!!!, utilizando a chantaxe, a intimidación e o medo, a minoría capitalista que amasou e amasa grandes beneficios coa especulación financeira, pretende agora que paguemos os seus pratos rotos e amañemos, baleirando as arcas públicas, as pingueiras e desperfeitos dos seus corruptos negocios. Nesta situación de alarma social, ao redor da crise financeira, como se de unha catástrofe natural de enormes e incontrolábeis consecuencias se tratase, lánzanse salvavidas coa etiqueta de abaratamento do despido, aumento da xornada laboral, aumento da idade de xubilación... e outras receitas que se venhem aplicando en maior ou menor medida nos últimos tempos, receitas que para as mulleres son vellas coñecidas, pois van parellas ao aumento da economía somerxida e a precariedade, onde temos unha representación maioritaria, e o recorte de servizos sociais. A ameaza do "Lado Escuro" onde se situan o patriarcado e o capitalismo, non só non desaparece senón que mostra un repunte virulento.

Non hai outra saída? É necesario que a actividade financeira ocupe unha parte tan importante da actividade económica? Podería existir unha economía onde a actividade de mercar e vender activos financeiros se puidera regular por unhas normas estritas que non permitisen a especulación?

Desde a Marcha Mundial das Mulleres pensamos que si. Que é hora de democratizar a economía. Que é hora de que a economía estea ao servizo da sociedade. Que é hora de pór límites á riqueza, porque xa é tempo de eliminar a pobreza. Porque somos conscientes que a perda de dereitos laborais, a acumulación de beneficios en poucas mans, o recorte do gasto público en saúde, educación, vivenda, preservación da terra e da auga, supón pór freo á igualdade, e camiñar de fronte para o deterioro ambiental e social. Non podemos entregar a nosa vida ao control do mercado. Para o capitalismo, son imprescindíbeis a produción e o consumo sen límites. Para as persoas son imprescindíbeis os coidados, a terra, o ar e a auga. Busquemos, esixamos e apliquemos fórmulas políticas que invistan e afortalen o sector público, redes asistenciais e servizos que axuden a conciliar a vida laboral e familiar. Construamos modelos económicos e sociais (educacionais, espirituais, afectivos, sexuais, políticos...) inspirados nos valores da democracia e da igualdade, non nos da cobiza e a opresión. A Marcha Mundial das Mulleres valora que o planeta está nunha encrucillada onde só se poden seguir dúas direccións, a do cambio económico e social que permita acabar coa pobreza e compartir o traballo (o laboral e o doméstico), que sustenta a existencia da Humanidade, ou o camiño da acumulación das riquezas por parte dunha minoría, coa perpetuación da discriminación das mulleres, onde a violencia e a pobreza coexisten co gasto sen medida, a ostentación e a depredación do planeta.

Acudamos ás mobilizacións convocadas nas cidades galegas por un Traballo Decente, contra a directiva europea das 65 horas!
____________

Coordenadora Nacional Galega
Marcha Mundial das Mulheres
Marcha Mundial das Mulleres
Rúa Romil, 20, baixo
36202 Vigo-Galiza
CIF G-15773013
Teléfonos de contacto:
Coord. Nacional: 671695968/637817745
Coord. Ferrol: 658432609/652201003
Coord. Pontevedra: 669794462
Coord. Vigo: 657825556/667531529
http://www.feminismo.info
_____________

Xornada Mundial polo Traballo decente, concentración en Ferrol ás 8 da Tarde

De: eu-ferrolterra@esquerdaunida.org
Para: artabra21@gmail.com
Data: 6 de outubro de 2008 09:36
Asunto: CONCENTRACIÓN CONTRA A DIRECTIVA DAS 60 HORAS

MANIFESTACIÓN MÁÑÁ, MARTES 7 DE OUTUBRO DE 2008 AS 20.00 , DIANTE DO EDIFICIO DA XUNTA EN FERROL, CONCENTRACIÓN XORNADA MUNDIAL POLO TRABALLO DECENTE, NON AS 60 HORAS

GRAZAS, UN SAÚDO.


Estimado/a compañeiro/a:

O pasado xuño, os ministros de Traballo da Unión Europea aprobaron unha proposta de directiva sobre a xornada laboral que eleva o tope máxima de xornada semanal ata as 60 horas (65 no caso das actividades con gardas, como os hospitais). Esta directiva ten que ser debatida no Parlamento Europeo antes de fin de ano.

Nin que dicir ten que, de ser aprobada, a directiva suporía un enorme retroceso nas condicións laborais dos traballadores, un auténtico retroceso histórico dun século, posto que a xornada laboral máxima de 48 horas foi fixada pola OIT en 1919.

O vindeiro 7 de outubro está convocada, pola Confederación Sindical Internacional, unha Xornada Mundial polo Traballo Decente, que no caso dos países da Unión Europea adquirirá un contido de rexeitamento á directiva das 60 horas. CCOO e UGT teñen convocadas diversas mobilizacións. No caso concreto de Galicia, haberá unha manifestación en Vigo.

Dada a gravedade do ataque, a celebración dunha soa manifestación en toda Galicia parece insuficiente, polo cal decidimos impulsar unha mobilización unitaria en Ferrol, convocando unha reunión aberta de tódalas entidades interesadas en participar na preparación de dita mobilización. Previamente a esa reunión, entrevistámonos cos secretarios xerais comarcais dos tres sindicatos (CCOO, UGT e CIG) para darlles a coñecer a nosa proposta e deixar claro que era un complemento á manifestación de Vigo. Aínda que atopamos unha moi boa actitude en todos eles e aínda que todos admiten que unha manifestación en Vigo un martes ás 8 da tarde non é unha opción para que os traballadores de Ferrolterra se mobilicen, motivos diversos impediron unha convocatoria unitaria na nosa comarca.

Nestas circunstancias, e pensando que nunha comarca coas tradicións de loita obreira de Ferrolterra é case obrigado que haxa unha mobilización contra as 60 horas o 7 de outubro, decidimos ir para adiante coa convocatoria dunha concentración para ese día. Será ás 8 da tarde diante do edificio da Xunta da Praza de España.

Nos últimos anos, e a pesar do “milagro económico” español, a situación dos traballadores ven deteriorándose. Agora, a recesión económica fará que os ataques contra os dereitos laborais aumenten aínda máis. Temos que impedir que nos fagan pagar a crise. Por iso é moi importante que o día 7 acudas á concentración e que difundas a convocatoria no teu entorno (empresa, barrio...). Na sede e no concello haberá carteis da convocatoria á túa disposición. Non podemos permanecer parados, ¡hai que moverse!

CONCENTRACIÓN CONTRA AS 60 HORAS

LUGAR: PRAZA DE ESPAÑA (EDIF. XUNTA)

DÍA: MARTES 7 DE OUTUBRO

HORA: 8 DA TARDE
____________________

Mobilizacións da CIG no 7 de Outubro, na acción mundial polo traballo decente

Convocadas asembleas e concentracións en todas as cidades, o 7 de outubro

A CIG di NON á Directiva das 65 horas

A CIG vén de convocar concentracións simultáneas en todas as comarcas de Galiza para o día 7 de outubro, para denunciar a grave perda de dereitos que suporá para a clase traballadora a ratificación, por parte do Parlamento Europeo, das modificacións introducidas na Directiva de Tempo de Traballo. Unhas modificacións que contemplan, entre outros aspectos, a xeneralización da posibilidade de ampliar a duración máxima da xornada laboral até as 65 horas semanais ou a relaxación na obriga empresarial de compensar con descansos o traballo realizado a maiores.

O pasado 11 de xuño, o Consello de Emprego, formado polos Ministros de Traballo de cada un dos Estados que integran a UE, aprobou por maioría a chamada DIRECTIVA DE TEMPO DE TRABALLO que pretende:

1. Poder traballar, como máximo, unha xornada semanal de até 65 horas, con carácter flexíbel, que se regularizará por exceso ou defecto cada tres meses; sen fixar o tempo de descanso entre xornadas laborais, nin límite de horas de traballo ao ano. O que se traballe de máis nunhas semanas, traballarase, supostamente, de menos nas outras.
2. A Directiva estabelece para determinados sectores de servizos, como pode ser a Sanidade, Vixilancia e Seguridade, Condutores de Transporte Público ou Privado... etc, que o período inactivo de traballo que non se preste unha atención continuada non se considere tempo de traballo, por exemplo, durante unha garda médica o tempo que non hai pacientes, ou nos tempos de espera entre servizos para os condutores de autobús.
3. Estabelécese a posibilidade de que na sinatura do contrato o traballador ou traballadora pode “voluntariamente” de xeito individual e con independencia do regulado en Convenio, aceptar a xornada de 65 horas. Eles saben perfectamente que a chantaxe dos empresarios será condicionar a sinatura do contrato a que se acepte a ampliación da xornada.

No Estado Español, a xornada máxima de 40 horas semanais está acordada desde o ano 1979, pero a involución do capitalismo máis salvaxe que domina Europa quere facernos retroceder 200 anos. Queren facernos traballar máis horas e máis barato, evitarán as horas extra e os pluses para os que traballan en fin de semana ou festivos.

Esta Directiva será debatida para a súa aprobación nos próximos meses no Parlamento Europeo, onde a dereita neoliberal ten maioría, polo que parece probábel a súa aprobación antes do mes de decembro. Unha vez aprobada, cada Estado debe adaptar esta norma á súa propia lexislación nun determinado prazo.

Como podemos ver, a Europa que se constrúe non protexe o mundo do traballo nin á clase traballadora. Esta é unha Europa neoliberal que non ten reparos en gastar miles de millóns de euros de diñeiro público de todos os Estados a través do Banco central Europeo, para pagar nesta crise, o despilfarro, a especulación financeira dos bancos e das inmensas fortunas, que agora socializan as perdas pero antes non socializaron as inmensas ganancias. Co noso diñeiro pagan as consecuencias da súa avaricia e logo nos dirán que temos que reducir as pensións, as prestacións por desemprego, a sanidade...

Mobilízate coa CIG o día 7 de outubro

CONCENTRACIÓNS

A Mariña: Ás 11:00 horas no concello de Cervo.

A Coruña: Ás 12:00 horas, diante da Subdelegación do Goberno

Ferrol: Ás 12:00 horas diante do edificio da Xunta de Galiza na Praza de España.

Lugo: Ás 12:30 horas diante da Subdelegación do Goberno.

Ourense: Ás 11:30 diante do edificio sindical

Pontevedra: Ás 12:30 horas diante da Subdelegación do Goberno.

Santiago: Ás 12:30 h na Praza de Galiza.

Vigo: Ás 12:00 horas, saída de diante do pavillón do Berbés.

______________