Amosando publicacións coa etiqueta Xosé Luís Méndez Ferrín. Amosar todas as publicacións
Amosando publicacións coa etiqueta Xosé Luís Méndez Ferrín. Amosar todas as publicacións

luns, febreiro 16, 2015

Aos 15 anos da morte de Suso Vaamonde - Como hei vivir mañá sen a luz túa? - Volvín à terra pro perdín o amor - Vídeo


Unha lembranza para quen cantou sendo parte do Pobo Traballador Galego.


Presentamos un significativo poema de Bernardino Graña, musicado e cantando por Suso Vaamonde [*].

O himno galego soou cando as cinsas foron vertidas no río, e, coma colofón final, os presentes entoaron o "Volvín á terra pro perdín o amor", de Bernardino Graña, que tan popular fixera en vida Suso Vaamonde. Cabe salientar unhas palabras de Xosé Luís Méndez Ferrín neste acto de despedida: "Suso terá sempre coa súa palabra de esperanza o sentimento de home ceibe". No lugar onde as súas cinsas foron esparexidas érguese hoxe unha placa conmemorativa, ó igual que nalgunha que outra rúa de vilas coma Chapela (Redondela). | Da súa biográfica: Acceder.

Como hei vivir mañá sen a luz túa? -  Volvín à terra pro perdín o amor - Poema de, de Bernardino Graña Música e voz de Suso Vaamonde.


http://youtu.be/9nSTF_xtF44


Como hei vivir mañá sen a luz túa?

Case morto vivín sen coñecerte
aló na chaira seca por absurdas rúas
onde ninguén me soupo dar mornura.
Foi soedade desconforme adentro
e a semente a caír en terra dura.

¿Como hei vivir mañá sen a luz túa?

Erguinme e vinte ó regresar á terra
como se fora todo aquelo un soño
pesado e ti xa foras sempre miña.
Foi outra vez materno en aloumiño
o bico teu na lingua.
E foi de novo corazón adentro
comprender a existencia e a dozura.

Como hei vivir mañá sen a luz túa?

Pero hoxe mesmo o día abriu en medo
entrou na fiestra un sol extraño inmenso
e deixáchesme o leito en mantas frías.
Está a volver agora corazón adentro
a soedade o podre a agonía
a me pinchar as cousas en millóns de pugas
cada minuto en séculos de agullas.

Como hei vivir mañá sen a luz túa?

Graña, Bernardino (1980), Se o noso amor e os peixes... (Vigo: Edicións Xerais)

Enlace aos vídeos de Suso Vaamonde: Acceder.

Foto: en Ourense 1992.

[*] Xesús Vaamonde Polo, coñecido como Suso Vaamonde, nado en Rego do Vargo (Ponte Caldelas) o 20 de decembro de 1950 e finado en Vigo o 16 de febreiro de 2000, foi un cantautor galego [Galipedia].
______________