Amosando publicacións coa etiqueta Yolanda Díaz. Amosar todas as publicacións
Amosando publicacións coa etiqueta Yolanda Díaz. Amosar todas as publicacións

mércores, maio 11, 2022

Yolanda Díaz e a nova aposta polo espazo do descafeinado, ... Por André Abeledo Fernández


Por André Abeledo Fernández [*]
11.05.2022


A aposta de Pedro Sánchez, do PSOE, da patronal, dos medios de comunicación, e das elites sindicais vendidas de CCOO e UXT por Yolanda Díaz ten unha razón.

Yolanda é a liquidadora do que puidera quedar de esquerda organizada no Estado español, é a encargada de artellar outro novo espazo que acabe de diluír a esquerda na nada da inconsistencia.

A dereita mediática amósase preocupada polo dano que lle esta facendo a esquerda o non pechar filas detrás de Yolanda Díaz. O PSOE esta preocupado porque o "período de escoita", que non de negociación ou confrontación de ideas, proxectos, programas, etc, non chegue a bo porto.

A dereita mediática, a patronal, as cúpulas sindicais vendidas, todos con Yolanda Díaz e o seu pragmatismo.

Porque en tempos de crise as oligarquías prefiren unha esquerda descafeinada, aínda que iso poida reforzar as filas da ultradereita e do fascismo.

Frases baleiras que deixan claro que o proxecto esta tamén baleiro:

"Período de escoita".
"O nome é o de menos (e a ideoloxía tamén)".
"Ampliar o espazo (cando o universo xa é infinito)".
"Fuxir do personalismo (para unirse a un proxecto persoal e personalista)".

Estamos como queremos.

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de persoal da CIG no comité de empresa de Mercadona na Provincia d'A Coruña. | Facebook e Twitter.



Enviado por:
André Abeledo Fernández
-andre1474@gmail.com-
10 de maio de 2022 16:53

_______

domingo, maio 12, 2019

André Abeledo reúnirase, este luns 13 de maio, co parlamentario de En Marea Antón Sánchez, para falar sobre vivenda social en Narón no Local de Campaña de Narón Por Diante na Praza d'A Gándara - A deputada de Unidas Podemos Yolanda Díaz e o Alcalde de Ferrol Jorge Suárez, na inauguración do Local de Campaña


André Abeledo reúnese con Antón Sánchez para falar sobre vivenda social en Narón no Local de Campaña de NARÓN POR DIANTE na Praza de A Gándara
.

Mañá luns día 13 de Maio as 12:30 o candidato a Alcaldía de NARÓN POR DIANTE SON EN COMÚN, André Abeledo, acompañado do seu equipo de traballo reuniranse con Antón Sánchez Vicevoceiro de En Marea no Parlamento Galego e Portavoz Nacional de ANOVA, para falar sobre vivenda social en Narón.

A reunión será no Local de Campaña de NARÓN POR DIANTE (N'A Gándara,Rúa Vigo, número 20).


André Abeledo estivo arroupado pola deputada de UNIDAS PODEMOS Yolanda Díaz na inauguración do Local de Campaña de NARÓN POR DIANTE.  

André Abeledo estivo arroupado pola deputada de UNIDAS PODEMOS Yolanda Díaz, o alcalde de Ferrol Jorge Suarez, membros da candidatura de NARÓN POR DIANTE, e tamén doutras candidaturas, así como de veciñas e veciños de Narón.

Foi Una noite entre compañeir@s. Dende NARÓN POR DIANTE queremos agradecer a asistencia e azos a Ferrol en Común, a Yolanda Díaz, a Son de Ares e a veciñanza que nos arroupou neste acto.

André Abeledo indicou que NARÓN POR DIANTE é un espazo amplo onde a esquerda naronesa pode verse e sentirse representada.

Abeledo clarexou que os máis de 4.000 votantes de UNIDAS PODEMOS nas eleccións xerais poderán repetir o seu voto nas eleccións municipais votando a NARÓN POR DIANTE - SON EN COMÚN.

Tamén todos aqueles votantes do PSOE que queren un goberno de esquerdas no Estado español, poden utilizar o voto útil, votando desta vez a NARÓN POR DIANTE. Un voto realmente útil que vai servir como mensaxe claro ao PSOE, de que si incumpren o seu compromiso coa cidadanía o pagarán política e electoralmente nas Municipais e nas autonómicas.

Abeledo remarcou que NARÓN POR DIANTE é un espazo soberano, un proxecto propio de Narón, ao servizo das naronesas e naroneses.  Pero é moito máis porque formamos parte de SON EN COMÚN e imos ter voz tanto no Estado español, como na Xunta de Galicia, ou na Deputación.

Por iso NARÓN POR DIANTE - SON EN COMÚN é a garantía de que en Narón imos ter un goberno de cambio e progreso capaz de facer que Narón avance.

Somos unha organización que vai ABRINDO AS PORTAS a un futuro mellor para Narón.

👉Estamos na Rúa Vigo, número 20 , diante da Praza da Gándara, esta é a vosa casa, tedes as portas abertas.

#AbrindoAsPortasAoFuturo #AbrindoAsPortasAIlusion

https://www.facebook.com/naronpordiante/

https://twitter.com/naronpordiante




Enviado por:
Naron Esquerda Unida
-eu-naron@esquerdaunida.org-
12 de maio de 2019 15:53
12 de maio de 2019 16:51

___________

mércores, maio 08, 2019

Narón por Diante inaugura local de campaña coa presencia da recen elixida diputada por Pontevedra, na candidatura de 'En Común Unidas Podemos', Yolanda Díaz



NARÓN POR DIANTE INAUGURA O SEU LOCAL DE CAMPAÑA

Este venres 10 de Maio as 20:30 NARÓN POR DIANTE SON EN COMÚN inaugura o seu local de campaña situado na Praza de A Gándara (Rúa Vigo, 20, Narón).

André Abeledo (Candidato a Alcaldía de NARÓN POR DIANTE), estará acompañado pola deputada Yolanda Díaz e as compañeiras e compañeiros dunha candidatura que pretende dar a sorpresa en Narón o próximo 26 de Maio.

https://www.facebook.com/naronpordiante/

https://twitter.com/naronpordiante




Enviado por:
Naron Esquerda Unida
-eu-naron@esquerdaunida.org-
8 de maio de 2019 09:18

______________

sábado, novembro 18, 2017

En Marea denuncia que non é necesaria unha ampliación da capacidade de almacenamento de gas en Reganosa - A deputada e voceira de En Marea no Congreso,Yolanda Díaz, solicitou información ao Goberno sobre unha posible autorización ao non estar contemplada a obra na planificación do sistema gasista


En Marea denuncia que non é necesaria unha ampliación da capacidade de almacenamento de gas en Reganosa


A deputada e voceira de En Marea no Congreso, Yolanda Díaz, solicitou información ao Goberno sobre unha posible autorización ao non estar contemplada a obra na planificación do sistema gasista.

En Marea vén de rexistrar unha nova batería de iniciativas no Congreso dos Deputados relativas á ampliación da capacidade de almacenamento de Reganosa, para coñecer se o Goberno ten coñecemento da intención da empresa gasista de construír un terceiro tanque nas súas instalacións de Punta Promontorio, en Mugardos.

Así, Yolanda Díaz solicita información sobre os trámites administrativos de solicitude de autorización previos á mencionada obra, e sobre a súa viabilidade, a pesar da escasa produción de Reganosa.

O grupo parlamentario de En Marea tamén presentou unha Proposición non de Lei para solicitar ao Goberno que informe da situación da Planificación do Sistema Gasista para o período 2017-2020 e en particular se está previsto modificar o borrador de Planificación 2012-2020 para incluír un terceiro tanque e ampliar a capacidade de almacenamento na planta de Reganosa en Mugardos e a xustificación técnica e económica para esta modificación.

Nesta iniciativa, En Marea volve solicitar, unha vez máis, a eliminación de Reganosa do sistema de retribucións estatal, e o peche definitivo da planta de Mugardos, xa que a súa localización foi anulada ata en catro ocasións polo Tribunal Supremo, por carecer da correspondente Declaración de Impacto Ambiental, polo risco que supón para as poboacións que están preto.

Yolanda Díaz afirmou que o que é máis grave é que "a pesar destas sentencias, foi o propio Goberno quen eximiu á empresa da obriga de cumprir coa Lei mediante Resolución do Consello de Ministros do 27 de maio de 2016" (10 anos despois de que comezara a operar a planta regasificadora e un mes despois da cuarta sentencia do Tribunal Supremo).

Finalmente, En Marea esixe o garante de que non se desenvolva o proxecto de Bunkering de GNL a buques na Ría de Ferrol polo aumento do risco para a poboación, xa que se incrementaría a circulación de barcos pola canle de acceso á ría interior aumentando deste xeito o risco de encallamento, accidentes que xa se rexistraron noutras ocasións.

Cabe lembrar, tal e como sinala a voceira de En Marea no Congreso, que este canal é longo, estreito e pouco profundo, con condicionantes de vento, calado e visibilidade, e no caso dunha emerxencia nas operacións de descarga, o buque gaseiro non podería saír do interior da ría, non cumprindo coa normativa de navegación que require a inmediata evacuación do barco fora da ría, o que constituiría unha ameaza para a poboación de Ferrolterra se se fondeara, tal como se ten previsto, a 400 metros dos arsenais e da cidade de Ferrol.

Yolanda Díaz insiste, nas iniciativas presentadas, que non é necesario un terceiro tanque en Reganosa, e así o avalan os datos: a produción dos ciclos combinados en Galicia en 2010 foi de 2.142 GWh que fronte aos 44.447 GWh/ano de capacidade nominal da planta, so supón un exiguo 4,8 % da capacidade nominal, fronte ao 80 % comprometido pola empresa gasista.

Ademais, a súa produción física nominal apenas alcanzou o 20% en setembro de 2017. Os niveis de tanques nos anos 2016 e 2017 estiveron en valores por debaixo de 200.000 m3 (salvo en xaneiro de 2016), que se corresponde cos 2/3 da súa capacidade nominal. Ademais, nos rexistros da propia compañía detéctase que, salvo excepcións puntuais, o máis habitual é unha soa descarga ao mes.

Por outra parte, a deputada lembra que nin na planificación vixente do Sistema Gasista, que é a correspondente ao periodo 2008-2016, nin no borrador, de xullo de 2011, de planificación do Sistema Gasista para o periodo 2012-2020 aparece recollida a construción dun terceiro tanque na planta de regasificación de Mugardos, contrariamente ao que afirmou recentemente en varios medios de comunicación o director xeral de Reganosa.

Polo tanto, Yolanda Díaz denuncia, de novo, que o terceiro tanque de Reganosa, ademáis de non ser necesario ao estar xa infrautilizados os dous tanques existentes, non aparece en ningún dos escenario considerados na Planificación do Sistema Gasista. Autorizar un terceiro tanque na planta de regasificación de Mugardos, aumentaría, como consecuencia da retribución polo investimento realizado, o compoñente regulado da tarifa do gas e polo tanto o importe do recibo do gas, ademais de supor un novo freo á implantación das enerxías renovables.

Madrid, 16 de novembro de 2017.

Iniciativas:

Pregunta Escrita relativa á ampliación da capacidade de almacenamento de Reganosa, rexistrada o 14 de novembro de 2017. | 6 páxinas en formato pdf. | Acceder/Baixar.

Proposición Non de Lei para o seu debate na Comisión de Enerxía, ... relativa á ampliación da capacidade de almacenamento de Reganosa, rexistrada o 15 de novembro de 2017. |  6 páxinas en formato pdf. | Acceder/Baixar.

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Info baseada na enviada polo:
Comité Cidadán de Emerxencia
-comitecidadan@gmail.com-
18 de novembro de 2017 09:278

_______________

venres, maio 17, 2013

A Yolanda Díaz pregunta ao Feijoo polas súas perigosas amizades con Marcial Dorado e Manuel Cruz - Vídeo


A vicevoceira de Alternativa Galega de Esquerda, Yolanda Díaz, preguntoulle ao presidente da Xunta, Alberto Núñez Feijoo, polas súas perigosas amizades co narcotraficante Marcial Dorado e tamén con Manuel Cruz "coñecido en Ferrol polos seus negocios co narcotráfico e ser guerrilleiro de Cristo Rey entre outas cousas". Feijoo evita contestar as preguntas de AGE, mais tampouco nega ningunha das denuncias feitas pola vicevoceira de AGE.


http://youtu.be/Hkd-f95fjCk

Fonte: http://alternativagalega.com/
______________

mércores, outubro 24, 2012

Declaracións post electorais de Xosé Manuel Beiras e Yolanda Díaz



Beiras: "AGE ten que ser unha ponte entre a cidadanía activa e o Parlamento"

"Debemos fortalecer esa alianza política que constituímos as catro formacións que conformamos AGE. E despois debemos sumar moitas máis voces a esta Alternativa Galega porque imos necesitar todos os espazos políticos e sociais posibles. Porque os vindeiros meses van ser claves: estamos ás portas dun novo rescate, co que iso supón. Falar do rescate é falar de máis desemprego, de máis recortes e de máis pobreza". Yolanda Díaz sitúa as dúas claves da Alternativa Galega de Esquerda para os vindeiros meses: a solidificación do acordo partidario que tan bos resultados obtivo nas eleccións do domingo e o fortalecemento do tecido social. "Temos que coñecernos. Temos que vencer os prexuízos entre uns e outros", engade.

Yolanda Díaz sitúa as dúas claves da AGE para os vindeiros meses: a solidificación do acordo partidario que tan bos resultados obtivo nas eleccións do domingo e o fortalecemento do tecido social

Xosé Manuel Beiras incide nesta idea: "AGE ten que ser unha ponte entre esa cidadanía activa e a cámara de representantes, entre todo ese tecido asociativo que non se limita a dicir non ao existente, senón que formula alternativas ao existente. Iso debe nutrir a nosa acción no Parlamento". E engade: "Debemos restablecer a posición sobranceira que nun estado democrático lle corresponde á cámara de representantes". Así mesmo anuncia que a acción parlamentaria de AGE vai ser "activa" e non vai xogar á defensiva: "Nós non debemos xogar á contra, simplemente dicíndolle que non á maioría parlamentaria do PP, senón que nós debemos tomar a iniciativa e poñer o goberno á contra. A iniciativa non debe ser do goberno, senón da cidadanía".

"Nós non debemos xogar á contra, simplemente dicíndolle que non á maioría parlamentaria do PP, senón que nós debemos tomar a iniciativa e poñer o goberno á contra"

Beiras afirma que a entrada de Alternativa no Parlamento "debe ser o comezo dunha nova etapa" pois até agora "a cidadanía estaba a organizarse e mobilizarse pero carecía dunha ponte para trasladar iso á cámara de representantes". E pide "que nos utilicen. Depende de nós de que sexamos receptivos ao que esa base quere comunicar e quere facer". O número un de AGE cre que o descenso de PSdeG e BNG se debeu a que a súa acción política durante o primeiro goberno de Feijoo se centrou en facer "simplemente esgrima parlamentaria".

"Que nos utilicen. Depende de nós de que sexamos receptivos ao que esa base quere comunicar e quere facer"

Yolanda Díaz salienta que "debemos organizar a rebelión cívica, temos que loitar polo poder pero dende a rúa. Todos os procesos de cambio na historia naceron así". E engade que "temos que acertar na organización e na xenerosidade, temos que continuar con esta ilusión que fomos quen de xerar". Yolanda Díaz conclúe que "a batalla está fóra do Parlamento e hai que organizala. Temos que tomar as rúas para tomar o poder porque estamos vivindo un proceso revolucionario e é posible mudar o sistema".

E é que AGE quere basear a súa acción parlamentaria e política na actividade e vitalidade dos movementos sociais e plataformas cidadás: "cómpre darlle máis pulo e máis dimensión aos procesos de autoorganización dos movementos sociais e cívicos", di Beiras. "Hai que continuar elaborando alternativas políticas para as problemáticas sobre as que se montan as plataformas cidadás, que son as que mellor coñecen a situación dos seus respectivos ámbitos e polo tanto son as que mellor poden formular estas alternativas", conclúe.


A folga xeral do 14N

"Os sindicatos acertan na perspectiva de traballar nunha folga cidadá que paralice todos os ámbitos da sociedade"

Xosé Manuel Beiras e Yolanda Díaz salientan a importancia da folga xeral de novembro: "Temos que implicarnos na folga. Hai que gañar a folga e gañar o dia seguinte da folga", di a coordinadora nacional de Esquerda Unida, que salienta que "os sindicatos acertan na perspectiva de traballar nunha folga cidadá que paralice todos os ámbitos da sociedade". De igual xeito, Beiras afirma que "a folga debe ser un instrumento de todas as clases traballadoras -asalariadas ou non- e tamén dos autónomos, comerciantes e pequenos empresarios", e que "o movemento obreiro ten que pensar en alianzas de clase. Porque se non, cae naquilo que se chamou a doutrina dos dous mundos de Lasalle, que dicía que só a clase obreira podía ser revolucionaria. Iso levou a botar nos brazos da dereita as chamadas clases subalternas ou ao campesiñado".


A crise do PSOE

"O PSOE ten que escoller de que lado está, ten que decidir se volve ás súas orixes socialdemócratas ou continúa polo camiño actual. E por ese lado o seu devalo vai ser maior"

"O PSOE é un partido do réxime. E este réxime está caduco e todas as súas institucións: dende a igrexa á monarquía están en proceso de demolición", afirma Yolanda Díaz. "Estamos nun proceso constituínte, porque por un lado o proceso da Transición e da desmemoria está completamente roto e finiquitado, e á vez por arriba PP e PSOE estannos metendo noutro modelo, como fixeron coa reforma da Constitución ou co Pacto de Estabilidade Europeo", engade para concluír que "ten que escoller de que lado está, ten que decidir se volve ás súas orixes socialdemócratas ou continúa polo camiño actual. E por ese lado o seu devalo vai ser maior".

Beiras concorda en que "o PSOE abandonou as súas bases socialdemócratas e de representación da esquerda social moderada" e di que "despois do desastre de novembro podería pensarse que ía haber cambios pero non foi así. Está totalmente secuestrado polas forzas do sistema ultraliberal". E aínda que recoñece que "na primeira lexislatura de Zapatero os socialistas tiveron outro discurso" e que "Caamaño ten unha visión republicana e máis reformista" engade que "o PSOE funciona como un dos dous peares deste sistema. Mentres non cambien iso calquera mudanza é imposible". De igual xeito Yolanda Díaz afirma que "vexo criticas internas no PSOE pero non vexo reflexións profundas sobre o que está acontecendo. Se ten claro que non quere seguir sostendo este réxime ten que rachar co Pacto de Estabilidade". E pregúntase: "Onde está a alternativa no PSdeG? Eu non a vexo".

Fonte: praza.com

Praza Pública
coa licenza Creative Commons by-sa
_________________

sábado, marzo 10, 2012

10 de Marzo, ... Por Yolanda Díaz

Por Yolanda Díaz [*]
10.03.2012

Dez de marzo, día da clase obreira galega! Hai 40 anos, Daniel e Amador pagaron coa súa vida a dura aprendizaxe propio da clase traballadora que nos aprende que os dereitos se gañan con esforzo, mobilizacións, loita, coa posta en común solidaria de xestos, actitudes e feitos comprometidos, que son as que recrean un mundo onde hai explotados e explotadores, intereses antagónicos. Cando aceptamos a resignación do mal menor ou nos rendimos aos pregoeiros interesados –e moi ben remunerados do capital– perdemos o froito da fermosa lección política e moral que persoas como Amador e Daniel nos legan todos os días: os dereitos se gañan nas loitas unitarias das persoas que vendemos a nosa forza de traballo en troques dun xornal. Houbo motivos hai corenta anos para arriscar e mobilizarse e os hai hoxe para volver a arriscarnos e pelexar en defensa do que é xusto: que as persoas traballadoras non poidan ser despedidas ao cabo dun ano porque si, porque lle peta a un patrón que aínda por riba cobra unha subvención pagada con cartos públicos; porque non pode ser que se baixen os salarios ou se aumente a xornada de traballo porque lle peta ao patrón; porque non é xusto pór máis atrancos dos que xa temos ás mulleres para exercer o dereito de lactación ou para conciliar a nosa vida laboral e familiar; porque a pobreza ten rostro de muller con crianzas... hai motivos abondo para seguir o exemplo das persoas que exerceron a dignidade da rebeldía hai corenta anos e contaxiaron a moitos máis e cambiaron esta sociedade; nós tamén podemos facelo se loitamos xuntos nos días e mobilizacións por vir.

Yolanda Díaz é portavoz de EU
http://www.esquerdaunida.org/ferrol.html
_________________