sexta-feira, fevereiro 24, 2017

Convocada Concentración en Ferrol polo Saneamento contra a Taxa, por unha Emafesa 100% Pública, Depuración Xá... o vindeiro mércores 1 de marzo, ás 12 do mediodía, na Praza da Ilustración


segunda-feira, fevereiro 20, 2017

Rolda de Prensa: Taxa e Saneamento en Ferrol - Texto e Vídeos da Exposición e Preguntas - Luns 20 de febreiro de 2017


Hoxe 20 de febreiro, tivo lugar unha Rolda de Prensa na casa do Concello de Ferrol, para para explicar a nosa posición diante dos últimos acontecementos e facer chegar a valoración da Plataforma sobre a Taxa e o Saneamento, os argumentos e as inconsistencias do Informe de Emafesa, base para o cáculo da Taxa. Despois da rolda de Prensa, o Alcalde chamou á Plataforma para manter unha xuntanza que despois dun breve contacto de minutos quedou nunha xuntanza a celebrar esta tarde na Casa do Concello, ás 19:30hs. Da cal informaremos.


COMUNICADO DE PRENSA
PLATAFORMA NA DEFENSA DOS SERVIZOS PÚBLICOS POLA REMUNICIPALIZACIÓN
A DEPURACIÓN NON É CUESTIÓN DE TAXAS

Tras a lectura do noso comunicado no pleno do pasado luns 13 de febreiro, sobre a situación actual do saneamento da marxe dereita da ría e despois de ter asistido ao debate e posterior votación, onde a nova taxa de depuración non foi aprobada, queremos informar á cidadanía de Ferrol dos contidos, reflexións e accións desta Plataforma en relación á taxa e ao saneamento:

Esta Plataforma está de xeito continuado esixindo que canto antes comence a funcionar o sistema de saneamento e depuración das aguas residuais das poboacións da marxe norte da ría de Ferrol. O sistema de saneamento debe e pode comezar a funcionar independentemente do valor da taxa. O próximo pleno anunciado para o mércores 22, pode que se reproduza a situación do pasado luns 13, cun apoio condicionado de Ciudadanos. Mais pode que o Partido Popular se absteña (un xeito de ocultar unha parte da súa grande responsabilidade na falta de depuración e o engano á veciñanza) por iso, a Plataforma queríamos ter, antes do próximo pleno, unha reunión co goberno municipal e grupos políticos que noutro momento compartillaban con nós, unha oposición a esta Taxa e á imposición deste Saneamento, para expoñer cal é a nosa valoración alternativa ao Informe presentado por Emafesa con data de novembro de 2016, sobre as inconsistencias en materia de tarifa eléctrica, consumo eléctrico, caudais... así como se nos responda ás oito preguntas realizadas ao Alcalde, o pasado venres 17 deste mes de febreiro.

Esta Plataforma ten denunciado publicamente a irregular adxudicación a Emafesa do contrato temporal para pór en marcha a depuradora EDAR de cabo Prioriño, pois entendemos que é Augas de Galicia a responsábel da posta a punto tal como manifestou o presidente da entidade D. Francisco Menéndez Iglesias, en xullo de 2011. Tampouco estamos de acordo que sexa Emafesa a encargada de solucionar os problemas deste período de probas e facer as reparacións que correspondan e menos pasar os custes relacionados con estes traballos aos Concellos e usuarios. Queremos recordar á poboación que o socio maioritario de Emafesa é o Concello de Ferrol aínda que sorprendentemente se lle teña concedido por estatutos á parte privada, SOCAMEX, autonomía total de xestión.

O 13 de xaneiro deste ano, reúnen-se en Compostela Augas de Galicia e os alcaldes de Ferrol e Narón. Mentres o alcalde de Narón asume pagar un canon á Augas de Galicia polo uso da depuradora, o alcalde de Ferrol, asume uns compromisos aínda non aclarados publicamente, que pasan porque o noso concello asuma a reparación, posta a punto e asuma o funcionamento da depuradora, sen esixir a Augas de Galicia ningunha responsabilidade, pois é esa entidade a responsábel de que o EDAR recepcionara-se nas condicións que se fixo despois de que a empresa Espina y Delfín S.L., que aparece nos papeis de Bárcenas como empresa pagadora do Partido Popular, realizase a posta a punto no ano 2014, ano no que Rey Varela en plena precampaña electoral, anunciou que a depuradora xa depuraba, para cobrar a Taxa, sen importar-lle engañar á cidadanía sen ruborizar-se. O alcalde asegura ademais, que se non se aproba a Taxa, a depuradora non pode funcionar. A chantaxe é clara. Non só non se lle esixe a Augas de Galicia que poña a funcionar a depuradora xa, xenon que se pretende culpar de que non se depure, a quen pretendemos aplicar os principios de transparencia, democracia, participación, substentabilidade e austeridade no sistema de saneamento da Ría. Se a depuradora non está depurando é só responsabilidade de Augas de Galicia e a Corporación municipal en pleno, debera esixir-llo.

Desde hai máis de dous anos esta plataforma está denunciando publicamente que o sistema de saneamento imposto para a Ría de Ferrol é obsoleto, trapalleiro, ineficiente e moi custoso para a veciñanza. Tamén temos denunciado o abuso que supuxo ter cobrado unha taxa sen que o sistema de saneamento e a súa depuradora estivesen funcionando. Aínda estamos requirindo a devolución dese pago irregular por parte da empresa mixta Emafesa, e exiximos que sexa esta empresa a que proceda a devolver un diñeiro indebidamente cobrado, e non a cargo dos orzamentos municipais .

Temos informado, no pleno do pasado día 13, ao goberno municipal e grupos políticos, a nosa desconformidade ao custe da taxa que agora se propón para o saneamento, e a que dita taxa sexa similar á anterior proposta polo goberno do PP. Unha taxa cuxo cálculo foi cuestionado polos grupos municipais da oposición de aquel momento incluído o grupo que agora está gobernando. Esta Plataforma non dubidará en tomar as accións que correspondan si o pleno de Ferrol aproba unha taxa a todas luces ficticia, exaxerada e feita por e para os intereses de Emafesa.

En consecuencia co anterior e para precisar coa maior exactitude cal é en realidade o custe deste sistema, temos requirido por escrito, o pasado venres ao Sr Alcalde, que nos informe sobre os datos utilizados no estudio dos custes como: caudais de augas residuais a tratar na EDAR, tanto para tempo seco como chuvioso, tarifas eléctricas fixas e variables utilizadas, cómputo de enerxía presuntamente necesaria para o conxunto do sistema e as razóns polas que os estudos realizados até o momento (Fundación Polígono do Pozo, Emafesa, Audigal, Cosma, etc. ) son tan diferentes e inconsistentes.

Ao noso entender tomáronse caudais irracionais (case o dobre en tempo seco e probablemente tamén en tempo chuvioso), tarifas eléctricas exaxeradas, enerxía consumida moi elevada (obviamente pola súa relación directa cos caudais), unha imputación ao Concello de Ferrol dunha porcentaxe de participación nos custes do sistema dun 70%, cando a relación de consumo de auga potábel de Ferrol e Narón é do 60%, e por último a inclusión dunha nova partida de custes para o mantemento dos interceptores cando nos anteriores estudos da taxa no existía este concepto. É de supor que as demais partidas relacionadas cos caudais, como reactivos, lamas, etc. tamén estean aumentadas consecuentemente.

Non chegamos a comprender a falta da intervención, como organismo fiscalizador e de control, nos asuntos nos que se compromete o Concello de Ferrol (Acordos, Informes, Encomendas, Convenios...) que hipotecan as arcas municipais e deixan en quebra técnica a Emafesa, empresa de xestión privada, mais onde o Concello ten o 51% do capital Social, asunto que merece unha explicación.

Por último reiteramos unha vez máis ao Alcalde a realización dunha Audiencia Pública, onde explique a situación real do que está pasando e recupere as posicións programáticas coas que accedeu ao goberno buscando o acordo coas forzas que apostan polo rescate da xestión agora privatizada, pois a auga non debe ser un negocio, é un ben escaso, esencial e común, e o abastecemento e saneamento un dereito.

Esta plataforma reitera unha vez máis que o goberno municipal dado que non ten un verdadeiro control sobre a xestión de Emafesa, responsábel de episodios indesexábeis como foi a crise dos trihalometanos; pasar ao cobro unha taxa por saneamento sen estar operativa a EDAR nin a maioría do sistema, falta de participación na elaboración da taxa que agora se nos quere impoñer e opacidade na situación contábel  dos servizos prestados por Emafesa, debe reconducir esta situación, non inxectando cartos dos orzamentos municipais para “sanear” Emafesa, tapando a xestión opaca da parte privada SOCAMEX, senón remunicipalizando o servizo de auga e saneamento: o seu Ciclo integral.

En Ferrol, a 20 de febreiro, de 2017

Exposición

https://youtu.be/cRcvyCTUhgI

Preguntas e Respostas

https://youtu.be/rSntuK4KOuI


PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN

Abonda de saqueo! Hai outras alternativas! Si se pode!
Pódese, débese e precísase!

Alexandre Carrodeguas. | Fernando Ramos Armesto. | Pablo Portero. | Bernardo Rego Gárate. | Lupe Ces. | remunicipalizacion.plataforma@gmail.com  |
https://plataformaferrol.blogspot.com.es/

---

Proxección do documental '23' e posterior coloquio sobre as listas negras elaboradas pola ultradereita tralo 23F e publicadas en La Voz de Galicia no ano 1991 - Xoves, 23 de febreiro de 2017, ás 19 horas no Ateneo Ferrolán




O Ateneo Ferrolán proxectará  o documental "23" 
o vindeiro xoves 23 de febreiro ás 19 h.

Este documental non chegou nunca a emitirse nin proxectarse en ningures. 

"No documental "23" queremos contar as vivencias e experiencias da tardiña do 23 de febreiro de 1981 cun grupo de vinte e tres homes e mulleres que aparecían nas listas negras elaboradas pola  ultradereita. Aquela noite os concellos das cidades galegas estiveron abertos, ocupados por concelleiros de esquerdas e do nacionalismo galego. Probablemente nunca saberemos quen elaborou as famosas listas negras, que saíron publicadas por primeira vez en febreiro de 1991 en La Voz de Galicia."

Posteriormente realizarase un coloquio sobre o temaO coloquio contará coa participación da directora do documental, Helena Villares, e con dous dos protagonistas, Rafael Pillado Lista e Bernardo Máiz Vázquez.

O documental, producido por Nemedón Producións Audiovisuais, gravouse no ano 2010. A idea orixinal e o guión correron a cargo de Pilar Faxil e Helena Villares. 


Participaron no documental Mariano Abalo Costa, Pilar Allegue Aguete, Pedro Arias,  Miguel Cancio, Francisco Carballo, Marisa Domínguez, Alfredo Fernández, Manuela Fraguela Seoane, Xosé Manuel García Crego, Pilar García Negro, Chefa Hermo Ínsua, Ramón Lorenzo, Bernardo Máiz Vázquez, Xosé Luis Méndez Ferrín, Xosé Muruzábal Arlegui, Rafael Pillado Lista, María Xosé Queizán, Manuel Rivas Barros, Xosé María Rivera Arnoso, Francisco Rodríguez Sánchez, Elvira Souto Presedo, Miguel Vázquez Calvo e Francisco Villanueva.

A proxección e posterior coloquio decorrerán o xoves 23 de febreiro de 2017 ás 19 horas no Salón de Actos do Ateneo Ferrolán.

O evento no facebook do Ateneo Ferrolán: https://www.facebook.com/events/1855663611389427/




domingo, fevereiro 19, 2017

Asemblea Xeral da asociación Betula para a custodia do bosque atlántico - Domingo 19 de febreiro de 2017, ás 10:30hs, no local da Tenencia, en Redes


A asociación Betula para a custodia do bosque atlántico, dentro da estratéxica xeral da de defensa do territorio prende contribuír á mellorar o medio ambiente.
"Vemos acotío agresións medioambientais que ao alteraren os equilibrios van minguando a biodiversidade e levan, porén, a unha nova extinción planetaria ante a que non queremos nin debemos permanecer impasibles. Como colectivo organizado non podemos caer no pesimismo  e concluír que é imposible reverter a situación. Pola contra, as propostas que sexamos quen de levar adiante en conxunto son chanzos que frearán e mellorarán unha degradación que prevemos reversible. De aí que sexa imprescindible a túa participación activa na asociación, así como o activismo na difusión dos nosos obxectivos e en acadar cada día un maior número de socios e socias  comprometidos con esta tarefa".
Asociación para a Custodia do Bosque Atlántico, Betula, acordou convocar a Asemblea Xeral a celebrar hoxe domingo, 19 de febreiro de 2017, ás 10:30hs, no local da Tenencia, en Redes (Ares), onde se tratarán os seguintes puntos:
  1. Presentación das memorias de actividades e económica correspondentes ao exercicio 2016.
  2. Proxecto de actividades 2017.
  3. Informe sobre a xestión das contas bancarias.
  4. Actualización de socios segundo o establecido nos estatutos: altas e baixas.
  5. Funcionamento e competencias da Xunta Directiva.
  6. Novas propostas de colaboración con entidades, particulares e empresas acordes co articulado dos estatutos.
  7. Pedimentos e preguntas.
Correo-e: custodia.betula@gmail.com

Páxina no Facebook:
https://www.facebook.com/betulacustodia/

Conta Twitter:
https://twitter.com/BetulaCustodia

#Betula

Enderezo Betula:
O Campanario, 13
15627 Limodre – Fene
A Coruña
____________

sexta-feira, fevereiro 17, 2017

Entrega de Escrito á atención do Alcalde e convocatoria de Rolda de Prensa para o luns 20 de febreiro, ás 12 do mediodía na Casa do Concello de Ferrol



Este venres 17 de febreiro, Fernando Ramos, no nome da Plataforma na Defensa dos Servizos Públicos, pola Remunicipalización, entregou o escrito que transcribimos, onde lle facemos oito preguntas en relación ao Informe de Emafesa de Novembro de 2016 que é a base do cálculo da Taxa que pretende aprobar por segunda vez o Goberno Municipal de Jorge Suárez, o vindeiro mércores 22 de febreiro, nun novo Pleno Extraordinario, convocado para as 9:30hs. Ademais de reiterar, no escrito, a demanda veciñal de explicación mediante Audiencia Pública; que deixe de condicionar a aprobación da taxa á depuración e saneamento, por ser falso, pode-se depurar xa e agora, unha vez poñan a funcionar os interceptores e tanques de tormenta que nunca debeu privatizar a súa xestión; e por último que a participación cidadá deixe de ser meras palabras e canto de serea, para ser unha realidade, comezando por elaborar as ordenanzas de xeito participado coa veciñanza.

Rolda de Prensa

Temos convocado para o vindeiro luns 20 de febreiro, ás 12 do mediodía, na Casa do Concello, para explicar a posición e entregar o Estudo da Plataforma sobre o cálculo da Taxa (Argumentos e incosistencias).

Escrito ao Alcalde - Oito Preguntas e varias consideracións

A ATENCIÓN DO SR. ALCALDE PRESIDENTE DO CONCELLO DE FERROL


Fernando Ramos Armesto, con DNI Nº XXXXXXXXX, no nome da Plataforma na Defensa dos Servizos Públicos, pola Remunicipalización con enderezo a efectos de notificación, en Ferrol (15406), na Rúa Armada Española, nº32 Baixo, e teléfono 622932443, e ao amparo do disposto no Regulamento de Participación Cidadá en vigor (Artigos do 4º ao 13º), presentamos o presente escrito de INFORMACIÓN e PETICIÓN

A Plataforma na Defensa dos Servizos Públicos, pola Remunicipalización, que xa nos temos dirixido a Vostede en anteriores ocasións, así como mantido dúas xuntanzas, diriximos-nos a Vostede, non sen antes lembrar-lle a nosa vontade, misión e obxecto de existencia.

Consideramos-nos representantes dun xeito de sentir dunha parte da cidadanía desta comarca, que reivindica a recuperación para a xestión pública aqueles servizos básicos, privatizados. Esa vontade ficou reflectida, nas miles de sinaturas presentadas o ano 2015 no rexistro do Concello; no apoio maioritario da cidadanía ao optar nas eleccións locais de maio do mesmo ano, polas alternativas políticas que levaban no seu programa este rescate para o público e municipalización, e mesmo na enquisa de Sondaxe, publicada en xullo, tamén do mesmo ano, onde aseguraba que o 67% da veciñanza deste concello apoiaba a remunicipalización dos servizos públicos.
 
Esta Plataforma considerase herdeira do movemento popular que encheu as rúas no ano 2015, ao sentirse indignada e estafada polo cobro por parte deste Concello dunha taxa ilegal, por unha depuración que non se realizaba, sen o preceptivo padrón municipal, dunha xestión da auga ao servizo dos intereses privados, e contra un sistema de saneamento imposto desde a irracionalidade e a  non sustentabilidade.

Exposición.-

Tal como Vostede ben sabe, levamos máis de dous anos rexeitando a taxa para o servizo de saneamento e depuración que Emafesa quere impoñer debido ao seu custo excesivo e mal fundamentado. Nestes momentos o goberno municipal pretende obter a aprobación dos grupos municipais dunha taxa nova similar á anterior, baseada nos mesmos argumentos e inconsistencias, e que rexeitamos de novo pola opacidade no proceso de aprobación, por seguir entendendo que os custos son inaprazábeis, e por non ter a oportunidade de demostrar que algunhas partidas incluídas no último estudo de Emafesa, de data novembro de 2016, son de novo abusivas, incoherentes e non razoábeis.

Desexamos que o sistema de saneamento empece a funcionar o máis axiña posíbel, é máis consideramos que xa podería estar funcionando desde o día seguinte en que remataron as obras de reparación o pasado ano 2016, pois non hai nengún fundamento xurídico que impida a posta en funcionamento da depuradora, nin é nin pode ser un condicionante a existencia dunha taxa, simultánea á depuración e saneamento das augas residuais. Vostedes e o PP, pretenden facer disto un axioma, mais ben saben que é un axioma falso e interesado. Mais tamén desexamos ter a oportunidade de que se nos aclaren os conceptos que se incluíron no Informe de Emafesa de novembro de 2016 e porque se obteñen uns valores exaxeradamente tan elevados.

Volvemos a reiterar a petición de que retire a proposta de Taxa e convoque unha Audiencia Pública, ou no seu defecto un acto como ten realizado ao respecto do Plan de Peonalización da Madalena, como así lle pediamos e pedimos insistentemente, e Vostede mesmo solicitaba ao anterior Alcalde, para que se lle explique á veciñanza con detalle, a elaboración da proposta de Taxa e da ordenanza fiscal de referencia. E que teña en conta as propostas e consideración que xurdan.

Preguntas.-

En concreto solicitamos que nos responda ás seguintes cuestións:

A) Si a auga servida a Ferrol e Narón polo sistema de abastecemento non chega aos 7.000.000 m3/ano, Por que o caudal avaliado por Emafesa no seu Informe é de 11.464.434 m3/ano?

B) Que valores de precipitacións anuais e superficie impermeábel estimaron-se para o cálculo do caudal de auga a depurar en tempo de chuvia?

C) Si a relación de auga servida a Ferrol e Narón é de 58 - 42 % Por que se asigna a Ferrol e Narón unha relación de 70 - 30 %?

D) Si o maior valor de enerxía eléctrica consumida procede dos sistemas de bombeo. Que caudais manexáronse para obter un valor da enerxía eléctrica consumida igual a 14.402.500 kW.h?

E) Está incluída na enerxía consumida da anterior pregunta a correspondente ás bombas e servizos dos Tanques de Tormentas?

F) Cal é o valor da tarifa unitaria da parte fixa (factor de potencia) do custo eléctrico en Euros/kW.ano?

G) Cal é o valor da tarifa unitaria da parte variábel do custo eléctrico en Euros/kW.h?

H) Por que se incluíu no estudo de novembro de 2.016 unha nova partida para o mantemento dos interceptores e Tanques de Tormenta?

Polo que,

Solicitamos,

Que teña a ben, recibir este escrito e responder ás preguntas formuladas, non sen antes comunicar-lle que debería cumprir o seu compromiso de facer unha política participada, onde a veciñanza e o movemento social da cidade, teñan a oportunidade de recibir a información veraz e adecuada, e de opinar e propoñer, na xestión, nas ideas, no deseño de cidade, na política e medidas administrativas que afecten ao conxunto de veciñas e veciños.

Sen outras consideración e preguntas que facer,  despedimos-nos atentamente, en Ferrol a 16 de febreiro de 2017.



PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas! Si se pode!
Pódese, débese e precísase!

remunicipalizacion.plataforma@gmail.com

https://plataformaferrol.blogspot.com.es/
______________

segunda-feira, fevereiro 13, 2017

Intervención da Plataforma no Pleno Extraordinario de 13 de Febreiro de 2017, para a aprobación provisional da imposición e ordenación dunha taxa polo servizo de depuración de augas residuais - Vídeo e Texto


Intervención da Plataforma no Pleno Extraordinario no Concello de Ferrol, sobre a Taxa de Depuración.

O lunns 13 de febreiro de 2017, tiña lugar a sesión extraordinaria do Pleno do Concello de Ferrol, ás 9:30hs, para tratar o asunto da Taxa de depuración, coa derogación da antiga ordenanza fiscal e o intento de aprobación da dunha nova.

A Plataforma tiña solicitado intervir neste Pleno extraordinario para fixar a nosa posición ao respecto da Taxa e as circunstancias que a rodean. Intervención que correu a cargo do noso compañeiro Fernando Ramos.


Texto da intervención da Plataforma: Acceder/Baixar.

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN Abonda de saqueo! Hai outras alternativas! Si se pode!
Pódese, débese e precísase!

remunicipalizacion.plataforma@gmail.com

https://plataformaferrol.blogspot.com.es/
_____________________

Este luns 13 de febreiro, terá lugar o Pleno Extraordinario no Concello de Ferrol, para a aprobación provisional da imposición e ordenación dunha taxa polo servizo de depuración de augas residuais - A Plataforma ten solicitado intervir no Pleno a través de Fernando Ramos.

Ferrol, mobilización contra a Taxa, en febreiro de 2015

A Plataforma ten solicitado intervir neste Pleno extraordinario para fixar a nosa posición ao respecto da Taxa e as circunstancias que a rodean. está previsto que fale nonome da Plataforma o compañeiro Fernando Ramos.

Texto de intervención da plataforma | Acceder/Baixar.

Pleno Extraordinario no Concello de Ferrol.

De orde do Sr. Alcalde, achégolle a orde do día da sesión extraordinaria que elebrará o Excmo. Concello Pleno, no Pazo Municipal de Ferrol, o día 13 de febreiro de 2017, ás 9:30 horas, en primeira convocatoria, xustificándose esta na necesidade de tratar os asuntos que figuran na orde do día.

ORDE DO DÍA

1.- Proposta de aprobación provisional da derogación da ordenanza fiscal reguladora da taxa pola depuración de augas residuais publicada no BOP o 03/09/2014.

2.- Proposta de aprobación provisional da imposición e ordenación dunha taxa polo servizo de depuración de augas residuais.

Ferrol, 8 de febreiro de

https://www.ferrol.es/arquivos/documentos/comisions/pleno_13-02-2017_od.pdf



PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas! Si se pode!
Pódese, débese e precísase!

remunicipalizacion.plataforma@gmail.com

https://plataformaferrol.blogspot.com.es/---

sábado, fevereiro 11, 2017

Así foi o Acto de Homenaxe a Carmelo e Vitoria, este 11 de febreiro de 2017, en Caranza - Vídeo


Unha vez máis o Comité Cidadán de Emerxencia para a Ría de Ferrol, lembrou o Aniversario do falecemento de Carmelo Teixeiro Menéndez,(05.02.2008) primeiro Coordinador do Comité e o da súa compañeira Vitoria Fernández Paredes (08.11. 2013).

A Homenaxe desenvolveuse ás 12 do mediodía en Ferrol, no parque de Caranza que leva o seu nome: Parque Carmelo Teixeiro. E que o Concello ten pensado colocar un monumento de lembranza dentro duns meses. Interviñeron o Coordinador do Comité Manuel Angel Rodríguez Carballeira (Lalán) e Lupe Ces, logo interpretou dúas pezas ao violín, Estrela Gómez Viñas, rematando o acto Fernando Ocampo que leu un poema de José Torregrosa.

Foi un acto na súa lembranza, e na doutras persoas, xa falecidas, ligadas á loita contra o despropósito gasista de Reganosa, persoas como José Gabeiras, Tino Deibe, Santiago Torrente, Luís Matalobos, Ramón Capotillo, Joaquín Cupeiro, Xaime Quessada... que están presentes todos os anos na nosa memoria, lémbramo-los con agarimo, xunto coa afirmación de continuar esta loita imprescindíbel, en defensa da legalidade, da Ría e da vida, contra a localización da perigosa, antieconómica e innecesaria Planta de Gas de Reganosa. O Acto consistiu, como xa é costume, nunha ofrenda floral e intervencións poético musicais.

Agradecemos así a Victoria e Carmelo, e por extensión ao resto dos compañeiros, o seu exemplo de solidariedade e entrega a todas as causas sociais, a súa militancia sindical, política e social de toda unha vida e sobre todo a loita mantida nos últimos anos en defensa da Ría e da vida, contra a ameaza permanente da Planta de Gas de Reganosa.


https://youtu.be/Xquz4Y6chpk


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc



______________

As sen partido de 'En Marea', chaman a aguparse na 'Marea Aberta' que ten como obxectivos a participación real e a cooperación entre as mareas municipalistas


Militantes sociais e activistas de 15 mareas municipalistas promoven o chamamento Construír unha
Marea Aberta.

Unha trintena de militantes sociais e activistas de mareas municipalistas  de  A Coruña, Ames,  Ferrol, Compostela, Fene, Ares, Oleiros, Lugo, Ribadeo, Monforte, Xinzo de Limia, Cangas, A Estrada, Pontevedra, Marín e  Vigo promoven o chamamento da iniciativa Construír una Marea Aberta cos obxectivos de demandar a participación real en En Marea e promover a cooperación entre as mareas municipalistas.

Para este grupo de activistas, entre os que se encontran destacados militantes sociais e cargos municipais “na constitución de En Marea como partido instrumental temos observado como as posicións corporativas teñen gañado peso fronte ás posicións cooperativas,  relegado a capacidade de información e influencia das activistas das Mareas”.

Tras o resultado da elección ao Consello das Mareas atopámonos nun momento novo no que xa non caben “desculpas nin miramentos”. Para os promotores desta iniciativa “agora toca traballar pola democratización da organización, por ser ese elemento canalizador e vertebrador dun proxecto que xere ilusión, e onde as persoas se sintan representadas”.

Segundo o chamamento que a partir de hoxe estará publicado no sitio de Marea Aberta para que se poidan ir sumando novas persoas “a construción dun proxecto plural para a maioría so é posible desde o recoñecemento  da pluralidade como unha riqueza e non como unha anomalía, onde os códigos éticos  non son proclamas benintencionadas senón manuais de aplicación práctica, onde o proxecto nacional non sexa a suma dun suposto polo nacionalista e outro federalista senón a construción  democrática dun pobo desde a súa aceptación cívica colectiva, onde a radicalidade democrática non sexa unha consigna de moda senón unha practica indisoluble da nova  política”.

O chamamento ten unha serie de demandas para En Marea:

  • Que a ética sexa o frontispicio da política, convertendo o Código Ético no documento central polo que se guíe a actuación de En Marea e se aplique sen ningún tipo de ambigüidade e de xeito inmediato.
  • Que o respecto ás persoas, a súa honorabilidade e o dereito á discrepancia sexa un elemento que non se poida traspasar por ninguén, colectiva ou individualmente, e que a falla de respecto ás persoas teña como consecuencia a reprobación inmediata.
  • Que a participación sexa real e en pé de igualdade asegurando a ‘xuntanza semestral do plenario’, a ‘elección en primarias de todas as representantes’ e onde as ‘decisións estratéxicas sexan sometidas a referendo por sufraxio universal’.
  • Que a transparencia sexa absoluta onde ‘toda a cidadanía poderá coñecer periodicamente todos os ingresos e gastos da organización’ e os acordos dos seus órganos políticos.
  • Que o activismo e o altruísmo sexan a norma de conduta dos seus dirixentes e representantes. A Coordinadora Nacional debe basearse no principio de ‘non remuneración’.

Pero a iniciativa vai máis alo do contorno de En Marea e pretende interpelar a activistas sociais e mareantas comprometidas coa nación e coas súas xentes que sofren as políticas de recortes sociais e precariedade democrática.

Activar un espazo de reflexión conxunta sobre a situación de En Marea e definir unha estratexia política pensada na maioría social” e “ser un grupo de acompañamento e de apoio entre activistas mareantes e militantes sociais, autentica masa crítica do cambio” son dúas das intencións dos promotores da iniciativa que xa traballan nun encontro para as próximas semanas.

Marea Aberta defende a constitución de En Marea como partido-movemento de carácter nacional, adscrición individual e sustentado nas mareas locais e nuns liderados internos claros seguindo o espírito da asemblea constituínte de En Marea.

Á vez de asegurar canles de información e coordinación entre mareas municipalistas é fundamental para que estas sexan o núcleo político central do proxecto nacional. A nosa vontade individual é fomentar encontros e foros de intercambio de información e iniciativas.

Para asinar: Ir á Web.

Web:
https://mareaberta.wordpress.com/

Correo-e:
mareaberta@gmail.com

Información baseada na enviada por:
Lucia Vizoso
-luciaxocaloma@gmail.com-
11 de fevereiro de 2017 00:31

________

sexta-feira, fevereiro 10, 2017

Convocado un acto de homenaxe a Victoria e Carmelo, polo Comité Cidadán de Emerxencia para a Ría de Ferrol, o sábado 11 de Febreiro, ás 12 do mediodía en Caranza - Vídeos


Homenaxe a Victoria e Carmelo
11 de febreiro de 2017


O sábado 11 de febreiro, o Comité Cidadán de Emerxencia lembra o IX Aniversario do falecemento de Carmelo Teixeiro Menéndez,(05.02.20108) primeiro Coordinador deste Comité e o IV da súa compañeira Victoria Fernández Paredes (08.11. 2013).

Con este motivo, convídase a toda a cidadanía, a celebrar un acto na súa lembranza, e na doutras persoas, xa falecidas, ligadas á loita contra o despropósito gasista, persoas como José Gabeiras, Tino Deibe, Santiago Torrente, Luis Matalobos, Ramón Capotillo, Xaime Quessada, que están presentes todos os anos na nosa memoria, lembramo-los con agarimo, xunto coa afirmación de continuar esta loita imprescindíbel, en defensa da legalidade, da Ría e da vida, contra a ubicación da perigosa, antieconómica e innecesaria Planta de Gas de Reganosa. O Acto consistirá, como xa é costume, nunha ofrenda floral e intervencións poético musicais, e terá lugar, ás 12 do mediodía, no Parque Carmelo Teixeiro, Caranza – Ferrol.

Agradeceremos así a Victoria e Carmelo, e por extensión ao resto dos compañeiros, o seu exemplo de solidariedade e entrega a todas as causas sociais, a súa militancia sindical, política e social de toda unha vida e sobre todo a loita mantida nos últimos anos en defensa da Ría e da vida, contra a ameaza permanente da Planta de Gas de Reganosa.

Ferrol polo mar e pola vida
https://www.youtube.com/watch?v=tvgqQFwTGds

Tres carballos para Carmelo
https://www.youtube.com/watch?v=4tea-BGn2y4

Foto: @ComitCEmerxenc.


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc



Enviado por:
comitecidadan
-comitecidadan@gmail.com-
9 de fevereiro de 2017 19:15

____________________

quinta-feira, fevereiro 09, 2017

A iniciativa informativa popular Diário Liberdade fai sete anos reivindicando ser útil e necessário - O projeto nascia em 2010 com vontade de humildemente na construçom de media popular de umha perspetiva internacionalista...


DIÁRIO LIBERDADE FAI SETE ANOS REIVINDICANDO SER "ÚTIL E NECESSÁRIO"

Ao total, som já mais de 40,000 matérias de informaçom e análise desde 8 de fevereiro de 2010, quando iniciava o seu trabalho o portal, gerido por umha associaçom cultural.

Figerom-se neste dia 8 de fevereiro sete anos de atividade do Diário Liberdade. O projeto nascia em 2010 com vontade de humildemente na construçom de media popular de umha perspetiva internacionalista que ajudasse a compartilhar debates, a conhecer a realidade da classe trabalhadora nos diferentes países de fala galego-portuguesa e as luitas travadas em cada um deles. Especificamente em chave galega, nacionalidade do portal, um dos objetivos claros era inserir de forma prática a Galiza na lusofonia no que diz a respeito da media popular.

"Os resultados obtidos até hoje confirmam nom que isso foi conseguido", explica o Coletivo Editor no seu editorial. Nascendo com quatro pessoas na Galiza, o Diário Liberdade conta hoje com umha equipa com presença física no Brasil, Portugal, Moçambique, Angola e os EUA, para além do país natal. Há que somar, ainda, centenas de colaboradoras e colaboradores noutros pontos do mundo. Para o Coletivo Editor, isso é "a demonstraçom prática contundente da suficiência da Galiza para se autogerir em igualdade com o resto de povos do mundo, da força do internacionalismo como parte irrenunciável da estratégia revolucionária, e ainda da capacidade que o compromisso coletivo dos e das trabalhadoras proporciona".

A Associaçom Cultural Diário Liberdade, entidade sem fins lucrativos que gere o portal, julga que "o Diário Liberdade mantém toda a sua utilidade" para a "a urgente e necessária recomposiçom da esquerda revolucionária" que permita enfrentar o "avanço do reacionário e fascista", para ela evidente em exemplos como o Estado Islámico ou Donald Trump. Reivindicam, entre outras, o progresso, a coerência e a profundidade, a batalha das ideias, o internacionalismo, o feminismo, o comunismo ou independência, que tentam reforçar através do meio popular.

Diário Liberdade aumentou variedade de atividades em 2016 e lançou novo portal

Como parte de um plano para desenvolver o projeto, o Coletivo Editor lembra que 2016 foi o ano em que a iniciativa conseguiu aumentar o leque de atividades. Assim, lançou a primeira ediçom de curso online sobre media popular lusófona, realizou umha turnê de debates por volta da obra 'O Imperialismo, fase superior do capitalismo', conseguiu estar presente com postos em eventos importantes na Galiza; lançou umha intensa campanha para captaçom de ativistas e editou novo material; para além, claro, de manter a sua atividade informativa e aumentou o foco internacional. A partir de "umha formulaçom estratégica que atualmente é o guia" do seu trabalho, contodo, o grupo destaca o lançamento em abril passado de um novo portal e de umha nova imagem.

Graças a esse trabalho, lembram, o Diário Liberdade mantém-se "como um dos meios de referência no mapa da comunicaçom popular no Brasil e em Portugal" enquanto é referência na internacionalizaçom informativa do caso galego.

"Isso todo foi possível graças ao apoio e o trabalho das colaboradoras/es, do próprio Coletivo Editor e de amigos e amigas do site", tanto com trabalho ativista quanto com apoio económico. Para já, o Diário Liberdade anuncia a recuperaçom da newsletter do Diário Liberdade, cuja qualidade melhorou nos últimos tempos e que começará a ser enviada já nesta semana (podes assinar neste link), assim como o próximo lançamento da sua campanha anual de financiamento.

--
Coletivo Editor

www.diarioliberdade.org

Enviado por:
Diário Liberdade
-info@diarioliberdade.org-
9 de fevereiro de 2017 16:20

__________

A Plataforma de Afectad@s pola Hipoteca elabora un 'Tutorial da PAH para calcular o gasto da cláusula chan' - Vídeo Tutorial - Folla de Cálculo


Desde a PAH elaboraron un novo documento útil, o Kit 46, para saber canto cobraron os bancos de máis, referente ás cláusulas chan e así poder reclamar esta cantidade co Kit 45. Para que o poida facer un mesmo, ou cunha pequena axuda, fixeron un vídeo tutorial que explica paso a paso como se calcula, de forma aproximada, o que estafou a banca coa cláusula chan desde que se firmou a hipoteca.

¡Esperamos que sexa útil! :)

Por unha banda:

1. Baixar a folla de cálculo.

2. Seguir o tutorial de vídeo que prepararon as comPAHs.

3. Destapa canto roubou a banca a cada unha.

4. Exercer os dereitos.

5. Seguir loitando coa PAH e os colectivos Stop-desafiuzamentos.

6. Pode-se !!


DOCUMENTOS ÚTILES


Kit - 45 Cláusula chan e reclamación de gastos
Como saber si teño cláusula chan? | Acceder/Baixar.

Modelo reclamación cláusula adoito. | Acceder/Baixar.

Modelo reclamación gastos. | Acceder/Baixar.

Preguntas frecuentes sobre cláusulas chan. Acceder/Baixar.
Kit - 46. Tutorial: folla de cálculo, cláusula chan e gastos.
Tutorial Youtube. | Ir a Canle.

Folla de calculoPAH. | Acceder/Baixar.
Web da PAH:
http://afectadosporlahipoteca.com/


Nin Casas sen Xente, Nin Xente sen Casas !
Contra o abuso bancario !
Polo dereito a unha vivenda digna e adecuada!
Si se Pode !! Saúde e Vivenda Digna !!

Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs.

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol

||||||||||||

quarta-feira, fevereiro 08, 2017

Apoio á iniciativa "Praza de Amada García" en Ferrol


A Asociación Cultural Memoria Histórica Democrática apoia a iniciativa surxida no Consello Sectorial da Muller de darlle o nome de Amada García á praza situada diante do Edificio Administrativo da Xunta de Galicia de Ferrol.

Amada, executada o 27 de xaneiro de 1938 no castelo de San Felipe, ao poco tempo de dar a luz, encarnaría, neste caso, a representación de todos os homes e mulleres que sufriron represión e morte, na nosa cidade, pola defensa dos ideais de legalidade, liberdade e progreso social.

De feito, son moitos os colectivos cidadáns que, nos últimos anos, difunden as súas convocatorias nese lugar usando a denominación “Praza de Amada García” como así a recoñece a maioría da cidadanía.

Animamos ao Goberno Municipal que leve a cabo, canto antes, os tramites plenarios necesarios, para culminar esta merecida homenaxe.

Amada García Rodríguez, natural e veciña de Mugardos, militante do Partido Comunista, estaba casada con Gabriel Toimil Dopico e tiña unha filla. Era unha muller politicamente moi activa e boa oradora, unha líder natural, polo que se granxeou as antipatías dos sectores máis conservadores da sociedade mugardesa.

Ao producirse o golpe de estado de 1936, as autoridades locais de Mugardos organizan a resistencia cos escasos medios que estaban á súa disposición. Neses días, Amada García estivo no Concello dando ánimos e colaborando na medida das súas posibilidades, como moitos outros veciños.

Coa vitoria dos militares sublevados, estes deteñen, xulgan e condenan a un elevado número de veciño/as do Concello (causas 42/37 e 379/37), entre eles Amada.

Cando se dita a sentenza de morte contra ela, estaba embarazada, polo que se retrasou a execución á espera de que nacera o seu fillo Gabriel. Tres meses despois, o 27 de xaneiro de 1938, foi fusilada xunto con outros sete compañeiros, no Castelo de San Felipe.

Desde hai varios anos, esta Asociación e outros colectivos cidadás, realizan, o 27 de xaneiro, unha ofrenda floral no foso do Castelo, en lembranza de Amada e de todas e todos os represaliados pola ditadura fascista, homenaxe que este 2017 convertíuse en Acto Institucional do Concello de Ferrol.

--
Visita as nosas páxinas web:
www.memoriahistoricademocratica.org
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol  @memoriaferrol

Enviado por:
Memoria Histórica Democrática
-memoriahistoricademocratica@gmail.com-
7 de fevereiro de 2017 08:34
_____________

Chegan ao Parlamento Europeo os trinta alcaldes e concelleiros galegos acompañados pola eurodeputada galega Lídia Senra


Lídia Senra participa, xunto a 30 alcaldes e concelleiras e concelleiros galegos, no Encontro Anual Realpe de representantes Locais Electos da Esquerda Europea. | Chegan ao Parlamento Europeo os trinta alcaldes e concelleiros galegos acompañados pola eurodeputada galega Lídia Senra. | Entre eles Álvaro Montes Celeiro, de Ferrol; Gustavo Pita Carballeira, de Ares; Xosé Manuel Pérez Sardiña, de Cabanas e María Chao Martínez, das Pontes.


A deputada galega Lídia Senra participará este mércores en Bruxelas, a partir das 15:00 horas, no Parlamento Europeo, no encontro anual REALPE de representantes locais electos, que organiza o Grupo Confederal da Esquerda Unitaria Europea/Esquerda Verde Nórdica (GUE/NGL) baixo o título de “Emprego, dereitos sociais e solidariedade desde os municipios”. Senra asistirá á xornada de debate acompañada por trinta persoas que na actualidade exercen de alcaldes ou concelleiras e concelleiros nos municipios galegos.

Na xornada, que se prolongará durante toda a tarde do mércores e a mañá do xoves, intercambiaranse experiencias entre cargos municipais de diferentes lugares da Unión Europea sobre políticas para o fomento do emprego, da defensa dos dereitos sociais e da acollida de persoas refuxiadas.

De Galiza, na iniciativa internacional participarán os alcaldes de  Salceda de Caselas e A Pobra do Caramiñal, Marcos Besada e Xosé Lois Piñeiro, respectivamente; así como os tenentes de alcalde de Cambados e Ferrol, Constantino Cordal Rodríguez e Álvaro Montes Celeiro. Tamén integran este grupo concelleiros e concelleiras como Fabiola Durán Pedroso, de Arbo; Sonia Vidal e Eladi Cid Babarro, de Xunqueira de Ambía; María Chao Martínez, das Pontes; Antonio Castro, de Rianxo; Mar Blanco Casais, da Estrada; Carlos Lorenzo Simón, de Toén; Ánxela Vizoso, de Cangas; Óscar Carrete, de Folgoso do Courel; Jorge González Lamas, de Pereiro do Aguiar, Jorge Vázquez Rodríguez, de Trives; Santiago Martínez López e Saleta Fernández de la Torre, de Cuntis; Manuel Seixas Caamaño e Noelia Estévez García, de Noia; Gustavo Pita Carballeira, de Ares; Maribel García Díaz, de Monforte; Celsa Oreiro Bermúdez e Óscar Blanco Tasende, de Val do Dubra; Manuel Siverio Miras Liñares, de Oroso; ou Xosé Manuel Pérez Sardiña, de Cabanas.

Todas e todos eles chegaron xa este martes ao mediodía a Bruxelas e comezaron a súa viaxe pola capital europea realizando hoxe pola tarde unha visita guiada ao Parlamento Europeo.

Lídia Senra, eurodeputada galega, integrada no Grupo Confederal da Esquerda Unitaria Europea/Esquerda Verde Nórdica (GUE/NGL)
lidia.senra@europarl.europa.eu

http://ageuropa.gal/


Enviado por:
AGEe Europa
-ageeneuropa@gmail.com-
7 de fevereiro de 2017 16:58
_____________

sábado, fevereiro 04, 2017

A eurodeputada galega Lídia Senra en Ferrol, o sábado 4 de febreiro, coa Xente do Mar, nunha rolda polos portos galegos, para abordar a regulación sobre a conservación dos recursos pesqueiros e a protección dos ecosistemas mariños


Lídia Senra en Ferrol sobre pesca este sábado. | Reunión de Lídia Senra con persoas pertencentes ao sector pesqueiro galego.


A deputada galega Lídia Senra continúa este sábado, 4 de febreiro, coas reunións co sector pesqueiro en diferentes puntos do litoral galego. Concretamente, Senra estará ás 11:00 horas na Confraría de Pescadores de Ferrol (no peirao de Curuxeiras). O obxectivo deste encontro é continuar coas xuntanzas con pescadores e pescadoras que Lídia Senra comezou en xaneiro en Corcubión, A Pobra do Caramiñal e Combarro, para abordar as modificacións para o sector que pretende introducir a UE mediante a Proposta de Regulamento do Parlamento Europeo e o Consello sobre a conservación dos recursos pesqueiros e a protección dos ecosistemas mariños con medidas técnicas. O encontro deste sábado en Ferrol está aberto aos medios de comunicación.

Encontro informativo con Lídia Senra e recollida de opinións

PROPOSTA DE REGULAMENTO DO PARLAMENTO EUROPEO E O CONSELLO SOBRE A CONSERVACIÓN DOS RECURSOS PESQUEIROS E A PROTECCIÓN DOS ECOSISTEMAS MARIÑOS CON MEDIDAS TÉCNICAS

Sábado 4 Febreiro, ás 11:00hrs, na Confraría de Pescadores de Ferrol, no Peirao de Curuxeiras, s/n Ferrol, Encontro con Lídia Senra, eurodeputada galega
__________

Máis información e/ou entrevistas:
Lídia Senra, eurodeputada galega, integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

lidia.senra@europarl.europa.eu

https://www.facebook.com/LidiaSenraRodriguez/

https://twitter.com/LidiaSenra

http://www.telegram.me/AGEuropa

http://ageuropa.gal/


Enviado por:
Comunicación Lídia Senra
-comunicacionlidiasenra@gmail.com-
3 de fevereiro de 2017 13:23

_____________________

Fotografia e teatro este sábado na Fundaçom Artábria - 4 de fevereiro, "Ferrol Vello": exposiçom de fotografias analógicas de Antia DC e a companhia eumesa DameCuerda QueTeatro traz coa adaptaçom da obra de Noel Coward "Un espirito burlón"


Fotografia e teatro este sábado na Fundaçom Artábria


Amanhá sábado 4 às 20hs decorrerá a inauguraçom da exposiçom de fotografias analógicas de Antia DC que leva por título "Ferrol Vello". Umha série de imagens do bairro portuário desde a ótica da fotógrafa ferrolana.

Também no sábado 4 às 22.00hs a companhia eumesa DameCuerda QueTeatro traz ao nosso Centro Social a adaptaçom da obra de Noel Coward "Un espirito burlón".

Prepara-te para rir nesta hilarante, fantasmagórica e disparatada comédia. A entrada é de graça.

Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
3 de fevereiro de 2017 17:40

______________